申命記 28章15節 到 28章68節   背景資料  上一筆  下一筆
Chit段漫長ê經文lóng是講tio̍h有關違背kah上帝所立ê約,無確實去遵行上帝ê誡命、律法,必定會受拖累,甚至致使滅國,人民hông掠去做奴隸。

第15節,chit節是chit段經文ê序言,說明若是棄sak上帝,違背祂ê旨意,就會有下列ê災難臨身。

第16到19節,chit段經文kah本章第3到6節相對照。表示違背上帝ê命令,會帶來土地荒廢,五穀不生,人口減少,表示性命力脆弱,而且事事lóng帶來詛咒,kah頭前ê帶來祝福顛倒。

第20到24節,chia提起上帝ê詛咒,包括傳染病猖獗,影響所及包括死亡威脅,氣候ê變化所帶來ê,m̄是豐沛ê雨水,顛倒ê是風沙、塵埃。Chiah-ê lóng是對人kah生存環境極大ê致命傷。

第25到37節,chit段經文thang看出違背上帝旨意所帶來ê慘狀,是瘟疫橫行,致使人民百病叢生;栽種無法度收成,因為敵人來侵犯,而且hông掠去做奴隸,收成kā白白供給敵人享受,á家己ê cha-bó͘-kiáⁿ被劫去做妓女等,受盡侮辱ê折磨。

第38到52節,田園會遇tio̍h荒廢,致使饑荒續接teh來,tī食bē飽ê情況下,變成體弱多病,無koh是一個強壯ê民族。Chit時chūn,敵人真輕易就ē-tàng俘虜in伊去,無任何人會憐恤in,別認為有堅強ê城池就ē-tàng安心,無上帝ê庇護、保守,一切lóng會成做空虛,所有ê一切lóng kā失落。

第53到57節,chit段經文所敘述ê慘狀,後來確實發生tī主前588年,當巴比倫帝國國王尼布kah尼掖率兵包圍攻打耶路撒冷城ê時,圍城長到十八個月之久,最後是全城被毀,聖殿被焚。只有留落來siōng貧困ê農民外,所有ê人lóng被俘虜到巴比倫去做奴隸(參考列王記下第廿五章)。就是tī he段圍城ê日子裡,猶太人民因為缺糧食,除了iau餓á死ê,mā有ê人是交換gín-á煮食來充飢(參考耶利米書十九:9,耶利米哀歌四:9—10,以西結書五:10)。

Tùi第15到68節整段關係敘述災禍ê內容來看,mā是先知耶利米時代一再提起ê警語,上帝tio̍h用「戰爭、飢荒、瘟疫」來懲罰背叛祂ê人(請參考耶利米書十八:21,廿一:7、9,廿八:8,廿九:17—18,三十二:24、36)。

重新查詢 專卷研經 申命記系列
錯誤回報,請聯繫comm[@]fhl.net