歷代志上 29章10節 到 29章30節   背景資料  上一筆
Chit段經文包括大衛王帶領人民kā chiah-ê奉獻hō͘上帝並表明感恩。然後率領全體人民獻上感恩ê祭典。值得注意ê是,chit段經文記載第二pái宣佈所羅門為以色列國ê王(參考廿三:1)。同時,chit段經文路尾mā講述大衛王結束統治,由kiáⁿ所羅門繼位。

第10到13節,chit段經文是大衛帶領以色列人民獻上o-ló上帝,講述上帝ê榮耀、威嚴,是萬物ê創造者、主宰,koh khah重要ê,伊講「所有富貴、財寶」lóng是tùi上帝ê賞賜chiah得tio̍h ê。這mā說明所有奉獻為建造聖殿ê一切,lóng m̄值得誇耀,因為lóng是上帝賞賜,只有ē-tàng用感恩ê心回報上帝ê慈愛。

第14到15節,大衛王講述奉獻ê緣由,就是in原本甚麼都無,m̄-nā四界流蕩,而且面對死亡。M̄-koh因為上帝賞賜,in taⁿ chiah擁有真chē財富,因為án-ne,chit-má ê奉獻,mā只不過是回應上帝ê疼罷à。

第16到19節,taⁿ chiah-ê奉獻,就是為tio̍h beh建造聖殿hō͘上帝,好榮耀上帝ê聖名。因為án-ne,大衛表明chiah-ê奉獻lóng是全體以色列人民真心誠意ê奉獻,懇求上帝hō͘以色列人民永遠有chit種熱情,對上帝忠心。最後,伊tī祈禱中,懇求上帝賞賜hō͘所羅門有「一粒熱誠ê心」,真實地遵行上帝ê一切律法命令,完承建造聖殿ê工程。

第21到25節,當大衛帶領人民向上帝獻上感恩ê祈禱後,mā是chit項奉獻禮拜ê結束,大家lóng同齊享用獻祭ê食物,同時膏立所羅門為主,kah膏立大祭司撒督(其實,這背景是所羅門kā原本ê大祭司亞比亞他kā它廢除,因為伊參與亞多尼雅奪取王位ê行列,所羅門以撒督取代亞比亞他,參考列王記上26—27、35)。

「所羅門是一個成功ê君王;以色列全國lóng順從伊。」chit句話應該是tī伊早期治國時代,是所有大衛王時代ê臣僕lóng效忠伊,而且伊所有ê兄弟mā是,m̄敢有人想beh奪取王位。因為án-ne,伊治國ê初期,以色列國是一個富強ê國家。M̄-koh tī伊晚年ê時chūn,就因為娶真chē外國cha-bó͘-gín-á做bó͘,而棄sak了上帝。

第26到30節,chit段經文koh一pái說明大衛統治kui個以色列民族,共計四十年。其實,真正統治全體以色列人民ê時間,應該beh tùi伊進入耶路撒冷開始算起,án-ne是「三十三年」,因為tī希伯崙做王hit段七年時間,至少有兩年ê時間,北pêng真chē地區iáu是由掃羅ê kiáⁿ他施波設統治tio̍h真chē地區,後來北部地區tī押尼珥ê協助下,chiah來歸順大衛(參考撒母耳記下二:8—11)。第29節有提起「先知拿單、迦得先見ê史冊」,可惜目前已經chhōe bē-tio̍h chit種史冊á是經冊。

重新查詢 專卷研經 歷代志上系列
錯誤回報,請聯繫comm[@]fhl.net