以賽亞書 37章1節 到 37章20節   背景資料  上一筆  下一筆
亞述帝國西拿基立皇帝是tī主前第705年登基,m̄-koh伊登基無久,境內各地就紛紛背叛、鬧獨立,猶大ê希西家王就是其中之一(參考列王記下十八:7)。為tio̍h án-ne緣故,西拿基立為tio̍h beh展示伊ê權威,就親自率兵直驅耶路撒冷,沿途攻佔真chē猶大城鎮。Chiah-ê被攻陷城鎮ê人民lóng被西拿基立流放á是販賣為奴。

為tio̍h beh保護耶路撒冷城免遭仝款ê慘狀,希西家王特別差遣使者到靠近耶路撒冷城無遠ê 拉吉城kah亞述皇帝西拿基立談判,為tio̍h án-ne付出了chē kah一萬公斤ê銀、一千公斤ê黃金(參考列王記下十八:14—16),以及其它真chē珍貴珠寶ê代價,m̄-koh並無滿足西拿基立ê心。伊the̍h-tio̍h chiah-ê「軍費賠償金」了後,iáu是繼續領兵到耶路撒冷城外紮營,對耶路撒冷城官員、人民造成非常大ê震撼、威脅。希西家王特別派出三位大臣kah亞述大將談判。M̄-koh in三人出去談判m̄-nā無成果,反tńg是被chit位亞述大臣侮辱到極點。In只有ē-tàng「悲痛地拆裂衫褲」,表示極大ê哀傷tńg來到城內向希西家王報告。以賽亞書第三十七章就是teh描述當希西家王聽tio̍h報告後,感覺無助、m̄知如何是好ê時,上帝ê奴僕先知以賽亞傳出上帝ê信息,除了鼓勵猶大人民外,mā hō͘ in希西家王極大ê鼓舞,堅定伊對上帝ê信心。

Chit段經文是記載chit三位猶大代表出去kah亞述大將談判失敗後,tńg來報hō͘希西家王,王知影了後反應。Chit段經文mā有一重要ê訊息,就是埃及派兵馳援猶大,亞述帝國只好將軍隊轉向應付埃及ê威脅,不過亞述皇帝西拿基立mā同時警告猶大,m̄-thang認為就án-ne thang高枕無憂,伊iáu是會koh一pái tńg來。希西家王iáu是只有ē-tàng祈求上帝ê庇護。
第1節,希西家王聽tio̍h chit三位大使ê報告後,非常悲憤,伊「拆裂衫褲,moa麻衣」來表示心內ê高度哀傷。然後「進入上主ê殿」向上帝哭訴來自亞述大將ê侮辱。這表示希西家王確實ná親像亞述大將所講ê,伊確實是óa靠上帝ê保護(參考以賽亞書三十六:15、18)。

第2到4節,希西家王ài chiah-ê大使kah「一kóa資深ê祭司去見亞摩斯ê kiáⁿ以賽亞先知」,這表示希西家王心中猶原以上帝ê話語做中心。因為先知siōng重要ê使命,就是傳達上帝ê信息。因為án-ne,chhōe先知,就是想beh知影上帝ê旨意。伊吩咐chiah-ê去見先知以賽亞ê使者,一定tio̍h談起幾件事:

一是chit-má國家面臨災難─亞述大軍包圍耶路撒冷城,當teh國家存亡ê時刻,所有國民會面臨「恥辱kah懲罰」。

二是亞述皇帝差伊ê大將來侮辱上帝。

三是猶大已經chhōe bē-tio̍h脫離災難ê路徑─ná親像「臨盆ê產婦,因身軀虛弱而難產」。

四是請求先知以賽亞為「殘存之民」求告上帝。Chia用「殘存之民」,意思是亞述帝國已經攻佔了猶大四十六座城,只chhun耶路撒冷而已。因為án-ne,chia ê「殘存之民」,就是teh指耶路撒冷城ê居民。

第5到7節,先知以賽亞kā希西家王ê臣僕講上帝已經啟示伊,ài in「m̄免因為亞述人講了侮辱」上帝ê話而驚惶。上帝已經計畫好,beh hō͘亞述皇帝「聽信謠言,趕tńg去本國,tī本土被刣」,chit件事tī本章第38節應驗。

第8到9節,亞述皇帝西拿基立率領大軍帶離「拉吉,去攻打附近ê立拿城」,為甚麼會án-ne?原因是tī第9節提起埃及ê「古實王特哈加領了埃及軍隊來攻打in」,因為án-ne西拿基立一定tio̍h先轉回頭北上去應付埃及王「特哈加」派出大軍救援猶大ê威脅。M̄-koh後來埃及ê救援軍無為耶路撒冷ê危機解圍,因為後來西拿基立iáu是iáu-koh率領大軍回頭來包圍耶路撒冷。

第10到13節,這是亞述皇帝西拿基立寫hō͘希西家王之信最後通牒ê主要內容。亞述皇帝西拿基立koh一pái kā希西家王講,伊會koh再tńg來,並且用真強硬ê語氣講無任何一個國家ē-tàng tùi伊決定「毀滅」ê名單中「佳哉免得」。然後伊講述已經佔領ê幾個出名ê城鎮,包括有:「歌散」、「哈蘭」、「利色」、「提拉撒」等,其實亞述帝國已經佔領了猶大附近共計chē kah四十六個城市。因為án-ne,伊真狂妄地問希西家王,有toh一kóa神明thang庇護得了伊想beh攻取ê城市?chit種講法是beh打擊希西家王對上帝ê信心,不beh期待耶和華上帝會來救耶路撒冷城。

第14節,希西家王kah第1節所提起ê動作仝款,tī siōng無助kah孤單ê時chūn,chhōe上帝ê幫助。伊kā西拿基立hō͘伊ê信「展開」khǹg tī「上主面前」,表示beh hō͘上帝親自看tio̍h西拿基立是án-ne teh侮辱祂。

第15到20節,這是希西家王向上帝祈禱ê內容。Chit篇簡短ê祈禱文,充分顯示希西家王對上帝有絕對ê信心。伊ê祈禱內容mā表明伊ê信仰告白,講上帝是「惟一ê」、「永遠活ê上帝」,而且是「創造天地」ê神,然後伊講亞述皇帝西拿基立「侮辱」了上帝ê神聖,而且kā真chē國家「夷為平地」,殘害了真chē人民ê性命,因為án-ne,伊懇求上帝來拯救。

重新查詢 專卷研經 以賽亞書系列
錯誤回報,請聯繫comm[@]fhl.net