重新查询
经文:

启示录 1:1-1:20

注释:

无论启示录记载内容过去án怎受tio̍h真chē圣经学者ê争议,ná亲像chit章第3节所讲ê「读chit本册ê人jōa-ni̍h-á有福ah」仝款,详细阅读就会发见上帝ê信息透过真chē「异象」来显示出来。

	Chit章讲tio̍h上帝透过作者约翰写hō͘「亚细亚ê七个教会」ê信,chit七间教会就是「以弗所、示每拿、别迦摩、推雅推喇、撒狄、非拉铁非、老底嘉等教会。然后接落去就是有一位看起来ná亲像「人子」ê出现tī伊身边,开始kā chit七间教会ê状况kah会tú-tio̍h ê审判讲述出来。

    第1节,作者一开始就讲chit本册是「记载耶稣基督ê「启示」。所谓「启示」,希腊文是teh指「phah开来看」,就是kā隐密ê事掀开来,无koh有隐藏。M̄-koh这并m̄是由人来「掀开」,却是由上帝家己来掀开。Chit种讲法真清楚说明,启示录chit本经册中所讲述、记载ê事,lóng是tùi上帝来ê「启示」。Chia讲是「基督差遣天使向伊ê奴仆约翰显示」所beh传达ê信息。作者ài用「天使」,这是启示文学喜爱采用ê素材之一,单单tī启示录中就用了chē kah六十五次。 
第2节,讲本经册ê作者是名叫「约翰」。Tī kui本启示录总共记载六pái,lóng说明约翰就是此本经册ê作者(参考一:1、2、4、9、廿二:8、18)。有bē少圣经学者认为作者约翰chit-ê人,真可能就是耶稣基督ê门徒。M̄-koh是m̄是就是伊?iáu teh讨论中。因为约翰chit-ê名tī犹太人ê社会真平常,咱ē-tàng确定ê一件事,就是作者乃是一个犹太人,对旧约经典非常熟悉。Chit位约翰是beh为「上帝ê信息kah耶稣基督所启示ê真理做见证」,chit点mā是本经册ê重点。

第3节,作者讲「读chit本册ê人是jōa-ni̍h-á有福ah」,这是第一pái提起「有福」。Tī启示录中,共计有七pái提起「有福」(另外六pái请参考十四:13、十六:15、十九:9、二十:6、廿二:7、廿二:14)。Chit-ê「有福」一词kah马太福音第五章3到10节所提起ê「八福」所用ê「福」字仝款,意思是teh指kah上帝有合宜ê关系,这mā是使徒保罗tī罗马书ê中心信息(参考罗马书一:17)。

「听见chit-ê预言并遵守册中所记载ê人」,必定成做「有福」ê人,而chia ê「预言」,指ê m̄-nā是未来ê事,mā包括tùi圣经中所得tio̍h ê「劝勉」kah「安慰」ê信息,chiah-ê信息就是kui本圣经ê话语。

「日子快到à」chit种呼吁lóng kah「末日」来临、审判ê日子teh要到等chit种观念亲密地连结做伙,是分bē开ê。M̄-koh「末日」并无一定就是teh指世界ê路尾讲ê,有时是teh指审判ê来临,人遇tio̍h无法度忍受ê苦难来讲。

第4到5节,koh一pái hō͘咱看tio̍h新约时代写书信ê模式,就是tùi自我绍介开始,了后就是请安。Chit两节有请安mā有祝福。Chia讲chit本书信是写hō͘亚细亚省ê「七个教会」。有圣经学者认为chia ê「七」,并无一定是teh指chit「七」间教会,却是用「七」来表明所有教会lóng需要听从chit本经册所传达ê信息。因为Tī圣经中,「七」所表示ê意义包括有神圣、祝福、完全、圆满、够额等等ê意思。

Chia提起「昔tī-teh、今tī-teh、将来永tī-teh ê上帝」,chit句话kah出埃及记第三章14节ê「我是创始成终ê主宰」是仝款ê意思。表明上帝是万物ê创造者,一切性命ê来源lóng是上帝创造ê。

「七个灵」,指ê乃是上帝全备ê「灵」。Tī以赛亚书第十一章2节提起上帝ê灵包括有:一是智慧、二是聪明、三是谋略、四是能力、五是知识、六是敬畏等。有一本Tī圣经版本上非常有权威ê《七十人译本》则tī chia koh加上了一个「敬虔ê灵」,án-ne共有「七个灵」。Tī chia,作者讲耶稣基督就是chit「七个灵」ê见证者。Tùi他ê「死里koh活」开始,beh hō͘所有接受上帝信息ê人lóng仝款lóng享受耶稣基督koh活ê恩典。

Chia提起耶稣基督疼咱,他为咱「牺牲流血,tùi罪中kā咱释放出来」,chit种信仰认知mā是基督教信仰ê基础。

第6节,chit节真可能采用出埃及记第十九章5到6节ê观点,认为只要是遵行上帝旨意者,lóng会成做上帝「神圣ê国民」,是事奉上帝ê「祭司」。

第7节,thang参考但以理书第七章13到14节,讲述hit位teh beh来临ê拯救者,会驾云来到世间。启示录作者用chit种方式teh说明当末日来临ê时,上帝就是审判者,他ê威严是人无法度ê抵挡ê。Koh讲,chit节mā回应撒迦利亚书第十二章10节所提起ê,当众人teh为「hō͘ in凿死ê hit位」哀哭ê时,taⁿ却相对看tio̍h当chit位拯救者驾云来到世间,mā tio̍h为伊荣耀ê来临哀哭,因为过去所做ê事,接受严厉ê审判而哀哭。Chit节mā teh暗示基督徒tī受tio̍h迫害ê时,将来会得tio̍h极高度ê荣耀,而相对ê,迫害基督徒ê,会开始哀哭、咬牙切齿à。

第8节,chit节ê句话mā同时出现tī第廿一章6节、第廿二章13节。
「阿尔法」kah「亚米茄」了后,加上说明「开始」kah「终结」chit-ê说明词ê,mā出现tī第一章17节、第二章8节。对照第廿二章13节来看,作者有特别说明chit位「开始」kah「终结」者就是耶稣基督。Á tī第廿一章6节则讲chit位「开始」kah「终结」拥有「性命ê泉水」,thang白白赐hō͘口渴ê人lim。

「全能ê上帝」,chit句话说明基督教信仰ê上帝有三大特性ê其中一种。另外两大特性就是「全在ê上帝」kah「全知ê上帝」。

第9节,作者「约翰」讲伊是bat为tio̍h传福音而「被囚禁tī名叫拔摩ê海岛上」。Chit-ê「拔摩岛」是设tī爱琴海中ê一个多石小岛,kui个岛面积大约是六公里宽、十三公里长,靠近现今ê土耳其海岸。

作者强调伊kah同信ê兄弟姊妹(指chit七个教会)同齐「分担患难、同齐忍耐」,表示伊并无tī非常困难、恶质ê环境下离开in,却是tī耶稣基督内面kah in同在同齐。因为有chit种条件,伊chiah ē-tàng讲同时mā tio̍h kah chit七间教会「分享」tī耶稣里ê「主权」。Chit-ê「主权」,意思是teh指耶稣基督koh活了后,审判时刻ê来到,所有信靠耶稣基督到终末都无改变ê人,lóng会分享chit份被拯救ê荣耀(参考帖撒罗尼迦前书四:16—18)。

第10节,「有一个主日」,chit句话至少说明当时ê基督徒已经tùi犹太人ê「安息日」聚会,转成耶稣基督koh活ê日子—「主日」作为聚会ê时间,无koh是用犹太人ê安息日聚会à。

Chit节提起作者被「圣神支配」,仝款ê词句mā出现tī第四章2节、第十七章3节、第廿一章10节。作者约翰讲伊tī圣神ê支配之下,「听见了一个大tân声,kah-ná吹号ê响声」,而且声音来自「背后」,意思是teh指chit-ê异象,是tī看bē-tio̍h、预防bē-tio̍h ê状况下出现ê。
第11节,chit声音说明作者写chit本经册ê主要目的,就是beh kā所看见ê异象、听见ê话,kā「以弗所、示每拿、别迦摩、推雅推喇、撒狄、非拉铁非、老底嘉七个教会」讲。

第12节,作者讲伊「转身」就「看见七个金灯台」。Tī第20节作者有说明「七个金灯台」指ê是用弗所等七间教会ê意思。

第13到16节,作者Tī chit段经文描述伊看见「有一位像人子」ê人出现。「人子」,chit-ê用词kah但以理书第七章13节ê「人子」有关,是teh指tùi上帝来ê拯救者(参考使徒行传七:56)。

Chit位「像人子」ê是「穿插长袍,胸前系tio̍h金带」,chit种穿着有如摩西律法中所规定ê祭司大礼服(参考出埃及记三十九:2—3、29)。

伊ê「头毛洁白像雪」,这是用但以理书第七章9节ê背景,描述拯救者耶稣基督ê样式。Chit种用ná亲像雪hit种洁白,表明ê另外一个意义,就是发光到目睭无法度正视仝款(参考马太福音廿八:3,马可福音九:3)。

「目睭像火焰」,脚像擦亮ê铜一般明亮,这是采用但以理书第十章5到6节ê资料。这mā teh说明chit位伟大ê审判者ê目睭,thang看透人心内ê意念。

「七颗星」一词thang参考第20节,teh代表「七个教会ê天使」。
「嘴中吐出一把双刃利剑剑ê剑」;剑,是用来攻击、审判、刑罚ê(参考二:16、十九:15、21,以赛亚书四十九:1—2)。

「面像透中昼ê阳光」,表明正义、公平,真清楚,无隐遮。

以上chiah-ê lóng teh表示一种非常崇高ê威仪,hō͘人看了会不寒而栗。

第17到18节,因为有顶面所讲ê「形像」出现,致使作者看tio̍h了后,马上仆倒tī土脚,吓得ná亲像死人一般,连动mā m̄敢动。「mài惊」,chit句话一再出现tī耶稣基督传福音ê过程中(参考马可福音五:36、六:50、路加福音五:10、十二:32),lóng是耶稣基督teh安慰、鼓励他ê门徒,以及对性命失去希望ê人(会堂ê主管叶鲁)所讲ê话。

Chit两节mā同时提出耶稣基督teh绍介家己,有三个特点:
一是「我是开始,mā是终结」。二是「永存者—bat死过,chit-má活teh,会永远活teh」,chit句话表示出耶稣基督已经赢过死亡。三是「掌掠tiâu死亡kah阴间ê锁匙」,thang参考马太福音第十六章18节。这说明信靠耶稣基督ê人thang赢过死亡ê威胁。

综合顶面所讲三点,作者约翰想beh kā chiah-ê因为坚守对耶稣基督ê信心ê信徒讲,虽然有ê亲人、朋友已经死去,m̄-koh耶稣基督就是掌握「死亡kah阴间ê锁匙」ê主宰,伊有权thang kā hiah-ê迫害信徒ê人关入阴间,mā thang hō͘ hiah-ê因被迫害来死去ê人,tùi阴间koh活起来,kah耶稣基督同齐享受永恒ê性命,因为耶稣基督已经tùi死里koh活起来,而且永远活teh。使徒保罗讲基督徒就是kah耶稣基督同死,mā同koh活(参考罗马书六:5、8)。
第19节,传达声音者kā作者约翰讲一定tio̍h kā「所看见ê,无论是chit-má iáu是将来beh发生ê事,lóng写落来」。Chiah-ê所看见ê事,就是teh指chit-ê异象,这是关系耶稣基督审判kah拯救一切ê权柄。

第20节,「奥秘」,并m̄是「秘密」,却是指过去bē明白,chit-má「晓悟」、「明白」,chiah发觉tāi-chì真奇妙。Chia ê「七个教会ê天使」到底是甚么人?是teh指人,á是teh指天使?真oh分清楚。因为「天使」mā thang讲是教会ê代表。

经文:

启示录 2:1-2:7

注释:

启示录作者得tio̍h上帝ê启示,ài伊kā短期内teh beh发生ê tāi-chì kā讲chit七间教会,这mā是tùi第二章、第三章记载之所讲ê七封phoe。值得注意ê是,tī chit两章ê七封phoe ê内容是对七间教会一一地进行了信仰ê检视,有o-ló,m̄-koh mā有责备。被o-ló ê教会是示每拿 kah非拉铁非等两间教会,而被责备ê教会则有:以弗所、别迦摩、推雅推喇、撒狄、老底嘉等五间教会。作者特别强调无论chit七间教会是甚么型态ê教会,至少有一个共同点:lóng是用基督ê名建立起来ê教会,因为án-ne,就会有基督khiā tī chiah-ê教会ê中间。因为基督就是教会ê中心,mā是教会ê头、根基(参考以弗所书二:20—21,歌罗西书一:17—18)。启示录ê作者形容chit位基督如仝一个位审判者般ê「正手the̍h七颗星,嘴中吐出一把双刃利剑剑ê剑」,tī伊ê权柄之下,是「掌掠tiâu死亡kah阴间ê锁匙」,chit点是非常值得注意。因为「死亡kah阴间」是对性命siōng大威胁ê气力。Á耶稣基督已经赢过死亡kah阴间ê权势,伊有复活,chit点就是基督教信息ê siōng中心,mā是基督教会存在ê基础。

另外,teh写hō͘ chit七间教会ê书信中,有两点特色:
其一,起头lóng会用「我知影」chit-ê词当做踏话头(参考二:2、9、13、19、三:1、8、15)。Chit句话「我知影」,已经teh表明教会ê主—耶稣基督,一直kah chiah-ê教会同在,伊「行走」tī chiah-ê教会之间,而且确实有注意tio̍h chiah-ê教会内每一个信徒ê所讲所行。

其二,teh对每一间教会提出反省了后,结尾lóng会有chit句:「圣神向各教会所讲ê话,有耳áê,lóng tio̍h听!」(二:7、11、17、29、三:6、13、22)hō͘每一间教会ê书信之结语lóng仝款,这kah耶稣teh传讲上帝国度信息了后,会用仝款ê语句呼吁群众注意听信息仝款,lóng是讲:「有耳áê,lóng tio̍h听!」(参考马太福音十一:15、十三:43,马可福音四:9、23、24,路加福音十四:35)。

Chit段经文是第一封phoe,mā是作者约翰照圣神ê指示,写hō͘七间教会ê第一间,mā就是用弗所教会。

第1节,「hō͘以弗所教会ê天使」,chit间教会会án-ne成做第一个收phoe ê对象,真可能是因为距离拔摩岛最近,大约有110公里。M̄-koh如果是chit-ê原因,是m̄是mā teh暗示当做者写chit张phoe ê时chūn,人kám是tī拔摩岛?á是因为当时tī异象中提起ê是án-ne ê顺序,就照顺序写phoe?确实无法度确定。

以弗所,这是tī主前133年被罗马帝国划入为辖区版图内,并且成做亚细亚省ê省会。它thang讲是罗马帝国ê第四个大城市,是当时亚细亚省西部经济、商务、文化ê中心。Chit-ê城市是用拜亚底米女神而出名,chit-ê神是管理「生殖」ê事,kah迦南地人敬拜ê「巴力」仝款。以弗所因为chit-ê女神庙ê关系,hit-ê城就成做一个偶像崇拜ê风气甚兴ê城市(参考使徒行传十九:19—20)。Chit间亚底米神庙因为建筑非常雄伟、壮观而bat被誉为「世界七大奇观」之一。Mā thang想像会tio̍h,庙宇ê建造会án-ne幼路,必定是香火鼎盛chiah有建造ê经费。

使徒保罗kah其他同工因为tī以弗所chit-ê城传福音,信徒增加加真chē,m̄-koh相对ê,mā造成以弗所神庙ê进香客锐减。结果因为有真chē人信tùi福音而造成一kóa óa靠神庙thàn钱á是生活ê人,出现危机意识(参考使徒行传十九:26—27),chiah-ê人就故意煽动谣言、制造纷乱,结果造成使徒保罗ê福音伙伴该iáu kah亚里达古两人遇tio̍h民众掠送入去官府(参考使徒行传十九:29)。

Chit节强调「正手the̍h七颗星」ê chit位人子,行走tī「七个金灯台中间」。Chia ê「人子」就是耶稣基督,伊就tī教会ê中间「行走」。「行走」有含同在、当家做主、审判、查访、观察ê意思。

第2到3节,chit两节是o-ló以弗所教会有美好ê信仰见证。「我知影你所做ê」chit句话,tú好回应第1节所提起人子「行走」tī chiah-ê教会中间ê意思,因为人子已经看tio̍h、而且查访ê真清楚。因为án-ne,chit位人子chit-má kā以弗所教会美好ê见证提出来,chiah-ê包括下列几项:一是「辛勤工作」,这是teh指认真到筋疲力尽ê意思。二是「忍耐」,chit-ê字kah「辛勤」是相连结,有任劳任怨ê意思。三是「不容忍pháiⁿ人」,表示tī以弗所教会内,有一kóa人是专门tehteh破坏秩序ê;chiah-ê人就是hiah-ê自称「使徒」ê假冒者。这mā是使徒保罗tī前往耶路撒冷途中,bat tī米利lóng kah以弗所教会ê众长老见面,提醒in tio̍h注意会有「凶暴ê豺狼beh混入」in中间「伤害羊群」。Mā有人会「造谣讲白贼,诱惑门徒去跟tòe in」(参考使徒行传二十:29—30)。

第3节,作者o-ló以弗所教会为tio̍h耶稣基督ê缘故,真有「耐心」地「历经患难,从来m̄-bat kiu-kiu」,可见以弗所教会tī信仰上是真有基础,ē-tàng忍受当时迫害者对该基督徒迫害所造成ê冲击。

第4到5节,m̄-koh有好ê一面,mā有缺失ê一面。作者约翰teh o-ló以弗所教会了后,随时koh提出hit-ê教会tī信仰上值得反省ê所在,就是:

一是「会失去当初」对上帝ê「疼心」。意思是teh指对耶稣基督ê忠心冷淡á是衰退了,另外一方面是对教会内部兄弟姊妹彼此之间ê疼减少à。

二是信仰品质「堕落」à。这是teh指hit-ê教会无koh像过去hit种,对信仰ê事有所坚持,而且对tī当时造成教会内部混乱ê异端邪讲无完全除去。Chia所讲ê「堕落」,是teh指tī「不知不觉」ê中间失迷方向ê意思。Mā就是kā错误、无正确ê观念当做正常,习认为常、见怪不怪à。

作者tī提出顶面所讲两件明显ê错误行为了后,随时提出伊ê劝勉,希望hit-ê教会知影「悔改」,因为若是无悔改,koh活ê主耶稣基督ê审判真紧to̍h会来临,审判ê主会kā原本hit-ê教会ê荣耀记号「灯台」the̍h掉。因为「灯台」是放teh敬拜上帝siōng中心ê所在。chit-má kā它除去,表示会失去上帝ê荣耀。

第6节,koh一pái o-ló以弗所教会ē-tàng清楚「尼哥拉派」ê人错误ê言论、思想。Tùi chit节ē-tàng看出尼哥拉派ê人已经渗透入以弗所教会内部。Chia所讲ê并m̄是某一个人ê问题,却是chit-ê尼哥拉派所传达ê思想,chit种思想可能造成信徒对信仰ê认知产生混乱。

第七节a句,「有耳áê,lóng tio̍h听!」chit句话是作者写hō͘每间教会ê信末lóng会讲ê一句尾语。注意听上帝ê声音,听上帝奴仆ê声音,这差不多就是kui本圣经作者共同ê呼吁。M̄-koh siōng重要ê是beh知影辨别清楚toh一kóa chiah是真正tùi上帝来ê声音,án-ne chiah bē受tio̍h迷惑。

第七节b句,「乐园中性命树ê果子」,这是teh指永恒ê性命ê意思(参考创世记三:22—24)。Chia强调ê是「上帝乐园」,thang参考路加福音第廿三章43节所记载耶稣基督kā hit位临终前悔改ê囚犯讲,会带伊同齐到「乐园」里。

Chia所讲ê「得胜者」,是teh指tī信心上无变质、妥协、软弱落去ê人。「得胜者」,mā是启示录chit本经册中真重要ê一个主题内容,作者总共提起八次,lóng是teh描述「得胜者」会享受tùi上帝来特别ê荣耀(参考二:7、11、二:17、二:26、三:5、三:12、三:21、廿一:7)。

经文:

启示录 2:8-2:11

注释:

这是第二封phoe,是发hō͘示每拿教会。Kah对以弗所教会发生ê信息真无仝款,因为圣神透过作者约翰所传hō͘示每拿教会ê信息中,并无责备ê内容,却是hō͘ hit-ê教会真chē鼓励。示每拿教会mā是chit七间教会中,无受tio̍h谴责ê教会之一。

第8节,这是写hō͘「示每拿教会ê天使」。
「示每拿」chit-ê城市今á日ê名称是「伊士麦」(Izmir)。这是tī以弗所北方大约五十五公里远。Chit-ê城市以效忠罗马皇帝而出名,大约tī主后26年bat为罗马皇帝提庇留建造一座庙,极力推广对罗马皇帝ê崇拜而出名。因为tī hit-ê城khiā起ê犹太人真chē,因为án-ne比较有紧张ê对立。Mā因为án-ne,tī hit-ê城khiā起ê基督徒就夹tī罗马政府kah犹太人之间,左右为难。犹太人会kā反罗马政府ê罪状,无故地kā它归罪tī基督徒身上,hō͘基督徒不时tú-tio̍h到无妄之灾。

是甚么人kā福音传到示每拿?这已经无法度thang考。不过使徒行传第十九章10节ê记载,使徒保罗tī以弗所城ê时chūn,福音广传tī kui个亚细亚地区,差不多当地ê hiah-ê人lóng听tio̍h à。

Chit节明确地指出讲话者就是耶稣基督,因为伊是「开始kah终结、死去koh活ê」永恒者。

第9节,讲tio̍h示每拿教会tú-tio̍h ê「患难kah sàn-chhiah」,chit-ê「患难」是teh指来自罗马政府kah犹太人ê迫害、嫁祸所造成ê。Tī chia,约翰特别指出chit种迫害是来自hiah-ê「自称犹太人ê人所毁谤」引起ê,伊讲chiah-ê人乃是「撒旦ê党羽」,chit句话mā koh一pái出现tī第三章9节。Koh讲,「sàn-chhiah」,thang参考希伯来书第十章34节,就会明白早期教会tī受迫害ê时,执政者会kā基督徒连财产mā一并没收,有时会hō͘人抢夺伊去。M̄-koh作者约翰却o-ló示每拿教会ê信徒,讲in人虽然tú-tio̍h迫害,而且财产被没收来致使tī物质生活上sàn-chhiah,ē-sái讲是in ê心灵却因为耶稣基督而「富足」,tī人看起来in是sàn-chhiah ê,m̄-koh看tī上帝ê救恩里,却是富有ê(参考约翰福音十:10,雅各书二:5)。

第10节,chit节特别提起魔鬼beh考验示每拿教会中间ê一kóa人「十工」。为甚么是「十工」?真oh解说。Chit-ê「十工」,可能是teh指一个「有限期」ê时间,表示「目nih-á」、「thang数ê」。这mā是用来鼓励示每拿教会信徒,只要支撑一下,苦难真紧to̍h会过去,迫害ê时间bē拖真久。魔鬼是透过苦难,「考验」示每拿教会众信徒ê信心。Chit种「考验」包括信徒会hō͘掠「投进监狱」ê灾难。M̄-koh in必定会得tio̍h上帝ê奖赏,赐hō͘ in「性命ê华冠」。Tī chia所用ê「华冠」,是teh指当时运动员得奖ê时,头壳顶戴tio̍h会得tio̍h一顶用桂花叶编织而成ê冠冕,希腊字是「stephanos」,有mài-koh tī宫廷所用ê王冠(diadema)。雅各书第一章12节讲chit种「华冠」乃是指性命ê冠冕。是来自天顶永恒ê奖赏ê意思(参考哥林多前书九:24—25)。

第11节,thang对照第七节b句。表明信耶稣基督ê人,其性命是koh活ê,bē「受第二pái死亡ê灾害」,因为耶稣基督已经有复活。所谓「第二pái ê死亡」,这是teh指死后所teh beh面临ê审判(参考启示录二十:14、廿一:8)。

经文:

启示录 2:12-2:17

注释:

这是第三封phoe,写hō͘「别迦摩教会ê天使」ê信。

Tī作者ê书信中,对chit七间教会有o-ló、鼓励ê,mā有谴责kah警告,像以弗所教会,有o-ló,m̄-koh mā有谴责kah警告ê话语tī内面,而写hō͘示每拿教会ê书信,则只有o-ló kah鼓励,koh khah特别ê是iáu带有应允beh赐hō͘ hit-ê教会信徒拥有「性命ê华冠」。

	Chit-má chit段经文是讲tio̍h有关别迦摩教会。Ná亲像头前所提起写hō͘以弗所教会ê书信仝款,有o-ló,mā有谴责kah期待。这thang看tio̍h每间教会ê特色,就是有美好ê一面,m̄-koh mā有软弱ê部分,若是beh查验一间教会,mā是án-ne。Beh chhōe-tio̍h像示每拿教会hit种,只有得tio̍h o-ló kahhō͘ 上帝应允会得tio̍h「性命ê华冠」之奖赏ê,恐惊是少kah会惊人。

第12节,「别迦摩」,chit位tī示每拿以北约有九十公里ê所在,是一个真特别ê城市,原因是hit-ê城是建造tī一座约三百公尺ê小高山顶,而且该山乃是一个圆锥形ê小山,看起来就会感觉地处显要,tī当时ê国防上有真好ê要件。它原本并m̄是一个重要城市,m̄-koh tī主前133年,最后一代国王雅伊乐三世(Attalus ṲI)往生前ê遗嘱中,交带beh kā别迦摩并入罗马帝国,而成做罗马帝国tī亚细亚省ê省lóng,并派驻总督治理hit-ê城。因为án-ne,有kóa学者认为新约时代亚细亚ê首都,应该是tī别迦摩,却m̄是用弗所城。别迦摩mā拥有罗马帝国时代第二大ê图书馆,并且以羊皮纸文件出名。Kah以弗所城仝款,hit-ê城mā是庙宇林立,各式各种ê神明庙宇真chē,偶像崇拜之风气甚盛。因为án-ne,掠准讲hit-ê城ê政治地位重要,不如讲hit-ê城tī宗教信仰ê地位赢过政治地位。

Chia提起「有双刃利剑」,chit句话thang参考第一章16节,出现tī作者约翰看见ê异象中,hit位像人子ê,伊ê嘴中吐出来ê是「一把双刃利剑剑ê剑」。作者讲「hit位有双刃利剑ê,án-ne讲」ê时,意思就是审判者亲嘴án-ne讲。

第13节,作者写hō͘每间教会ê封phoe lóng是tùi「我知影」开始。Chit句「我知影」,表示chit位审判者「人子」非常清楚每一间教会ê状况,mā因为án-ne,伊ê审判是正确ê。

「khiā家就是撒旦称王ê所在」,因为别迦摩乃是个流行崇拜罗马皇帝为神ê城市,另外mā有崇拜女神「雅典娜」,并且有罗马人所供奉ê「宙斯」神庙等等,神庙真chē,拜偶像神明ê风气甚盛,m̄-koh别迦摩教会ê信徒tī chit种环境之下,对上帝iáu是「忠诚」。Chit种讲法mā是teh肯定别迦摩教会乃是一间tī信仰上可取、有见证ê教会。

Chia提起「安提帕」被杀害,chit-ê人到底是甚么人?圣经中并无任何资料。不过传说中讲,伊是tī多米田皇帝时代(主后八十一到九十六年),为tio̍h福音ê缘故hō͘人掠去用铜锅活活「烘死」来殉道。因为án-ne,tùi安提帕ê殉道,thang想像会tio̍h当时基督徒所面临ê危机,以及基督教会所面对ê环境,是jōa-ni̍h-á恶质。

第14节,作者传出了别迦摩mā有信仰上ê软弱。作者tī chia提起tī信徒中间有人「随从巴兰ê教示」。有关巴兰ê事件,tī以色列人中间传闻真chē;tī彼得后书第二章15到16节,以及犹大书第11节lóng有特别强调巴兰乃是为tio̍h钱弃sak信仰。民数记第廿二到廿四章则详细记载巴兰原本收了摩押王巴勒o͘-se ê钱,准备ài诅咒以色列人,结果hō͘ 上帝出面阻止。另外在民数记第三十一章16节讲有人听巴兰ê话,tī比珥引诱人民背叛上主,hō͘上主ê子民遭遇瘟疫。Á tī民数记第廿五章1到9节soah讲以色列人tī什亭谷扎营ê时chūn,kah摩押ê cha-bó͘人行淫,并且食拜偶像ê食物。Á chit两件事lóng hō͘人认为kah巴兰有密切关系。

别迦摩城因为当地偶像崇拜之风甚盛,特别是有罗马女神ê崇拜活动,渗杂有淫乱ê活动tī内面。真可能当地ê基督徒mā有类似ê行为,参与了庙会活动,tī庙埕接受亲友接待lim食,了后koh跟tòe kah庙妓进行性行为。

第15节,koh一pái提起「尼哥拉派ê教示」,chit派连以弗所教会mā深受影响。

第16节,chit节回应第12节所讲ê,审判者「人子」嘴中会吐出「双刃利剑」。圣经作者一再明确指出,只有「悔改」chiah ē-tàng改变上帝惩罚ê计划。

第17节,作者呼吁别迦摩教会ê信徒tio̍h注意听「圣神」ê声音。

Chit节提起「隐藏tio̍h ê吗哪」,thang对照第14节提起ê「食祭过偶像ê食物」同齐看。「吗哪」,这是以色列人出埃及后、进入旷野ê时,因为chhōe bē-tio̍h食物,上帝为免in因iau饿来死亡,特别tùi天顶降落来ê一种特殊食物(参考出埃及记十六:13b—21,约书亚记五:10—12),这是上帝tùi天顶降落ê「性命粮食」(参考申命记八:3、16,约翰福音六:31)。

Chit节提起上帝kā「赏赐隐藏tio̍h ê吗哪」,mā tio̍h赏赐hō͘别迦摩教会「一块白石头,顶面写tio̍h新名」。「白石头」tī古代是hō͘人看做siōng贵重ê宝石之一,甚至被看做thang当「护身符」ê路用。Chia讲tī「白石头」顶面刻有「新ê名」,意思是上帝kā赐hō͘ chiah-ê忠心到最后ê信徒一个全新ê名,表示有新性命ê意思(参考以赛亚书六十二:2、4、六十五:15b),这mā是kah上帝有合宜ê关系。

经文:

启示录 2:18-2:29

注释:

Chit段经文是第四封phoe,是写hō͘推雅推喇教会ê领导者(天使)。Mā是七封phoe件中siōng长ê一封。

第18节,「推雅推喇」,这是希腊帝国皇帝西流古(Seleucus)一世时代建造ê。以工商业出名tī当时ê欧亚地带。比较出名ê行业,包括有纺织业、皮革业、陶艺(包括铜雕等艺术),可能因为工商业发达ê关系,奴隶贩卖ê交易mā非常热烈。开拓腓立比教会ê吕底亚,就是tùi推雅推喇来ê,伊是用贩卖紫色布匹维生ê女商人(参考使徒行传十六:14)。

Tī chiah-ê工商业非常繁荣ê推雅推喇城市,hit-ê城主要mā是一个国防重镇,罗马帝国就派有驻军tī-chia驻防,它ē-sái讲是进入别迦摩城ê重要门户。Tī-chia城里,公会ê组织mā甚活跃,m̄-koh chiah-ê公会组织ê活动往往kah庙宇庆典连结做伙,甚至有kóa祭典用ê牲祭,就是由公会出资提供,á是祭典所需要ê经费,由公会资助,因为án-ne,tī祭典了后,所有ê牲祭就成做参加公会活动会员ê主要食物。

Chit-ê城市ê人民崇拜「宙斯」ê kiáⁿ亚波罗(Apollo Tyramnois),以及其它诸神等,偶像神明ê崇拜兴盛。比较出名ê是tī hit-ê城有一间「算命」ê神庙,听讲tī chit间「算命」神庙内有一位女巫名叫「森巴堤」(Sambathe),伊专门teh替人算命、卜卦。基督徒tī chit种环境中若是beh经商koh想beh维持良好ê信仰生活并无容易。因为若是tī hit-ê城经商而无参加公会活动,真容易遇tio̍h同行排斥;m̄-koh若是参加,则一定tio̍h参加偶像神明祭拜ê礼仪,甚至会因为án-ne发生kah庙妓行淫乱ê tāi-chì。

chit-má写hō͘推雅推喇教会ê信则用「上帝ê kiáⁿ,hit位目睭像火焰仝款闪耀、脚像擦亮了ê铜hit种明亮ê」chit种形容词(参考启示录一:14—15),读起来ê感觉就是真无仝款。「目睭像火焰仝款闪耀」,chit种写法是用来说明chit位「上帝ê kiáⁿ」thang看穿人心内ê意念,hō͘人khiā tī伊ê面前lóng无藏遁ê机会。

第19节,「我知影」chit句话,表示chit位「人子」á是「上帝ê kiáⁿ」,确实是详细查访过,并无任何失察ê所在。Chit位「上帝ê kiáⁿ」真清楚推雅推喇教会tī「疼心、信心、事奉,kah耐心」等等chiah-ê事顶面有真好ê见证。而且koh khah难能可贵ê,tī chiah-ê美好见证上,推雅推喇教会比以前koh khah有进步。这tú好kah以弗所教会所表现ê颠倒(参考二:4)。

第20节,chit节讲述推雅推喇教会ê问题,就是「容忍hit-ê自称是先知ê cha-bó͘人耶洗碧」。Chit-ê「耶洗碧」名,是m̄是真名,并太清楚。Mā可能是借用列王记所描述亚哈王ê bó͘「耶洗碧」来形容chit-ê假先知ê恶形恶状,讲伊犯两件bē-tàng原谅ê事,就是使弄信徒去行淫,kah食祭拜过ê食物,而chit种罪状mā出现tī别迦摩教会中(参考二:14)。

第21节,chit节指出上帝bat hō͘ chit-ê「耶洗碧有悔改ê机会,m̄-koh伊无愿意悔改,「m̄肯弃sak伊ê淫行」,表示伊虽然讲「上帝」,其实心中对上帝无忠实ê心。

第22到23节a句,chit两节提起教会ê主「上帝ê kiáⁿ」,会惩罚chiah-ê败坏信仰行为ê人。采取ê是「罪kah罚」相来称呼方式。既然淫乱是tī床顶进行,便hō͘有án-ne败坏行为ê人病倒tī床铺顶当做惩罚。

第23节b句,chit位「上帝ê kiáⁿ」鉴察人ê心内,因为án-ne,「彻底了解人ê思想kah意念」。圣经一再讲上帝就是鉴察人心内ê上帝,他m̄看人ê外表(参考撒母耳记上十六:7,诗篇一三九:1—4,箴言廿四:12,耶利米书十一:20、十七:10)。

第24节,chit节thang参考使徒行传第十五章28到29节。Tī chia真清楚记载雅各要求外邦ê教会信徒,一定tio̍h严禁「食祭过偶像ê食物」;「mā bē-tàng有淫乱ê行为」。

Tī推雅推喇教会内,并m̄是所有ê信徒lóng陷入了假先知耶洗碧ê迷惑,却是有一kóa人信徒受tio̍h诱惑弃sak了信仰规律。Tùi chia mā ē-tàng看出公义ê审判者是真清楚hit-ê教会每位信徒ê实况,他绝对bē有冤枉ê错判,他是beh按照「每一个人所做ê」来进行「报应」ê惩罚。

Chia提起ê「撒旦ê奥秘」,是teh指信仰上弃sak了上帝tī耶稣基督内面所传达出来拯救ê信息,却m̄是指tī肉体上淫乱ê行为。M̄-koh mā有可能确实是teh指tio̍h肉体上ê放荡,却推讲肉体ê放荡并无影响心中对上帝忠实。Chit种情形ná亲像哥林多教会仝款,有kóa信徒利用「基督徒ê自由」,去做家己爱做ê事,m̄-koh却伤害了信仰ê神圣kah圣洁ê意义。

第25节,thang参考第19节所提起ê信仰美德。作者传出上帝ê信息,ài推雅推喇教会ê信徒谨守本来ê信仰美德,不beh hō͘之失色。「直到我来」,chit句话ē-sái讲是启示录ê思想中心—耶稣基督会一定会koh再临。

第26到28节,chit段真可能引用自诗篇第二篇8到9节ê诗歌。Tī chit三节经文中,启示录作者讲tī推雅推喇教会中,hiah-ê持守tio̍h信仰ê信徒得tio̍h了上帝ê应允,会有下列几项:

一是坚持忠实ê信仰直到最后者,lóng会得tio̍h「权柄」。

二是有「统治权」。Chia讲「铁杖」chit-ê词,原本是采用顾羊人手中ê「杖」,因为án-ne thang作「牧养」。指坚持美好信仰原则,对上帝绝对忠实者,chiah ē-tàng拥有「牧养」羊群ê机会。

三是赏赐「星辰」。启示录第廿二章16节,讲耶稣基督就是「明亮ê星辰」,是koh活ê主。Án-ne,作者说明坚持到底ê忠心奴仆(牧养者),会得tio̍h耶稣基督所赏赐ê koh活性命,因为伊kā kah耶稣基督成做一体。

经文:

启示录 3:1-3:6

注释:

Chit章是第五到七封ê信。第1到6节是写hō͘撒狄教会ê信,mā是第五封phoe,而第7到13节则写hō͘非拉铁非教会ê书信,是第六封phoe,然后第14到22节是第七封phoe,是写hō͘老底嘉教会ê。。

	Ná亲像头前所读ê四封书信中所记载ê仝款,每间教会lóng有美好ê信仰见证之面,m̄-koh mā有软弱ê所在。Tī头前mā提起过chit七封书信中,有两封书信是只有o-ló,无谴责,he就是示每拿教会kah非拉铁非教会。其它ê书信lóng分别指出教会美好kah软弱ê部分。

Chit第五封phoe是写hō͘撒狄教会ê书信。撒狄教会是甚么人开拓ê?chit-má已经无法度thang考。Chit张phoe有一个特色,无提起像示每拿、别迦摩等教会信徒所tú-tio̍h ê困难,就是来自外界ê迫害,mā无亲像以弗所教会kah别迦摩教会所tú-tio̍h「尼哥拉派」ê思想影响。Án-ne看起来,chit间教会ê境遇应该是siōng好字运ê,m̄-koh mā可能就是因为án-ne,chit间教会kah-ná无甚么朝气、活力,tī福音ê事工上并无好ê见证。

Chit封书信mā是kah头前ê第一封写hō͘以弗所教会kah第三封写hō͘别迦摩教会、第四封写hō͘推雅推喇ê信仝款,有o-ló,mā有谴责ê内容。Chit封mā ē-sái讲是tī七封书信中语气比较严厉ê一封,因为tī phoe ê开始就讲出hit-ê教会ê问题,认为是活teh ê,实际上是死ê。这就指出了撒狄教会ê真正ê问题所在,表示欠缺信仰应该有ê性命力。

第1节,这是写hō͘「撒狄教会ê天使」ê信。
    「撒狄」chit-ê城市是设tī推雅推喇城东南方大约五十公里远ê所在,有五条大道thang通到chit-ê城市,可见伊是一个非常发达ê城市,工商业兴盛,来往商贾真chē,特别是tī主前第六世纪,ē-sái讲为当时世界上无闲ê城市之一。Hit-ê城以纺织业kah染色工业兴盛世界出名,而农业ê发展mā非常发达,特别是tī农田水利ê灌溉工程之建设上非常完整,koh加上土地肥,因为án-ne农产丰富。人民敬拜「希伯利女神」(Cybele),m̄-koh崇拜ê仪式却是非常淫乱。

Hit-ê城主后第17年,因为受tio̍h地动差不多摧毁了hit-ê城。后来,因为罗马皇帝提庇留特别hō͘伊hit-ê城五年免税赋,chiah hō͘ hit-ê城koh一pái重建恢复本来ê繁荣。M̄-koh淫乱ê风气早已经远播,这就莫怪tī chit封书信中会讲撒狄教会乃是一间「死」ê教会,可能kah hit-ê教会有信徒受tio̍h淫乱事件ê影响甚重,而且屡劝m̄听有关。

Chia讲上帝ê「七个灵kah七颗星」,chit种描述可能是受tio̍h以赛亚书第十一章2节影响。Tī chia ê意思是teh指耶稣基督乃是被chit「七个灵」充满ê见证者,凡是接受耶稣基督ê人,lóng会得tio̍h koh活ê气力。作者约翰清楚讲撒狄教会外表上看起来是活ê,其实是「死」ê,意思就是teh指hit-ê教会只是虚有其表,并无真实信仰ê内涵。

第2节,「tio̍h醒起来」,ài hit-ê教会ê信徒「警醒」过来,因为ná to̍h是teh beh来临ê日子,就ná亲像贼á来到仝款。「坚固你所chhun落来ê一点点á生机」,这是对hiah-ê tī信仰上iáu未到完全「死」ê信徒讲ê,chit句话mā说明tī撒狄教会中,确实iáu有kóa人是清醒ê,对chiah-ê人iáu是有所期待。「tī我上帝目睭前iáu无完全」,chit句表示撒狄教会信徒应该iáu有机会悔改,tio̍h赶紧把握tòa最后机会。

第3节,chit节thang讲写hō͘撒狄教会siōng重要ê一节。提醒hit-ê教会信徒「ài会记得」、「tio̍h切实遵守」、「tio̍h悔改」,chiah-ê词原文lóng是采用命令句型。意思就是无辩白ê机会,mā无妥协ê空间,因为这是信仰ê基本态度,一点mā无法度马虎。Á审判日子ê来临就会「像贼á仝款忽然来到」,因为án-ne,chiah会强调「警醒」ê重要性。启示录ê作者除了tī chia明确指出,hit-ê时刻ê来临就ná亲像「贼á」来到一般。

第4节,「iáu有kóa人kā衫裤保持得清气」,chia ê「iáu有kóa人」thang对照第2节所提起ê「chhun落来ê一点点á生机」,mā因为有chiah-ê人才hō͘撒狄教会iáu有一丝ê希望。Chia用「Kā衫裤保持得真清气」,这是kah hit-ê城tùi án-ne出名ê衣料kah染织城市有关。洁白衫裤是进行染织工作ê必要条件。如果有衫裤污秽无清气,就无法度作为染织ê好材料。因为án-ne,「保持得真清气」,被作者引用来形容tī信仰行为上有美好见证ê意思。Chia ê「白袍」是teh表示洁净ê意思。Koh讲,白色ê袍mā是当时罗马皇帝相战凯旋tńg来ê时穿插ê礼服,而且所有去迎接ê元老院代表mā lóng会kah罗马皇帝仝款穿插白袍,显示高贵、尊荣,以及至koân ê荣誉ê意思。

第5节,「得胜者」m̄-nā有穿白袍ê荣誉,而且iáu teh「性命册」上有名。。

新约耶稣基督传福音ê时chūn,mā引用了chit种观念,伊劝门徒m̄-thang因为所行ê医病神迹欢喜,而是beh以名记录tī天顶来欢呼(参考路加福音十:20)。使徒保罗mā引用了犹太人久长以来ê「性命册」观念(参考腓立比书四:3),而启示录ê作者则kúi-nā pái提起「性命册」上有名者,chiah ē-tàng得救(参考启示录十三:、十七:8、二十:12、15、廿一:27)。

Koh活ê耶稣基督beh「公开承认」chiah-ê tī名册有名者,就是「属tī」上帝ê子民,chit种观念mā出现tī耶稣基督ê教导中(参考马太福音十:32—33)。

第6节,koh一pái强调tio̍h注意听ê重要性,因为这是上帝圣神对「各教会所讲ê话」。

经文:

启示录 3:7-3:13

注释:

Chit封是第六封phoe,是写hō͘非拉铁非教会ê信息。该教会kah示每拿教会仝款,chit两间教会lóng是无被谴责ê教会。原因是hit-ê教会信徒对上帝忠实,而且有忍耐到底ê信心,hō͘上帝ê使者非常感动。Siōng特别ê所在,乃是非拉铁非教会ê能力虽然弱小,m̄-koh信心却是非常坚强,这kah其它教会比较来讲,非常无仝款。

第7节,「非拉铁非」chit-ê名,希腊文ê意思是「爱其兄弟者」。

Chit-ê城大约是tī主前140年,由别迦摩王阿他拉斯二世(Attalus Ṳ)非拉铁非所建造ê。它设tī撒狄城ê东南方,大约距离六十公里处。Chit-ê城市因处tī地动带,不时发生地动。Tī主后17年就bat因为大地动而全城遇tio̍h毁坏,m̄-koh因为是罗马帝国通往东方世界ê主要交通要道,因为án-ne罗马皇帝提庇留提供大笔经费援助,致使hit-ê城ē-tàng koh一pái重建,恢复往前盛况。hi̍t 所在盛产葡萄,商业发达,经济非常繁荣。城里有基督徒聚会,m̄-koh人数m̄是真chē,ē-sái讲是信徒ê信仰素质非常高,无受tio̍h异端á是其它怪异ê信仰谬论影响。这mā是hit-ê教会被o-ló ê主要原因。

第7节,对非拉铁拉传达信息ê是一位「神圣而信实、执掌tio̍h大卫ê锁匙」者。chit-ê「神圣而信实」形容词koh一pái出现tī第六章10节。圣经中不时用「神圣」来形容上帝。另外一方面,「神圣」mā用来形容属tī上帝ê一切,包括人、事、物等等lóng是。Á「信实」chit-ê词是teh指上帝对人类ê疼是可靠、永bē改变ê。

「大卫ê锁匙、开了门无人ē-tàng关、关了门就无人ē-tàng开」,chit句话是取自以赛亚书第廿二章22节。先知以赛亚预言拣选新ê奴仆以利亚敬,掌掠tiâu大权。启示录引用chit句话,用来形容耶稣基督就是上帝差派ê奴仆,伊teh代表上帝ê大权,伊所决定ê事,等于是上帝所做ê决定仝款有权威(参考约伯记十二:14)。伊ná亲像上帝国度ê掌门者,伊决定甚么人thang进入「门」内,甚么人被拒tī门外(参考马太福音七:21—23、廿五:11—12)。

第8节,chit节讲出非拉铁非教会会án-ne被o-ló ê原因。一是hit-ê教会虽然能力薄弱,m̄-koh却坚守对上帝ê忠心。二是遵行上帝ê话语。三是对上帝一直是真忠诚ê态度。为tio̍h án-ne,上帝「开了一个门」,hō͘非拉铁非教会一个真好ê赏赐,就是ē-tàng进入上帝ê救恩里。

第9节,所谓「撒旦ê党羽」,意思就是专门teh破坏上帝福音ê人。Á「自称是犹太人而其实m̄是犹太人ê hiah-ê Pián仙á」,表示in嘴中虽然一再提起摩西律法、遵行上帝ê教示,其实in并无如in嘴中所讲án-ne做。Chia讲beh hō͘ chiah-ê迫害基督徒ê「假犹太人」来向真正基督徒「下拜」。因为上帝疼惜遵行他旨意ê子民,会hō͘他ê子民显现出荣耀(参考以赛亚书四十三:3—4)。

第10节,chia第一pái提起「患难临到kui个世界、全人类」,这表示上帝ê审判kā是全面性ê发生。Á遵行上帝旨意kah教示ê非拉铁非教会信徒,会受tio̍h上帝特别ê庇护,hō͘忠心tī上帝旨意ê hit-ê教会信徒,ē-tàng「忍耐到底」,直到世界ê末à。

第11节,thang参考第二章16节、第廿二章7节、12节、20节等等,lóng一再提起耶稣基督就teh要koh再临。Chit点mā是启示录chit本经册ê主题之一。

Chia所讲ê「快」,表示时间真短,bē等siuⁿ久,马上就会来临。Chit种讲词对当时受迫害ê基督徒来讲,真有安慰、鼓舞ê作用。「tio̍h持守」,意思是teh指「握紧m̄放」,mā指bē改变坚持所有ê意思。「胜利ê华冠」,是teh指hiah-ê tī竞赛场上夺tio̍h冠军者所戴tī头壳顶、用桂花编织而成冠冕。象徵tio̍h一种极高ê荣誉,mā是众人所欣慕、称颂ê(参考提摩太后书四:7—8)。

第12节,「新耶路撒冷」,指新天新地来临ê时,跟tòe来ê「上帝之城」,表示上帝khiā起ê所在(参考启示录廿一:1—2),m̄-koh chit-ê「新耶路撒冷」kah chit-má ê耶路撒冷无仝;因为新ê耶路撒冷并m̄是人ê手建造ê有形建筑物,却是直接tùi天顶降落来ê「圣城」(参考启示录廿一:22—27)。这是属tī上帝ê城,有上帝ê名刻tī柱á顶。「柱子」,表示重要ê地位ê意思(参考加拉太书二:9)。

经文:

启示录 3:14-3:22

注释:

这是最后写hō͘七间教会ê最后一封phoe,mā是第七封,是写hō͘老底嘉教会ê信。这mā是一封责备ê信,因为老底嘉教会tī上帝眼中,真ná亲像一间真「无性命力」(无冷无烧)、而且「jōa-ni̍h-á悲惨可怜」ê教会。「老底嘉教会」chit位词后来mā变成一特有ê意思,是teh形容一间无活力ê教会。Á是讲beh形容一间教会无活动力,无任何事工thang讲ê时,就会讲这是一间「老底嘉教会」。

第14节,「老底嘉」城,这是tī主前第三世纪中叶,叙利亚王安提阿哥二世(261~246B.C)建造ê,为tio̍h是beh记念伊ê bó͘老底丝(Laodice),伊特别kā chit-ê城市号名「老底嘉」。Chit座城设tī莱卡斯(Lycus)河ê附近,距离非拉铁非东南方大约有六十五公里ê所在,是一个交通中心,mā是一个商业城市,ē-sái讲是小亚细亚siōng富裕ê商业lóng会城市。素以纺织业出名hia迩,特别是当地ê毛料色泽乌乌光泽,羊毛地毯品质甚佳,mā有医学院,致使hit-ê城mā同时是小亚细亚ê医疗中心,医疗水准非常高,特别是目药膏远近驰名。Chit-ê城ê犹太人真chē,大约有七千gōa cha-po͘人。若是koh加上妇女、gín-á,犹太人ê数目就koh khah chē出kúi-nā倍à。因为án-ne,hit-ê城特别允准犹太人thang保有家己ê犹太教信仰。

主后61年,hit-ê城因为受tio̍h强大地动摧毁,当时罗马皇帝尼禄原本想beh支助重建ê经费,m̄-koh hit-ê城ê人民拒绝接受罗马皇帝尼禄ê好意,原因是hit-ê城因为商业兴盛,经济能力甚强,不过mā有人认为he是kah hit-ê城犹太人人数真chē有关。因犹太人差不多lóng是经商,koh tī商业上控管经济影响力非常大,chiah-ê犹太人对尼禄皇帝无好感,in用拒绝接受补助chit种方式来减少罗马帝国政府对hit-ê城ê干涉。

老底嘉是kah歌罗西、希拉坡里chit两个城隔河相看,chit三个城市tú好形成一个大ê都会区域。Chit三间教会真有可能lóng是由以巴弗所创设ê(参考歌罗西书四:12—13)。使徒保罗teh写hō͘歌罗西教会ê书信中,mā交带beh kā该书信转交hō͘老底嘉教会信徒看,mā同时ài歌罗西教会信徒阅读伊写hō͘老底嘉教会ê书信(参考歌罗西书四:16)。可惜ê是,使徒保罗写hō͘老底嘉教会ê书信,chit-má已经chhōe bē-tio̍h。Hit-ê教会ê信徒lóng是tī宁法chit位姊妹ê厝聚会。目前hit-ê教会已无koh存在,可能就是kah hit-ê教会「不冷不烧热」有关系。

Chit张phoe所提起ê内容,lóng是责备ê话,无任何o-ló ê言词,ē-sái讲是七封phoe中,siōng严苛ê一封,比起tī前一讲所提起写hō͘撒狄教会ê书信iáu koh khah严厉。这可能是kah hit-ê教会ê信徒因为生活太富裕而陷入堕落ê中间有关。

Chit节讲见证老底嘉教会之败坏者,乃是一位「阿们」、「忠实可靠」、上帝创造之根源者。所谓「阿们」,意思是teh指心中所想ê lóng是「真实ê」。

「上帝创造之根源」,chit句话thang参考约翰福音第一章1到4节;歌罗西书第一章15到17节;希伯来书第一章2节等等,chiah-ê经文lóng说明耶稣基督就是一切性命ê根本。离开耶稣基督,人ê性命就会lian去、死去。

第15到16节,「不冷不烧热」,这是teh指老底嘉教会呈现出来ê信仰状态。Chit种态度ê特徵就是认为信仰并m̄是in性命siōng重要ê事,thang有thang无,kah-ná是性命中ê身外ê物,无一定tio̍h拥有。Koh讲,作者用「不冷不烧热」chit-ê形容词来描述,真可能是kah当地ê地理环境有关;就是tī老底嘉城附近有温泉,chiah-ê温泉ê水流经一片广大平原了后来到老底嘉城ê时,已经无亲像tú涌冒出来ê温泉水hit种热phut-phut ê,却是温温ê。Á继续落去流到歌罗西城ê时,原本热phut-phut ê温泉水,已经变成冷泉水。因为án-ne tī当地流行tio̍h一句话:「烧热温泉有疗效作用,冷泉水hō͘人精神饱足,只有温温ê泉水,hō͘人倒尽胃口。」chit句话tú好反应出chit节所讲ê「我倒愿意你á是冷á是烧热」ê意思。因为无论是烧热á是冰冷ê温泉水,lóng是对身躯有疗效kah提神作用。只有不冷不烧热ê温泉chiah会hō͘人无甚么感觉,对身躯ê健康mā无甚么帮助。

Chia讲beh tùi嘴中kā老底嘉教会「吐出」来,是因为温泉ê水硫磺气味chiok厚、水质混浊,无法度lim下口,因为án-ne,当地ê人ài用之来做催吐剂ê路用。因为án-ne tī第16节作者特别强调讲ài kā chit间「无冷无烧」ê老底嘉教会「吐」出去,意思就是放弃,无koh珍惜,mā thang表示讨厌ê意思。

第17节,「富足宽裕、lóng无缺乏」,tú好kah「sàn-chhiah、失明、koh赤身露体」呈现明显对比。Kā chit节对照示每拿教会ê「患难kah sàn-chhiah」tú好是颠倒;tī示每拿教会,信徒因为tú-tio̍h迫害而成做「患难kah sàn-chhiah」ê状态,m̄-koh tī审判者上帝ê眼中却是「富足ê」(参考二:9)。M̄-koh tī老底嘉教会,表面上看起来是「富足宽裕、lóng无缺乏」,其实,这只是好看而已,并无实质ê内涵thang讲。因为án-ne作者讲tī审判者上帝ê眼中,hit-ê教会是「sàn-chhiah、失明,koh赤身露体」。这mā讲出老底嘉教会ê信徒确实真有钱,m̄-koh却无真实ê信仰。

「失明」,原来老底嘉城是一个医药真发达ê城市,它ê特色就是目药水真出名。原本目药水是beh帮助人目睭明亮ê,m̄-koh chit-má却是失明ê,这表示hit-ê教会ê信徒已经被世间ê物欲hō͘迷惑了心灵,离开信仰ê道路,á是对信仰ê热心、坚持已经消失à。

而「赤身露体」,chit-ê词原本ê意思是teh指「见笑」(参考创世记二:25)。Tī chia表示hit-ê教会已经到à hō͘人看tio̍h就会感觉见笑、作呕ê凄惨样式。

第18节,老底嘉城siōng出名ê三件物件:一是钱财(拥有银行业,表示经济活动力甚强)。二是纺织业兴盛,因为hit-ê城出产羊毛,koh tī染织业上真兴盛。三是医药出名,特别是目药膏,以及胃药。

Chia「买」字,意思是teh指「得tio̍h」。「买精链ê金子」,是teh指经过ná亲像火一再地提炼了后ê金子,真纯、幼路、súi、亮晶晶ê款。信仰应该就是beh有chit种内涵,而án-ne chiah是老底嘉教会信徒该追求获取ê。

「买白袍穿」,thang参考第三章5节hō͘撒狄ê信中提起ê「白袍」。Tī老底嘉城siōng出名ê羊毛产品,就是乌色羊毛织品。Á tī chia却讲是「白袍」,tú好kah老底嘉城出产ê「乌色羊毛」成强烈ê对比。意思是teh指thang放弃老底嘉城siōng出名ê产物,改用真实、圣洁羊毛所织成ê「白袍」披在身上,以显示性命ê尊贵、纯洁、无瑕疵。Án-ne就thang遮盖in tī信仰ná亲像「赤身露体」。因为只有心中纯洁ê人chiah ē-tàng面对上帝(参考马太福音五:8,约翰福音四:23—24)。

「买目药擦你ê目睭」,头前已经提过老底嘉城是当时小亚细亚地带出名ê医药城市,特别是hit-ê城以出产ê目药膏siōng-kài出名。M̄-koh一个人性命中siōng thang悲ê是「心盲」致使人看bē-tio̍h真理,mā看bē-tio̍h上帝ê救恩(参考约翰福音九:39,另外参考以赛亚书六:9—10)。Chia teh kā老底嘉教会讲需要真理ê信息,thang hō͘ in ê心灵得tio̍h饱足kah醒起来(参考以赛亚书五十五:1—3)。

第19节,chit节引用自箴言第三章12节,上帝管教他所疼ê子民。Chia讲上帝ê责备、管教有两点:其一是勉励老底嘉教会「tio̍h热心」。这是对老底嘉教会信徒ê「不冷不烧热」之信仰所提出ê呼吁。其二是in「tio̍h悔改」。这mā是teh写hō͘七间教会中第五次提起,是针对五间被责备ê教会所讲ê(参考二:5、16、21、三:3)。悔改,这mā是kui本圣经siōng中心ê信息(参考路加福音五:31—32),mā只有真实ê悔改,chiah ē-tàng改变上帝原本beh惩罚人类ê计画。

第20节,这是对老底嘉教会温柔ê呼吁,表示审判ê主尚且对hit-ê教会存希望,若是hit-ê教会信徒ē-tàng悔改,全能ê主非常期待ē-tàng kah hit-ê教会信徒同齐分享拯救ê疼。

启示录ê作者tī chia强调一个重要ê认bat:就是「听见」上帝ê声音而知影悔改ê人,就有机会得tio̍h上帝所hō͘ in ê特权,享受同桌共席ê喜乐,并且iáu thang享有天顶ê宝座,这是上帝极大恩典。M̄-koh相对ê是心硬、不悔改ê人,永远听bē-tio̍h救主ê声音。即使救主已经「khiā tī门外敲门」,内面iáu是听无看tio̍h,得救ê机会mā会因为án-ne而失去。

第21节,坐tī「宝座」上,这是teh指极大ê荣誉(参考廿二:3),因为这是属tī上帝国度宝座,同坐tī chit-ê宝座者,mā就拥有「审判」ê权柄,chit-ê权柄乃是一种「特权」。启示录作者一再提出chit种观念(参考一:9、五:10、二十:6、廿二:5)。Chia ê「得胜」一词,是teh指赢过chit-ê世界ê意思,mā是teh指赢过chit-ê世界ê死亡、苦难ê意思(参考约翰福音十六:33,另外参考约翰一书五:4)。

第22节,每封phoe ê最后结语lóng仝款,lóng仝款用「圣神向各教会所讲ê话」chit句话。所谓「向各教会」,就是teh指chiah-ê信虽然lóng是写hō͘特定教会收看,m̄-koh mā同时是beh hō͘所有属tī基督教会ê信徒看。

经文:

启示录 4:1-4:11

注释:

启示录tùi第四章开始直到第十一章是记载作者约翰所看见ê异象,伊希望ē-tàng hō͘读此书信ê教会á是信徒明白真正处境。

    第四章kah第五章,提起另外一个异象;chit-ê异象kah头前第一章9节到第三章22节所看见ê异象无仝;前一个异象lóng是针对地上七间教会而显现ê,而且所提起ê lóng是针对该七间教会确实ê问题kah现象。Á chit-má第四到五章所提起ê异象,则谈及天顶ê景象,包括有坐tī宝座上ê上帝(第四章),以及khiā tī宝座前ê「羊羔」(第五章),mā就是耶稣基督。启示录ê特色就是会kā天顶kah地上ê景观交错编撰做伙。Chit两章mā是第六到二十二章经文ê前言,重点lóng是teh描述chit位khiā tī宝座前ê羊羔,怎样对付hiah-ê邪恶ê势力,以及最后得胜ê景象。

    第四章开始描述作者约翰所听见ê声音,kah看见ê异象。Chit-ê异象是关系坐tī天顶宝座上ê hit位全能者—主上帝。

    第1节,「我看见」,tùi第四章开始直到最后所看见ê异象,lóng是用「我看见」chit-ê词来形容作者约翰是亲目看见异象,并kā它记录落来。

    「天顶有开tio̍h ê门」,这表示作者约翰被邀请tio̍h至koân-.ê宝座前,说明伊kah上帝ê关系非常亲密。然后约翰听tio̍h伊bat熟悉ná亲像「吹号ê声音」对伊讲,beh「指示」伊知影「以后必定发生ê事」。

    第2节,chit时「圣神支配tio̍h」作者约翰,hō͘伊「看见天顶有一个宝座;有一位坐tī宝座上」。Chia ê「宝座」,是teh象徵权威,而坐tī「宝座」上ê,就是有权威者。作者khah强调ê是:坐tī天顶「宝座」上ê chiah是真正审判者。因为天顶ê「宝座」chiah是真正,地上ê宝座即使显示出人ê权威,mā一定tio̍h接受坐tī天顶「宝座」者ê审判,因为chit位坐tī天顶「宝座」者掌握了审判人类kah一切万物ê权柄(参考路加福音十二:4—5)。

    第3到6节a句,chit段经文描述「宝座」ê实况如下:

    一是坐tī「宝座」上者,「面貌像碧玉kah红玉髓」,这lóng是珍贵ê宝石。

    二是chit-ê「宝座四周有虹围teh」,chia ê「虹」,是象徵tio̍h上帝ê救赎、赦免ê恩典,以及他kah人类立约ê记号(参考创世记九:12—17)。因为án-ne,tùi chit-ê「宝座」mā thang hō͘人看tio̍h坐tī he「宝座」上ê上帝ê慈爱。

    三是「宝座周围有二十四个座位,顶面坐teh二十四个长老」,这通常是代表以色列ê十二个支派,加上新约时代ê十二位使徒。Á chiah-ê长老「身上穿插白袍」,表示in lóng是tī信仰上战赢魔鬼诱惑ê人,是得胜者(参考三:5)。而且in ê「头戴金冠」,这是用来象徵tio̍h荣耀、尊贵ê意思。Tī chia mā thang代表「权威」,ná亲像地上ê国王一般。

    四是「tùi宝座发出sìh-nà、响声、雷轰」,chiah-ê lóng teh表示威严,足以hō͘人望而生畏ê意思。「sìh-nà kah雷轰」,Tī圣经中mā用来描述上帝出现ê时ê景象(参考出埃及记十九:16—19,另外参考诗篇十八:12—
15、七十七:18)。

    五是tī宝座上mā有「七支点to̍h tio̍h ê火把」kah「七个灵」。火,teh代表去除污秽,有洁净ê气力。「七」则teh代表完整,表示chiah-ê气力lóng是tùi上帝来。

    六是「宝座前有一片像水晶仝款光洁ê玻璃海」,这是teh指数量chē到数算不完ê宝石就ná亲像一片「玻璃海」仝款。作者用chit种方式teh描述上帝宝座ê尊贵,差不多无法度用一般言词来形容其壮丽之美(参考出埃及记廿四:10)。

    第6节b句到7节,chia讲tio̍h tī上帝「宝座四边有四个活物」。Chit「四个活物」,tī启示录总共引用十四pái,而且「前后lóng长满目睭」,表示chit-ê活物ē-tàng看kah非常清楚,绝对bē冤枉人。然后讲chit四个活物ê面谱是「狮」、「小牛」、「人」、「飞鹰」等。Chiah-ê分别teh表示:强壮、尊贵、聪明、迅速。Chit种描述可能是受tio̍h以西结书第十章14节ê影响。

    第8节,chia讲每一个活物lóng「有六只翼股」,这是取自以赛亚书第六章2节ê资料,描述天使掖拉弗ê样式。翼股会飞,m̄-koh却lóng布满「目睭」,表示无论到任何地方,lóng ē-tàng看kah非常清楚、详细,无任何事物ē-tàng遮盖tiâu chiah-ê活物ê目睭。Chiah-ê活物ê主要工作是teh o-ló上帝,而且「日夜无停」歌颂tio̍h。Á歌颂ê句话是引用自以赛亚书第六章3节ê诗歌。Chit首诗歌mā是早期教会不时引用ê o-ló诗歌。

    「圣哉」,这是表示上帝乃是到圣、至koân-.ê,因为án-ne,歌颂上帝ê子民,á是讲被拣选ê子民mā需要学习上帝ê圣洁(参考利未记十九:1—2)。「主—全能ê上帝」,表示上帝乃是宇宙ê主宰,是万物性命ê创造者,他是全能者(参考创世记十八:14、马可福音十:27)。「昔tī-teh,今tī-teh,将来mā永远tī-teh」,chit句话所代表ê意思是teh指永远,是超越时间、空间,表示上帝乃是永恒ê主宰。

    第9到11节,这是第二首o-ló诗歌,mā是早期教会不时歌颂ê诗歌。歌颂ê内容是「荣耀」,这teh表示上帝奇妙ê创造kah拯救大能;「尊贵」,表明上帝ê神圣kah圣洁;「感谢」是对上帝拯救ê恩典。

    二十四个长老mā同齐加入四个活物歌颂o-ló上帝ê行列。In并且献上家己ê「冠冕」,mā表示人ē-tàng khiā tī上帝面前,就已经够荣耀à。然后歌颂ê主要内容:上帝是一切受造物性命ê主。若m̄是上帝ê恩典,人早就因为罪所带来ê惩罚而消灭à。因为án-ne,人ē-tàng活teh,是全凭上帝ê恩典kah旨意。

经文:

启示录 5:1-5:14

注释:

Chit章记载ê主要内容是延续第四章所看见ê异象。Tī第四章tī结尾ê所在,作者约翰提出一个重要ê认bat,就是坐tī宝座上ê hit位全能者上帝,是宇宙万物性命ê主宰,他是万物性命ê创造者,所有ê性命lóng是tùi他而来。chit-má chit第五章是teh说明chit位创造宇宙万物ê主宰,乃是救赎者,而且他ê救赎是透过ná亲像被宰杀ê羊羔之方式,呈现出来。Chit种看法kah先知以赛亚ê诗歌中传达出来ê仝款(参考以赛亚书第五十三章)。

    Chit章mā引用了真chē旧约先知文献ê资料,包括有以赛亚书、以西结书、但以理书等,而chiah-ê经册lóng kah启示文学ê作品有密切关系。Tī chit章讲有「七个印」,然后tùi第六到八章lóng tī说明chit「七个印」所封tiâu ê内容。

    第1节,「坐tī宝座上ê hit位」,照第四章到4节ê记载,chit位就是全能创造ê主上帝。伊ê「正手the̍h册卷」,chit-ê册卷是密封tio̍h,而且用「七个印封tio̍h」,chit-ê「七」mā teh代表「神圣」,表示chit本册卷m̄是一般人随意ē-tàng phah开,即使phah开mā无法度读,表示he是一个「封闭」ê册卷(参考以赛亚书廿九:11—12,但以理书十二:4)。

    第2到3节,chia讲有一个「大力ê天使」出现,伊「高声宣布」看「甚么人配phah开chiah-ê印、展开chit-ê册卷」?Chit-ê册卷并m̄是一般ē-tàng phah开,因为有「七个印」封tiâu,表示这是上帝亲自封tiâu ê册卷,除非有上帝ê帮助,若无,chit种册卷无人ē-tàng phah开。Chia mā特别强调讲「无论天顶、地下,á是地下脚」,意思是teh指包括kui个宇宙在内,lóng「无一个ē-tàng展开册卷」,mā因为án-ne无任何人ē-tàng「阅读」。意思是除了上帝亲自出手,á是他特许ê对象chiah有办法看。

    第4节,为tio̍h án-ne缘故,作者约翰「放声大哭」,除了chia所讲ê「无人配展开á是阅读chit-ê册卷」外,另外一个原因是kah无法度执行上帝ê旨意有关。因为tī第四章1节上帝透过异象指示约翰,beh hō͘伊明白以后会发生ê事。因为án-ne,如果无法度phah开chit-ê「七个印」封tiâu ê册卷,就无法度明白册卷中ê意思,当然mā就无法度执行册卷里所记载伊应该ài做ê事。

    第5节,chit时tī「长老中ê一个」出来安慰约翰,ài伊「m̄-thang哭」。并且hō͘约翰知影「tùi犹大支族出来ê狮—大卫ê后代已经得胜」,表明上帝会差遣一位拯救者来临,伊mā是一个「得胜者」,ē-tàng解开chit「七个印」所封tiâu ê册卷。

    第6节,chit节提起tī「宝座中,有羊羔khiā-teh」,而且这「羊羔亲像被宰杀过ê」,chit句话thang参考以赛亚书第五十三章7到10节。宰杀羊羔是以色列民族过Pôaⁿ过节,á是其它重要庆典、节期ê时一定tio̍h准备ê牲祭。Á宰杀过ê「羊羔」一直是以色列民族认为ē-tàng献hō͘上帝siōng好ê牲祭。

    Chit节kah第5节所提起ê「ná tùi犹大支族出来ê狮」之句话真明显对照;原本众人所期待ê拯救者,乃是一位拥有极大权柄、能力ê君王á是领导者。M̄-koh tī chia,却变成「像被宰杀过ê羊羔」仝款ê软弱,hō͘人当做牲祭一般排teh献祭ê祭坛顶。「狮」,是凶悍、强壮,真会攻击ê猛兽,而羊羔却是献祭ê牺牲礼。世人lóng是欢喜使用勇猛ê野兽来代表坚强、雄壮,m̄-koh上帝却用人看做siōng软弱ê「羊羔」之方式,来表明他ê慈爱(参考哥林多前书一:25)。

    Chit-ê羊羔有「七个角、七个目睭」;chia ê「角」,是teh代表「权柄」、「君王」、「能力」(参考申命记三十三:17,撒母耳记上二:10,列王记上廿二:11)。Á「七」teh表示完美、神圣,因为án-ne,「七个角」,表示这是一个完全ê君王,伊是大有能力ê领袖,mā是拥有极大权柄ê统治者。「七个目睭」,表示完全透视、一清二楚,一点mā不含糊ê意思。

    Chit位拯救者被「差派到世间各地去」,表示伊并m̄是专属某一个族群,á是某一个地区。因为上帝爱所有ê人(参考约翰福音三:16),并m̄是只爱某一个部分人而已(参考提摩太前书二:4—6)。

    第7到8节,ná「羊羔上前」tùi坐tī宝座上hit位ê正手中「Kā册卷接过来」了后,ná四个活物kah二十四位长老随时「仆tī羊羔面前」。而且每一个长老手中lóng the̍h「竖琴」,kah「贮满tio̍h香ê金炉」,而「chit-ê香就是众信徒ê祈祷」。注意chia ê「香」字,原希腊文是「圣徒」ê意思,指hiah-ê坚守信仰到最后lóng bē改变ê人。当信徒在世间被迫害、鄙视(siùⁿ)ê时,tī天顶koh活ê长老手中,却lóng成做非常珍贵ê「香」祭,呈现tī上帝ê面前。In kā chiah-ê受tio̍h迫害ê记事,用「祈祷」ê方式向上帝说明,kā一切lóng呈现tī上帝面前。

    第9到10节,这是一首歌颂牺牲ê羊羔之爱ê诗歌,是一首「新歌」。
    「新歌」mā是用来表示一个全新ê时代已经开始(参考启示录廿一:5),因为án-ne,tio̍h用「新歌」来回应上帝ê「新创造」。

    「独独你配」,chit句是teh回应第2到3节ê「甚么人配」、「无一个」。Tī chia则提起有资格「配接受hit册卷」ê,就是hit-ê被杀害ê「羊羔」,只有伊chiah有资格,因为伊bat「牺牲流血」,献上性命作为赎罪ê代价。

    「各部落、各语言、各民族、各国家」,意思就是teh指tùi世界各地kā属tī chit-ê羊羔ê子民赎回。Chit种讲法ná亲像旧约先知所预言ê hit位teh beh来临ê弥赛亚(拯救者)ê角色,伊ê工作就是beh「Kā人赎回来,归hō͘上帝」。Hō͘ in lóng成做「祭司」,带领人敬拜「事奉」上帝,hō͘全世界lóng顺服tī上帝ê旨意之下。

    第11到12节,这是另外一个诗班,chit-ê诗班包括四个活物kah廿四位长老。Chit首诗歌仝款mā是teh强调「被宰杀ê羊羔」,chiah是真正ē-tàng phah开册卷ê。

    Chia ê「千千万万天使ê声音」,表示数字chē到数算不尽。Tùi chia mā thang看出,天顶除了有二十四位长老之外,iáu有数算不清ê天使。作者用chit种修辞来表示天顶ê壮观、伟大,大到hō͘人无法度数算。

    Chit-ê「被宰杀ê羊羔」会领受七种荣耀,而chiah-ê荣耀ê用词,lóng是大卫王当年带领全体以色列人民歌颂上帝所唱诗歌ê内容(参考历代志上廿九:11—13)。Chit七种歌颂ê词句包括有「全能、丰富、智慧、力量、尊贵、荣耀,kah颂赞」等,这lóng是teh指完美、至koân ê境界ê意思。

    第13到14节,这是另外一首诗歌,kah第四章11节是类似ê颂词。Chit首诗歌是「天顶、地上,kah地下脚ê生物,海里ê生物,宇宙中ê万有」等,lóng完全结合做伙歌颂上帝ê伟大。

   「Lóng归tī坐tī宝座上hit位kah羊羔」,chit句诗歌是chit三首诗歌ê siōng重要信息 。

经文:

启示录 6:1-6:8

注释:

Tùi第六章开始直到第十一章止,ē-sái讲是启示录siōng主要ê部分。Tī chit段经文中,记载有关用七个印加封ê册卷被phah开(六:1—八:1),以及tùi phah开ê册卷中所出现ê七个天使吹起号筒ê情景(八:2—十一:19)。

    Tī phah开ê七个印中,koh分做两个段落,第一个段落是前四个印(六:1—8),第二个段落,是后三个印(六:9—八:1)。M̄-koh比较特别ê所在,是第七个印tú phah开,就koh出现连串ê「七支号筒」,每一个号筒lóng有一个吹号ê天使。Chit七个号筒有一kóa部分重复头前七个印之信息,m̄-koh mā有真chē新ê信息出现。这就kah-ná七个印加上七个号筒,然后彼此相连攀结交织做伙,不断重复mā不断「脱」出。这「脱」出来ê部分,就是七个号筒ê信息,而交织做伙ê,就是重述七个印ê意义。

    Chit段经文是记载羊羔phah开七个印中ê前四个印,chit四个印所表明出来ê,就是罪恶,为人类社会带来祸害。M̄-koh无论chiah-ê罪恶是多强大力量,lóng会因上帝ê忿怒、惩罚,面临大灾难—战争、饥荒、瘟疫,并且受tio̍h野兽攻击。每pái chit四个印一phah开,lóng会重复一个重要ê动词,就是「来」。续落来就有一匹无仝颜色ê马会出现。这是一种编辑上ê技巧,teh说明人类tī苦难中ê一种心灵ǹg望,期待tio̍h公义ê上帝ê审判会赶紧临到,好制止当teh毁灭人类世界ê邪恶力量。

    第1节,这是开启「第一个印」,四个活物中ê一个发出「雷轰ê响声」圣经作者ài用「雷轰ê响声」来表达上帝临到,á是他ài beh进行审判ê工作,启示录作者kúi-nā pái使用「雷轰」、「响声」ê词,lóng是teh表达chit种信息(参考四:5、十一:19、十四:2、十六:18)。对照第四章7节,chit第一个活物是「狮」。

    「来!」,chit-ê「来」字,tī希腊文mā thang当做「去」ê意思解释。M̄-koh tī chia,以及以后ê「来」字中,这是对骑tio̍h马ê骑士讲ê。骑士骑马ê速度jú快,表示耶稣koh再临ê时辰已经接近,审判ê时刻随时会来临。

    第2节,「看见一匹白马」,然续后落来讲chit匹马所代表ê意义是「得胜」,mā用来表示好兆头,而且「得胜koh得胜」。M̄-koh比马iáu重要ê是「hit-ê骑马ê」,伊得tio̍h胜利者ê「冠冕」,这并m̄是代表传承王位ê王冠。

    Chia讲骑士手上the̍h「弓」,表明这是来自外族攻击者所用ê兵器。「弓」mā thang代表「军队」。

    第3到4节是phah开「第二个印」,第二个活物讲话,如果对照第四章7节,第二个活物乃是小牛。Chia并无清楚讲出是甚么人phah开「第二个印」,m̄-koh thang理解,必定是「羊羔」chiah有资格kah能力。Chit位骑士所骑ê马是「红色ê」。「红」,chit-ê字有含血、溅血ê意思,这tú好就是战争死伤者身上ê所呈现ê画面,这mā是人世间siōng残酷ê影像:家己人「互相残杀」。这表示「内战」频繁,tú好kah第一匹白马所代表ê外患相对照。Mā因为án-ne,用「红色」ê马来表示血溅四界,人民ê性命被严重摧残。

    「一把大剑」,这mā是战场上ê兵器。表示杀戮ê事件kā层出不穷。

    第5到6节,phah开「第三个印」,出现ê是一匹「乌马」,这代表ê就是食物缺乏,这kah饥荒有密切关系。Thang án-ne了解:战争kah饥荒是分bē开ê,因为战争,hō͘人力lóng投入了战场,田园自然会废耕。因为废耕,á是田园成做战场,就bē有任何收成,饥荒tòe之而来。

    「Hit-ê骑马ê手中the̍h一个天平」,就是古代ê秤,tī chia mā是一种象徵饥荒ê时代,按照公道分配粮食,m̄-koh每一个人所分配到ê食物非常ê少,无够生活所需要ê。因为tī chia讲每工所得tio̍h ê「工资只有ē-tàng买一公升小麦」,á是只买tio̍h「三公升大麦」,表示生活已经陷入困境。

    若是用一工ê工资是一个「银á」(denarius,参考马太福音二十:2),一个银á tī平时thang供一间六口食饱三餐。Tī平时一个银á大约thang买tio̍h八到十二升ê小麦,á是二十á是三十升大麦。饥荒,另外一方面所呈现出来ê社会问题,就是经济上有严重ê通货膨胀。

    「橄榄油kah酒bē-tàng糟蹋」,表示tī饥荒、缺乏粮食ê时代,任何thang食物lóng真珍贵。

    第7到8节,这是phah开「第四个印」,看tio̍h ê是一匹「phú色ê马」。Chit种颜色mā是死亡了后尸体ê颜色,因为án-ne,「phú色」所代表ê意义,就是「死亡」。Á kah「死亡」相tòe ê就是「阴间」。

    Chia讲死亡「管辖四分之一ê土地」,表示iáu有四分之三乃是清气ê,有性命ê,m̄是被「死亡」kah「阴间」所控制。M̄-koh被控制ê所在,则有「战争、饥荒、瘟疫,kah地上ê野兽」等tio̍h beh惩罚人。

经文:

启示录 6:9-6:17

注释:

Chit段经文是有关phah开第五个印kah第六个印呈现ê景象。Chit两个印lóng kā焦点khǹg tī天顶,kah头前四个印ê背景放tī土脚人间无仝。Tī第五章8节记载二十四个长老lóng the̍h「贮满tio̍h香ê金炉;chit-ê香就是众信徒ê祈祷」呈献到上帝面前。代表ê是众信徒为受难者祈祷ê声音,mā是teh祈求上帝为chiah-ê受难者伸冤ê声音。

    第9节,这是phah开「第五个印」。Chit节thang参考第一章2节、9节。
    作者tī chia讲看见有人为tio̍h传福音,为福音做见证,结果「被刣」,chiah-ê人ê「灵魂」,当teh「祭坛」下。表示chiah-ê人为tio̍h传扬上帝ê道、忠心做证而被刣,in ê灵魂就会tī祭坛ê脚下,就ná亲像牲祭ê血倾倒tī祭坛下仝款。

    「灵魂」,这是teh指「性命」ê意思。「为传扬上帝ê道、忠心做证而被刣」,这讲出tī尼禄kah多米田时代,基督徒受难ê情况非常严重。

    第10节,chia特别提起「信实」一词,表示这是有含「约」ê意思。另外一方面,信实mā是teh表示上帝是公义ê上帝,他ê审判kah统治lóng是公义ê(参考申命记三十二:4,撒母耳记上廿六:23,诗篇九十八:9、一一一:7—8,以赛亚书十六:5,撒迦利亚书八:8)。

    第11节,chiah-ê因为传扬上帝ê道而受难者,lóng得tio̍h一件「白袍」(参考三:5),表示虽然in teh迫害者来讲是「消失」、「死亡」,m̄-koh tī上帝ê眼中,in却是永恒地活teh,因为in 会成做「天国ê子民」(参考马太福音五:10)。Tio̍h注意ê是,chit-ê「白袍」并m̄是人家己thang决定hō͘甚么人,却是上帝亲自赏赐。所有领受tio̍h「白袍」ê人lóng奉命等待到所有「数目khêng满ê时chūn」,这mā说明上帝有家己ê计画kah时间表,时间一到,上帝ê审判真自然tek就会来到。

    Chit段经文是记载第六个印被phah开后,上帝开始进行他严厉ê惩罚行动。所描述ê内容有真chē旧约先知文献lóng bat提过ê,包括有地动(参考哈该书二:6);日头kah月娘lóng变色(参考以西结书三十二:7,约珥书二:31);星辰坠落,以及天空像册卷被卷起来(参考以赛亚书三十四:4)等。Chiah-ê景象lóng tī说明上帝审判来临ê时,人生存ê机会差不多等于零,无任何一个人可能生存落去,只有上帝所拣选ê子民chiah ē-tàng免tī灾难ê威胁(参考诗篇一○二:25—28)。

    第12到14节,这是掀开「第六个印」,mā是上帝审判来临ê时ê景象。圣经中,用天地变色、宇宙景观变样ê方式,来描述上帝tī极大ê大受气之下,进行他对背逆者ê审判。

    Chia提起除了「大地振动」之外,iáu有koh khah恐怖ê就chit工月星辰lóng改变。Tī先知文献中,一再提起chit种现象(参考以赛亚书十三:11—13、三十四:4,耶利米书四:23—26,以西结书三十八:19,阿摩司书八:8—9,约珥书二:10,那鸿书一:5)。Á耶稣基督tī伊ê教导中mā bat采用先知文献所提供ê资料(参考马太福音廿四:29,马可福音十三:24—25,路加福音廿一:11、25),当做教导民众ê材料。甚至福音书ê作者teh描述耶稣被钉十字架ê时是透中昼ê时刻,m̄-koh,阳光消失,「乌暗罩tiâu大地」(参考马太福音廿七:45)。M̄-koh启示录所描述ê景象koh khah特别,就是除了大地动、日月星辰变化,iáu有就是「地上ê山岭kah海岛」mā会跟tòe移动。

    第15节,chit节描述tùi「君王、统治者、将领」等到「奴隶kah自由人」等,换句话讲就是所有ê人lóng包括在内,tī末日审判ê日子来临ê时,所有ê人lóng一定tio̍h接受审判,无人拥有特权thang免tī审判(参考希伯来书四:13)。Chia讲大家lóng想beh去「bih-tī磅空kah岩穴里」,tú好讲出人类犯罪了后想逃避ê本ē-tàng反应(参考创世记三:8,以赛亚书二:10、19—21),认为án-ne ē-tàng逃避上帝ê审判。

    第16到17节,chit两节thang参考何西阿书第十章8节,kah路加福音第廿三章30节。

    说明当人犯罪了后,siōng惊惶ê就是看tio̍h上帝ê显现,因为知影ná kā无法度遮掩所犯ê一切罪行。人呼喊「山岭kah岩石」来「倒tī」in ê身上,认为án-ne就ē-tàng逃避上帝ê目睭。M̄-koh启示录作者讲he是无用ê,因为所有ê人lóng一定tio̍h赤the̍h-the̍h面对上帝ê审判。

经文:

启示录 7:1-7:8

注释:

Chit章ē-sái讲是另外「插入」ê一章经文,因为chit章经文编辑tī-chia,hō͘第六章记载第六印phah开了后,一定tio̍h到第八章1节chiah会koh再看tio̍h第七个印被phah开ê记载。Chit章主要teh描述末后ê日子会出现ê景象,chit-ê景象ná亲像tī第六章17节所提起ê:「因为in震怒ê大日子到à;甚么人ē-tàng khiā得tòa?」上帝ê惩罚确实真严厉,无人thang抵挡á是免除。M̄-koh,hiah-ê持守信仰到最后ê人,上帝tī in身上lóng做记号,有chiah-ê印记ê人chiah ē-tàng「khiā得tòa」。

    Chit章thang分做两个段落,其一就是第1到8节,讲tio̍h有关「被盖印」ê总数,另外一则第9到17节有关tùi「各国家、各部落、各民族、各语言来ê」,in lóng身穿白袍。Ē-tàng看出来,除了以色列民族被拯救之外,mā有非以色列民族之「各国、各族」ê人民被列入拯救ê范围。这mā说明耶稣tī山上宝训中所提起ê,上帝是疼所有ê人(参考约翰福音三:16)。Á使徒保罗ê观念中mā提起「上帝beh人人得救」(参考提摩太前书二:4),换句话讲,无论是犹太人á是外邦人,lóng是上帝所拯救ê对象,chit对今á日ê基督徒kah世界有极大ê意义。

    Tùi chit章就thang看tio̍h启示录tī编辑上有一个真特别ê手路,就是用「七」为一个循环ê数目;每pái有「七」ê数字出现,tī第六kah第七之间就会出现「插入」ê资料,就是tī第「七」个异象beh出现chìn前,随时koh引发另外一个「七」ê异象出来。Chit种编辑方式除了Tī chit章之外,mā同时出现tī第十章1节到第十一章13节中。

    Chit段经文就是插入ê第一段落,谈及以色列十二个支派中被拯救ê人数,每一个支族lóng有详细ê叙述。

    第1节,chia出现「四个天使」、「四极」、「四面」等「四」ê数字,chit-ê数目Tī圣经中有特殊意义,有含「适当」、「tú好」ê意思。

    「地ê四极」,thang表示全世界ê意思。其背景kah一间厝有四支柱子支撑仝款,地需要有四个「极」来支持它,这mā kah东、西、南、北等四个方向ê观念有关。

    「四面ê风」,tī耶利米书第四十九章36节则代表「毁灭ê气力」,mā是受tio̍h上帝差遣ê使者(参考耶利米书四:11—12、五十一:1—2)。旧约ê先知ài用「风」来表示上帝ê奴仆,á是上帝ê工具(参考以赛亚书六十六:15,约拿书四:8,那鸿书一:3,撒迦利亚书九:14)。

    第2到3节,「另外一个天使」tùi「东方」出来,chit位天使带来ê是好消息,伊手上「捧tio̍h永远活ê上帝ê印」,而chit-ê印beh盖tī上帝奴仆ê「额」头壳顶。古早时ê「印」thang用来teh代表主人、君王(参考创世记三十八:18、25,以斯帖记三:12、八:10,但以理书六:17,路加福音十五:22→经文中ê手指是带有印记ê手指,thang用来确定身分)。

    第4到8节,chit段经文讲tio̍h以色列民族总共计十四万四千人,被盖上「印」记,chit-ê数目是以色列十二个支族,每一个支族有一万二千名。chit-ê数字是根据象徵tio̍h「圆满」ê十二乘上「圆满」ê十二,共计一百四十四,然后koh再乘上「一千」。Á这「一千」表示ê意义乃是「无限ê圆满」状况。Á值得注意ê,是每一个支族受拯救ê人数lóng仝款是一万二千名,却m̄是照人口ê比例分配。Chia ê十二支派,并m̄是根据族谱ê秩序,却是用「犹大」支派为先,表示犹大chit支派已经得tio̍h继承ê主权。Koh讲,chia无提起「但」支派,却是提起玛拿西(第6节),ē-sái讲是已经有约瑟了,因为án-ne,正确ê写法应该是「但」,却m̄是玛拿西chiah-tio̍h。会有省略「但」支族ê人,可能是kah创世记第四十九章17节提起ê「但」了后裔,后来背叛上帝有关(参考士师记十八:27—31,列王记上十二:29—30)。Tī历代志上第四到七章ê族谱中,mā欠缺「但」族人ê记录(参考历代志上七:12 b)。

经文:

启示录 7:9-7:12

注释:

Chit段是插入ê第二个异象,第一个异象是作者「听见讲」有十四万四千人被盖印,到chit-ê异象是伊「看见一大阵人,数目oh得计算」,ē-tàng看出作者ê用心,beh说明上帝ê救恩,是无限ê大,他ê疼就是宽、广、深。

    第9节,chit节ê描述kah前段所叙述ê有无仝,chia讲「看见一大阵人,数目oh得估计」,而且chiah-ê人是「tùi各国家、各部落、各民族、各语言来ê」,而chiah-ê人lóng是「穿插白袍,手上the̍h棕树枝」。M̄-koh前者是teh指以色列ê十二支派,而且每一个支派是一万二千人。

    第10节,「救恩是tùi坐tī宝座上、咱ê上帝kah羊羔来ê!」chit句高声呼喊ê话mā teh表示宝座上ê上帝kah羊羔是同等ê位阶(参考腓立比书二:6—8)。

    第11到12节,m̄-nā是地上ê一切万物,连天顶所有ê一切,mā lóng tio̍h敬拜上帝。

    「阿们」,这是表示「心内诚心诚意」ê态度,mā就是实实在在ê意思。

    Tī chit首o-ló ê诗歌提起七项内容,包括「颂赞、荣耀、智慧、感谢、尊贵、权能、力量」等。Chiah-ê敬拜称颂ê内容lóng kan-taⁿ用tī上帝kah羊羔(拯救者),并无用tī人ê身上,因为人并无配拥有全部ê称颂。

经文:

启示录 7:13-7:17

注释:

Chit段是teh解释第10节所提起ê chit一大阵数目oh得计数,而且身上lóng是穿插白袍ê人,in是tó位来ê?为何ē-tàng享受chit种荣耀?

    第13节,长老中间有一个问我讲:「Chiah-ê穿白衫ê 是啥人?In 是tùi tó位来?(全民版)」

第14到15节,chit位长老回答,讲chiah-ê人lóng是「经历过大灾难」,这表示in lóng受tio̍h迫害m̄-koh坚持信仰无放弃。「用羊羔ê血kā家己ê衫裤洗得清气洁白」,chia ê「血」表示thang赎罪,hō͘人ê罪得洁净。作者tī chia强调「羊羔ê血」,这是采以色列人民用羊羔献祭tī祭坛上,流血tī祭坛ê方式,来表明赎罪ê意思。因为án-ne,chiah-ê穿白袍ê人,chiah ē-tàng「khiā tī上帝ê宝座前」,「日夜」事奉他。

    第16到17节,chit两节是teh回应第15节ê「上帝beh亲自庇护」chiah-ê因为坚守信仰ê道理而受迫害ê子民,这对tī hiah-ê因为坚持信仰而受难ê亲友来讲,是siōng大ê安慰。因为有上帝亲自牧养kah庇护,因为án-ne,chiah-ê人lóng bē koh再有iau饿、口渴ê问题,á是温度差别ê现象,in kā有永恒ê性命。


经文:

启示录 8:1-8:13

注释:

头前已经讲过启示录tī编辑上有一个特色,就是用「七」ê数字连续转换。Koh讲,tī编辑上作者mā运用一种「连环扣」ê方式,就是tī第六kah第七ê异象之间,插入另外一个连续「七」ê异象。Á chit两个「七」ê异象koh有仝款ê意义tī内面。启示录chit种中断ê编辑方式,koh一pái出现tī chit种原本已经被中断ê异象中,mā就是tùi第六章12到17节开启第六个印了后,原本thang直连连续第八章1节ê第七个印,m̄-koh被第七章ê插入异象hō͘ phah断à。然后,tùi第八章1节开启第七个印了后,原本应该thang直接解说chit第七个印,m̄-koh soah koh插入第2到5节讲有七个天使the̍h七支号筒。Án-ne表示,第七个印就是teh讲述chit七个天使kah七支号筒。Chit种一再「插入式」ê编辑方式mā就成了启示录ê特殊编辑方法。

    第1节,这是七个印之异象中ê最后一个。Tī第六个印所显示出来ê景象,ná亲像末日来临ê时天翻地覆ê状况,所有ê人、不分任何阶级,lóng躲进了岩石洞穴,甚至呼喊hiah-ê山岭岩石倒塌掩盖tòa in来躲避灾难(参考六:12—17)。因为án-ne,大家lóng安静地等待「第七个印」phah开,án-ne大约等了「半小时」,这表示时间是目nih-á久。换句话讲,上帝ê审判真紧to̍h会来临。这对当时tú-teh受难ê基督徒来讲,是一个真大ê ǹg望。

    第2节,作者讲伊「看见七个天使」,in lóng「khiā tī上帝面前」,而且「接受七支号筒」,chia thang看出chit-ê新异象又koh是另外一个「七」ê开始。Chia ê「七个天使」,tī希腊文ê「七」chìn前,有加上冠词「tous」,表示chit「七个天使」并m̄是一般天使,却是指特定对象,á是被选派出来ê天使,而且有代表性。除了tī chia提起有「七个天使」之外,tī第十五章1节、6到8节、第十六章1节、第廿一章9节等等,lóng有提起chit「七个天使」kah in ê工作。

    第3节,除了七个天使the̍h七支号筒外,chit节讲「另外有一个天使出来,the̍h金香炉,khiā tī祭坛前」。Chit-ê天使并m̄是七个天使中ê一位,却是「另外有一个天使」。Chia ê「金祭坛」是teh指敬拜上帝ê所在。Chia ê「金祭坛」,thang参考耶路撒冷圣殿ê「祭坛」是用金kah铜为材料制成(参考出埃及记廿七:1—8)。

    第4节,hit-ê点to̍h ê香「tùi天使ê手中升到上帝面前」,chit句话真清楚表明天使ê工作之一,就是kā人ê祈祷转达hō͘上帝(参考诗篇一四一:2)。

    第5节,这是另外一幅画,头前讲祈祷thang藉tio̍h天使手中ê金香炉呈献到上帝面前。chit-má则讲天使「Kā香炉装满祭坛顶ê火,hiat去地上去」,然后出现各种hō͘人震撼ê景况,包括「有雷轰、响声、sìh-nà,kah地动」。这是tùi天顶降落来ê,象徵tio̍h上帝对信徒祈祷ê回应。圣经一再用「雷轰、响声、sìh-nà,kah地动」来表示上帝ê显现kah惩罚。因为án-ne,作者用chit种方式teh表示:上帝听信徒祈祷了后一定会回应chiah-ê为tio̍h见证福音而受难者ê祈祷。

    第6节,chit节若续接tī第2节后面,读起来会比较顺。作者tī chia讲chiah-ê天使「the̍h七支号筒准备ài吹号」,这是为tio̍h beh宣布上帝审判ê结果。吹号,表示上帝来临、显现,ài众人lóng注意。

    第7节,tùi chit节开始,一直到第十一章,就是chit七个天使吹出号筒ê声音。chit七个号筒mā分做两组,第一组有四枝号筒,第二组有三枝号筒。这ná亲像tī头前七个印仝款,头前有四个印一组,后面三个印另成一组;前者是对自然界造成严重打击,后者则对人类ê社会生活带来极大痛苦。

    「第一个天使一吹号」,所发出号筒ê声音是出现「冰雹kah火,搀tio̍h血」,这kah出埃及记第九章23到25节记载ê第七个灾难真接近。

    地上「三分之一」ê青草、树木lóng被毁à。原本tī第七章1到3节,是讲有一个捧tio̍h永远活ê上帝ê印之天使,来对khiā tī地ê四极ê四个天使讲,beh挡tiâu地上ê大风来毁灭「地、海、树木」,不beh hō͘会摧毁地上一切万物ê大风来伤害,chit-má soah讲有「三分之一」被毁灭à。Tùi chia mā看tio̍h上帝ê恩典,因为上帝并无全面性ê毁灭。

    第8到9节,这是「第二个天使」吹号筒。Chia无记载是甚么人kā一座tio̍h了火ê山hiat去海中。Chia mā是提起「三分之一」ê海洋变色,包括海水变成血,「海中ê生物死去三分之一」,另外「船只mā损pháiⁿ了三分之一」。Chit种海洋变成血ê景况,真类似出埃及记前ê第一个大灾难(参考出埃及记七:20—21)。而且kah第一枝号筒造成ê结果仝款,前者讲tio̍h大地ê花草树木被烧毁,chia讲tio̍h ê是海洋生态ê剧烈改变。

    第10到11节,这是「第三个天使」吹号筒。Tī第二枝号筒发出声音了后,海洋变了色,chit-má则移转到江河,这kah人ê生存有密切关系,因为江河若变色,人ê性命就有危险。「有一粒大星,像火烧tio̍h ê火把仝款,tùi天顶坠落来」,因为chit-ê缘故,致使河流、水源ê生态lóng改变à。而且有「三分之一ê河流kah一切水源」,lóng因为án-ne变成「苦」ê水一般。这ná亲像出埃及记描述第一个灾难中,尼罗河ê水变色,河水发臭无法度lim(参考出埃及记七:17—19)。M̄-koh tī chia则koh khah严重,因为有「真chē人lim了」chit-ê变苦ê水lóng「死去」。

    第12节,这是「第四个天使」吹起第四枝号筒。日头、月娘、星辰等「lóng被打击」而黯然失色,亮度减少「三分之一」。Chit-ê灾难kah出埃及记描述ê第九个灾oh得有类似ê所在(参考出埃及记十:22—23)。M̄-koh chia所指出ê天色乌暗,受tio̍h影响ê乃是大地,并m̄是天顶。因为欠缺日月星辰ê光照,大地五谷等生长必定受tio̍h严重ê影响,人民ê生活mā连带受tio̍h灾害ê波及。

    第13节,chit节中断了第五个天使续接pûn号筒ê时刻。因为出现「一只tī高空飞翔ê鹰」,它高声呼喊「惨lah」ê声音。Chit只「鹰」ná亲像报幕者teh提醒读者tio̍h注意,下一波ê灾难会koh khah严重。


经文:

启示录 9:1-9:12

注释:

Tī头前已经叙述过ê,chit「七个the̍h七支号筒ê天使」,mā分做两组,第一组就是第一到第四个the̍h号筒ê天使,第二组是第五到第七个the̍h号筒ê天使。Tī chit一组ê天使kah另外一组天使之间,插入另外一个景象,就是忽然出现一只飞翔tī高空中ê鹰大声teh-hoah,ài另外三个the̍h号筒ê天使吹号。Chit只鹰连续喊了三pái「惨了」,原本是teh代表三pái号角声音会带来ê灾难。M̄-koh却只清楚出现两个灾难ê结束(参考九:12、十一:14),并无清楚指明第三个灾难ê景象á是始末。

    Chit第五到七个天使吹号ê篇幅,tī编辑上kah头前七个印类似,m̄-koh篇幅比前一组ê加长真chē。chit-má chit三个天使吹出号筒声了后,出现ê境界,并m̄是完全属tī地上ê,却是属tī kui个宇宙关连ê景象。另外,tī第六kah第七个天使之间,koh插入另外一个天使(第十章),然后chiah结束第六个天使吹号所带来ê灾难。这就tī头前第六个印kah第七个印开启之间,插入第七章描述ê另外一个景象,是仝款ê编辑方式。这mā是启示录siōng特别ê所在,就是连续循环、koh再循环。

	Chit段经文是描述第五个天使吹号了后,所发生ê景况,重点是tī出现草蜢攻击所带来ê灾难。

    第1节,「一粒星tùi天空坠落来」,这回应第八章10节所提起ê,有一粒大ê星tùi天顶坠落。M̄-koh chia ê星辰是有位格ê,因为án-ne,chia ê星辰mā thang讲是代表天使(参考一:20、二十:1),就是一般所讲ê「堕落ê天使」。若án-ne,chit位堕落ê天使是「接受无底深渊ê锁匙」,表示chit位堕落ê天使掌控tio̍h深渊ê权柄。

    第2节,chit位天使the̍h开启「无底深渊」ê锁匙,结果产生恐怖ê景象,真亲像火山爆发ê时ê情景。因为「日头kah天空」lóng因为chit-ê「kah-ná tùi大火炉」所「冒出来ê烟而变做昏暗」。Chit种讲法,就kah-ná出埃及记中所描述ê「乌暗之灾」仝款(参考出埃及记十:22),看bē-tio̍h日光á是任何光线。

    第3节,「有草蜢tùi烟里出来,落tī土脚」,chit种描述有ná亲像先知约珥书第一到第二章11节所描述ê景象。Tī chia ê草蜢因为是有ná亲像「蝎子所有ê能力」仝款,因为án-ne,表示它有强烈ê攻击力,会带来极大ê伤害。「蝎子」,是有含剧毒ê一种昆虫,大多数出世tī旷野。它攻击人类á是动物ê时,会致使被攻击者因中毒来死。

    Tùi chit节thang看出草蜢本身就已经够额hō͘人类kah生态受tio̍h严重ê伤害,chit-má,草蜢若是加上毒蝎ê能力,表示其攻击带来ê伤害可能加倍,ē-sái灾难koh khah沉重。

    第4到5节,tī chia ê草蜢是hō͘约束tio̍h bē-tàng伤害「地上ê草、树木á是其他植物」,这表示chiah-ê草蜢bē-tàng随意做tāi-chì。这已经说明上帝创造ê物,lóng会听从上帝—宇宙万物ê创造者ê命令做tāi-chì。Chiah-ê草蜢接受命只thang「伤害hiah-ê额头无盖tio̍h上帝ê印ê人」,而且hō͘ in「受痛苦五个月」,bē-tàng「刣死chiah-ê人」。原来chiah-ê草蜢虽然身上带有ná亲像蝎子hit种ê剧毒,m̄-koh m̄是用来杀害人,却是beh惩罚人。Tī启示录第七章4节有提起上帝ê天使the̍h印,beh盖tī人ê额头壳顶,好做记号,免得受tio̍h伤害。Chit种额头有记号,表明ê是分别为圣,是属tī上帝拣选ê子民,ná亲像出埃及chìn前,以色列人民tī门框顶涂上羊血做记号仝款(参考出埃及记十二:13)。

    第6节,chia ê「五个月」字,thang tùi「五」chit-ê数目了解以色列文化里,chit-ê数字mā表示「圆满」、「适当」ê意思。这表示上帝有恩典,hō͘苦难期间不长,只有「五个月」,这真清楚指出一个明确ê时间,m̄是无限期。

    第7节,「草蜢ê款亲像beh上阵ê战马」,tī约珥书第二章4节讲草蜢ná亲像「奔驰ê战马」。Chia讲chit群「草蜢」ê「头壳顶所戴ê kah-ná金冠」,这是一种形容句话,并m̄是真正戴有金冠冕。Chia是用「金冠」来表示它有强大ê气力,ē-tàng征服任何目标kah对象,是胜利者ê形像(参考启示录四:4、十四:14)。Á「面像人ê面」,表示有人ê智慧,知影听从命令做tāi-chì。

    第8节,「像cha-bó͘人ê头毛」,这可能是teh指草蜢ê触须。Ē-sái讲是一般来讲,草蜢ê触须并无长,chia beh表示chit种草蜢ê样式,kah一般ê无仝。「像狮ê嘴齿」,表示in对beh攻击ê对象bē手软,绝对不留情,有真强大ê刣伤力。

    第9节,「铁ê护胸甲」,表示in真强壮,beh打击in,á是被反击ê时无容易受伤。Á有kóa草蜢「tùi翼股发出ê声音像马车奔驰上阵ê声音」,这是teh形容草蜢之多,明明是无法度数算。

    第10节,chiah-ê草蜢有「尾溜」,而且有长「刺」,chiah-ê刺像「蝎子」ê仝款,ē-tàng hō͘受tio̍h攻击ê人,受tio̍h「五个月ê痛苦」。Chiah-ê lóng teh表示chit群草蜢确实kah咱所看见ê一般草蜢大无相仝。

    第11节,「有一个王管辖in」,这说明chit群草蜢是有首领teh带领in。Chia讲首领ê名「希伯来话叫亚巴顿」,chit-ê意思就是teh指「灭亡」。Tī chia同时koh加上了希腊话ê名叫「亚坡伦」,chit-ê意思是teh指「毁灭者」。会用chit两种语言,主要目的是beh hō͘当时ê人lóng ē-tàng明白其意。

    第12节,ná亲像一个报幕者,说明第五个天使吹起第五枝号筒了后ê「灾艰苦心去à」,并且预告「iáu有两种灾难beh来」。就是teh beh吹响ê第六枝kah第七支号筒。

经文:

启示录 9:13-9:21

注释:

Chit段经文是描述有关第六枝号筒吹响了后,发出ê景象。Tī chia出现ê,并m̄是怪兽,却是「天使」,而且koh一pái出现「三分之一」ê惩罚。咱mā thang讲chit-ê「异象」真特别,原因是tī「异象」中koh有另外ê「异象」(四个天使)出现。

    第13节,「金祭坛ê四角」,照摩西律法ê规定,祭坛顶ài有凸出ê四角(参考出埃及记廿七:1—2),这是当做赦免罪犯用ê(参考列王记上一:50—53)。Tī chia,指chit-ê金祭坛是pái tī上帝面前。Á声音tùi chit-ê金祭坛发出,表示上帝审判ê声音。

    第14节,发出ê声音向chit-ê吹第六枝号角ê天使讲,beh去释放被关ê「四个天使」,in是被关tī「幼发拉底河」。注意tī chit「四位天使」chìn前有加上冠词,表示chit四位天使是真特别ê对象。

    第15节,chit节讲被释放ê「四个天使」,是beh为上帝进行毁灭工作ê。In kā毁灭「全人类ê三分之一」。M̄-koh这mā同时teh表示尚且iáu有「三分之二」ê人类iáu被看顾tio̍h,bē受tio̍h毁灭力量ê波及。

    Tī chia作者用「此年、此月、此日」来表示有一个特定ê时间一到,上帝就会照计画进行摧毁ê工作。

    第16节,骑兵「两亿」,表示骑兵非常chē,chē到无法度数算ê意思(参考诗篇六十八:17,启示录五:11)。

    第17到19节,chit三节描述chiah-ê骑兵ê穿插以及进行毁灭工作ê情景。

    「红得像火,蓝得像蓝宝石,黄得像硫磺」等,chit三项lóng是teh描述灾难来临ê时,连想beh逃避ê空间kah机会mā无。

    「马ê头像狮ê头」,表示chiah-ê马非常凶悍,看起来就hō͘人胆寒心怯。而且会tùi in ê嘴中喷出「火、烟,kah硫磺」等物,chit种描述lóng tī说明,这表示in会带来彻底ê毁灭。而且毁灭ê数字仝款是「三分之一」。

    马ê「尾溜像蛇,顶面有头」,而蛇ê头有毒牙会致人tī死。Chiah-ê lóng teh表示只要被chit种马ê尾溜phah到,必死无疑。

    第20到21节,chit两节chiah是作者约翰想beh提醒读者ê经文。Tī第15节kah第18节lóng有提起第六个天使吹出号角声,原本是beh毁灭「三分之一」ê人类。M̄-koh真正用意,就是beh劝勉hiah-ê iáu有机会得tio̍h拯救ê三分之二,ài in赶快悔改,若无,in mā会亲像hit-ê被毁灭ê人类。

    Chia提起「无tī chiah-ê灾难中被刣ê人」,就是teh指chhun落来ê「三分之二」ê人,可惜是in「犹原不悔改」,继续去拜家己「亲手所造ê偶像」,是「无法度看、无法度听、无法度行ê物件」(参考诗篇一一五:4—8、一三五:15—18,以赛亚书四十四:12—17、四十六:6—7,耶利米书十:3—5)。Mā因为所拜ê是虚假偶像ê神,因为án-ne,bē想beh「悔改」,颠倒,iáu继续做出「凶刣、邪术、淫乱、偷the̍h」等罪恶行踏,kan-taⁿ会为家己带来koh khah大ê惩罚而已。

经文:

启示录 10:1-10:11

注释:

Tùi第十章1节到第十一章14节,chit段经文是介tī第六个天使kah第七个天使之间插入ê资料,ná亲像tī第六章提起ê第六个印kah第八章1节提起ê第七个印启开之间,插入第七章ê「四个天使khiā在地ê四极」,以及数目无法度估计ê人,khiā tī「宝座kah羊羔面前」仝款。Tī chit章作者提起上帝忠心ê奴仆á是信徒tú-tio̍h极大ê苦难。

    第1节,「大力ê天使」,伊是直接tùi天顶降落来ê。作者特别形容chit位天使是「teh moa云彩,头ê顶面有一条虹」。这teh代表上帝审判ê时刻已经来到。Koh讲,「虹」mā象徵tio̍h上帝审判后ê拯救恩典之记号(参考创世记九:8—17)。

    「面像日头」,chit种像似日头ê光芒,就是teh代表上帝ê荣耀。「腿像火柱」,火柱是以色列人民tī旷野漂流ê时,上帝hō͘ in知影身边有他保护kah同在ê记号(参考出埃及记十三:21—22)。

    第2节,chit位大力ê天使ê手上是the̍h「展开ê小册卷」,表示无koh是隐藏ê秘密,是公开ê,而且thang清楚知影册卷内面所记载ê事。

    「正脚踏tī海上,左脚踏tī土脚」,这是一种奇特ê景象。古代ê人若是同时提起「海」kah「地」ê时,是teh指kui个世界ê意思。Chia teh表示:无论是tī深渊(海)中,á是tī陆地上ê,lóng是tī伊ê掌管之下,mā是tī伊审判所及ê范围内。

    第3到4节,chia koh hō͘咱看tio̍h另外一个「七」ê数字出现。

    「七个雷发出tńg来响」、「七个雷所讲ê话」,kah-ná「狮吼叫」ê声音,这是一种hō͘人听起来会心内起惊惶ê声音。作者约翰讲原本beh kā所听tio̍h ê「写落来」记载落来ê时,m̄-koh却听tio̍h「有声音tùi天顶来」,ài伊「bē-tàng记录」所听tio̍h ê话,主要原因就是chit「七个雷」发出ê内容是秘密。

    第5节,「向天举起正手」,这是一种chiù-chōa ê姿势。

    第6节,chit位天使是对tio̍h「创造天、地、海,kah其中万物ê永远活ê上帝chiù-chōa」,这mā是圣经一再绍介咱认bat ê真正上帝之特徵(参考出埃及记二十:11,诗篇三十三:6、一一五:15、一四六:6,以赛亚书三十七:16、四十二:5)。Chit句话表示除了创造宇宙万物ê真神外,其余ê神lóng是人ê手所造ê偶像神明,chiah-ê偶像神明是「无法度看、无法度听、无法度行ê物件」。

    「bē koh再迟延了」,chit句话对早期教会信徒来讲非常有意义,对当时ê信徒来讲,确实是真有鼓舞作用,hō͘ tī苦难中á是灰心丧志中ê信徒,重新点to̍h性命ê ǹg望。世界末日就beh来临à,这是早期教会共同认定ê信息(参考约翰一书二:18)。

    第7节,chia讲出「第七个天使吹号ê时chūn」,就是上帝实践他ê旨意ê时刻。Á上帝ê旨意早tī先知ê预言中就已经提过了(参考阿摩司书三:7)。

    第8节,作者约翰koh一pái听tio̍h「chìn前tùi天顶来ê声音」,ná亲像伊tī第4节所听tio̍h来自天顶ê声音。

    第9到10节,chit位天使beh做者约翰kā chit本册卷hō͘「吞」食落去。Chit种异象kah以西结书第三章到3节提起ê命令仝款,lóng是beh吞食册卷。Chit种吞食册卷所象徵ê意思,就是beh hō͘作者约翰明白所有册卷内ê意义。而且讲食了chit册卷了后,「嘴里却像蜜仝款ê甜」,这mā是诗人所讲ê仝款(参考诗篇十九:10、一一九:103),而先知耶利米mā讲,上帝ê话,hō͘伊ê心内充满喜乐(参考耶利米书十五:16)。Ē-sái讲是,作者kā小册卷吞下了后,「腹肚就真正感觉苦」。Thang án-ne了解:当奴仆去传播上帝ê信息ê时,hit种感觉是非常好ê,甜美ê。M̄-koh领受tio̍h上帝ê信息ê人,可能感觉就m̄是án-ne,因为这会hō͘伊发觉kah生活经验、价值观念相差真chē,beh改变过来,心内确实是会有真大ê挣扎、痛苦。

    第11节,作者强调上帝ê话,是beh传达hō͘所有ê人lóng听tio̍h,包括「各民族、各国家、讲各种语言ê人kah君王」,无论是甚么身分ê人lóng需要上帝ê话。Koh讲,无论所beh宣布ê信息是jōa-ni̍h-á难听,甚至可能因为án-ne为奴仆带来性命ê灾难,mā是beh传达出去。

经文:

启示录 11:1-11:14

注释:

Chit章thang分做两个段落来看,一是第1到14节,这是继续第十章插入ê资料。Tī chit段资料中,讲tio̍h有两个见证人,chit两个见证人是khiā在世界之主面前ê两棵橄榄树kah两个灯台。二是第15到19节,chit段经文讲tio̍h第七个天使吹号后所显现出来ê景象,就是看见天顶ê圣殿开了,上帝坐tī宝座上,上帝进行审判。

    Chit段经文描述天顶ê声音传出,beh差派两个「穿麻衣ê见证人」传扬上帝ê信息。Á chit两位见证人所传ê是审判ê信息。

    第1节,作者约翰「接受一条像杖仝款ê尺」,然后听tio̍h声音ài伊去「量一量上帝ê圣殿kah祭坛,并数一数tī圣殿敬拜ê人」,chia ê「圣殿」,mā是teh指tio̍h基督ê教会。每一个信徒lóng是属tī建造圣殿ê「石头」(参考彼得前书二:5)。Chia ê「祭坛」thang讲是teh指所有为tio̍h维护耶稣基督ê信仰,而惨遭杀害ê人,上帝beh伊数算确实ê数目有jōa-chē。

    第2节,「外院」,这是teh指圣殿正殿之外ê所在,允准外邦人聚集ê所在。M̄免去计算in ê数字,in是迫害者。因为量圣殿、祭坛ê主要用意,是表明kah上帝和好,则chiah-ê迫害者,相对ê就是对敌上帝者。

    「in beh践踏圣城四十二个月」,这等于三年半ê时间,就是一千两百六十工。

    第3节,「两个穿麻衣ê证人」,tī以色列文化中,穿麻衣是teh表示高度哀伤、痛苦ê一种穿插方式,表示厝内有至亲ê人过世,用穿麻衣来表示哀伤。Koh讲,mā表用来表示诚恳ê痛悔ê意思(参考,耶利米书四:8,约拿书三:6)。

    「两个」见证人,这mā是申命记摩西律法ê规定(参考申命记十九:15)。「一千二百六十工」,这mā tú好是三年半之久。

    第4节,「hit两个见证人就是khiā在世界之主面前ê两棵橄榄树kah两个灯台」,这表示in传达出去ê信息,是óa靠上帝ê能力,m̄是来自人ê智慧á是言语(参考撒迦利亚书四:6)。

    第5节,「如果有人想beh伤害in」,因为chit两个见证人就是上帝忠实ê奴仆,因为án-ne,甚么人伤害上帝忠实ê奴仆,等于是伤害上帝仝款。In ê任务是beh传出上帝ê信息,因为án-ne,tī上帝ê信息完全传达出去chìn前,无法度受tio̍h阻碍á是受难。

    第6节,chit两位见证人有上帝所赋予 ê神奇力量,in拥有先知以利亚仝款ê能力,会祈求上帝「叫天不落雨」(参考列王记上十七:1),并ná亲像摩西「hō͘水变成血」(参考出埃及记七:20—21)ê背景。

    第7节,chit两位见证者,mā就是上帝忠实ê奴仆teh传达上帝信息ê时,紧tòe而来ê,是khiā起tī「无底深渊」中ê对敌者,会攻击上帝忠实ê奴仆,甚至杀害上帝忠实ê奴仆。

    第8节,作者约翰特别强调受难ê所在tī耶路撒冷城外,mā就是耶稣「被钉十字架ê所在」,用chit种方式来表达chiah-ê受难者,ná亲像背负了耶稣ê十字架仝款,in lóng会因为án-ne kah耶稣同koh活,因为in是kah耶稣同受苦难tī十字架上ê奴仆(参考罗马书六:5、8)。

    Chia用「所多玛」kah「埃及」,前者用以表示上帝会tùi天顶降落大火烧毁,当做in迫害上帝忠实奴仆ê惩罚(参考创世记十九:24)。后者ê「埃及」用来表示像以色列人tī出埃及chìn前ê大灾难,ná亲像上帝惩罚全埃及地所有头胎生ê人kah家禽动物仝款(参考出埃及记十二:29)。

    第9节,「三工半」tú好回应「三年半」ê时间。尸首若是「三工半」无埋葬,会发生尸体腐臭、浮肿变形像ê款。这说明上帝忠实ê奴仆受难ê残忍镜头。Koh讲,为chit种tú-tio̍h迫害来死ê事件,是无法度掩盖、遮蔽ê,原因是有来自世界各地ê人—包括有「各民族、各部落、各语言,kah各国家」ê人,in lóng看tio̍h à,in就是chit-ê迫害事件ê共同见证者。

    第10节,「地上ê人因in ê死而欢乐」,原因是chit两个奴仆传ê是上帝ê信息,hō͘ chiah-ê迫害别人ê感受tio̍h极大ê痛苦。因为上帝ê话,往往像双刃ê剑仝款,刺入人ê骨髓,hō͘人难耐其中ê痛苦。

    第11节,chit节讲上帝tī他ê奴仆苦难中,伸出创造性命ê手。Tī过「三工半」了后,上帝赏赐「性命ê气息」hō͘ chiah-ê为福音做见证而受难ê人,hō͘ in tùi死亡中「khiā立起来」,看见ê人,特别是hiah-ê迫害者看见了后lóng「大大惊惶」。

    第12到13节,chit两位受难ê奴仆m̄-nā koh活起来,而且被接到天顶去享受tio̍h荣耀。相对ê,残害上帝忠实奴仆ê,会受tio̍h悲惨ê严厉惩罚。

    Chia ê「十分之一」,teh表示一种警讯,意思表示m̄是全部。因为上帝是慈悲ê,他希望做恶ê人知影悔改,希望所有ê人lóng ē-tàng因为悔改而得救。仝款ê「七千人」,只是一个必要ê数目,并m̄是全部,因为iáu有「chhun落来ê人」,m̄-koh in lóng「非常惊惶」。并且为亲目所见ê 事实而知影「颂赞」上帝。

    第14节,ná亲像tī第九章12节仝款,chia讲「第二个灾艰苦心去à」;同时宣布「第三个灾难」kā tòe之来临。

经文:

启示录 11:15-11:19

注释:

Tùi第15节开始,这是第七个天使吹响了号筒。因为天使吹响chit-ê号筒,mā同时结束启示录第一部分ê段落。

    Chit-ê段落kah头前第七个印phah开ê时ê景象无相仝。Tī第七个印phah开ê时,天顶是寂静无声长到半小时之久。chit-má吹响第七支号筒ê时,天顶就传出真大ê声音。仝款ê是,tī第七个印开启了后,就koh随时有新ê异象出现,就是七个天使the̍h七支号筒。Tī-chia,第七支号筒吹响了后,也kah头前第七个印仝款,除了听tio̍h大声响歌颂上帝ê伟大外,续落来又koh是连续不断出现新异象。

    M̄-koh第七支号筒所phah开ê景象,并无亲像第14节b句所提起ê「第三种灾难就到à」,kah头前几枝号筒出现过ê景象非常无仝款;头前ê异象是灾难接踵不断而来,m̄-koh tī第七支号筒吹响了后,所呈现ê景象是公开宣告基督成做王,原本坐tī上帝面前ê廿四位长老,chit-má lóng坦覆 (thán-phak)tī上帝面前,同声歌颂上帝ê伟大。

    第15到19节ê chit段经文,是第七个天使吹响号筒后ê情形,内容包含一首o-ló上帝ê诗歌。

    第15节,chit节说明第七支号筒吹响后所出现ê情景,chia讲第七个印phah开了后,随时就看tio̍h新ê异象,就是天顶传出真大ê声音。Chit声音正式宣告「统治宇宙ê大权已经属tī咱ê主kah伊所立ê基督了」,这说明基督掌权ê范围,是包括kui个受造ê宇宙,而且chit pái掌权kā是「世世无穷」,mā就是无有时间限制ê,永无止尽ê。

    第16节,chit-ê「廿四个长老lóng坦覆 (thán-phak)tī土脚」,每pái描写chit廿四位长老tī歌颂o-ló上帝ê时,lóng是坦覆 (thán-phak)tī土脚ê(参考四:10、五:8、14、十九:4)。

    第17到18节,这是一首短诗,teh颂赞上帝ê伟大。

    第17节,「昔tī-teh、今tī-teh ê上帝」,chit句话表示ê意义就是「一直活teh、存在tio̍h ê上帝」。Chia用「昔tī-teh、今tī-teh ê上帝」,kah第一章4节、8节、第四章8节ê「昔tī-teh、今tī-teh、将来mā永远tī-teh」用法无仝;chia并无「将来mā永远tī-teh」,真可能tī启示录作者ê观念中,世界末日已经就beh来到,上帝ê审判teh beh展开,一切lóng会重新开始。所有ê旧秩序lóng会结束,未来是一个全新ê时代,mā是一个新创造ê世代(参考廿一:1—5)。

    「全能ê上帝」,chit句话mā teh说明基督教信仰所见证ê上帝ê特徵之一,上帝乃是全能者(参考创世记十八:14,约伯记四十二:2,马可福音十:27)。启示录作者kúi-nā pái使用「全能ê上帝」chit-ê词(参考一:8、四:8、十五:3、十六:7、十九:6、廿一:22)。作者约翰讲「全能ê上帝」ê时,是用他hit-ê「大权能」ê权柄,统治宇宙万物kah人类世界,而chit-ê「大权能」ê权柄是tī人无法度预知ê情况下出现ê。

    第18节,chit节讲tio̍h上帝ê审判来到ê情景有下列几个现象:
    上帝ê「义怒」,表示是上帝公义ê审判。Mā是审判ê时刻到à,所有ê人,即使是「死」去ê人mā tio̍h「受审判」。

    「你ê奴仆」,是teh指上帝ê奴仆,包括有「先知」(指传达上帝信息者),以及忠实ê「子民」,kah所有「敬畏」上帝ê人,lóng会得tio̍h「奖赏」。Chiah-ê人是不分贫贱富贵ê。

    「毁灭大地ê人会被毁灭」,chiah-ê就是造成人类世界混乱,á是hō͘人khiā起ê环境受tio̍h破坏ê人。

    第19节,「天顶ê圣殿」,这是teh指属tī上帝子民敬拜ê所在(启示录作者一再使用chit-ê名词,参考三:12、七:15、十五:5)。Mā teh表示人ê心灵kah上帝交流ê所在。另外提起「约柜」是khǹg tī圣殿中,这mā teh表明,敬拜上帝,就是teh实践kah上帝所立ê约。M̄-koh敬拜一定tio̍h是用真诚ê心灵。

    Chit节表示审判ê时刻来到,上帝就降临而且坐tī审判ê宝座上,同时有震撼人心、hō͘人惊惶ê「sìh-nà、雷轰、响声、地动,kah大冰雹」等出现,chiah-ê lóng teh表示上帝已经来到审判ê宝座前,beh开始进行他公义ê审判,hō͘所有ê人心生敬畏。

经文:

启示录 12:1-12:18

注释:

Tùi第十二章开始就是一连串ê异象,chiah-ê异象kah头前出现ê七个印、七个天使kah七支号筒真无相仝;前者ê特色就是有秩序叙述异象中beh呈显出来ê意义,而且每一个印ê开启kah天使吹号筒之间lóng有相关连。Chiah-ê异象是为tio̍h鼓励tī苦难中ê信徒,m̄-thang放弃对耶稣ê信仰, tio̍h坚持到世界ê末期,án-ne chiah ē-tàng得tio̍h天顶ê冠冕。

    Koh讲,启示录作者ài kā信仰看做是一种属灵性命ê战争,而且chit种战争不时lóng真激烈,因为信仰就是生死之战。无论chiah-ê异象用甚么方式显示lóng离bē开chit种主题。作者mā是用chit种方式teh描述教会kah邪恶势力之间ê冲突,chiah-ê异象就是teh象徵chit两个间ê对立。

    第1到2节,chia用「神秘ê景象」,「景象」一词表示「记号」,mā有含「神迹」ê意思。Chia所用ê「景象」chit-ê词,主要是teh指人、物,却m̄是teh讲tāi-chì。

    Chia讲「有一个cha-bó͘人身披日头,脚踏月娘,头壳顶戴tio̍h一顶有十二颗星ê冠冕」,表示伊是hō͘上帝所特别拣选、照亮ê cha-bó͘人,因为上帝就是伊ê亮光(参考以赛亚书六十:19—20)。「伊teh要生产」、「生产ê阵痛」等chit种用词Tī圣经中一再出现,是特别用来形容性命所tú-tio̍h ê苦难(参考列王记下十九:3,诗篇四十八:6,以赛亚书十三:8、,耶利米书四:31、六:24,弥迦书四:9、10、,马太福音廿四:8,马可福音十三:8),chit-má chit-ê带有荣耀光彩ê妇女,tú-tio̍h极大ê迫害,而且Tī痛苦中「呼叫」上帝ê拯救。Á这ná亲像一个妇女tī临盆ê时ê呼喊仝款,表面上看起来是痛苦ê,m̄-koh teh生产过了后则会有新性命出现ê欢喜。只要有上帝伸手救助,性命就会重新得tio̍h欢喜。

    第3节,chit时天顶koh出现另外一个景象,有一只「大戾龙」,颜色是「红色ê」,而且有「七个头,十个角」。Chit只「戾龙」kah创世记第三章1节所提起ê「蛇」是仝一个意思,它就是引诱人犯罪弃sak上帝ê话ê气力。作者用「红色」来表明它是残酷、嗜血如命ê。Chia ê「七」kah「十」等数字,lóng是teh表示特有ê气力kah能力。Chit只戾龙ê每一个头壳顶lóng「戴tio̍h王冠」,表示它靠tio̍h凶恶ê气力,已经掌握了控制ê权柄。

    第4节,形容chit只戾龙有真大ê气力,单用它ê「尾溜」,就ē-tàng「卷起天顶三分之一ê星辰」,并且kā它「摔tī土脚」(参考但以理书八:10)。而且它等beh「吞落去」ná teh beh出世ê婴á,chit-ê资料可能引用自耶利米书第五十一章34节,描述巴比伦王尼布甲尼撒吞灭了耶路撒冷仝款,一屑á 都无留情地洗劫所有,ná亲像巨龙吞下耶路撒冷城里所有一切财物。

    第5节,chit-ê cha-bó͘人「生一个cha-po͘-gín-á」,而chit-ê cha-po͘-gín-á tio̍h用真强硬ê手路ná亲像「用铁杖」般ê方式「统治万国」,thang hō͘一切混乱变成有条理kah秩序。Chit-ê观念是引用自诗篇第二篇9节。诗人teh描述一位上帝所拣选ê君王,就是拯救者,伊会kā万国治理得真有秩序,而无koh有喧哗、闹事、失序ê现象。

    「m̄-koh,chit-ê gín-á被提起天顶ê宝座上去」,隐喻tio̍h死去koh活ê意思。因为早期教会ê信徒所重视ê,就是终末审判所带来ê应允。这ná亲像使徒保罗所讲ê,kah耶稣同死,mā kā kah耶稣同koh活(参考罗马书六:8)。

    第6节,「hit-ê cha-bó͘人逃到荒野」避难,tùi chit句话thang理解到早期教会已经有bē少信徒为tio̍h躲避迫害,lóng纷纷逃入「荒野」磅空中隐居,免得遭遇迫害。而且bih起来了「一千两百六十工」,chit-ê数字就是三年半ê时间(参考启示录十一:3),表示所有迫害ê时间,lóng是有限ê,真紧to̍h会过去。

    第7到8节,「米迦勒」,伊是「天使长」,是以色列人ê守护天使(参考但以理书十:21、十二:1)。Chit位天使长率领其他天使kah「戾龙kah它ê使者」相战,beh阻止in继续迫害上帝ê子民。最后天使们phah败「戾龙」,说明无论邪恶ê气力jōa大,lóng无法度抵挡上帝ê审判kah力量。戾龙kah它ê跟随者lóng因为战败而tùi天顶被驱赶落来,无法度继续留tī天顶。

    第9节,chit-ê戾龙被以「古蛇」来描述,mā kā它称做「魔鬼á是撒旦」,chiah-ê lóng是teh描述一个真具诱惑力ê气力,而且它ê气力大到足以迷惑全人类。

    「撒旦」,chit字tī旧约圣经中原本ê意思是teh指「对敌者」。Tī天顶,mā有对敌者thang tī上帝面前游行,ná亲像一个「检察官」仝款,专门teh向上帝控告hiah-ê它看不「顺眼」ê人。因为án-ne,tī旧约圣经中,「撒旦」tī上帝面前mā有一席立足之地,它甚至有「天使」ê角色。

   M̄-koh tī新约圣经中,「撒旦」有时mā hông称做「魔鬼」,意思就是「毁谤者」。Kah旧约圣经观念中ê「对敌者」,显然有意义上ê cheng差。Chit种「毁谤」有含「阻碍」ê意思,意指hō͘人背叛上帝ê旨意,á是hō͘原本忠实上帝ê人产生怀疑,而无法度接近上帝。

    第10节,chit节清楚讲tio̍h上帝ê审判终其尾来临,上帝发出声音,表示「上帝拯救ê时刻」,意思是teh指上帝得胜ê时刻来到。「伊所立ê基督mā显示了伊ê权威」,这表示上帝所拣选ê拯救者—基督,已经彰显了伊统治ê大权,无koh hō͘邪恶、迫害上帝子民ê气力继续成功。Á hiah-ê想出所有ê办法「控告信徒」ê诱惑者最后失败了,而且hō͘ 上帝惩罚「tùi天顶被摔落来」。

    第11节,chit节ē-sái讲是kui本启示录ê主轴,说明拯救并m̄是óa靠极强大ê军事武力,反tńg是用「羊羔ê血」付出了性命ê代价来换得tio̍h。当人看做是「死」ê时chūn,tī上帝ê救恩中却是拯救ê记号。Á这赢过邪恶ê气力就是tùi上帝来ê「真理」。

    第12节,天顶是永恒ê安宁,因为邪恶ê气力已经hông驱逐殆尽,上帝ê子民thang tī天顶「欢欣」安享快乐。相对ê,hit-ê被「魔鬼」所控制ê lóng tio̍h面临灭亡ê惩罚,而且所chhun ê日子无chē。

    第13到14节,「hit-ê生cha-po͘-gín-á ê cha-bó͘人」,teh代表教会kah上帝ê子民—基督徒。chit-ê「戾龙」被惩罚「摔tī土脚」而忿怒到想「追击」hit-ê cha-bó͘人。因为它已经无法度伤害到hit-ê「cha-po͘-gín-á」。M̄-koh chit-ê被攻击ê cha-bó͘人,得tio̍h「大鹰ê两个翼股」,ē-tàng飞到遥远ê「荒野」,tī hia被妥善照顾长到「三年半」ê时间,lóng m̄受「蛇ê攻击」。这ná亲像出埃及记中所描述以色列人出埃及入旷野,lóng受上帝ê看顾仝款。

    第15到16节,chit-ê「蛇」tùi「嘴中喷出一股大水」,tī以色列文化中,「大水」ná亲像创世第七到八章所描述,是teh指威胁性命ê气力。诗人不时用大水á是海浪来形容威胁性命ê气力(参考诗篇十八:4、三十二:6)。Chia用「大水」表示hit条蛇(戾龙)对「cha-bó͘人」(mā thang teh代表「教会」)ê威胁从来m̄-bat间断。M̄-koh有上帝帮助,chiah-ê威胁人性命ê大水,bē成功。因为大地会「thí开口」kā chiah-ê「水吞落去」。大地mā是上帝创造ê,听从上帝ê话救助chit-ê cha-bó͘人。

    第17节,chit节说明kah对敌者(魔鬼、撒旦)ê战争并无会停止,因为只要教会存在ê一工,chiah-ê对敌ê气力,就会想出所有ê办法惹事上帝ê子民,想beh发动战争。因为án-ne,基督教会随时lóng面临chit种来自撒旦ê惹事,因为án-ne tio̍h随时准备应付战争,这就是所讲ê「属灵战争」。

    第18节,mā有kóa版本kā chit节编辑tī启示录第十三章ê第1节。「戾龙khiā tī海滩上」,意思是teh指戾龙tùi海ê深渊出来(参考启示录十一:7)。

经文:

启示录 13:1-13:18

注释:

第十三kah十四chit两章,作者就用「怪兽」连续出现ê方式,来描述chiah-ê邪恶势力怎样chhōe机会beh攻击忠实tī上帝ê子民。Chit两章mā是继续第十二章17节所讲ê,戾龙会继续不断来攻击。因为án-ne,chit两章ê「怪兽」就是头前所讲ê「戾龙」。

    启示录作者ê时代,面临罗马皇帝多米田残酷迫害基督徒ê环境下,是用chit种方式描述罗马皇帝ná亲像「怪兽」一般teh威胁并管辖in,一个接一个出现,带hō͘基督徒惊惶kah不安。甚至会hō͘基督徒感觉上帝kah-ná已经bē记得他ê子民ê苦难,á是邪恶ê势力已经掌权了ê款。Mā因为chit-ê缘故,作者一再提醒并鼓舞当时ê基督徒,一定会有「耐心kah信心」(参考启示录十三:10),因为上帝审判ê日子teh beh来临。

    第1节,「我看见一只兽tùi海里起来」,chia并无说明这是甚么兽。M̄-koh tùi chit只兽拥有「十个角kah七个头」,kah第十二章3节出现ê hit只戾龙仝款,mā是有「七个头kah十只角」。无仝ê所在是chit只怪兽tī「每一个角上lóng戴tio̍h王冠」,而戾龙则每一个头壳顶lóng戴tio̍h王冠。其实「头」kah「角」lóng仝款ê意思,teh代表领导、统治者,有权力ê人。

    Chia特别强调「每一个头壳顶写tio̍h侮辱上帝ê名号」,意思是chit七个头ê顶面lóng有一个名号是自称做某某神,表示in lóng kah上帝仝款伟大,chit种态度就是teh亵渎上帝,m̄ kā上帝khǹg tī眼中。如果「七个头」teh表示罗马皇帝,án-ne,tī启示录作者ê时代,tú好历经了奥古斯都皇帝了后ê七位罗马皇帝:包括有(1)提庇留(Tiberius,14~37 AD)、(2)加里古拉(Caligula,37~41 AD)、(3)格老丢(Claudius,41~54 AD)、(4)尼禄(Nero,54~68 AD)、(5)威斯巴先(Vespasian,68~79 AD)、(6)提多(Titus,79~81 AD)、(7)多米田(Domitian,81~96 AD)。

    第2节,作者描述chit只tùi海里起来ê怪兽身上,有豹、熊、狮等凶猛野兽ê特徵。作者用chit种方式teh表达这是只非常奇怪、无人性而且凶猛ê野兽。因为chit只像戾龙ê怪兽,连婴á、孩童lóng会生吞落去(参考十二:4)。

    第3到4节,chit节真清楚讲出chit只怪兽「kah-ná受过致命重伤」,因它bat tùi天顶被击败摔到地起来。M̄-koh它却有复原ê能力,而且复原ê非常好。为甚么会án-ne?作者并无解释。Chit两节teh隐喻:真chē人欢喜跟tòe残暴者行。Á是讲:一个统治者非常残暴,却iáu是会得tio̍h真chē人跟tòe,甚至kā它当做是「拯救者」、「神明」一般ê看待。Chiah-ê有权势者tī siōng颠峰ê时,其跟随者lóng是会发生歌颂ê声音,认为天下脚无人ē-tàng kah之相媲美。M̄-koh圣经作者则一再提醒,无论是在世间á是宇宙之间,lóng chhōe bē-tio̍h thang kah上帝相比ê对象(参考出埃及记十五:11,诗篇三十五:10、一一三:5)。

    第5到7节,chit段经文描述chit只怪兽ê特徵,它有「一张夸大亵渎ê嘴巴」,表示它看bē起上帝,一「开嘴污辱上帝ê名」,mā污辱上帝ê「居所」。所谓「居所」,thang理解是teh指上帝子民(基督徒)聚会ê所在,mā就是「教会」。甚至连「所有tòa tī天顶ê」mā lóng被亵渎,这表示怪兽ê行踏已经是到à无法无天ê状态。Chia「tòa tī天顶ê」,是teh指围tī宝座边ê天顶使者。这真清楚表示凡是上帝ê选民lóng tī chit只怪兽「攻击」ê范围之内,无一个特例thang佳哉免得被波及。

    「四十二个月」,mā就是三年半ê时间,表示chit只兽chhun落来ê时间无chē了(参考启示录十二:12)。

    第8节,会kā chit只怪兽当做是神明敬奉ê,就是hiah-ê名已经无tī「性命册」上ê人民,chiah-ê人乃是弃sak上帝、弃sak上帝ê人。圣经ê作者强调只有tī性命册上有名ê人,chiah ē-tàng进入上帝ê荣耀内底(参考腓立比书四:3—4,启示录二十:15、廿一:26—27)。

「羊羔」,thang参考第十二章11节。这是teh指拯救ê记号。

    第9节,「有耳áê,lóng tio̍h听!」表示人应该tio̍h注意听天顶ê信息,并m̄是来自地上统治者ê命令。

    第10节,chit节ê前半句,启示录作者引用了耶利米书第十五章2节,下半句则引用马太福音第廿六章52节耶稣所讲ê话。前半句主要teh说明:tī chit迫害中间,mā ē-tàng看出上帝ê旨意,因为án-ne,m̄免惊惶kah逃避,tio̍h勇敢地接受,心甘情愿地为信仰承受无法度避免ê迫害。后半句则是teh指出chiah-ê迫害人ê,结局会受tio̍h仝款ê对待(报应)。

    「上帝ê子民lóng需要有耐心kah信心」,chit句是引用马太福音第十章22节,耶稣基督讲为tio̍h伊而坚持到底者,必定会得tio̍h拯救。

    第11节,chit节讲另外一只tùi地里出来ê兽有「两个角」,而且「像羊ê角」,意思是看起来真亲像羊羔(参考十二:11),其实是一只koh khah恐怖ê怪兽。因为它会伪装来迷惑信徒。Chit种情形tī每一个动荡ê时代lóng会发生。

    第12节,chit只tùi地起来ê怪兽,「采行头一只兽ê一切大权」,意思是chit只兽是teh执行前一只兽所订ê一切迫害计画,就是前只tùi海里起来ê怪兽ê帮凶。Chit只兽做siōng恶质ê事,就是「强迫大地kah所有tòatī土脚ê」,lóng tio̍h「去拜」ná头一只兽。其实,无论是地里á是海里出来ê chit种怪兽,lóng是「像戾龙」仝款。

    第13到14节,chit两节lóng说明chit只怪兽大有能力,会「行大奇迹」,chit款tāi-chì siōng容易迷惑人心。它既有能力「hō͘火tùi天降tī土脚」,「迷惑了所有tòatī土脚ê人」,因它有chit种能力,因为án-ne koh khah容易迷惑当时ê人,认为它就是神,iáu吩咐「世间ê人」为chit-ê怪兽造「一座像」,供世人崇拜。

    第15节,chit-ê第二只兽看起来就kah-ná拥有ná亲像上帝ê能力仝款,「thang kā活气pûn入去hit头一只兽ê像里去」(参考创世记二:7),而且「杀害所有不拜兽像ê人」,这表示tī一片迫害ê环境中,iáu是有人坚持对上帝ê忠实,除了上帝以外,绝对m̄承认有其他ê上帝。

    Tùi chia看tio̍h chit-ê第二只怪兽显现神迹,是为tio̍h beh人民去拜ná第一只怪兽。结果两只怪兽互相连结做伙,力量koh khah大,迫害人民ê压力mā增强。

    第16节,chit-má chit只怪兽则命令所有ê人,无论是自由á是奴隶ê,lóng tio̍h做记号,表示所有ê人lóng一定tio̍h服从它。Chit种记号有ê tī「正手」,有ê tī「额头」。「正手」,表示「权柄」ê意思。一个人tī「正手」被印上记号,表示伊ê权柄已经无koh属tī伊家己,却是属tī记号上ê主人。「额头」ê记号,这是古代奴隶通常hông印记ê所在,清楚而且容易辨识。

    第17节,「无chit-ê印记,就无法度做买卖」,chit句话已经真清楚统治者用chit种方式,逼其统治下ê人民一定tio̍h顺从。这会hō͘基督徒感受tio̍h生存ê危机,因为无经济活动kah商场买卖,就无生活ê机会。若是迫害到chit种情况,想beh无受侮辱,恐惊就无有jōa-chē生存空间à。 
   
    第18节,「chia需要有智慧」,圣经谈「智慧」,意思是teh指认bat上帝ê意思。因为án-ne,认bat上帝ê人,就会明白甚么人是虚假ê神。Chit只怪兽ê代号,就是一个数字,而此数字就是「六百六十六」。有真chē圣经学者解释chit-ê数字tú好就是尼禄皇帝名ê代号。因为古代ê人会用拼音字母当做数字来表示,亲像「A」teh代表「1」chit-ê数字。M̄-koh mā有学者认为「六六六」有另外一个意思,是teh指「七」ê一个缺角,表示无完整。它象徵tio̍h即使有án-ne大有能力ê统治者,mā不过是一般人而已,并m̄是创造万物ê上帝。M̄-koh「六六六」chit-ê数字真确ê意义是甚么?实在真oh明白。

经文:

启示录 14:1-14:5

注释:

头前已经有提过,启示录作者teh写作á是编撰上有一个特色,就是出现连续性ê异象,而且chiah-ê连续性ê异象koh分做两个大段落,tùi第一个到第四个异象,续落来是第五到七个异象。Ē-sái讲是每pái第七个异象出现ê时,会koh一pái出现新ê连续性异象,而chit-ê新ê连续性异象mā是kah本来异象景况仝款。续落来,会koh看tio̍h单独ê异象中,mā是分做两组,类似chiah-ê异象lóng tī说明彼此之间有其关连性,mā有其相对性。M̄-koh无论chiah-ê异象中ê怪兽是jōa-ni̍h-á奇形怪状,lóng tī说明一个事实:he是一个真畸形ê世代,人心kah行为,以及显露出来ê心思意念ná亲像chiah-ê怪兽仝款,特别是tī hiah-ê有权势ê统治者身上,tùi in所做种种残害人民ê行为thang印证。

    第十四章记载「羊羔」、三个「天使」ê歌颂声,以及kah-ná人子ê出现。Chiah-ê lóng表示上帝ê拯救teh迫害了后随时来临。作者chit种笔法ê技巧特色,就是kā「善」kah「恶」交叉做伙,mā讲出人类思想中ê chit两股力量,一直存在tī人ê心内。

    Chit段经文读起来就kah前一章差别真大,tī chia看tio̍h ê是充满宁静、圣洁kah喜乐ê景况。Chit-ê喜乐是来自拯救ê羊羔所带来胜利ê结果。

    第1节,「我koh看」,tī第14节koh一pái出现。Chit-ê词也kah第四章1节ê「我得tio̍h另外一个异象,看见」、第六章2节、5节ê「我一看」、第七章9节ê「我一看」等,tī原希腊文lóng仝款ê意思。

    「羊羔」,作者tī chia用「羊羔」teh代表一个胜利ê军事领袖、有权势ê领导者。chit-ê羊羔是「khiā tī锡安山顶」,chia用「锡安山」á是「锡安」表示是属tī上帝ê所在,mā是传达上帝赏赐「安息」ê信息ê所在。Kah羊羔做伙ê有「十四万四千人」,而且chiah-ê人ê额头lóng有写tio̍h「伊kah in老父ê名」,表示有盖印ê记号,mā表示chiah-ê人lóng是分别为圣ê子民。

    第2节,「有声音tùi天顶来」,这是作者约翰siōng ài用ê词句(参考九:13、十:4、十一:15、十二:10、十四:2、13、十八:4、十九:1、5)。作者描述chit-ê来自天顶ê声音,「kah-ná大瀑布ê吼声」,mā像「竖琴师弹奏ê琴声」,chit种形容ê方式tī第一章15节mā bat使用过,而且表明发出chit种声音ê,乃是「人子」发出ê声音真大声却非常悦耳听感动。

    第3节,chit-ê「十四万四千人」lóng khiā tī万物主宰ê上帝面前唱「新歌」。这kah第四章所描述ê天顶景况仝款,lóng是teh歌颂全能ê上帝。「新歌」,表示ê意义ná亲像献「初熟ê果子」hō͘上帝仝款,是siōng新鲜ê,mā是siōng好ê,siōng圣洁ê诗歌。作者进一步强调chit首「新歌」只有chit-ê十四万四千人「会唱」。因为in是hō͘拣选ê子民,kah一般人无仝。

    第4节,「chiah-ê人lóng是无亲近过cha-bó͘人ê童男」,in lóng「是tùi人类中被赎出来」,chit句话Tī圣经中表明ê就是上帝拯救ê对象,属tī「上帝kah羊羔」ê族群。用chit句「无亲近过cha-bó͘人ê童男」,是因为圣经时代,特别tī迦南地ê民间宗教敬拜中,lóng会用「妓女」来参与祭祀ê行为(参考耶利米书五:7—8)。Chit种情景m̄-nā tī旧约时代,tī新约时代ê小亚细亚地区mā特别兴盛。因为án-ne,chia ê「童男」是teh表示chiah-ê信徒tī信仰上lóng是真纯洁ê,对上帝绝对忠实。只要「羊羔行到tó位」,in「就kah到hia」,绝对bē偏离。

    第5节,表达siōng好、siōng圣洁ê方式,就是「从来m̄-bat讲白贼」。chit-ê「从来m̄-bat讲白贼」有另外一个意思就是teh指「心内无诡诈」,诗人讲chit种人是有福气ê人(参考诗篇三十二:2)。先知ê信息中,强调上帝beh拯救ê对象,是chit种「不讲白贼」ê以色列人民(参考西番雅书三:13)。Á「无玷污」,指ê是无瑕疵ê意思。就kah-ná beh献祭hō͘上帝,一定tio̍h用完美、无缺陷ê祭品chiah ē-tàng仝款(参考利未记三:6、四:3、23、28、32)。

经文:

启示录 14:6-14:13

注释:

Chit段经文出现三个天使ê异象,这带hō͘ tú-teh受难中ê信徒真大ê安慰,并且清楚指出迫害者ê国度会真紧to̍h倒塌,而弃sak上帝ê人mā会受tio̍h严厉ê审判kah惩罚。相对ê,所有受tio̍h迫害ê信徒会得tio̍h上帝赏赐ê恩典,有份tī天顶喜乐ê行列。

    第6节,「一个天使tī空中teh飞」,chit位会飞ê天使beh向全世界传出「永恒ê福音」,这是teh指tio̍h上帝ê信息。因为「永恒」是属tī上帝,人类lóng是目nih-á有限ê(参考以赛亚书四十:6—8)。作者用chit种方式teh说明:罗马帝国统治者虽然看起来真强猛、有力量,m̄-koh基督徒m̄免惊,hiah-ê lóng是目nih-á ê,真紧to̍h会成做过去,因为伊ê掌权bē是永恒ê。

Á「永恒ê福音」,表示上帝对人类拯救ê疼永远无改变,一直存在tio̍h。而且非常重要ê,chit-ê「福音」是对所有ê人传出ê好消息。作者用「各国家、各部落、各民族,kah讲各种语言ê人」来形容全世界(参考五:9、七:9),mā就是所有ê「四方」ê意思(参考诗篇六十六:8)。

    第7节,这会飞ê天使传出ê信息,讲上帝就是「创造天、地、海,kah一切泉源ê主」,chit句话表明ê意义就是:罗马皇帝并m̄是创造者,伊kah一般人lóng仝款,不过是受造者而已。

    第8节,「第二个天使」mā tòe传出信息,伊连续传出两pái「倒塌了」ê信息。Chia作者用「大巴比伦」隐喻tio̍h罗马帝国必定会「倒塌」。它倒塌ê主要原因,是lim了「淫荡ê烈酒」。「淫荡」一词,Tī圣经通常是用来表明对上帝ê无忠实,四界铸造、雕刻神明崇拜ê行为。Á「烈酒」是teh代表上帝严厉ê惩罚(参考诗篇七十五:8,以赛亚书五十一:17,耶利米书廿五:15—16)。

    第9到11节,这是「第三个天使」传出ê声音。Chia提起上帝kā怎样惩罚chiah-ê lim了「烈酒」ê人。Chit-ê第三位天使传出ê信息指出:任何拜chit-ê怪兽ê人会ná亲像lim了烈酒仝款,受tio̍h上帝严厉ê惩罚。而且上帝ê惩罚m̄-nā bē减轻á是消失,ná亲像无经过「冲淡」ê烈酒仝款。上帝ê惩罚有「焰火kah硫磺ê酷刑」,ná亲像创世记第十九章上帝毁灭所多玛城kah蛾摩拉城ê情景仝款,而且koh khah严重,因为hit-ê惩罚是亲像「永远无停ê烟」一直冒,án-ne chiah是siōng恐怖ê事(参考启示录十九:3、二十:10)。

    第12节,相对tī第9节hiah-ê拜怪兽ê人,就是hiah-ê确实「服从上帝命令、忠于耶稣ê上帝子民」,作者koh一pái呼吁in一定会有「耐心」。意思就是m̄-thang受tio̍h hiah-ê邪恶者ê诱惑,á是因为受tio̍h迫害就想beh逃避而妥协,一定会坚持到最后。

    第13节,「为主来死ê人实在有福气!」chit句话thang参考马太福音第五章11到12节,以及帖撒罗尼迦前书第四章13到14节。Lóng teh表明为福音而受难者,lóng会因上帝ê救恩ē-tàng「结束劳苦而享安息」。Chia ê「劳苦」,指ê是身躯因为工作到无法度歇困,甚至工作到死去。另外一方面,就是teh指tī心灵上tú-tio̍h侮辱而受苦。作者tī chia讲chiah-ê lóng会跟tòe性命ê结束而释放。M̄-koh却因为in ê信仰坚持bē改变,而hō͘ in结出信仰ê果子。Chit-ê果子会「跟tòe in」tī上帝ê救恩里,享受永远ê「安息」。

经文:

启示录 14:14-14:20

注释:

Chit段经文是另外一个新ê异象,作者约翰tī chia beh说明,上帝ê审判bē停止,mā bē轻易了事,他一定会真清楚进行审判,hō͘任何迫害信耶稣基督ê人lóng会受tio̍h上帝严厉ê审判。Koh讲,chia出现ê天使,有特别注明伊ê角色是「管理火ê天使」。

    Chit段经文ê资料真可能取材自但以理书来(参考但以理书七:13),形容拯救者「人子」kā tùi天顶乘云而下。Chit种异象mā被福音书作者采用,收集tī耶稣基督ê言论中(参考马可福音十三:26、十四:62)。Chit位人子,ná亲像一个准备收割ê作穑人仝款,手中the̍h镰刀上五谷场。这是象徵tio̍h审判ê工作teh beh进行,对tī hiah-ê iáu teh受难中发出haiⁿ-haiⁿ叫之声ê基督徒来讲,to̍h是心中siōng大ê期待。

    第14节,注意chia ê「人子」,kah福音书中提起ê「人子」之希腊文是无仝ê。Tī福音书中所用ê「人子」chìn前有加上定冠词,表示是特定ê对象。Tī chia所用ê「人子」并无加上定冠词,因为án-ne,只有ē-tàng当做「有一位人子」。Chit位人子ê「头壳顶戴tio̍h金冠」,这表示伊充满荣耀。Chit位人子ê「手里the̍h利剑剑ê镰刀」,用来譬喻上帝审判ê时刻来临。

    第15到16节,「另外有一位天使」,伊「向坐tī云上」ê hit位「人子」,teh-hoah「收割」时chūn到à,这是因为时刻到à,「地上ê农作物就被收割了」。Koh讲,tī收割ê同时mā kā农作物分做两类,其一就是真实有结果ê,其二是空壳ná亲像糠秕ê(参考诗篇一:4,以赛亚书廿七:12,马太福音三:10、12)。

    第17节,「koh看见另外一个天使tùi天顶ê圣殿出来」,chit位天使mā是仝款「有一把利剑剑ê镰刀」。Chit位天使是奉上帝ê差遣来进行「收割」(审判)ê工作。

    第18节,chia「有一个管理火ê天使」,伊ê手上并无the̍h镰刀,却是向hit-ê tùi天顶圣殿出来ê天使下命令,ài伊the̍h着手上ê「镰刀割取地上ê葡萄」,因为葡萄「已经熟了」。先知约珥mā bat特别提起收割葡萄了后, tio̍h榨压葡萄(参考约珥书三:13b),用chit种方式来隐喻审判ê严厉,是无thang逃避ê所在kah机会。

    第19节,kā收割出来ê葡萄「扔tī上帝大受气ê大榨酒池里被踩踏」。Chit种譬喻对犹太人来讲是非常清楚ê,因为收割葡萄了后, tio̍h hiat入去榨压葡萄ê酒池中,然后用榨出来ê葡萄汁来酿酒。Chit句「上帝大受气ê大榨酒池」,thang参考以赛亚书第六十三章3到5节。

    第20节,「葡萄tī城外ê榨酒池里被踩踏」,而且葡萄汁溢出来「淹灭了三百公里」之真阔,koh「深约两公尺」,chiah-ê lóng tī说明上帝ê审判真彻底。

经文:

启示录 15:1-15:8

注释:

Tùi chit章开始直到第十八章止,又koh是一个新ê段落,而且是koh一pái出现「七」ê连串异象,ná亲像tī第一pái ê「七」封hō͘「七」间教会ê信(参考一:9—三:22)、「七」个印封tio̍h ê册卷(五:1—八:1),以及「七」个天使吹tio̍h七支号筒(参考八:2—十一:19),chit pái是第三个「七」位天使倾倒「七种灾难」到世界上,chit-ê「七」种灾难teh代表上帝ê极大忿怒。Chit pái ê「七」之循环,mā是最后一pái ê循环。

    第十五章到第十六章,koh一pái出现「七个天使」ê异象。Tī chit两章中,会看tio̍h头前已经有提过ê资料,亲像「天顶ê圣殿」、「水变成血」、「日头」、「乌暗」、「怪兽」等等等chiah-ê奇异现象ê描述。Mā因为án-ne,chiah-ê重述ê资料hō͘读者阅读此经册ê时,bē有siuⁿ chē ê生份感,这mā是作者编撰此经册ê另外一个特点。chit-má chia ê「七个天使」捧tio̍h「七个碗」所启示出来ê,teh表示上帝极大ê愤怒,mā因为án-ne,所带来ê就是极大ê灾难,这mā是chit所在「七个天使」kah头前所形容ê「七个天使」无仝ê所在。

    第1节,chit节是作者所看见「另外一个神秘ê景象」ê序言。Chia讲景象非常无仝款,是「koh大koh奇」。Chit-ê「景象」是teh描述天使teh做ê tāi-chì。「七个天使掌管最后ê七种灾难」,表示每一个天使lóng有各自负责ê职责工作,而且「chiah-ê灾难必定会贯彻」上帝ê忿怒。

    第2节,「玻璃ê海」,tī第四章6节有提起chit种「玻璃海」看起来ná亲像「水晶仝款光洁」ê景象。M̄-koh tī chia则无相仝,chit所在「玻璃ê海」则夹杂tio̍h「火」tī其中。作者约翰讲伊看见得胜者参与歌颂上帝ê行列,强调in手上lóng是「the̍h上帝hō͘ in ê竖琴」,chiah-ê人就是得胜者,in就是得tio̍h平安kah喜乐ê人,因为in已经通过「火」ê考验,赢过ná「兽、兽像」等。

    第3节,「唱上帝奴仆摩西ê歌」,所谓「摩西ê歌」,thang参考出埃及记第十五章1到18节。因为án-ne,有kóa学者认为第2节所提起ê「玻璃ê海,掺杂tio̍h火」,是teh指tio̍h「红海」ê意思,teh表示chiah-ê为tio̍h信仰遇tio̍h迫害ê殉道者,in ná亲像早年以色列民族出埃及ê时chūn,行过「红海」ê时ê景况,ná亲像经过死亡ê威胁,终其尾得tio̍h上帝ê拯救。续落来摩西唱了歌颂上帝ê诗歌。Á「羊羔ê歌」,乃是早期教会以耶稣基督赢过死亡、koh活升天为主要内容(参考使徒行传二:22—36;另外参考使徒信经、尼西亚信经),每pái聚会ê时lóng会用之来歌颂上帝伟大ê救恩。M̄-koh无论是「摩西ê歌」á是「羊羔ê歌」,lóng有一个共同ê主题,就是teh歌颂上帝拯救ê恩典。

    「全能ê上帝」,这是上帝ê特性中siōng重要ê一点(另外两点:上帝乃是无所不在、无所不知ê上帝)。是teh指tī上帝看起来,无做bē到ê事(参考创世记十八:14,约伯记四十二:2,马可福音十:27)。续落来讲上帝ê「作为jōa-ni̍h-á宏伟奇妙」,表示上帝ê作为m̄是用人ê智慧ē-tàng明白透彻。

    「公正真实」ê上帝,这是kui本圣经ê主题之一。上帝ê公正,mā teh表示上帝ê慈爱、怜悯。他怜悯软弱者,m̄-koh对压迫者施行审判kah惩罚。

    第4节,「甚么人敢m̄敬畏」上帝?chit句话thang参考诗篇第八十六篇8到10节,以赛亚书第四十五章22到23节,玛拉基书第一章11节。

    「只有你是神圣ê」上帝,thang参考出埃及记第十五章11节,撒母耳记上第二章2节,诗篇第九十九篇3节,以赛亚书第八章13节。

    第5节,「天顶ê圣殿开了」,thang参考第十一章19节。这是引用摩西带领以色列民族出埃及tī旷野时代ê背景,hit时in建造「圣幕」,tī圣幕ê内面有「约柜」,表示上帝临在其中kah以色列人民对话,kah in同行(参考出埃及记四十:34)。

    第6到7节,chit两节描述「掌管七种灾难ê天使」身上ê特徵,包括有:(a)穿插「光洁ê麻纱衫裤」,(b)胸前系tio̍h「金带」,chit种穿戴ná亲像tī会幕时代大祭司ê穿插仝款(参考出埃及记廿八:4—13)。Chiah-ê天使teh象徵大祭司beh执行上帝ê惩罚命令。

    「四活物ê另外一个」,thang参考第四章6到7节。

    「忿怒ê七个金碗」,chia ê「碗」所用ê希腊文是「phialas」,kah第五章8节所用ê「金炉」mā是用「phialas」chit-ê词。因为án-ne,chia所讲「上帝忿怒ê七个金碗」,就是第五章8节中所提起ê「金炉」仝款,内面贮满tio̍h众信徒ê祈祷,特别是为hiah-ê因福音而受难ê人ê祈祷(另外参考六:10)。

    第8节,天顶ê圣殿充满tio̍h「烟」,chit-ê「烟」表明上帝出现ê一种荣耀方式。Chiah-ê看起来是「烟」,其实也kah云彩仝款(参考出埃及记四十:34,列王记上八:10—11)。Tī旧约圣经中,用chit种方式表明上帝ê荣耀极大,大到人无法度接近。

经文:

启示录 16:1-16:21

注释:

Chit章描述七个天使带「最后ê七种灾难」,上帝用chit种方式ài beh进行最后ê审判。chit七个灾难kah出埃及ê灾难mā有类似ê所在,显示启示录chit本作品ê特色,m̄-nā数字上一再重述使用,而且以数字「七」siōng常见。另外一方面,mā有灾难内容ê重复运用,chit种灾难则以出埃及前,发生tī埃及遍地ê大灾难做基础。M̄-koh tī chit组ê七个灾难中,以第四个灾难siōng特殊,mā是头前灾难所无出现过ê。

    第1节,chit节提起有「大声音向七个天使」发出命令,chit-ê大声音是tùi「圣殿」发出来ê。如果圣殿代表上帝ê居所,则chit声音就是tùi上帝来,他ài beh进行审判kah忿怒而发出声音。

    「碗」,是一种浅浅ê碗,而且tī chit「七碗」ê头前有加上定冠词,表示chiah-ê碗lóng是为某一kóa对象特别订制ê。Chia强调碗中所盛ê,乃是「上帝ê忿怒」。

    第2节,这是「第一个天使」所the̍h ê碗,chit-ê碗「倒tī土脚」,而所带来ê刑罚是hō͘ hiah-ê身上有兽ê印记ê人身上lóng长满「既臭而且毒ê疮」,这mā是hō͘人ê性命受tio̍h严重折磨ê一种方式(参考约伯记二:7)。

    Tī出埃及chìn前ê第六个灾难中,就是「疮灾」(参考出埃及记九:8—12)。申命记记载摩西警告以色列人,若是无遵守上帝ê诫命而过「淫乱」ê生活,会因为án-ne带来上帝ê忿怒而遇tio̍h chit种严厉ê毒疮之灾(参考申命记廿八:35)。

    第3节,这是「第二个天使」the̍h第二个碗,伊kā碗里所盛上帝ê忿怒倾倒tī「海上」,结果「海水」lóng变成「死人ê血」,hō͘海中所有ê「生物全lóng死去」。Chit种灾难tī出埃及ê灾难中mā发生(参考出埃及记七:17—21)。Á tī第一回ê连续七个天使the̍h七支号筒中ê第二个天使,其所造成ê灾难mā是án-ne,hō͘海水变成血,海中生物全lóng死亡(参考启示录八:7)。海是以色列文化中用来表示邪恶ê khiā起ê所在。如果海水lóng变成血,mā表明chiah-ê邪恶者lóng会遇tio̍h死亡ê结果,其所以赖以维生ê环境变迁,无koh适合in khiā起。

    第4节,「倒tī河流kah水源里」,chit种灾难ê方式mā是ná亲像海水变成血仝款,tī chia是hō͘所有河流kah水源变成血,án-ne,kā会hō͘人ê生存tú-tio̍h严重ê威胁。

    第5节,「管理水ê天使」,chiah-ê天使只是负责「管理」,并无发出命令,天使是beh听从上帝发出ê命令做tāi-chì。上帝创造人ê时,mā是赋予人有「管理」ê责任(参考创世记一:28)。

    上帝是「到圣者」,chit句话讲出当时罗马帝国皇帝自认是「神圣」者,m̄-koh启示录作者就是beh hō͘读者知影,只有创造宇宙万物ê上帝,chiah是惟一永生ê主宰(参考出埃及记三:14,以赛亚书四十一:4、四十三:10,启示录一:4、8、四:8),只有他chiah是「神圣」ê。M̄-nā án-ne,chit位创造万物ê上帝mā是「公义ê审判者」,因为án-ne,他一定会替受tio̍h冤屈者伸冤。

    第6节,chia所提起ê「先知」并m̄是指旧约ê先知,却是指tī早期教会中hiah-ê传达上帝信息ê福音工作者(参考使徒行传十一:27、十三:1、廿一:10,哥林多前书十二:28,使徒行传四:11)。

    「上帝子民」,thang参考启示录第六章9节。

    第7节,上帝ê审判是公义ê,chit点mā是kui本圣经ê信息之一。上帝ê公义包括他ê慈爱(怜悯),怜悯慈爱ê上帝,绝对bē hō͘无罪ê人受tio̍h冤屈(参考创世记十八:25)。

    第8节,描述第四个天使。Chit节kah第七章16节相对。启示录ê作者认为归属tī上帝ê子民,in并无会hō͘日头á是任何炎热ê光线所烫伤。会hō͘日头烫伤ê人,就是hiah-ê迫害上帝子民ê人tī土脚掌权ê人。

    第9节,thang参考第21节。人心堕落甚至tú-tio̍h严重ê灾难「犹原不悔改」,ná亲像埃及王仝款,即使受tio̍h hiah-nih-chē ê灾难,mā是想出所有ê办法beh对抗性命ê主宰上帝,chit点chiah是上帝siōng痛心ê事。

    第10到11节,这是第五个天使施行ê大灾难,对象是坐tī「王座」上ê兽,这表示ná专门teh迫害基督徒ê统治者,其实,就是teh指tio̍h罗马帝国皇帝讲ê。当chit-ê忿怒ê碗倾倒落去ê时,发生严重ê变化,一是「乌暗罩tiâu了兽ê国度」,kah以色列人tī出埃及chìn前所经历到ê乌暗仝款,灾难ê情景是埃及人khiā起ê所在chiah有乌暗,而以色列人ê地区lóng大放光明,两个呈现出明显ê对照(参考出埃及记十:21—23)。Chia讲只有「兽ê国度」chiah会被乌暗所罩tiâu,并且hiah-ê人会痛苦到咬舌,chit-ê情景就比埃及所tú-tio̍h ê乌暗iáu koh khah严重à。二是in犹原被毒「疮」缠身,若koh加上乌暗ê痛苦而咬舌,án-ne就是雪上加霜ê痛苦。M̄-koh chit种加重痛苦ê经历,并无hō͘ chiah-ê有权势ê统治者知影谦卑、认罪、悔改,反tńg是变本加厉,拒绝上帝ê恩典。

    第12节,这是第六个天使。伊kā上帝ê忿怒倾倒tī「幼发拉底大河上」,造成河水干涸,并且出现thang通过chit-ê河ê道路。这有kah顶面仝款帝带领以色列人民过行过干涸ê红海(参考出埃及记十四:21)、约旦河(参考约书亚记三:17)仝款。先知以赛亚讲上帝会吹干埃及ê海,并且kā幼发拉底河用烧热风吹干,好带领以色列人tùi受掠之地tńg来故乡(参考以赛亚书十一:15)。

    第13到16节,chit段thang讲是第六个天使kah第七个天使之间ê插入段落,ē-sái讲是另外一个异象。Ná亲像头前两组异象中所提供ê,tī第六kah第七之间koh有新ê异象出现仝款。Thang参考第七章、第十章1节到第十一章14节。

    第13节,tùi「戾龙ê口、兽ê口,kah假先知ê口出来」ê邪灵,tī chia用「水鸡」来表示。作者用水鸡teh代表lah-sap、吹嘘ê意思,teh代表邪恶者ê面目。Tī出埃及灾难中ê第二个就是水鸡之灾(参考出埃及记八:5—7)。作者指出三个邪灵分别出tī「戾龙ê口、兽ê口,kah假先知ê口」出来。

    「假先知」,指ê是专门teh讲白贼言ê人(参考耶利米书十四:14—15),in以欺骗博取人ê信任,喜爱讲谄媚ê话(参考列王记上廿二:6)。

    第14节,chit节提起「邪恶ê灵」ê特徵,就是「会行奇迹」,这是in欺骗人去跟tòe ê pián仙á。

    「伟大ê日子」,这是teh指末日来临,mā是上帝审判ê时刻,m̄-koh同时mā是teh指上帝拯救ê来临(参考玛拉基书四:5—6)。

    第15节,chit节thang参考马太福音第廿四章42到44节、路加福音第十二章35到40节、帖撒罗尼迦前书第五章2节。

    「jōa-ni̍h-á有福」,这是启示录中记载七pái「有福」中ê一个,另外六个记载tī第一章3节、第十四章13节、第十九章9节、第二十章6节、第廿二章7节、14节等等。

    第16节,作者讲beh kah上帝对抗ê所在是tī「哈米吉多顿」。有bē少学者认为这是teh指一个名叫「米吉多」(Megiddo)ê山,m̄-koh却无真正chhōe-tio̍h chit座山。真可能是作者为tio̍h m̄ hō͘统治者发见伊所讲ê意思,故意kā古代军事必争之地,用含糊ê方式来表达,为tio̍h是beh说明上帝绝对bē放过chiah-ê迫害他子民ê统治者,beh hō͘ chit-ê审判ê日子成做一场类似重大而且残酷ê战争hit种,kā所有ê背叛者全部lóng带来惩处。

    第17节,「成了」,chit句话出现tī耶稣基督被钉死十字架chìn前(参考约翰福音十九:30),表示伊完成了上帝ê使命。Tī chia作者约翰是kā它用来表示迫害上帝子民ê残暴统治者沦亡了(参考启示录十四:8),kah耶稣完成上帝使命完全无仝(参考启示录廿一:6)。M̄-koh lóng是teh表示结束ê意思。

    第18节,有大ê响声出现,chiah-ê lóng是启示录作者引用来形容上帝出现ê方式之一(参考诗篇十八:6—15、五十:3—6)。Chit节「地动」用两pái,表示「地动」乃是上帝表达忿怒ê主要方式之一(参考以赛亚书廿九:6,耶利米书十:10、五十:46,以西结书三十八:19—20)。

    第19到20节,地动造成ê灾难非常大。巴比伦「裂为三段」,这表示是彻底ê倒塌,无法度koh再恢复á是khiā起来,mā代表完全毁灭ê意思。Tī chia表面上讲是巴比伦,其实beh讲ê是罗马帝国。

    第21节,「大冰雹」phah到人ê身上。这是上帝用来惩罚背叛者ê工具之一(参考以西结书三十八:22)。Chit种冰雹ê灾难mā是出埃及前ê十大灾难之一(参考出埃及记九:22—25)。上帝mā用冰雹来打击kah以色列人对敌ê亚摩利人,hō͘ in死亡惨重(参考约书亚记十:11)。Chia讲tùi天顶降落ê冰雹重达四十公斤,表示被chit-ê冰雹phah到身上ê人,绝对无生存ê可能。因为「四十」mā代表是极限ê意思。

经文:

启示录 17:1-17:18

注释:

第十七到十八章lóng是teh描述有关巴比伦帝国沦陷ê情景。其实chia讲是巴比伦帝国,真正意思是teh指罗马帝国。Thang án-ne了解:kui本启示录siōng主要ê目的,就是beh安抚hiah-ê tú-teh受难中ê基督徒,á是已经因为福音ê缘故而遇tio̍h残酷迫害ê基督徒家庭,beh hō͘ in知影上帝必定会审判hiah-ê迫害者,而且审判ê时间随时就会来临。作者ê主要用意在tī鼓励chiah-ê受难者、安慰in,hō͘ in知影上帝一定会伸手救助in,替in伸冤。

    Tī启示录中共有七pái提起巴比伦帝国ê灭亡:第十四章8节、第十六章17到21节、第十七章5节、第十八章2节、10节、21节、24节等等。虽讲巴比伦帝国是象徵tio̍h罗马帝国ê意思,m̄-koh mā有另外一个意义,就是撒旦、淫乱ê记号。作者同时mā用天顶ê耶路撒冷来譬喻上帝子民ê团契,因为耶路撒冷ná亲像属tī上帝国度度ê城市仝款。

    第1节,「大淫妇」,圣经作者ài用chit种形容词来描述一个犯罪深重ê城市、国家(参考以赛亚书廿三:15b—16)。Chit-ê「大淫妇」指ê是一个城市,而且又koh是「建造tī河流边ê大城」,这是teh指巴比伦帝国,因为巴比伦城就是建造tī幼发拉底河边。用淫乱来譬喻犯罪,意思是teh指对上帝无忠实(参考耶利米书三:9—10,以西结书十六:30—34),特别是teh指自认为是神明á是teh代表神明ê chit种心态(参考以赛亚书十四:12—15),siōng受圣经作者所讨厌。因为án-ne,tī chia指出七位天使中ê「有一个」kā作者约翰讲上帝beh惩罚chit位「大淫妇」,mā就是beh惩罚chit-ê罪恶甚重ê城市—巴比伦,意思就是beh惩罚罗马帝国。M̄-koh真正惩罚到第十八章chiah出现。

    第2节,真正ê问题是tī chit带头者之背后á是身边会有一大阵拥护者,大家共同参与了淫乱ê事。Chit种共同犯罪ê行为,作者tī chia用「地上诸王」kah「世间ê人」chit-ê词来表示真chē共犯。Á所谓「行过淫」、「淫乱ê酒」,意思是teh指chiah-ê依附tī罗马帝国领导下ê附庸国家,kā罗马帝国看做是「神明」一般teh敬拜,chiah-ê国家ê人民mā tòe统治者ê号令起舞。

    第3节,「受圣神支配」,thang参考第一章10节。

    Chia作者约翰讲伊被圣神带到「荒野」ê所在。「荒野」,mā teh表明是人kah上帝siōng亲近ê所在(参考何西阿书二:14)。「朱红色ê兽」,chit-ê兽kah第十一章3节所描述ê红色大戾龙ê长相仝款,lóng是有「七个头kah十个角」。Chit只兽身上是「遍体写满亵渎ê名号」,表示对上帝极尽ê侮辱。「七」kah「十」lóng有含「chē」ê意思,thang表示「chē」到无法度thang数hiah-nih-chē。作者用「遍体写满亵渎ê名号」chit种语句,teh表示罗马帝国时代,崇拜偶像神明ê风气非常兴盛。

    第4节,chit节真详细地描述着chit-ê「大淫妇」ê穿插,除了有「朱红kah紫色ê衫裤」,iáu配戴tio̍h「金饰、宝石,kah珍珠」,这lóng teh显明这是一个富有ê cha-bó͘人,mā同时表示伊藉tio̍h淫乱累积了真chē财富。Chit-ê隐喻tú好说明tī罗马帝国富裕景况下ê社会非常淫乱。Chit-ê cha-bó͘人手中the̍h「金杯」,而杯中却是「贮满伊淫乱thang憎ê秽物」,这说明「金杯」看起来真耀眼,m̄-koh却是装满hō͘人弃sak上帝教示ê「秽物」。

    第5节,chit节讲出罗马帝国teh崇拜偶像神明上非常严重,koh加上因为经济富裕所带来ê淫乱、荒诞行为真chē。所谓「thang憎ê物ê母」,chit句话表示chit种淫乱ê行为m̄-nā会影响tio̍h koh khah chē人,而且iáu会继续流传到下一代。

    第6节,「血」,Tī圣经中teh代表性命ê意思(参考利未记十七:11)。Tùi chit节thang koh khah清楚罗马帝国对迫害基督徒采取ê手段有jōa-ni̍h-á严厉,因为基督徒被刣ê chē,其所流ê血chē到差不多thang当做「酒」一般hō͘人lim到「醉」,这表示因迫害而遇tio̍h刣死ê人数极chē。Chia作者约翰用「大大惊奇」,描述伊tī异象中看tio̍h hit-ê种凄惨ê景象,kah伊本来所期待看tio̍h情景差别非常大。

    第7节,天使beh掀开chit-ê「大淫妇」cha-bó͘人kah伊所骑ê chit只怪兽ê秘密。Chia讲chit-ê cha-bó͘人是骑tī怪兽顶面,而chit-ê怪兽就是teh指tio̍h罗马帝国讲ê。因为án-ne,讲tio̍h cha-bó͘人骑tī怪兽身上,这lóng是kah罗马帝国有关,有可能是teh指tio̍h罗马帝国ê皇帝。

    第8节,chit只兽家己有修复伤痕ê能力,表示chit只怪兽ê能力真强,mā因为有chit种奇特ê能力,就自认为是神,m̄-nā显现出真骄傲ê心,koh khah hō͘大家看了lóng惊奇地认为它就是神而崇拜它。M̄-koh它「bat活过、chit-má无koh活teh」,这表示m̄是永恒,kah第一章4节、8节、第四章8节、第十一章17节等等所描述ê「昔tī-teh、今tī-teh、将来mā永远tī-teh」ê上帝成强烈ê对比。

    Chia讲只有名「无被登记tī性命册上ê」人,chiah会惊奇chit只怪兽ê koh一pái出现。M̄-koh tī性命册上有名ê人,in并无会惊奇,因为in lóng清楚知影为福音受苦难乃是「正常」ê事,不足惊奇。

    第9到11节,因为启示文学siōng典型ê表现方式,就是用「隐喻」ê方式来描述作者时代ê社会现象,á是想beh传达ê信息,因为án-ne,需要有「智慧」ê人chiah ē-tàng明白chiah-ê数字所代表ê到底是怎样一回事。

    Chia提起「七个头」,指ê是chit-ê cha-bó͘人所坐ê「七座山」,是teh代表七个皇帝。「五个已经倒了」,这是teh指罗马帝国已经往生ê五位皇帝,分别是(1)奥古斯都、(2)提庇留、(3)加里古拉、(4)革老丢、(5)尼禄等五位,而hit位尚且iáu teh ê真可能就是teh指tī尼禄了后,kā混乱ê局势稳定落来ê(6)威斯巴先(Vespasian,68~79)。Á续落来威斯巴先了后ê,乃是(7)提多(Titus,79~81),伊在位期间真短,只有短短两年gōa而已。Á第(8)个就是多米田皇帝,伊是启示录作者时代ê罗马统治者,因为án-ne,第11节讲伊「当teh行向灭亡」,chit点chiah是作者约翰所khah强调ê,伊beh hō͘受苦中ê基督徒得tio̍h安慰,知影所有ê苦难lóng会tī真短ê时间内过去,只要忍耐到底,必定得tio̍h拯救kah天顶ê冠冕,án-ne chiah是作者真正希望传达ê信息。

    第8节ê「ná bat活过、chit-má无koh活teh」chit句话,就是beh kah「昔tī-teh、今tī-teh、将来mā永远tī-teh」相对照;人无论怎样强盛,lóng无法度kah永恒ê上帝相比,koh khah无法度取代上帝。因为人是有限ê,无法度永远存在tio̍h。

    第12到14节,「十个角是teh指十个iáu未开始统治ê王」chit句话thang参考但以理书第七章24节。圣经作者常用「角」表示权力、权柄ê意思。作者约翰讲chit-ê「十个角」所象徵ê统治权并无会真久,只有短短ê「一点钟」。作者beh表明一点:只要是对敌基督者(参考第14节),lóng会真紧会灭亡,in生存ê时间lóng真短促。

    Chit-ê「十个角」并m̄是真有权力,却是小角色而已,因为án-ne,in「ài kā家己ê能力权柄交hō͘ ná兽」,表示in只有ē-tàng听从大怪兽ê指挥。

    「羊羔」teh代表基督,因为án-ne,真正ê问题就是chiah-ê拥有世间权力ê人,lóng想beh kah基督对敌。M̄-koh羊羔(基督)kah所有跟tòe ê人lóng kā赢过chiah-ê拥有世间权柄m̄-koh却想对敌基督ê统治者。

    「万主之主,万王之王」,thang参考tī第一章5节所讲ê:耶稣基督就是「作地上诸王统治者」。Chit句「万主之主,万王之王」mā是用来形容创造宇宙万物ê主上帝(参考申命记十:17,诗篇一三六:2—3,但以理书二:47)。

    第15节,chia ê「各民族、各种族、各国家kah讲各种语言ê人」,lóng是tī chit位大淫妇ê统治之下,顺服tio̍h伊。表示伊ê势力真强大,统治ê范围差不多就是「万国万民」chiah-ni̍h chē,mā因为án-ne,chit-ê帝国chiah会kā家己当做是神明仝款,并且逼kah众人lóng tio̍h敬拜伊。

    第16节,chit节mā thang参考以西结书第廿三章28到30节。

    Chia讲出上帝惩罚ê结果,是hō͘ chiah-ê原本都是顺服大淫妇统治ê,会背叛伊。In beh联合起来对抗大淫妇,而且hō͘ in自相残杀。结果是hō͘ chit位大淫妇付出代价,包括「夺行伊所有ê一切」,原因是chiah-ê过去附庸tī伊ê国家lóng背叛,hō͘ chiah-ê原本所有ê,lóng tī忽然之间消失à。Chit句「hō͘伊赤身露体」,表示强暴伊、侮辱伊ê意思。Á「食伊ê肉」,这表达一种极大ê痛恨(参考弥迦书三:2—3)。续落来是「用火烧」,这是古代siōng严厉ê酷刑之一(参考利未记二十:14、廿一:9),尼禄皇帝当时迫害基督徒siōng不时使用ê刑罚之一种,就是用火kā基督徒活活烧死。chit-má变成罗马统治者会受tio̍h仝款ê惩罚,表示迫害人ê,mā会有「报应」临身。整节经文表达一个意思:上帝beh用严厉ê手段惩罚罗马帝国,而且beh hō͘它完全灭亡。

    第17节,tī第13节已经提起过chit「十个王」会「kā家己ê能力权柄交hō͘ hit-ê兽」。Á tī chit节soah讲出全能ê上帝有奇妙ê作为,他用奇妙ê方法,会án-ne kā统治权交hō͘大淫妇,乃是因为上帝ê奇妙旨意,hō͘ chiah-ê小角色ê王会知影联合起来,有「仝款ê目标」交出统治权。M̄-koh chit种动作,mā是为后来联合起来抵抗大淫妇作准备ê,thang hō͘「上帝ê话实现」。这mā teh说明无论chiah-ê暴君jōa-ni̍h-á伟大,上帝只要伸出手,就ē-tàng hō͘ in自认ê伟大变成火灰。

    第18节,「统治地上诸王ê hit-ê大城」,chia ê「大城」是teh指罗马城。如果以今á日来看,则是teh指因权力大而骄傲,并且对敌上帝救恩ê人、团体á是国家。

经文:

启示录 18:1-18:8

注释:

Chit章是继续第十七章所提起有关巴比伦帝国沦亡ê事,ná亲像chit章虽然是采用了诗体来形容巴比伦灭亡。头前已经有提起过ê,启示录作者引用了真chē旧约ê资料,类似chit种诗歌ê型态tī先知文献中是屡见不鲜。Á tī chia所引用ê资料是kah耶利米、以西结等先知ê作品有关,而且tī第二段经文中特别用君王、商贾,kah水手等三种人物来描述巴比伦帝国ê灭亡。

    Tī chit章作者一再用「惨ah!惨ah!Chit-ê大城」(第2节、10节、16节、19节)来表示巴比伦帝国灭亡ê惨状。头前已经讲过所讲ê巴比伦帝国,就是tī指罗马帝国讲ê。作者写作ê时,tú好是罗马帝国siōng辉煌ê时代,因为án-ne,tī he样ê时空背景之下,预言罗马帝国会亲像巴比伦帝国hiah-ni̍h-á毁灭,是真少人会接受ê。M̄-koh对hiah-ê正tī受苦中ê基督徒来讲,却是真大ê慰藉,而且in mā深信chit种tùi上帝来ê信息必定真紧to̍h会实现。

    另外一方面,mā应该有chit种看法:启示录作者时代,to̍h是罗马帝国国势siōng兴旺,而且tī军事武力、经济、政治等lóng是siōng强盛ê时期,hit时chūn ê统治者lóng会ài kā家己扮演做神明,tī chiah-ê统治者ê眼中,世间无任何一个神明thang kah伊相比。虽然罗马皇帝mā鼓励人民崇拜宇宙ê神明宙斯,其实,he只是表面ê,真正用意是beh人民拜皇帝为神。因为án-ne,当启示录作者teh表明罗马帝国会hō͘ 上帝彻底摧毁、消灭ê时,mā是teh表达罗马帝国所代表ê一切,包括它ê建设、文化活动等等,lóng会hō͘上帝摧毁殆尽。作者khah强调一个基本信仰观念:凡是对敌上帝ê,其结果就是会tùi chit-ê世界上消失。

    Chit段经文是用诗歌ê文体写ê,而且有两pái宣告巴比伦帝国ê毁灭。

    第1节,「另外一个天使tùi天顶落来」,tī第十七章1节讲tī七位天使中,有一位对作者约翰讲话,chit-má则看tio̍h「另外一位天使tùi天顶落来」,而且chit位天使真有权威,tī伊手上是「掌握大权」,身上会散发出「光辉」,「大地」lóng被伊ê「光辉照耀」tio̍h。

    第2节,「倒塌了!大巴比伦倒塌了!」chit句话kah第十四章8节之天使所讲ê仝款。

    Chia用「邪魔ê窝,邪灵ê穴」、「鸟类ê巢」等词来形容巴比伦帝国会遇tio̍h ê结果(参考以赛亚书十三:21—22,耶利米书五十:37,西番雅书二:13—15),chiah-ê用语lóng是teh说明巴比伦帝国过去繁华ê城市,taⁿ 会成做废墟,无koh是人khiā起ê所在,却是野兽、野鸟、野狗等出入、盘居ê荒凉ê所在。

    第3节,「列国lóng lim了大淫妇淫乱ê烈酒」,chit句话thang参考第十四章8节。

    天使指出巴比伦帝国ê毁灭,m̄-nā是因为它犯罪致使ê结果,koh khah惊人ê乃是官方统治者跟tòe犯罪,以及商人为tio̍h thàn钱mā tī犯罪ê事顶面推波助澜。Chit两种共犯,以今á日ê话语来讲,就是所讲ê「官商勾结」。

    第4到5节,「另外一个声音tùi天顶来」,这是teh指另外一个天使发出ê声音。

    「出来!我ê子民」,chit句话是天使teh呼喊khiā起巴比伦城内ê上帝子民,tio̍h赶紧逃离出来。Chit种呼吁mā有含另外一种隐喻ê主要目的,就是beh上帝ê子民m̄-thang kah犯罪ê人做伙,免得受tio̍h污染,á是因为耳濡目染了后,对犯罪ê事麻痹。

    「罪恶滔天」,chit-ê词thang参考以赛亚书第十四章14节、第四十七章8节、10节。上帝「会记得伊邪恶ê行为」,chit句话是teh指统治者kā家己当做神明,想beh取代上帝。Mā就是chiah-ê统治者偶像化、神化了家己,这是上帝siōng讨厌ê事,mā是无法度原谅ê行为。

    第6节,chit节指出上帝ê惩罚有含「报应」ê用意,而且是beh「加倍」,ná亲像倒满「双倍浓烈ê酒」仝款。

    第7节,说明加倍惩罚巴比伦帝国ê方式,就是用它所夸耀kah犯罪行为有jōa重,就用同等ê重量作惩罚。换句话讲,惩罚kah犯罪是同等ê。先知以赛亚对耶路撒冷ê以色列妇女提出警告mā是án-ne(参考以赛亚书三:16—17)。

    「我m̄是寡妇」,chit句话可能引自以赛亚书第四十七章8节,意思是teh指丈夫并无死tī战场。这mā是teh指家己ê国家、军队甚强,m̄免担心妇女会成做寡妇,mā bē有哀伤ê事件发生。

    第8节,「tī仝一工里」,意思是teh指变化极快,差不多无法度预测ê意思。当人当teh享受所得tio̍h ê荣华富贵ê时,却随时发生变故(参考路加福音十二:20)。

    Chia提起饥荒、哀伤、死亡、火烧等四种灾难,而且lóng是tī同时发生。意思是teh指无任何thang逃避、预防、承受ê机会。Mā teh表示是当时ê人料想bē到ê事。

经文:

启示录 18:9-18:17

注释:

Chit段经文是用先知以西结书第廿七章ê资料,该处经文是先知teh为泰尔城ê灭亡哀哭之哀悼文,作者约翰引用chit-ê资料来预言罗马帝国灭亡ê景况。作者用此来讲述上帝审判巴比伦帝国ê情景,并且是用君王(第9到10节)、商人(第11到17节a句)、水手(第17节b句到19节)等三种无仝人物为巴比伦帝国灭亡所唱哀悼ê诗歌,表示各阶层ê人lóng看tio̍h巴比伦帝国被毁灭ê惨状。其实,in并m̄是为该国ê沦亡感觉伤心,却是因为会失去本来ê利益。因为in只有ē-tàng khiā tī远处观看,而且一面观看、一面吐气。

    Koh讲,chit段经文比较特别ê所在,是先知文献有说明hiah-ê hō͘ 上帝忿怒而遇tio̍h毁灭者ê原因。M̄-koh tī启示录ê作者约翰,并无说明为甚么上帝beh毁灭巴比伦帝国。原因是大家lóng已经清楚知影当时罗马帝国统治者是怎样teh对待基督徒,就ná亲像早年埃及、亚述、巴比伦等帝国怎样对待上帝ê子民仝款。

    第9到10节,chit两节是为君王哀悼ê内容。Chiah-ê君王mā teh代表tī罗马帝国兴盛时代,kah之联盟,á是被统辖而成做附庸国家ê君王。In目睹「火烧tio̍h」ê帝国所冒出来ê「烟」mā只有ē-tàng khiā tī远处观望,kah第10节所讲ê「远远khiā-teh」是仝款ê意思,m̄-koh却只有ē-tàng「为伊哀哭」。

    「惨ah!惨ah!」chit-ê用词ê意思是teh指「祸哉!祸哉!」(参考以赛亚书五:8、11、18、20)。表示原本就m̄是teh为hit-ê城ê毁灭哀伤,却是面对审判来临ê时,感觉忧心重重之态。

    「iáu未到一点钟」,表示时间非常短促。这thang看出上帝惩罚ê时刻随时来临,真紧、紧迫。换句话讲,荣华富贵只不过是瞬间ê享受而已,而上帝惩罚时刻来临之快,hō͘人连想tio̍h预防á是预测ê机会都无。

    第11节,tùi chit节开始直到第16节,lóng是借用商人所叙述ê内容,来说明巴比伦帝国毁灭ê惨状。

    「koh khah án怎都无人来买in ê货品了」,chit句话mā thang看出当时ê环境kah背景,是罗马城差不多就是kui个欧洲kah中东世界ê中心。Chit句话mā说明过去tī-chia经商贸易ê商人看tio̍h hit-ê城被毁,mā等于in看tio̍h家己过去所有ê产业、thàn钱ê机会,taⁿ lóng消失了,in mā会因为án-ne而艰苦心。

    第12到14节,chit三节提起详细ê贸易商品ê名称。对照以西结书第廿六到廿七章来看,就会发见二者ê内容真接近。Mā tùi chit三节所描述ê商品内容,thang看出当时罗马帝国ê繁荣、兴盛。

    Thang kā chiah-ê商品分做六大类:
    一是金银珠宝类:包括有(1)金、(2)银、(3)宝石、(4)珍珠等。

    二是高级服饰类:包括有(5)麻纱、(6)丝绸、(7)紫色衣料、(8)朱红色衣料等。

    三是高级艺术雕刻饰品:包括有(9)香木、(10)象牙、(11)木器、(12)铜器、(13)铁器、(14)大理石等。

    四是高级香料:(15)肉桂、(16)香料、(17)香、(18)香水、(19)乳香等。

    五是食品:(20)酒、(21)油、(22)面粉、(23)麦á、(24)牛、(25)羊等。

    六是生产力工具:(26)马、(27)马车、(28)奴隶、(29)人口等。

    Tùi以上所列举ê项目中,tio̍h注意第(28)kah第(29)两项是「奴隶」kah「人口」,这表示当时罗马帝国时代,人口贩卖ê情景真兴盛。

    Tī第14节提起「贪爱」,是teh指人心内ê意念,mā ē-sái讲是心内向往ê意思。

    「koh khah án怎都chhōe不tńg来了」,意思是完全消失了ê意思。

    第15节,chiah-ê商贾mā是kah hiah-ê kan-taⁿ会讲谄媚之言ê附庸君王仝款,只有ē-tàng「远远khiā-teh」(参考第10节)观看,这表示两种意义:其一是知影家己无能力抢救,因为灾难实在siuⁿ大,是in从来无见过ê。其二是in已经heⁿh惊kah m̄知如何是好à。

    第16到17节a,「惨ah!惨ah!Chit-ê大城ah!」,thang参考第10节。

    「iáu未到一点钟,这一切财富lóng丧失!」,chit句话mā出现tī chiah-ê富有ê商人嘴中,因为连「一点钟」都未到,结果hō͘ chiah-ê seng-lí人、好额人就算是想beh抢救财物,却因为时间siuⁿ短促soah会失去一切财富。

经文:

启示录 18:18-18:20

注释:

Chit段经文是用水手ê哀叹声,描述in所看tio̍h ê巴比伦帝国毁灭之惨状。Tùi君王到商贾,koh再从商贾到水手,chiah-ê lóng说明kui个社会主体结构上ê问题,是kui个带状堕落关系,上自君王、下到óa靠劳力生存ê水手lóng仝款犯罪、堕落。M̄-koh另外一方面,mā teh说明无论toh一种阶层ê人,只要看tio̍h巴比伦帝国ê毁灭,lóng只有ē-tàng发出连连ê感叹声,m̄-koh无论toh一个阶级ê人lóng仝款,大家lóng只有ē-tàng眼睁睁地看tio̍h该帝国ê沦陷、毁灭,而无人ē-tàng出手抢救,因为chiah-ê惩罚乃是tùi上帝来极大ê忿怒所致。

    第17节b句到18节,「所有靠海谋生ê人」,这是teh指「船长、旅客(商人)、水手」讲ê。Chiah-ê人mā是仝款,只有ē-tàng「远远khiā-teh」看大城ê毁灭,心中有真大ê感触,chiah会讲出「toh一座城thang kah chit-ê大城相比」chit种话来。

    第19节,「the̍h尘埃掖tī家己头壳顶」,这表示极大ê哀伤(参考以西结书廿七:30,约拿书三:6)。Tī chit三类无仝ê人群中,只有chiah-ê航行ê水手为hit-ê城ê毁灭而哀哭。因为in以后kā无法度koh再像过去hit种,航行来往tī chit-ê富庶、繁荣ê城市。过去in是靠tio̍h chit-ê城市「发财」ê,chit-má会失去chit-ê城市,等于是会失去发财ê机会,性命kah-ná会失去希望kah óa靠一般。

    「iáu未到一点钟」,chit句话mā说明一切状况进行ê比想像中iáu koh khah紧,原本拥有ê财富taⁿ lóng已成泡影。

    第20节,chit节说明作者写chit本经册siōng重要ê目的,就是beh kā 受难中ê信徒讲上帝为in伸冤ê日子终其尾来到,迫害者罗马帝国终其尾毁灭了,天地lóng会因为án-ne大声欢呼。

    「天ah,tio̍h欢喜!」当hiah-ê óa靠罗马帝国而生存ê达官显要、富豪商人、水手等发出哀叹声音ê时,启示录作者约翰则发出另外一种极端强烈对比ê声音,ài「上帝ê子民、使徒kah众先知」lóng「tio̍h欢喜」。因为上帝出手为in「伸冤」ê时刻来临à。

经文:

启示录 18:21-18:24

注释:

这是另外一个异象,chit段经文所描述ê,thang参考耶利米书第五十一章60到64节,lóng是teh描述巴比伦帝国ê彻底毁灭,ná亲像kā大磨石丢入海中、沉入海底仝款,表示永远lóng会消失、沉入海下脚。

    第21节,所谓「大磨石」,这是用来象徵tio̍h罗马帝国。chit-má有强壮ê天使举起chit-ê「大磨石」,kā它猛烈「hiat到海里去」,象徵tio̍h罗马帝国已经hō͘ 上帝ê使者hō͘ hiat到海中,沉入海底,无可能会koh再重新兴旺á是浮出水面,而且天使teh hiat tàn chit-ê「大磨石」ê时,并m̄是轻轻á放落,却是用siōng大ê气力hiat tàn下海去。

    第22节,过去歌舞升华ê景象kā全部消失无看tio̍h,mā听bē-tio̍h à。Chit种被毁灭ê景象thang参考以赛亚书第廿四章到9节,以西结书第廿六章12到13节。

    「琴师、乐手」、「各种手艺ê技工」等,chiah-ê lóng tī说明tī罗马帝国siōng兴旺时代,罗马帝国差不多就是当时欧洲世界文艺、艺术ê中心。

    「推磨ê声音koh khah án怎都听bē-tio̍h了」,表示原本人口真chē,到处餐厅、饭店、khiā家,lóng充满tio̍h人潮,大家lóng teh为tio̍h预备宴会ê佳肴而无闲,taⁿ chit种繁华ê景象无à。

    第23节,chit节thang参考耶利米书第廿五章10节。

    「灯光koh khah án怎都不发亮了」,这是上帝惩罚ê结果。表示过繁华ê景象已经消失,chit-ê城差不多已经成做废墟,无人khiā起,á是已经sàn-chhiah到连点灯ê能力都无。

「新郎、新娘ê轻言细语」,这是用来形容淫乱ê时欢喜ê声音koh khah án怎都听bē-tio̍h了,因为该国已经消灭à。

    第24节,chit节mā是teh回应第六章10节,hiah-ê tī祭坛下呼喊ê声音。说明巴比伦帝国毁灭ê原因,就是因为hit-ê城发见「先知kah上帝子民ê血」,mā说明hit-ê城会毁灭ê原因,就是杀害上帝ê奴仆kah子民,这是上帝siōng无法度原谅ê事。除了这以外,iáu有真chē「被杀害ê人」,in lóng是无辜遇tio̍h杀害者,上帝为in被残害提出伸冤而严厉惩罚巴比伦。

经文:

启示录 19:1-19:10

注释:

第十九章ê 1到10节是继续第十七到十八章,teh歌颂上帝对巴比伦帝国进行严厉审判ê结果。然后tùi第十九章11节开始,直到第廿二章结束,就是属tī启示录最后ê一个段落。Tī chit-ê最后ê段落中,除了继续论到巴比伦灭亡ê情景之外,mā讲tio̍h tī耶稣基督koh再临chìn前,hiah-ê反基督ê气力会koh一pái chhōe机会倒抛,基督徒kah教会会受tio̍h攻击,m̄-koh续落来了后,就thang看tio̍h新天新地ê出现,mā就是新ê耶路撒冷来临。

    Tī chit段经文中,共计出现三组呼teh-hoah歌颂上帝ê声音,第一组tùi第1到4节,呼喊ê声音是来自天顶ê一大阵人;第二组是第5节,声音是tùi宝座发出;第三组是第6到8节,声音mā kah-ná是来自一大阵人,m̄-koh是m̄是kah第1节ê人仝款,并无确定。Chit三组所歌颂ê lóng tùi「哈利路亚」开始,因为án-ne,mā hông称做「哈利路亚颂」。

    Chit段经文是续接前第十八章所描述上帝惩罚巴比伦帝国了后,天顶就跟tòe发出欢喜颂赞ê歌声,表明对上帝惩罚巴比伦帝国ê欢喜。

    第1节,chit节ē-sái讲是teh回应第十八章20节所提起ê「天ah,tio̍h欢喜」。Chia提起有天顶kah-ná有「一大阵人teh呼喊」,chit群人是第七章9节所提起是「经历过大灾难ê」信徒,á是「为耶稣做证来殉道ê人」(参考启示录六:10、十七:6)。M̄-koh mā有可能是teh指「千千万万天使」teh歌颂ê声音(参考启示录五:11)。Á是第4节则提起tī chiah-ê大歌声中,iáu有二十四个长老kah四个活物同声齐teh唱「哈利路亚」。

    「哈利路亚」chit-ê词连续出现四pái(参考1、3、4、6节)。这是犹太人用来歌颂上帝ê siōng普遍ê话语,意思就是「Lín tio̍h o-ló上帝ê名」(参考诗篇一三五:1)。「救恩、荣耀、权能lóng是tùi咱ê上帝来ê」,chit句话thang参考马太福音第六章13节,耶稣基督教导他ê门徒祈祷ê时用ê结尾句话。Mā thang参考启示录第十二章10节,天使用chit种句话teh o-ló上帝ê救恩。

    第2节,大家齐声歌颂上帝是因为他审判hit-ê「大淫妇」,而且上帝ê审判是「真实公义」ê。因为伊除了「败坏世界」之外,伊mā同时杀害「上帝奴仆」(参考启示录十六:5—6、十八:20),对tī án-ne恶质ê罪行,上帝ê审判绝对是严厉ê。

    第3节,这是第二pái用「哈利路亚」来歌颂上帝。

    「火烧ná大城ê烟不断」,表示惩罚极重,受罚ê城非常凄惨,差不多是hō͘焚毁殆尽,表示上帝惩罚罗马帝国mā会是án-ne严厉。

    第4节,这是第三pái用「哈利路亚」歌颂上帝公义ê审判。Chit节mā koh一pái提起「二十四位长老kah四个活物」,这mā是本册最后一pái提起。In ê出现lóng是为tio̍h歌颂o-ló上帝,thang参考第四章到11节、第五章8到14节。

    「阿们」,意思是「心内完全同意」。

    第5节,这是另外一个声音,有mài-koh tī第1节发出ê声者。
    「续落来」一词,表示chit-má发出ê「声音」kah头前ê声音是相关连ê。Chia特别说明声音是tùi「宝座」发出ê,而chit声音ê内容,是teh召唤所有「敬畏」上帝ê人lóng来歌颂「o-ló」上帝。

    第6节,这是第三个声音出现,kah头前两种仝款,lóng是一大阵人ê声音,m̄-koh声源是m̄是仝款并无确定。作者用三种无仝ê内涵来描述chit pái声音ê差别,第一个ná亲像「一大阵人」发出ê声音;第二个声音ná亲像「大瀑布」仝款,chit-má则像「雷轰ê声音」,圣经作者ài用「雷轰」ê声音表示上帝ê拯救力量临到(参考以赛亚书廿九:6,约珥书三:16)。

    「全能ê上帝做王」,意思是teh指上帝掌权,m̄是属tī政治领域,却是性命ê领域,即使是统治者,in ê性命mā tī上帝手中,上帝是in ê王,是in性命ê主宰。

    第7到8节,除了歌颂上帝ê伟大之外,Tī chit两节siōng特别ê是提出「羊羔ê婚期到à」,chit种用婚姻ê关系来描述上帝kah他ê子民之间关系,ná亲像「夫妻」一般有bē-tàng分ê亲密关系(参考以赛亚书五十四:5—8,以西结书十六:8,何西阿书二:16、19—20)。启示录作者约翰tī chia beh表明一个重要信息:上帝绝对bē hō͘他所意爱ê「bó͘」受难而无顾。

    「洁白光亮ê麻纱衫裤」,chit间代表ê意思就是上帝众子民ê「义行」,表示in确实是有遵照上帝ê旨意做tāi-chì,无任何邪念。

    第9节,「你beh写落来」,这是天使hō͘作者约翰ê命令,ài伊写落来所看tio̍h ê chiah-ê异象。Á tī chit记录中特别强调ē-tàng受tio̍h邀请参加羊羔婚宴ê是「有福」ê人。因为he是上帝国度ê喜宴,上帝就是婚宴ê主人。先知以赛亚讲上帝ê喜宴非常「真贵」(参考以赛亚书廿五:6)。

    第10节,chit节讲beh敬拜ê对象,m̄是天使,因为天使mā是人,只因为忠于上帝了后,hō͘ 上帝拣选出来传达上帝信息ê「奴仆」。天使m̄是神,m̄是万物kah性命ê创造者,mā是上帝「奴仆」。

    启示录作者一直努力teh传达一个信息:旧约先知所预言ê事,lóng tio̍h tī耶稣基督ê身上彰显出来。耶稣基督就是旧约众先知所预言拯救之爱ê总结。

经文:

启示录 19:11-19:21

注释:

Chit段经文是七个异象中ê三个异象,第一个异象是tùi第11到16节,讲有一个骑tio̍h「白马」ê人出现。Tùi kui个经文脉络看起来,真清楚说明chit位骑tio̍h「白马」ê骑士就是基督耶稣。第二个异象是tùi第17到18节。Chit幕ê景象真可能取材自以西结书第三十九章17到20节,描述歌革被毁灭ê情景。Chit种宴席kah原本tī享受上帝国度ê羊羔宴席(第9节)成强烈对比,因为chit-ê宴席是悲惨ê。第三个异象是第19到21节,chit-ê异象是有关怪兽kah它ê附庸军队kah白马骑士ê军队之间ê最后一战。

    第11节,这是第一个异象。
    「我看见天开了」,表示人kah上帝之间ê关系拉近了,mā ē-sái讲是teh描写「天人合一」ê一种方式(参考创世记廿八:10—13,马可福音一:10,使徒行传七:55—56)。作者讲伊看见「有一匹白马」,根据第六章2节,表明是「得胜者」,是胜利ê颜色。Á「骑马」ê人被称做「真实」kah「可靠」,原因是伊用「真实」来审判,óa靠伊ê人会感觉安稳,因为伊是可靠ê领导者,mā是siōng好ê统治者(参考以赛亚书十一:4—5)。

    第12节,chit节描述chit位骑马者ê形像:
    「目睭像火焰」,表示thang透视人心内隐藏ê意念,mā thang消除一切邪恶ê存在(参考一:14、二:18)。伊ê「头壳顶戴tio̍h真chē冠冕」,这teh表示伊有像君王仝款ê绝对权柄,thang治理万邦、万国、万族ê意思。M̄-koh却「无人知影」伊ê名,这到底是甚么意思?确实真oh解说。就kah-ná人想beh知影上帝ê名,却无法度理解(参考出埃及记三:13—14)。因为圣经时代ê人认为,有号名ê权柄á是知对方名ê意思ê人就有控制权。

    第13节,这是第一pái说明chit位骑士ê名是「上帝ê道」。「上帝ê道」指ê是上帝ê「话」,他ê话thang用来审判邪恶者、压迫者,同时用他ê话进行拯救ê工作。伊身上「穿ê棉袍染满血」,chiah-ê血是chit位骑士刣死ná「大淫妇」后被溅(chōaⁿ)tio̍h ê血(参考以赛亚书六十三:1—3)。

    第14节,「天顶ê军队」,意指天军(参考路加福音二:13)。Chiah-ê军队lóng是「穿插洁白ê麻纱衫裤」,kah跟tòe白马骑士去作战,这已经是一种phah赢ê姿态。

    第15节,chit位骑tio̍h白马去作战ê君王,tùi「嘴中吐出一把利剑剑ê剑」(参考启示录一:16),chit-ê剑teh表示惩罚ê利器,对邪恶ê势力thang hō͘ in严厉制裁。Á「铁杖」,表示顶真、清楚ê规律。

    无论是用剑á是铁杖,lóng是teh象徵上帝ê「话」,因为上帝ê话比双刃ê剑iáu koh khah利ê剑仝款(参考希伯来书四:12)。

    第16节,这是第二pái提出chit位骑士ê名,是「万王之王、万主之主」。

    Tī chia真oh理解为甚么会kā名写tī「腿上」,可能是因为骑马ê时,伊穿插ê棉袍,tú好盖tī大腿处之故。另外有一种看法认为是骑士ê名写tī伊身上配戴ê剑鞘上,而剑tú好挂tī大腿处。

    第17节,「天使khiā tī日头里」,表示非常清楚一切景象,无任何事物ē-tàng tùi chit位天使ê眼中隐藏起来。讲chit位天使向「空中所有ê飞鸟」呼喊,ài in「同齐来参加上帝ê大筵席」。这原本ê意思是teh指大家同齐聚集做伙,无论是甚么人,只要是ē-tàng食ê,lóng同齐来。

    第18节,chit-ê宴席hō͘人看tio̍h ê景象是真恐怖ê,因为chit-ê景象就ná亲像空中ê兀鹰teh等待食动物á是人尸体ê肉仝款。Kah原本ê上帝国度宴席是喜乐、满足,完全颠倒,作者用chit种方式teh表明,这已经m̄是一种宴席,却是非常严厉ê审判,而且审判ê对象,是包括所有对象,无任何一个人ē-tàng幸免。

    第19节,这是一个异象。作者看见怪兽beh联合真chē附庸在身边ê「诸王」、「军队」,beh kah白马骑士以及伊ê军队对抗、作战。虽然已经有真chē景象提出警告,m̄-koh chiah-ê拥有权力ê怪兽lóng m̄认为意,认为in有能力对敌代表「上帝ê道」ê白马骑士。

    第20节,chit节thang参考第十三章13到14节、第十六章13到14节,记载会行奇迹ê假先知不时迷惑人弃sak上帝ê话语。M̄-koh chit-má chit-ê「兽」kah「假先知同齐被俘」,因为in phah了败仗。上帝kā in「活活地hiat入去hit-ê火烧tio̍h硫磺ê火湖」当做严厉惩罚。Chit-ê「火湖」里ê火永远bē熄灭(参考路加福音十六:24,马太福音三:12)。

    第21节,所有附tùi「兽」kah「假先知」ê人mā lóng会受tio̍h仝款惩罚ê结果。Chit种观念kah先知耶利米有密切关系(参考耶利米书十四:15—16)。

经文:

启示录 20:1-20:6

注释:

Chit章描述上帝怎样惩罚怪兽,kah假众先知对众人ê迷惑,以及击败撒旦ê情景,同时mā提起最后ê审判。Chit章thang讲是续接第十八章teh描述大巴比伦帝国毁灭ê情景,只是chia kā大巴比伦转换做怪兽、古蛇、撒旦、魔鬼等名称。作者约翰kā大罗马帝国譬喻成做chit四种tī早期教会hō͘人看做是对敌基督siōng恶质ê怪兽。Chit章siōng重要ê所在,就是hō͘读者看tio̍h上帝对chiah-ê残害信徒ê邪恶力量,会永远(用一千年来形容)被关tī深渊中,bē-tàng复出。Chit章是新约圣经中唯一清楚讲tio̍h有关终末世界景象ê一段经文。

    Tùi chit章开始,就提起「一千年」chit种用词,这mā就是所谓「千禧年」文献ê背景。Koh讲,chit段经文主要讲tio̍h hiah-ê因为坚守信仰而受难已经死去ê人,lóng会koh活,而且享受kah基督仝款荣耀ê报偿。

    第1节,「无底深渊」,tī启示录出现kúi-nā pái,thang参考第九章1到2节、11节、第十一章7节、第十七章8节等等。作者用「无底深渊」表明是邪恶势力ê居所,chit种势力mā是对敌基督、上帝ê气力。以色列文化中,「深渊」mā用来表示大海、混乱、乌暗。Á深渊mā是属tī上帝创造、管辖ê范围(参考诗篇一三九:8),因为án-ne,chiah会有天使手里the̍h「无底深渊ê锁匙」。M̄-koh tī chit种地方是痛苦ê,即使是邪恶者mā无愿意被关tī chit所在而想出所有ê办法逃避(参考路加福音八:31)。

    「一条粗大ê链á」,这是teh指古代捆缚囚犯ê刑具之一。

    第2节,chia讲tī深渊内面ê「戾龙」,「就是hit-ê古蛇,是魔鬼,koh叫撒旦」,所谓「hit-ê古蛇」,是teh指创世记第三章1节所提起hit只诱惑人弃sak上帝ê话、命令ê奸巧之蛇。Tī以色列民族ê经验中,蛇,是所有动物中siōng难防范,却会对人ê性命造成极大伤害ê动物。因为án-ne用蛇来象徵魔鬼、撒旦,表示siōng难防范,却是会害死人ê气力。

    Chit位「tùi天顶落来」ê「天使」,伊手中是the̍h大链á beh捆缚「hit条戾龙」,kā伊「捆缚一千年」。Chit-ê「一千年」mā thang看做是「十」ê「十」倍ê「十」倍,表示极限ê意思。用「一千年」,是象徵tio̍h「永永远远」ê意思。

    第3节,天使kā chit条戾龙捆缚起来,并kā它「hiat入去无底深渊去,关闭起来」,这表示对戾龙ê惩罚,chiah会kā它关进「无底深渊」中。

    「加上封条」,chit-ê「封条」是teh代表上帝ê权威,无上帝允准任何人lóng无法度去拆开封条。Án-ne,chit条戾龙就无法度擅自出来「koh再去迷惑列国」。

    「暂时被释放」,tī第7到10节有进一步解释。表示chit条戾龙iáu会继续做困兽之斗。M̄-koh,它ê时间并无chē,只有目nih-á ê机会而已。

    第4节,「koh看见一kóa宝座」,表示这是附属tī siōng重要ê中心宝座周围之座位。因为启示录讲tio̍h siōng重要「宝座」ê时,lóng是teh指hit-ê属tī上帝ê宝座。只有「天顶ê宝座」chiah有荣耀thang讲,mā只有「天顶ê宝座」chiah ē-tàng拥有审判ê权柄。

    Chit节提起「因承认耶稣所启示ê真理kah上帝ê道而被杀害ê人ê灵魂」,kah hiah-ê「无拜过hit-ê兽á是兽像」,以及hiah-ê「额头á是手上mā无hit-ê兽ê名号」者,chiah ē-tàng坐tī hiah-ê宝座上。作者强调chiah-ê人即使已经死去,m̄-koh「lóng会koh活」,然后kā坐tī天顶荣耀ê宝座上。Siōng重要ê,就是chiah-ê有福气ê人,lóng会kah耶稣同koh活,而且「kah基督同齐做王一千年」,而chit-ê千年tú好kah戾龙被关tī深渊ê时间仝款。

    第5节,提起「其余」ê人,就是teh指信徒,in koh活ê时间会比前者慢「一千年」。

    注意chit-ê「头一pái ê koh活」ê意思,可能是teh指第一批koh活ê人。

    第6节,chit节解释了「头一pái koh活」者,in lóng是「圣洁有福」ê人,享受下列ê特权:一是死亡无法度管辖in、二是成做上帝kah基督ê祭司、三是kah基督做王一千年。

    Chia是第五次提起「有福」,启示录共计提起七pái ê「有福」(参考一:3、十四:13、十六:15、十九:9、二十:6、廿二:7、14)。chit-má是「有福」koh加上「圣洁」,chit-ê「圣洁」一词,表示「分别为圣」ê意思。这特别表明带有「祭司」角色ê意思,因为祭司teh献祭ê时,lóng一定tio̍h保持「圣洁」ê身躯。

经文:

启示录 20:7-20:15

注释:

Chit段经文采用了以西结书第三十八到三十九章ê资料,mā同时解释了第3节提起ê撒旦暂时被释放出来ê情景,它虽然极力想作「困兽之斗」,m̄-koh最后iáu是失败à。

    Chit段mā是继续teh描述第10节所提起ê最后审判。Tī最后审判ê时chūn,就是用上帝做中心,他ê裁判chiah是公义、正确ê。

    第7节,「撒旦beh tùi囚禁中被释放出来」,咱确实真oh理解为甚么只囚禁撒旦一千年,却m̄是永远囚禁?m̄-koh对当时ê信徒来讲,一千年差不多就是代表永远。因为tī in ê观念中,基督随时beh koh再临,hit时天地lóng会毁灭。当时是由天使the̍h一条粗大ê链á,kā撒旦捆缚关tī无底深渊中。chit-má是甚么人去kā它释放出来,并无说明,mā可能是由天使负责chit件事。

    第8到9节,「歌革」kah「玛各」,这是teh指teh代表邪恶势力ê领袖。In汇集了hit-ê像「海滩上ê沙hiah-nih-chē」ê气力,想beh对敌上帝。「m̄-koh有火tùi天顶降落,吞灭了in」,无论chiah-ê邪恶ê气力jōa大,上帝一定会tī审判ê日子来临,tùi天顶降落大火kā in完全消灭。

    第10节,chit节提起hiah-ê「迷惑」人心ê气力会hō͘ hiat去「火kah硫磺ê湖」,he是「日夜受折磨」ê痛苦地方(参考马太福音三:12,路加福音十六:24)。这是上帝惩罚hit-ê诱惑人弃sak他旨意ê「兽kah假先知」ê所在,而且chit种惩罚会「永远bē休止」。

    第11节,chia用「白色」,表示圣洁ê意思,同时mā表示永恒ê意思。「大宝座」,表示he是上帝ê位置。

    「天kah地」lóng会消失无看tio̍h,这通常lóng是一个全新ê时代teh beh来临ê前奏(参考第廿一章)。会有chit种看法,乃是因为天kah地lóng是上帝创造ê,当上帝beh更新创造ê时,chiah-ê旧ê创造就会消失(参考诗篇一○二:25—26),这mā是启示录第廿一章1节所讲ê。

    第12节,chit节提起两本册,第一本「案卷」是每一个人ê记录簿,记载每一个人ê言行记录(参考但以理书七:10)。另外一本是「性命册」。Tī启示录共计提起六pái性命册ê事(另五处thang参考三:5、十三:8、十七:8、二十:15、廿一:27)。Tio̍h注意ê是负责写落来记录ê是每一个人所属ê天使teh记录(参考马太福音十八:10)。Á记录落来ê chiah-ê资料,就是beh做上帝审判人ê根据。

    第13节,「海」、「死亡kah阴间」,chit-ê三者总和teh表示所有已经死去ê人lóng tio̍h接受审判。并m̄是人死去就准tú好,每一个人lóng一定tio̍h接受审判,而且照每一个人ê行为来审判。

    第14节,chia ê「死亡kah阴间」,lóng是teh代表无好ê、邪恶者。Tī chia是邪恶者ê拘留所。Mā lóng会因为为被审判而受tio̍h被「hiat入去火湖里」ê刑罚,kah hit-ê迷惑人ê魔鬼仝款(参考第10节)。

    「第二pái ê死」,意思就是彻底消灭,无koh存在。第一pái ê死,就是teh指肉体ê死,m̄-koh第二pái ê死,就永远灭亡了(参考马太福音十:28,路加福音十二:4—5)。

    第15节,「名无tī性命册上ê」人会hō͘ tàn入去火湖里。表示tī性命册上有名ê thang享受天顶荣耀宝座,而性命册上无名ê,就永远消灭。

经文:

启示录 21:1-21:8

注释:

Tùi chit章开始直到第廿二章5节,作者Tī chit段经文中用两个主题来叙述:邪恶ê气力被制服了后,一个ná亲像创造之初全新ê天kah地随时出现,呈现出得胜ê荣耀景象。两个主题分别是:一是第廿一章1到8节ê新天新地;二是第廿一章9节到第廿二章5节ê天顶之耶路撒冷城。

    Tī chit段经文中,作者kā耶路撒冷、圣殿、伊甸园等三个合并做伙论述。Tī新ê天地里,新ê耶路撒冷就是一个神圣敬拜上帝ê所在(圣殿),mā是人间siōng súi ê khiā起环境(伊甸园)。Chit-ê新天kah新地是上帝ê「家」(指新ê耶路撒冷),是直接tùi天顶降落来ê。作者用chit种方式teh表示:上帝kah他tī土脚子民khiā起ê「家」同时并存,chit种「家」mā是siōng美好ê境界。作者约翰为tio̍h beh表示chit种siōng koân ê súi境界,差不多是用伊所ē-tàng想像会tio̍h ê人间siōng珍贵ê物来描述chit-ê新天新地ê美。

    Chit段ē-sái讲是描述新天新地siōng美好ê经文。同时koh一pái讲出审判ê结果。M̄-koh强调ê是kah上帝有性命之「约」ê子民,lóng会得tio̍h永远ê性命,是「新」ê性命。相对ê,mā有「永死」ê惩罚teh等待。

    第1节,chia所讲ê「新天新地」,作者用「天地」所表示ê意义是teh指kui个宇宙ê意思,却m̄是指上帝khiā起ê「天」。Chia ê「新」字,表示m̄-bat使用过ê意思,就ná亲像创世记第一章开始所描述ê,是tùi混沌到开始,mā就是tùi「无」到「有」ê境界。Tī「新天新地」来临ê时,「海mā消失à」。因为tī以色列文化中,认为「海」是对人kah万物ê性命构成威胁ê气力,chit字不时用来表示「bē稳定」kah「失衡」ê状态。M̄-koh当「新天新地」出现ê时,chiah-ê对性命构成威胁、bē稳定ê气力lóng会消失,因为「新天新地」带hō͘性命是安全、稳定、永恒ê,就án-ne「海」就bē koh再出现。

    第2节,所谓「圣城」,指ê就是新耶路撒冷,表示有上帝khiā起ê所在,chiah被会称做「圣」,这有mài-koh tī旧ê耶路撒冷。Koh讲,作者tī chia特别强调「新耶路撒冷,由上帝hia,tùi天顶降落来」ê,这teh表明chit-ê新ê圣城,并m̄是用人ê手建造ê,是上帝亲手建造。

    Chit节mā回应第十九章7节所讲ê「新娘准备好势了」ê观点,这是采用了以赛亚书第六十一章10节ê资料。作者引用以色列人民siōng欢喜表达in kah上帝之间ê关系:上帝就ná亲像是丈夫,以色列民族ná亲像bó͘。用chit种夫妻间亲密ê关系来形容一个全新、重造ê生活世界。因为án-ne,chia用「像打扮好势ê新娘来迎接伊ê丈夫」,表示这是非常欢喜、欢欣ê心境,一切lóng已经准备好势à。

    第3节,「有大声音tùi宝座发出」,是tùi天顶ê主宰上帝所发出ê声音。Chit声音mā是审判kah赐福ê声音。

    「上帝ê殿tī人间了」,这ná亲像创造之初所描述ê伊甸园仝款(参考创世记第二章)。另外一方面,chit句话mā teh表明上帝kah人khiā起做伙。因为án-ne,「上帝beh亲自kah in同在,beh做in ê上帝」,chit句话ê意思ná亲像先知以赛亚所讲ê「以马内利」(参考以赛亚书七:14,马太福音一:23)。

    第4节,chit节充分显示过去性命受苦难ê日子,是哀伤、痛苦ê,taⁿ却因为上帝拯救ê疼,hō͘他ê子民因为án-ne「无koh有死亡,mā无悲伤、啼哭,á是痛苦」,取而代之ê,就是欢笑kah满足,因为上帝ê拯救已经来临。

    第5节,「坐tī宝座上ê hit位」,指ê就是上帝,因为只有上帝chiah是天顶宝座ê主人。他一开嘴就讲:「看ah,我更新一切!」,chit句话ná亲像他开始创造ê时所讲ê「看ah,ài有光」chit种句型仝款。

    「伊koh讲」,原文是teh指另外有一个声音讲话,却m̄是坐tī宝座上ê全能者上帝所讲ê话。真可能是天使受命kā启示录ê作者约翰讲ài伊kā所听tio̍h ê话lóng「beh写落来」,因为上帝ê话是「真实可靠」ê。所谓「真实可靠」,指ê是公义、怜悯,而且会永远遵行所立ê「约」。

    第6节,chit节经文mā thang参考启示录第一章8节、第廿二章13节。

    「成了」,表示已经照上帝ê旨意,完成了应该做ê事(参考约翰福音十九:30)。这m̄-nā是tī惩罚hiah-ê邪恶ê气力,mā赐福hō͘ hiah-ê因为坚持信靠耶稣到最后ê信徒,in终其尾得tio̍h拯救ê恩典。

    「开始」,chit字原本ê意思是teh指一切ê起头,带有「根」ê含意在内面。表示上帝就是一切性命ê根源,tī上帝内面chiah有性命thang讲。

    「终结」,chit字ê意思是teh指「完成」,是圆满达tio̍h目标,却m̄是「结束」。

    「性命ê泉水」,thang参考诗篇第三十六篇9节。Tī上帝ê惩罚中,原本所有ê泉水、河水、海水lóng已经变色,而且对所有ê性命构成灾害(参考启示录十六:3、4)。M̄-koh chit-ê「性命ê泉水」,则相对ê带hō͘人类kah所有性命。chit-ê泉水beh赏赐hō͘真正「嘴干ê人」。

    第7节,「得胜ê人thang领受chiah-ê」tùi上帝来「白白」赏赐ê恩典(参考启示录二:7、11、17、26、三:5、12、21)。Chit种恩典就是上帝kah chiah-ê「得胜ê人」之间,有特殊ê性命之「约」ê关系,chit关系ná亲像「父kah Kiáⁿ。」,mā像夫妻之间hit种亲密。

    第8节,相对tī「得胜者」,就是失败者,有下列几种:

    一是「懔neh」:指惊惶而放弃信仰者。

    二是「背信」:kah懔neh类似。指对信仰无法度坚持到最后,tú-tio̍h困境随时改变者。

    三是「腐败」:指放纵行为、败坏性命纪律者。

    四是「刣人」:特别是teh指hiah-ê迫害基督信徒致死ê统治者、帮凶。

    五是「淫乱」:指tī信仰上不纯洁。另外mā thang指hiah-ê tī伦理道德生活中无严守纪律者。
    六是「行邪术」:指诱惑人弃sak上帝ê人。

    七是「拜偶像」:kah「淫乱」ê意思仝款。另外一方面,mā是teh指kā人当做神明崇拜。

    八是「所有讲白贼ê人」:是teh指不诚实ê人,mā是teh指会用虚假ê话来迷惑人弃sak上帝ê人,chit种人ê心中无上帝、mā bē承认上帝ê存在,in siōng具体ê表现就是骄傲、狂傲(参考诗篇十四:1)。

    「第二pái ê死」,这是teh指永远tī死亡中受苦(参考路加福音十六:24)。

经文:

启示录 21:9-21:27

注释:

Chit段经文是teh描述新ê耶路撒冷城,用此来譬喻新ê天地出现kah过去ê景况完全无仝款。chit-má是一座非常荣耀ê圣城,因为上帝kah羊羔就是hit-ê城ê管理者kah掌权者。作者约翰用hit-ê城无需要点灯mā会明亮,甚至光芒四射ê描述,来突显出圣城kah人所建造ê城境界是完全颠倒ê。

    第9节,thang参考第十七章1节,m̄-koh并bē-tàng确定是m̄是仝一个位天使。chit-má所看tio̍h ê是纯洁「新娘」,mā「就是羊羔ê bó͘」。

    「羊羔」,chit位词tī本册第廿一到廿二章共计出现七pái(参考启示录廿一:9、14、22、23、27、廿二:1、3)。Teh表明上帝ê拯救,ná亲像一只献祭tī祭坛上ê羊羔,带有救赎性命ê重要含意。另外,「羊羔」mā teh表示特别拣选ê「对象」。古早时ê以色列人,beh献祭ê羊羔lóng一定tio̍h经过特别ê拣选,确定是无缺陷chiah thang献tī祭坛上(参考利未记一:3、10)。

    第10节,「圣神支配tio̍h我」,chit句话thang参考启示录第一章10节。表示chit-má作者m̄是tī自主ê状态下,却是由圣神支配伊ê性命。

    「天使kā我带到高山ê顶峰上去」,表示作者约翰chit-má是神魂离开身躯,chiah ē-tàng hō͘伊看见「异象」,mā只有chit种状况下,伊chiah ē-tàng tī极高ê山顶上「由上帝hia、tùi天顶降落来ê圣城耶路撒冷」,意思是teh表示一个敬拜上帝ê所在,是神圣ê,mā是用上帝做中心ê国度。因为chit-ê城市有上帝khiā起、同在(参考本章第3节)。

    Tī「高山ê顶峰上」,这mā teh表示人心灵升华到某一个层次ê时,就会经历一般人无法度进入ê境界。

    第11到14节,新ê耶路撒冷城因为是tùi天顶降落来ê,因为án-ne「充满tio̍h上帝ê荣光」。

    「十二」,表示chit-ê新ê耶路撒冷圣城,它带有拣选kah「约」ê意义tī内面。因为雅各teh代表「以色列十二支族」,而雅各kah上帝立有永远ê「约」。因为án-ne tī「十二个门」顶面lóng有写十二支族ê「名」。Chit-ê名表明ê是立约ê记号。「每边各有三个门」,án-ne有四边,tú好是十二个门。

    「十二使徒ê名」,作者用chit种方式主要teh表达一个重要ê信念:旧约并m̄是单独存在ê,却是为tio̍h新约ê来临所准备ê;而新约mā m̄是单独存在,是延续旧约而来ê。因为án-ne,tī第12节说明是以色列十二支族ê名,tī第14节则说明是十二个使徒ê名。Koh讲,作者讲chit「十二使徒」teh代表「十二块基石」,chit-ê基石就是代表上帝ê kiáⁿ耶稣(参考马可福音十二:1—12),mā teh代表基督教会。

    第15到17节,用尺量城墙kah城门,这thang参考以西结书第四十到四十一章。另外mā thang tùi chia看出,chit段经文其实就是启示录第十一章1到2节ê扩大范围。

    「金ê量尺」,圣经作者用「尺」teh丈量一个对象á是事物ê时,mā teh代表「审判」ê意思(参考阿摩司书七:7—9)。

    「城是四方ê」,而且长kah宽共计达「二千四百公里」,这thang想像得出这m̄是一个小城,却是一个极大ê城。Á二千四百公里,tú好就是十二ê倍数。是一种象徵性ê含意,表明无限大,thang容纳所有ê上帝子民tòa入去内面。

    城墙ê「高有六十公尺」,这是十二ê「五」倍。表示非常完整、内外lóng分得非常清楚,bē受tio̍h外力ê攻击。因为有上帝khiā起tī其中。

    第18到21节,chia作者描述新ê耶路撒冷城墙是用「透明像玻璃ê纯金造ê」,表示tùi天顶降落来ê耶路撒冷非常珍贵、纯洁,连一点点á瑕疵mā无。Chit种圣殿chiah会有上帝降临、同在。Koh khah重要ê,tī chit城ê每一个地方,lóng是纯洁无比,却m̄是只有城门而已,连城内ê街路lóng是非常纯洁,lóng是「像玻璃仝款ê透明」,清澈可见。

    第22节,tī新ê耶路撒冷城内「无看见有圣殿」,这就kah旧ê耶路撒冷「有」圣殿成做鲜明ê对比。

    「全能ê上帝kah羊羔就是圣殿」,chit种「圣殿」已经无koh以献祭为主要ê敬拜方式。一个新ê圣殿出现,mā带来新ê敬拜方式,就是用纯洁ê心敬拜(参考约翰福音四:23—24)。

    第23到24节,thang参考以赛亚书第六十章2到3节、19到20节,诗篇第三十六篇9节。

    因为上帝本身就是亮光,羊羔就是城内ê灯。光kah灯,lóng teh表示明亮,同时mā是teh表明性命ê气力。

    第25到26节,圣经作者ài用「光」来teh代表性命、希望。用「乌暗」来表示「死亡」。因为án-ne,chit两节tú好kah前两节相对应。

    城内无「乌夜」,表示chit-ê上帝ê城内,无hō͘人吓(heⁿh)惊、惊惶、担忧,mā无危害性命ê气力存在。Mā因为án-ne,根本就无需要城门来当做「隔离」ê需要。这mā表示tī上帝ê城内,是无彼此之分(参考以弗所书二:14),因为大家lóng仝款尊贵、荣耀,无人会因为性命受tio̍h威胁而惊惶(参考以赛亚书二:2—5)。

    第27节,相对tī hiah-ê名被登录tī「性命册」上ê人,就是hiah-ê tī性命册上无记落来名ê人,in是hō͘排拒tī城外、hông弃sak ê人,chiah-ê人会亲像耶稣所讲ê,只有ē-tàng tī外面咬牙切齿、啼哭(参考马太福音八:12、十三:42、50、廿二:13、廿四:51、廿五:30,路加福音十三:28)。

经文:

启示录 22:1-22:5

注释:

Chit章1到5节是继续第廿一章9到27节所描述新耶路撒冷ê景况。续落来第6节开始一再地强调讲:koh活ê耶稣teh beh来临。Á伊ê来临会是真清楚ê审判,而且按照每一个人ê行为hō͘ in应得ê报应。

Chit-má第廿二章1到5节是继续讲tio̍h新ê耶路撒冷城之内部。虽然是只有短短ê五节经文,ē-sái讲是却hō͘读者真容易想tio̍h创世记第二章伊甸园内部ê景象,有河流、性命树,以及歌颂o-ló上帝,因为tī chit新ê城里,无koh有乌夜、死亡,这是上帝完全ê统治之地。这真清楚表明新ê耶路撒冷城,m̄是用人ê手建造起来ê,却是上帝亲手建造ê城。

    第1节,thang参考以西结书第四十七章1到12节;该处描写先知以西结tī异象中看tio̍h圣殿ê门口,有泉水tùi门ê入口所在下底涌出,流向东方,就是圣殿头前ê方向。Tī撒迦利亚书第十四章8节,soah讲tī耶路撒冷kā有「活水」流出来,分做两半,一半流到死海,另外一半流到地中海。

    「天使」,这是teh指第廿一章9节提起ê hit位天使。

    「性命ê河流」,tī第七章17节、第廿一章6节lóng bat提过chit-ê性命ê泉水。Hit-ê诗人mā án-ne讲:「有一道河流kā喜乐带到上帝ê城,到至高者khiā起ê圣所。(全民版)」(诗篇四十六:4)先知约珥ê预言中mā án-ne提起,有án-ne ê一工,上帝beh临到耶路撒冷,hit时chūn「有一条泉水beh tùi上主ê圣殿流出来」(参考约珥书三:18)。

    「tùi上帝kah羊羔ê宝座流出来」,chit句话已经真清楚说明,ē-tàng赏赐性命泉水ê,是上帝kah羊羔耶稣,却m̄是任何人为ê气力。

    启示录作者用chit种方式真清楚teh说明一个基本认bat:用真诚kah心灵敬拜上帝ê人,chit种人ê性命kā有上帝同在,而伊会ná亲像得tio̍h永远bē止息ê泉源一般,有永恒ê性命(参考箴言十五:27),因为上帝就是「性命ê泉源」(参考诗篇三十六:9)。

    第2节,thang参考启示录第二章7节,以西结书第四十七章12节。

    Tī伊甸园中有一棵是分别善恶ê果子树,另外一棵是性命树。M̄-koh人违背上帝旨意偷食了分别善恶ê果子,结果上帝派出天使kā性命树包围起来,hō͘人无法度接近,直到启示录讲出未来ê景象ê时,人才有机会koh一pái得tio̍h chit-ê性命树ê果子。

    「性命树」,就是用性命ê泉水灌溉ê,结出来ê果子就蕴含永恒ê性命。chit-ê树ê果子mā ē-sái病人得tio̍h医,因为树ê叶áthang当药材。换句话讲,新ê耶路撒冷并m̄是只提供福气hō͘ khiā起tī内面ê人,甚至mā thang帮助hiah-ê iáu未进入ê人,性命得tio̍h医。

    「河ê两pêng有性命树」,chit句话是teh表示随时伸手lóng thang摘得tio̍h性命树ê果子,而且永bē缺乏,因为是「每年结果子十二次」,这「十二」,thang表示齐全、完美ê意思,mā表示果子够额提供给上帝所有ê子民。

    第3节,参考创世记第三章14到19节,chit段经文记载当人犯罪了后,上帝对人进行严厉ê惩罚。Taⁿ是tī新ê耶路撒冷城里,kā「无koh有上帝所诅咒ê事」,bē koh再发生因诱惑而弃sak上帝ê事,mā bē有上帝ê忿怒kah惩罚ê tāi-chì发生,mā teh表示上帝kah人之间ê关系已经和好,已经修复。

    Tī chit城里有「上帝kah羊羔ê宝座」,表示上帝kah chit-ê城同在,敬拜上帝ê子民lóng会聚集做伙tī-chia,mā表示此城是一个荣耀ê城。

    第4节,「in beh朝见上帝」,过去hiah-ê人认为若是看见上帝ê面必定会死亡(参考创世记十六:13、三十二:30,出埃及记三十三:20、23),chit-má是tī新ê耶路撒冷城里,所有敬拜上帝ê人,lóng thang真自然tek朝见上帝ê面,看见上帝ê荣耀。因为上帝已经kā伊ê名写tī chiah-ê人ê「额头」,表示chiah-ê人lóng是属tī上帝特别拣选出来ê子民,hō͘ in有chit种特别ê福份。

    第5节,chit节回应启示录第廿一章23节所讲述ê,tī chit新ê耶路撒冷城里,无需要日光á是月光,因为上帝kah羊羔就是亮光。

    「无koh有乌夜」,表明无koh有死亡ê意思。相对tī「乌夜」,就是「光」,表明ê是性命。「上帝是in ê光」,意思是teh指上帝是in性命ê来源(参考约翰福音一:4—5)。

经文:

启示录 22:6-22:21

注释:

Tī chit段经文中,作者用「看!我teh要来à」chit句话,说明上帝审判ê时刻teh beh来临,救主耶稣真紧to̍h会来到。

    第6节,「chiah-ê话是真实可靠ê」,是teh指天使传达上帝ê信息是「真实可靠」ê话(参考启示录廿一:5)。上帝ê话ê范围包括kui本圣经,作者特别指出上帝「赏赐圣神hō͘众先知」,而先知就是tī传达上帝ê话语,旧约圣经中大部分lóng是先知ê信息。Koh讲是「主上帝差遣伊ê使者」,chiah-ê使者mā包括摩西,伊是旧约圣经中siōng重要ê使者。因为án-ne,chit节所讲ê「chiah-ê话」,就是teh指摩西律法册kah先知文献,这就等于是kui本圣经ê意思。

    「短期内beh发生ê事」,thang对照启示录第一章1节、19节、第四章1节。指ê就是耶稣koh再临ê事件,表示时间真紧to̍h会来临,bē等真久。有真chē ê「奴仆」会为tio̍h án-ne事件做见证。

    第7节,Tī chit章中共计出现三pái,kah第12节、第20节是仝款ê话。
    「看!我teh要来à」,这第一pái是天使讲ê,第二pái kah第三pái lóng是耶稣家己讲ê。这是天使引用耶稣所讲ê话,表示耶稣koh再临ê时刻就beh来到,chit对hiah-ê tú-teh受难中ê基督徒来讲,是非常大ê安慰kah鼓舞,mā是陷tī被迫害中ê苦难性命,siōng好ê信息。

    「hit-ê遵守chit-ê册顶面预言ê人」,chit句话thang参考启示录第一章3节。这真清楚说明一件事:上帝启示ê话语所写做ê圣经,一定tio̍h遵守,若是只有研究而无去遵守,án-ne就无甚么意义thang讲,因为圣经上帝ê话,无法度只有研究,而是beh去遵行、实践。相对ê,无研究清楚,就根本m̄知上帝ài咱遵行ê是甚么事。

    「实在有福气」,这是第六pái ê「实在有福气」,启示录总共提了「七」次(参考一:3、十四:13、十六:15、十九:9、二十:6、廿二:7、14)。

    第8到9节,chit两节thang参考启示录第十九章10节。这是第二pái提起bē-tàng拜天使,因为天使kah先知等,「仝款lóng是上帝ê奴仆」,m̄-thang去拜人,唯一beh敬拜ê对象只有上帝。Mā tùi chit两节thang想像会tio̍h,为何早期教会发生崇拜天使ê错误行为。

    「听见mā chhōe -tio̍h」,chit句话讲出作者是kā家己亲目看见、亲耳听见ê事见证出来(参考使徒行传四:20),chit种见证siōng真实。

    第10节,「m̄-thang kā chit本册顶面ê预言封闭起来」,koh一pái强调耶稣koh再临ê时刻就beh快到à。因为án-ne ài kā chiah-ê来自天顶ê信息公开来,hō͘ koh khah chē ê人听见、明白,并且ē-tàng tùi án-ne信靠上帝羊羔而得tio̍h拯救ê恩典(参考启示录一:3)。

    第11节,chit位天使真清楚指出:tī末后ê日子,是kā性命kah死亡摊开,这ná亲像摩西tī往生chìn前对以色列人所讲ê(参考申命记三十:1、15)。Chia启示录作者记落来天使传出来上帝ê信息是:tī chit最后ê机会,若iáu不醒悟过来,就无机会à。每一个人beh为家己ê选择负责。

    第12节,「我beh带来报赏」,这是天使传出耶稣ê信息。Kah第7节所讲ê「有福」有仝款ê含意,chia讲遵守教导ê信徒必定会有奖赏ê。「报赏」chit字,原希腊文「misthos」,是teh指应得ê待遇(参考启示录二:23)。

    第13节,参考启示录第一章8节、第廿一章6节。

    Chit节讲「开始kah终结」,这表明性命之主有「权威」,他thang启动一切,mā thang kā它停止。Tī chia用「事(tāi)先kah末后」,表明「永恒」ê意思。
    第14到15节,这是相对存在ê现象。

    「洗净家己衫裤ê人」,参考启示录第七章14节,指出ē-tàng洗净家己ê衫裤,并m̄是用人ê气力做会到,而是beh用羊羔ê血(参考哥林多前书六:11),因为chiah-ê污秽乃是指性命中ê罪状、斑点。想用人ê气力除去是枉然ê(参考罗马书七:14—25)。

    Chia第七pái提起「有福」。
    「有权食性命树á顶ê果子」,chit种人就是「有福」,因为从来无人食过chit种果子(参考创世记三:22—24)。Á食chit-ê果子ê人ē-tàng拥有永恒ê性命。

    相对tī另外一种人,就是所谓「留tī城外」ê人,in ê结果会ná亲像启示录第廿一章8节所提起ê人仝款,会面临「第二pái ê死」,永远tī「火湖」中(另外参考诗篇一○一:7)。

    第16节,thang参考启示录第一章1节。作者一开始就讲chit本册乃是得自耶稣ê启示而写落来ê。M̄-koh tī册内mā有真chē pái提起天使对作者讲ê话(参考启示录十九:9、廿一:9、廿二:6)。天使mā是受命传达上帝á是耶稣ê信息,却m̄是跟tòe己意而讲话。

    「大卫ê kiáⁿ孙」,参考启示录第五章5节,以赛亚书第十一章1节、10节。Tùi人ê族谱来看,耶稣就是大卫ê kiáⁿ孙(参考马太福音一:1)。伊是「明亮ê星辰」,表示伊是性命ê拯救者,带hō͘信tùi伊ê人看会tio̍h性命ê亮光(参考约翰福音八:12、九:5)。

    第17节,chit节连续用三pái「来」回应第7节、第12节、第20节ê「我teh要来à」。Chia第一pái用「圣神kah新娘」,第二pái用「所有听见ê人」,第三pái是「口渴kah愿意ê人」。

    「新娘」chit-ê词tī chia就是teh指基督ê教会,它对所有ê人呼召讲「来」,而呼召ê对象不限,只要是愿意听从「圣神」所启示ê声音,而且愿意回应讲「来」ê人。因为án-ne,tī chia ê「来」,是一个听tio̍h就随时力行ê态度。只要是「所有听见ê人」愿意用谦卑ê心来领受,就ē-tàng得tio̍h。

    「口渴ê人lóng来」,Tī以赛亚书第五十五章1到3节记载所有心灵饥渴ê人lóng thang来领受,而且无需要付出任何代价,只要是「愿意ê人lóng thang白白来接受」。

「白白接来接受」,chit句话mā是使徒保罗所讲ê上帝恩典,就是「白白」赏赐hō͘人,只要愿意,就ē-tàng领受得tio̍h(参考罗马书三:24)。

    「性命ê水」,chit句话thang参考约翰福音第四章14节。另外,耶稣mā bat对hiah-ê四界去chhōe伊ê民众讲,伊就是性命ê粮食,tùi伊ê身上领受chit-ê粮食ê人永远bē饥渴(参考约翰福音六:35)。

    第18到19节,chit两节强调chìn前所写落来ê,lóng是tùi上帝来ê预言,因为án-ne,无论加添á是删减,lóng是对上帝极大ê亵渎,是hō͘严厉禁止ê行为。箴言ê作者mā提起仝款ê警告(参考箴言三十:5—6)。Chit种「郑重警告」,mā表示是一种非常忠诚ê心意,而且用严肃ê态度讲话。

    「享受性命树kah圣城ê福泽」,指ê就是永恒性命ê福气。

    第20节,kui本启示录ê中心题旨,就是beh kā读者讲:耶稣就「teh要来」。早期教会有一个观点:当耶稣koh再临ê时chūn,mā就是上帝审判ê时刻来临,而chit点mā是早期教会共同ê期待(参考哥林多前书十六:22)。因为in lóng面临严厉ê迫害,生活tī极大ê痛苦里。

    第21节,「愿主耶稣赐恩典hō͘ lín大家」,chit句祝福ê话,tùi作者写作ê时代到chit-má,一直是教会聚会中不时使用ê祝福。

重新查询