以西結書 5章5節 到 5章17節   背景資料  上一筆  下一筆
Chit段講出上帝beh懲罰耶路撒冷ê主要原因,就是chit-ê城ê居民帶頭做上帝看做邪惡ê事,chiah會引起上帝chiah-ni̍h大ê忿怒。

第5節,chia用「至koân ê上主」,chit-ê詞是teh表示chit位創造ê上帝,是無法度用其它任何神明來比並ê。Chit位「至koân ê上主」teh過去bat kā以色列民族「放在世界ê中心,hō͘列國環繞它」,chit點特別是tī大衛王kah所羅門王時代thang看出來。

第6到7節,m̄-koh猶大人民,特別是歷代君王、眾領袖,並無珍惜上帝賞賜kā in賜福ê chit項恩典,竟然bē記得上帝頒布kā in賜福ê「誡命」、「律法」,而且是故意去「隨從列國ê風俗習慣」,嚴重ê程度是「比列國koh khah邪惡,比鄰國koh khah悖逆」,koh khah燒熱衷(參考以西結書十六:47,列王記下廿一:9)。

第8節,chit句「至koân ê上主宣佈」,表示上帝已經做出了判決,祂tio̍h成做家己選民ê「對敵」者,tio̍h「在列國面前審判」以色列民族,這等於是beh公開侮辱猶大人民仝款,chit種公開侮辱siōng快ê方式,就是hō͘外國入侵以色列ê猶大國境,mā就是後來發生ê巴比倫帝國滅亡猶大仝款。

第9到10節,chit句上帝「所憎恨ê」事其實只有一點,就是棄sak上帝,去拜偶像神明,因為án-ne上帝決定嚴厲懲罰以色列民族,而chit種懲罰是「從來m̄-bat有」、「以後mā不koh án-ne」,這ē-sái講是一pái空前絕後ê「懲罰」,ē-tàng想像會tio̍h,這是一pái猶大人民生kah死ê關鍵時刻。

Koh講,chia講出懲罰ê嚴重性是到à「父母tio̍h食kiáⁿ;kiáⁿ tio̍h食父母」,這ē-sái講是人間siōng悲慘ê時刻kah景象,hō͘人聽lóng會感覺毛骨悚然,而chit件事卻tī主前587到586年間發生了,he是巴比倫帝國圍困耶路撒冷城一年六個月期間,城內因為糧荒嚴重有ê景象(參考耶利米書十九:9,耶利米哀歌二:20、四:10)。就算無餓死ê人,上帝mā會「Kā僥倖殘存之民mā lóng趕散到各地去」,in lóng kā受掠伊去為奴。

第11節,上帝指「家己永恆ê性命chiù-chōa」,chit種句型真清楚teh表示:真正上帝,是永恆ê。Á永恆ê上帝,m̄是用人ê手造出來ê,祂是原本就已經存在ê,所有ê萬物lóng是祂創造ê(參考出埃及記三:14),相對ê,用人ê手所造出來ê一切,lóng是有限、目nih-á ê,只有tī上帝內面,chiah有永恆。「chiù-chōa」,這表示一定會成就ê事,絕對bē改變ê意思。上帝忿怒地控訴猶大人民做出「玷污我ê聖殿」ê事,意思是teh指kā崇拜虛假神明ê方式,引進耶路撒冷聖殿去做敬拜上帝。

Koh講,chia ê「玷污聖殿」mā有一種可能,是teh指in tī聖殿內設置偶像神明,chit點tī以西結書第八章有koh khah詳細描述。因為án-ne,上帝「一屑á都留情地殲滅」chit種褻瀆、玷污祂神聖ê所有景象。

第12節,重複敘述第2節所提ê。

第13節,chit節thang看出上帝確實到à忍無thang忍ê地步,因為án-ne,chiah會大怒來懲罰對祂「不忠」ê猶大人民。

第14到15節,當上帝嚴厲懲罰猶大人民了後,鄰國ê人民看tio̍h lóng會「嘲(sau)笑」in,甚至是「遠避」in,看in ná親像身上長了癩ko病ê病人一般,深驚受tio̍h感染。就ná同第12節所提起ê,有三分之一ê人會病死。

第16節,in會面臨「iau餓ê痛苦」,因為城內斷了糧食,而hit種痛苦就「kah-ná銳利ê箭刣滅」仝款,這kah父母一定tio̍h煮食家己ê嬰á來充飢仝款,心內ê痛ná親像被銳利ê箭射中一般。

第17節,chia ê「饑荒kah野獸」、「瘟疫、暴行,kah戰爭」等,lóng是上帝懲罰悖逆子民ê方式。

重新查詢 專卷研經 以西結書系列
錯誤回報,請聯繫comm[@]fhl.net