使徒行傳 9章1節 到 9章18節   背景資料  上一筆  下一筆
使徒行傳第九章ē-sái講是真重要ê一段史料,特別是Tī chit段使徒保羅悔改歸屬耶穌ê事件,tī使徒行傳中iáu另外出現兩pái,總共三pái記載chit件事。除chit段經文是作者路加家己teh記述chit件事外,另外兩處lóng是使徒保羅受掠後見證ê時講ê(參考廿二:6—16、廿六:12—19)。Tī chit三段記述中,第九章ê chit段是siōng詳細ê。

第1到2節,chit兩節講tio̍h掃羅是繼續迫害基督徒。Chit兩節如果續接tī第八章3節後面,mā會真通順。

第4到6節,掃羅遇tio̍h koh活ê耶穌,chit-ê 事件中心tī koh活ê耶穌問掃羅講:「你為甚麼迫害我?」然後koh講:「我就是你所迫害ê耶穌。」這兩句話真重要,因為這說明基督教信仰上一個非常重要ê認知:迫害基督徒,就是等於teh迫害耶穌仝款,上帝絕對bē袖手旁觀。Thang án-ne堅信:迫害基督徒ê信仰,等於teh kah上帝對敵仝款,上帝bē靜默不語。當掃羅因為強光照射而趴倒tī土腳ê時,koh活ê耶穌ài伊起來進入大馬士革城內去,會透過別人來指示掃羅「該做ê事」。Á chit種人就是亞拿尼亞。

第7到9節,掃羅因為被強光照射而hō͘伊ê目睭看bē-tio̍h。Kah伊同行原本beh去掠人ê伙伴,chit時chūn lóng嚇呆了,m̄-nā講bē出話來,mā m̄知該怎樣辦。In是只有聽見koh活ê耶穌聲音,卻看bē-tio̍h人影。掃羅就án-ne有長到「三工看bē-tio̍h甚麼」,而這三工ná親像耶穌死去ê三工仝款。

第10到19節,chit段經文是回應了第6節所講ê,耶穌beh指示人來幫助掃羅,而chit種人就是亞拿尼亞。亞拿尼亞chit-ê人,tī第廿二章12節紹介伊是一位「虔誠、嚴守律法,深得大馬士革所有猶太人ê尊重」ê人,chit-ê名ê意思是「上帝是慈愛、憐憫ê主」。Koh活ê耶穌啟示亞拿尼亞去幫助掃羅ê時,亞拿尼亞本來有遲疑,m̄-koh koh活ê耶穌ài伊「做你去」,因為主已經揀選了伊「來事奉」福音ê事工,特別是「ài伊tī外邦人、君王,以及以色列人中間宣揚」耶穌ê名。Tī第16節先預言掃羅會因為傳福音ê緣故「tú-tio̍h種種ê苦難」。亞拿尼亞順服了koh活ê主耶穌差遣,當伊按手tī掃羅身上ê時,掃羅本來看bē-tio̍h ê目睭馬上「看會tio̍h,並且受聖神充滿」。M̄-nā án-ne,伊馬上接受亞拿尼亞為伊行洗禮。

重新查詢 專卷研經 使徒行傳系列
錯誤回報,請聯繫comm[@]fhl.net