表面上看起來，但以理書是一本以但以理為主角ê經冊，m̄-koh讀起來卻kah-ná每一章lóng是獨立單元。親像：第三章ê經文內容kah前後文並無關連，第四章又koh是另外一個單元。然後，tī第五章卻換做另外一個朝代，現在chit章又koh是另外一個新ê朝代開始。故事iáu以但以理為主角，m̄-koh事件soah koh kah第三章真類似。第三章中只有提起但以理ê三個朋友被丟入火爐中，現在第六章則只有但以理被丟入獅坑裡。M̄-koh無論是第三章á是第六章，主要lóng tī說明一件重要ê信息：有上帝ê同在，即使性命面臨危險，mā m̄免擔心，因為上帝會保護祂忠心ê僕人。

	如果但以理書ê成冊背景是tī主前第二世紀希臘帝國安提阿哥四世統治ê時代，án-ne，咱thang看tio̍h安提阿哥四世就是對猶太人採取嚴厲ê「宗教淨化」政策，伊規定tī其統治轄區之內所有ê人民lóng一定tio̍h完全希臘化，而tī chit項希臘化政策之下，是包含宗教信仰ê要求在內。伊命令所有轄區之內ê人民lóng一定tio̍h信奉希臘人ê神明。伊極力推動希臘化ê宗教信仰，thang Kā chit種政策kā它稱做「宗教淨化政策」，它真直接就衝擊到以色列人民tī信仰上堅持保有ê：獨獨創造ê上帝chiah是真正神。Mā為tio̍h beh維持chit種信仰，tī安提阿哥四世統治之下ê猶太人確實mā為tio̍h án-ne付出了非常大ê性命代價。

    Tī第五章31節bat交帶過米底亞人大流士tī六十二歲ê時chūn，巴比倫帝國改由大流士統治。M̄-koh歷史上提供ê資料是波斯王塞魯士ê將軍「哥布利斯」（Gobryas）率軍攻入巴比倫城，並且結束loh巴比倫帝國ê時代。Á chia所提起ê大流士，乃是tī主前522年繼塞魯士王ê kiáⁿ「tú彼西斯」（Cambyses, 530〜522 B.C）為波斯帝國ê王，伊原本是國王ê侍從官，名叫「希斯伊斯比司」（Hystaspes, 522〜486 B.C），m̄-koh卻得tio̍h軍隊ê擁護，因為án-ne，當伊tī主前522年繼位為王ê時，隨時改名為「大流士」（Darius），伊一直掌權直到主前486年。

Koh講，歷史上ê資料mā無提起波斯帝國ê塞魯士王，á是大流士王有過迫害以色列人民ê宗教信仰之記錄，反卻是波斯帝國塞魯士王好款待以色列人民，鼓勵in回鄉重建家園（參考以斯拉記一：1—4）。因為án-ne，thang án-ne了解：但以理書ê作者並m̄是teh撰寫歷史史實，卻是重視chiah-ê故事beh表明ê信仰意義。

Chit段經文teh描述chit位新ê王聽從所有參謀政要ê建議，無明察he是in想beh陷害但以理而設計出ê計謀，因為án-ne，同意發佈一道禁止令， ài所有ê人除了向國王祈求外，禁止向任何神明祈禱。但以理決定抗令，繼續向上帝祈禱，hō͘伊面臨被判死刑ê危險。

第1到2節，tùi文中看tio̍h大流士王是一位真有政治謀略ê君王，伊tī全國設立一百二十個行政區，然後每一區lóng指派一人當行政管理首長，而但以理kah另外兩人管理這管理、監督這「一百二十個」行政首長。
	
第3節是作者想beh強調ê重點，是但以理有上帝同在。因為án-ne各項表現lóng真優秀。Ná親像第五章12節所ê仝款。

第4到5節，thang看出人性ê軟弱kah矛盾，就是忌chiah，chit款tāi-chì kah-ná tī每一個地方、每一個時代lóng無停發生。但以理就是tú-tio̍h了chit種問題，因伊ê能力太強而引起其他官員ê嫉妒，決定beh除掉但以理，m̄-koh發現唯一ē-tàng陷害伊ê，就是伊ê宗教信仰行為。

第6到8節，chit段經文是chiah-ê想beh陷害但以理ê官員ê計謀，in向國王獻策，ài國王頒佈命令規定全國官員tī「三十工內，bē-tàng向任何神明祈禱，á是向任何人祈求甚麼」，只准向國王祈求。真清楚這道宗教限制令其實就是針對但以理「量身訂造」ê。

第9到10節，國王接受chiah-ê臣僕ê建議，就親自簽署ê詔令，大流士王頒發這道詔令了後，但以理iáu是和平常仝款，無甚麼激烈ê反應，kah-ná無kā這道詔令當做一回事看待。伊當然mā知影詔令一出來，想beh更改mā無辦法，只有ê途徑就是走chhōe上帝ê幫助。伊就和平常仝款每工tī厝內樓頂ê房間ná朝ǹg耶路撒冷ê窗戶向上帝祈禱三pái。這是以色列人民tī國家滅亡了後，每工生活中lóng一定tio̍h遵守ê規律。詩篇ê作者tī詩歌中án-ne講：「Ê-hng、早起、中晝，我beh 哀傷吐氣；祂mā 會聽我ê 聲。(全民版)」（詩篇五十五：17）án-ne咱知影早起、中晝、暗時，每工三pái祈禱就是teh指chiah-ê時間。

第11到12節，因為但以理祈禱ê時是kā koh樓ê窗á大開，hiah-ê專心斟酌伊ê一舉一動ê仇敵因為án-ne掠tio̍h了chit-ê機會，就集合起來一狀告到國王大流士hia去。In提醒國王bat發出這道詔令，而且強調這是無法度更改ê詔令。國王mā同意in ê提醒，表示詔令確實是無法度更改。

第13節，chiah-ê官員主要想謀害ê對象是但以理，因為án-ne，in先向國王講但以理是「tùi猶大受掠來ê」，chit句話是含有藐視ê意味tī內面。Chiah-ê官員mā teh用語上強化但以理「不服從」國王頒佈ê詔令，繼續維持伊個人tī宗教信仰上ê規律。換句話講，chiah-ê人beh hō͘國王大流士認定但以理根本就無kā伊khǹg tī眼內，in ê主要目的，就是想用chit種方式hō͘國王下命令kā但以理丟入獅坑餵獅。