但以理書 3章19節 到 3章30節   背景資料  上一筆  下一筆
Chit段經文講出沙得拉、米沙、亞伯尼歌等三人被檢舉了後,被送到國王尼布甲尼撒王面前受審之經過,就是hō͘關入火爐ê窯裡去準備處死。M̄-koh上帝ê手伸入火爐中teh庇護in三個,致使in三人毫髮未傷,chiah hō͘尼布甲尼撒王深信in三人所堅持ê信仰態度是正確ê,並且下令以後bē-tàng koh再有任何人毀謗in三人。

    第19到21節,chit三節講出尼布甲尼撒王聽in三人ê回答後,「面色變了」,表示伊是氣到極點,因為伊原本想beh建立家己tī人民中間ê神明地位、siōng koân權威,taⁿ卻被chit三位原本是奴隸、現在被提拔起來做巴比倫省政務官ê猶太菁英所侮辱。因為án-ne,尼布甲尼撒王聽了後「大發雷霆」地下令,用比平常溫度koân出「七倍」ê火燒燒熱窯爐,就是為tio̍h beh燒死chit三位猶太菁英。

	第22到23節,chit兩節就是描述火爐比平常koân出「七倍」燒熱度ê現象,m̄-nā爐á關不住火,火舌mā tùi「爐冒出」來,而且iáu未燒死chit三位猶太菁英chìn前,就已經先燒死去「執行命令ê兵丁」。

	Tī第24節chìn前,天主教《思高聖經學會版本》聖經有一段長到六十六節ê經文是基督教聖經版本所無ê,tī基督教是kā chit段經文收集tī「次經」中。

    第24到25節,chit節講尼布甲尼撒王看見這情景,「驚奇地跳了起來」,隨時詢問身邊ê大臣伊所看見ê「三個人」m̄是被綁起來「扔敬燄火裡mah」?ē-sái講是尼布甲尼撒王卻看見有「四個人tī火中行來行去」,而且是「都無被縛tiâu,mā無一點燒灼ê款」,伊甚至講「ná第四個人看起來kah-ná是神」。Chit-ê「神」字mā thang當做「天使」解釋。

    第26到27節,chit兩節ē-sái講是kui個事件ê中心經文。Chia講尼布甲尼撒王親自對tio̍h燄火正熾ê窯爐,一一teh-hoah in ê名,請in三人出來。結果in三人「馬上tùi火中出來」,而在場ê有「總督、省長、副省長,kah其他官員lóng聚lóng Tī chit三個人周圍」,chit時in發現chit三個人身上連任何一點點á受傷mā無,包括in ê衫褲、毛髮lóng是安好無恙。

    第28節,chit時chūn ê尼布甲尼撒王終其尾講出o-ló ê聲音,伊o-ló chit三個人「寧可冒性命ê危險違抗」伊ê命令,絕對不坦覆 (thán-phak)拜任何神明,指「專一敬拜in ê上帝」。

    第29到30節,尼布甲尼撒王同時「下令」,ài全國ê人lóng bē-tàng「毀謗」in三人所敬拜ê上帝,若無,會嚴厲懲罰。此外,王koh hō͘ in三人升官。

重新查詢 專卷研經 但以理書系列
錯誤回報,請聯繫comm[@]fhl.net