罗马书 1:1-1:17

注释:

Tùi第一章到第四章，使徒保罗kā重点khǹg tī hō͘人kah上帝和好ê恩典，就是tī耶稣ê身上，á这是lóng无代价ê恩典。圣经一讲tio̍h恩典，意思是m̄是用任何条件á是代价ē-tàng来换得tio̍h ê。因为这是上帝赏赐ê，而且白白赏赐hō͘人。Koh khah特别ê所在是：使徒保罗强调上帝ê恩典是普世性ê，m̄是只针对犹太人，全世界ê人lóng是上帝拯救ê对象。因为上帝不偏待人。

Chit段经文ē-sái讲是chit本罗马书ê导言。Tī chit段经文中thang分做四个部分，一是收phoe人（第1到6节）；二是致请安语（第7节）；三是祈祷kah颂赞上帝（第8到15节）；四是chit本书信ê中心主题：福音－就是上帝拯救ê大能（第16到17节）。

第1节，使徒保罗欢喜自称是耶稣ê「奴仆」，而且「使徒」，伊写书信ê踏话头，差不多lóng用chit种方式自我绍介，mā因为án-ne ê时常hō͘当时一kóa人质疑，因为伊ê条件并无符合初代教会选「使徒」ê要件（参考使徒行传一：21—22），ē-sái讲是伊讲家己作「使徒」，「m̄是因为人ê选召，mā m̄是受人ê委派，却是耶稣基督kah Hit位hō͘他tùi死里koh活ê父上帝指派ê。」（加拉太书一：1）

Chia所讲ê「奴仆」，chit-ê词ê意思是teh指奴仆ê意思。使徒保罗kā家己看做是耶稣ê奴仆，伊甘愿成做福音ê奴仆。耶稣就是伊ê主人，是伊性命ê主。Á这福音，tùi先知时代就开始了，就是为tio̍h讲耶稣就是上帝ê Kiáⁿ，á使徒保罗受tio̍h呼召，就是beh传扬这拯救ê信息。Mā因为án-ne，伊讲家己若是无传福音就有祸了（参考哥林多前书九：16），伊用án-ne teh表达一个重要信念：传福音是伊成做奴仆ê使命，责无旁贷。

第2到4节，使徒保罗先tī chia说明福音ê中心就是tī耶稣ê身上，á耶稣thang tùi两方面来看，一是tùi人ê身世来看，伊是属tī大卫ê kiáⁿ孙，chit点mā是马太福音作者ê写法（参考马太福音一：1），á路加福音作者teh绍介耶稣ê家谱ê时，用「tī人ê眼中，伊是约瑟ê kiáⁿ」（参考路加福音三：23）。二是tùi「圣洁ê神性」来看耶稣ê时，耶稣是上帝ê Kiáⁿ。

第5到6节，chit两节使徒保罗表明家己传福音ê立场kah异象，就是beh kā耶稣绍介hō͘各国ê人听，hō͘所有ê人知影耶稣就是上帝救恩ê记号。使徒保罗bat teh写hō͘加拉太教会书信中表明，这是耶路撒冷使徒会议后ê结论（参考加拉太书二：9）。Mā因为使徒保罗致力tī外国地区ê福音事工，chiah hō͘福音会得thang广传开来，hō͘ koh khah chē ê人ē-tàng认bat耶稣，并tùi án-ne信耶稣。伊特别强调chiah-ê外国人当然是包括了tī罗马教会ê信徒。

第7节，这是一节请安句，mā祝福罗马教会ê信徒得tio̍h上帝赏赐ê平安。

第8到9节，罗马教会m̄知是甚么人开设ê，使徒保罗o-ló该教会信徒有真好ê信仰见证。该教会ê信徒必定经过主后65年罗马皇帝尼禄烧hit-ê城á嫁祸hō͘基督徒ê惨痛经历，m̄-koh，ná事件显然无击倒in，因为án-ne，使徒保罗tī chia o-ló in，讲in ê信心已经传遍到所有信tùi耶稣救恩ê人中间。使徒保罗mā表示伊常tī祈祷中记念该教会，而且无论gōa chē传福音lóng会记念tio̍h该教会，hō͘ koh khah chē ê信徒分享该教会美好见证。

第10到12节，是甚么原因促成使徒保罗有kúi-nā-pái计画去访问in，咱m̄知，有可能是因为罗马是当时西方世界ê中心，mā是影响力siōng大ê所在，有可能伊想如果ē-tàng改变罗马，án-ne就koh khah容易kā福音传到世界各地。Á chit种理想beh tī主后第四世纪，mā就是君士坦丁大帝统一罗马帝国了后终其尾实现。M̄-koh Tī使徒保罗ê时代却m̄是án-ne，he是一个迫害基督徒ê时代。因为án-ne，使徒保罗真想beh去罗马教会kah大家分享福音ê信息，希望藉tio̍h彼此分享福音ê信息，hō͘大家tī信心上koh khah坚强。

第13到14节，chia真清楚讲出使徒保罗一直希望ē-tàng去访问罗马教会，m̄-koh头尾无成功。伊无讲出是甚么原因阻碍了chit-ê心愿。M̄-koh伊表示想beh去罗马访问，是希望ē-tàng hō͘ koh khah chē人信耶稣。伊认为无论是对甚么款ê人，伊lóng有传福音hō͘ in ê责任，伊讲chit种未完成ê责任，ná亲像一种负债仝款，是欠福音ê「债」，这mā充分显示出使徒保罗对福音事工ê使命感。

Chia所谓「开化ê，无开化ê」，是用当时西方世界ê了解：接受希腊文化教育思想ê，就是「开化ê」，反之则「无开化ê」。Á当时西方ê世界siōng通俗ê语文就是希腊文。

第16到17节，chit两节ē-sái讲是罗马书siōng中心ê经文。为甚么使徒保罗会讲伊无用福音为耻？这必定是当时有人以福音为耻。所谓「福音」，意思是teh指好消息，是关系上帝拯救ê好消息。

Chit句话mā有另外一个意思，teh说明使徒保罗认为伊是用福音为光荣。Á甚么款ê人会以福音做见笑？咱thang理解，就是hiah-ê一直teh迫害基督徒ê人，包括犹太当局，mā包括罗马政府。使徒保罗chit句「我无用福音为耻」，其实mā是伊ê信仰告白。因为tī当时ê世界，kā十字架看做siōng大ê耻辱，he是罗马政府专门teh对付看做siōng恶质ê犯人。Á使徒保罗却讲伊「除了耶稣基督kah伊死tī十字架顶ê事以外，甚么lóng m̄提」（参考哥林多前书二：2）。伊会án-ne有chit种信仰告白，是因为有耶稣死tī十字架顶ê功劳，chiah hō͘人会得thang kah上帝有和好ê机会。M̄是因为人有甚么值得上帝垂怜ê，却是因为耶稣为人ê罪献上家己ê性命ê缘故。
Koh讲，福音是beh拯救所有信耶稣是救主ê人，因为耶稣降生tī犹太人中间，因为án-ne，就tùi犹太人开始，然后传到外邦人中间去。相对ê，上帝ê审判mā是先tùi犹太人开始，然后chiah到外邦人（参考罗马书二：9）。

罗马书 1:18-1:32

注释:

Tùi第一章18节到第三章20节，chit段经文lóng是teh谈有关上帝对故意拒绝他救恩ê人ê处置方式，以及讲tio̍h怎样kah上帝有合宜ê关系（因信称义）。

Tùi第一章18节到第三章20节，chit段经文lóng是teh谈有关上帝对故意拒绝他救恩ê人ê处置方式，以及谈起怎样kah上帝有合宜ê关系（因信称义）。
第18到23节，使徒保罗认为上帝造人ê时chūn，已经将他家己启示hō͘人了。因此，m̄是人m̄-bat上帝，却是人ê罪hō͘人故意m̄-bat上帝。其实在人生活ê世界里，tùi每一个受造ê身上lóng thang看tio̍h上帝奇妙ê恩典。当约伯teh受难埋怨上帝ê时，上帝就是以受造ê万物来帮助伊反省（参考约伯记第三十八到四十一章），结果约伯tī最后讲：「我早前耳孔听tio̍h 祢，taⁿ 我ê 目睭看tio̍h 祢；所以，我讨厌家己，tī 尘埃kah 火灰ê 中间悔改。(全民版)」（约伯记四十二：5—6）tī人类生活ê环境中，处处lóng thang看tio̍h上帝奇妙ê创造之爱，因此，讲m̄-bat上帝只不过是一个藉口，并m̄是真实。

Á siōng无法度原谅ê，莫过就án-ne故意不敬拜创造ê上帝，却去敬拜上帝所创造ê物，kā它当做神teh拜，án-ne chiah是严重ê罪恶。使徒保罗讲chit种人lóng是自认为聪明，其实是愚昧无知。因为in所拜ê对象，lóng是会死、败坏、无任何自主能力之受造物，ná亲像先知耶利米所讲ê，chiah-ê偶像神明，是用人ê手造出来ê，既bē讲话，mā bē行路（参考耶利米书十：3—5），先知以赛亚有koh khah明确ê描述，讲chit种人造ê偶像，ná亲像用同一丛树，有一部分雕刻成神明，另外一部分当柴火点to̍h来烘饼、烘肉（参考以赛亚书四十四：9—20）。

第24到32节，chit段经文中，使徒保罗一再使用「chhut-chāi」chit-ê词，是teh指「无koh chhap」ê意思。另外一方面，chit-ê词mā有「审判」ê意思。M̄是上帝「m̄-chhap」人，mā m̄是上帝只致意「审判」，却是因为上帝一再苦劝，并且差遣他ê奴仆来呼吁人tńg来到上帝ê恩典里，m̄-koh，人m̄-nā m̄听，而且iáu「故意」beh kah上帝对敌。这「故意」表现tī生活上ê，有各种ê恶行，就是做hiah-ê无应该做ê事。Á siōng严重ê是，m̄-nā家己做邪恶ê事，mā赞同别人án-ne做。M̄-koh，chit种人lóng会经历到一件惊人ê审判，就是死亡，无koh活ê希望。

罗马书 2:1-2:16

注释:

Chit章thang分做两个部分来看，一是tùi第1到16节，二是tùi第17到29节。Chit章主要是针对犹太人所认为ê得救kah律法关系，讲tio̍h上帝ê审判问题。

Tī chit章中，使徒保罗讲tio̍h一个重要观念：m̄是知影甚么重要就ē-tàng，siōng重要ê是知影ài做甚么，chiah会得tio̍h上帝ê赐福。

犹太人一直认为家己kah上帝有特殊ê关系，常常认为上帝kan-taⁿ会爱犹太人。Tī in ê观念中，lóng是认为上帝kan-taⁿ会审判外邦人，m̄-koh对犹太人则会因为in是选民ê关系，拥有特权，会对in特别保护，赐in外邦人所无ê恩典。M̄-koh使徒保罗认为无chit款tāi-chì，颠倒，所有做恶ê人lóng会受tio̍h上帝ê惩罚。如果上帝ê奖赏是tùi犹太人到外邦人，惩罚mā是án-ne，犹太人并m̄是特殊分子。「因为上帝是不偏待人ê。」

第1到4节，tī chit段经文中，使徒保罗用「评断」chit-ê词，chit-ê词一再出现tī罗马书中。Tī chia，使徒保罗提起犹太人欢喜评断外邦人ê错，m̄-koh in所做ê，却kah in所评断ê对象仝款，chit种人koh怎样ē-tàng逃避上帝ê审判？

第4到6节，使徒保罗tī chia用三个词表示上帝特殊ê疼(1)仁慈。这是teh指上帝lóng是hō͘人悔改ê机会。彼得后书第三章9节：「有人想讲主teh 延chhiân 他ê 应允，其实是teh 宽容lín；他无ài 有人灭亡，是ài ta̍k 人lóng 悔改。(全民版)」(2)宽容。是teh指上帝将他对人ê受气暂时停止落来，为tio̍h是beh beh hō͘人有机会赶紧悔改。(3)忍耐。这是teh指一再坚持落去ê意思，表示讲上帝对人犯罪ê严重，本来就beh惩罚了，m̄-koh他iáu是一再忍耐落来，就是为tio̍h希望人赶紧悔改。Án-ne thang看出上帝ê疼就是希望人悔改。悔改，mā是kui本圣经ê信息，因为只有悔改chiah ē-tàng消除上帝ê受气。

第6节，上帝会照人所做ê事、行为来「报应」，chit种观念是来自旧约圣经ê教导（参考列王记上八：32；诗篇廿八：4、六十二：12；箴言廿四：12；耶利米书十七：10；以西结书十八：30、三十三：20）。

第7到11节，chit段经文真清楚说明一点：善kah恶之间，上帝看kah非常清楚。所谓恒心行善，就是teh追求tùi上帝来ê荣耀，kah永恒ê性命。换句话讲，真实ê行善，并m̄是为tio̍h beh荣耀家己，因为án-ne，上帝对chit种人会hō͘ in「尊贵、荣耀，和平安」；相对tī hiah-ê自私ê人，就是kah追求行善ê人颠倒，chit种人kan-taⁿ会想beh荣耀家己，kā家己当做一切ê中心，chit种人甚至会kā家己偶像化，chit种人，kan-taⁿ会为家己带来上帝愤怒ê审判á遭遇痛苦kah患难。无论是犹太人á是外邦人lóng仝款。原因是上帝并无偏待任何人，tī上帝面前，任何人lóng仝款，无族群之别，mā无社会地位ê高低，koh khah无所谓身分ê贵贱。所有ê人，khiā tī上帝面前接受审判ê时，lóng仝款。

第12到16节，tī chit段经文中，使徒保罗真清楚指出一个观念：m̄是只有听摩西律法ê人，就有免受审判ê保障，这是错误 ê讲法。上帝ê审判是根据每一个人所讲所行为根据。有摩西律法ê犹太人，上帝会根据律法ê基础来审判，á无摩西律法ê人犯罪，上帝mā有另外一种方式来进行审判，á chiah-ê审判lóng是公正ê。真实ê律法并m̄是tī外面表ê文字顶面，却是在内心ê省思。上帝hō͘所有受造ê人lóng有「良知」，chit种来自心内ê「良知」，会做为将来审判ê根据。

罗马书 2:17-2:29

注释:

Tī chit段经文中，使徒保罗提出犹太人心态上ê问题，这问题就是kā家己绝对化à。In认为家己siōng认bat上帝，m̄-koh却一再做出违背上帝旨意ê事。Ná亲像耶稣谴责ê法利赛人仝款，in siōng会晓摩西律法，却lóng是利用摩西律法ê漏洞伪善家己ê行为。因为in做tāi-chìm̄是出tī自愿，往往是为tio̍h beh hō͘人看ê，亲像：祈祷、施舍、禁食等（请参考马太福音六：1—18），lóng是为tio̍h beh hō͘人o-ló á做，并m̄是出tī心内ê反省kah动作。

第17到18节，使徒保罗认为身为犹太人，应该清楚kah上帝之间ê关系，因为án-ne，既然认bat上帝透过摩西颁布ê律法、诫命，就koh khah应该遵守á明辨是非chiah-tio̍h。

第19到24节，m̄-koh真正ê问题是：犹太人夸耀家己对摩西律法真清楚，thang指引别人看见性命ê亮光，认bat真理等等，m̄-koh家己并无ná亲像家己所夸耀ê chit方面去行。使徒保罗tī chia提出几个问题：包括有偷the̍h、奸淫、憎恨偶像等等，m̄-koh家己反tńg是去做chiah-ê无应该做ê事。Chit种人，明明是就是kā上帝ê圣名hō͘侮辱。因为án-ne，伊认为chit种犹太人应该先教导家己，á m̄是凭tio̍h家己对摩西律法ê认bat，就想beh去教导别人。

第25到29节，tī chit段经文中，使徒保罗提出割礼ê问题，这mā是伊teh传道工作中siōng困扰ê一件事，因为真chē保守派ê犹太基督徒，一再坚持beh先受割礼，chiah ē-tàng成做基督徒。M̄-koh，使徒保罗讲án-ne就是贬低了耶稣ê救恩。chit-má伊向犹太人提出割礼ê问题，主要teh强调真正割礼是：心灵上受割礼，á m̄是肉体上ê割礼。因为肉体上ê割礼是外表ê记号，独独心灵上ê割礼chiah是真正属tī上帝ê。

Tī第25到26节，割礼是律法ê规定，因为án-ne，守割礼ê人，就一定tio̍h照律法ê规定活出世活规律。若无，割礼就无意义。颠倒，一个人若无受割礼，m̄-koh却活出受割礼应该有ê律法行为，伊tī上帝眼中反tńg是受过割礼ê人。换句话讲，割礼，m̄是只有肉体上ê记号，却是tùi割礼延伸出来ê实际行动。其实，对犹太人割礼ê看法，先知耶利米有提出仝款ê呼吁，伊传出上帝ê信息讲：「犹大kah耶路撒冷人，lín tio̍h tī心灵上受割礼，kā家己献hō͘我――lín ê上主。不然，lín ê恶行会激怒我，hō͘我怒火中烧，无人ē-tàng扑灭。」上主讲：「有一工，我beh惩罚埃及人、犹大人、以东人、亚扪人、摩押人，kah tòa tī旷野hiah-ê剪短头毛ê民族。In tī肉体上lóng受过割礼，m̄-koh in kah以色列人tī心灵上lóng无受割礼，m̄遵守割礼所象徵ê约。」（耶利米书四：4、九：25—26）

第27到29节，使徒保罗强调，一个真正犹太人，是tùi心内来看ê，m̄是tùi肉体上受割礼来断定。无人ē-tàng看tio̍h别人ê心内，只有上帝chiah有chit种能力。

罗马书 3:1-3:8

注释:

Chit章是继续第二章讨论ê问题：犹太人kah外邦人有甚么无仝？tī第二章17到29节这后半段，使徒保罗已经真清楚提起犹太人ê问题，m̄-nā是观念iáu有待厘清，而且tī信仰ê认知上mā有真chē无正确ê想法。亲像in kā割礼看kah非常重要，认为he是kah上帝之间bē-tàng切割ê记号，这是正确ê。M̄-koh真正割礼，并m̄是止tī肉体上ê，á应该是tī心灵上ê（参考耶利米书四：4、九：25—26）。因为「约」ê记号，无应该kan-taⁿ以肉体上ê割礼做记号号，á应该kā它写tī「心版上」，而且tio̍h对上帝忠实，chiah是真实ê约（参考耶利米书三十一：33）。使徒保罗mā强调：一个真实ê犹太人，á是上帝ê选民，应该会落实上帝ê教导，á m̄是kan-taⁿ会教导别人，家己却对所禁止ê行为一犯koh再犯。

Tī使徒保罗看起来，若是提起上帝ê救恩，无论是犹太人á是非犹太人，tī上帝面前lóng仝款ê，无差别，因为所有ê人lóng是罪人，chit点是非常基本ê论点。既然lóng是罪人，面对上帝「公义」ê审判，就无任何人ē-tàng例外。因为上帝是公义ê，á公义ê上帝，面对犯罪ê人，bē因为伊是属tī特定族群，就kā应处ê刑责减轻。使徒保罗否定了chit种观念，á chit点却是犹太人久长以来所确信ê。In认为亚伯拉罕已经为in买了chit份「保单」――割礼，m̄-koh使徒保罗否定了chit项看法。

Tī使徒保罗ê观念中，割礼当然有特别ê意义。它至少表达了两个基本认bat：一是上帝ê应允—上帝是以色列人ê上帝；以色列人民是上帝ê子民。Á chit-ê应允就是透过割礼显明了以色列人民kah上帝之间有「约」ê关系。二是律法ê要求。Chit-ê律法是上帝亲自颁布ê。M̄-koh chit-ê律法是根据第一项ê「约」而来。因为án-ne，无遵行律法ê规范、教导，等于无照「约」过生活仝款，mā就是破坏了kah上帝之间ê「约」ê关系。

使徒保罗并m̄是teh讽刺犹太人，koh khah m̄是鄙视（siùⁿ）犹太人tī信仰上ê坚持，颠倒，伊非常肯定犹太人kah上帝之间有特殊关系，m̄-koh伊koh khah烧热切ǹg望，真实ê犹太人，bē总是tī肉体上是m̄是接受割礼á争论不休，却是tī言行举止上，真正活出上帝选民ê样式。

使徒保罗进一步用「对话」ê方式来说明伊ê看法，mā就是假设有人提出问题伊来回答。内容主要teh说明一点：若是犹太人无法度因为割礼á kah伊外族有所差别，án-ne，身为犹太人koh有甚么特别ê所在？Á上帝拣选犹太人ê用意何在？使徒保罗真清楚ê Tī chit段经文中回答chiah-ê问题，伊是用肯定ê语句讲「有」意义，而且「当然有」。

罗马教会内一定有真chē犹太基督徒，in对使徒保罗ê「因信耶稣á得永恒ê性命」ê观点无掠做当然。In认为chit种讲法无疑是kā摩西ê律法kā它废除。甚至有人mā认为按照使徒保罗ê讲法，ná 会hō͘人koh khah容易犯罪，因为人会利用使徒保罗ê「上帝tī耶稣内面白白ê恩典」，强化犯罪ê动机，为tio̍h是beh hō͘耶稣ê救恩凸显出来。因为án-ne，tī chit段经文中使徒保罗提出伊ê答辩。

第1到4节，使徒保罗非常肯定讲犹太人必定有特别ê价值是赢过外邦人ê，伊提起一个真重要ê基础：上帝kā他拯救ê信息交托hō͘犹太人，这就是伊tī第一章16节所讲ê，先是犹太人，á后外邦人，其意在此。Chia使徒保罗强调无论犹太人án怎弃sak上帝，上帝仝款「信实」，chit-ê词表示上帝永远守tiâu他kah犹太人祖先之间所立ê约。因为上帝是真实ê，他bē因为犹太人背信，他就无koh chhap in，上帝不会án-ne，却是会一再想办法beh kā chiah-ê背信ê人导正过来。

第5到6节，公义ê上帝，他ê审判绝对有根据，而且不偏左mā不偏右，他是鉴察人心内ê上帝。为tio̍h beh强调上帝ê公义，使徒保罗对hiah-ê误传上帝信实ê疼ê讲法，一再用「当然不」、「当然m̄是」等chit种用词，tī罗马书出现真chē pái（参考罗马书三：6、31、六：2、15、七：7、13、九：14、十一：1、11）。

第7到8节，使徒保罗提出一个真实ê问题是：犹太人岂m̄是一再犯罪？即使in已经受过割礼了，mā是仝款继续犯罪，ē-sái讲是上帝并无因为án-ne就停止他ê慈爱。上帝ê疼，并无因为人ê因素有增减，他ê疼是永远ê、bē改变ê。因为án-ne，做一个人明白上帝ê疼了后，chit-ê人kan-taⁿ会感觉见笑kah不配，á bē koh再想beh继续犯罪，是beh hō͘上帝ê疼显得koh khah chē。使徒保罗讲，如果人存有chit种「继续犯罪，显明上帝ê疼」ê想法，chit种人是绝对无法度得tio̍h赦免ê。这是因为有人反对使徒保罗，就藉机讲使徒保罗讲过人犯罪koh再得赦免，thang彰显上帝ê疼koh khah chē，使徒保罗讲故意曲解伊讲chit种话ê人，一定会hō͘上帝定罪。

罗马书 3:9-3:20

注释:

Chit段经文真清楚说明使徒保罗所强调ê一点：无一个人是好人，大家tī上帝ê面前lóng仝款是有罪ê人。

第9节，thang对照第1到2节来看。使徒保罗tùi人ê罪来看犹太人ê时，伊强调每一个人khiā tī上帝审判ê面前，是lóng仝款ê，无任何差别。

第10到12节，chit段诗歌是引用诗篇第十四篇1到3节，tī chit-ê短短ê三节经文中，连续出现四次「无XXX」，像「无义人」、「无明智ê人」、「无走chhōe上帝ê人」、「无行善ê人」等，chiah-ê用词lóng teh表明人ê罪，是逃避不了上帝ê审判ê。

第13节，chit节是引用自诗篇第五章9节，这说明人心中ê罪恶。虽然人知影律法上禁止ê事，却iáu是照样去做无应该做ê事，为tio̍h beh图利家己，mā会故意去陷害别人。

第14节，chit节是引用自诗篇第十篇7节。

第15到17节，引用以赛亚书第五十九章7到8节。Chit段经文是先知以赛亚传出上帝谴责以色列人语。In teh聚会ê时chūn，向上帝祈祷祈求上帝ê拯救，kah-ná真敬虔ê款，其实，in手上流tio̍h真chē无辜ê人ê血。Tī chit-ê前提之下，上帝怎样ē-tàng听得下in祈祷ê声音？无错，in照律法规定参与聚会、祈祷，m̄-koh这lóng kah in所做出来ê事相违背。In滥杀无辜ê性命，就是做律法所禁止ê事。第17节ê「平安」，意思是teh指无战争，á是战争已经结束。人ê性命不koh受到威胁。先知以赛亚是teh指in ê行为「不公正」、造「邪僻ê路」、行ê路「无安全」，chiah-ê lóng会威胁tio̍h性命ê安全。

第18节，thang参考诗篇第三十六篇1节。使徒保罗ê看法，人真正罪就是tùi「m̄知敬畏上帝」开始。Chit种人ê态度是「m̄惊上帝」，表明ê是「无上帝」，甚至koh khah严重ê是家己扮演起上帝ê角色，自认为是上帝。

第19节，chit节是kā头前ê诗歌、经文做一个总和，就是引用诗篇第一四三篇2节b句所讲ê：Tī上帝面前，无任何一个人thang讲家己是无辜ê。

第20节，这是引用诗篇第一四三篇2节ê诗歌：「求你mài审判我—你ê奴仆，因为tī你面前无无辜ê人。」使徒保罗tī chia引用chit句诗篇ê语意。「hō͘ 上帝宣布」，意思等于上帝审判了后ê宣告仝款。当上帝宣告一个人是「义人」ê时，就是等于宣告chit-ê人无罪仝款。M̄-koh人若想beh óa靠律法来得tio̍h上帝chit种宣告，是愚戆ê想法。即使上帝有chit种宣告，mā m̄是因为chit-ê人完成了律法ê规定，却是因为上帝ê恩典。

使徒保罗Tī chit段经文中强调：律法hō͘人koh khah知影家己犯了罪。Tī第七章7节，使徒保罗koh一pái重复一pái chit句话ê意思。

罗马书 3:21-3:31

注释:

Chit段经文使徒保罗诠释「kah上帝和好」ê意思。基本上，圣经ê教导是：人因为犯罪，致使kah上帝ê关系破坏à。taⁿ，上帝hō͘人有机会thang藉tio̍h耶稣á kah上帝有和好ê契机。使徒保罗终其一生就是beh hō͘大家知影，tńg来到耶稣内面，就等于tńg来到上帝ê恩典中。

Chit段经文开始进一步说明，tī耶稣来到世间，而且为世人献上性命做赎罪祭了后，一切lóng改变à。M̄-nā世人thang藉tio̍h耶稣tī十字架顶ê死，会得thang kah上帝和好，而且耶稣ê救赎恩典，是分享hō͘世间所有ê人，并无对犹太人á是外邦人ê分别。因为上帝是爱世间所有ê人，á m̄是只有爱犹太人。

第21节，使徒保罗先说明上帝「chit-má」亲自向人启示kah他和好ê正确途径，并m̄是因为律法，chit点tú好kah「过去」摩西kah先知ê教导大无相仝。
第22到25节，chit段经文中非常清楚强调两个基本要点：一是每一个人lóng是罪人，罪hō͘人kah上帝ê关系破坏了，而且hō͘上帝ê荣耀失去光彩。M̄-koh，taⁿ上帝beh亲自修复chit种关系，就是第二点：透过耶稣来改善、修复chit种原本已经分裂ê关系。

第24节是非常重要ê一节，chia讲上帝藉tio̍h耶稣kā拯救ê恩典白白赐hō͘人，chit种恩典是无任何代价ê，是无价ê，m̄是人用任何代价ē-tàng来换，á是取代á得来ê。使徒保罗tùi chia beh表明一个基本ê信仰认bat：人无法度用任何方法来取代上帝tī耶稣内面ê救恩。即使是累积真chē行善ê功劳mā无法度换来得tio̍h，chit点对真chē人来讲和-ná真困难，m̄-koh，使徒保罗就是beh表明，如果人ē-tàng用行善来换上帝tī耶稣内面ê救恩，chit种救恩就m̄是所讲ê「白白赐恩典」。

第25到26节是chit章经文ê中心思想。使徒保罗讲耶稣乃是人性命ê「赎回祭」。这是tùi摩西律法提炼出来ê论点，因为摩西律法规定人犯罪了后，tio̍h用献祭ê方式来赎回家己ê罪（参考利未记第十六章）。使徒保罗讲耶稣就是代替人ê罪á献身ê「祭」。换句话讲，耶稣tī十字架顶ê死，就是赎回了人ê罪。Chia讲耶稣ê牺牲是teh「显明上帝ê公义」，注意「公义」chit-ê词，指ê是上帝ê疼，这是怜悯ê疼、疼惜ê疼。另外一方面，「公义」，mā是teh指上帝正确ê审判，无冤枉、偏袒、歪曲等。意思是teh指人犯罪，hō͘ 上帝审判，审判ê结果lóng是正确ê。M̄-koh上帝有爱，愿意藉tio̍h耶稣ê死，hō͘人原本应该被定罪ê惩罚，藉tio̍h耶稣当做「赎罪祭」á赦免、怜悯人，对人「无罪」tháu放。

第27到31节，tī chit段经文中，thang清楚看tio̍h使徒保罗思想ê中心：所有ê人lóng是罪人。既然是有罪ê人，就无甚么好夸口ê。即使遵行律法，mā无法度hō͘人kah上帝之间有合宜ê性命关系，因为人是真软弱ê，ná亲像路加福音第十章25到37节所记载「好撒马利亚人」ê故事中所讲，hit位教律法ê经学教师，即使非常明白律法ê意义，mā是无法度确实遵行律法所规定对厝边ê疼。

Koh讲，非犹太人ê人，并无摩西律法thang循，并无表示上帝无疼in，上帝并无只是犹太人ê上帝，却是所有人ê上帝。上帝爱所有ê世人（参考约翰福音三：16），因为án-ne chiah有耶稣降生tī世界上，为tio̍h是beh hō͘所有ê人lóng因为伊得tio̍h上帝ê救恩。不过使徒保罗强调伊án-ne讲，并m̄是轻视摩西律法，颠倒地，伊讲án-ne是koh khah强化摩西律法ê重要性，ná亲像耶稣讲伊来到世间ê目的，并m̄是be̍h废除摩西律法kah先知教示，á是beh成全（参考马太福音五：17—18），原因是kā犹太久长以来ê误解hō͘导正过来。使徒保罗ê努力就是tī chia，ài当时ê人kā重点khǹg tī摩西律法kah得救亲密结合ê chit-ê结phah开。Hō͘人tńg来到上帝ê kiáⁿ耶稣身上，信耶稣，就是kah上帝重新和好ê关键。Á m̄是遵守律法ê要求。

使徒保罗án-ne讲法，并m̄是teh否认律法ê重要性，却是讲人想beh óa靠遵行律法得tio̍h拯救，根本是行无通ê事。Ná亲像伊tī第20节所讲ê，律法ê效用，是hō͘人知影家己有罪，á m̄是透过律法kah上帝重建和好ê关系。伊强调kah上帝重新建立和好关系，是「只藉tio̍h信」。就是信耶稣，chit点mā thang讲是使徒保罗所有思想ê中心，mā是基督教信仰siōng中心ê基础。

罗马书 4:1-4:12

注释:

Tùi chit章ē-tàng看出使徒保罗kā kui个论述焦点lóng khǹg tī亚伯拉罕身上，伊强调一个中心思想：亚伯拉罕是因为「信上帝」，上帝chiah称伊为「义人」（参考创世记十五：6）。伊信，是因为上帝hō͘伊ê应允，á chiah-ê应允是伊当时lóng看bē-tio̍h ê，一直到伊ê后代kiáⁿ孙约书亚ê身上chiah实现。Tùi亚伯拉罕到约书亚带领以色列人进入迦南地，chit段时间真长，至少超过五百年以上，虽然亚伯拉罕看bē-tio̍h，mā摸bē-tio̍h，ē-sái讲是伊确实相信，这是hō͘上帝认定伊是「义人」ê主要原因。Á m̄是因为亚伯拉罕有甚么好行为，chiah得tio̍h上帝ê喜爱。使徒保罗ê chit-ê论点，mā是犹太人无法度否认ê。

Chit段经文有一个基本前提需要注意，当使徒保罗提出亚伯拉罕来做伊论述ê重点ê时，已经说明一项重要ê认bat：旧约kah新约之间有bē-tàng分割ê关系。

第1到4节，使徒保罗特别以亚伯拉罕为例，犹太人只要讲tio̍h亚伯拉罕就会引认为荣。M̄-koh犹太人清楚知影，亚伯拉罕并m̄是因为有甚么好行为á被拣选，kahhō͘ 上帝称呼为义人，却是因为伊信上帝对伊ê应允。Ná亲像头前已经讲过ê，圣经只要讲tio̍h「恩典」，就表示he是上帝白白ê赏赐，á m̄免人ê任何条件来换。因为án-ne，伊用大家生活上所熟悉ê，就是工人得tio̍h工资ê时，伊会认为he是伊应该得tio̍h ê。M̄-koh，如果是恩典就m̄是án-ne了；因为真正恩典是：原是不应该得tio̍h ê，却tī lóng无条件之下得tio̍h，án-ne chiah是恩典真正意义。上帝ê救恩就是chit种恩典。

第5节，chit节ài beh特别注意，上帝会宣判一个罪人为无罪，是因为chit-ê人信上帝。因为án-ne，当上帝差遣伊ê kiáⁿ耶稣到世间来，甚么人相信，甚么人就会得tio̍h上帝赦免ê恩典。M̄-koh圣经真清楚讲上帝bē kā不义ê人、犯罪ê人当做义人。换句话讲，对tī有罪ê人，上帝一定会有公正ê审判、惩罚（参考出埃及记廿三：7），án-ne chiah ē-tàng显示公义ê上帝ê特性。就是因为án-ne，上帝chiah会hō͘耶稣降生到世间来，为有罪ê人当赎罪祭。

第6到8节，大卫感觉家己是一个hō͘ 上帝赦免ê人，因为án-ne，chiah ē-tàng kah上帝有合宜ê关系。一个真正悔改ê人，是不会kah伊所得罪ê人讨价iáu价，ná亲像大卫知影家己m̄-tio̍h，伊无kah上帝计较，因为伊认为上帝iáu存留伊ê性命，就是极大ê恩典。第7到8 chit两节是引用诗篇第三十二篇1到2节ê诗歌。使徒保罗引用chit两节诗歌ê主要目的，是teh强调一个基本信念：若上帝chiâⁿ实beh追究人ê罪，无任何一个人ē-tàng安然khiā立tī上帝面前，这mā是伊tī第三章23节所强调ê：「人人lóng犯罪，亏欠了上帝ê荣耀。」

第9节，这是真重要ê一节，使徒保罗koh一pái提起上帝赦免ê恩典，m̄-nā tī犹太人中间，mā tī外邦人身上。这mā表示上帝ê疼，大大超过所有犹太人所想像ê范围。使徒保罗koh一pái说明亚伯拉罕并m̄是完人，á是完全无犯罪，却是有上帝赏赐hō͘伊特别恩典，因为伊对上帝有绝对ê信心，因为án-ne，上帝「就算伊为义人」。换句话讲，亚伯拉罕kah所有外邦人仝款，lóng是罪人。
第10到12节，chit段经文强调一个认bat：亚伯拉罕并m̄是tī受割礼了后chiahhō͘ 上帝认为是义人，却是tī伊受割礼chìn前就已经被认定à。所以，割礼m̄是伊成做义人ê条件。伊án-ne讲，是beh说明割礼m̄是上帝kah一个人有合宜关系á无ê要件，这要件是在tī信耶稣。使徒保罗进一步说明，对犹太人来讲，亚伯拉罕是in ê祖先，m̄-koh对外邦人来讲，则传承属灵ê「父子」关系。

罗马书 4:13-4:25

注释:

Tī chit段经文中，使徒保罗继续讨论着有关亚伯拉罕kah上帝之间ê关系。因为犹太人kha̍p-bē-tio̍h就以亚伯拉罕当做量信仰ê准则。因为án-ne，使徒保罗tùi亚伯拉罕来切入说明，chit对犹太人来讲，有可能会koh khah容易清楚。

第13到14节，tī希腊文里，「应允」一词有两个字；一是「huposchesis」，是teh指有条件ê应允。另外一个字「epagelia」，是完全无条件ê。无论对方怎样，我就是beh án-ne对待伊，á是hō͘ in好处。使徒保罗tī chia所用ê「应允」一词，就是用「epagelia」chit-ê字，真清楚是teh指完全无条件ê赏赐、hō͘ in。这mā是第三章24节所提起ê「白白赐恩典」ê意思。

Koh讲，使徒保罗tī chia强调，如果chit种应允是藉tio̍h遵行摩西律法，就无koh是一种信心ê表现，因为信心是超过律法之外，而且比律法高出真chē。Mā tùi chia thang理解一件事：道德ê规范，比律法khah koân；伦理比道德khah koân；信仰ê层面比伦理道德khah koân。若无chit种认bat，信仰就会失去意义kah动力。

第15节，「无律法，就无犯罪」，chit句话thang参考第五章13节。所指ê是：律法hō͘人知影甚么是犯罪。M̄-koh却mā因为án-ne会刺激人产生犯罪ê意念，人会想beh sńg钻律法漏洞ê游戏，并且tī律法漏洞外，自认无罪。M̄-koh却已经造成了别人ê伤害，这mā是惹起上帝愤怒ê原因。

第16到17节，使徒保罗对亚伯拉罕ê信仰koh一pái作了确认：伊是信仰之父。是属tī大家共有ê属灵之父。M̄-koh这既m̄是律法之父，mā m̄是遵行律法ê规矩，却是tī信仰ê基础上。

第18到22节，tī亚伯拉罕ê事迹中，siōng值得大家学习ê是，伊tī无ǹg望ê时，并无因为án-ne对上帝失去信心，特别是tī上帝ê应允上，直到一百岁ê时，iáu是ǹg望tio̍h得tio̍h亲生ê kiáⁿ，无失去á是削弱了对上帝ê信。对上帝有绝对ê信心，不怀疑，这是亚伯拉罕ê信仰见证。
第20节讲出基督教信仰可贵ê所在，就是jú有信心ê人，jú知影荣耀上帝。Chit种人koh khah知影谦卑，伊知影m̄是家己有甚么能力thang完成美好ê事，却是因为上帝ê手扶持，上帝ê恩典hō͘伊有够额ê气力去完成，因为án-ne koh khah会荣耀上帝。相对ê，只有信心不足ê人，chiah会抱怨上帝ê疼无够、恩典siuⁿ少。

第23到25节，使徒保罗强调：上帝既然认定信靠伊ê亚伯拉罕为「义人」，仝款ê，mā会对信靠hiah-ê hō͘主耶稣tùi死里koh活ê上帝ê人，上帝会认定伊为义人，ná亲像亚伯拉罕仝款。Á信靠耶稣ê人lóng ē-tàng kah上帝有合宜ê关系，这是上帝赏赐hō͘所有人ê应允。

罗马书 5:1-5:11

注释:

罗马书tùi第五章开始到第八章，是另外一个主题。使徒保罗提起一个重要ê信息：因为信á kah上帝有和好关系ê人，必定会得tio̍h永恒ê性命。Tī chit段长到四章ê经文中，使徒保罗进一步强调：「信」，一定tio̍h kah koh活ê耶稣结连做伙。因为耶稣就是上帝hō͘人类siōng大ê恩典。是人kah上帝之间ê唯一桥梁。无耶稣，人就无法度kah上帝重新和好，á耶稣就是为上帝带来他特别ê「爱」。因为án-ne，tī chit段经文中，ē-tàng看出使徒保罗强调tio̍h：有上帝ê疼ê所在，就有「生」。Tī chit-ê四章中，伊以第五章讲「生」ē-tàng脱离上帝ê「愤怒」；第六章讲「生」就是脱离「罪恶」ê缠绊；第七章讲「生」脱离「律法」ê锁枷；第八章讲「生」脱离「死亡」ê要胁。

Chit段经文相当重要，特别是tī第6到11节，使徒保罗讲出基督教信息siōng重要ê精华：当咱iáu是罪人ê时chūn，基督已经为咱死去！换句话讲，m̄是因为咱有甚么好，上帝chiah疼咱，却是咱iáu是罪人ê时chūn，上帝已经先疼咱。Chit种ê疼，是无法度估算ê，mā是无法度取代ê。因为án-ne，伊讲这是上帝无比ê疼。

第1节，一开始，使徒保罗就肯定信耶稣ê人lóng会hō͘ 上帝认定tio̍h义人。Chit种义人，就是kah上帝有和好关系ê人。

第2节，「活tī上帝ê恩典里」ê「活」字，是「引chhōa」、「绍介」ê意思，后来用tī礼拜ê时，以chit-ê字来表示带领人来认bat耶稣ê救恩。使徒保罗用chit-ê字表示：耶稣就是引chhōa人来认bat上帝ê慈爱，mā因为耶稣，人chiah会知影上帝ê疼jōa-ni̍h-á宽阔、广大、深奥。

另外，chit-ê「活」字mā teh表示海港ê引水人带船入港仝款。耶稣就是án-ne ê角色，伊帮助人ê性命进入上帝ê「港口」，因为耶稣，人ê性命得tio̍h真正安息。

「分享上帝ê荣耀」，chia ê「荣耀」一词，thang对照第三章23节所讲ê，人因为犯罪，会失去「上帝ê荣耀」。chit-má因为有耶稣，chiah重新tńg来到本来上帝创造人ê时所hō͘ in人ê「形像」ê荣耀。起初上帝创造ê世界是欢欣ê，因为上帝创造万物后，「赐福」hō͘所有受造物「繁殖」ê气力，这表示受造物本身充满tio̍h性命力，是「好」ê表现（参考创世记一：20—22、26—28）。可惜，后来则因为人犯罪，hō͘ kui个受造ê大地连带受tio̍h惩罚（参考创世记三：17）。chit-má tī主耶稣内面，一切万物重新受造（参考以弗所书四：24）。这「荣耀」一词，一再出现tī罗马书中（参考三：23、八：17－18、21、30、九：23）。意思是teh指人ê kui个存在，lóng hō͘ 上帝ê荣耀所hip亮。Chit种「荣耀」mā ē-sái讲是上帝ê「面」、上帝ê「慈悲怜悯」（参考出埃及记三十三：18—19）。

第3到5节，chit段经文是基督徒不时引用ê经文。Chia使徒保罗强调基督徒ê信仰，是因为耶稣却ē-tàng hō͘人得tio̍h性命ê气力，hō͘一个人「tī患难中」mā会有喜乐。原因是tī耶稣内面，性命会有ǹg望。因为án-ne，即使有苦难，mā会欢喜。因为知影将来有性命ê ǹg望teh thèng候（参考罗马书八：18）。

「忍耐」，是teh指ē-tàng承受压力，m̄是逃避，却是用喜乐ê心接受（有含「忍受」ê意思）。

「患难培养忍耐」，tio̍h注意chit-ê「忍耐」，意思并m̄是真无奈ê接受，却是有坚定ê信心teh等待。因为知影tī苦难ê背后有美好ê应允teh thèng候。

「忍耐蒙上帝褒奖」，《中文和合本》用「忍耐生老练」，所谓「老练」，chit-ê词tī希腊文原文是teh指teh冶铸贵重金属，经过不断火炼，kā其中所含ê杂质除掉，hō͘金属变kah koh khah精纯（参考约伯记廿三：10 ê「考验」、「纯洁」）。使徒保罗tī chia用「褒奖」一词，tī哥林多后书第二章9节用「考验」、第八章2节「考验」、第九章13节「证据」。Tùi chia thang明白：信仰就是需要chit种锻炼、考验，并m̄是安安适适，kah-ná lóng甚么事情无发生就ē-tàng得tio̍h。

「上帝ê褒奖带来ǹg望」，这「ǹg望」并m̄是凭空得tio̍h，却是teh经历过真chē ê测试、磨练、考验，等通过考验了后chiah会有ê果子。

「ǹg望bē致使落空」，chia ê「ǹg望」一词，是teh指对上帝有信心。做一个人对上帝有信心ê时，上帝ê灵会tī伊ê性命里，chit种人bē对性命失望，koh khah bē感觉孤单、无助（参考以赛亚书廿八：16）。因为伊知影上帝爱伊，会kah伊同在。

「伊ê疼灌ak tī咱心内」，使徒保罗tùi「信心」讲tio̍h「ǹg望」；koh再tùi「ǹg望」讲tio̍h「爱」，chiah-ê用词lóng是环环相扣tio̍h。换句话讲，对上帝ê拯救有绝对信心ê人，性命中必定会体验tio̍h上帝拯救ê「爱」。

请注意，chia使徒保罗是第一pái tī罗马书用「爱」（agape）chit-ê字。使徒保罗每pái讲tio̍h上帝对人类ê「爱」ê时，所用ê就是chit-ê「agape」。这是teh指牺牲、奉献、无私、无换来代价ê「爱」（参考约翰一书三：16）。Chit种tùi上帝来ê「爱」，是透过「圣神」来「灌ak」tī人ê心内，是lóng无保留，是源源不断、无停止ê，甚至到满溢出来ê样式（参考诗篇廿三：5）。

第6到9节，chit段经文ē-sái讲是罗马书siōng精华ê一段。使徒保罗讲上帝爱世人，á世人原是罪人。上帝并m̄是因为人好，chiah爱；相对ê，是因为人iáu teh罪恶中沉沦、痛苦tio̍h，chit时，上帝就先疼咱à。Chit种疼是甘愿hō͘他ê独生kiáⁿ耶稣牺牲性命来救赎人。请注意，chia是讲当咱iáu是「罪人」ê时chūn，á m̄是讲「当咱iáu是外邦人」，á是「当咱iáu是犹太人」。使徒保罗是故意beh án-ne讲，为tio̍h是beh突破「犹太人」kah「外邦人」之间ê差别。因为tī上帝ê面前，所有ê人lóng是「罪人」，无「犹太人」kah「外邦人」之间ê分别。犹太人并无否认家己是「罪人」，m̄-koh in不时有一个错误观念，认为有亚伯拉罕当in ê祖先，thang hō͘ in免tī上帝ê惩罚。Mā因为án-ne，行洗礼约翰大声指出in chit种想法kah认知是严重ê 错误（参考马太福音三：9）。

第10到11节，使徒保罗讲出一个人如果kah上帝有和好ê关系，性命就开始有变化，伊会以耶稣为性命siōng大ê喜乐，因为是tī耶稣内面，人看tio̍h上帝ê救恩充满tio̍h伊ê性命。

罗马书 5:12-5:21

注释:

Chit段经文是第五章ê第二部分，使徒保罗进一步说明前一段经文所讨论ê结语。真chē人ài kā chit段话看做是基督教讲「原罪」ê基础经文。其实，基督教信仰并无讲「原罪」，却是讲罪。罪hō͘人kah上帝ê关系破坏à。

因为犹太人一直有一个观念：罪，所代表ê就是「死亡」。因为án-ne，使徒保罗用「亚当」犯罪chit-ê众人lóng知ê故事来说明：tùi「亚当」开始，人类就生活tī「死亡」中，性命是无希望ê。M̄-koh tī耶稣内面，人却thang ǹg望性命ê koh活，kah上帝之间重建和好ê关系。

第12到14节，tùi chit段经文thang看tio̍h使徒保罗讲亚当是犯罪ê源头ê时，伊指ê是人犯罪ê动机ná亲像亚当仝款，想beh脱离上帝ê疼kah教示。人想tio̍h ê就是家己ài做上帝，这是罪诱惑人弃sak上帝ê主因。每一个人lóng有亚当chit种意念。Á上帝ê疼大大超过人chit种意念，他差遣耶稣到世间来，hō͘人藉tio̍h耶稣á会得thang kah上帝kā破坏 ê关系重新修好，耶稣chit种救赎恩典，大大超过tùi亚当延续而来ê罪恶。

Koh讲，tio̍h注意ê是，当使徒保罗tī chia讲「亚当」ê时chūn，是用复数名词，是teh指人类ê意思。因为án-ne，它所代表ê是整体ê，m̄是单一ê。Mā因为án-ne，圣经teh讲罪ê时chūn，它m̄-nā是讲个人ê罪，mā同时讲人类共同ê罪性kah表现。战争就是一个例，是共同体ê犯罪。

「亚当是预表以后beh来ê hit位」，这是一种对照性ê讲法；因为亚当带hō͘全人类ê是毁灭，á耶稣则带来全人类得tio̍h拯救ê恩典。Chit种讲法tī第18节koh一pái出现。所谓「预表」，chit-ê词原本ê意思是teh指「记号」、「模型」、「像」。Tī chia用「预表」，表示亚当kah基督之间有一个「平行」ê状态，意思是teh指亚当犯罪带来人类死亡；基督ê死却带来人类koh活ê希望。因为án-ne，掠准讲是「预表」，真正意思是「对表」，是一种相对性ê现象。M̄是一头ê两端，却是两种完全无相仝、无交集ê平行状态。

第15节，确实，tī犯罪ê亚当kah救赎ê耶稣之间，有极大ê鸿沟，二者根本就无相仝。Chia强调上帝ê疼，tī耶稣ê身上显示出来ê，是khah赢过亚当犯罪带来ê死亡。因为，藉tio̍h耶稣，人thang看见koh活ê性命，这koh活就是超越死亡ê威胁。

第16到17节，chit两节koh一pái说明亚当带来死亡，chit种死亡ê罪，支配了全人类。M̄-koh却tī耶稣内面，thang看见上帝koh khah浩大ê救恩，beh透过耶稣hō͘所有人类藉tio̍h他来得tio̍h性命ê再生―—koh活。

第18到19节，说明亚当带来ê罪过，继续tī众人中间扩大。M̄-koh mā因为耶稣ê救恩，hō͘所有信靠伊救恩ê人，lóng ē-tàng因为án-ne而成做上帝眼中ê义人。

第20到21节，犹太人久长以来有一个观念：只要遵守摩西律法，就是kah上帝ê关系和好。M̄-koh问题是：人为tio̍h beh维护本来ê律法，却订出koh khah chē ê律法，结果因为律法koh khah chē，犯罪ê人mā koh khah chē。原因是人ê罪，hō͘人欢喜去chhōe律法所无规定ê，去做无应该做ê事。M̄-koh当人心中有基督ê疼了后，所想ê，就不会án-ne，却是会改变想法，无koh是chhōe律法上所欠缺ê，却是想beh用疼去补足律法上ê漏洞，á是bē合宜ê部分，好hō͘人kah上帝之间ê关系koh khah和谐、接近。这mā就是伊tī chit-ê节最后所讲ê「上帝ê恩典koh khah丰富」chit句话ê意思，指出当人藉tio̍h律法想beh「称义」ê时，却jú堕落。M̄-koh当人tńg来到上帝tī基督拯救之爱ê内面ê时，就会发见上帝救恩满溢，而且超过人所ē-tàng想像ê chē。

第21节ê「公义」，是teh指怜悯ê疼。Chit种爱，是对人类世界苦难ê性命发出慈爱ê呼叫、安慰之声，而且有实际医、疼惜ê动作（参考马可福音一：41；马太福音十四：14；路加福音十：33、十五：20）。使徒保罗非常清楚表示，人是藉tio̍h「主耶稣基督得tio̍h永恒ê性命」，这「永恒ê性命」mā就是约翰福音ê中心信息（参考约翰福音三：15、16、五：24、六：40、47、十七：2－3）。

罗马书 6:1-6:14

注释:

罗马书tùi第一章18节开始到第三章20节，是讲tio̍h有关人犯罪，致使kah上帝之间出现隔阂。然后tùi第三章21节起，直到第四章25节，lóng是teh谈一个人ē-tàng kah上帝重新和好，是因为耶稣十字架救赎ê缘故。续落来tī第五章讲咱是因为信耶稣á得tio̍h上帝拯救ê恩典，这恩典是tùi上帝来白白ê赏赐，并m̄是人ê努力á是功劳换来到ê。

罗马书ê第六章到第八章39节，是使徒保罗teh解释一个信耶稣ê信徒，应该有ê信仰态度kah认知。Tī chit段长到三章篇幅ê经文中，伊tī第六章细讲人án怎tùi罪ê奴役中脱离，得tio̍h性命ê真自由。然后第七章伊koh再解释怎样tùi律法ê诅咒下得tio̍h真正自由，同时，伊mā kā家己ê心灵做一个彻底告白，hō͘咱知影人有多软弱。续落来tī第八章，伊讲tio̍h怎样tī圣神ê带领下，成做一个有真实性命ê人。

使徒保罗tī第六章讲tio̍h一个性命有基督同在ê人，是有koh活性命ê人，伊讲chit种人就是脱离罪恶ê人。使徒保罗真正用意，是beh指出当人透过律法，知影所犯ê罪jōa-ni̍h-á重，就会想tio̍h上帝赏赐ê恩典，而且白白得来ê时，就koh khah应该tio̍h知影谦卑，而且会用感恩ê心来领受，án-ne chiah是正确ê态度。

使徒保罗Tī chit段经文中，一再强调一个信耶稣ê人，等于kah耶稣ê性命相连结，m̄-nā kah耶稣同死，mā将kah耶稣同koh活（参考第8节）。使徒保罗强调：信仰，是性命ê连结。若是将信仰kah性命分离，hit种ê信仰就ná亲像穿衫仝款，随时thang更换。M̄-koh若是将信仰kah性命连结做伙，án-ne就等于人ê身躯kah灵魂仝款，是bē-tàng分割ê。所以chit段经文ê主题就是teh kah耶稣「合做一个」ê基督徒。一个真正信靠耶稣ê人，无koh是原来ê家己，却是性命中有耶稣ê形象，kah耶稣亲密结合做伙ê人，伊kah耶稣同齐同钉十字架，mā同齐koh活。Chit种人会拒绝作罪恶ê奴隶，因为伊已经kā家己献hō͘上帝à。这mā是使徒保罗所常用ê：成做「新造ê人」（参考哥林多后书五：17、加拉太书六：15、以弗所书二：15、四：17—24）。

第1到4节，tùi第1节就thang看tio̍h有人确实是误解，á是讲故意扭曲使徒保罗所讲ê上帝tī耶稣内面拯救恩典ê意思义。原因是tī第五章20节所提起ê「罪jú增多，上帝ê恩典mā koh khah丰富」chit句话。这mā tùi第三章8节伊mā bat提起chit种问题。使徒保罗真清楚表明，罪，hō͘人ê性命死亡。死去ê人怎样ē-tàng继续犯罪？无可能ê事。伊讲，一个真正kah耶稣连结ê人，就是kah耶稣同死tī十字架上，m̄-koh却因为耶稣ê koh活，mā 跟tòe齐koh活，chit种koh活就是teh过新ê生活样式。

第5到10节，chit段经文一再强调kah耶稣「合做一个」ê重要性，表明ê是一个人若真正信耶稣是性命ê救主，chit-ê人就是kah耶稣无分离ê人，伊必定tī信仰上真清楚，是kah耶稣同死，mā会kah耶稣同koh活。Chit种人，就是脱离了死亡威胁ê人。是一个无死ê人，á chit-má活teh，是「为上帝á活」。使徒保罗chit种讲法tī加拉太书第二章20节mā出现，伊讲：「Án ne，chit-má teh 活ê 我m̄ 是原来ê 我，是基督tiàm-tī 我内面teh 活；我chit-máteh 活，是靠信上帝ê Kiáⁿ teh 活；基督疼我，为tio̍h 我放sak 性命。(全民版)」

第11节，使徒保罗强调一个kah耶稣连结ê人，就一定tio̍h kā家己当做是已经是死去ê人仝款，是过去tī罪恶中ê人已经死去à，chit-má活teh ê我，是因为有上帝tī耶稣内面ê救恩á活。伊一再用「为上帝á活」，chit句mā thang讲做「tī上帝内面活着」，因为上帝就是行伟大神迹者，他hō͘死á埋葬ê耶稣，koh活起来。Koh活，就是永恒ê性命。所以做一个人kah耶稣「合做一个」了后，藉tio̍h耶稣ê koh活，信ê人，mā就跟tòe耶稣koh活起来，这就是tī上帝内面活着。因此thang án-ne了解，一个信耶稣ê人，就是时刻会想tio̍h上帝就tī伊性命中，就ná亲像使徒保罗siōng欢喜讲ê，是有耶稣活tī伊ê性命里。

  第12到14节，chit三节经文thang讲为头前ê经文做一个总结。使徒保罗beh厘清一个重要ê观念，并m̄是讲一个信耶稣ê人已经脱离了罪，就认为tùi án-ne bē koh再有罪ê问题出现。Ná亲像头前已经讲述过ê，脱离罪ê束缚，是离开了罪ê主宰，m̄-koh却tùi án-ne成做罪ê对敌者。所以需要不时kah罪对抗。伊讲一个信耶稣ê人，是无koh作「邪恶ê工具」，却是成做「公义ê器皿」。这是相对ê话句，「工具」kah「器皿」lóng是teh指「武器」ê意思。使徒保罗甚至讲beh穿上帝所赐ê「全副武装」，为tio̍h是beh对付罪恶ê诱惑（参考以弗所书六：10—13）。注意这处圣经所讲ê「公义」，指ê就是「规范」，mā是属tī上帝教示ê准则。上帝ê「规范」包含怜悯、赦免、慈爱、公正。「公义」包括了基督徒应该有ê siōng基本之伦理行为。

罗马书 6:15-6:23

注释:

第六章ê中心思想，是结构tī第14节所讲ê，信耶稣ê人会tùi án-ne无koh生活「tī律法之下，却是tī上帝恩典下」，chit句话说明性命ê转变，特别是tī kui个性命óa靠ê基础上，有完全颠倒ê支柱。

律法，是人订来维护生活规范ê，á恩典是上帝ê拯救，会hō͘人有心存感恩ê态度来做行为准则，对人产生出来ê结果是完全无仝款ê。M̄-koh thang理解使徒保罗会án-ne用chiah-ni̍h长ê篇幅一再论述，是因为有人回应使徒保罗讲，认为只要信耶稣，一切就lóng无关系à。使徒保罗khah强调真正信耶稣ê人，是会用感恩ê心来改变性命态度。Koh讲，伊强调耶稣就是上帝拯救ê恩典，并m̄是用人ê气力á是任何代价thang换来得tio̍h。Mā就是上帝恩典并m̄是商场上ê物件，只有以谦卑、感恩ê心领受，chiah会对人ê性命产生意义。

Tī chit段经文内底，有两个真大ê特色，其一是差不多每节lóng是「相对句」ê型态；亲像：
(1)第15节：无tī律法之下vs.tī上帝恩典之下。
(2)第16节：做罪ê奴仆，结果就是死vs.顺服上帝，就ē-tàng成做义人。
(3)第17节：lín bat vs.chit-má lín。
(4)第18节：tùi罪中被tháu放vs.成做义ê奴仆。
(5)第19节：以前放纵、为非作pháiⁿ、做罪ê奴仆vs.chit-má beh奉献家己、做义ê奴仆、成做圣洁ê器皿。
(6)第20到22节：以前做罪ê奴仆vs.chit-má作上帝ê奴仆。
(7)第23节：罪ê代价是死亡vs.在主耶稣基督内面得永恒性命。

第个特色，是用「奴仆」chit-ê词chē kah九pái，而且lóng是用对照句ê方式出现，就是tùi「罪ê奴仆」到「上帝ê奴仆」，使徒保罗用chit种词teh表明一个人性命ê转变，而且完全ê转变。这mā是基督教信仰所讲ê，一个人性命ê改变，tùi pháiⁿ转换到好；tùi恶变成善；tùi死亡到得tio̍h新性命；tùi失落到得tio̍h（参考路加福音十五：7、10、24、32）。明白chit-ê信息了后，对基督教信仰就是有透彻ê了解à。

罗马书 7:1-7:6

注释:

Chit章是tùi摩西律法ê观点teh谈信仰kah性命ê问题。使徒保罗先tùi人性软弱ê一面切入，而且kā人性ê弱点刻画得非常清楚，mā对罪分析siōng-kài透彻。伊讲：「我无去做我所意爱ê 好，颠倒tńg 去做我无意爱ê pháiⁿ。(全民版)」（第19节）伊提起人心内深处有两个「律」，一个是chiap-chiap诱惑人弃sak上帝法则ê「律」，另外一个是一再警告人bē-tàng弃sak上帝法则ê「律」，ài人知影节制，mā会知影家己ê软弱。使徒保罗讲chit两个「律」一直存在tī人心内深处，m̄是一般外人ē-tàng看会tio̍h。伊讲出人ê软弱是：人无法度排除诱惑犯罪ê气力，明明知影án-ne bē-tàng，却真想beh去试看māi，结果人输了，这是性命中siōng大ê苦楚。M̄-koh伊mā讲siōng值得感谢ê，就是因为有主耶稣基督，人才ē-tàng因为án-ne soah tùi罪恶中得tio̍h拯救（参考第25节）。得救，这是性命ê一线希望，mā是基督教信仰siōng重要ê信息，hō͘人原本会死亡ê性命得救。

Tī chit段经文中使徒保罗用婚姻ê关系teh讲述人kah上帝ê关系。对犹太人来讲，使徒保罗chit种譬喻真清楚，因为以色列民族ê信仰文化中，会kā上帝kah in民族间ê关系，用夫妻来表示（参考以赛亚书六十二：4—5，耶利米书三：20，以西结书十六：8，何西阿书二：19—20）。因为án-ne，当使徒保罗用夫妻关系来讨论信仰ê问题ê时，对犹太人来讲，一点mā不生份，真容易了解。
第1节，chit节开始是对律法做出定义：表示律法只对活teh ê人才有效力。M̄-koh信仰就m̄是án-ne；信仰会谈论到人死后ê事。

第2到3节，使徒保罗用婚姻ê关系来形容律法效力之限制。犹太人ê社会是用男性做中心，只有cha-po͘人才ē-tàng对cha-bó͘人提出离婚ê要求，cha-bó͘人根本无chit种机会（参考申命记廿四：1）。In ê观念中，cha-bó͘人是附属tī cha-po͘人ê。使徒保罗tī chia想beh表明一点：夫妻因为律法有婚姻ê关系。M̄-koh，如果丈夫往生后，bó͘就是自由ê人，她 thang koh再kah别人结婚。

第4到6节，使徒保罗kā用婚姻关系举例来说明罪kah人ê关系。一个kah基督连结ê人，因为耶稣已经死tī十字架顶了，人ê罪就跟tòe死去。chit-má耶稣是有koh活，因为án-ne，连结tī基督内面ê人，mā tòe koh活，无koh附属tī罪，á是一个自由ê人，ē-tàng kah上帝重新和好ê一个契机，thang照圣神ê指示重新过新生活ê人，而且ē-tàng成做上帝ê同工。

罗马书 7:7-7:13

注释:

Chit段经文使徒保罗koh一pái强调律法并m̄是无好，基本上伊强调律法是好ê，因为有律法，chiah会hō͘人知影罪是甚么，m̄-koh律法并bē-tàng救人tùi罪中脱离。因为人ê问题是：明明知影bē-tàng做ê事，却iáu是去做，伊tī下一段mā讲出亲身ê体验。

Tī chit段经文中使徒保罗讲tio̍h一个基督徒ê「过去」，然续后落来tī第14到25节，伊讲tio̍h基督徒ê「chit-má」。伊用「过去」kah「chit-má」ê差别，形容一个人tī「信」kah「未信」之间ê无仝。背景是kah伊tī大马士革途中遇tio̍h koh活ê耶稣所经历ê改变，伊亲身体验到性命ê转变。

Koh讲，tī chit段经文中，使徒保罗论到有关「律法」ê问题。使徒保罗谈律法ê时，就是teh指「过去」。因为伊讲律法hō͘人知影罪恶koh khah chē，而且罪恶ê代价是死ê（参考罗马书六：23），就án-ne有人提出chit种质疑：既然律法就是chhōa人进入「死亡」，chit种律法岂m̄是kah「罪」仝款，án-ne，律法对人有甚么用？因为án-ne，chit段经文mā是使徒保罗teh解释律法对人ê功用。

第7到8节，tī chia使徒保罗举「贪心」为例来解释。Bē-tàng贪心，这是十诫ê第八诫ê「bē-tàng偷the̍h」（参考出埃及记二十：15、17）。「贪心」，mā是teh指一切bē合法ê欲望（参考罗马书一：24）。Tùi律法顶面来看，这是teh指表面上看会出来ê物质品，是thang摸会tio̍h、the̍h会tio̍h、看得tio̍h等物件。M̄-koh罪却tùi chia渗透进入人ê心内诱惑tio̍h人引起贪欲，会hō͘人想beh用各种方法得tio̍h koh khah chē。因为罪是隐藏tī律法中，当它chhōe-tio̍h thang切入ê破口ê时，就会开始活跃，引诱人想出所有ê办法beh chhōe-tio̍h犯罪ê藉口。

第9到11节，使徒保罗强调律法本来是「beh hō͘人得tio̍h性命」（参考利未记十八：5），结果tú好倒反。这是tùi创世记第三章亚当、夏娃犯罪ê情节隐喻而来。本来上帝设立hit条规律—bē-sái食园中hit丛树ê果子—如果m̄去动它，就会生存，bē死亡。Ē-sái讲是，当chit条规律一设落来，罪chhōe-tio̍h了切入ê机会，诱惑人去想beh「试看māi」是m̄是有kah上帝所讲ê仝款：人会「死」。使徒保罗会认为因为有律法反tńg hō͘罪活跃起来，真可能是teh指tī伊悔改信主chìn前。当时伊并无罪ê感觉，颠倒，伊认为家己就是完全了律法规定，ná亲像伊tī腓立比书第三章6节所讲ê仝款，如果以摩西律法来讲，伊是「无甚么thang指责ê所在」。M̄-koh当伊认bat了耶稣了后，伊了解到原来hiah-ê律法是催促伊去犯罪—迫害耶稣ê信徒—ê主因。这就是伊tī chia所讲ê，发觉家己被律法hō͘骗去。

第12到13节，第12节是回应第7节。使徒保罗无希望有人故意曲解伊ê意思，认为伊反对摩西律法ê重要性。本身是一个犹太人，而且bat是摩西律法ê宗教师，伊m̄-nā m̄是否定律法，却是非常肯定讲「摩西ê律法是神圣ê」。因为摩西律法是出tī上帝，m̄是摩西家己设立ê。Á上帝mā是圣洁ê（参考利未记十一：45、十九：2），因为án-ne，他ê诫命、律法条例mā是圣洁ê。使徒保罗koh khah强调讲，律法是「良善ê」，表示是对性命有帮助，á chit种「良善」to̍h是上帝ê本质。因为án-ne，tī chia使徒保罗非常清楚提出伊ê观点：真正ê问题是出tī律法被罪附身所带来ê结果，并m̄是律法本身，却是罪藉tio̍h律法tī人ê性命中做主。

罗马书 7:14-7:25

注释:

这是一段非常重要ê心灵剖析，使徒保罗tī自我反省了后，对性命siōng深沈ê告白。伊讲每一个人ê心内lóng会有两个「律」，一个是引诱人犯罪ê「律」，另外一个则设法想beh阻挡人接受诱惑ê「律」。值得注意ê是chit段经文所用ê动词lóng是chit-má式ê，是表示chit-má iáu继续án-ne，m̄是已经过去à。为甚么使徒保罗tio̍h用chit种动词型态？因为伊发见人性命中siōng大ê无奈，就是对罪lóng无抵抗能力。Chit段经文mā ē-sái讲是伊对人性命深处siōng深刻ê体验――「我所愿意ê，我偏m̄去做；我所恨恶ê，我反tńg去做。」「我所愿意ê善，我偏m̄去做；我所无愿意ê恶，我反tńg去做。」伊讲这就是因为罪tī人性命里作祟ê缘故。M̄-koh伊讲，值得感谢ê是因为有耶稣，hō͘人ê性命就tī chit种lóng无希望中，看tio̍h siōng大ê ǹg望，因为耶稣ē-tàng救人ê性命脱离chit种死亡ê威胁。

第14节，即使摩西ê律法是圣洁ê、属灵ê，ē-sái讲有罪ê人是无法度完成律法所规定该做ê事，反tńg是利用律法隐藏家己ê罪恶，去做无应该做ê事。

第15到17节，chit三节讲出人siōng大ê软弱，就是无法度控制家己，虽然心内是想beh做美好ê事，ē-sái讲是往往做出无应该有ê事。Á koh khah严重ê是连做错事lóng bē明白，iáu会为家己所做ê错事做辩解。如果是án-ne，使徒保罗认为chit种人就是tī罪ê控制之下。

第18到20节，使徒保罗ê观念中，人有两部分，其一是属tī肉体ê，这部分伊kā它称做「本性」，另外一个是属tī理性ê，伊kā它称做「属灵」。理性ê部分，是上帝赋予人ê灵性，hō͘人知影是非、善恶。属tī肉体ê是人ê「本性」，这是满足人欲望ê需要。使徒保罗tī-chia强调，人ê「本性」siōng大ê软弱，就是Tī该做ê善事顶面，表现出来眼高手低ê结果。

第21到23节，tī chit段经文中，使徒保罗一再用「法则」chit-ê词，描述人心内痛苦挣扎ê经历，其实，这mā说明伊遇tio̍h koh活ê耶稣了后，á bat有过性命转折之痛苦。伊用两种无仝ê「法则」，来形容存在tī人心内深处互相斗争ê现象；其中一种，是心内喜爱上帝法则，m̄-koh身躯却m̄听hō͘唤。Chit两种「法则」彼此相斗，tī人心内深处一直无停teh交战。

第24到25节，「我真苦ah！甚么人ē-tàng救我脱离这hō͘我死亡ê身躯？」这是性命Tī痛苦中siōng大ê呐喊，期望呼求上帝ê拯救。使徒保罗一直有一个真清楚观念：身躯，是上帝所创造ê；因为án-ne，身躯是上帝ê殿，á上帝ê灵就khiā起tī人ê身躯中（参考哥林多前书六：19）。使徒保罗tī chia已经讲出一个性命现象：人ê心内若有斗争、不安、争吵，就会搅乱人ê心思，chit时，人ê身躯所表现出来ê行为就跟tòe乱à。耶稣讲人心内ê恶念，会hō͘人做出真chē犯罪ê行为来（参考马可福音七：21—23）。虽然án-ne，使徒保罗讲信耶稣为性命救主ê人，siōng大ê福气就是知影耶稣ē-tàng救伊，这表示只有tī耶稣内面，chiah ē-tàng hō͘人脱离hit-ê会致使人脱离上帝ê教导ê罪。伊无否认家己tī心灵上，kah肉体之间是有真大ê cheng差。因为án-ne，伊讲tī心灵上，伊是顺服tī上帝ê旨意ê，m̄-koh tī实际行动上，所表现出来ê是软弱ê，无法度脱离罪ê锁枷。

罗马书 8:1-8:17

注释:

Chit章是teh说明一个信耶稣ê人，怎样得tio̍h永恒ê性命。Tī chit章，使徒保罗主要teh说明一个真正以耶稣为伊性命中心ê人，无任何力量ē-tàng kā伊kah上帝之间ê关系切断，原因只有一点：因为有耶稣。使徒保罗tī chit章中，伊用「属tī圣神」kah「属tī本性」chit种词句来做区隔「信」耶稣kah「m̄信」耶稣之间ê差别。Tī chit章，使徒保罗继续teh说明一个活tī耶稣内面ê人，kah活tī律法之下ê人之间ê差别。

Chit段经文使徒保罗提出一个重要ê观念：当人无法度自拔ê时chūn，上帝ê圣神却是人óa靠ê气力来源。圣经是上帝做工ê气力，mā是上帝显示hō͘人迈向永生之道ê气力。使徒保罗强调：圣神是hō͘咱kah耶稣结连做伙ê气力。相对ê，人ê本性则是beh hō͘人tùi kah耶稣结连ê环节上脱离。因为án-ne，伊认为圣神kah人ê本性是相对ê，甚至是对敌ê。伊特别提起信耶稣为性命之主ê人，会有真大ê福气，就是上帝ê圣神会kah chit种人同在，hō͘伊拥有新ê性命。Á圣神，是上帝改造人心ê气力。

Koh讲，使徒保罗用老父kah子女之间ê关系，来形容基督徒ná亲像上帝ê Kiáⁿ仝款。Chit种观念其实是tùi以色列民族tī信仰上ê认知延伸来ê。以色列人民一直自认为是上帝ê Kiáⁿ，上帝就是in ê老父（参考出埃及记四：22）

第1节，使徒保罗一开始就斩钉截铁地讲活tī耶稣内面ê人，bē被定罪。因为tī耶稣内面ê人，已经向罪宣告死亡，是kah耶稣同齐同钉十字架à。耶稣ê十字架siōng大功劳，就是hō͘人tùi罪ê奴隶中得tio̍h tháu放。

第2到4节，使徒保罗强调，一个人ē-tàng kah耶稣联合做伙，并m̄是人家己有chit种能力，却是因为「圣神ê法则」所带来ê结果。圣神能 kā人tùi罪恶中「tháu放」出来，hō͘人kah耶稣连结做伙。伊讲摩西律法所无法度成就ê事，上帝亲自差遣伊ê kiáⁿ耶稣来成就chit件事，就是hō͘人tùi罪ê中间脱离出来。

第5到8节，使徒保罗koh khah清楚表明圣神kah人ê本性之间siōng大ê差别，乃是圣神hō͘人得tio̍h性命，á人ê本性则chhōa人进入死亡（第6节）。第8节讲「顺服本性ê人无法度得tio̍h上帝ê欢喜」，意思ná亲像第十四章17到18 节讲ê：「上帝ê主权无在tī lim食，á在tī圣神所赐ê公正、和平、喜乐。Án-ne事奉基督ê人必定得tio̍h上帝ê欢喜kah人ê o-ló。」chia ê「公正、和平、喜乐」，mā是圣经ê中心信息，信耶稣ê人会tī生活上显示出chit种力量，á chit种力量m̄是tùi律法学习tio̍h ê，却是来自圣神ê引chhōa。

第9到10节，这短短三节中，使徒保罗提起信耶稣为性命之主ê人，会有真大ê福气，就是上帝ê圣神会kah chit种人同在，hō͘伊拥有新ê性命。Tī犹太人看起来，一个人ê性命如果无「上帝ê灵」同在，chit-ê人ê性命就算是「死」ê，因为hō͘人成做「有性命ê人」，就是因为「上帝ê灵」pûn入去人ê内面（参考创世记二：7）。因为án-ne，做一个人「死」ê时chūn，就是表示chit-ê人ê性命已经无了上帝ê灵tī伊ê身躯内面。第10节ê「上帝ê灵beh hō͘ lín活」，chit句话thang参考罗马书第八章2节，使徒保罗讲这是因为人顺服「圣神ê法则」ê缘故。当人顺服「圣神法则」ê时，就是新ê性命开始，等于是「新造ê人」（参考哥林多后书五：17）。

第11节，使徒保罗真清楚teh表达一个基本信念：kah耶稣相连结ê人，就会kah耶稣同齐死，mā同齐koh活（参考罗马书六：8），chit点ē-sái讲是伊写罗马书ê基本思想结构，mā ē-sái讲是使徒保罗kui个思想ê主轴。

第12到13节，chia所讲ê「负债」，而且强调m̄是「欠本性ê债」，因为「本性」是teh指肉体。Án-ne，使徒保罗tī chia ê意思是teh指：若tī耶稣内面，人ê性命（心灵）tùi原本是罪ê奴隶中被赎回，chit-má是属tī上帝ê à。因为án-ne，人只有óa靠圣神ê气力，chiah ē-tàng抵挡罪ê诱惑。

第14到16节，使徒保罗Tī chit段经文中，上帝所赐ê灵，是beh hō͘人「有上帝kiáⁿ ê名份」，án-ne，一个信耶稣ê人，就ná亲像hō͘ 上帝用高价赎回来ê仝款，赎回ê方式是耶稣死tī十字架，hō͘信ê人有新ê身分，tùi过去做罪ê子女，换做领有「新ê身分」ê人。这「新ê身分」就是tī上帝ê灵ê引chhōa之下得tio̍h ê。

第17节，chit节ē-sái讲是kui本罗马书ê中心思想之一。Chia提起一个领有新ê身分之kiáⁿ，mā就是基督徒，就是一个kah耶稣完全连结ê性命。因为án-ne，m̄-nā kah耶稣同受苦难，mā tio̍h分享基督koh活ê喜乐kah福气（参考罗马书六：8）。

罗马书 8:18-8:30

注释:

Tī chit段经文中，使徒保罗提出一个非常重要ê观念：tī苦难中有ǹg望。一个有圣神同在ê人，伊ê性命虽然看起来是苦难，其实是充满tio̍h希望。这ǹg望是kah耶稣koh活ê性命相结合。伊tī一段经文中mā讲tio̍h tī耶稣内面，身为基督徒拥有将来性命ê荣耀，这荣耀是teh指性命ê koh活。使徒保罗并m̄是teh否定现今生活ê重要性，却是teh提醒信徒注意，现今ê世界，是一个多变、不可靠ê环境。若是beh chhōe永恒ê荣耀，就一定tio̍h tńg来到耶稣koh活ê恩典中，he chiah是上帝对人性命siōng大ê奖赏。

第18到19节，使徒保罗认为「chit-má ê苦难」是目nih-á ê，这kah圣经一再提起人tī chit-ê世间ê性命目nih-á ná亲像泡影有关系。圣经ê作者一再提起咱tī世间ê性命是ná亲像「做一困」而已（参考约伯记七：7、八：9、十四：1，诗篇三十九：5、11、九十：4—6、一四四：4，传道书二：3、六：12）。M̄-koh上帝ê荣耀是永恒ê，因为他是永恒ê存在，无终结（参考出埃及记四：14，启示录一：8、十一：17、十六：5）。使徒保罗一再劝勉基督徒，ài kā性命ê目标khǹg tī he永远ê奖赏，m̄是世间ê奖赏，却是天顶ê（参考腓立比书三：14）。因为天顶ê奖赏chiah是永恒ê，世间ê奖赏lóng是目nih-á ê。Tī第19节「烧热切地ǹg望」，chit-ê词是由三个字组合起来，包括「来自」（apo）、「头」（kara）、「观看」（dokeo），意思是「引颈以待」。意思是teh指kā一切注意力lóng集中tī一个鲜明ê目标上，然后用极大ê耐心teh等待。

第20到21节，使徒保罗kā创世记第三章描述上帝惩罚人违背他旨意ê结果，引用tī chit所在。Tī上帝创造万物之初，赐福hō͘所有ê受造物，hō͘一切生物lóng有能力延续性命（参考创世记一：22），包括人类在内（参考创世记一：28）。这是上帝创造宇宙万物ê「本意」。M̄-koh后来因为罪ê缘故，上帝决定改变chit种赐福，却是hō͘ in「毁灭」，成做「虚空」，这是teh指无成果（参考创世记三：17—19，诗篇三十九：6、一二七：2，传道书一：13—14）。虽然是án-ne，使徒保罗认为tī所有chiah-ê虚空之下，所有ê受造物lóng tī期待ē-tàng藉tio̍h基督耶稣得tio̍h kah上帝和好ê机会，ná亲像成做「上帝ê Kiáⁿ」一般，「摆脱hit-ê会朽pháiⁿ ê锁枷」。

第22到25节，所有受造物tī「haiⁿ-haiⁿ叫」，原因是性命tú-tio̍h苦难。上帝对chit种性命苦难所发出ê「haiⁿ-haiⁿ叫」声音非常重视，他一定会伸出救助ê手（参考出埃及记二：23—25）。圣经不时用chit种「生产ê阵痛」之词句来描述性命ê苦难，就ná亲像产妇tī临盆ê时hit种痛苦ê kah大声呼叫仝款（参考列王记下十九：3，诗篇四十八：6，以赛亚书十三：8、廿一：3、廿六：17、三十七：3，耶利米书廿二：23，弥迦书四：10，马可福音十三：8）。Chit种词句用来形容国家、民族等遇tio̍h极大ê危险。使徒保罗tī chia强调讲：性命有苦难，是来自人生存环境ê罪，以及性命中ê罪恶。Á ǹg望则来自koh活ê耶稣，透过伊ê救恩，人ê性命kā充满圣神ê气力。

第26到27节，既然罪是hō͘人生活tī苦难中，甚至到连haiⁿ-haiⁿ叫ê声音mā无法度发出来，m̄-koh上帝是慈爱ê，他ê圣神知影人ê苦难，即使人连haiⁿ-haiⁿ叫ê声音lóng无法发出ê时，圣神mā会替人「亲自用言语所无法度表达ê吐气为咱向上帝祈求」。甚么款ê人会连haiⁿ-haiⁿ叫ê声音mā发bē出来？岂m̄是已经相当软弱ê ？tī人看起来岂m̄是连一点希望mā无？即使是亲像án-ne软弱ê人，tī耶稣拯救ê疼里，iáu是充满tio̍h希望，á chit点就m̄是摩西律法ē-tàng得tio̍h ê。一个人生存siōng重要ê要素，就在tī对性命有ǹg望，无ǹg望ê性命是死ê。

「洞察人心ê上帝」，圣经一再kā咱讲，上帝是观察人ê心内，并且审察人心ê意念（参考申命记三十一：21，撒母耳记上十六：7，诗篇十一：4、廿六：2、九十四：11、一三九：23，箴言廿一：12，耶利米书十一：20）。

第28到30节，tī chit段经文中，有ê人kā它看做是「预定论」ê主要经文。认为每一件事lóng是上帝已经事先就预备好ê，包括上帝beh拣选甚么人，hō͘甚么人得救等，lóng是早已经计画好ê。Chit种讲法真容易hō͘人产生一个错觉，认为既然án-ne，人iáu需要怎样努力？人iáu需要做甚么？无需要，因为一切事lóng是上帝已经安排好ê。其实这m̄是使徒保罗ê观点。对使徒保罗来讲，伊因为tī大马士革遇tio̍h koh活ê耶稣了后，有真深刻ê性命经验，因为án-ne，伊认为，并m̄是伊有甚么好、特别ê所在，却是上帝拣选伊，ài伊为耶稣koh活ê福音做见证。这ná亲像先知以赛亚、耶利米lóng有共同ê经验，讲in tī老母ê怀中，上帝就已经拣选了in仝款，这lóng是后来看见m̄是in有甚么特别条件，却是出tī上帝ê特别旨意，耶利米发见家己被拣选做上帝奴仆（参考以赛亚书四十九：1，耶利米书一：5），并m̄是in有甚么值得上帝ê喜爱，却是上帝为福音ê缘故拣选了伊。一个真正体验tio̍h上帝拣选之爱ê人，回头去看家己行过ê路ê时，伊一定会用充满感恩讲，一切lóng是上帝ê旨意，chiah有今á日ê成果。

第28节ê「疼上帝ê人」，是teh指上帝所选召ê人。Chit种人有一个基本特质，就是会遵行上帝旨意。「万事互相效力」，讲出基督教信仰ê根本认bat：每一件事lóng有上帝ê特殊旨意在，即使是苦难、悲伤、困境、失败，á是成功、得意等等，chiah-ê lóng有上帝奇妙ê安排，为tio̍h是beh hō͘ hiah-ê真正疼上帝ê人得tio̍h益处。

第29到30节，chit两节经文thang参考以弗所书第一章4节，耶利米书第一章4到5节，诗篇第一三九篇15到17节。上帝拣选人，并且「宣布in为义人」，这就亲像上帝宣布亚伯拉罕为「义人」仝款（参考创世记十五：6），意思是讲上帝所拣选ê人，会kah上帝建立和好ê关系，上帝会hō͘他所拣选ê人分享荣耀，这mā说明hō͘ 上帝拣选ê人，确实是领受了tùi上帝来极大ê恩典。

罗马书 8:31-8:39

注释:

Chit段经文是tùi第一章18节开始谈论ê「kah上帝有合宜ê关系」ê总结。这mā是使徒保罗siōng富诗意ê一段经文，mā是使徒保罗重要ê信仰告白。Tī chit段经文中，伊特别强调无任何力量thang阻挡上帝tī耶稣内面对人类ê疼，切断人kah上帝之间ê关系。上帝ê疼是lóng无保留hō͘咱，如果连他所疼ê独生kiáⁿ耶稣lóng为咱舍命，就是为tio̍h beh hō͘咱kah他重建合宜ê关系，án-ne iáu有甚么阻碍会隔离咱kah上帝ê疼？无lah，即使是天顶ê使者、灵界ê掌权者mā无法度破坏咱kah上帝ê关系，因为咱就是上帝siōng疼ê。

第32节，chit节是相当关键ê一节经文。使徒保罗讲上帝kā他ê独生kiáⁿ耶稣赏赐hō͘人类，就是表明一个基本认bat：上帝既然lóng kā siōng好ê礼物送hō͘世人，koh khah án怎都无其他「物件」ē-tàng赢过tī耶稣身上所显明ê koh khah珍贵ê礼物à。「Kā万物白白赐hō͘咱」chit句话，主要teh说明上帝是hiah-ni̍h-á疼人类，hō͘人类来管理、享受他创造ê一切万物。Chia所指ê「万物」，mā就是第28节所提起ê，tī chia指ê是「世界」ê意思。

第33到34节，使徒保罗讲出有关耶稣ê三件事：一是耶稣死去；二是耶稣已经tùi死内底koh活；三是耶稣成做所有óa靠伊救恩ê保证人（参考约翰福音六：38—40），伊beh为所有信靠伊ê人向上帝祈求（参考约翰福音十七：9，约翰一书二：1）。耶稣向上帝祈求怜悯ê疼，赎回信靠伊ê人所犯ê一切过错（参考以赛亚书五十三：12）。

第35节，使徒保罗tī chia所描述ê「患难、困苦、迫害、iau饿、sàn-chhiah、危险、刀剑」等七项，chiah-ê lóng是人类世界生活中一再出现ê性命苦难。M̄-koh使徒保罗讲chiah-ê性命ê苦难，m̄-nā bē拆散耶稣kah信靠伊ê人之间ê关系，反tńg是koh khah亲密地连结做伙。

第36节，thang参考诗篇第四十四篇22节。使徒保罗引用chit-ê诗歌，是beh hō͘罗马教会ê信徒知影，tī信仰ê旅途中tú-tio̍h苦难，而且威胁tio̍h性命，这并m̄是新鲜事，早tī诗人ê时代就已经有。其实，使徒保罗亲身经历过类似ê苦难，伊tī传福音ê过程中就有chit种经历（参考哥林多后书十一：24—28）。

第37到39节，使徒保罗非常肯定讲，所有ê迫害lóng无够额来切断óa靠耶稣ê人kah上帝之间ê关系。伊tī chia特别提起：
「死」，表明tio̍h性命中所经历到ê siōng大痛苦，「活」，是teh指性命中siōng有成就、荣耀ê事，á是siōng兴奋ê事。

「天使」，是teh指邪恶ê天使，ná亲像撒旦、魔鬼就是属tī chit类ê天使（参考约伯记一：6、二：1）。

「灵界ê掌权者」，这是teh指诱惑ê气力，想beh阻止上帝拯救世人ê气力（参考哥林多前书十五：24）。Tī使徒保罗观念中，灵界有阶级层次上ê区分，m̄-koh使徒保罗强调，耶稣ê气力，会kā chiah-ê气力lóng消灭（参考以弗所书一：21、三：10，歌罗西书二：10、15）。

「chit-má」、「将来」，这讲出一个无限ê时间，耶稣永远是上帝kah人之间ê调kah者。

「高天」、「深渊」，这是古代占星术ê一种术语，意思是teh指每一个人出世，lóng受tio̍h天顶ê某一个星球控制tio̍h。这是古老东方社会ê思想。用现代术语则kah「星球磁场」真接近。这ná亲像诗人所讲ê，日时头，日头bē伤害，夜间，月娘mā bē害你仝款（参考诗篇一二一：6），因为有上帝ê保护，性命必定是安全ê。

使徒保罗顶面所讲ê chiah-ê用词，lóng teh强调一个基本观念：kui个宇宙之间，lóng充满tio̍h上帝tī耶稣内面拯救ê疼。无任何力量ē-tàng破坏人kah上帝之间ê关系。

罗马书 9:1-9:18

注释:

Tùi chit章到十一章使徒保罗lóng tī谈论有关犹太人ê问题，tī伊ê看法里，拒绝承认耶稣为救主ê犹太人，就是hō͘上帝所弃sak ê。这问题m̄-nā发生tī犹太人拒绝耶稣，甚至mā发生tī hiah-ê已经承认耶稣为救主ê犹太人身上，in主张tio̍h先以摩西律法所规定ê割礼做基础，来要求其他非犹太人mā遵守，并且强调讲如果无守割礼就无法度得救。因为后者chit种论调已经矮化了耶稣ê救恩。

使徒保罗tī罗马书中有两个主要ê论点：一是每一个人lóng生活tī罪ê掌控下，无一个人tī上帝面前ē-tàng靠tio̍h遵行摩西律法á得救，无论是犹太人á是外邦人lóng仝款。二是上帝显明他ê大爱，透过耶稣ê救赎，hō͘所有信耶稣ê人会得thang因为án-ne soah重新建立kah上帝和好ê关系，这是透过耶稣得tio̍h ê，无论犹太人á是外邦人lóng仝款，无任何人是特别ê。这就是罗马书第九到十一章中所谈论ê问题。因为以往犹太人是kā摩西律法看做是得救ê准则，离开摩西律法就kah得救无望。M̄-koh，使徒保罗beh kā in讲，siōng重要ê是tī耶稣内面，m̄是tī摩西律法中。

Tùi chit段经文thang看tio̍h有人对使徒保罗所讲ê话感觉相当不满，特别是犹太人，因为伊bat讲过：「Án-ne 讲起来，做犹太人有甚么优点？受割礼有甚么利益？(全民版)」（罗马书三：1）以讲到tī血统上作为亚伯拉罕ê kiáⁿ孙，并无表示有甚么特别（参考罗马书四：1），chit种观点lóng hō͘犹太人感觉深受伤害。因此，有bē少犹太人认为使徒保罗根本就是teh侮辱犹太人，有辱犹太人ê荣耀。因此，使徒保罗用chit段话beh向犹太人表达一个基本心意：期待tio̍h家己ê同胞犹太人，ē-tàng相信耶稣，因为耶稣就是in期待已久、是hit位beh来ê弥赛亚。若是ē-tàng hō͘犹太人相信耶稣，就算因此á hō͘伊受tio̍h上帝ê愤怒、诅咒，伊lóng愿意接受。

第1到3节，使徒保罗并无否认犹太人是上帝选民，尤其是因为kah上帝之间有立约ê关系，因为án-ne，in是特别照顾ê民族，ná亲像先知阿摩司所讲ê「tī全世界hiah-ni̍h chē国家内面，我拣选tio̍h lín」（参考阿摩司书三：2）仝款。不过，因为犹太人拒绝耶稣成做in ê救主，因为án-ne，使徒保罗苦劝伊ê同胞，希望in ē-tàng接受耶稣，伊甚至讲如果为tio̍h chit-ê tāi-chì，「纵然我家己hō͘ 上帝诅咒，kah基督隔绝，我mā愿意」chit种热情kah苦心，thang看出伊迫切ê心情。

第4到5节，tī chit两节经文中，使徒保罗提出犹太人几点特别ê所在：
(a)In是上帝ê「选民」（参考申命记七：6，以赛亚书四十九：7，约翰福音十五：16）。

(b)「有kiáⁿ ê名份」（参考耶利米书三十一：9，何西阿书十一：1）。

(c)「分享上帝ê荣耀」（参考以赛亚书三十五：2），指ê是上帝奇妙ê作为，他ê子民mā享受这奇妙作为ê光辉，就是hō͘人赞叹。

(d)kah上帝有「约」，chit-ê约thang tùi亚伯拉罕kah上帝立ê「约」来看（参考创世记十五：17—21、十七：1—8）；上帝透过摩西kah全体以色列人所立ê「约」（参考出埃及记十九：5—6、申命记廿九：10—15）；约书亚chhōa以色列人民kah上帝立约（参考约书亚记廿四：14—18；耶利米书三十一：31—34）。

(e)上帝赐hō͘ in「律法」（参考出埃及记二十：1－17）。表明生活有顶真ê规律。

(f)有敬拜上帝ê知识，参考利未记中规定敬拜ê礼仪，表明人对上帝ê敬崇。

(g)应允拯救ê恩典（参考以赛亚书九：6—7、五十五：3、耶利米书廿三：5—6、以西结书三十四：23—24、使徒行传十三：23）。

(h)犹太人kah耶稣lóng是「仝一个族ê」，意思是teh指上帝beh藉tio̍h犹太人来拯救所有ê世人，mā表示上帝特别意爱犹太人chiah会án-ne。

这mā说明使徒保罗并m̄是看轻犹太人，却是重视身为犹太人ê身分kah荣耀。

第6到9节，tùi chit段经文thang想像会tio̍h，使徒保罗ê án-ne讲法，必定hō͘犹太人感觉相当震撼，因为伊讲「以色列人并无lóng是上帝ê选民」，这kah in久长以来ê认知有cheng差。原因是犹太一直是tùi血缘ê层面看in kah上帝之间ê关系，m̄-koh使徒保罗是tùi上帝拣选ê角度来看。伊引用创世记第廿一章12节「你会tùi以撒得tio̍h我所应允ê后代」chit句话。因为án-ne，第7节ê讲法是tùi信仰ê层面看亚伯拉罕ê kiáⁿ孙，á tī chia特别指明以撒就是上帝所拣选ê。Á以实玛利虽然mā是亚伯拉罕ê kiáⁿ，却m̄是上帝所拣选ê对象。

Án-ne问题就出来à；上帝beh拣选甚么人？这是上帝ê主权，m̄是犹太人ē-tàng影响上帝ê决定。就亲像上帝无拣选以实玛利，m̄-koh拣选了以撒，chiah有今á日ê雅各kiáⁿ孙犹太人仝款。Á这拣选m̄是根据人ê条件，完全是上帝ê「恩典」，意思是teh指原本m̄是人ê条件ē-tàng配得上，却是因为上帝ê厚爱，hō͘人lóng无条件得tio̍h。因为án-ne，拣选，这是上帝hō͘人ê特殊恩典。换句话讲，上帝「应允」hō͘他所拣选ê人有甚么恩典，这是上帝ê主权，m̄是根据人ê任何条件所达成。续落来伊引用创世记第十八章10节，天使对亚伯拉罕所讲ê应允。chit-ê应允teh表明，性命ê主，是上帝；人看做无可能ê事，tī上帝就是可能，因为tī上帝手中，无做bē到ê事（参考创世记十八：14）。仝款ê，使徒保罗引用chit种经文，就是beh hō͘犹太人知影，只要是上帝ê应允，任何人lóng有性命得tio̍h拯救ê ǹg望。

第10到13节，使徒保罗Tī chit段经文中koh再进一步引用创世记第廿五章22到23节，雅各kah以扫出世ê事，m̄-koh上帝却拣选小弟雅各，á m̄是大kiáⁿ以扫。Chiah-ê lóng teh表明：上帝ê拣选m̄是根据人ê条件来论。因为án-ne，犹太人无法度因为án-ne认为上帝bē拣选外邦人，án-ne chiah是使徒保罗ê中心思想。

第14到18节，「上帝beh怜悯甚么人，就怜悯甚么人」chit句话连续出现两pái；续落来koh讲他「beh hō͘甚么人固执就hō͘甚么人固执」，使徒保罗chit种讲法已经真清楚teh表达一个基本认bat kah观念：拣选ê主权是tī上帝。上帝beh拣选甚么人，lóng m̄是人thang决定ê。这mā表示上帝ê决定tāi-chì，并m̄是根据人ê任何条件。换句话讲，犹太人并无比任何其他族群koh khah有资格。

Tī使徒保罗ê观点里，有两点是无法度改变ê事实，一是上帝对以色列人有应允，因为án-ne，上帝绝对bē废弃他所应允过ê诺言。二是使徒保罗khah强调ê，上帝ê chiah-ê应允已经tī耶稣内面完成à。使徒保罗以上帝拣选雅各为例说明，上帝ê拣选kah人ê行为好bái无关系，却是上帝beh透过所拣选ê人来帮助koh khah chē ê人认bat他tī耶稣内面ê救恩，这救恩正thang说明上帝怜悯ê疼。Ná亲像咱所知影ê，雅各并m̄是个诚实ê人，却是上帝beh透过雅各来彰显他ê疼。上帝bat拣选巴比伦成做他ê奴仆来惩罚以色列人民。仝款ê，上帝mā拣选波斯帝国带领以色列人民重回家乡重建家园kah圣殿，chiah-ê lóng tī说明一件事：上帝ê拣选是为tio̍h beh显明他ê慈爱，kah人ê条件无关。

罗马书 9:19-9:33

注释:

当使徒保罗提起kui个拯救工作之主权，lóng是由上帝决定，因为án-ne，有人认为chit种上帝，是不公平ê。因为这会hō͘人感觉家己根本就无存在ê价值，mā无努力向善ê动力kah意念。就án-ne，使徒保罗用chit段经文来解释伊为何会有chit种主张。

第19到21节，因为使徒保罗提起上帝拣选是早tī他chìn前ê计画，因为án-ne有人认为既然是án-ne，án-ne，上帝就无应该对hiah-ê无受拣选ê子民受气，á是发出责难。使徒保罗对chit种问题感觉艰苦心，因为提出chit种问题ê人，是故意chhōe藉口。使徒保罗引用自耶利米书第十八章1到6节有关陶匠kah陶土ê关系做譬喻，主要teh说明上帝ná亲像陶匠，他ē-tàng随心所beh照家己ê计画，á是喜爱ê方式，kā磁土捏成各种造型。伊khah强调ê是：捏陶ê主权在tī上帝，á无在tī人。Á chit种主权表达siōng重要ê方式，就是用拣选来表明。先知以赛亚mā提出chit种看法（参考以赛亚书四十五：9—13）。

第22到26节，chit段经文讲出上帝ê怜悯kah慈悲，他无kā hiah-ê无好ê瓷器弃sak、击碎，是因为他ê慈爱、怜悯，因为án-ne，koh khah应该心存感谢chiah-tio̍h。使徒保罗引用何西阿书第二章23节ê诗歌，以「意译」ê方式表示出来。使徒保罗引用先知何西阿写ê chit-ê诗歌，来表明原本m̄是属tī上帝拣选ê族类，chit-má上帝tio̍h用宽容无比ê疼，kā它列为他所拣选ê子民之一。伊用chit种譬喻，主要teh说明非犹太人（所讲ê「外邦人」），会成做上帝心中ê子民。「本来m̄是我子民」，chit句话mā是先知何西阿ê kiáⁿ「罗・阿米」ê名ê意思。意思是teh指对丈夫无忠实á生落来ê kiáⁿ。因为先知何西阿ê bó͘是一个淫妇。续落来tī第26节引用何西阿书第一章10节，仝款是采用「意译」ê方式，主要teh说明上帝ê决定是会改变ê，á hō͘上帝改变ê原因是人认罪、悔改。

第27到29节，chit句话是引用以赛亚书第十章22节。以色列人一直相信所有ê以色列人民lóng会得救，m̄-koh，先知以赛亚却有无仝ê看法，认为只有少数人ē-tàng得救。耶稣mā bat提出chit种看法，伊讲真正chhōe-tio̍h得救之道ê人少kah会惊人（参考马太福音七：13—14）。这mā说明得救并m̄是以色列人民ê专利á是特权，koh khah重要ê，是人tio̍h努力走chhōe正确ê得救门路。Koh讲，先知以赛亚tī chia指出「chhun落来ê少数得救」，tú好表明上帝怜悯ê恩典。因为上帝若照人所犯罪ê情景来审判，无一个人是「善」ê（参考罗马书三：23），就是因为上帝ê疼，留落来一部分人享受他拯救ê恩典（参考以赛亚书一：9）。Á使徒保罗引用chit句话，主要是teh说明这「chhun落来ê少数」，就是相信耶稣是救主ê人，á chiah-ê人是包括犹太人kah非犹太人在内。

第28节，这是引用以赛亚书第十章23节、第廿八章22节。注意chia所用ê「迅速」，指ê是审判ê时刻to̍h是teh beh来临。Chit对主后第一世纪ê基督徒来讲，意义真深重。In lóng认为上帝teh beh展开全面性ê审判，这kah koh活ê耶稣teh beh koh再临ê观念有密切关系。「彻底审判全人类」，chit句话mā说明上帝会展开全面性ê审判工作，无一个人ē-tàng逃避（参考希伯来书四：13）。然后tī第29节使徒保罗引用以赛亚书第一章9节，chit句经文ê历史背景，是发生tī主前701年，当时亚述帝国ê国王是西拿基立，伊率兵攻打耶路撒冷城，hō͘耶路撒冷城面临被摧毁ê危机，若m̄是先知以赛亚辅佐犹大国王希西家，犹大国早就被亚述消灭à。Chit段历史thang参考以赛亚书第三十六到三十七章，列王记下第十八章13到27节。使徒保罗引用这历史背景，主要teh说明上帝有他拯救ê计画，kah奇妙ê旨意，á chiah-ê事件lóng tī说明上帝对人ê怜悯kah慈爱，chiah会保存hit-ê「chhun落来ê少数」。

第30到33节，使徒保罗提起耶稣传福音ê主题：上帝ê主权。人m̄-thang想beh用家己ê气力来改变上帝拯救ê旨意，人唯一thang做ê事，就是悔改、顺服上帝ê引chhōa，相信耶稣是上帝拯救人类siōng大ê记号。第33节是摘录自以赛亚书第八章14节、第廿八章16节。Chia ê「绊脚石」，就是拯救者，tī旧约是teh指弥赛亚，使徒保罗强调就是耶稣。

罗马书 10:1-10:4

注释:

使徒保罗继续讲tio̍h犹太人kah上帝之间ê关系，伊iáu是一本初衷地强调：耶稣，chiah是人kah上帝之间建立合宜关系ê唯一途径。对一个受过相当顶真法利赛派训练ê使徒保罗（参考使徒行传廿二：3、廿三：3）来讲，这并m̄是一件简单ê事。因为犹太法利赛派ê人是非常强调遵行摩西律法ê重要性，并且认为只有án-ne chiah ē-tàng hō͘人看tio̍h得救ê ǹg望，á使徒保罗因为遇tio̍h koh活ê耶稣，hō͘伊对性命ê得救有完全无仝ê体验，mā因为án-ne，改变了伊本来ê性命观念（参考腓立比书三：7—8）。一个得救ê人，就是性命态度改变ê人，会kā本来看做「贵重」、「好」、「价值」等，重新量、评估。「改变」性命ê态度kah观念，这是非常重要ê信仰见证。Chiâⁿ如使徒保罗一再强调ê，tī耶稣内面，成做一个「新造ê人」（参考哥林多后书五：17），kah chit-ê世界ê腐败有所距离、差别，因为心灵有更新ê心思意念（参考罗马书十二：2，以弗所书四：23）。使徒保罗真清楚把握tio̍h伊讨论ê主题――上帝tī耶稣内面ê恩典kah摩西律法之间ê差别。

使徒保罗明确指出犹太人ê问题，是无想beh靠上帝tī耶稣内面ê救恩，却是想óa靠家己ê好行为来自救，伊指出chit种观念、想法、作法，是错误 ê，无真正了解上帝ê救恩。

第1节，chit节thang参考第九章1到3节，koh一pái表明使徒保罗ê心境，伊是jōa-ni̍h-á期待家己ê犹太同胞ē-tàng信耶稣á重新kah上帝和好。为tio̍h án-ne，伊不断来祈祷上帝ê灵ē-tàng感动犹太人ê心。

第2到3节，使徒保罗明确指出犹太人真正ê问题所在，就是对上帝真热心，m̄-koh却无一定是有「真知识」做基础。Chia所讲ê「真知识」是teh指tio̍h对耶稣ê认知来讲，mā就是正确认bat耶稣是基督，是性命ê主，á m̄是óa靠摩西律法（参考使徒行传廿二：3—5）。另外一点，使徒保罗已经指出犹太人ê问题是：认为只要藉tio̍h完成摩西律法，就ē-tàng修好kah上帝之间ê关系，m̄-koh却bē记得上帝已经差遣耶稣成做拯救ê óa靠，m̄是用家己ê气力，却是知影谦卑tńg来到耶稣身上。伊tī chia指出「律法ê义」kah「信ê义」之间差别；前者说明人想beh用家己ê行为完成，后者明示人ê有限、软弱，需要上帝ê救恩，á这救恩就tī耶稣身上，可惜ê是犹太人拒绝接受。

第4节，「终止」，指ê就是「完成」、「成全」、「结束」ê意思。Kā它比较马太福音第五章17节，耶稣讲：「M̄-thang 想讲我来ê 目的是beh废除摩西ê 律法á 是先知ê 教示。我来m̄ 是beh 废除，是beh 成全。(全民版)」ē-tàng看出使徒保罗beh表明ê就是：tī耶稣内面已经完全了律法所需要ê一切。Tī伊ê内面，人就会发见律法真正内涵，而且koh khah容易kā它实践出来。Tùi马可福音第十章17到23节所记载，hit位财主来问耶稣有关永恒性命之道ê问题ê时，伊是自细汉就遵守摩西律法ê规定，m̄-koh伊却无tùi摩西律法中看tio̍h、体验tio̍h永恒性命之道，chiah会来问耶稣。这tú好teh说明：想靠摩西律法得tio̍h永恒性命ê想法是错误 ê。

罗马书 10:5-10:21

注释:

Tī chit段经文中，使徒保罗引用了kúi-nā pái旧约圣经语，包括有利未记第十八章5节；申命记第三十章12到14节；约珥书第二章32节等等经文，使徒保罗确实是一个对经典真有研究ê人，伊引用chiah-ê经文主要teh说明一件事：信耶稣，就是hō͘性命有得救ê ǹg望。既然信耶稣就会得救，甚至只要呼求耶稣ê名，承认耶稣就是救主ê人，就会得tio̍h救恩，án-ne，传福音就是所有信耶稣、领受耶稣救恩ê恩典ê人应该尽力去做ê事。使徒保罗Tī chit段经文中khah强调一个基本观念：只要有人传，必定会有人因为án-ne听信á得tio̍h福音ê信息。M̄-koh Tī chit段经文中，使徒保罗则真清楚表明，并m̄是无人传，却是犹太人心硬，拒绝接受ê缘故。

Koh讲，当时听见使徒保罗ê见证后，可能是马上有人提出chit种疑问：in从来无听见过有人传福音ê信息hō͘ in。既然听bē-tio̍h，怎样ē-tàng ná亲像使徒保罗所讲ê「凡若呼求主名ê人必定得救」？就án-ne，使徒保罗kā hiah-ê提出ê问题写落来，然后Tī chit段经文中，伊一一解答chiah-ê问题。

其实犹太人ê律法教师家己mā真清楚，in明明知影摩西律法就算讲beh真正去实践，mā m̄是一件简单ê事。In bat为tio̍h beh实践摩西律法，就kā律法ê内容hō͘ in koh khah「具体」ê细节条文化，结果拟出了一套「米示拿」（Mishinah）ê规律来。M̄-koh ná亲像耶稣teh谴责chiah-ê律法教师ê仝款，连chiah-ê宗教师lóng无法实践家己所订定出来ê律法规章，koh怎样ē-tàng期待民众去遵行？（参考马太福音廿三：2—4），这是无可能ê事。这清楚说明一件事：人无法度完成律法ê规定，却反tńg kā律法ê重担koh khah重地khǹg tī肩头壳顶，致使律法诫命离人jú来jú远。

第5节，chit节thang参考利未记第十八章5节，参考路加福音第十章28节。仝款chit节经文，使徒保罗mā koh一pái引用tī加拉太书第三章12节。使徒保罗引用chit节经文，主要teh beh说明人想beh óa靠家己ê气力来完成kah上帝和好ê关系，这是真oh达成ê。Chit种观点是连接第4节ê经文来看。因为第4节已经出现一个主轴思想：kui个救恩就是tī耶稣，伊是所有摩西律法ê总结。

第6到8节，这是引用申命记第三十章11到14节。使徒保罗引用chit段旧约经文，主要teh说明上帝ê教示，人ê心内lóng明白，该做些甚么事、无应该做些甚么事，人ê心中真明白（参考罗马书一：20）。只要人确实去遵行，就会得tio̍h存活ê气力（参考申命记三十：15—16）。M̄-koh真正ê问题无在tī律法ê问题，却是tī人确实遵行律法ê心志真软弱。使徒保罗khah强调一个非常简单而且明确ê观念是：只要信耶稣，án-ne就对了，就是chiah-ni̍h简单，因为án-ne，人实在无chhōe藉口ê余地。因为这救恩kah人ê距离，ná亲像口kah心之间ê距离hit种近仝款，而且lóng是tī人ê身上。只要咱伸出手，就垂手可得。所谓信，就必得tio̍h，它ê意思tī chia。

第9到10节，chit两节chit章ê中心经文。讲出早期教会siōng重要ê信仰态度，mā是每一个接受洗礼者一定tio̍h公开ê信仰告白。Tī早期教会公开信仰耶稣ê事是真严重ê，因为可能会hō͘罗马帝国认为是叛乱分子掠入监狱、投入竞技场。Mā就是讲，甚么人敢公开讲家己信耶稣，就有可能为家己ê性命带来危险。M̄-koh，使徒保罗tī chia强调，一个真正信耶稣ê人是bē以福音为耻（参考罗马书一：16），颠倒，伊是会以福音为荣耀，因为这是上帝siōng大ê恩典。

第11节，chit节是引用以赛亚书第廿八章16节。Tī罗马书第九章33节已经引用过一pái。使徒保罗引用这经文，主要意思是只要是相信耶稣ê人，一定会得tio̍h荣耀。Chia所讲ê「失望」，是teh指「见笑」ê意思。

第12节，chit节是非常真重要ê一节，因为chit节是使徒保罗一贯ê思想准则（参考罗马书三：22）。伊之所以khah强调上帝ê恩典透过耶稣降临tī人身上，而且无论任toh一种族。因为耶稣来到世间，已经kā原本chit种隔离ê「墙」hō͘推倒了（参考以弗所书二：14、19—22），无koh有族群间ê差别。

第13节，chit节是引用约珥书第二章32节。原本先知约珥tio̍h讲tī he「大koh thang惊畏ê日子来到以前」，mā就是末日审判ê时刻来到ê时，凡是óa靠上帝、呼求上帝ê名ê人，lóng会得救。使徒保罗引用这经文，就是beh强调呼求耶稣ê名，愿意公开承认耶稣是救主ê人，一定会得救。相对ê，无呼求耶稣ê名ê人，就会失落这难得ê恩典。

第14到17节，第15节是引用以赛亚书第五十二章7节ê经文。Chit节经文原本teh说明hiah-ê传达以色列人民kātùi受掠ê巴比伦得tio̍h tháu放，传达这美好消息ê人，所作ê见证真是美好极à。使徒保罗引用chit节经文，主要teh说明并m̄是无人传福音ê信息，有，in ná亲像chìn前传达以色列人民kā得tio̍h tháu放ê好消息仝款。伊án-ne强调，主要mā teh说明ná亲像伊家己传耶稣ê福音hō͘犹太人，m̄-koh犹太人m̄-nā拒绝，甚至iáu想出所有ê办法beh杀害伊（参考使徒行传十七：3—5、十八：5—8）。第16节，chit节引用以赛亚书第五十三章1节。使徒保罗讲出犹太人并m̄是无听tio̍h福音ê信息，却是in中间有人拒绝。「并m̄是每一个人lóng接受福音」，这是一句真确实，即使是tī今á日绝大多数ê人lóng听讲过耶稣ê信息，仝款ê，并m̄是听tio̍h ê人lóng愿意听从，有ê iáu故意chhōe机会反对，甚至迫害听信福音ê人。犹太人mā是án-ne；in m̄是无听讲过，若无，就bē有先知以赛亚án-ne讲：「咱所听tio̍h-.ê，有啥人相信？上主ê 手是ǹg 啥人显明？(全民版)」（以赛亚书五十三：1）Tī使徒保罗ê看法里，m̄是无人传，却是听见ê人无愿意相信，án-ne chiah是真正ê问题所在。

第18到21节，是分别引用自下列经文：
第18节，是引用诗篇第十九篇4节。
第19节，是引用申命记第卅二章21节。
第20节，是引用以赛亚书第六十五章1节。
第21节，引用以赛亚书第六十五章2节。

使徒保罗引用顶面所讲chiah-ê经文，主要是teh说明犹太人m̄是m̄知上帝ê慈爱，却是故意chhōe藉口拒绝、弃绝上帝ê救恩。

罗马书 11:1-11:12

注释:

Chit章是继续第九章teh讨论有关以色列人民，kah上帝之间ê关系。使徒保罗一再表明家己对犹太同胞得救ê siōng大关怀，甚至讲出为tio̍h犹太同胞，「纵然家己hō͘ 上帝诅咒，kah基督隔绝」，伊mā愿意接受（参考罗马书九：3），伊一再恳求上帝，ē-tàng开启伊犹太同胞ê心门，m̄-koh显然伊chit种期待并m̄是真如意（参考十：1）。Tī chit章里，使徒保罗一开始就真清楚表明伊对外邦人ê关注，而且强调上帝对外邦人拯救ê疼。M̄-koh这并无表示伊轻视以色列人民tī上帝眼中重要ê地位。伊只是beh强调一点：上帝爱所有ê人，并且拣选以色列人民来成做他拯救ê同工。

Tī chit段经文中，使徒保罗一再强调：上帝并无因为以色列人民拒绝上帝ê救恩，就弃绝了in。上帝反tńg想beh尽一切办法，beh hō͘以色列人民明白，他是一个有丰富慈爱ê上帝，他kah以色列人民ê祖先立约，上帝绝对信守chit-ê约。真清楚ê，使徒保罗引用了旧约先知ê观念，讲述上帝是信实ê，他绝对bē放弃kah他立约ê子民（参考撒母耳记上十二：22，列王记上十九：18，以赛亚书十：20—22）。

Tùi chia看出使徒保罗Tī chit段经文中为家己tī外邦人中传福音ê感受。伊表明是因为犹太人拒绝耶稣，所以伊chiah有机会行向外邦。Tī伊看起来，taⁿ伊会得thang tī外邦人中传福音，乃是因为犹太人拒绝耶稣，chiah致使外邦人因为án-ne得tio̍h福气。另外一方面，使徒保罗mā透过chit种观点teh讲述一个重要ê信息：上帝是想藉tio̍h外邦人得福音来刺激犹太人ê悔改。Án-ne讲起来，外邦人ê得救，mā是犹太人ê一种福气，因为in thang透过外邦人ê得救，反省家己kah上帝之间ê关系，并进一步koh接纳耶稣为in ê救主，án-ne chiah是上帝拯救计画ê目标。
第1节，使徒保罗作一个简单ê自我绍介，表明伊家己mā是犹太人，m̄-koh伊深信耶稣就是伊性命ê救主。

第2到4节，「上帝无弃绝伊tùi远古就拣选ê子民」，chit句话是引用撒母耳记上第十二章22节，mā thang参考诗篇第九十四篇14节。使徒保罗引用chiah-ê经文，主要teh强调上帝绝对bē放弃任何人，因为他疼所有ê人。续落来使徒保罗引用列王记上第十九章10到18节经文。Chit段经文说明上帝怜悯、慈悲ê疼，hō͘以色列人民tī亡国ê困境中，尚且留落来了残存ê「余民」（参考以斯拉记九：8，耶利米书廿三：9、三十一：7，弥迦书二：12、四：7，撒迦利亚书十三：9），chiah-ê人是一阵对上帝绝对忠贞ê人民，因为弃sak上帝、背叛上帝ê人真chē，m̄-koh这一阵人坚持遵守上帝ê教示，所以上帝拣选了chit群人，chit种拣选所表明ê，是上帝对in ê怜悯kah爱（参考罗马书九：27—29）。使徒保罗Tī chit段经文引用先知文献中ê chit种看法，主要teh说明tī所有ê犹太人中，必定iáu有一kóa人是上帝所喜乐ê犹太人，ná亲像伊家己仝款，因为上帝并无完全弃绝犹太人（参考以赛亚书十：20—22）。

第5到6节，koh一pái说明上帝上帝拣选ê恩典，并m̄是根据人ê行为，á完全是出tī上帝ê疼，而且无价ê疼。

第7节，koh一pái强调真正得tio̍h上帝恩典ê人是少数，因为多数人对上帝选召ê恩典置之不理，á会失去这性命ê机会。

第8到10节，chit段经文分别引用以赛亚书第廿九章10节，以及诗篇六十九篇22到23节。「直到chit-má」，指ê是到使徒保罗时代，犹太人拒绝上帝救恩ê信息照常无改变。使徒保罗表示hiah-ê心已经硬化ê犹太人，会受tio̍h严厉ê惩罚。虽然犹太人听见过上帝拯救ê信息，却故意装作m̄-bat听过，á是m̄-bat， án-ne，上帝mā只好「chhut-chāi」in去，然后tī外邦人中，上帝兴起了他救恩ê记号，hō͘ hiah-ê走chhōe上帝ê拯救ê外邦人比起犹太人koh khah快得tio̍h拯救ê恩典。

第11到12节，这thang当做是一种激kā法，为tio̍h hō͘犹太人知影怎样tńg来珍惜上帝tī耶稣内面ê救恩。

罗马书 11:13-11:24

注释:

Tùi第13节开始，使徒保罗讲tio̍h外邦ê基督徒应该有ê信仰态度。Tī前段经文伊讲tio̍h因为犹太人拒绝福音，反tńg hō͘外邦人得tio̍h机会，chit-má则讲tio̍h外邦人应该用怎样ê态度看犹太人，以及看上帝ê拯救。伊只有一个期待：外邦人mài看轻犹太人，á是beh抱tio̍h感恩ê心看上帝拯救ê恩典。

第13到15节，使徒保罗讲家己是「外邦人ê使徒」（参考加拉太书二：7—9，使徒行传九：15），tī伊ê看法中，无论是甚么人，只要有人渴望得救，伊就有责任传福音hō͘伊（参考罗马书一：14—15，哥林多前书九：19—22）。Tùi chia来看tī罗马教会内，必定有真chē信徒是外邦人，因为án-ne，使徒保罗chiah一定tio̍h án-ne写。伊mā一再强调：犹太人hō͘ 上帝遗弃，并m̄是永远ê事，却是暂时ê，因为上帝一再想出所有ê办法beh拯救in。Á hō͘外邦人得tio̍h福音信息，就是beh刺激犹太人回转过来信耶稣。第15节ê chit句「已死ê人m̄是会重获性命mah」，意思是teh指：原本无希望得救ê，chit-má变成ē-tàng得救，ná亲像「死á是koh活」一般。

第16到19节，使徒保罗tī chia用「面团ê头一块」kah树根当做譬喻，这是照摩西律法ê规定，ài kā初熟ê麦á磨成细粉做饼献hō͘上帝（参考民数记十五：17—21）。Chit种初熟ê麦á磨成而做出来ê饼，mā kā它称做「新面」，用以表示「圣洁」ê意思。「树根」，是一丛树ê性命代表。如果子树枝腐朽，一定tio̍h砍掉（参考马太福音七：19，路加福音三：9、十三：6—9）。相对ê，如果「树根」是圣洁ê，án-ne，其树枝顶生出来ê果子就是圣洁ê。

第17到18节，chia看出使徒保罗ê用心，使徒保罗ê用心，伊用「橄榄树」teh代表犹太人，用「野橄榄」teh代表外邦人。这「野橄榄」是「插枝」á是「接枝」tī犹太人ê橄榄树上。Chit种譬喻相当巧妙、写实。因为tī巴勒斯坦khiā起ê人lóng清楚知影，用「野橄榄」ê枝子接tī老橄榄树上，就ē-tàng hō͘老橄榄koh再恢复它ê性命力。使徒保罗teh吐气犹太人拒绝福音信息之ê时，mā同时teh提醒外邦人tio̍h小心，千万bē-tàng因为得tio̍h福音信息á骄傲，因为in ê条件kah犹太人仝款，所有人tī上帝面前lóng无特殊身分，大家lóng是「枝子」，性命ê源头是tī树干本身，m̄是tī chiah-ê「枝子」。Á这树ê源头就是耶稣。这mā是耶稣对伊门徒所讲ê，伊是「真葡萄树」，一定tio̍h连接tī伊身上chiah有性命ê来源（参考约翰福音十五：1）。伊强调，重要ê并并m̄是在tī是栽种ê橄榄，á是野橄榄，á是beh ē-tàng结出果子。耶稣讲：「Bē 结好果子ê 树，就kā 它锉起来，hiat 落去火里烧。(全民版)」（马太福音七：19）

第19到24节，chit段经文thang看出使徒保罗是真用心teh提醒外邦人ê信徒，m̄-thang骄傲，上帝是公义ê。伊看ê是真正悔改信他ê kiáⁿ耶稣ê人，他上帝会拣选hit人成做他ê子民，取代hiah-ê拒绝耶稣成做伊ê救主ê犹太人。若是犹太人知影悔改á接纳耶稣，mā仝款会hō͘重新接上原本被砍落来ê橄榄树上。

罗马书 11:25-11:36

注释:

Tī chit段经文中，使徒保罗继续讲tio̍h有关犹太人应该知影耶稣拯救福音信息奥秘ê问题。伊khah强调一个点：因为以色列人民拒绝福音，结果hō͘福音有机会往外邦传扬出去。会有chit种变化，是因为福音ê主权是tī上帝手中。

第25到26节，tī第26节ê chit句「全部ê以色列人终必得救」，teh代表下列几个层面ê意思：
一是teh指所有雅各ê kiáⁿ孙，mā就是血统上所认定ê以色列人民。

二是teh指所讲ê「余民」ê意思，就是iáu有「七千」个忠实tī上帝ê教导，无背叛上帝ê以色列人民（参考列王记上十九：18）。

三是teh指包括外邦人在内ê总数，mā就是世间万民ê意思。因为án-ne，chia ê「全部ê以色列人」，mā thang讲是teh指所有信耶稣ê人。

其实，tùi使徒保罗ê观点来了解，伊tī chia所讲ê「全部ê以色列人」，应该是teh指第三个意思，是包括所有相信耶稣基督ê人lóng会得救，á无犹太人kah外邦人ê分别。

Koh讲，「拯救者beh tùi锡安出来」，chit句话thang参考以赛亚书第五十九章20节。使徒保罗一再强调福音是tùi犹太人开始，然后koh再扩展到外邦地区去（参考罗马书一：16）。Mā是teh指tùi耶路撒冷传到外邦城市（参考路加福音廿四：47）。

第27节，chit节是引用耶利米书第三十一章34节。先知耶利米讲上帝beh kah以色列人民订立新ê约，而且chit-ê约kah旧ê约无仝；新ê约会写tī以色列人民ê「心版上」，无koh是外表ê肉体上（参考耶利米书九：26）。写tī心版上ê约，会永远留存，记念kah上帝之间永bē改变ê关系。

第28到29节，chit两节讲出使徒保罗一再坚持ê看法：虽然犹太人拒绝耶稣，m̄-koh上帝iáu是teh等待in 回心转意tńg来，并无完全割开、切断，chit点tú好是上帝ê恩典。

第30到32节，chit段经文非常有意思，讲tio̍h以前因为犹太人拒绝顺服上帝ê救恩，结果hō͘外邦人得tio̍h救恩；chit-má外邦人ê蒙恩，是为tio̍h beh hō͘犹太人mā因为án-ne得tio̍h上帝ê慈爱kah救恩。使徒保罗chit种讲法，真清楚ê是beh kā大家讲，犹太人kah外邦人lóng是上帝所拯救ê对象，上帝用顺服他ê人，来帮助hiah-ê不顺服ê人有一工也ē-tàng归顺tī他ê名，因为上帝无愿意有人堕落。

第33到36节，chit段经文是一段o-ló ê诗歌，ē-sái讲是第九到十一章ê总结，m̄-koh mā ē-sái讲是第一到十一章ê总结。使徒保罗用chit段诗歌来歌颂上帝丰富无比ê恩典，远khah赢过人所ē-tàng想像会tio̍h ê。使徒保罗强调讲：上帝ê疼透过耶稣显示tī众人面前，因为án-ne，看见耶稣，等于看见上帝ê救恩。耶稣ê救恩并m̄是隐藏ê，却是显露tī众人面前。M̄-koh上帝ê chit种救恩，m̄是一般人ē-tàng了解，这to̍h是他对人类爱ê奥秘。因为上帝是连无kah他立约ê子民（外邦人）mā tio̍h拯救，而且同等对待。Chit种ê疼，已经超越人ê言语、字汇所ē-tàng表达出来ê。

第34节，chit节是引用以赛亚书第四十章13节。Tī哥林多前书第二章16节，使徒保罗koh一pái引用。意思是讲beh用人ê知识认bat上帝，he是非常愚戆ê想法。特别是上帝tī耶稣内面ê救恩，he是siōng大ê奥秘，非常难理解。第35节ê诗句讲出基督教信仰ê基本观念：咱所有ê一切才华能力，lóng是tùi上帝来ê赏赐。Á m̄是咱先hō͘上帝甚么，chiah hō͘上帝愿意用救恩来回报咱。第36节讲「万物lóng出tī伊」，这ē-sái讲是基督教信仰siōng基本ê认bat—宇宙万物，lóng是tùi上帝来ê创造。

罗马书 12:1-12:8

注释:

使徒保罗ê书信有一个共同特色，就是teh谈完信仰ê问题了后，lóng会劝勉收phoe ê众信徒，tī日常生活上，tio̍h好好á活出信仰ê见证。第十二章开始到，直到第十五章13节止，这四章lóng是讲tio̍h有关基督徒ê社会kah伦理生活。

Chit段经文使徒保罗讲出两个基本重点：成做基督徒，一定tio̍h teh过顶真而且kah属世ê社会有无仝ê生活。Koh讲，每一个人lóng有上帝赏赐ê chiah ē-tàng，应该好好á用chiah-ê才华、能力做见证，传扬上帝拯救ê信息。

第1节，使徒保罗用犹太人所熟悉ê献祭礼仪来讲基督徒应该有ê信仰态度：就是kā家己当做献祭ê祭品。Á基督徒ê生活就是「活祭」，kah献tī祭坛上ê牲祭无仝；牲祭是已经刣死ê动物，献tī祭坛上。「活祭」tú好kah这颠倒，这祭是用耶稣koh活做基础，为tio̍h是beh hō͘人成做一个新造ê人，是活ê、是圣洁ê，是为上帝á活ê性命，这是thang看会tio̍h而且是活活ê见证。

第2节，「beh hō͘上帝改造lín，更新lín ê心思意念」，这ē-sái讲是使徒保罗思想ê中心。Tī伊ê书信中就bat讲：「无论甚么人，若kah 基督结联，就是新创造ê 人；旧ê tāi-chì 已经过去，taⁿ lóng 变做新ê。(全民版)」（哥林多后书五：17）「Lín ê 心思意念mā tio̍h 换新，tio̍h 成做新ê 人，就是照上帝用真理所产生ê 公义kah 圣洁来创造ê 新人。(全民版)」（以弗所书四：23—24）伊指出一个真正信耶稣ê人，会有新ê性命观，生活ê态度是积极ê，而且无私ê。

第3节，伊kā罗马教会ê信徒讲一定tio̍h谦卑，原因是罗马城是kui个帝国ê中心，ē-tàng tī hit-ê城khiā起ê人大部分是属tī社会上层阶级者，难免有一份自视比别人iáu koh khah koân，m̄-koh使徒保罗劝勉in无法度án-ne。因为所有身上ê恩赐lóng是上帝赏赐ê。「恩赐」，是teh指原本m̄是家己拥有ê，是上帝赏赐ê。

第4到5节，tī chit段经文中，tī使徒保罗ê书信中，伊一再强调基督徒团契（á是kā它称做教会），应该ná亲像一个家庭。伊写hō͘哥林多教会ê书信中，就用身躯ê各种肢体来表示，无任何一个肢体ē-tàng对其他ê肢体讲，家己重要，别ê肢体不重要。因为所有ê肢体lóng是连结tī耶稣ê身躯上（参考哥林多前书十三：12—31）。伊写hō͘以弗所教会ê书信中，mā提起chit种讲法（参考以弗所书四：2—7、11—12）。chit-má使徒保罗Tī chit段经文中mā是chit种方式来表达，伊强调每一个基督信徒lóng有上帝hō͘ in ê恩赐，chiah-ê恩赐lóng是beh用来见证上帝拯救ê疼。伊讲「每一个肢体有它无仝ê功用」，chit句话真清楚teh说明所有ê人tńg来到上帝救恩chìn前，lóng仝款ê。换句话讲，tī基督ê信仰团契中，所有ê人，无贫贱富贵之分，mā无社会地位之别。「咱tī基督内面成做一体」，使徒保罗用chit句话用来说明信仰团契ê中心，是tī耶稣身上。因为耶稣chiah是性命ê救主。因为án-ne，一个真正属tī耶稣ê信仰团契，bē kā某一个人抬高、凸显出来。

第6到8节，chit三节ē-sái讲是chit段经文ê中心思想：每一个人ê恩赐无仝，应该善用这无仝ê恩赐，tī每一个无仝ê工作领域里见证福音。Tī chia，使徒保罗列出了无仝恩赐ê例，包括有：传讲信息ê、有服务、教导、劝勉、施与、慷慨、领袖、怜悯人ê等等。

罗马书 12:9-12:21

注释:

Chit段话真亲像哥林多前书第十三章ê内容。使徒保罗强调一个真诚ê心内，m̄-nā是用来敬拜上帝，mā tio̍h仝款用来对待所有kah咱同齐过信仰团契生活ê兄弟姊妹。如果tī信仰团契中，无法度án-ne对待仝款信仰ê兄弟姊妹，就真oh讲出信仰ê意义tī tó位。

第9到12节，chit段经文真类似哥林多前书第十三章ê内容。主要teh强调基督徒chit-ê信仰团契，ná亲像一个家庭中ê兄弟姊妹，有手足之情，应该彼此相疼，会彼此分享。Tī患难中有喜乐，而且存 ǹg望。Chiah-ê劝勉对早期受迫害ê基督徒有真大鼓舞作用。

第13节，chit节thang参考利未记第十九章33到34节，以及申命记第十五章7到8 节。Lóng是teh强调tio̍h好款待外出ê人，mā就是sàn-chhiah人。

第14节，chit节thang参考马太福音第五章44到46节，路加福音六：27到28节。Lóng是耶稣教导他ê门徒kah跟随者所讲ê话。

第15节，chit节ē-sái讲是「爱人如己」siōng好ê写照。

第16节，「同心彼此关怀」，这清楚讲出一个信仰团契，ē-tàng维持而且bē变质，á是发生分裂，就是建构tī chit种基础之上。「bē-tàng心高气傲」，chit句话thang参考第3节。使徒保罗劝勉基督徒，无论是甚么身分，lóng应该存谦卑ê心。。M̄-thang自高，因为有ê才华lóng是tùi上帝来ê赏赐。

第17到18节，「M̄-thang以恶报恶」chit句话，tī帖撒罗尼迦前书第五章15节koh一pái出现。这kah摩西ê教示—「以牙还牙、以眼还眼」无仝（参考出埃及记廿一：24—25）。耶稣就是教导他ê门徒，tio̍h用疼来赢过仇敌（参考马太福音五：38—42），使徒保罗传承耶稣chit种教导。Mā只有án-ne，chiah ē-tàng tī信仰团契中，大家和睦相处，并且扩大到所khiā起kah工作ê环境中。

第19节，thang参考利未记第十九章18节；诗篇第九十四篇1到2节、第一三五篇14节；箴言第二十章22节。因为人ê判断会有误差，m̄-koh上帝明白所有ê一切，特别是上帝鉴察人ê心内，知影人心内真正计谋，只有上帝ê审判chiah是公正ê，á这m̄是人ê能力所及。Chit节mā teh强调对上帝ài有信心（参考申命记三十二：34）。圣经mā一再提起上帝是会「报应」ê，这报应mā teh表明上帝是会惩罚迫害、陷害、欺压别人者。

第20到21节，thang参考箴言第廿五章21到22节。「羞惭交加」，chit句话tī《中文和合本》ê翻译是用「Kā火炭堆tī敌人头壳顶」。这是古代ê人惩罚仇敌ê方式之一。另外，古埃及ê时代，做一个人表明忏悔ê时chūn，就是the̍h-tio̍h一炉火炭khǹg tī家己ê头壳顶，表示真心忏悔。使徒保罗强调ê是用「善」胜恶。Mā就是用疼来赢过仇敌，因为报仇，kan-taⁿ会带来koh khah chē ê仇恨，bē解决彼此之间ê问题。

罗马书 13:1-13:7

注释:

罗马书第十三章是一再受tio̍h争议ê一章经文，特别是chit章ê 1到7节。原因是有kóa基督徒主张bē-tàng参与政治活动，in常引用chit段话来谴责hiah-ê关心国家政事，kah社会问题ê基督徒á是教会。使徒保罗大约是tī主后57 á是58年左右写做罗马书，hit时罗马帝国tú好是由尼禄皇帝掌权，tī伊手中bat kā烧罗马城ê罪嫁祸hō͘基督徒，藉这全面掠基督徒入狱，kā in卖hō͘奴隶市场，á是送入竞技场娱乐大众，有koh khah chē人被钉死tī十字架顶。M̄-koh tī罗马书完成ê时代，尼禄皇帝尚且iáu未全面性ê展开迫害，却是犹太人激进份子迫害基督徒甚厉，in甚至故意搅乱社会秩序，造成罗马统治者误解是基督徒所为。因为án-ne，使徒保罗写chit段经文，有意思beh hō͘基督徒kah犹太人之间有一个明显区隔，hō͘罗马统治当局认清基督徒是真善良，kah犹太人ê激进党派非常无仝款。

早期教会tī tú开始之初，罗马政府分无清楚基督教kah犹太教之间ê差别；tī罗马统治者看起来，he是犹太教内部分裂ê问题，因为tú开始ê时，信徒差不多lóng是犹太人（参考使徒行传廿一：20），m̄-koh大多数犹太人真排斥基督徒。使徒保罗为tio̍h beh防止有人kā叛乱行为嫁祸hō͘基督徒，因为án-ne，使徒保罗希望基督徒tī政治问题上保持中立ê态度。这mā造成有一种讲法：认为使徒保罗之所以坚持beh上诉到罗马皇帝ê法庭，主要原因是想beh hō͘罗马皇帝明白：基督徒并m̄是犹太教徒，是支持罗马皇帝ê。M̄-koh使徒保罗是m̄是真正án-ne，并无清楚。不过有一个事实是，使徒保罗每到一个所在传福音，就有犹太人跟tòe tī后面搅局、煽动人民作乱（参考使徒行传十三：50、十四：2、19、十七：5）。因为án-ne，如果基督徒支持罗马政府，至少thang减低罗马政府对基督徒ê敌意，则犹太人煽动、鼓噪ê事件，就bē牵连到基督徒身上。

使徒保罗本身是罗马公民（参考使徒行传十六：37—40、廿二：25—29），因为án-ne，带hō͘伊真chē方便，即使伊上诉到罗马去，mā得tio̍h真chē礼遇，ē-tàng继续传福音（参考使徒行传廿八：30—31）。

另外有一种看法：认为Tī众使徒ê观念中，基督徒是属tī天顶ê公民（参考腓立比书三：20），因为án-ne天顶ê公民应该是超越世间王国ê主权。对世间ê政治事物，应该有koh khah超脱ê观点，mā就是并无在意世间ê权势团体。因为基督徒是用耶稣为主，m̄是听从世间chiah-ê君王（参考使徒行传五：29）。

Tùi chit段经文mā thang看出，早期教会就已经kah统治者之间，有真大ê紧张。使徒保罗虽然并无去过罗马，m̄-koh伊一定听tio̍h真chē有关基督徒kah统治者之间ê紧张事件。Tī主后49年，就bat发生罗马皇帝「克劳第命令所有ê犹太人离开罗马」（参考使徒行传十八：2），chit件事m̄-nā hō͘基督徒lóng受冤屈，mā hō͘犹太人对基督徒怀有敌意。因为án-ne，使徒保罗tī chia强调统治者ê政权，tùi上帝来ê「允准」。Chit种讲词有旧约时代ê观念背景，就亲像上帝拣选巴比伦做奴仆，来管理他ê子民仝款（参考耶利米书廿五：9）。

第1到2节，真清楚，tī chit两节经文内底，使徒保罗劝勉罗马教会信徒tio̍h顺从掌权ê罗马政府，主张罗马政府ê权力是tùi上帝来ê，甚至认为「抗拒当权者就是抗拒上帝ê命令」。使徒保罗m̄-nā是对罗马教会提出chit-ê观点，伊对门徒提多mā讲出类似（参考提多书三：1），仝款mā要求提摩太一定会教导信徒为执政者祈祷（参考提摩太前书二：2）。另外，门徒彼得mā提出仝款ê观点，认为tio̍h beh顺服世间ê掌权者（参考彼得前书二：13—15）。

使徒保罗会有chit种看法á是允准以án-ne理解：(1)伊有罗马公民ê身分（参考使徒行传十六：37—40、廿二：25—29），因为án-ne tī宣教事工上带hō͘伊bē少利便，至少罗马官员对伊是相当礼遇。(2)迫害早期教会siōng严厉ê是hiah-ê犹太教激进派分子，in lóng是反对罗马政府者。使徒保罗无希望基督徒被牵连，hō͘罗马政府认为基督徒就是hit群犹太教激进党派ê人。如果基督徒顺服罗马政府，反tńg是一个安全保障，同时thang凸显犹太教激进党派者ê捣乱问题，减轻基督徒被迫害ê压力。

第3到5节，注意第3节使徒保罗已经teh暗示统治者m̄是上帝，只不过是上帝ê奴仆，是beh执行上帝所交托ê使命。换句话讲：如果统治者m̄是teh执行上帝所交托ê使命，则人民无「服从」ê必要。统治者执政ê态度kah方针，应该是奖善惩恶。若m̄是án-ne，chit种政府就bē是使徒保罗所讲，应该tio̍h「服从」ê对象。Tī使徒保罗ê看法中，所有ê人，lóng应该成做上帝完成拯救工作ê同工，á m̄是家己扮演拯救者ê角色。M̄-koh tio̍h注意，使徒保罗认为服从一定tio̍h是tùi良心做起，mā就是诚实ê心，m̄是虚假应付ê态度。

第6到7节，使徒保罗tī chia提起tio̍h纳税，而且应该ê，chit点mā是后来使徒保罗令一kóa激进派ê犹太人感觉讨厌ê原因之一。因为in bat用抗税来表明对罗马统治者ê不满，而且kā抽税ê人当做叛国贼看待。Tī使徒保罗ê观点中，统治者ài面对ê是上帝ê审判，因为án-ne，若统治者是照上帝ê旨意行公义，则必定会得tio̍h人民ê尊敬。若是无án-ne，伊就一定tio̍h惊惶上帝严厉ê审判。因为伊领受比一般人koh khah chē ê权柄，就beh承受koh khah chē ê惩罚。

罗马书 13:8-13:14

注释:

使徒保罗Tī chit段经文中，特别讲tio̍h基督徒应该有ê信仰责任—爱人。伊强调án-ne chiah是每一个基督徒应该展现ê信仰能力kah态度。

第8到10节，使徒保罗tī chia所讲ê「债」，thang指两方面ê。一是teh指财物方面ê「债」，另外一个是teh指对人ê疼。对tī前者，伊认为应该bē-tàng tī财物上对人有亏欠。Chit种财物上ê「债」，iáu包括了税赋方面ê。欠税，kan-taⁿ会带来牢狱之灾。Á欠人ê债，则会致使人kah人之间ê冲突kah不和谐。特别是tī基督信仰团契中，koh khah容易因为án-ne造成仇恨、分裂。讲到后者，使徒保罗ài咱自认teh疼人ê方面一直做得无够chē、无够好。Kah-ná lóng无完成应该做到ê结果。续落来，伊提起十诫中ê第六、七、八、十等诫命，chit部分lóng是属tī人kah人之间ê关系。使徒保罗指出，遵守chiah-ê律法ê基本态度，就是kā chiah-ê上帝禁止ê事，看做是自身ê感受kah需要。Á ē-tàng遵行chiah-ê，就是ná亲像耶稣所讲ê，达tio̍h à「爱人如己」ê使命。

第11到12节，chit两节真清楚ê提起「末世」ê观念，mā thang看出使徒保罗思想ê主轴之一。伊ài用「乌暗kah光明」对比ê方式，来说明hit-ê末日时刻来到ê景象（参考哥林多后书六：14，以弗所书五：8—9，歌罗西书一：12—13，帖撒罗尼迦前书五：4—11）。伊提醒信徒「bē-tàng koh做暧昧ê事」，所谓「暧昧ê事」是teh指无清气、bē看kháu得ê事。Á「武器」，是teh指属灵ê气力，为tio̍h是beh kah魔鬼、诱惑人弃sak上帝ê邪恶势力对抗（参考罗马书六：13，哥林多后书六：6—7，以弗所书六：11—17）。

第13节，使徒保罗强调基督徒ê生活应该有所节制，因为身躯乃是上帝ê殿（参考哥林多前书三：16—17、六：19），是做献祭用ê（参考罗马书十二：1），应该是属tī洁净ê祭品。因为án-ne，伊提出几项生活准则：
(a)「做tāi-chì为人tio̍h光明正大」，意思是teh指bē暗算别人，贪图别人ê利益。

(b)「bē-tàng放荡醉酒」，「放荡」（komois），原本是teh指得意kah欢乐ê景象。后来是teh指狂欢到深夜mā无停止ê情形。「醉酒」（methais），是teh指lim酒超过身躯所ē-tàng负荷ê量，因为醉酒容易hō͘人乱性，这会败坏基督徒ê形像。

(c)「邪淫放荡」，邪荡（aselgeiais），是teh指非常邪恶ê态度。Mā是讲人犯错，却m̄知见笑。

(d)「纷争」（eridi），不考虑别人，只想tio̍h家己。「嫉妒」（zelois），意思是不满别人ê成就，故意用不实在毁谤别人。

第14节，chit节是chit段经文ê总结。Chit节mā thang参考加拉太书第三章27节，使徒保罗讲基督徒ná亲像「穿基督」，teh代表基督ê形像，就是chia所讲ê「tio̍h以主耶稣基督装备家己」ê意思，表示基督徒应该teh生活态度上显示出基督ê样式（参考以弗所书四：17—24），hō͘人看tio̍h he是一种新性命ê记号。

罗马书 14:1-14:12

注释:

使徒保罗所写ê书信有一个特色，就是会用一kóa篇幅讨论有关信仰kah生活ê关系。Chit种kah生活相关ê问题，m̄-nā是tī家庭、社会，同时mā tio̍h用tī教会共同信仰团契中。教会就是一个用信仰建立起来ê团契，有来自各种无仝社会、家庭生活背景，对事物ê看法真自然tek mā会有所差别。Koh khah值得注意ê是，当使徒保罗tī外面邦地区开拓教会后，教会内ê信徒就开始有所谓「犹太人」kah「外邦人」。Á犹太人信了耶稣了后，真自然mā会kā传承自犹太人ê风俗、信仰认知带入来。仝款ê，外邦人mā有in家己传承落来ê风俗，这二者之间存在真大ê差别，却beh因为共同信耶稣ê关系来相处做伙，这就需要真大ê容忍心胸chiah有办法，若无，单单是食ê问题，就会引起真chē争端。

罗马教会虽然m̄是使徒保罗所开拓ê，mā仝款有类似顶面所讲ê问题发生，ná亲像食物ê问题，发生tī哥林多教会ê事（参考哥林多前书八：7—12），mā仝款发生tī罗马教会。食物ê问题tī犹太人看起来，就有真chē ê限制，摩西律法写得真清楚，分做清气kah无清气ê物（参考利未记第十一章），真自然tek，犹太人虽然信耶稣，m̄-koh对食物ê看法，必定受tio̍h传统观念ê影响。彼得tī异象中ê反应就是一个真好ê例（参考使徒行传十：9—16）。相对tī外邦人来讲，犹太人认为无清气ê物，外邦人看法可能无仝。

Tùi第十四章开始，直到第十五章13节，使徒保罗lóng锁定一个主题：tī基督ê信仰团契中，大家tio̍h彼此接纳，互相扶持。用体谅别人ê软弱，这就是tī耶稣内面爱ê一种表现方式。

第1到4节，chit段经文是讨论到有关食物ê问题。Tī第1节ê「信心软弱」，并m̄是因为tī性命中tú-tio̍h极大困难，á是因为发生挫折，致使对上帝ê信心产生怀疑、摇动，并m̄是án-ne，却是指tī良心上ê感觉kah信仰之间有冲突，却m̄知该án怎chiah好有giâu疑，á是良心上ê不安。Chit种情况差不多每一个人lóng会tú-tio̍h，因为án-ne，使徒保罗ài大家学习「接纳」，á m̄是用争论ê方式。Chia是tùi生活中每工lóng会tú-tio̍h ê问题讲tio̍h，就是lim食ê事。圣经ê教导是所有上帝赏赐ê物，lóng是洁净ê（参考使徒行传十：15）。使徒保罗希望大家lóng ē-tàng接纳彼此之间对食物看法ê差别，á m̄是一味地批评。

第5到6节，chit两节是关于守toh一天才算是「安息日」ê问题。Chit点确实困扰tio̍h初代教会，即使tī今á日mā有chit种问题，只是无hiah-ni̍h明显而已。耶稣讲：「安息日是为tio̍h 人来设立，m̄ 是人为tio̍h 安息日来创造。(全民版)」（马可福音二：27）使徒保罗强调每一个人lóng应该有家己ê见解，m̄-koh重要ê是无论食á是选择聚会ê时间，lóng是为tio̍h尊崇主ê救恩chiah-tio̍h。

第7到9节，使徒保罗提供一个基督徒一定有ê观念：为tio̍h基督á活。因为基督就是为tio̍h咱来死，mā为咱来koh活。因为án-ne，每一个领受基督恩典ê信徒，lóng应该有chit种认bat，无论是生、是死，lóng是为tio̍h kah基督连结。

第10到12节，chia真清楚讲出一个重要ê信仰认知：每一个人lóng tio̍h向上帝交帐，接受审判（参考希伯来书四：13）。第11节是引用以赛亚书第四十五章23节。使徒保罗mā引用chit节诗歌tī腓立比书第二章10到11节，强调耶稣就是主，大家lóng beh向伊「下拜」。

罗马书 14:13-14:23

注释:

使徒保罗Tī chit段经文koh一pái kā问题giú tńg来到原来讨论ê主题：甚么是thang食ê食物？伊以一个基本ê原则来讨论chit-ê问题，就是第19到20节所讲ê：「tio̍h追求hit-ê促进和睦、彼此建立群体生活ê事。M̄-thang因食物来破坏上帝ê工作。」所谓「上帝ê工作」，指ê就是救赎ê工作。

第13节，chit节thang参考第1节。使徒保罗ài信徒tī团契生活中，m̄-thang成做别人接近福音ê绊脚石。意思是teh指对tī因为传统á teh生活kah信仰上表达无仝看法ê兄姊，应该用koh khah宽阔ê心胸看待。

第14到16节，使徒保罗koh一pái指出食物ê问题，伊强调食物本身是洁净ê，m̄-koh心思意念可能kā原本洁净ê食物看做是无清气，án-ne，食物就是无清气。Tùi第15节就ē-tàng看出使徒保罗ê态度：只要团契中有人对某种食物有忌讳，就beh因为án-ne宁可m̄食这食物，这mā是伊写hō͘腓立比教会书信所提起ê，m̄-thang只顾家己ê事，mā tio̍h关心别人ê事（参考腓立比书二：3—4）。

第17到18节，chia伊提起「上帝ê主权无在tī lim食，á在tī圣神所赐」ê各种恩典，chit点非常重要。使徒保罗提起圣神所赐ê有「公正、和平、喜乐」这三项。这lóng是基督教信仰siōng重要ê内涵。所谓「公正」，简单地讲，就是teh指诚实、不欺。「是，就讲是，m̄是，就讲m̄是」（参考马太福音五：37）。「和平」指ê是kah上帝有合宜关系，chit关系ê基础是tī耶稣。「和平」mā是teh表明有秩序。「喜乐」，乃是指ē-tàng带hō͘大家性命力ê信息，是帮助别人kā性命重新建造起来。

第19到23节，使徒保罗Tī chit段经文中强调：若是因为食某种食物á hō͘软弱ê人跋倒，就mài食hiah-ê食物。一个人若ē-tàng tī省思信仰ê功课上，心安理得，he是真大ê福气，因为án-ne就ē-tàng坦然面对上帝ê审判。

罗马书 15:1-15:6

注释:

罗马书tùi第十四章开始，直到第十五章13节，lóng是讲tio̍h tī信仰团契中，大家应该彼此互相关怀、扶持ê责任，尤其是对tī hiah-ê tī信心上比较软弱ê兄姊，koh khah应该用宽阔ê心胸对待。伊特别强调tio̍h以耶稣做榜样来学习，án-ne，就ē-tàng hō͘信仰团契koh khah有见证，á siōng好ê见证方式，就是彼此相疼，án-ne chiah ē-tàng hō͘外邦人因为án-ne认bat上帝拯救ê疼。

做一个基督徒应该为别人ê需要设想，á m̄是单想家己ê需求kah满足，这是使徒保罗对信徒ê劝勉。特别是tī共同ê信仰团契里，chit种观念koh khah应该坚持。第十五章一开始，伊koh讲：「信心坚强ê人应该帮助信心软弱ê人，分担in ê重担，á不求满足家己。」chit句「信心坚强ê人」，tú好kah第十四章1节ê「信心软弱ê人」成对照句。Tī第十四章使徒保罗解释了「信心软弱」者ê特徵。Tī chit章则向「信心坚强ê人」讲in应该有ê信仰行动。

Tī chit段经文中，使徒保罗一再强调每一个人lóng应该为其他ê信徒设想，á m̄是只想tio̍h家己ê利益。

第1节，chit节kah第十四章1节成相对话句。真清楚thang看出使徒保罗kā家己列tī「信心坚强」者ê一方。伊认为信心坚强ê人，有义务kah责任帮助软弱ê人。换句话讲，信心是用来分享，á m̄是用来夸耀家己ê能力。「信心坚定ê人」应该有ê态度是mài kah「信心软弱ê人」争辩。Á是beh接纳in所持有ê无仝见解。伊进一步强调讲，tio̍h「帮助」「信心软弱ê人」。Tī加拉太书第六章2节，使徒保罗强调tī教会中，tio̍h学习ê功课，就是「tio̍h彼此分担重担」。

第2到3节，ē-sái讲是第十四章ê总结。使徒保罗认为建造信仰团契ê基本原则，就是学习耶稣ê榜样，伊连性命lóng奉献出来à，因为án-ne，学习「彼此分担苦难、分享喜乐」就成做一个信仰基督团契ê指标。第3节ê b句是引用诗篇第六十九篇9节b句ê诗歌，表明基督徒tio̍h学会晓忍耐，而且甘心承受这世间ê苦难，ná亲像耶稣mā是án-ne。

第4到6节所讲ê「圣经」，指ê是旧约圣经来讲。Siōng好ê信仰，就是tùi耶稣ê身起来学习，á m̄是建构tī人ê基础上，án-ne，大家就ē-tàng同心歌颂上帝tī耶稣内面ê救恩。

罗马书 15:7-15:13

注释:

Tī chit段经文中，使徒保罗引用了kúi-nā段经文，只有一个用意，希望罗马教会ê信徒ē-tàng合一，同心颂赞上帝tī耶稣内面ê救恩。Chiah-ê信徒是包括犹太人kah外邦人。Tī头前伊以「信心软弱ê人」kah「信心坚强ê人」做对照，主要teh说明一件事：耶稣，是所有人ê救主，因为伊tùi上帝来ê差遣，是上帝ê Kiáⁿ，是所有世人ê ǹg望。

第7到8节，chit三节讲出使徒保罗写此书信真正目的，是beh hō͘所有犹太人基督徒知影， tio̍h接纳外邦人基督徒成做in ê兄弟姊妹，如仝一个信仰团契。Tī罗马教会内，必定有犹太人基督徒，mā有外邦人基督徒，因为án-ne，劝勉in彼此tī耶稣内面互相接纳。因为上帝m̄-nā是爱某一个族群，伊爱所有ê人。第8节讲「上帝ê信实」，主要teh说明上帝是信守kah犹太人祖先所立之「约」ê神，对tī这「约」，上帝tùi无放弃á是改变。

第9节，chit节是引用诗篇第十八篇49节。诗人讲beh在列国中宣扬、歌颂上帝ê救恩，án-ne，所有ê人lóng ē-tàng听见上帝拯救ê信息。Chia ê「慈爱」，表明ê意思是teh指「永远无变ê疼」，这mā是kui本圣经所beh传达ê信息（参考民数记十四：19，诗篇十三：5、廿五：6、廿六：3、三十一：16、八十五：7）。

第10节，引用自申命记第三十二章43节。使徒保罗引用这诗句，主要是teh说明，当人看tio̍h上帝ê救恩临到身上，就会主动出去宣扬，hō͘ koh khah chē人lóng知影，无论听tio̍h ê人是m̄是为上帝ê子民，只要听tio̍h，就lóng会发生歌颂o-ló ê声音。

第11节，引用诗篇第一一七篇1节。主要teh说明，无任何人会bē记得、忽略了颂赞上帝，因为大家lóng领受tio̍h上帝ê救恩。

第12节，引用以赛亚书第十一章10节。「耶西」是大卫ê老父（参考马太福音一：6）。因为án-ne，当先知以赛亚预言说「耶西ê后代beh出来」，并且讲是beh「起来统治外邦」，意思是teh指chit位tī族谱上传承大卫家族ê系统，m̄-koh却beh hō͘所有ê世人lóng归顺tī上帝。

第13节，说明tī上帝ê国度里，就是「喜乐、平安」。Á chiah-ê恩惠lóng是因为来自圣神ê引chhōa。是圣神ê气力，m̄是来自人ê ē-tàng，因为ē-tàng赐hō͘人平安心灵ê是上帝。

罗马书 15:14-15:21

注释:

Tùi第十五章14节开始，直到第十六章结束chit段经文是chit本经册ê结语。Tī第十五章14到21节ê chit段经文中，使徒保罗提起个人ê tāi-chì，mā提起伊写chit封信主要ê目的，就是beh hō͘罗马教会ê兄姊知影：伊并m̄是beh tī罗马城开拓教会，á是beh hō͘罗马教会信徒知影：伊沿路行来lóng是teh「传扬关系基督ê福音」（参考第18节）。

第14到15节，使徒保罗o-ló罗马教会ê信徒是真有信仰见证ê。虽然有真好ê见证，m̄-koh tī伊看起来mā是有需要提醒ê所在。

第16到17节，是使徒保罗表明家己tī福音事工上ê角色，伊讲家己是一个「祭司」，是专门为外邦人而作祭司，主要目的是beh hō͘外邦人也ē-tàng成做上帝所喜乐ê子民。这就kah犹太人认为只有in chiah是上帝所欢喜ê人民之观点非常无仝款。而且伊讲家己就是因为chit项工作á深觉光荣，因为伊参与了上帝拯救世人ê工作。

第18到19节，使徒保罗tī chia真清楚表现出「奴仆」ê角色，强调m̄是因为家己有甚么能力，却是耶稣「藉tio̍h」伊ê「言语行为」，koh用「神迹奇事kah上帝之灵ê能力」，án-ne伊chiah ē-tàng到外邦人地区传福音，而且有收成thang kā它献tī上帝面前。Chia ê所谓「言语行为」，thang tùi伊四界tī犹太人会堂kah人辩论有关耶稣救恩ê信息（参考使徒行传十七：2—4、10—12、十八：5），以及伊tī雅典，kah当时罗马社会ê思想界大师辩论有关耶稣ê死kah koh活之信息（参考使徒行传十七：16—34）看会出来。使徒保罗因为有圣神充满，hō͘伊tī传福音ê旅程中，有kúi-nā-pái施行神迹（参考使徒行传十三：8—12、十四：8—10、十九：11—12、二十：9—10、廿八：3—6）。伊讲家己活动ê范围，tùi耶路撒冷到chit地区，一直到「Í-lū-lī-kóng」，就是今á日ê「阿niâ巴尼亚」kah「南斯拉夫」ê所在。其实，使徒保罗并未达tio̍h南斯拉夫，伊只到马其顿而已（参考使徒行传十六：6—10）。可能伊原本有chit种计画，只是无想tio̍h，当伊tńg来到耶路撒冷了后，就被掠了起来。

第20节，这是一节真值得注意ê经文，tī chia使徒保罗表示：为tio̍h hō͘ koh khah chē人认bat耶稣，伊只「tī iáu未听见基督ê所在传福音，免得我ê工作建立tī别人ê基础上」，为tio̍h án-ne，伊四界旅行传福音，伊并无占领某一个地方，ná亲像耶稣仝款周游加利利湖附近ê城镇传上帝国度ê信息。

第21节，chit节是引用以赛亚书第五十二章15节。使徒保罗引用chit节诗歌，主要是teh说明伊传福音ê目的，beh hō͘外邦人认bat耶稣。Mā tùi chit节诗歌，表明福音带hō͘世人ê，是对性命有新ê认bat，并且听tio̍h新ê信息。

罗马书 15:22-15:33

注释:

Tī头前使徒保罗已经真清楚表明，伊并无想beh tī罗马城开拓教会，因为罗马城已经有人传福音，伊深惊会hō͘人误会。Koh讲，tùichit-má chit段经文thang看出，伊写chit本罗马书信ê主要目的，就是希望透过chit种书信认bat，hō͘罗马教会信徒全力支持伊到西班牙去传福音，án-ne chiah是伊写此书信ê目的。Kah伊写其它书信teh处理教会内部发生ê纠纷非常无仝款。因为án-ne，chit段经文ē-sái讲是伊清楚表示beh去罗马城拜访该教会ê原因。

为甚么使徒保罗一直希望到罗马去？伊并m̄是beh去罗马开拓福音事工，mā m̄是beh tī hia开拓教会，因罗马已经有教会，主要原因有可能是希望到西班牙去传福音（第24、28节），beh藉tio̍h罗马教会信徒ê气力做支援。使徒保罗ê作法就是建立一间教会后，就以该间教会当做支援中心，继续开拓另外一间新教会传福音。

第22到24节，tī第一章13节，使徒保罗并无说明伊为甚么「有kúi-nā-pái计画访问」罗马教会，却lóng受tio̍h阻碍ê原因。Á hō͘ chit项阻碍一直无kah早处理ê另外一个原因，是tī第20节已经提起ê，罗马城已经有教会，就无亲像hiah-ê iáu未建立教会ê地区hit种急迫。Mā可能iáu thang án-ne了解：使徒保罗写罗马书ê时，真可能是tī哥林多城写ê。当时使徒保罗tú tī hia待了三个月ê时间，原本有意赶紧去耶路撒冷了后，就去罗马访问。M̄-koh当伊离开哥林chē到达以弗所，并且结束tī以弗所ê工作，这是伊ê第二pái旅行传道。当伊正准备继续计画ê旅程ê时，却因为hit-ê城发生暴动á延误到哥林多ê时间（参考使徒行传十九：21—23），hō͘伊继续停留tī hit-ê城长到两年以上ê时间。这mā是伊延迟到罗马去ê原因。因为án-ne，伊希望tī工作有一个段落了后，就去罗马教会访问。

第25到26节，chit三节讲出使徒罗伊无办法chit-má就去罗马城ê原因，是为tio̍h beh kā马其顿kah亚该亚等地教会所捐出来beh救助耶路撒冷信徒ê钱赶紧送去耶路撒冷。

第27到28节，伊提出一个真重要ê信仰认知：分享。罗马教会ē-tàng得tio̍h福音信息，是kah耶路撒冷教会有密切关系。因为，耶路撒冷教会分享了福音信息hō͘罗马kah外邦地区ê教会信徒，chit-má外邦人已经知影耶路撒冷有贫困ê人民子弟，就有责任kah in同齐分享物质上ê需要。因为án-ne，伊希望罗马教会也ē-tàng募款救助耶路撒冷ê信徒。伊表示下pái去罗马城ê时，mā会kā福音ê信息分享hō͘罗马教会ê信徒。

第30到31节，使徒保罗请求罗马教会为伊ê行程代祷。尤其是关心伊kā前往耶路撒冷ê事。Chia提起「受tio̍h tī犹太hiah-ê m̄信ê人ê危害」，是因为有kóa顶真、保守ê犹太人，in对使徒保罗tī外面邦地区ê工作相当有意见，特别是使徒保罗并无坚持外邦人基督徒一定tio̍h先受割礼（参考使徒行传廿一：20—22）。其实使徒保罗有一个心愿：伊想用chit种救助耶路撒冷教会sàn-chhiah兄姊ê方式，来缩短犹太人基督徒，kah外邦人基督徒之间ê隔阂有关。伊ǹg望犹太人基督徒会感受tio̍h外邦人基督徒tī信仰上ê疼心，á koh khah愿意接纳外邦人信徒，mā会关怀同在耶稣救恩里ê兄弟姊妹，并同时肯定伊tī外邦人地区工作ê意义。

第32节，chit句「上帝若允准」，mā说明使徒保罗心中有一个预感，he就是伊会tī耶路撒冷受tio̍h迫害，chit件事应该是kah先知亚迦布ê预言有密切关系（参考使徒行传廿一：10）。

第33节，有bē少学者认为罗马书到chia就结束loh。因为chia出现「阿们」（参考罗马书十一：36），表示此书信ê段落结束。M̄-koh mā有另外一种看法，认为tio̍h án-ne书信真有可能是分做kúi-nā-pái chiah写完（参考罗马书十一：36、十六：27）。「赐平安ê上帝」，chit句话koh一pái出现tī哥林多后书第十三章11节c句；腓立比书第四章9节；帖撒罗尼迦前书第五章23节；帖撒罗尼迦后书第三章16节。Chia ê「平安」，并m̄是讲一切lóng真顺利、无事发生，却是指tī苦难中，mā bē丧失对上帝ê信心，iáu有坚强ê意志。

罗马书 16:1-16:16

注释:

使徒保罗ê书信有另外一个特色，就是tī最后lóng用请安语作结束。像哥林多前书第十六章19到20节；腓立比书第四章21到22节；歌罗西书第四章15节；提摩太后书第四章19、21节；提多书第三章15节；腓利门书第23到24节等等。M̄-koh tī所有书信中，罗马书ê请安句ē-sái讲是siōng长ê。

罗马书可能tī第十五章33节就结束loh，因为án-ne，这第十六章有可能是因为编辑上ê需要chiah加上ê。会有chit种看法，是因为chit章同时提出beh向真chē人请安ê话。Á chiah-ê人是分散tī伊旅行传道ê各地，罗马教会ê人并无一定lóng认bat in，何况使徒保罗家己mā m̄-bat去过罗马教会。因为án-ne认为，罗马书chit本书信是托菲比带去ê，使徒保罗只要tī phoe中绍介菲比hō͘罗马教会ê信徒就ē-tàng à。

M̄-koh mā有kóa学者认为，chit章可能是寄hō͘另外一间教会ê信，后来teh编撰罗马书ê时，mā顺续kā它编辑tī-chia，做书信ê结语，以符合使徒保罗写phoe ê习惯。因为án-ne，有人认为chit章可能是写hō͘以弗所教会ê信。不过，chit种讲法mā欠缺够额ê佐证。

Chit章是使徒保罗绍介伊ê同工siōng chē ê一章，总共看tio̍h廿七个名。Thang án-ne了解：新约圣经中有记录出名ê chiah-ê人，可能tī早期教会中lóng真活跃，á是tī早期教会历史中扮演重要ê角色。虽然有kóa人只有提起名，并无留落来任何事迹thang供参考，hō͘人了解in所做ê事工。M̄-koh，in ê名会hō͘记录落来，可见in tī早期信仰团契中必定常常hông提起。Koh讲，就是tī chit份廿七个名单中，女性就占了六个，包括有菲比、亚居拉、马利亚、土非拿、土富撒、彼息等。可见女性tī早期教会福音事工上有美好ê见证。

Chit段经文是使徒保罗记念tio̍h tī伊传道工作中，kah伊同工过ê兄姊，伊m̄-nā一一提起in ê名，并简略讲chiah-ê同工tī福音事工上ê努力kah用心，肯定in。Mā用chit种方式绍介in，来方便伊日chiah-ê同工有机会去拜访其他教会ê时，大家thang因为án-ne认bat来好款待chiah-ê同工。

Koh讲，tī chit段经文中，总共出现二十七个名，其中有六个女性，可见tī早期教会中，妇女tī福音事工上贡献非常大，是bē-tàng忽略ê一股力量。Ná亲像腓利ê四个cha-bó͘-kiáⁿ，无结婚，in lóng是「传讲起帝信息」ê难得人才（参考使徒行传廿一：8—9）。使徒保罗开拓腓立比kah其它教会，就是得tio̍h卖紫色布匹ê吕底亚极大ê支持（参考使徒行传十六：14—15，腓立比书四：14—16）。

第1到2节，chit两节绍介「菲比」，伊是一位女「执事」，可见当时外邦人ê教会已经有女性参与教会管理ê事工。使徒保罗就是托伊kā chit封信带去hō͘罗马教会，因为án-ne，chiah会teh绍介上真chē所在写了，并请求该教会好款待菲比，可见伊Tī使徒保罗心中是真被肯定ê同工之一。Chia讲菲比是「坚革哩教会ê执事」，这是哥林多地区ê一个港口教会，菲比就是受使徒保罗之托，牧养该教会。

第3到5节a句，「百基拉kah亚居拉」是一对热心福音事工ê夫妻。In kah使徒保罗仝款，lóng是用织帐棚维持生活（参考使徒行传十八：1—3），而且使徒保罗tī哥林多地区福音事工ê siōng好伙伴。后来in搬家到以弗所去，就以家己ê厝作为聚会ê所在（参考哥林多前书十六：19）。使徒行传第十八章24到26节ê记载，in夫妇两人bat帮助过一位真热心传扬耶稣信息ê同工亚波罗，「koh khah准确地kā上帝ê道路向伊解释」，hō͘亚波罗后来tī教会事工上有真突出ê表现（参考哥林多前书一：12、三：6）。使徒保罗tī第4节并无说明是甚么原因，百基拉kah亚居拉chit对夫妇一定tio̍h「冒性命ê危险」保护伊ê安全。M̄-koh真有可能是kah使徒行传第十九章21到41节所记载ê以弗所城之暴动事件有关。Mā tùi chia thang看见in tī信仰上ê热心kah坚定。

第5节b句到7节，「以拜尼土，伊是亚细亚省第一个归信基督ê人」。「以拜尼土」chit种人到底是甚么人？chit-má已经chhōe bē-tio̍h资料。「亚细亚省」，这是包括了今á日ê土耳其、伊朗、伊拉克、阿拉伯、叙利亚、约旦、以及以色列等地区。第6节提起「辛苦工作ê马利亚」，chit位妇女是甚么人？无法度知影。M̄-koh thang知影她是积极投入参与福音事工ê姊妹。第7节讲和使徒保罗「同齐坐牢ê犹太同胞安多尼古kah犹尼亚」，in是比使徒保罗iáu早归属耶稣ê信徒。为甚么in会跟tòe使徒保罗「同齐坐牢」？无koh khah详细ê资料。M̄-koh thang明明确知影「安多尼古」是希腊人ê名。有人讲伊kah 犹尼亚是一对夫妇，m̄-koh是m̄是án-ne？mā无清楚。值得注意ê是，使徒保罗特别强调讲，in两位tī「使徒中有淡薄á有名望」，chit句话表示in两人确实在早期教会非常认真，而且tī福音ê事工上有淡薄á受重视。

第8到11节，chia提起「暗伯利、耳巴努、士大古、亚比利」等chit四个人ê名，chiah-ê lóng是当时奴隶普遍ê名。如果in chiâⁿ实是奴隶，则对早期教会来讲，就有真重大ê意义，这表示信徒中间mā有奴隶à。使徒保罗用「主内亲爱ê朋友」、「事奉基督ê同工」、「经历过考验、对基督头尾忠心」等等称呼in，可见chiah-ê人虽然bat是奴隶，m̄-koh tī归信基督耶稣了后，确实lóng有真好ê见证。「亚利多布一家人」，其原本ê意思是「请安亚利多布厝里ê人」，chit种话，就无包括「亚利多布」在内。这有两个意思，一是伊已经往生；二是伊并未信主。有kóa圣经学者认为，「亚利多布」chit-ê人是大希律王ê孙á，是希律亚基帕一世ê兄弟。因为án-ne，chia讲beh请安「亚利多布一家人」，有可能是teh指亚利多布厝里ê奴仆á是奴隶。Án-ne mā真有意思，伊无信主，m̄-koh却允准伊ê奴隶去听信福音ê信息，成做基督信徒。若是伊已经往生，m̄-koh，接受伊财产ê人，mā允准伊留落来ê chiah-ê奴仆（奴隶）写phoe去耶稣。「希罗天」，有可能mā是kah亚利多布仝款，同属希律家族ê奴隶之一，á是已经被tháu放成自由人。Á「拿其数一间信主ê兄弟们」，意思真清楚，就是teh指in-tau里ê奴仆。有人认为chit位「拿其数」，可能就是提庇留革老丢王ê家仆。Án-ne看起来，tī使徒保罗等人ê努力下，基督教ê福音已经进入到权贵阶层ê厝内à。

第12节，「土非拿」kah「土富撒」可能是双生á姊妹。「彼息」chit-ê名意思是「波斯妇女」。使徒保罗讲伊为传福音ê事工，真「勤劳工作」。原本chit句「为主勤劳工作」是形容chit三个妇人，可惜《现代中文译本》只有kā chit「为主勤劳工作」ê形容话句用tī「彼息」，无用tī「土非拿」kah「土富撒」身上。《中文和合本》译文比较清楚：「koh问为主劳苦ê土非拿氏kah土富撒氏安。」

第13节，chit节真重要，因为chia绍介ê chit位「鲁孚」，就是替耶稣背负十字架ê古利奈西门ê kiáⁿ（参考马可福音十五：21）。「鲁孚」chit-ê名ê意思，是teh指「红色」、「红发」ê意思。使徒保罗讲伊「是主内一位杰出ê工人」，chit句话真值得推敲，有可能就是鲁孚ê老父古利奈ê西门先受感动了后，带全家信主。然后全家lóng tī早期教会中相当活跃。另外有一种讲法，是当古利奈ê西门被罗马士兵强迫替耶稣背十字架ê时，tú好鲁孚mā tī老父ê身边，看tio̍h这情景就已经深受感动à。使徒保罗特别强调讲鲁孚ê老母，对伊真照顾，kā伊当做「像家己ê kiáⁿ仝款」看待。伊chit段话有深刻ê感恩心情。

第14到15节，chit节连续提起五个名，包括有「亚逊其土、弗勒干、乌米、八罗巴、乌马」等人。Chiah-ê lóng是奴隶ê名，á是in原本是奴隶，chit-má已经是自由身。Án-ne看起来，早期教会成员中，有bē少信徒lóng是来自奴隶ê背景，in tī当时ê社会地位并无高。M̄-koh in却kah hiah-ê有社会地位ê信徒同属一间教会，chit种现象，过去án-ne，chit-má mā是。因为tī教会中，并无mā不应该有社会地位之别。Mā tùi chia ē-tàng看出早期教会kah近代教会ê经验仝款，siōng快归信耶稣基督ê人，大部分是社会中ê低阶人民，出tī贵族ê家庭真少。

第16节，「用圣洁ê chim嘴互相请安」，这是早期教会聚会ê方式之一，表示大家lóng互相想念，彼此关系相当亲密。Chit种话句mā常出现tī使徒保罗ê书信中（参考哥林多前书十六：20、哥林多后书十三：12，帖撒罗尼迦前书五：26）。

罗马书 16:17-16:27

注释:

Chit段经文是最后劝勉ê话。Tùi使徒保罗传福音ê过程中所tú-tio̍h ê情形thang了解，每pái伊开拓一间教会，一离开后，马上就有人跟tòe tī后面进入教会破坏伊所建立ê教会内部和谐。这mā是为甚么伊虽然离开了当地ê教会，却iáu tio̍h ê时常用书信处理教会所发生ê事务ê原因。因为án-ne，伊不时写phoe去处理所发生ê问题。m̄-nā是信仰ê，mā包括了生活方面ê问题，以及信徒彼此之间ê纠纷。

罗马书虽然m̄是为chiah-ê事所写，m̄-koh使徒保罗担心会有人故意去破坏该教会已经领受tio̍h ê福音信息。使徒保罗tī chia用「满足家己ê腹肚」chit句话，来形容hiah-ê专门teh破坏福音事工者ê真正目的，就是kā福音事工看做是「职业」，á无想hō͘性命更新ê使命感。因为án-ne，使徒保罗tī chia ài罗马教会ê众信徒，一定tio̍h防范chit种人进入教会中。使徒保罗tī chia提醒罗马教会ê信徒，讲chiah-ê专门用花言巧语讲「另外一种福音」ê人，乃是「职业传道者」，in m̄是teh传福音，却是为tio̍h「满足家己ê腹肚」。

第17到19节，罗马教会虽然m̄是伊开拓ê教会，伊mā m̄-bat去过，m̄-koh伊ài in预防有人渗透进入该教会去搅乱in tī信仰上ê美好见证。因为chit款tāi-chì tī外面邦ê教会已经屡见不鲜了（参考哥林多后书十一：12—15，加拉太书一：6、9，腓立比书三：2、19）。使徒保罗指出会去骚扰、搅乱教会ê人，是kā福音当做一种职业，chit种人是为tio̍h肚腹之需，出卖良知、真理（参考哥林多后书二：17）。In并m̄是真正teh传扬耶稣koh活ê信息，mā m̄是用耶稣为性命ê主。Tùi第19节thang看出使徒保罗o-ló罗马教会信徒tī信心ê表现上，确实真有口碑。chit-má伊tī chit-ê封信ê结尾ê时，koh一pái表示对罗马教会信徒ê坚定信心非常敬佩。第19节讲in「tī好事顶面聪明，tī pháiⁿ事顶面无知」，所谓「聪明」，指ê是智慧，mā teh表示对tī信靠上帝ê事，ài有坚定ê信心。「pháiⁿ事」，是teh指弃sak上帝ê教导，chit种人是愚戆ê。「无知」，是teh指lóng bē，就算是有人teh教导、诱惑，mā bē去学、去接触。

第20节，chit句「主耶稣赐恩典」，是teh指耶稣ê koh活kah救赎，这是tùi上帝来白白ê恩典，是上帝赏赐hō͘忠于他ê子民，hō͘ chiah-ê忠实ê子民会得thang kah上帝和好。

第21节，「提摩太」，伊是使徒保罗第二pái传福音ê时，tī路司得得tio̍h ê门徒。老母是犹太人，mā是信徒，á老父是希腊人。提摩太tī家己ê家乡路司得kah附近ê以哥念一直有真好ê风评，表示伊是一个真顶真koh认真正青年。因为án-ne，使徒保罗决定带伊同齐去传福音。Tī出发chìn前，使徒保罗iáu特别为提摩太行割礼（参考使徒行传十六：1—3）。「路求」，是使徒保罗tī第一pái旅行传道ê时，tī安提阿教会tú-tio̍h ê宣教同伴，伊是古利奈人（参考使徒行传十三：1—3）。「耶孙」，伊是Tī使徒保罗tī帖撒罗尼迦传道tú-tio̍h暴乱ê时，收留使徒保罗kah西拉到in-tau里避难ê人。因为耶孙帮忙使徒保罗kah西拉，暴徒们大表不满，冲进伊ê厝，并控诉伊，beh掠伊去见地方官。结果伊被要求「缴款具保」后，chiah得tio̍h tháu放（参考使徒行传十七：5—9）。「所西巴德」，伊可能就是使徒行传第二十章4节中所讲ê「所巴特」chit-ê人，bat kah使徒保罗tī马其顿、希腊传道。

第22节，chia讲代写此书信ê人是「德提」，伊真可能是使徒保罗ê秘书。

第23到24节，「该犹」，可能kah哥林多前书第一章14节所提起ê是仝一个人，伊是使徒保罗亲自行洗礼ê信徒。该犹可能mā是一个富有ê人，chiah ē-tàng容纳全体会友「tī in-tau聚集」。「以拉都」，伊是负责财务ê工作。「括土」，这是奴隶ê名，意思是「第四子」。

第25到26节，chit两节是非常重要ê经文，清楚讲出使徒保罗kā耶稣所传「上帝国度福音」，转变成「福音是关系耶稣基督ê信息」，伊kā耶稣kah上帝国度福音亲密地结合做伙。

第27节，chia「全智」ê意思，是teh指一切决定lóng是tī上帝手中。Beh隐藏起来成做奥秘，á是beh掀开来hō͘众人lóng清楚看见，这lóng是tī上帝ê决策，m̄是人ê能力ē-tàng左右。