以賽亞書 50章1節 到 50章11節   背景資料  上一筆  下一筆
Chit章ê詩歌是用兩種當時ê人lóng清楚ê觀念來譬喻上帝kah以色列人之間ê關係,就是夫妻關係以及畜養奴隸ê制度作為教導。以色列人民一直kā上帝kah in民族之間ê關係,譬喻成夫妻。上帝是「丈夫」;以色列民族是上帝ê「bó͘」(參考以西結書十六:8)。雖然以色列人民一再背叛「丈夫」上帝,m̄-koh chit位慈悲ê上帝(丈夫)卻一直是深teh疼kah祂立約ê以色列人民(bó͘),這是kui本聖經提供一個重要觀念:上帝kah祂立約ê子民有永遠bē-tàng磨滅ê性命,ná親像夫妻連結成一體之關係。

Koh講,古代社會有蓄奴ê制度kah風俗。以色列人民tī戰敗了後,被販賣á是受掠為奴。M̄-koh上帝卻伸出救援ê手救助in,祂ài kā chiah-ê被賣為奴ê子民救贖回來,hō͘ in重新活tī有自由、有尊嚴ê環境下。

Chit章ē-sái講是繼續第四十九章所提起上帝會拯救以色列人民ê應允,上帝beh kā in tùi敵人巴比倫帝國手中拯救出來。M̄-koh ná親像頭前所提起過ê,chit件大好消息tī以色列人民中流傳開來後,出現出兩種聲音:一是以色列人民中間iáu是有人繼續án-ne問:上帝為甚麼tī以前hiat-ka̍k了in?二是上帝kám chiâⁿ實會伸手救助in脫離奴役in ê人ê手?Chit位既是詩人mā是先知ê以賽亞則持守tio̍h一貫ê理念:上帝一定會贖回in。因為以色列人民是祂親自揀選ê子民,而且是kah祂立約ê人民。

第1到3節,chit三節ē-sái講是一種隱喻ê方式,teh說明以色列人民會hō͘外族人俘虜去做奴隸ê主要原因是in棄sak了上帝,並m̄是上帝hiat-ka̍k in。

Ná親像頭前所提起ê,以色列人民tī奴役ê痛苦生活中,第一件想tio̍h ê事是認為上帝「趕走」in。Chia ê「趕走lín ê老母」kah「hō͘她休書」所beh表達ê意思lóng是teh指「離婚」。M̄-koh上帝提出反問「休書tī tó位」,表示無這tńg來事。Koh講,in認為會hông掠去做奴隸,kah-ná hō͘上帝hō͘賣仝款,上帝tī chia問以色列人民,「究竟是賣hō͘ toh一個」。上帝強調in會淪落成做奴隸,是因為in ê罪故。續落來上帝真清楚表達ê信息是:為甚麼以色列人民懷疑上帝拯救in ê能力?「為甚麼無人」回應上帝呼喊ê聲音?這是上帝提出ê反問,kám講以色列人民iáu teh懷疑上帝ê能力?只要看過去上帝帶領in祖先出埃及ê各種神跡,就會清楚明白上帝ê大能(參考參考出埃及記十:21—29、十二:30)。

第4節,tùi chit節開始到第9節ê chit段ē-sái講是第二階段ê先知以賽亞,以賽亞書總共有四首描述上帝奴僕ê詩歌,chit段是第三首,其它詩歌分別tī第四十二章1到4節;第四十九章1到7節;以及第四段是tī第五十二章13到五十三章12節。這四首詩歌lóng有一個特點:上帝ê奴僕是絕對忠實ê。

詩人tī chia開始就講上帝「教我講該講ê話」,chit句話已經清楚講出上帝奴僕ê使命kah責任,就是忠實tī上帝ê話,ná親像先知米該雅所講ê,上帝beh伊講甚麼,伊就講甚麼(參考列王記上廿二:14)。Á伊ê責任是去「安慰憂傷ê人」,為tio̍h án-ne,chit位奴僕每工ài做ê第一件事,就是注意聽上帝ê話語。

第5到6節,這奴僕真清楚上帝hō͘伊ê使命,以及伊應盡ê責任。因為án-ne,即使hō͘人「鞭phah」,á是「鬍鬚」被「拔」,甚至被「吐唾沫」tī伊ê「面上」,chit位忠實ê奴僕絕對會「忍受人ê侮辱」,bē「反叛」上帝,mā bē「違背」上帝ê旨意á是命令。

第7到9節,因為伊是上帝所揀選ê奴僕,因為án-ne,任何ê侮辱lóng無法度「傷害」伊,伊有堅忍ê毅力「勇敢忍受一切」,因為真清楚上帝就tī伊ê「身邊」,會替伊「伸冤」,而且tī上帝法庭,上帝mā會替伊「辯護」,因為án-ne,伊ē-tàng安然自在,m̄免驚惶。

第10節,chit節真清楚表示「凡是尊重上主、聽從伊ê奴僕教示ê人」,無論tú-tio̍h甚麼困境,lóng會知影「信靠上主,倚賴上帝」,因為知影上帝bē有看kah-ná無看tio̍h,á是袖手旁觀,上帝祂絕對會伸手救助,為祂忠實ê子民伸冤、辯護。

第11節,講出kui本聖經提供ê一則信息:上帝是會報應ê神。任何設羅網想beh陷害別人ê人,結果一定是掉進家己所設ê羅網中。

重新查詢 專卷研經 以賽亞書系列
錯誤回報,請聯繫comm[@]fhl.net