歷代志上 3章10節 到 3章16節   背景資料  上一筆  下一筆
Chit段經文是描述猶大王國歷代君王ê名單,而且tùi所羅門王開始到最後ê一位西底家。Chit段族譜tú好反映出以色列王國tùi siōng興盛到亡國,koh再到被掠到巴比倫ê歷程。

第10到11節,所羅門死後無jōa久,就因為kiáⁿ羅波安錯誤ê政策,致使以色列王國分裂做做為北國以色列,南國猶大。羅波安只有統治南國猶大而已。Á伊往生後,就是kiáⁿ亞比雅繼位,續落來是亞撒,而後是約沙法、約蘭、亞哈謝,續落來是約阿施。

第12到16節,tùi歷代志下第廿二章9節thang看tio̍h chit種一句話:「亞哈謝家無留落來一個ē-tàng保全王位ê人。」因為án-ne,續接者是伊ê同父異母ê小妹約示芭kā亞哈謝siōng幼年ê kiáⁿ約阿施tùi王宮內救出來,藏tī耶路撒冷聖殿中長到六年,到第七年chiah正式hō͘約阿施繼位執政。

續接王位ê是亞瑪謝、亞撒利雅、約坦、亞哈斯、希西家、瑪拿西、亞們、約西亞、約哈斯。續接約哈斯ê是約雅敬,伊是約哈斯ê兄哥以利亞敬,m̄-koh被埃及國王尼哥hō͘改名叫約雅敬。然後由約雅敬ê kiáⁿ約雅斤繼任,m̄-koh伊被巴比倫王掠去做人質,改由伊a叔西底家繼任為王。

第15節ê「約哈難」,tī聖經中其他地方都無提起。伊真可能是「約哈斯」ê筆誤,照列王記下第廿三章30節伊是約西亞ê kiáⁿ。

重新查詢 專卷研經 歷代志上系列
錯誤回報,請聯繫comm[@]fhl.net