以西結書 3章4節 到 3章15節   背景資料  上一筆  下一筆
Chit段經文繼續第二章3節所講ê,上帝揀選先知以西結ê目的,就是beh差派伊向以色列人民傳達上帝ê信息。其實以色列人民並m̄是因為聽m̄-bat,卻是拒絕聽從上帝ê話語,因為in ê心固執剛硬。M̄-koh上帝beh先知以西結m̄-thang為tio̍h án-ne擔憂。祂beh hō͘先知以西結堅硬ná親像鑽石,chit種鼓勵ná親像呼召先知耶利米仝款(參考耶利米書一:18)。

第4到5節,上帝beh先知以西結去以色列人民hia,kā祂ê「話轉告in」,chit句話真清楚講tio̍h就是beh傳講祂ê信息。上帝mā特別強調並m̄是派先知以西結「到講話難bat ê外國人hia」,kā chit句話對照第10節,就thang看出上帝beh先知以西結去向家己ê同胞以色列人民傳信息,只要有人願意聽,絕對無語言上ê隔閡。

第6到7節,chit兩節是相對句型。

Chia強調上帝並m̄是派先知以西結去「hiah-ê大國」、「到hiah-ê講難bat ê外國話ê人hia」;相對tī hiah-ê大國、聽m̄-bat ê人,以色列算是一個小國(參考申命記七:7),而且又koh是先知以西結家己ê同胞,lóng聽bat,m̄-koh卻是「連一個mā m̄肯聽」上帝ê僕人先知以西結傳達ê信息,án-ne chiah是真正ê問題所在。原因是「in真是koh固執koh剛硬」,tùi祖先開始到現在一直都無改變(參考以西結書二:3—4,耶利米書十一:7—8)。 

第8到9節,chia講上帝beh hō͘先知以西結kah以色列人民「仝款固執剛硬」,m̄-koh chia ê「固執剛硬」一詞,kah第9節所提起ê「堅硬」,kah先知以西結ê名之含意仝款,表示立場堅定,m̄驚別人ê要脅,因為有上帝做伊ê砥柱,chit種態度kah上帝hō͘先知耶利米表達出來ê態度仝款(參考耶利米書一:18)。

Chit兩節mā講出一個重要區別,以色列人民ê心剛硬,是因為人拒絕上帝透過祂僕人傳出ê信息,而先知是上帝ê僕人,上帝為tio̍h beh hō͘祂ê僕人ē-tàng tī以色列人民威脅殺害ê環境下,iáu-koh bē因驚惶而放棄上帝ê信息,á是因為tú-tio̍h嚴重挫折就m̄知如何是好,á是會繼續傳揚上帝ê信息,chit種心是一種堅忍ê心,因為án-ne,第9節chia用「像鑽石仝款堅硬」,就是beh hō͘先知以西結「m̄免驚」chiah-ê來自人ê恐嚇、威脅力量。

第10到11節,上帝beh先知以西結「側耳聽」祂ê話,「並且記tī心裡」,然後ài伊「到流亡ê同胞hia」,「不管in聽m̄聽」,lóng tio̍h kā上帝ê信息傳達出來。即使知影以色列人民m̄聽先知以西結傳達ê信息,上帝iáu是beh祂ê僕人照樣去傳講。這mā說明傳達上帝ê信息siōng重要ê所在,並m̄是在tī對方聽m̄聽,卻是上帝ê僕人是m̄是:聽從上帝ê命令、旨意去傳達上帝ê信息。

第12節,「上帝ê靈kā我舉起來」,這表示現在ê先知以西結完全是tī上帝ê帶領之下,m̄是伊家己有甚麼能力。就tī chia ê時,先知以西結聽tio̍h身後有「隆隆ê聲音」teh講話,這表示上帝就出現tī伊ê身邊。伊聽tio̍h「tio̍h頌讚天頂上主ê榮耀」chit種聲音,chit句話mā說明一個基本信仰認知:無論人ê有甚麼力量,á是任何才華等,chiah-ê lóng是tùi上帝來ê賞賜,是上帝ê靈kah人同在chiah有ê。因為án-ne tio̍h用上帝賞賜ê chiah-ê能力所得tio̍h ê成果來榮耀上帝。

第13節,thang參考第一章23到24節。

Chit節講tio̍h四活物tī「空中飛翔」,mā說明坐tī四活物頂面寶座頂ê hit位主宰,已經發出命令,因為這四活物是beh聽從坐tī寶座頂面hit位ê命令(參考一:26—28)。

第14到15節,「上主ê能力大大地充滿我」,chit句話koh一pái出現tī第22節。

這「上主ê能力」,表示上帝ê靈、力量。上帝用祂ê靈kā先知以西結「提行」,意思是kā伊舉起離開地面。意思是伊被提起來像一隻鳥ê款,án-ne就ē-tàng tùi空中鳥瞰地面,看tio̍h kui個俘虜區裡ê以色列人民之狀況。當時伊ê感覺是「艱苦心koh氣憤」,這是因為真正hō͘上帝ê靈充滿ê人,已經失去自我,完全hō͘上帝使用。Á上帝beh用伊去傳達會hō͘人拒絕ê信息,而且是hō͘家己ê同胞拒絕,這是一種hō͘人心靈鬱卒ê事。換句話講,伊想beh拒絕,卻bē-tàng為力。想tio̍h去傳達koh bē有結果,就會感覺非常挫折。上帝kā先知以西結提起「迦巴魯河邊ê提勒亞筆」,hō͘伊「tī hia停留七工」,因為「所看tio̍h kah所聽見ê事」,hō͘伊tī hia發呆到「m̄知如何是好」,這必定kah tī俘虜營中看見悽慘ê生活狀態有關。

重新查詢 專卷研經 以西結書系列
錯誤回報,請聯繫comm[@]fhl.net