但以理書 2章1節 到 2章13節   背景資料  上一筆  下一筆
如果kā但以理ê背景轉tńg來到主前第六世紀巴比倫帝國消滅猶大國,並且俘虜以色列人民到巴比倫去做奴隸ê背景來看,mā看tio̍h一個事實,就是巴比倫帝國對待以色列人民比亞述帝國溫和真chē。因為巴比倫帝國俘虜猶大國ê以色列人民去為in服務,而亞述帝國則kā北國以色列人民俘虜了後,kā in賣到外國去做奴隸。

	但以理書mā thang看tio̍h一件事:上帝就是智慧ê來源。作者主要用「解夢」做中心主題,談起人tī充滿危機ê環境中,siōng需要mā是siōng值得óa靠ê,就是智慧。Á聖經kā咱講,chit種生存ê智慧,並m̄是人生落來就有ê,mā m̄是tùi學習、讀冊中得tio̍h ê,chit種智慧是tùi認bat上帝中得tio̍h ê。因為上帝就是智慧ê開端(箴言九:10),上帝會幫助人tī困境中得tio̍h生存ê氣力,chit點是非常重要ê。

	tī第一章,已經看tio̍h但以理等四位猶大支族ê青年被選入宮廷無jōa久,就tú-tio̍h了麻煩—宮中食物可能是無清氣ê。如果in堅持m̄食,恐驚連性命lóng m̄保。M̄-koh in堅持了,而結果是得tio̍h了勝利,chit種勝利並m̄是伊有甚麼特別力量,mā m̄是用甚麼利益交換得tio̍h,卻是因為但以理等四個人對上帝ê絕對忠心,chit點mā是但以理書想beh kā讀者講ê一個重要信息。

    第二章開始敘述因為巴比倫國王眠夢,致使無法度入睡,而國內重要ê術士lóng無法度替國王解夢,hō͘國王感覺非常失望kah震怒,tùi án-ne下令tio̍h kā巴比倫所有ê王宮顧問,包括但以理等四人lóng刣死。後來因為但以理知影chit件事,伊請求國王hō͘伊來解夢。但以理祈求上帝幫助伊,結果解開了國王所做ê夢。

    經文記載巴比倫國王尼布甲尼撒做pháiⁿ夢,結果因為chhōe來ê巴比倫全國所有術士lóng無法度解開國王ê夢,hō͘國王一怒之下,決定處死chiah-ê無用ê術士。

第1到3節,「尼布甲尼撒在位ê第二年」,對照第一章1到2節,是主前605年約雅敬做王ê第三年(耶利米書soah講是第四年,參考耶利米書廿五:1),因為án-ne,chia應該就是主前第604年。Chit一年但以理等四個人尚且無法度入宮去做甚麼事。因為án-ne,天主教《思高聖經學會》版本用「第十二年」,認為án-ne比較khah接近事實。不過,tī《猶太人聖經「TANAKH—The Holy Scriptures」版本》mā是用「第二年」。

「眠夢」,聖經不時用「夢」來表示上帝ê啟示(參考創世記三十七:6、9)。因為「夢」是上帝ê啟示,因為án-ne,會解夢ê人,就是得tio̍h上帝賞賜ê高深智慧chiah有辦法做到(參考創世記四十:8)。尼布甲尼撒王顯然是做hō͘伊驚惶ê惡夢,hō͘伊「心內煩亂,無法度入睡」。因為án-ne,伊派人召來全國siōng好ê「占卜家、法術師、巫師、占星家等」,希望in ē-tàng替伊解夢。

第4節,chia講所有chiah-ê術士是「用亞蘭語回答王」chit句話。Mā就是tùi chit節開始,直到第七章止,chit段落lóng是用亞蘭文寫做ê,m̄是用希伯來文。這亞蘭語mā是當時當做普遍ê語言。耶穌mā是講亞蘭語。

第5到6節,國王講「Lín ài kā我ê夢kā我講」chit句話,表示尼布甲尼撒王已經bē記得伊做甚麼夢,m̄-koh卻ài hiah-ê被當代社會看做siōng有智慧ê術士講出伊所bē記得ê夢,如果講bē出來,就beh殺害in kah in ê厝。相對ê,若是in ē-tàng講出夢koh解釋夢ê意義,就會有「獎賞」kah「榮譽」。Chit種要求即使tī今á日mā無法度達到。

    第7節,chiah-ê有學問ê宮廷顧問koh一pái請求國王講出伊ê夢境,m̄-koh因為國王已經bē記得伊所做ê夢,因為án-ne chiah會有高度ê焦慮不安。

	第8到9節,國王尼布甲尼撒非常受氣,因為伊m̄-nā無感覺家己ê要求過份,而且iáu認為chiah-ê有學問ê顧問會要求伊kā夢講出來,乃是一種「拖延」之計。因為án-ne,伊要求chiah-ê宮廷顧問、術士一定tio̍h馬上講出來伊ê夢,並且解釋夢境ê意義,以此證明in確實有解夢ê能力。

	第10到11節,chit兩節thang講是但以理書siōng重要ê經文,作者就是beh hō͘讀者知影:天下無真正有智慧ê人,除非有上帝ê啟示。

作者特別強調「除了神明,無人ē-tàng回答」,原因真簡單,連國王lóng bē記得家己所做ê夢,ná別人koh khah無法度知影伊到底夢見了甚麼,koh khah免講beh替伊解夢,解開伊心內ê愁煩。

    「ē-sái講是神明不tī人間」,chit句話kah基督教信仰差別真大;因為基督教信仰認為上帝是無所不在ê神,上帝就tī人ê性命裡。人所無法度ê,tī上帝是事事lóng ē-tàng(參考創世紀十八:14,約伯記四十二:1,馬可福音十:27)。

第12到13節,為tio̍h án-ne,國王「大發雷霆」,下令tio̍h刣所有ê宮廷顧問,包括但以理in四個人。

重新查詢 專卷研經 但以理書系列
錯誤回報,請聯繫comm[@]fhl.net