申命記 1章1節 到 1章5節   背景資料  下一筆
Ná親像頭前導言中已經講過ê,「申命記」,chit-ê名詞ê意思是「重申律法」,是根據申命記第十七章18節:「王登基了後,利未祭司beh抄寫一份上主ê律法hō͘伊。」如果照chit節來看,chit本冊ê號名應該是「重抄律法冊」chiah-tio̍h。不過,講它是「重申」mā對,因為chit本冊大部分lóng是teh重複敘述出埃及記、利未記、民數記中已經有記載過ê律法條例。

Chit段經文thang講是申命記ê序言。

第1節,chit節一開始就講「本冊是摩西ê語錄」,chit句話mā為chit本冊講出一個明顯ê特色,就是本經冊teh敘述上帝ê時,真少是上帝直接對以色列人民講話,lóng是透過摩西轉述。因為án-ne,mā thang án-ne講:申命記是摩西敘述上帝律法ê一本冊。Án-ne,thang理解chit本經冊中,有真chē律法規章是經過摩西解釋了後來形成ê典章律法。Tī chit-ê節mā提供真chē漂流曠野期間停留過ê地點。

第2到5節,koh一pái說明以下所講ê律法規章,lóng是tī出埃及了後ê第四十年十一月一日,摩西向以色列人民講,chit-ê時間是摩西臨死前一個gōa月,因為án-ne,差不多thang講是摩西最後ê交帶。值得注意ê,申命記作者ài kā出埃及記kah民數記所講ê西乃山,kā它稱做「何烈山」。Á「何烈」chit-ê詞,表示不毛之地,呈現曠野ê景色。就tī約旦河東岸ê摩押之地,摩西向以色列人民解說上帝ê律法規章。



重新查詢 專卷研經 申命記系列
錯誤回報,請聯繫comm[@]fhl.net