歷代志上 8章1節 到 8章16節   背景資料  上一筆  下一筆
Chit章koh一pái記載便雅憫ê族譜,除了kah頭前第七章6節記載ê三個kiáⁿ ê名有差別外,mā kah民數記,以及創世記所提供ê族譜資料無仝。

Chit份族譜ê特色是重點khǹg tī以耶路撒冷做中心ê觀點(參考第28節、第32節),因為耶路撒冷城後來成做猶大為主ê以色列帝國,koh tī所羅門後ê南國,是用猶大kah便雅憫兩個支族為主要成員,另外一支族是西緬已經被猶大併入。因為án-ne,便雅憫支族tī南國猶大成做主要族群之一。

Koh講,因為掃羅是以色列人民建立君王制度後,被先知撒母耳膏立ê第一位君王,而伊是便雅憫支族基士ê kiáⁿ(參考撒母耳記上九:1—2、十:1—2),因為án-ne,講便雅憫支族ê族譜ê時,作者真自然tek凸顯掃羅ê重要性。

Chit段經文是記載便雅憫kiáⁿ孫ê族譜。

第1到7節,chit份族譜中,只記落來了便雅憫ê大kiáⁿ比拉了kiáⁿ孫。值得注意ê是,in ê後代是「被迫移居到瑪拿轄」,聖經中並無提供資料說明被迫ê原因。

第8到12節,chia特別提起沙哈達棄sak了兩個bó͘「戶伸kah巴拉」,m̄-koh戶伸有替沙哈達生兩個kiáⁿ。

第13到16節,chit段族譜實在看bē出kah頂面所提族譜ê hiah-ê kiáⁿ孫有何關係。

M̄-koh值得注意ê是tī第13節chia特別提起「in趕走了迦特ê居民」,這迦特,就是非利士人ê五大城市之一,大衛bat tī chia加入hit-ê城國王ê軍隊(參考撒母耳記上第廿七章)。後來,伊ê侍衛軍中,至少有六百個人是來自迦特ê(參考撒母耳記下十五:18)。

重新查詢 專卷研經 歷代志上系列
錯誤回報,請聯繫comm[@]fhl.net