出埃及記 6章2節 到 6章13節   背景資料  上一筆  下一筆
Chit章tùi第2節開始,直到第七章13節,chit段經文lóng是屬tī「祭司文獻」ê資料。第六章ê重點teh紹介摩西kah亞倫ê族譜。Á第七章1到13節是上帝透過摩西向埃及國王提出最後ê通牒,若是不聽從,上帝會開始祂偉大ê神跡作為,展開一連串ê嚴厲懲罰。

Chit段經文tùi講述上帝呼召摩西開始,然後說明上帝beh拯救以色列人民離開埃及苦難之地,是因為上帝kah以色列人民ê祖先有約。雖然摩西kā上帝所kā伊講ê chiah-ê kah in祖先之間有約ê事,轉述hō͘以色列人民聽,m̄-koh in卻因為奴役ê痛苦,已經喪志,會失去信心,無koh聽摩西kah亞倫ê話。

第2節,一開始上帝就講「我是上主」,tī第8節上帝結束chit段對摩西講了後,mā是用「我是上主」做結語。其實,chit種編輯方式mā teh說明上帝就是萬物ê開始,mā是萬物ê結束,tú好是第三章14節所講ê「創始成終」ê上帝。因為án-ne,祂kah以色列人民ê祖先亞伯拉罕、以撒、雅各等人所立ê約,mā是永遠有效ê。

第3節,chit節講上帝是「全能ê上帝」。聖經講chit位創始成終ê上帝有三種特性,一是「全能ê」,二是「全知ê」,三是「全在ê」上帝。

第4到5節,因為上帝kah以色列人民ê祖先有立永遠ê約,ài kā迦南地賜hō͘ in。因為án-ne,chit-má聽見以色列人民tī埃及受苦ê聲音,mā tú好是chit-ê時chūn,伊thang帶領in離開埃及,實踐上帝kah以色列人民祖先ê約束ê關係。

第6到8節,上帝決定beh「伸出大能ê手」救以色列人民離開埃及,相對ê,就是beh懲罰埃及人kah國王,án-ne in chiah願意放開in ê手,hō͘以色列人民離開。Chia「大能ê手」,表明上帝是一個「全能」者。

第7節,chia上帝講:「我mā 會掠lín 做我ê 子民,我mā 會做lín ê 上帝。Lín 會知我是上主—línê 上帝,是 tùi 埃及人所 hō͘ lín 擔 ê 重擔chhōa lín 出來ê。(全民版)」chit句話就是聖經中描述上帝kah以色列人民ê約siōng典型之句型。有時kan-taⁿ會寫「我是lín ê上帝」,無講出「Lín是我ê子民」,lóng是teh表明約ê存在kah延續性,一直無停止過。

第9節,kā chit節對照第三章18節所講ê,以色列人民會聽從摩西完全顛倒。Chit節mā回應了第五章21節,埃及國王kah伊ê官員痛恨以色列人民,chhōe藉口beh殺害以色列人民,hō͘ in koh khah án怎都不聽摩西kah亞倫à。

第10到13節,chit段經文真清楚,連摩西mā受tio̍h相當大ê影響,對上帝koh一pái命hō͘伊去向國王傳達信息,lóng感覺beh行無力。伊對上帝講:「連以色列人lóng m̄聽我,國王會聽我?我是一個bē講話ê人。」伊koh一pái用chit種方式來表示拒絕上帝ê呼召。M̄-koh上帝卻命令摩西kah亞倫,m̄-nā beh去kā國王講,mā tio̍h去kā以色列人民講上帝ài in去帶領以色列人出埃及。Chia用「命令」,是一種加重語氣,表示非去bē-tàng。


重新查詢 專卷研經 出埃及記系列
錯誤回報,請聯繫comm[@]fhl.net