歷代志上 27章1節 到 27章24節   背景資料  上一筆  下一筆
Chit章主要是說明大衛當政ê時ê內政kah軍事管理組織。Mā tùi第1節kah第25到31節thang看出,大衛王朝時代ê興盛,確實是空前絕後ê黃金時代。第32到34節講出大衛王有真好ê智囊團teh幫助伊料理國家大事。其實thang án-ne瞭解:一個君王強弱,並m̄是伊個人是m̄是能幹而已,卻是伊ê身邊有真chē好ê參謀、智囊團teh幫助,若無,就算有真好ê個人才華,mā是枉然。大衛王ê成功,就是除了有真好ê信仰根基外,伊mā真ē-tàng善用人才來協助伊。

除了聖殿ê大細事務外,大衛王並無bē記得國防事務。無安定ê國家,就無辦法kā耶路撒冷kah聖殿守衛穩妥。

M̄-koh讀chit章經文mā會感覺奇怪,因為頭前談ê lóng是kah耶路撒冷聖後面有關,甚至tī第廿八到廿九章mā是記載關係聖殿,卻tī chit章忽然講tio̍h軍事頂面ê人事,kah-ná這可能突顯出以色列民族是一個以宗教治國ê民族,即使軍事ê問題,mā需要宗教ê基礎。大衛每pái出兵chìn前會先詢問上帝ê旨意,就是真好ê例。

第1節,chit節提起以色列各家族族長,以及率領千人kah百人ê軍官,kah行政官員,每年按月輪流值班。每組人數是兩萬四千名,chit種數目是真堅強ê。Mā顯示了大衛王時代ê軍事武力非常有實力。

第2到15節,chit段經文是關係十二支族中,屬tī軍事代表出來輪值ê名單。

第16到22節,chit段經文是各支族派出來ê官員,辦理行政事務ê代表,mā是仝款每一個支派lóng一定tio̍h有人。

第23到24節,注意第24節chia所講ê,上帝因為大衛調查戶口ê事,嚴厲懲罰以色列人民(參考撒母耳記下第廿四章)。大衛ài beh進行調查chìn前,約押確實有表示異議,m̄-koh不被大衛接受。不過第23節特別強調,講大衛無調查未滿二十歲以下ê人數有jōa-chē,是因為上帝應允beh賜福hō͘以色列人民ná親像親像天頂ê星hiah-nih-chē人。其實,tùi早期以色列文化中,就是只有統計年滿二十歲以上ê人,而且有作戰能力ê cha-po͘人才列入統計人數ê對象。換句話講,身軀活動上有困難ê,就算年滿二十歲以上,mā不列入tī人口名單中間。

重新查詢 專卷研經 歷代志上系列
錯誤回報,請聯繫comm[@]fhl.net