撒母耳記下 5章17節 到 5章25節   背景資料  上一筆  下一筆
Chit段經文同時記載tī歷代志上第十四章8到17節。記載非利士人決定對大衛出兵爭戰。大衛過去bat是非利士人庇護ê一名政治犯(參考撒母耳記上第廿七章),m̄-koh非利士人mā bat懷疑伊ê忠心,而拒絕hō͘伊參與出兵攻打掃羅時代ê以色列軍隊(參考撒母耳記上第廿九章)。chit-má非利士人決定出兵phah大衛,是因為聽tio̍h大衛整合了kui個以色列民族十二個支派,這對非利士人來講,已經thang感受tio̍h chit-ê過去in眼中ê小國,已經bē-tàng忽視。因為án-ne,決定出兵討伐,主要目的是beh削弱大衛ê實力。

第17到19節,ná親像過去仝款,大衛聽tio̍h非利士人已經來侵犯以色列ê土地,伊就詢問上帝ê旨意,是m̄是thang出兵攻打。上帝hō͘伊ê回應是thang去phah,上帝一定會hō͘伊戰勝非利士人。

第20到21節,果然kah頂面仝款帝hō͘大衛ê應允,大衛率領部下phah敗非利士人,in無閒逃命連偶像神明lóng棄sakà。因為in ê神明無法度庇護in kah上帝所庇護ê以色列軍隊對抗。

第22到25節,這是非利士人重新整軍備戰,in m̄相信大衛治理之下ê以色列是án-ne勇猛、善戰。M̄-koh大衛並無因為頂pái ê戰勝而驕傲,伊iáu是仝款詢問上帝,是m̄是該去進攻非利士人佔領ê地區。上帝koh一pái指示大衛該進攻ê方式,ài伊「聽tio̍h樹梢有腳步聲音,馬上進攻」,這表示上帝已經tī頭前替以色列軍隊攻擊非利士人à。大衛照上帝ê指示行軍,果然koh一pái kā非利士人phah敗。

重新查詢 專卷研經 撒母耳記下系列
錯誤回報,請聯繫comm[@]fhl.net