但以理書 6章14節 到 6章28節   背景資料  上一筆  下一筆
Chit段經文描寫大流士王tī艱苦心ê情況下,照伊頒發ê詔令kā但以理hiat去獅坑中,m̄-koh結果上帝kah但以理同在,並無傷害但以理,然後kā hiah-ê控告但以理ê官員hiat入去獅坑中,結果hiah-ê人lóng死tī獅ê嘴中。然後大流士國王發佈歌頌但以理ê上帝之頌詞,要求全國人民lóng一定tio̍h敬奉但以理所信靠ê上帝。

第14到15節,當大流士王聽tio̍h原來chiah-ê官員幕僚是為tio̍h要害死但以理chiah設計出這道詔令,心內艱苦心至極,真想beh救但以理。Á chiah-ê想要害死但以理ê官員則逼國王一定tio̍h趕緊執行伊所發出ê詔令。

第16到18節,國王無辦法只好kā但以理掠起來「hiat入去獅坑」,並且祝福伊ē-tàng得tio̍h「上帝搭救」。Mā為tio̍h beh防止但以理逃脫,坑口iáu用石頭堵起來,並且貼上蓋有國王印璽ê封條。Á國王整瞑無法度安息,因為伊掛念tio̍h但以理ê性命。

第19到20節,國王大流士是關心但以理ê安危,徹瞑未眠到天光ê時,急忙趕到獅坑去探望但以理,並且稱呼但以理為「永遠活ê上帝ê僕人」,問但以理是m̄是上帝有救伊「脫離獅ê口」?當國王發現但以理安然無恙,伊肯定但以理ê上帝就是「永遠活ê上帝」,伊ê問題真有意思,如果但以理無回答,表示但以理已經被獅食掉死去,chit種上帝,bē是「永遠活ê上帝」,因為「永遠活ê上帝」會看顧祂忠實ê僕人kah子民chiah-tio̍h。雖然大流士王看起來真關心但以理ê生死,m̄-koh伊mā想beh知影到底但以理不時teh紹介chit位全能ê上帝是m̄是真正就是「永遠活ê上帝」,án-ne chiah是大流士王話中ê意思。

第21到22節,chit時但以理回應大流士王ê詢問,並且tùi獅坑中kā大流士王講,上帝「差派天使來封tiâu獅ê口」,hō͘ chiah-ê獅無法度傷害伊。但以理強調上帝會án-ne做,是因為上帝知影但以理乃是「無辜」ê,伊並無做任何「冒犯」國王ê事。換句話講,但以理hō͘大流士王知影,真正ê問題m̄是tī伊,卻是tī hiah-ê設計chit-ê計謀之眾官員ê身上。

第23到24節,大流士王當然聽bat但以理話中ê含意,隨時命令人kā但以理tùi獅坑中khiú出來,然後koh「下令掠所有控告但以理ê人」,然後「Kā in kah in ê bó͘、kiáⁿ lóng hiat入去獅坑」,結果in lóng死tī獅ê嘴中。Chiah-ê被丟入獅坑ê官員,人iáu未落到坑底,就lóng被獅食掉了,可見chiah-ê獅已經是餓到一看見獵物,便迫不及待tùi坑底跳起來搶食à。

但以理書ê作者寫chiah-ê故事,其實是有一個目的,希望tī安提阿哥四世統治下受tio̍h迫害、誣陷ê以色列人民ē-tàng得安慰,beh hō͘伊ê同胞知影:hiah-ê誣陷in、hō͘ in受tio̍h迫害ê,有一工lóng會陷入家己所設計ê羅網中。

第25節ê「世界各國」,這只有ē-tàng是tī伊統治轄區之內行得通而已。

第26到27節,koh一pái強調但以理所敬拜ê上帝chiah是真實、「永生ê上帝」。因為是「永生ê上帝」,就teh表示祂chiah是真實,而且祂統治ê權柄chiah會「永遠長存」。

聖經ê作者ài用類似「永活ê上帝」來紹介上帝,表現在「永活」ê方面,就是以上帝會行神跡奇事來說明。Tùi帶領以色列人民出埃及、入曠野、進入迦南地,現在則拯救但以理,chiah-ê神跡奇事lóng tī說明chit位「永活」ê上帝並m̄是活tī某一個階段、某一個所在,卻是跨越ê時空ê上帝,而且bē受tio̍h人ê能力所限制,因為真正「永活」ê上帝,有祂家己ê工作計畫。

重新查詢 專卷研經 但以理書系列
錯誤回報,請聯繫comm[@]fhl.net