出埃及記 32章15節 到 32章29節   背景資料  上一筆  下一筆
Chit段經文描述摩西帶上帝ài伊頒布hō͘以色列人ê誡命法版落山,卻看tio̍h以色列人當teh狂歡作樂拜金牛偶像,大忿怒,kā兩塊誡命法版摔毀tī土腳,同時決定kā參與膜拜金牛偶像ê以色列人刣死,á執行chit項命令ê就是利未族人。

第15到18節,摩西手上the̍h-tio̍h上帝「親自做ê這兩塊石版」,頂面刻有上帝頒布ê誡命,帶tio̍h伊忠心ê弟子約書亞落山,hit時約書亞iáu認為是teh相刣,m̄-koh摩西已經tùi上帝hō͘伊ê消息知影以色列人背叛上帝拜偶像ê聲音。

第19節,摩西kā上帝親手寫ê兩塊誡命石版「摔tī土腳,摔碎了」,表示以色列人kah上帝ê關係ná親像án-ne毀壞à。chit-ê誡命就是以色列人kah上帝之間「立性命ê約」ê記號。

第20到24節,摩西kā hit-ê金牛燒毀鎔化後,磨成粉,然後kā hiah-ê粉末掖tī水上,要求以色列人民lim落去,用chit種方式來kā以色列人講,hit-ê金牛偶像是虛假ê神明,人lóng thang kā它吞嚥落去,koh有甚麼好拜ê?Chit種搗毀偶像成灰ê方式mā tī後來ê猶大約西亞王重演一pái(參考列王記下廿三:15)。

摩西對亞倫非常受氣,雖然亞倫解釋伊替人民做chit隻金牛ê原因,m̄-koh mā因為chit件事,hō͘伊看出亞倫m̄-nā無能力帶領以色列人,甚至會「hō͘ in犯chit種重罪」,這mā是後來帶領以色列人ê領導權移交到約書亞身上ê原因。所謂「重罪」,是teh指悖逆上帝去拜偶像ê意思。

第25到29節,這是一段相當重要ê經文,講出信仰ê基本態度—性命ê選擇。上帝m̄准祂ê子民對祂不忠實,這mā是十誡中ê siōng基本誡命,就是第一誡所講ê:「我以外,不可敬拜別ê神明。」信仰既是性命ê選擇,就bē-tàng隨便。因為án-ne摩西要求「凡屬上主ê人」lóng到伊ê身邊,結果「所有利未人就lóng結集tī伊身邊」,in lóng聽從摩西ê命令,執行「淨化」ê懲罰,就án-ne約有三千拜偶像神明ê人被殺。Chit種事件對tī以後以色列人進入迦南地有相當ê教育作用,因為kui個出埃及ê運動,就是用「耶和華宗教」信仰teh帶領,因為án-ne,kā信仰內涵釐清是相當重要ê。Mā tùi chit件事,改變了創世記第四十九章第7節,雅各晚年詛咒利未人ê「分散tī以色列全境」,變成分別為聖ê祭司,專心tī聖所事奉祭祀禮儀ê祭司,提升利未族人tī以色列人心中ê地位。

重新查詢 專卷研經 出埃及記系列
錯誤回報,請聯繫comm[@]fhl.net