使徒行傳 25章13節 到 25章27節   背景資料  上一筆  下一筆
第13到21節,chia說明非斯都一向訪ê亞基帕王簡單說明伊手上有一宗棘手案子,是前任總督腓力斯留落來未審完ê案件。伊確實有依規定審案過,m̄-koh提告ê一方並無夠額ê證據顯示被告有罪。伊強調這宗案件是屬tī「宗教上ê問題,以及一個名叫耶穌ê人;chit種人已經死去,保羅卻講伊iáu活teh」,因為án-ne,hō͘伊感覺m̄知應該án怎處理。因為羅馬政府賦予猶太人有信仰耶和華宗教ê信仰自由,in就不便介入猶太人ê宗教紛爭。Chit種觀點mā kah彼拉多審理耶穌ê案子本來ê態度仝款(請參考約翰福音十八:31)。Chit位亞基帕王就是第十二章所記載hit位刣死使徒雅各ê希律王ê kiáⁿ,一般稱伊為希律亞基帕二世。

第22節,亞基帕王表示家己mā想beh聽看使徒保羅ê講詞。

第23到28節,非斯都真聰明,伊用非常排場ê方式取悅亞基帕王,同時mā邀請各城「指揮官kah城裡ê顯貴」lóng出席chit場審問使徒保羅ê案子,因為有chiah-ê人出席,就等於tī伊審問此案背書仝款。伊mā表示若是使徒保羅堅持beh上訴羅馬法庭,伊就一定tio̍h寫明訴狀內容。問題是伊m̄知應該án怎寫chit份報告。

重新查詢 專卷研經 使徒行傳系列
錯誤回報,請聯繫comm[@]fhl.net