列王紀上 16章8節 到 16章14節   背景資料  上一筆  下一筆
Chit段經文紹介以拉作以色列ê王chiah兩年,就hō͘家己王室ê一個指揮官心利篡奪王位à。列王記作者hō͘了一個經文模式,就是會講述發生chit種君王替換ê年代,是北國發生ê事件,tī南國君王執政ê年代;而發生tī南國猶大ê事件,是tī北國君王執政ê年代,án-ne查考歷史ê時,會koh khah清楚。

第8到10節,「猶大王亞撒在位ê第二十七年」,這大約是tī主前885年左右。以拉繼承老父巴沙ê王位,m̄-koh kan-taⁿ有兩年之久,就發生朝廷王室指揮官心利「圖謀背叛」,伊是利用以拉tī大臣亞雜厝裡宴席中lim醉酒ê機會,kā以拉刣死,然後奪取王位。

第11到14節,心利一上任王位,第一件是就是剷除巴沙全家族ê人,甚至範圍擴大到連伊ê親戚、朋友lóng無法度倖免,一律處死。這tú好應驗ā第1到4節,上帝差遣先知耶戶對巴沙所講ê預言。列王記作者認為一個棄sak上帝ê君王,就會做出殺害無辜ê性命。M̄-koh上帝一定會報應chit種可惡ê行為。

重新查詢 專卷研經 列王紀上系列
錯誤回報,請聯繫comm[@]fhl.net