歷代志上 3章1節 到 3章9節   背景資料  上一筆  下一筆
Chit章記載ê lóng是大衛ê kiáⁿ孫。名單ê來源kah撒母耳記下第三章2到5節有關。Mā tùi chit份族譜名單,thang看tio̍h大衛娶ê bó͘ kah細姨mā bē少。

Koh講,mā thang án-ne瞭解:大衛就是以色列人民siōng期待看見ê一個標準形象,mā因為án-ne,伊ê族譜就成做猶大家譜ê主軸,chit點tùi chit章經文mā thang看出來。Chit章ê族譜mā是延續第二章10到17節。Thang kā chit章分做三個段落來看,一是大衛ê厝(第1到9節);二是以色列君王(第10到16節);三是hō͘擄tńg來歸後ê家族譜系(第17到24節)。

這經文是記載大衛tī希伯崙被膏立為王ê時,伊ê bó͘-kiáⁿ名單,以及後來伊當全以色列民族ê王後,tī耶路撒冷出世ê gín-á名單。

第1到4節a,chit段經文記載大衛tī希伯崙時代,所娶ê 妻妾所生ê六個kiáⁿ,chit份名單對照撒母耳記下第三章到5節來看,就會發見有kóa差別。

Chia講第二個kiáⁿ是「但以利」,m̄-koh tī撒母耳記下寫ê是「基利押」,而且kah迦密人拿八ê遺孀亞比該所生ê,kah歷代志chia所講ê「母親是瑪迦,基述王達買ê cha-bó͘-kiáⁿ」真無相仝。

Koh講,chia強調大衛tī希伯崙生chit六個kiáⁿ,hit時伊tī希伯崙統治七年半ê時間,北部是由掃羅ê kiáⁿ他施波設所統治tio̍h,m̄-koh kan-taⁿ兩年,後來就因為他施波設ê手下大將押尼珥投靠大衛,而瓦解了北pêng政權,大衛因為án-ne成做全以色列民族ê統治者,mā kā政權中心轉移到耶路撒冷去(參考撒母耳記下第三到五章)。

第4b到9節,chit段經文是tùi大衛tī耶路撒冷統治三十三年講起,tī he段時間裡,伊mā有娶bó͘生kiáⁿ。作者講伊大部分ê kiáⁿ lóng是tī耶路撒冷執政期間生,siōng出名ê一個細姨就是拔示芭,he是大衛犯淫亂罪ê細姨,生所羅門,後來繼任大衛統治以色列民族。

Chia講拔示芭替大衛生四個kiáⁿ。另外iáu有九個kiáⁿ,就無寫出chiah-ê kiáⁿ ê母親是甚麼人。Á值得注意ê是tī第9節加上一句講:「大衛iáu有tùi妃嬪所生ê kiáⁿ。伊mā有一個cha-bó͘-kiáⁿ,名叫她瑪。」這並m̄是講伊只有她瑪一個cha-bó͘-kiáⁿ,卻是chit-ê她瑪kah押沙龍是同母,因為被暗嫩(大衛ê大kiáⁿ)強暴並且遺棄,押沙龍為tio̍h替小妹出氣,刣死了暗嫩。換句話講,寫出她瑪ê名,是因為伊發生chit件受辱ê事。

Tùi chia,就ē-tàng看出大衛確實是娶真chē bó͘ kah細姨,tùi chia ē-tàng看出而且明白撒母耳記下第十二章1到15節a記載先知拿單去對譴責大衛ê話ê背景。

重新查詢 專卷研經 歷代志上系列
錯誤回報,請聯繫comm[@]fhl.net