使徒行傳 14章8節 到 14章20節   背景資料  上一筆  下一筆
Chit段經文是描述使徒保羅kah巴拿巴tī路司得傳福音ê經歷。作者路加有意說明tī使徒保羅ê身上thang看見彼得ê影像。使徒保羅充滿tio̍h聖神ê能力,ē-tàng醫病,hō͘一個「生落來就瘸腿」ê人得tio̍h醫。使徒保羅ê醫方式kah彼得醫hit位生落來就瘸腿ê乞丐ê方式lóng仝款,m̄是用藥物,mā無用按手祈禱ê型態,卻是用「命令」ê語句。這說明一點:聖神ê能力m̄是用某一個種方式teh表達。只要是來自聖神ê氣力,即使是一句話mā ē-tàng顯現出力量。結果因為使徒保羅kah巴拿巴行了chit件醫ê神跡,被當地民眾看做是神明仝款,有一個「宙斯廟ê祭司,牽tio̍h牛,帶tio̍h花」beh來向使徒保羅kah巴拿巴獻祭。

第14到18節,這是非常重要ê見證,巴拿巴kah使徒保羅隨時阻止當地民眾做chit款tāi-chì。In kā路司得ê民眾講家己mā是人m̄是神,in只不過是福音ê見證者而已。真正賞賜性命kah萬物ê,是創造ê上帝,in ài路司得ê民眾認清chit點。M̄-koh顯然民眾聽bē落去,原因是in親目chiu金金看見使徒保羅kah巴拿巴有能力行神跡,tī in看法中,he是只有神明chiah有ê能力。

第19到20節,發生tī以哥念ê事件,mā tī chia發生,原因是有猶太人特別tùi「彼西底ê安提阿kah以哥念來」,in特別來鬧場,使弄民眾用石頭phah使徒保羅,認為已經phah死去伊,koh kā伊「拖到城外」,這kah謀殺是仝款。M̄-koh上帝庇護伊,hō͘伊tī眾人離開,只chhun眾門徒「環繞tio̍h伊ê時」,koh醒了過來,khiā起來「行tńg來城裡去」。然後kah巴拿巴往「特庇」去。

重新查詢 專卷研經 使徒行傳系列
錯誤回報,請聯繫comm[@]fhl.net