使徒行傳 16章11節 到 16章15節   背景資料  上一筆  下一筆
Chit段經文提起使徒保羅in來到「腓立比」chit-ê城市。這是馬其頓省ê一個重要城鎮,mā是羅馬帝國轄下ê重要據點,真chē退伍軍人khiā起tī此鎮。使徒保羅tī馬其頓開拓ê第一間教會就tī腓立比。

第13節,thang看出此城猶太人無chē,因為猶太人是凡有結過婚ê十個cha-po͘人就thang成立一個會堂。如果不足十個人,thang成立「祈禱ê所在」。使徒保羅每到一個城鎮就chhōe猶太人聚會ê場合,這mā看tio̍h使徒保羅tī外面出傳道之初,iáu是用猶太人為主要對象。呂底亞chit位婦女可能是一個富商,chiah有財力販賣紫色布匹。伊是「tùi推雅推喇城來ê婦人」,可能是嫁hō͘猶太人,對信仰真認真,因為án-ne,上帝「phah開伊ê心,hō͘伊留心注意聽」使徒保羅所傳講ê信息,伊kah伊一間ê人lóng領受使徒保羅hō͘ in施行ê洗禮。Tòe後伊邀請使徒保羅等人到in家去,繼續傳講福音信息。就án-ne,伊ê全家成做腓立比教會ê第一個受洗ê家庭,並且kā家己ê厝成做傳福音ê據點,腓立比教會就是tùi伊ê厝開始,成做歐洲第一間教會。

重新查詢 專卷研經 使徒行傳系列
錯誤回報,請聯繫comm[@]fhl.net