歷代志上 5章18節 到 5章26節   背景資料  上一筆  下一筆
Chit段經文提起有關tī約旦河東岸chit兩個半支派ê戰果,以及東瑪拿西支族成長ê情景,kah in後來lóng因為棄sak上帝,遇tio̍h亞述ê入侵,並且kā in俘擄伊去而解體。

    第18到22節,chit段經文是關係包括呂便、迦得kah瑪拿西半支族等chit兩個半支族tī東岸發展ê情形。作者用「in信靠上帝,向伊祈求幫助」chit句話,來表明早期ê祖先因為出埃及、入曠野,以及後來進入迦南地,親身體驗到上帝帶領ê慈愛,因為án-ne tī信仰上有真好ê見證(參考士師記二:7—8)。

Chit段經文講in聯合去攻打夏甲族人kah in ê盟國,結果是大勝凱旋,m̄-nā án-ne,iáu奪取chiah-ê盟國真chē ê戰利品,包括有「五萬隻駱駝,二十五萬隻羊,兩千匹驢á,koh俘虜了十萬人」,這真正是非常龐大ê數目。Koh khah重要ê,是擴展了邊界。

第23到24節,chit兩節特別提起東瑪拿西支族ê發展,確實是有得tio̍h上帝ê賜福,因為án-ne「in人口增加真緊」,mā出了真chē領袖,而且lóng是勇敢善戰ê軍人。

第25到26節,可惜ê是,下一代ê kiáⁿ孫並無親像chiah-ê早期進入迦南地ê祖先hit種敬畏上帝,in tī信仰上棄sak上帝(參考士師記二:10—15)。聖經作者一再提醒,棄sak上帝等於自chhōe滅亡仝款。上帝hō͘亞述帝國入侵約旦河東岸這兩支半族ê土地(參考列王記下十五:29),iáu俘虜了in遠離故鄉,去tòa tī「哈臘」等地(參考列王記下十七:5—6),這年代大約是tī主前733年。後來,亞述koh tùi外國遷徙真chē人民進tòa tī chiah-ê原本以色列人民khiā起ê城鎮,hō͘伊通婚(參考列王記下十七:24),有所講ê撒馬利亞人出現。

重新查詢 專卷研經 歷代志上系列
錯誤回報,請聯繫comm[@]fhl.net