Chit段經文是使徒行傳ê序言。作者先說明寫此史冊ê目的，就是beh紹介眾使徒如何在聖神充滿之下，到各地去傳福音，見證耶穌koh活信息ê腳跡。

第1到2節，chia講tio̍h作者「所寫ê第一部冊」，指ê就是路加福音。Tī該福音書中有詳細記載耶穌出來傳福音到死而koh活了後，lóng有「藉tio̍h聖神ê氣力」hō͘祂ê門徒真chē指示。

第3節，chit節thang對照使徒保羅所寫ê哥林多前書第十五章5 到8節，講koh活ê耶穌hō͘真chē人看過。

第4到5節，作者路加講耶穌交帶門徒「mài離開耶路撒冷」，kah路加福音第廿四章47節，以及第52節等等，lóng thang看出作者認為耶路撒冷乃是傳開福音ê中心地點。並且認為耶穌ê門徒ê行洗禮，會帶有聖神ê氣力。