出埃及記 4章1節 到 4章17節   背景資料  上一筆  下一筆
Chit章是由「耶和華文獻」(第1到16節、第19到26節、第29到31節),kah「以羅伊」ê資料編輯做伙。主要是teh描述上帝怎樣hō͘摩西順服祂ê呼召,去埃及帶領以色列人民出來。

Chit段經文繼續描述摩西想出所有ê辦法beh推辭hō͘ 上帝揀選,m̄-koh當上帝決定了後,ná親像約拿 hit種跳進海裡,上帝mā是一定ài伊去完成「奴僕」的使命。

第1到5節,摩西用「以色列人m̄信我、不聽我」來推辭。Tī第三章11節記載摩西bat回答上帝講:「我是啥人ē-tàng去見法老,chhōa 以色列人出埃及?(全民版)」伊ê回答其實有理由,原因是伊乃是埃及朝廷ê要犯(參考二:15—16)。chit-má伊用以色列人民bē相信伊來推託,這mā是事實,因為當年伊就bat被in質疑過,hō͘伊心內感覺擔憂、不安(參考二:14)。

上帝用摩西顧羊群ê必備工作「手杖」做教材,賜hō͘伊有行神跡奇事ê氣力,á第一件神跡就是hō͘伊手中ê杖變成一條「蛇」。這「杖」mā teh代表權柄、能力。Á「蛇」,是當時埃及民間普遍供奉ê神祇之一,ná親像國王會用飯匙chhèng當做頭飾,表示真有權威kah能力,是埃及人敬畏ê神靈。M̄-koh卻是摩西手中thang控制、掌握ê器皿。上帝用chit種方式hō͘摩西被以色列人民信任,並知影摩西真有能力。

第6到8節,上帝繼續行第二個神跡,beh hō͘摩西知影伊ê雙手充滿tio̍h上帝所賜ê能力。Chit件神跡就是hō͘摩西ê雙手變成癩ko,chit種病tī當時認為是天譴病,是絕症。M̄-koh摩西卻有能力thang hō͘癩ko病來去自如,後來伊ê阿姊美莉安長大癩ko,mā是摩西祈禱了後á得醫(參考民數記十二:13—15)。上帝用chit-ê神跡mā是teh kā摩西講,以色列人民會相信伊,而且知影伊身上有極大ê能力thang醫病。因為若連癩ko病lóng ē-tàng醫,其它ê病koh khah m̄是問題。

第9節,這是第三件神跡,摩西ē-tàng hō͘埃及人敬奉ê尼羅河變色,無法度lim。因為摩西ē-tàng hō͘埃及全國人民所敬奉ê尼羅河神lóng為tio̍h án-ne變色,表示摩西是絕對thang信賴ê領導者。

第10到12節,摩西koh一pái推託,chit-pái伊用「無口才」來拒絕。伊甚至表示,就算上帝kah伊講chiah-ni̍h chē,用án-ne奇妙ê神跡奇事之能力賞賜hō͘伊,伊猶原堅定地拒絕。

M̄-koh上帝iáu是堅持beh揀選摩西。上帝hō͘摩西知影,祂m̄是beh揀選會講話ê人,卻是揀選忠實ê奴僕。忠實ê奴僕只要照上帝ê指示講話就對了(參考列王記上廿二:14)。

第13到17節,摩西iáu是拒絕上帝ê呼召,伊ài上帝差遣別人去。Chit-pái上帝「動怒」à。為tio̍h beh塞tiâu摩西講無「口才」ê藉口,上帝決定揀選摩西ê兄哥亞倫,伊是一個真有口才ê人,thang幫助摩西。

第16節是非常重要ê一節,講摩西teh代表上帝,所傳達ê信息lóng是上帝啟示伊講ê, ē-tàng tùi摩西身上kah信息,知影上帝ê旨意。Á伊手上ê杖,就是一個記號。

重新查詢 專卷研經 出埃及記系列
錯誤回報,請聯繫comm[@]fhl.net