申命記 23章1節 到 23章8節   背景資料  上一筆  下一筆
第廿三到廿五章大多數條例lóng是kah生活規律有關。

Chit段經文是講tio̍h耶和華宗教信仰一個siōng基本ê信念,就是聖潔。如果會影響tio̍h聖潔ê,lóng一定tio̍h排除在外。掠tiâu chit-ê思想,就會明白in為甚麼會訂出chit種律法。

第1到2節,禁止「生殖器損傷á是被閹割ê人」加入聚會ê行列,是因為迦南人ê民間宗教中,參與宗教祭祀禮儀ê人,lóng需要有chit種記號。因為án-ne以色列人民就一定tio̍h禁止,為tio̍h是beh嚴格區別耶和華宗教信仰ê絕對純潔。生殖器被閹割,chit種人有ê是屬tī宮廷太監,á以色列人民後來因為亡國淪為奴隸後,mā被徵入宮廷當太監(參考但以理書一:3—5)。

因為án-ne,先知以賽亞預言將來ê日子,chiah-ê人ē-tàng重新加入上主ê聚會(以賽亞書五十六:4—5)。Á私生kiáⁿ,是因為m̄是正式婚姻生落來ê gín-á,是屬tī犯姦淫生落來ê gín-á。Chit種人通常lóng會被以色列人民看做是外邦人。

第3到6節,chit段經文提起亞們kah摩押人ê問題,摩押kah亞捫人出tī羅得kah cha-bó͘-kiáⁿ亂倫ê kiáⁿ孫(參考創世記十九:30—38),mā是屬tī無清氣ê族群,koh khah嚴重ê是in tī以色列人出埃及入迦南地途中,m̄-nā無協助,iáu設法阻止in前進,特別是摩押王iáu設計o͘-se巴蘭去對以色列人民講詛咒,並且iáu用cha-bó͘-gín-á誘惑以色列人民跟tòe淫亂(參考民數記第廿二到廿五章)。

第7到8節,有關以東人ê部分,thang參考申命記第二章4到6節。所謂是「親族」,是因為以東人是以掃ê kiáⁿ孫(參考創世記三十六:1),á以掃是雅各ê兄哥。Mā bē-tàng輕視埃及人,因為以色列人民bat寄居tī埃及,koh tī埃及期間,hō͘ kui個民族壯大起來。

重新查詢 專卷研經 申命記系列
錯誤回報,請聯繫comm[@]fhl.net