撒母耳記上 20章24節 到 20章42節   背景資料  上一筆  下一筆
Chit段經文證實了大衛ê煩惱:掃羅確實beh殺害伊。Á約拿單mā因為chit件事,對老父掃羅非常不滿。因為伊親自經歷到老父掃羅連伊mā tio̍h殺害。

第24到26節,ná親像大衛kā約拿單講ê,王宮有例行ê飯局,第一工伊無參加,掃羅認為大衛可能「tú-tio̍h hō͘伊無清氣ê事」,chit句話可能是teh指利未記第十五章16到18節,申命記第廿三章10節ê律法規定,kah性行為有關ê事。

第27到29節,就ná親像大衛預先猜測到ê,當第二工伊iáu未出席飯局ê時,就會引起注意à。Chit時果然掃羅就問起大衛ê事。約拿單mā用事先kah大衛討論過ê答案回應,講大衛tńg來故鄉去參加家族ê聚會。

第30到31節,無錯,chit時掃羅真正大發雷霆,指責約拿單,罵伊是「畜生」。伊之所以án-ne受氣,是因為當老父ê掃羅想beh kā王位讓hō͘ kiáⁿ約拿單,m̄-koh約拿單卻m̄知只要大衛活teh一工,伊就無chit種機會。因為án-ne,chiah會想beh設計殺害大衛。伊下令無論án怎,一定會kā大衛帶來處死。

第32到34節,約拿單雖然被嚴厲責備,伊猶原質疑地問掃羅為甚麼beh刣大衛。掃羅是jú聽jú受氣,the̍h起伊ê矛向約拿單丟tàn過去,想beh殺害伊。約拿單為tio̍h án-ne非常受氣mā真oh過到kui工都無食飯,因為伊chiah發見掃羅確實想beh刣大衛。

第35到40節,次日約拿單照樣去事先約好ê所在練習射箭,並且帶一個童子替伊拾箭,然後利用拾箭ê機會hō͘大衛知影伊一定tio̍h逃離掃羅。

第41到42節,chit時chūn,大衛tùi bih起來ê所在出來,伊感謝約拿單隱藏伊、庇護伊、愛伊。大衛向約拿單保證,若有一工伊掌權,一定會信守所chiù ê chōa言,照顧約拿單ê家族。

重新查詢 專卷研經 撒母耳記上系列
錯誤回報,請聯繫comm[@]fhl.net