出埃及記 36章2節 到 36章7節   背景資料  上一筆  下一筆
Chit章主要tī說明聖幕ê建造,thang參考第廿六章。

Chit段經文tú好說明以色列人確實心甘情願奉獻所有一切,來建造敬拜上帝ê聖幕。

第2節,chit節提起領導者是「比撒列」,伊是猶大支族ê人。Á伊ê副手「亞何利亞伯」,伊是「但」支派ê人。In lóng是「蒙上帝賜hō͘ chiah ē-tàng」ê人,mā包括所有樂意參與建造聖幕ê人在內,lóng是蒙上帝賞賜才華ê人。

第3到5節,chia講「每工早起,人民繼續帶來禮物,交hō͘摩西」。Hiah-ê人奉獻禮物,是chē到影響技工建造聖幕工程ê進行。因為án-ne,in去見摩西,hō͘摩西知影奉獻ê物件已經「超過了上主吩咐建造ê工程所需要ê。」這mā說明以色列人是真心奉獻,jú是感恩ê奉獻,就會感受tio̍h永遠不缺乏。

第6到7節,為tio̍h án-ne,摩西只好「hō͘人民m̄免koh再為聖幕奉獻」,因為以色列人所奉獻ê,「已夠完成全部工程有餘」。換句話講,是根據上帝ê吩咐建造,因為án-ne,上帝ài in怎樣造,in就怎樣造。M̄是跟tòe人ê意思,若根據人ê意思,真容易因為超過本來需要ê收入ê時,改變計畫並擴大範圍。M̄-koh,「按照上帝ê吩咐」就m̄免án-ne。

重新查詢 專卷研經 出埃及記系列
錯誤回報,請聯繫comm[@]fhl.net