出埃及記 16章13節 到 16章21節   背景資料  上一筆  下一筆
第13到16節,chit段經文提起上帝實現祂ê應允,hō͘以色列人民有肉食,tī beh暗á ê時刻,祂差遣鵪鶉飛來,mā hō͘以色列人民tī天光ê晨間看見一層薄薄像霜仝款ê物件,chit種物件民數記第十一章7到9節形容是「芫荽子」,是種kah露水同齊落落來,thang kā它磨碎á是搗碎成粉,然後煮一煮做成餅。M̄-koh chit種物件ná親像申命記第八章3節所講ê,he是以色列人民ê祖先從來無看過、食過ê食物。Mā因為án-ne,以色列人民彼此問講:「這是甚麼?」chit句問話就是後來「嗎哪」ê意義。詩篇ê作者講「嗎哪」是「天使ê食物」(詩篇七十八:25)。摩西講這是上帝hō͘ in ê食物,m̄-koh ài in每一個人「各取所需要ê,每家ê每一個人只thang撿取兩公升」。

第17到19節,當以色列人民lóng聽從摩西ê吩咐出去撿了後,後來成(chiâⁿ)實經歷到:撿多ê無剩,撿少ê mā不缺,每一個人所撿ê tú tú好是伊所需要ê。Tùi chia in學習tio̍h知足ê信仰功課。

第20到21節,每一個團體中,lóng是會有故意不聽話ê人,chit種人lóng是用行動來表示不遵守團體規律,這tī信仰團體裡,就真hō͘人頭殼痛。以色列人民中間就有人對上帝ê應允表示懷疑,雖然已經親目睭金金看見鵪鶉kah嗎哪tī目睭前,in iáu是不聽摩西所講ê,只撿取每人每工所需要ê量to̍h ē-sái。In寧可撿得多,以備隔工無降落嗎哪,á是鵪鶉無koh出現。M̄-koh in多撿ê,卻lóng腐敗à。

重新查詢 專卷研經 出埃及記系列
錯誤回報,請聯繫comm[@]fhl.net