撒母耳記上 6章1節 到 6章12節   背景資料  上一筆  下一筆
Chit章主要是說明非利士人後來決定kā約櫃送還hō͘以色列人ê經過。約櫃原本是非利士人相刣勝利ê戰利品,chit-má卻變成會hō͘人致死疾病ê燙手山芋,因為án-ne非利士人希望趕緊kā它還hō͘以色列人民,免得毒瘡ê災難繼續tī非利士人ê城市中蔓延開來。

非利士人看見無論約櫃遷徙到toh一個城市,就ē-sái災難降到收容它ê城市。因為án-ne,為tio̍h解決因約櫃所帶來ê災難,in只好詢問宗教師ê意見。宗教師ê意見,就是ài in kā約櫃送還以色列,並且tio̍h加上禮物同齊送tńg去,表示賠償ê意思。

第1到3節,這是約櫃tī非利士人中間停留經過七個月了後,in看tio̍h災難連連,逼到最後只好請in ê祭司kah占卜者來問處理ê方式。Chiah-ê祭司kah占卜者就是非利士人ê宗教師。所得tio̍h ê答案是beh歸還約櫃,iáu有就是beh向上帝獻禮物賠罪,án-ne chiah ē-tàng停止災難繼續擴大。這teh表示「請罪」,因為in kā約櫃當做貢品獻hō͘ in ê大袞神,已經褻瀆了約櫃ê神聖。

第4到9節,chiah-ê宗教師hō͘非利士人領袖ê建議如下:

一:五個金鑄ê「瘡皰」kah「老鼠」ê模型,顯然chit種傳染病是屬tī「鼠疫」á是「瘟疫」ê一種,類似「烏死病」。「五」,是teh代表非利士人ê「五」個城市。有點á類似以色列人民tī曠野ê時被蛇咬傷,鑄造銅蛇掛tī柱á頂,當做醫ê方式(參考民數記廿一:4—9)。

二:「向以色列ê上帝承認lín ê罪」,chit句話ê意思是teh指用chit種方式來「榮耀」、「尊敬」以色列ê上帝。Chit種用語mā表示:in承認今á日非利士人所tú-tio̍h ê災難,其實就是以色列上帝ê懲罰。因為án-ne,chiah需要向以色列ê上帝認罪。絕對bē-tàng親像埃及國王hit種,有心硬m̄肯承認錯誤 ê心態。

三:「用兩頭從來m̄-bat負過枷擔ê母牛」拉車,而車一定tio̍h是「新」ê,kah無負過枷擔ê母牛,lóng同時teh表示純潔、尊貴ê意思。Kā hiah-ê五個金鑄ê瘡皰模型kah五隻金鑄ê老鼠khǹg tī車上,連同約櫃同齊載運去「伯‧示麥」。Chit-ê所在根據約書亞記第十五章10節ê記載,是屬tī猶大支族佔領ê土地,mā是以色列人民kah非利士人土地ê交界處。M̄-koh chit-ê城mā是屬tī猶大支族中,被分配給利未族人khiā起ê城市(參考約書亞記廿一:16)。

如果這兩頭母牛是往chit-ê地方行,表示chiah-ê災難確實是以色列ê上帝對非利士人ê懲罰。

第10到12節,非利士人就照宗教師ê指示kah建議去做。

車上裝載ê,除了約櫃之外,iáu有一個箱á,內面裝tio̍h第4節所建議ê「五個金鑄ê瘡皰模型kah五隻金鑄ê老鼠」。非常準確地,這兩頭母牛並無因為in ê小牛犢被關tī牛欄裡,而回頭轉向,卻是朝ǹg伯‧示麥ê以色列人方向前進。Chiâⁿ實表示這是上帝降災難tī非利士人中間(第9節)。

重新查詢 專卷研經 撒母耳記上系列
錯誤回報,請聯繫comm[@]fhl.net