撒母耳記上 17章12節 到 17章40節   背景資料  上一筆  下一筆
Chit段經文顯然kah第十六章ê資料無仝,記載掃羅並m̄-bat大衛。M̄-koh Tī chit段經文中,thang看出幾件重要ê信息:

A.污辱上帝ê選民,就等於是污辱上帝ê名仝款ê嚴重。

B.有上帝同在ê人,即使面對tio̍h敵人mā不驚惶,就ná大衛ê詩所講ê:「我雖然行過死蔭ê 山谷,mā m̄ 驚災害,因為祢kah 我同在;祢ê 槌、祢ê 柺安慰我。(全民版)」(詩篇廿三:4)

C.大衛m̄是靠武力取勝,卻是靠tio̍h上帝賞賜ê智慧。箴言說智慧乃是tùi敬畏上帝得來ê(參考箴言九:10)。

Chit段經文描述大衛受老父之命,到前線去探望伊ê眾兄哥。Chia mā同時說明大衛án怎看待歌利亞向以色列軍隊ê挑釁。大衛雖然年紀輕輕,m̄-koh因為有上帝kah伊同在ê緣故,而充滿tio̍h勇氣。所以,伊請求掃羅hō͘伊代表以色列軍隊,接受歌利亞ê挑戰。

第12到15節,chit段經文koh一pái簡略地紹介耶西kah伊ê家庭。當掃羅做王ê時,耶西已經有三個kiáⁿ去做兵。大衛替chiah-ê眾兄哥看顧羊群。

第16節,chit節講非利士人向以色列軍隊挑釁已長到「四十工」之久,這表示已經到à以色列軍隊無法度容忍ê地步,m̄-koh in soah koh m̄敢出去應戰,因為大家lóng驚歌利亞,無人敢出去。

第17到19節,當兩軍對恃ê時chūn,chit時chūn耶西忽然ài大衛帶食物去前線看伊ê三個兄哥,除了hō͘家己ê兄哥外,mā同時hō͘指揮官。然後叫大衛帶一點物件tńg來,好證明伊確實是有去看tio̍h in,而且in一切lóng好。M̄-koh有另外一種看法,認為這是teh說明,耶西是beh大衛去軍隊the̍h軍餉tńg來供給家用。因為伊有三個kiáⁿteh服兵役,對抗非利士人。

第20到25節,chit段經文是teh描述前線ê情景:以色列軍隊原本認為有能力thang對抗非利士人,m̄-koh每pái看見歌利亞出來挑釁,in就驚到趕緊走tńg來家己ê營寨bih起來m̄敢出去。Mā因為án-ne,掃羅王就提出刣死歌利亞就有三項豐厚ê獎賞:一是thang得tio̍h一大筆獎金。二是thang娶掃羅王ê cha-bó͘-kiáⁿ。三是稅賦全免。可惜,無人敢為tio̍h án-ne獎賞賣命,因為大家lóng驚惶歌利亞。

第26到27節,大衛kah-ná對所有ê狀況lóng真生份,因為án-ne詢問身邊ê人。「未受割禮ê非利士人」,chit句話帶有藐視ê意味(參考三十一:4,士師記十五:18)。Chit句話表明以色列人民kah上帝之間有特殊關係,而「割禮」是in siōng引認為榮ê記號。M̄-koh chit句話iáu有另外一個意義,就是以色列人khiā起ê土地,不准非利士人入侵(參考創世記十七:7—14)。

「藐視永遠活ê上帝ê軍隊」,chit句話mā出現tī第36節中。表明以色列人民就是上帝ê軍隊,因為án-ne,上帝就是以色列人ê總司令(參考約書亞記五:14、15,撒母耳記上十七:36)。Mā因為án-ne,聖經作者常用「萬軍ê統帥」來稱呼上帝(參考撒母耳記上十五:2,撒母耳記下七:26,詩篇廿四:10、四十八:8,以賽亞書一:9、五:16、九:7、十:23、十三:4、十四:22、四十七:4,耶利米書十九:11、三十二:18、四十六:10、四十八:15、五十:25,何西阿書十二:5,哈該書二:23)。Chit種用法有兩種意義,除了表明以色列人民就ná親像是上帝ê軍隊,上帝親自帶領in相刣(參考出埃及記十四:25、31、十五:3、十七:16,約書亞記十:14)。Koh講,mā表明上帝家己擁有軍隊—天使(參考以賽亞書三十七:36)。

第28到30節,大衛ê大兄因為m̄知是老父派大衛來軍營ê,因為án-ne,chiah會kā伊譴責無應該丟下看顧羊群ê工作。M̄-koh這mā暗示了以利押m̄知大衛已經被膏立為王ê事。Á大衛tī以色列軍隊ê營寨中詢問軍情ê時,mā thang看出大衛已經長大了,有獨立ê看法kah意見。

第31到37節,有人kā大衛紹介hō͘掃羅認bat。掃羅聽大衛beh去對付歌利亞,起先無仝意,認為伊太嫩無任何相刣ê經歷。M̄-koh大衛hō͘掃羅王知影伊有能力phah敗獅、熊chiah-ni̍h兇暴ê野獸,必定ē-tàng phah敗歌利亞。因為chit種講法,hō͘掃羅王決定hō͘大衛去phah歌利亞。這等於是kā kui個以色列軍隊ê輸贏全部lóng寄望tī大衛ê身上。

第38到40節,因為掃羅mā真高壯,當伊kā家己ê盔甲hō͘大衛穿上ê時,大衛因為無掃羅hit種ê塊頭,反而成做一種極大ê負擔,伊寧可像平時顧羊ê時hit種ê穿插,換句話講,伊tio̍h用照顧羊群ê時phah獅kah熊hit種ê裝束去phah歌利亞。

重新查詢 專卷研經 撒母耳記上系列
錯誤回報,請聯繫comm[@]fhl.net