使徒行傳 24章1節 到 24章9節   背景資料  上一筆  下一筆
猶太人領導當局確實是想置使徒保羅tī死地了後chiah罷休。由大祭司亞拿尼亞帶頭,帶領幾個長老kah一個名叫帖土羅ê律師前往該撒利亞去,beh向腓力斯控告使徒保羅。

第2到9節,是帖土羅律師控告ê內容,主要有幾點:(1)使徒保羅是一個四界製造亂事ê人,是危險份子。(2)是拿撒勒教派ê領袖,意思是叛亂組織(á是非法組織)ê分子。(3)污辱了猶太人聖殿ê神聖。另外有一項是附帶ê控告,就是經文中無出現ê第7節,《現代中文譯本》聖經用附註khǹg tī邊á寫tio̍h:「阮原想beh按照阮ê律法審判伊,想bē到指揮官呂西亞硬加干涉,tùi阮手中kā伊搶去,並命令各原告lóng到你chia來。」換句話講,in chiah-ê人tī耶路撒冷想beh kā使徒保羅謀殺to̍h bē-sái得,teh指揮官呂西亞解送使徒保羅來該撒利亞後,in乾脆就連指揮官呂西亞mā告入去à。

Chiah-ê控告除了本來in就誣告ê第三項「污辱了猶太人聖殿ê神聖」之罪名外,前兩項koh khah是子虛烏有ê事,ná親像當年猶太人宗教領袖控告耶穌四界煽動人民mài繳稅hō͘羅馬皇帝仝款(參考路加福音廿三:2、5),是非常政治性ê,卻是罪證非常薄弱。

重新查詢 專卷研經 使徒行傳系列
錯誤回報,請聯繫comm[@]fhl.net