出埃及記 14章10節 到 14章20節 背景資料 上一筆 下一筆 |
當以色列人看見埃及ê追兵趕起來ê時,in驚恐ê程度,是ē-tàng想像會tio̍h ê。Mā tùi chia開始,看tio̍h以色列人chiap-chiap抱怨ê聲音,lóng teh表示in早已經習慣過奴隸ê生活à。 第10到12節,in向摩西埋怨,認為死tī埃及總比死tī曠野好。因為曠野會hō͘ in死無葬身ê所在。其實,in是寧可做奴隸,mā無願意為自由á死tī曠野。 第13到14節,摩西真清楚ài in m̄免驚,tio̍h對上帝有信心,因為上帝既然帶領in出埃及,必定會幫助in脫離埃及ê威脅。 第15到18節,上帝ài摩西kā伊手中ê杖伸向紅海,上帝beh帶領in過紅海。這是jōa-ni̍h-á偉大ê神跡ah!無任何神明有chit種能力。 第19到20節,上帝差派天使用雲柱kah火柱,保護以色列人隔開埃及ê追兵。為tio̍h是beh帶領以色列人行過紅海。 |