以賽亞書 63章1節 到 63章19節   背景資料  上一筆  下一筆
Chit章kah第六十四章中,有一篇上帝審判ê詩歌(參考六十三:1—6),o-ló上帝ê仁慈kah救恩(參考六十三:7—14),以及一篇祈禱ê詩歌(參考六十三:15—六十四:12)。有kóa學者認為第六十三章1到6節ê chit段敘述上帝審判之詩歌,是延續第五十九章20節後面。M̄-koh mā有學者認為是進一步teh解釋第六十二章12節所提起ê,上帝chit-má伸手拯救耶路撒冷。

第1節,chit節開始所描述ê ná親像一個守望者teh講話一般,「是甚麼人」tùi遙遠「以東」首都ê「波斯拉城」來?守望者繼續講chit-ê人「穿插華麗紅色棉袍」,就是「有拯救大能ê上主」,伊就是來宣告上帝救贖祂子民ê時刻來到à。

第2節,這守望者繼續提問講:「為甚麼伊穿插紅色ê棉袍,像踩踏葡萄kek酒ê人?」因為大家無瞭解,因為án-ne提出chit-ê問題。

第3到6節,chit段是上帝回答chit-ê守望者ê問題。

「踐踏萬國,像踩踏葡萄仝款」,chit句話已經說明上帝正teh進行祂ê審判,而其中mā包括「拯救」kah「懲罰」,hō͘上帝無閒到ná親像tú-teh踩踏葡萄ê工人仝款,無有時間thang歇睏。即使是án-ne無閒,上帝iáu無需要任何外力ê協助,因為如果需要外力來幫忙,chit位上帝就m̄是宇宙萬物ê創造者了。這表示上帝是獨一ê性命之主,mā是唯一ê審判者。就是因為無人來替上帝子民伸冤,tùi án-ne hō͘上帝感覺忿怒,而「親自」出手來打擊對方。Á當上帝一出手懲罰,對敵上帝ê落場一定真悲慘。Ná親像chia講ê,上帝是tī非常「忿怒下賤踏萬國,摧毀了」chiah-ê對敵者,hō͘ in「血流成河」,這是非常恐怖ê景象,mā是祂ê衣袍染滿「紅色」ê血跡ê原因。換句話講,當上帝出手打擊ê時,除了徹底毀滅外,lóng無生機。Ná親像創世記第十九章所描述ê所多瑪城kah蛾摩拉城仝款。

第7節,詩人講出以色列人民會「講述上帝ê慈愛」,描述上帝對以色列人民ê疼非常豐富,並且是用繼續無變ê疼顯chit-má祂子民ê身上。

第8到10節,chit段經文講述以色列人民後來因為「背叛」上帝,致使上帝成做「in ê仇敵,kah in做對」。M̄-koh in tī背叛上帝,受tio̍h ê性命苦難而悔改後」,上帝iáu疼in並親自拯救in。上帝會án-ne拯救in,就只因為為以色列人民kah祂bat立落來性命之約。Chia siōng特別ê所在,就是上帝並無因為以色列人民tī落魄受苦ê時就棄sak in,卻是kah in同齊「受苦」。Ná親像祂帶領以色列人民出埃及了後,以色列人民tī曠野漂流期間tòa tī帳棚內,上帝mā 跟tòe齊khiā起tī帳棚內(參考撒母耳記下七:6)。

注意chia ê背叛一詞,有含幾種意義:一是in棄sak上帝,去拜偶像神明。二是in無確實遵守in kah上帝所立ê「約」。三是in去做上帝看做邪惡ê事,特別是流無辜者ê血。

第11節,chit節連續出現兩pái「上主tī tó位?」chit句話,表明上帝子民心中對得tio̍h拯救ê期待非常燒熱切。chit-má tú-tio̍h苦難ê以色列人民,懇請chit位賞賜hō͘摩西力量ê chit位上帝,ē-tàng親像過去賞賜hō͘摩西ê氣力仝款,koh一pái顯chit-má以色列人民面前。

第12到14節,每pái談起摩西帶領以色列人民出埃及,續接一定tio̍h連結做伙談起ê,就是分開紅海ê水,hō͘以色列人民ē-tàng平安地行過,chit件事表明上帝ê「大能」藉這顯示神跡奇事。Koh講,chia mā用「馬」kah「牛」來譬喻上帝teh帶領以色列人民,hō͘ in ê「腳步穩健」,ná親像「kah-ná馬tī平原」奔馳,mā像牛無論行chē遠,lóng會記得in tńg去厝裡ê路徑,雖然行路ê速度真慢,m̄-koh結局會平安地行tńg到厝裡。換句話講,有上帝帶領,以色列人民就ē-tàng安穩地tńg去故鄉。

第15到17節,tùi chit節開始直到第六十四章12節,這是一段先知以賽亞為伊ê以色列同胞向上帝祈禱ê內容。Tī chit段祈禱文中,thang分做三段落,一是第六十三章15到19節;二是第六十四章1到7節;三是第六十四章8到12節。

Chit節呼籲上帝ê拯救,特別提起上帝ê特質是「神聖、榮耀」,而且擁有「大能」kah「慈愛憐憫」等,先知以賽亞祈求上帝m̄-thang「不理」苦難中ê以色列人民。理由是:上帝是以色列人民ê「老父」,chit種父子關係tùi非常早ê祖先亞伯拉罕時代就已經確立。就親像上帝ài摩西轉告埃及國王所講ê話,tī上帝眼中,以色列人民就親像上帝ê「大kiáⁿ」一般重要(參考出埃及記四:22)。為tio̍h án-ne之故,chit位詩人先知以賽亞祈求上帝ē-tàng「回心轉意」改變懲罰ê計畫,hō͘伊成做拯救ê恩典。Mā thang講,當真chē以色列人民棄sak上帝ê道路,心靈一直剛硬,聽bē落去上帝ê話ê時,懇求上帝m̄-thang輕視m̄-chhap,而tio̍h「為tio̍h hiah-ê頭尾服事」、以及「一直屬tī」上帝ê人,懇求上帝會伸出憐憫ê手拯救in脫離苦難。

第18到19節,chit兩節lóng是用反問ê句型表達心中懇切地ê祈求。先知表示,當敵人來統治以色列人民ê時chūn,mā同時「蹂躪」上帝ê「聖所」,m̄-koh in卻看bē-tio̍h上帝伸手阻擋敵人做chit種侮辱上帝ê動作,這hō͘以色列人民感覺上帝kah-ná無koh承認in是屬tī上帝ê子民仝款。


重新查詢 專卷研經 以賽亞書系列
錯誤回報,請聯繫comm[@]fhl.net