撒母耳記上 21章10節 到 21章15節   背景資料  上一筆  下一筆
Chit段經文為甚麼會編排插入tī-chia?確實有點á bē了解。因為若是kā第廿二章續落去tī第9節後面,應該是真容易明白,因為第廿二章講述tio̍h祭司亞希米勒因為協助大衛,結果全家族慘遭掃羅殺害。M̄-koh為甚麼會kā chit段大衛逃到非利士人迦特城ê記事,編排tī-chia?á是,為甚麼大衛會想beh逃到chit-ê城來bih起來?確實真oh理解。

Koh講,第廿七章1到7節mā有記載大衛逃到非利士人迦特城亞吉王hia去走chhōe庇護,m̄-nā án-ne,亞吉王iáu賞賜hō͘伊一個洗革拉城。因為án-ne,若是beh kā大衛走chhōe庇護ê事件比較有系統ê編輯做伙,應該是kā第廿一章10到15節chit段經文kah第廿七章1到7節ê經文編輯做伙,án-ne會比較有系統些。Mā有可能chit段經文kah第廿七章ê記事,是仝款ê資料mā無一定。

第10到11節,「迦特」,這是非利士人ê城,大衛逃到chia,thang來確定掃羅m̄敢進入hit-ê城緝拿伊。M̄-koh伊一入城,就hō͘人發見而通報hō͘ hit-ê城ê王亞吉知影。

第12到13節,為tio̍h beh躲避亞吉王發見是伊而遇tio̍h報復,大衛就故意裝瘋、「亂寫亂畫」,而且故意「hō͘唾沫流到鬍子上」等,chiah-ê動作hō͘伊避開了被掠ê危險。聖經時代留長鬍子是一種榮譽kah尊貴ê象徵。這mā是摩西律法會要求「離俗人」(拿細耳人)一定tio̍h留長髮kah鬍子ê原因(參考民數記六:6—9)。chit-má大衛「hō͘唾沫流到鬍子」,這已經teh說明大衛玷污了家己。Chit種人,是lah-sap、無清氣ê人。甚麼人接觸tio̍h chit種人,mā會跟tòe倒楣。其實,古代人有一個觀念,認為精神失常ê人,是受tio̍h神ê詛咒、折磨。因為án-ne, tio̍h遠離chit種人,會比較khah安全,免得連帶受罰。

第14到15節,亞吉發見大衛ê款,馬上就認定大衛是發起siáu。kā chit種人帶到國王面前是跟tòe tī侮辱國王仝款ê嚴重。因為án-ne,伊真無歡喜伊ê臣僕帶大衛去伊面前。亞吉王ê chiah-ê話,顯示伊並m̄知大衛是tī家己ê城內被發見ê。Á tùi亞吉王ê話中thang推測當時迦特城內可能有bē少瘋子。

重新查詢 專卷研經 撒母耳記上系列
錯誤回報,請聯繫comm[@]fhl.net