撒母耳記上 18章6節 到 18章16節   背景資料  上一筆  下一筆
Tùi第十八章6節開始,直到第三十一章掃羅往生為止,chit段佔撒母耳記上kā近半部篇幅,lóng是teh描寫掃羅kah大衛之間緊張ê關係。這mā說明一件重要ê信息:大衛漸漸興起,而相對ê,掃羅想beh盡一切辦法beh阻止大衛,m̄-koh伊ê世代就tī大衛興起中漸漸無落,最後掃羅kah伊ê三個kiáⁿ lóng戰死沙場。作者teh描述大衛興起ê過程中,一再描述所有kah大衛接觸過ê人,lóng對大衛有好感。Mā因為chiah-ê周圍ê人對大衛ê疼護增加,相對ê,掃羅對大衛ê嫉妒心mā tòe增強。

Chit段經文是描述因為大衛刣死歌利亞而受tio̍h以色列人民ê歡呼愛戴,m̄-koh相對ê卻hō͘掃羅對大衛產生非常ê戒心,而chit種戒心ê另外一個反應,就是嫉妒。

第6到9節,因為大衛刣死歌利亞ê事件,引起以色列人民廣大ê迴響,當軍隊凱旋tńg來ê時,大家興高采烈地迎接凱旋歸來ê軍隊,m̄-koh khah高ê榮譽頌讚大衛ê英勇,chit句「掃羅刣死千千;大衛刣死萬萬」ê o-ló詩歌,引起掃羅相當不滿,心生妒忌。這第9節mā為以後掃羅一再設法beh殺害大衛留落來一個伏筆。

第10到11節,chia koh一pái提起掃羅ê病猶原繼續發作tio̍h,hō͘伊失去理性,chit pái伊the̍h起一支矛,準備ài刣死大衛,m̄-koh lóng被大衛躲開。顯然地,大衛過去thang用豎琴ê聲音安撫掃羅激動ê情緒,chit-má已經失去功效,chiah會發生chit款tāi-chì。

第12到16節,chia用「驚」字,tī第15節則用比較級,而且升級「koh khah驚」來形容大衛日漸興起,到第29節就用「koh khah驚」來描述,表示chit時ê掃羅對大衛ê態度是心中ê驚惶jú來jú強。因為án-ne,掃羅希望藉tio̍h相刣,hō͘大衛戰死沙場(參考十八:17、21、25)。M̄-koh因為有上帝ê同在,hō͘大衛m̄-nā tī戰場上安然無恙,而且每戰必勝。Mā因為án-ne,以色列人民對大衛koh khah是jú加愛戴。

重新查詢 專卷研經 撒母耳記上系列
錯誤回報,請聯繫comm[@]fhl.net