歷代志上 26章1節 到 26章19節   背景資料  上一筆  下一筆
頭前講tio̍h除了聖殿禮拜ê時ê音樂外,利未人mā tio̍h負責看守聖殿ê門禁事務。門禁工作mā包括看守所講ê「聖殿寶庫」。「寶庫」,這是teh指相戰得勝ê時得tio̍h ê戰利品,有金銀財寶,以及以色列人民獻祭ê時一切貴重ê財物等。另外,in mā tio̍h辦理行政工作,以及替人排解糾紛。

    Chit段提起關係聖殿守衛ê工作,ná親像頭前一再重複敘述ê,一定tio̍h用抽籤ê方式來決定看守ê位置、時間等等。

    第1到3節,chit段經文紹介ê是可拉族,thang利伊ê kiáⁿ米施利米雅了kiáⁿ孫七個宗族名單。

	第4到8節,chit段經文是紹介俄別‧以東ê族譜,伊是大衛王第一pái搬移約櫃失敗ê時,bat kā約櫃暫khǹg tī in tau,結果上帝大大賜福hō͘伊。Chit-ê宗族共計有六十二名lóng是真能幹ē-tàng勝任聖殿守衛ê工作。尤其是以利戶kah西瑪迦chit兩個家族特別優秀。

第9到11節,chia提起兩個宗族,包括有米施利米雅,這宗族有十八名ē-tàng勝任守衛聖殿ê工作,而tī米拉利宗族有何薩chit家族出現十三人作聖殿守衛。

第12到19節,chit段經文講chiah-ê聖殿守衛mā分做kúi-nā組,不管chiah-ê派出來ê宗族代表是大á是小,lóng是用抽籤來決定看誰beh守護tó一個門口,á是儲藏室。Chia特別提起示利米雅ê kiáⁿ撒迦利雅是一個「精明ê參謀人才」,chit句話真清楚teh表明對tī看守聖殿ê真chē細節,lóng kah伊有密切關係。

重新查詢 專卷研經 歷代志上系列
錯誤回報,請聯繫comm[@]fhl.net