撒母耳記下 3章22節 到 3章30節   背景資料  上一筆  下一筆
Chit段經文是描述押尼珥歸降大衛tńg去厝裡途中,被大衛ê大將約押派人去追tńg來,並且kā伊掠tńg來刣死,報了亞撒烏被刣之仇。M̄-koh約押chit種行踏hō͘大衛寒心,m̄-nā為押尼珥親自主持葬禮,而且為押尼珥寫一首輓歌,最後,大衛tī臨終chìn前iáu特別交帶伊ê kiáⁿ所羅門一定ài會記得,mài hō͘約押「善終」。因為約押chit種行踏,等於teh宣告,伊ē-tàng m̄聽大衛ê話。

第22到25節,當約押kah大衛ê臣僕出兵,lóng phah贏tńg來,並且帶tńg來真chē戰利品,hit時押尼珥已經kah大衛結盟成立,因為án-ne,當約押相刣勝利tńg來,有人向伊報告chit件盟約ê事後,伊質問大衛為甚麼án-ne做?伊認為押尼珥是來欺騙大衛王ê。其實約押會án-ne講,是因為對押尼珥刣死亞撒烏ê事無法度釋懷,一直想辦法beh報仇。不過,另外有一種講法,認為約押無歡喜押尼珥加入大衛陣營,原因是押尼珥會成做伊ê「競爭者」,chit-má koh帶北部以色列來歸順,大衛必定會重視伊。加上押尼珥mā是一個勇kā,chit對約押ê地位kā造成威脅。

第26到27節,約押離開大衛就隨時去追逐押尼珥。押尼珥因為無kā約押追緝伊ê事想清楚,認為已經有大衛ê保證,必定是安全ê。因為án-ne,當約押假做beh kah伊秘密談話ê時,伊一輕鬆落來就被約押刺殺死,替小弟亞撒烏報了仇。

第28到30節,chit件殺害押尼珥ê事件傳到大衛後,大衛無法度忍受,詛咒約押kah伊ê後代。Thang看出大衛心中ê恨。

重新查詢 專卷研經 撒母耳記下系列
錯誤回報,請聯繫comm[@]fhl.net