重新查询
经文:

创世记 1:1-1:31

注释:

通常chit段经文hông称做是第一个创造ê故事。
Tī创造开始ê第一件事,就是上帝先运行他ê「灵」tī「水面」。这真重要,因为以色列文化认为「大水」、「海」lóng是威胁性命ê气力。因为án-ne,上帝创造万物chìn前,一定tio̍h先kā chit种威胁性命ê气力kā它控制落来,á是kā它降服,了后,chiah开始他奇妙ê创造。这mā说明真tú好ê创造,就是带来性命。

这第一个创造ê故事有几个特色:

第一个特色是上帝用「命令」来创造宇宙万物(参考第3节、第6-7节、第9节、第11节、第14节、第20节、第24节、第30节)。上帝创造万物无材料,唯一ê就是他(命令)。

第二个特色是除了第二工ê创造,因为iáu未全部完成,因为án-ne无讲「好」之外,其余每工创造后,上帝lóng有经过自我评鉴,了后就会讲「上帝看XX是好ê」,表示完成(参考第4节、第10节、第12节、第18节、第25节、第31节)。Tio̍h注意ê所在,是tī第三工上帝连续讲了两pái「是好ê」(参考第10节、第12节)。这mā说明只要是上帝创造ê,lóng是好ê。

第三个特色是每项创造lóng是「各种各类」分kah真清楚。Ē-tàng看出上帝创造之初,lóng是真有秩序ê,bē混杂、混乱,却是分类清楚(参考第11节、第12节、第21节、第24节、第25节、第26节),m̄-nā植物án-ne,动物mā是án-ne。

第四个特色就是真有秩序,作者tī上帝每工创造后,lóng会用chit句「晚间过去,清早来临」(参考第5节、第8节、第13节、第19节、第23节、第31节)来形容上帝创造ê秩序。

第五个特色是上帝创造chiah-ê动、植物了后,就会赐福hō͘ chiah-ê生物,上帝ê赐福是hō͘伊延续性命,因为án-ne,作者tī第11到12节用「有产五谷ê,mā有结果子ê」chit句话来形容植物繁延性命,然后用「繁殖」一词来形容动物(参考第20节、第22节、第24节),á用「生湠chē-chē」形容人类(参考第28节)tī性命上ê延续。

第六个特色是显示出对照ê成果:有光kah暗、日kah夜、天空kah大地、陆地kah海洋、日头kah月娘、星辰、有男有女等。

第七个特色是只有造人ê时chūn,是用上帝ê「形像」来创造,而且同时造「男」、「女」,主要目的,是beh人参与上帝ê工作,好管理一切受造物,这mā是上帝用他ê形像造人ê原因。

Tī chit章ê创造中,咱thang kā它分做二个组别:

第一组(第一到第三工):
第3到5节ê光kah暗。
第6到8节ê穹苍kā水分做顶下。
第9到10节ê陆地、海洋。

第二组(第四到第六工):
第14到19节ê光体分开了日kah瞑。
第20到23节ê地下ê水里有生物,以及空中有飞鸟。
第24到25节ê地上有人,有动物、植物。

Tùi chia thang看tio̍h一个明显ê创造秩序:就是tī第一组是先造出基础,然后第二组tī基础上有加添需要ê物品。亲像先造光kah暗(第一工),然后第四工造光体强化光kah暗ê区别(第四工)。

以上是六天ê创造情形kah特色。




经文:

创世记 2:1-2:17

注释:

创造中以「第七工」达tio̍h高峰。作者讲上帝因为「完成了伊创造ê工作就歇工」,这表示第一章所叙述ê创造已经全部完工,因此tī chit-ê「第七工」歇工歇困,m̄-koh上帝特别「赐福」、「圣化」chit工。这mā是第一个创造故事siōng重要ê中心思想。

「安息日」就是tùi chia延伸出来ê(参考出埃及记二十:8—11)。作者讲chit工是带有上帝「赐福」ê日子,mā就是tī chit工所有ê人lóng tio̍h停止一切工作,专心敬拜上帝,用chit种方式来回应上帝ê疼,mā因此得tio̍h上帝ê赐福来加添性命ê气力。

Chit段经文通常hông称做是第二个创造ê故事。

Chit份创造ê资料来源,比头前第一章创造ê资料来源会khah早。Tī chit份创造故事中,作者以「地」做基础,以「人」做中心,人是一切受造物ê开始,然后地上所有受造物lóng是为tio̍h人ê需要来造。Chit-ê观念kah第一章所表达ê人是万物最后chiah造出来,为tio̍h是beh替上帝管理受造物,二者之间看法完全无仝。

作者用「拟人法」chit种特殊笔法写创造ê故事,亲像:上帝用捏土ê方式造人,这就ná亲像一个陶匠teh捏造陶器仝款。Kah下一章kah人讲话ê景况,lóng是kā上帝以「人ê型态」表达出来。

第5节,chia有一个关键ê字眼,就是「无」。作者以「无」当做创造ê开始,表明ê kah第一章是仝款ê基本信仰:上帝是tùi从来m̄-bat有来开始他ê创造。作者特别强调tú开始之初,地上无草木、菜蔬、雨水等,意思是teh指一切生物lóng iáu未开始,mā无生存ê条件。

第7节,chit节讲上帝造人了后,「Kā性命ê气pûn入去」人ê鼻孔,hō͘人「成做有性命ê人」。重点tī上帝「pûn气」。Chia所讲ê「气」并m̄是指「灵魂」,却是teh强调人会「有性命」,是kah上帝有bē-tàng分离ê关系。Á第一章则重视tī人ê身上有「上帝ê形像」(参考一:26—27)。

第8到15节,chit段经文开始绍介「伊甸园」,意思是teh指「乐园」。有含「快乐」、「欢喜」、「满意」ê意思,mā thang讲是一种性命ê泉源ê意思(参考以赛亚书五十一:3),ná亲像顾羊人牧放牛羊四界chhōe青草水源时,发见一大片绿洲ê心情般,hit种兴奋之情,表达出来ê是ná亲像chhōe-tio̍h一片「伊甸园」。

Tī「伊甸园」中有「相对」ê存在,一是赐性命ê树,二是hō͘人辨别善恶ê树。所谓「辨别善恶」是teh指:hō͘人远离认bat上帝。

Chit段经文为第三章人犯罪先埋一个案底,因为人并无注意tio̍h tī siōng súi ê伊甸园中有「约」。

第15节,是chit-ê创造故事ê中心经文:chia讲上帝造人,为tio̍h是beh人「种作」,看守「伊甸园」。这kah第一章所提起ê上帝ài人管理万物ê意思仝款。

第16到17节,chia真清楚提起禁止令,就是「绝对bē-sái食」园中hit丛「ē-tàng hō͘人辨别善恶ê树所结ê果子」,若食了,「hit工一定会死」。Chia所讲ê「死」,表明kah上帝创造ê本意相违背,会hō͘上帝隔离出来。

经文:

创世记 2:18-2:25

注释:

Chit段讲出上帝创造cha-bó͘人,以及女人kah cha-po͘人之间ê亲密关系。

第18节ê「人单独生活无好」,这表示上帝创造人了后,经过一段时间ê评鉴后所下ê结语。所以上帝决定beh替人chhōe「伴侣来帮助」chit-ê人。

第19到20节,上帝kā所有ê受造物lóng带到人面前,hō͘人选取,并且mā hō͘人为受造物「号名」。这号名ê动作表示人thang「管理」、「赢过」这一切受造物。因为tī希伯来文化中,ē-tàng为某一个对象号名,表示对受号名者有「掌控」之权,ná亲像父母对幼年ê子女有管理之权kah责任仝款。M̄-koh,tī所有受造物中,却chhōe bē-tio̍h「一个适合」thang kah人做伴,thang「帮助」人ê。

第21到23节,上帝tùi本来造出来ê「人」身上「the̍h下伊ê一条胸坎á骨」,用chit支「胸坎á骨」造出另外一个人来。Chit-ê人就是「女人」。然后kā chit「女人」带到「男人」面前。所以chit-ê cha-po͘人就kā chit-ê beh来帮助伊ê人称做「女人」。Chia所讲ê「帮助」,是teh指hō͘性命koh khah完美。Mā就是讲,欠缺女人,男人ê性命是「无好」。男人ê性命之所以ē-tàng延续落去,是因为有女人ê缘故。所以男女相结合是「一体」,无法度分开。

第24到25节,chit两节讲出一个家庭ê开始,就是tùi夫妻结合开始,夫妻ê性命是「一体」ê,无法度分开(参考马太福音十九:5—6)。

第24到25节,chit两节讲出一个家庭ê开始,就是tùi夫妻结合开始,夫妻ê性命是「一体」ê,无法度分开(参考马太福音十九:5—6)。

经文:

创世记 3:1-3:13

注释:

这是非常重要ê一章,因为tùi chit章开始,充分表达圣经一个主题:人ê性命为甚么会有苦难?这是kah人违背上帝ê命令有密切关系。Kui本创世记ê中心主题,就是tùi chit章5节ê人想beh「亲像上帝」仝款thang掌管一切chia开始,然后直到创世记第五十章19节,约瑟对伊众兄哥讲,伊「无法度代替上帝」作结束为止,其中所串做伙ê,竟然lóng是人犯罪ê记录,mā说明人性命苦难ê原因。

Chit段经文描述人怎样tī奸巧ê蛇ê诱惑下,做违背上帝旨意ê事。

第1节,蛇是万物中siōng「奸巧」ê,chit-ê词mā有另外一个意思是「赤身露体」。如果是相亲相疼,就是「赤身露体」,是ân-ân地贴做伙。M̄-koh如果「心怀鬼胎」,he就是「奸巧」ê意思,是有含「故意扭曲」ê意思。Chia蛇就是故意扭曲上帝,thang食ê果子lóng m̄提,á故意讲做「园á内任何果子树ê果子」。

第2到3节,cha-bó͘人陷入蛇ê陷阱,就是kah它对话。

第4到5节,chit两节是kui个故事ê中心。蛇否定了上帝ê命令――bē死。并且提出只要人食了hit-ê分辨善恶ê果子后,就会「亲像上帝」,这是相当有诱惑力ê一句话。

第6到7节,cha-bó͘人听蛇诱惑,果然伸手摘落来绝对bē-tàng食ê辨别善恶ê果子来食,然后koh kā它交hō͘丈夫食。结果,果然无死,chit点tú亲像蛇所讲ê,m̄-koh却因为án-ne开了目睭,看见家己无穿衫,「赤身露体」,只好the̍h无花果树叶来遮身,表示见笑。

第8到10节,虽然是hit尾蛇所讲ê chiâⁿ实无死,ē-sái讲是另外一种「死」却出现,he就是kah上帝ê关系断裂à。In开始逃避上帝,闪躲上帝ê来临。因为惊惶,这是死亡ê另外一种记号。犯罪者共同ê态度,就是惊tú-tio̍h上帝。Chit对夫妻躲避上帝ê方法,就是用掩遮ê方式,隔离kah上帝ê关系。M̄-koh上帝开始来chhōe人,并且发出询问「你tī tó位」,希望ē-tàng唤醒人ê心。

第11到13节,讲出人犯罪了后ê具体行为反应:推诿责任。Chia cha-po͘人讲是cha-bó͘人诱惑伊;cha-bó͘人讲是蛇诱惑伊。M̄-koh无论án怎讲,lóng逃bē过上帝ê审问。


经文:

创世记 3:14-3:21

注释:

上帝开始执行他ê审判。惩罚是严厉ê,而且先由蛇开始,续落来是cha-bó͘人,最后是cha-po͘人。Ē-sái讲是因为人是生活tī大地上,结果人所生存ê环境――大地,mā因为人犯罪受tio̍h连累被罚。另外一方面,人因为是用土粉做ê(参考二:7),因为án-ne,惩罚人mā hō͘土地tùi án-ne受tio̍h惩罚。

第19节,chit节提起「死」。原本上帝造人ê时chūn并无讲「死」,chit-má开始因为违反上帝soah带来性命ê死亡。

第20到21节,chia说明亚当kah夏娃,就是人类ê开始。


经文:

创世记 3:22-3:24

注释:

Chit两节讲出基督教信仰siōng重要ê根源:kah上帝ê关系切断à。原因是人被惩罚ê结果是hō͘ 上帝逐出伊甸园,这表明性命无koh是兴奋、喜乐、快乐,却是变成了苦难,终生辛劳chiah会得thang生存。因为不听从上帝á付出siōng koân ê代价。

第四章mā是属tī siōng早期ê资料。Ná亲像teh「认bat创世记chit本古老经册」文中所讲ê,这是一本描述罪ê代价,以及罪ê扩散之经册。第四章说明chit-ê主题,人ê罪jú来jú严重。Tùi人违背上帝ê命令,续落来是人对性命采取残害ê手段。

经文:

创世记 4:1-4:16

注释:

Chit段经文描述该隐刣死家己ê小弟亚伯ê经过,以及上帝怎样惩罚该隐。

第1到2节,「同房」,chit-ê词讲出kui章故事ê重点,上帝虽然对人违抗命令有严厉ê惩罚,m̄-koh iáu是赐hō͘人有延续性命ê气力。「同房」mā讲出夫妻之间ê关系,m̄-nā kan-taⁿ是「性」事,chit-ê字本身就是teh指「认bat」、「知影」ê意思。夫妻tio̍h彼此认bat chiahē-tàng算是夫妻,chiah ē-tàng「赤身露体」mā bē见笑。Chit节mā提供另外一个重要ê信息:性命是上帝所赏赐ê。无上帝ê祝福,性命bē出现。有上帝ê帮助,chiah有性命。因为án-ne,亚当kah夏娃就是tī上帝赐福下 kā「该隐」生落来。

「该隐」ê名ê意思是「得tio̍h」,而且欢欢喜喜得tio̍h,表示性命ê喜乐。Á「亚伯」ê名有两种意思:一种意思是teh指「目nih-á」。Mā就是讲「亚伯」ê性命所带来ê喜乐时间是目nih-á久。另外一种意思是teh指「苦难」,表示死亡,是被谋杀来死。

第3到7节,该隐是「作穑人」,这表示是真进步ê时代。Á亚伯是「顾羊人」,表示比较困苦。M̄-koh上帝看重亚伯ê奉献,却「拒绝该隐kah伊ê祭物」。为甚么上帝会欢喜亚伯ê献祭,却无接受该隐ê奉献?圣经无说明,只表示该隐无「做该做ê事」(第7节)。

第7节是kui个故事ê重点,作者说明一点:做应该做ê事,chiah是siōng重要。真正ê问题是该隐无去做该做ê事,á是讲伊做无应该做ê事。Ē-sái讲是作者并无说明伊忽略甚么,á是做甚么无应该做ê事。

第8节,该隐果然是kah上帝所讲ê仝款,继续去做无应该做ê事,就是刣死小弟亚伯。

Chit节讲出第四章siōng重要ê一件事:罪已经扩大到残害上帝用他ê形像所创造ê性命。原本上帝创造万物ê性命是看做好,人却用残酷ê手段kā它杀害,这讲出人ê罪之重。

第9节,上帝问该隐,该隐回答「m̄知」,chit-ê字tú好就是「同房」(认bat)ê反意,意思是:我根本就「m̄-bat」亚伯。意思是伊表示家己无义务照顾伊ê小弟亚伯。

第10到11节,chit两节讲出一个真重要ê希伯来生活文化观念:血,teh代表性命。因为án-ne,in m̄食带血ê食物(参考利未记十七:11)。Koh讲,上帝创造ê万物是有性命ê,土地就是其中之一。受冤屈ê性命ê血流入去土地,土地会替受冤屈ê伸冤。

第12节,thang看出该隐所受tio̍h ê惩罚比以前亚当所受tio̍h ê惩罚koh khah严重,因为人tùi伊甸园hông驱逐出来了后,chit-má soah连上帝ê面mā见bē-tio̍h。见bē-tio̍h上帝ê面,等于性命无保障仝款。

第13到14节,该隐知影chit种惩罚会hō͘伊成做被报复ê对象,因为án-ne,伊向上帝倾诉无法度承受án-ne重ê惩罚。

第15到16节,圣经一再强调慈悲ê上帝,会缩短á是降低他ê惩罚。他tī该隐「额头做记号」,当做保护,免得伊遇tio̍h杀害。


经文:

创世记 4:17-4:24

注释:

这是第一份族谱。创世记tī编辑上ê特色,就是用族谱来区隔,表明一个旧ê时代beh过去,kah另外一个新ê时代to̍h是teh beh来临。

第17节,thang看tio̍h建筑工程,á tī第21节thang看见艺术ê发展,有「弹琴、吹笛ê人」出现。

特别tio̍h注意是第22节ê族谱,提起「土八・该隐是铸造铁器、铜器ê人ê祖师」,chit句话已经真清楚说明,这是一个真进步ê时代,有冶铸工业出现。

第23到24节,看tio̍h该隐ê后代一直充满tio̍h杀戮之气,而且报复之心非常重,这绝对m̄是上帝所喜乐ê事。尤其是「tio̍h赔上七条命」kah「赔上七十七条命」,chit-ê「七」ê数字,lóng teh表明赶尽杀绝。若此,chit种族群必无法度永续存活落去。因为án-ne,上帝hō͘该隐ê后代灭绝。

经文:

创世记 4:25-4:26

注释:

这是另外一份新ê族谱。

因为该隐ê kiáⁿ孙kah该隐真类似,杀戮、暴力ê事件不断,残害上帝创造性命ê尊严。因为án-ne,上帝hō͘该隐ê族群结束。另外一个全新ê时代开始,就是「塞特」。路加福音第三章38节是采取塞特chit-ê族谱,无用该隐ê。

第26节真重要,chit节讲塞特ê kiáⁿ「以挪士」开始,chit-ê新ê世代「开始求告耶和华ê名」,表明人会听从、意爱上帝,知影kah上帝维持和好ê关系。

经文:

创世记 5:1-5:2

注释:

Chit章是属tī「祭司文献」ê资料。Chit种资料有一个特色,就是对数字、族谱真讲究。另外一点,祭司文献所提供ê族谱会一再重复「生男育女」chit种语句,这表示ê意义是:上帝有赐福。因为若无上帝赐福ê恩典,就无生男育女ê能力,án-ne,性命是无办法延续落去ê。Koh讲,族谱lóng记载tio̍h每一个时代ê人最后lóng「死」了(以诺除外)。这说明一个性命ê定律:人因为同房chiah有娠、生kiáⁿ、最后死亡。Tī chit-ê性命之定律中,用人ê名kah岁数构成了人类历史ê内容。

Tùi chit份族谱中,咱mā看tio̍h性命。

Ná亲像头前已经讲过ê,对性命采取杀戮、报仇ê态度,m̄是上帝所欢喜ê。因为án-ne,该隐ê kiáⁿ孙结束。Chia重新开始讲述亚当ê kiáⁿ孙,就是tùi塞特开始,并且koh一pái强调这是「上帝用家己ê样式」来造人,chit种「样式」就是创世记第一章26节所讲「上帝ê形像」,同时创造「有男有女」,并且是「赐福」hō͘人类,这赐福teh代表延续性命ê气力。


经文:

创世记 5:3-5:32

注释:

Chit-ê族谱就重新开始,因为án-ne,tùi亚当开始讲述起。Tī chit份族谱中ê第七代是「以诺」,作者特别强调以诺「kah上帝有密切ê交往」,因为án-ne,上帝kā伊「接去,伊就phah m̄见去」,这mā是圣经中记载两个无死ê人ê一,另外一位是以利亚(参考列王记下二:11—12)。

第十代是「挪亚」,伊ê名表示「安息」、「安慰」ê意思。人原本因为犯罪受惩罚了后,一定tio̍h kui世人辛劳(参考三:17)甚至辛劳种作,「土地mā不生产」(参考四:12),m̄-koh chit-má终其尾thang得tio̍h「安息」。挪亚ê出现,说明一个拯救时代ê来临。因为án-ne,chit份族谱mā为以后第六到九章挪亚ê故事做事前ê准备。Tio̍h注意,chia并无讲挪亚死ê时chūn是几岁,chit部分tio̍h一直等到第九章28节记载:「大水以后,挪亚koh活了三百五十年。伊死ê时chūn是九百五十岁。」án-ne chiah算完整。

真chē人ài问一个问题:古代ê人kám真正有活hiah-ni̍h久?以色列民族tī时间ê计算上,kah台湾人ê农民历真接近。是m̄是真正有活到hiah-ni̍h久?咱m̄知。不过,chiah-ê数目kah以色列文化tī数目ê象徵观念上极密切,亲像每一阶段ê岁数lóng kah「五」kah「七」合起来有关。Á chit两个数目lóng teh表示「好」ê意思。

Tùi第六章到第八章是另外一个单元。用挪亚为主轴,teh说明另外一个新ê世代ê来临。Chit-ê新ê世代是用上帝为主。

经文:

创世记 6:1-6:8

注释:

Chit段是siōng早期「耶和华文献」ê资料。创世记chit本经册是teh讲述人犯罪,以及上帝ê拯救恩典ê册。因为án-ne,每一个故事ê开始到结束是用chit种结构:人犯罪,上帝受气,会惩罚;m̄-koh上帝有恩典,tī伊ê惩罚中,上帝mā会怜悯人ê软弱。因为án-ne,人ê性命会得thang生存落去。

第1节开始就讲tio̍h「人口开始增多,分布全世界」。Chit句话已经说明上帝有赐福,mā是上帝原本创造时就赐福hō͘人类ê恩典(参考一:28)。

第2到4节,「神子」,原本用ê「神」字,是复数ê。表示真chē ê神ê意思,是teh指hiah-ê khiā tī上帝左右ê众天使(参考列王记上廿二:19—22、约伯记一:6—12、诗篇八十二:1)。Chiah-ê「神子」kah hit位创造ê主宰、独一ê神无仝。第3节特别强调人因为tiāⁿ-tiāⁿ犯罪,因为án-ne上帝特别缩短了人tī世间ê岁月,tùi第五章所讲ê用百计算,缩成siōng koân年限「一百二十岁」,chit-ê岁数mā是东方社会公认siōng koân ê年限,ná亲像台语所讲ê「活到百二」仝款。

第4节提起「巨人」,tio̍h怎样解释in tú-tio̍h身材高大ê「巨人」问题,thang参考民数记十三:31—33,撒母耳记上第十七章 4到7节,记载大卫王kah巨人歌利亚ê战争,描述歌利亚ê身高、型态已经超过以色列人ê经验,soah hō͘ in产生惊惶。另外一点tio̍h处理ê是:天顶灵界侵犯人类ê世界,致使上帝ê不满。因为án-ne,hō͘人koh khah痛苦,因为上帝ê灵永远离开了人类。Chia说明一件重要ê信息:规律、限制。上帝造人以及万物时,是tī一定ê空间中。Pôaⁿ过应该有ê空间对性命就是一种生存ê危险(第十一章1到9节巴别塔ê故事koh一pái表达了chit种讯息)。因为he是违背上帝旨意ê。因为án-ne,人kah「神子」通婚,hō͘人超越人ê界限,带来ê就是性命ê负担,m̄是赐福。

第5节,「人类ta̍k个邪恶,头尾心怀恶念」,chit句话成做上帝beh毁灭大地先做一个伏笔。Chit节讲上帝「看见」,这是teh指长期观察后所得ê。亲像上帝观察以诺,伊一世人lóng是kah上帝交往,chiah会得thang hō͘ 上帝接去。

第6节,chia ê「后悔」一词,是teh指上帝痛心、艰苦心(忧伤)ê意思。上帝会án-ne悲伤,是因为人类逼他做他siōng无欢喜做ê事――审判人类。因为审判人类会koh牵连到hō͘人类生存ê土地受伤。换句话讲,审判人类,等于是上帝对家己创造ê宇宙万物kā in否定仝款。这就kah-ná人否定了家己所努力、用心工作ê结果时,hit种心中ê艰苦心是仝款ê。

第7节,chit节kā以后ê大水故事做序言。说明大水ê由来乃是因为上帝惩罚ê缘故。因为人受造是为tio̍h beh管理万物,chit-má人既然无法度管理家己,受造ê万物一定会失序,因为án-ne,万物连带受拖累。Chiah-ê观念lóng kah第三章17节ê「土地会因为你违背命令来受诅咒」ê讲法是一致ê。

第8节,「上主kah意挪亚」tī犯罪到「人类ta̍k个邪恶」ê时,独独挪亚是上帝所欢喜ê对象,这就为kui个拯救工作先埋落来伏笔。因为挪亚hō͘ 上帝欢喜,伊就成做上帝拣选kah立约ê对象。


经文:

创世记 6:9-6:12

注释:

Tùi第9节开始,直到最后ê第22节,lóng是属tī「祭司文献」ê资料。

第9到10节,chia讲挪亚是「当代惟一ê好人」、「无缺点」。「好人」是表明「正直」ê意思。这是一个社会名词,说明挪亚kah当代社会所要求ê规律相符合。「无缺点」,chit-ê是宗教名词,意思是teh指献祭ê牲礼一定tio̍h是án-ne。换句话讲,挪亚tī当代社会m̄-nā tī道德规律上真「正直」,而且tī信仰上mā是「照上帝ê吩咐一一去做」ê人(参考第22节、第七章5节)。

第11节,chit节kah前两节所讲ê是kah挪亚相对,指出其余ê人lóng是「邪恶ê」。

第12节,koh一pái重述第5节所讲ê。

经文:

创世记 6:13-6:22

注释:

Chit段经文记载上帝hō͘挪亚ê命令thang分做两个部分;一是第14到16节,建造一艘船;二是第18到21节,船内beh装载ê内容,包括人kah其他动物。

第13 节、第17节,chit两节lóng是说明上帝对挪亚下达chiah-ê命令ê主要原因,就是上帝「决定灭绝人类」,并且包括「地上ê一切lóng会灭绝」。

第18节,「m̄-koh,我beh kah你立约」,这是真重要ê经文,因为chia讲tio̍h上帝kah挪亚「立约」,立约ê主要目的是拯救。这就是kui本圣经siōng主要ê内容,beh说明上帝kah人之间有约,chit-ê约tio̍h是上帝ài beh进行拯救ê工作。Chia讲上帝beh拯救挪亚、伊ê全家,mā包括beh拯救进入船舱里ê所有「牲畜、爬虫、飞鸟」等。

注意第19到20节,chia讲所有ê动物lóng tio̍h「各一对,一公一母地带到船内」,这kah第七章所提起ê有分别清气kah无清气ê大无相仝。

第22节,「挪亚照上帝ê吩咐一一去做」,chit句话tú好反映出挪亚「kah上帝有密切交往」ê基本态度:伊照上帝ê旨意(命令)去做事。关系性命ê问题,就一定tio̍h án-ne。特别若是想beh得tio̍h上帝拯救ê恩典,就一定tio̍h照上帝ê吩咐去做。

经文:

创世记 7:1-7:5

注释:

Chit章是由siōng早ê资料kah晚期ê「祭司」文献资料交hō͘编辑而成ê。

Siōng早ê资料讲进入大船内ê是「公母七对」,á「祭司」文献ê资料则讲「一公一母」。虽然无仝款,m̄-koh讲出一个重要ê信息:上帝虽然相当受气,因为世人表现出来ê竟然是「ta̍k个邪恶,头尾心怀恶念」,m̄-koh他iáu是顾念人以土粉所造,tī极大ê受气中,iáu是有保存人ê性命,并且hō͘人ê性命会得thang延续落去。

Chit章thang看tio̍h「七」kah「四十」ê数字一再使用。「七」表示「完整」、「神圣」。Á「四十」表示「适合」、「完美」、「tú好」ê意思。

Chit段经文表示挪亚已经kā上帝命令ê方舟造好了,因为án-ne,上帝命令挪亚kah「全家ê人lóng tio̍h进入来船内」去,原因是上帝发见「只有」挪亚tī伊hit世代「行为正直」。

第2到3节,chia讲「宗教礼仪定tio̍h洁净ê」tio̍h带「七对」入船,「无清气ê」只带「一对」,包括牲畜kah飞鸟。会án-ne,是因为献祭时需要ê是「洁净ê」chiah thang。

第4节,chit节讲上帝beh降「大雨四十暝日」,这「四十」ê数目表示大雨kā继续落到人kah万物lóng无法koh再承受落去ê阶段,直到上帝kā家己所「创造ê一切生物lóng消灭」为止。M̄-koh相对ê,chiah-ê进入大船内ê一切动物,lóng ē-tàng保全落来。

注意第5节,chia koh一pái讲「挪亚遵照上主ê命令一一做」,表明挪亚确实是听从上帝ê人。Mā因为挪亚是chit种人,m̄-nā伊kah伊ê全家得救,kah伊同齐生活tī土脚ê动物mā lóng得tio̍h拯救。这mā讲出一个信仰理念:人犯罪,人、土地、万物就lóng受诅咒。颠倒,人称义,人、土地、万物就lóng受祝福。

经文:

创世记 7:6-7:10

注释:

第6节开始就讲「挪亚六百岁ê时chūn,大水泛滥大地」,chia先作简单ê叙述,然续后落来tī第11节,连月日lóng标示出来。

第7到9节,chia讲挪亚kah伊ê全家,以及所有拣选出来ê七对洁净kah一对无清气ê「牲畜、飞鸟、爬虫」等,lóng按照「上帝ê命令」跟tòe「挪亚上船」,这mā说明,无论甚么人,想beh存活,就一定tio̍h照上帝ê命令做tāi-chì。Chit段mā说明上船lóng是真有秩序ê。无秩序,就kan-taⁿ会带来死亡。

第10节,「七工后」,表明ê可能是确实ê数字,m̄-koh可能是teh指所有该进入大船ê生物,lóng已经进入,而且稳定落来了后,「大水泛滥大地」就开始à。

经文:

创世记 7:11-7:16

注释:

Chit段经文特别强调地下深渊ê水冒出来,天空ê水闸门mā phah开,án-ne天顶kah地下脚互相夹攻人类khiā起ê大地,表示必定毁灭殆尽无疑。

第11到12节,chia讲出挪亚六百岁ê hit年「二月十七日」,大水开始泛滥,ē-sái讲是一发bē-tàng收拾。天顶ê水闸门phah开后,就「倾盆大雨」倒落来,á地下ê「泉源lóng裂开」,án-ne时间长到「四十暝日」,表示天顶降落ê水kah地下脚冒出来ê水,连续无停,直到饱和为止。

第13到15节,ná亲像重新创造仝款,所有进入大船中ê挪亚一家人,kah「野兽、牲畜、爬虫,kah飞鸟mā各照它ê类」,这mā表明非常有秩序tī大船中。大船本身ná亲像新ê创造一般。

第16节,「上帝替挪亚kā船门关起来」,这表示有上帝保护、看守,一定真安全,水bē渗透到船ê内面去。

经文:

创世记 7:17-7:24

注释:

大水,原本就是希伯来文化中认为对性命威胁siōng大ê气力。

「四十」表示ê意义,就是适当,因为án-ne,chiah会「hō͘天下所有siōng koân ê山峰lóng淹密」,浸tī水内。这mā表示无任何野兽、牲畜、飞鸟ē-tàng生存,人类mā是仝款,「lóng死了了」。

第22节,「地上一切有气息ê生物」,chit句话回应了第二章所提起,上帝用土粉造人kah所有动物ê时,上帝吹了气息,hō͘ chiah-ê用土粉造出来ê动物因为上帝ê气息chiah存活,成做有性命ê活物。chit-má lóng消灭à。

第23节,chit节koh一pái强调「只有挪亚以及kah伊tī船内ê会得thang存活」。

第24节,天顶、地下出来ê大水,泛滥四十工久,然后大水淹无大地长到「一百五十工」,这表示无任何一个所在无tī水下脚。

经文:

创世记 8:1-8:5

注释:

Chit章主要teh说明:经过一百五十工浸tī水内后,水终其尾停了,而且开始退à。

第1到5节,chit段经文讲水开始退à。是因为上帝会记得大船内ê一切,这lóng是他拣选ê对象,mā是上帝beh拯救ê对象。

第1节,「上帝绝对无bē记得挪亚kah所有kah伊tī船内ê动物」,chit句话kā kui个大水故事讲出上帝拯救工作ê动力来源。当上帝「bē记得」人ê时chūn,he是苦难以及性命死亡ê开始。M̄-koh,当上帝记tiâu人ê时chūn,性命就有希望。

创造ê上帝, ē-tàng命令「风吹大地,水就开始消退」。所有受造物lóng会听从上帝,连风mā听他ê命令做tāi-chì。

第2节,回应第七章11节,ē-tàng phah开á是关密天顶水闸门,kah地下深渊水泉ê,lóng只有上帝chiah有办法。因为án-ne,水无koh降落mā无koh冒出来。经过风一吹,就开始退。

第3节,chit节回应第七章24节。

第4到5节,tùi二月十七日到七月十七日,整整五个月ê时间。船会「搁」tī山顶,表示水退到露出山峰。

经文:

创世记 8:6-8:19

注释:

Chit段经文讲述挪亚开始测试外面ê水消退ê情形。

第6到12节,chia讲第一pái放出ê「乌鸦」,并无tńg来。表示水iáu未退到完全thang歇,乌鸦是飞到倦tah-tah soah死去。M̄-koh mā可能因为汪洋一片soah迷路,chhōe bē-tio̍h船搁浅ê所在。

第二pái放出ê是「粉鸟」,仝款chhōe bē-tio̍h歇脚ê所在,只好飞tńg来。

第10到11节,chia讲经过「七工」,这表示开始有上帝赐福,因为án-ne,chit-pái放出去ê粉鸟嘴中「叼tio̍h新ê橄榄叶á」,表示树木已经露出来,而且puh出新芽。这是第三pái。

第12节,koh一pái经过「七工」,chit-pái粉鸟无koh tńg来,表示整片大地lóng露出来,而且ē-tàngchhōe-tio̍h歇脚ê所在à。这是第四次。

第13节,讲tio̍h「挪亚六百零一岁hit年,正月初一,大水全部消退」,chit句话真有意思,因为chit句话说明一个全新ê年代开始,新ê世代mā因为án-ne开创出来。

第14节,「到à二月二十七日,地面全部干了」,chit句thang参考第七章11节,tùi开始出水,到水全lóng退了,大地koh干了,án-ne足足一年ê时间。

第15到17节,上帝命令挪亚tio̍h chhōa所有船内ê厝内人kah一切kah伊进入船内ê动物出大船。

第17节ê chit句「hō͘ intī土脚繁殖,布满大地」,chit句话已经讲出上帝对船内所拣选ê一切lóng kā in赐福,hō͘ in lóng有丰富ê性命力。

第18到19节,挪亚听从上帝,就chhōa全家kah所有一切lóng离开大船。第19节用「所有ê牲畜、爬虫,kah飞鸟mā各照它ê类,成群出船」,顶pái进入船舱ê时chūn,mā是án-ne,chit-má出船舱mā仝款,lóng是真有秩序「各照它ê类」地行出来,这表示新ê秩序是án-ne开始ê,ná亲像原始创造ê时chūn,mā lóng是「各照它ê类」(参考一:12、21、25)仝款。

经文:

创世记 8:20-8:22

注释:

短短几节经文,讲述挪亚对上帝ê敬虔。

第20节,挪亚表示对上帝救恩ê感谢,就「建造一座祭坛」,用洁净ê动物献祭hō͘上帝,表示感恩。献祭就是敬拜,表示人ê心中有上帝。Bē敬拜ê人,心是远离上帝ê,因为献祭mā是teh表示感恩。知影感恩ê人,chiah会知影谦卑。挪亚深深知影,伊kah全家以及所有ê动物之所以ē-tàng保存性命,乃是因为上帝怜悯ê缘故。伊用献祭表明kah上帝之间有密切ê关系。

第21到22节,上帝知影「人自细汉就心思邪恶」,chit句话表示人ê软弱kah有限。因为án-ne,上帝决定绝对无koh亲像chit-pái仝款,毁灭大地。M̄-nā án-ne,四季ê 替换lóng会照原本创造ê样式,真有秩序流转。

经文:

创世记 9:1-9:7

注释:

Chit段经文记载上帝kah挪亚立约ê经过。

第1节,tī大水了后马上提起上帝ê赐福,伊ài挪亚kah伊ê众kiáⁿ「生湠chē-chē」,thang hō͘ in「遍满世界」。这mā是创世记第一章28节所讲ê,上帝创造人类了后ê赐福。因为án-ne,咱tùi chia看tio̍h大水了后所代表ê时代就是一个重新创造ê时代。

第2节,提起人类beh「管理」所有一切受造物,这mā是kah创造之初上帝对人类ê交带仝款(参考一:28)。

第3节,chit节kah本来创造之初有差别,是人tùi原本食菜蔬、五谷,开始有肉食。Tī第七章2节讲tio̍h进入船内ê动物,洁净ê动物有「公母七对」时,已经为chit节经文设落一个伏笔,chit-ê伏笔m̄-nā为tio̍h beh hō͘人有肉食,而且mā为第九章1节挪亚出船后献祭ê tāi-chì留了一笔。因为有「七对」,chiah有够额ê洁净动物thang来献祭kah食用。

第4节,「bē-sái食带血ê肉」,chit节thang参考利未记第三章17节。Tio̍h注意ê是chit条禁令,乃是teh保护hiah-ê被杀ê受造物。因为血有含性命ê意思,因为án-ne,chit节正确ê了解是:你bē-tàng同时食动物ê性命,koh同时食它ê肉。 

第5到7节,koh一pái强调性命ê重要性,就是用血来表示延续性命ê记号。第7节mā是teh回应第1节所讲ê。

经文:

创世记 9:8-9:17

注释:

立约,这是kui本圣经中siōng重要ê信息之一。上帝m̄-nā是kah人立约,mā kah所有一切受造物立约。立约ê主要内容是beh保护一切受造物。

第8到10节,chia讲tio̍h上帝beh kah挪亚立约,chit种约真特别,是会延续到伊ê「kiáⁿ-kiáⁿ孙孙」。这mā说明约是延续性ê。Koh讲,上帝m̄-nā kah挪亚以及后代kiáⁿ孙立约,mā kah「所有ê动物」,mā就是tùi船内出来ê一切动物「立约」。

第11节,这是teh回应第八章21节。

请注意,chia ê「立约」,m̄是双方面ê,因为如果是双方面ê,he是一种所讲ê「协约」。M̄-koh chia ê「立约」是单方面ê,而且包括动物在内。因为án-ne,正确了解chia ê立约是teh指「保护」ê意思,上帝beh保护人kah动物。Á咱知影,人kah动物ê生存空间需要植物,换句话讲,是teh指一切受造物lóng包括à。

第12到17节,chit段经文讲上帝用「虹」当做立约ê记号,只要出现虹,就知影bē koh再有大水出现,bē亲像chit-pái仝款消灭大地所有ê动物kah人类。

经文:

创世记 9:18-9:27

注释:

Chit段来自古老资料ê经文,中心主题在tī:(1)闪、含、雅弗chit三个人ê名,所代表ê是人类ê意思。作者kā人类分做三大族群。(2)beh描述一个既有ê事实:为甚么以色列民族kah迦南人之间有极大ê冲突。

第18到19节,tùi大船出来ê只有挪亚一家人,因为án-ne,chia讲挪亚ê三个kiáⁿ,就是人类分布「全世界」ê祖先。

第20到23节,chit段经文主要teh说明两件中心信息:一是挪亚开始teh过作穑人ê生活。表示这是非常进步ê时代,已经进入农业社会,有安定ê生活,chiah有土地种作、栽种。

第22节,chia讲含因为看见老父挪亚赤身露体,就去kā两位兄弟讲,chia所讲ê「kā xx讲」是有含轻视ê语词。

第23节,chit节讲闪kah雅弗m̄敢用轻视ê态度看老父。因为án-ne,in遮老父ê身躯。

第25到27节,chit三节一再重述迦南ài做其他兄弟ê奴隶。这可能ê背景是因为以色列人民teh进入旷野时代,kah迦南人有极大ê冲突。Koh讲,in khiā起tī迦南ê时,mā因为受当地文化ê影响真深,致使一再背弃上帝。因为án-ne,用chit种语句描述in二者之间无可能同时平等做伙。第三,做一个兄弟成做其他兄弟ê奴隶,he mā是真大ê侮辱。为甚么含beh受án-ne ê诅咒?除了是本来ê冲突之外,mā teh暗示当伊看tio̍h老父挪亚赤身露体之时,无为老父遮盖,却是用「侮辱」ê态度teh渲染老父ê裸态。

经文:

创世记 9:28-9:29

注释:

Chit两节补足了第五章32节,有关挪亚族谱中无完成ê部分。Chia讲挪亚共计活到九百五十岁chiah死。

经文:

创世记 10:1-10:32

注释:

Chit章是一般siōng常受疏忽ê族谱。Chit章ê作者认为之所以有无仝口音、语言,是因为in khiā起ê所在无仝ê缘故(参考第5节、第20节、第31节),chit-ê看法kah第十一章ê作者对tī族群分散在地面上ê看法差别真大。第十一章用巴别塔ê故事说明一个重要ê问题:人会彼此之间有语言上ê差别,乃是因为受tio̍h上帝惩罚ê缘故。M̄-koh tio̍h注意ê是tī第5节、第20节、第31节ê经文,其背景lóng是比巴别塔故事ê来源khah慢ê作品,mā是属tī「祭司」文献ê资料。巴别塔故事是出tī古老ê资料,差了约四百年ê时间。可见二者之间对tāi-chì ê了解有极大ê差别。
另外一点,第6节特别说明含ê kiáⁿ包括埃及人kah迦南人。Tī第九章一再强调「迦南」会做其他兄弟ê奴隶。换句话讲,chit种讲法所beh表示ê就是无包括「埃及人」在内。Tī申命记第廿三章7节讲:Tī申命记第廿三章7节讲:「M̄ -thang 怨恨以东人,因为伊是你ê 兄弟。M̄ -thang 怨恨埃及人,因为lín bat 出外tī hia。(全民版)」

Chit份族谱ê特色是,用族谱ê方式描写国家ê形成。民族kah国家分bē开,国家亲像一个民族,mā亲像一个大家族。

Chit份族谱另外有一点值得注意ê是:作者用族谱ê扩大,表明上帝就ná亲像他kah挪亚立约时所讲ê仝款,beh赐福hō͘人类,hō͘人类有能力生湠chē-chē,遍满全世界(参考九:1)。上帝是信实守约ê上帝。Koh讲,旧约族谱中ê名,特别是tī创世记、出埃及记中出现ê名,通常m̄是只代表一个人,mā是代表一个家族、民族、地区、城邦,甚至是国家。Chit份族谱总共提供「七十个」国家ê名称,m̄-koh全世界m̄-nā chiah-ê国家而已。而且chit份族谱中,lóng无提起中国、日本、韩国等等chiah-ê亚洲国家。

第十章32节后半句讲:「Chiah-ê lóng 是挪亚ê kiáⁿ ê 宗族,各照in ê 世系,in ê 邦国。大水以后,in tī 地上分做邦国。(全民版)」咱需要有chit种认bat:这是当时作者ê世界观。因为伊所接触ê范围就是chiah-ni̍h大。当时ê交通kah今á日ê科技时代无仝,所ē-tàng知影ê mā受限tī当时ê环境。人类有比较宽阔ê世界观,是tī文艺复兴了后chiah有ê。因为án-ne,thang án-ne了解,圣经作者用族谱beh表达一件中心信息:无上帝ê赐福,性命就无法度延续落去。性命是tī上帝ê赐福中得tio̍h气力。



经文:

创世记 11:1-11:9

注释:

Chit章主要分做两个部分,一是巴别塔ê故事(第1到9节),二是提出一份族谱,m̄-koh chit份族谱是「闪」族ê(第10到26节)。如果kā巴别塔ê故事编排tī第十章chìn前、第九章了后,án-ne读起来会比较顺畅些。因为in被分散tī世界各地,所以有无仝ê文化、生活习惯、语言,以及形成无仝ê国家。

Chit-ê建筑高塔ê故事,中心点是hē tī:人想beh突破家己,hō͘受造ê人原本hông安置tī一定ê空间中,改变成做「向上」发展。这tú好kah第六章开始teh描述ê「有kóa神子」,突破了空间,「向下」来到人间娶súi ê cha-bó͘-gín-á做bó͘(参考六:1—8),有异曲同工之妙,二者lóng是属tī古老ê资料,mā thang看出作者有一贯ê思想:上帝所创造ê、规划ê,lóng是siōng好ê。想beh改变上帝ê创造,等于是kā人ê性命带来痛苦。因为án-ne,chit段巴别塔ê故事并m̄是beh解释人类语言变迁做目的,却是beh说明人是án怎地想beh kah上帝争夺统治宇宙万物ê主权。

另外一方面,chit-ê故事mā讲出一个重要ê问题:人想「亲像上帝」(参考三:5),这是蛇诱惑人所讲,á上帝ê干预是为tio̍h beh防止人「想beh án怎to̍h án怎	」。

Koh讲,作者mā透过chit-ê故事讲出一个事实:人自认真伟大ê成就「塔之高,高入云霄」,m̄-koh tī上帝看起来,差不多是渺小到看bē-tio̍h,iáu tio̍h落来chhōe(参考第5节)。Chit二个之间ê cheng差实在无法度量,mā无法度估计,这tú亲像先知以赛亚tī伊ê作品中所讲ê,人ê思路kah上帝ê无仝;人想行ê道路也kah上帝ê计画无仝款(参考以赛亚书五十五:8—9)。
第1节,「起初」,ná亲像章回小说常用ê「话讲」,是引言。Tī chit-ê引言中,特别强调讲当时ê天下只有「一种语言,使用一种话」。

第2节,「流浪」,表示有chit种经验ê口述历史者,是teh过 bē稳定ê生活,ná亲像游牧民族仝款,四界chhōe安定ê所在。然后来到「巴比伦平原」,认为这地方真好,就「定居」落来。

第3到4节,表示ē-tàng集合全体ê气力做共同想beh做ê事,chit件事就是「城里ài有塔,高入云霄,thang好来显明咱家己ê名」,chit种讲法已经真清楚teh表明in无认为上帝siōng伟大。人thang用建筑来显示家己ê能力,够额kah上帝相抗衡。

第5节,是真关键ê一节。Chit节说明人起造ê高塔已经进入云霄,m̄-koh上帝却m̄知是m̄是已经koân到天顶à。就án-ne,他beh落来「看」一个究竟,到底人起造ê高塔是有多高?这真正真讽刺,就ná亲像先知以赛亚所讲ê(参考以赛亚书五十五:8—9),人看做伟大ê,tī上帝眼中甚么lóng无。

「落来」,chit-ê词特别用tī上帝beh拯救以色列人民chìn前,会先进行他审判ê工作(参考出埃及记三:8)。

第6到7节,chit两节表示上帝审判已经结束,chit-má ài beh进行司法行动。主要目的是beh防止人集合起来所代表ê气力,大到够额「想beh án怎to̍h án怎」。因为án-ne,上帝决定无koh hō͘人有共同语言,反tńg应该tio̍h扰乱。

第7节,chit节讲「咱」,表示上帝带领天使进行审判ê工作。上帝采取ê方式,就是变乱了in ê语言。

第8到9节,结果因为语言ê变乱,致使「无法度沟通」,逼kah建造城ê人无法度合作,工程因为án-ne soah停止落来。



经文:

创世记 11:10-11:26

注释:

Chit份族谱显示出「祭司文献」ê特色,kah第五章所记载ê族谱之笔法有几点仝款ê所在,ná亲像tī第五章所记载ê族谱,tī第十代是挪亚,tùi挪亚开始,是一个全新ê世代来临。Tī chia mā是仝款,第九代是亚伯兰出现,伊mā是带来一个全新ê时代来临。第五章写挪亚生三个kiáⁿ:闪、含、雅弗。然续后落来ê是用闪族做中心。Chit章mā是án-ne,写他拉生三个kiáⁿ:亚伯兰、拿鹤、哈兰。然后,tùi第十二章开始,用亚伯兰做主轴写族长史。

Koh讲,每一个时代lóng用「生男育女」当做结语,这mā teh表示上帝赐恩典hō͘人类,hō͘人类有延续性命ê气力。Chit份族谱mā thang看tio̍h族长ê年岁已经kah第五章所提供ê岁数cheng差相当chē,而且有逐代减少ê现象(除了第八代拿鹤活得siōng短以外)。作者有意思beh藉这来引chhōa读者进入第十二章拣选亚伯拉罕ê故事,hō͘亚伯拉罕ê故事kah人类实际生活经历到ê年岁真接近。

Ná亲像第五章32节记载挪亚ê资料无完成,直到第九章28节chiah结束挪亚ê族谱。Chia第26节mā是án-ne,只记载他拉七十岁hit年生「亚伯兰、拿鹤、哈兰」,tī第32节chiah用「他拉两百零五岁ê时chūn死tī哈兰」,án-ne结束他拉ê族谱。

经文:

创世记 11:27-11:32

注释:

第27到28节中特别记载罗得ê出世kah in老父哈兰往生,原因是beh为第十二章记载亚伯兰带领罗得出哈兰ê事留一个伏笔。

罗得ê名ê意思是:隐藏,有自私ê意思。

第30节,chia讲「撒拉无法度生育,无gín-á」,chit句话mā是为tio̍h后来记载上帝tī她身上行奇妙神迹做一个伏笔。

第31到32节,chia讲他拉kah亚伯兰等一厝内人lóng tòa tī「哈兰」,in tī哈兰「拜别ê神明」(参考约书亚记廿四:2)  


经文:

创世记 12:1-12:9

注释:

第十二章开始到第五十章,是创世记ê第二部分。Chit-ê部分是用四个族长ê历史为主轴,说明上帝kah所拣选子民之间ê关系。Tī chit四位族长中,以亚伯拉罕kah雅各ê份量siōng重,记载篇幅siōng简短ê是用撒,用约瑟结束族长历史,m̄-koh,约瑟并无被列入tī后代ê族谱中,却是用雅各ê第四个kiáⁿ犹大当做族谱传承ê代表(参考马太福音一:1,路加福音三:34),有可能就是一般所讲ê「人对家己ê祖先之记忆,只限tī三代」。Chit三代就是teh指亚伯拉罕、以撒kah雅各。虽然án-ne,族长历史lóng环绕tī一个重要ê主题:上帝ê拣选kah拯救。

族长历史mā呈现出创世记编撰者想beh处理人类社会ê基本问题,就是家庭所延伸出来ê各种关系。Tī第十二章开始到第廿五章,chit段有关亚伯拉罕族长ê历史中,编撰者kā重点khǹg tī上帝拣选ê族长,怎样回应上帝拣选ê呼召,以及tùi立约得tio̍h上帝赐福。Mā thang án-ne讲:族长历史,就是teh讨论上帝ê拣选kah永bē改变ê约ê关系。

族长ê历史mā关系tio̍h性命ê生kah死ê问题,而且mā thang看见家庭制度ê建立,包括处分财产、律法条文,kah盟约ê问题。Tī最后约瑟族长ê记事中,mā thang看见家庭kah王朝之间ê互动关系。族长历史mā thang看出家庭延伸出来ê是族群,续落来是国家。Chi̍t中间,以家庭kah家族之间关系为重。

第十二章一开始就讲tio̍h上帝拣选亚伯兰。亚伯兰(á是亚伯拉罕)被拣选ê记事,mā ē-sái讲是以色列民族历史ê开始。

圣经谈论拣选,表明ê意思是kah「约」有关系,á拣选必定带来ê是「拯救」。因为án-ne,tùi约→拣选→拯救→上帝ê恩典,这是连结做伙ê。每pái讲tio̍h上帝ê恩典ê时,就会提起上帝ê拯救,并tùi拯救看出上帝拣选kah立约ê背景。

亚伯兰á是亚伯拉罕,chit两个名词ê意思lóng是teh指「崇高ê父」。这表达了两个层面ê意思,一是teh指亚伯兰会成做万民、万邦ê老父。二是teh指伊所信仰ê上帝,就是众人ê上帝。这mā是为甚么后来teh绍介耶和华上帝时,通常lóng会用「亚伯拉罕ê上帝」,原因tī-chia。

上帝拣选亚伯兰ê第一个命令,就是ài伊离开本来ê一切。换句话讲,这是一个全新ê开始,需要kā旧ê放弃掉,án-ne chiah会有新ê开始。就亲像上帝拣选挪亚仝款,全部tùi头开始做起。亚伯拉罕一定tio̍h「离开故乡、亲族,kah老父ê厝」,这对一般人来讲却m̄是一件容易ê事。

Koh讲,离开本来ê故乡kah亲人,照约书亚记第廿四章2节ê记载,原本亚伯拉罕所khiā起ê所在哈兰,是一个「拜别ê神明」之地。因为án-ne,上帝ài伊离开崇拜虚假神明之地,ē-tàng专心一意忠实tī上帝。

第三点,离开亲人、家族,mā teh说明kā人所óa靠ê气力放落,只有án-ne,人chiah会专心óa靠上帝。后来以色列人出埃及进入旷野,mā说明chit-ê意义。

第四点,值得注意ê是上帝并无明确讲出beh带领亚伯兰去tó位,只有讲tio̍h去他所beh「指示ê所在」,希伯来书ê作者因为án-ne讲亚伯兰确实是对上帝有绝对ê信心(参考希伯来书十一:8—10)。

第2节,chit节是说明上帝为何拣选亚伯兰,siōng重要ê意义就是beh藉tio̍h亚伯兰赐福hō͘万民。受上帝拣选,并m̄是beh kā上帝ê恩典独占来享受,á是beh成做上帝ê同工,hō͘ koh khah chē人得tio̍h利益。

Koh讲,上帝讲beh「赐福」hō͘亚伯兰,这是一种应允,mā是一种特有ê福气。这「赐福」一词kah创世记第一章28节所用ê词仝款,表明hō͘亚伯兰有充沛ê性命力,thang延续性命到后代kiáⁿ孙。

第3节,充分显示上帝kah亚伯兰同在,因为án-ne,甚么人祝福亚伯兰,等于teh回应上帝ê疼。相对ê,若是「诅咒」亚伯兰ê,等于kah上帝相对抗仝款。因为án-ne,第3节mā thang án-ne了解:亚伯兰ê朋友,就是上帝ê朋友;亚伯兰ê敌人,就是上帝ê敌人。

第4节是非常重要ê一节,kā亚伯兰对上帝ê信心完全显露,伊「遵照上帝ê指示」去做,然后第5节讲伊就带tio̍h bó͘、家当,以及伊ê侄á罗得同齐离开哈兰。

第6到9节,亚伯兰对上帝ê忠实,tùi伊到示剑ê时起祭坛敬拜上帝thang看出来。然后到伯特利mā是仝款起造祭坛敬拜上帝。

起造祭坛代表两种意义:一是表示家己ê势力范围,二表示kah上帝ê关系亲密结连。上帝对亚伯兰显现,mā teh表明他一直kah亚伯兰同在,虽然并无说明到底beh去tó位,m̄-koh却一直teh陪伴伊、保护伊,带领伊。

经文:

创世记 12:10-12:20

注释:

Chit段经文ê记事tī第二十章、第廿六章lóng重复出现,因为án-ne,tī圣经学界引起真chē议论。真有可能是仝一件事,经过真chē无仝ê传述后有差别,m̄-koh lóng表明圣经beh说明ê一个道理:有上帝同在,并无表示lóng bē tú-tio̍h困境,却是有够额ê性命力,ē-tàng超越困境,甚至赢过困境。Tī chit段经文中描述亚伯兰tú-tio̍h饥荒,tùi án-ne进入埃及,m̄-koh mā同时面临性命危险。

第10节第一pái提起埃及对以色列民族ê「贡献」,因为án-ne,摩西律法清楚ài以色列人民「bē-tàng轻视埃及人」(参考申命记廿三:7)。圣经真chē pái提起埃及常常是以色列民族「避难」ê场所,亲像:后来雅各家族因为饥荒ê缘故进入埃及(参考四十二章起);耶稣降生时,希律王下令杀灭所有犹太人两岁以下ê男婴,耶稣ê父母为tio̍h避难mā进入埃及,直到大屠杀事件过了后chiah tńg来(参考马太福音二:13— 23)。

Chit段经文mā thang看tio̍h亚伯兰不诚实,而且因为chit-pái ê不诚实换来到「真chē牛、羊、驴、骆驼,kah奴隶」,chit种不义之财真紧to̍h teh kah罗得分地时消失à。Koh khah严重ê是,原本亚伯兰受呼召是beh hō͘ koh khah chē人得tio̍h上帝赐福,m̄-koh却因为伊不诚实, hō͘帮助伊ê埃及王国m̄-nā无得tio̍h赐福,反tńg带来灾难,这是真值得深思ê一件事。

另外一方面,亚伯兰会án-ne做,mā是一种权宜之计,因为当时有chit种风俗:为tio̍h beh夺取对方ê bó͘,可能会动用武力强夺。亚伯兰知影家己无法度赢过埃及国王,为tio̍h要求得生存,只好用chit种方式保护kui个家族。M̄-koh上帝为tio̍h beh实现他对亚伯兰拣选ê应允,因为án-ne,hō͘埃及发生传染病,hō͘埃及国王明白家己所犯ê 错误。

另外一种看法:埃及发生传染病,埃及国王卜卦了后知影kah伊娶撒拉做bó͘有关系。因为án-ne,认为撒拉是一个祸首,怪罪亚伯兰无告知,并且赶紧kā它驱离出境。

经文:

创世记 13:1-13:13

注释:

Tī第十二章10到20节提起亚伯兰因为bó͘撒拉ê缘故,得tio̍h真chē埃及国王hō͘ in ê「无妥当」之财。chit章就随时讲出,这并无为伊带来koh khah大ê财产á是安宁,反tńg因为án-nekah家己ê侄á之间有阋墙之变。财产多并无一定是福气,m̄-koh有宽大ê心胸,就ē-tàng解除chit种危机。

第1到4节,离开埃及了后,tńg来到本来bat扎营过ê所在,亚伯兰koh一pái向上帝献祭,继续保持kah上帝之间亲密ê关系。

第5到9节,作者用轻松ê笔法,描述亚伯兰有宽大ê心胸,hō͘家己ê侄á罗得先作选择。伊强调亲人之间bē-tàng有纷争,以和为贵。伊mā显示出长辈ê度量,无kah晚辈罗得计教。

第10到13节,人ài看目chiu前ê财富,却无想tio̍h比财富koh khah重要ê是拥有上帝。因为上帝chiah是性命ê主。选择好ê财富,真可能成做远离上帝ê诱因。罗得就是看tio̍h目chiu前土地ê美,m̄-kohsúi ê表面往往隐藏tio̍h罪恶tī其中,第13节讲罗得选择siōng美ê土地,m̄-koh却是接近邪恶之城所多玛。

经文:

创世记 13:14-13:18

注释:

Chit段koh一pái说明上帝坚守他对亚伯兰ê应允。当罗得离开亚伯兰,去伊所选择siōng súi ê土地,chit时chūn,上帝koh一pái对亚伯兰说明他ê应允。Chia说明上帝beh赏赐hō͘亚伯兰ê,就是伊脚所踏ê土地,并且hō͘伊有亲像土沙hiah chēê kiáⁿ孙,这表示hō͘伊有充沛ê性命力,这是第一pái上帝hō͘ 伊明确ê应允。

经文:

创世记 14:1-14:16

注释:

Chit章mā ē-sái讲是圣经中第一pái记载有关战争ê记事,是四国kah五国对抗,mā说明人类犯罪ê特徵,就是集体残杀、掠夺。表面上看起来,chit段经文kah-ná是四王kah五王ê对敌作战,其背后真正原因是kah争夺通商要道有关。换句话讲,是为tio̍h经济利益来战。In争夺ê是通往红海ê要道,chit条要道后来mā是以色列民族出埃及进入迦南地,想beh借路通过ê路径(参考民数记二十:17、廿一:22)。自古以来,人类引发ê chit种争夺财富利益之战争,到taⁿ从来m̄-bat停止过。

Chit段经文siōng主要是teh说明亚伯兰是一个真有智慧,而且知影怎样帮助家己亲人ê大族长。Koh一pái说明上帝拣选亚伯兰ê用意,就是beh hō͘别人因为伊得tio̍h祝福。

第1到12节,chit段经文说明四王phah败五王ê联军,á chit五王包括了罗得所khiā起ê所多玛在内。换句话讲,罗得因为选择美好ê土地á拥有财富,却tī chit-pái 相战中失败soahlóng总失去。

第13到16节,亚伯兰一听tio̍h家己ê侄á受掠,而且lóng总失去财物,伊无顾性命地出面,结合伊ê盟友以实各kah亚乃,tùi án-ne联军出击四王。这说明两个重点:一是亚伯兰有真好ê外交关系,二是伊并无因为罗得选择了美好土地就对罗得怀恨,颠倒,伊无bē记得tī家己ê亲人有难ê时出手相救。

Koh讲,chit段经文讲亚伯兰ē-tàng用少少ê「精壮战士三百十八人」,kah四王相战,而且phah赢,mā说明上帝拣选伊,kah伊同在,hō͘伊有坚强ê气力。

经文:

创世记 14:17-14:24

注释:

Chit段经文真类似第十三章记载亚伯兰kah罗得分开ê情况,充分显示亚伯兰对钱财ê态度并无贪婪,而且拥有宽大ê胸襟。伊无想beh夺取别人ê财富,知影分享财物hō͘别人,kah怎样感谢祝福伊ê人。

Tī chit段经文中提供一个真重要ê资料,就是有关「麦基洗德」ê事。圣经中只有三处谈起麦基洗德,其一是chit所在,另外一是tī诗篇一一○篇4节,讲伊是「祭司」。另外是tī希伯来书第七章谈起麦基洗德,讲伊是「掖冷王,mā是至高上帝ê祭司」。

另外,chit段经文mā特别提起「十分之一」hō͘麦基洗德,原因是麦基洗德祝福亚伯兰。这十分之一数字,mā是当时人民缴交hō͘国王ê税金(参考撒母耳记上八:15—18),mā是后来摩西法律规定以色列人民需要缴交ê宗教税(参考利未记廿七:30—32)。

9.第十五章主要ê资料来源是由古老ê资料kah比较晚期ê(比「祭司文献」早一点)文献合编而成。Chit种资料称做「以罗伊文献」ê资料。包括第1到2节、5节、16节。Chit种资料ê特色,是上帝kah人对话时,无koh是直接ê,却是透过天使、梦,á是异象来启示人。

Tī chit-ê章经文中,主要谈起两个问题:一是上帝应允hō͘亚伯兰一大片土地;二是上帝应允hō͘亚伯兰有数不尽ê后裔。其实,tī亚伯兰ê族长史中,chit两个应允一直重复出现。
经文:

创世记 15:1-15:6

注释:

Chit段经文主要是讲tio̍h上帝对亚伯兰ê应允,beh赐hō͘伊有真chēkiáⁿ孙。M̄-koh亚伯兰清楚知影家己ê bó͘撒拉并无有娠,而且in两人年纪lóng已经真大,beh想有娠生kiáⁿ,kám讲hiah容易?M̄-koh圣经一再表明,tī上帝手中无无法度成就ê事(参考十八:14)。因为án-ne,tī亚伯兰家己为tio̍h beh传承á选择家己ê忠实奴仆大马士革人以利以谢ê时,上帝明确表示beh赏赐hō͘亚伯兰有亲生ê kiáⁿ来继承伊ê产业。

第5节,上帝koh一pái指天顶ê星ài亚伯兰详细算,用chit种方式表示伊会拥有极大ê性命延续气力。

第6节,chit节ē-sái讲是kui个亚伯兰族长历史中siōng重要ê一节,chit节讲,tī上帝眼中亚伯兰是一个「义人」,表示伊kah上帝ê关系非常好。Mā就是使徒保罗tī罗马书中一再使用「有合宜关系」仝款。亚伯兰ná亲像挪亚,tī上帝眼中是一个「好人」,kah上帝有密切交往(参考六:10),因为án-ne,上帝拣选挪亚,拯救伊kah全家,延续了性命到后代。创世记作者用chit节mā teh说明,上帝拣选了亚伯兰,beh透过伊来进行拯救ê工作。

经文:

创世记 15:7-15:21

注释:

Chit段经文指出上帝beh赏赐hō͘亚伯兰ê土地ê所在。

Chia提起迦南地十个族群,包括基尼人、基尼洗人、kah摩尼人、赫人、比利洗人、利乏音人、亚摩利人、迦南人、革迦撒人,kah耶布斯人等,上帝明确指出chiah-ê人所khiā起ê土地,lóng beh赏赐hō͘亚伯兰kah伊后代kiáⁿ孙所khiā起。这明确ê地点,ē-tàng解开第十二章4节所无指出ê地点之谜。

对亚伯兰来讲,目前上帝ê应允lóng iáu未实现,一则伊ê bó͘ iáu是无有娠,二则伊iáu teh漂流中,m̄知tó位thang歇脚。因为án-ne,当上帝讲beh赏赐hō͘伊顶面所讲chiah-ê物件,对伊来讲是真大ê应允,大大超过伊所ē-tàng承受ê范围。因为án-ne,伊想beh知影怎样明明确知影上帝对伊ê应允果然会成真,这是chit章ê主要用意。

Chit章mā说明人想beh明白上帝ê旨意,thang用献祭ê方式来询问,这mā是早期宗教信仰ê方式之一,ná亲像今á日ê人用祈祷来询问上帝ê旨意仝款。

Tī chia亚伯兰用献祭ê方式来走chhōe上帝赏赐hō͘伊应允之记号,á上帝是用火降临烧献祭物,表明应允必定会实现。

注意第18节,chia表明因为接纳亚伯兰ê献祭,而成做「正式」ê立约。这mā说明献祭mā是kah立约有关连。



经文:

创世记 16:1-16:4

注释:

第十六章则由古老ê「耶和华文献」、稍晚ê「以罗伊文献」,kah「祭司文献」合编而成。其中「祭司」ê资料只出现 tī第1、3、15到16节,á「以」典ê资料mā kan-taⁿ出现 tī第9、10两节,其余lóng是「耶」典ê文献。

创世记chit本经典其实mā是一本讲以色列chit-ê家族发展ê一本经典。Tùi第十六章开始,真具体讲tio̍h chit-ê家族里所发生ê各种人、事ê问题。亲像有亚伯兰kah 伊ê bó͘撒拉ê问题;有以撒kah伊ê gín-á以扫、雅各ê事;有雅各kah十二个gín-á之间ê互动关系,以及这十二个gín-á彼此之间互动所延伸出来ê问题。Mā有撒拉kah夏甲 ê纠纷,有利百加kah家己所疼ê kiáⁿ雅各之间发生ê问题。串连其中ê是利亚kah拉结两位姊妹之间争夺丈夫之战。作者用chit种材料构成以色列十二支族间ê关系,同时用上帝立「性命ê约」来说明上帝ê拣选,kah他拯救工作ê信仰意义。

续落去tī十五章了后,chit章说明亚伯兰ê信心出了状况。虽然上帝有应允,而且mā真清楚kā伊讲,只有伊亲生ê kiáⁿchiah是伊真正继承人(参考十五:4b)。M̄-koh,无kiáⁿ续接产业,á是家族性命,tī当时ê社会乃是一件大事。因为án-ne,亚伯兰ê bó͘撒拉对伊献计,hō͘婢女夏甲来kah亚伯兰同房,thang延续下一代ê性命。撒拉chit种作法,mā同时teh表明伊对上帝ê应允并无信心,á亚伯兰会接受撒拉ê献计,mā说明伊对上帝hō͘伊ê应允,无坚定ê信心。人用家己ê方式,取代上帝ê应允,结果kan-taⁿ会为家己带来koh khah chē ê烦恼而已。

Chit段经文说明撒拉并无因为hō͘夏甲 kah亚伯兰同房á hō͘家己ê计谋成功来欢喜,颠倒,却为家己带来koh khah大ê困扰,因为家己无法度有娠soah hō͘夏甲看bē起她。早期东方社会对cha-bó͘人hō͘ in ê评价,是看她是m̄是ē-tàng有娠生kiáⁿ来决定,一个cha-bó͘人ē-tàng有娠生kiáⁿ,chiah有存在ê价值。


经文:

创世记 16:5-16:8

注释:

撒拉虽然无法度有娠生kiáⁿ,m̄-koh却对亚伯兰有真大ê影响力。她强调是因为身为cha-po͘人ê亚伯兰纵容婢女夏甲,chiah会致使夏甲傲慢看bē起她。亚伯兰则表示无chit款tāi-chì,伊眼中ê夏甲 iáu-koh是撒拉ê婢女,thang随在撒拉处置。结果夏甲就án-ne tī撒拉ê虐待之下逃离家门。夏甲遭遇chit款变故,唯一ê面对方式就是哭诉。性命tī苦难中哭诉,上帝必定会垂听被欺负者ê声音。

经文:

创世记 16:9-16:16

注释:

15.第十六章9到16节:
因为上帝听tio̍h夏甲受难ê哭声,他差遣天使来关心受难ê夏甲,应允夏甲 ê kiáⁿ孙mā会ná亲像沙滩上ê沙á是天顶ê星仝款,chē到无法度详细算。Koh khah重要ê,是tī第11节清楚说明夏甲生落来ê kiáⁿ tio̍h号ê名,就是「以实玛利」。Chit-ê名ê意思,就是「我ê上帝已经听见」。第12节mā描述以实玛利ê个性。由上帝亲自号名,mā teh说明chit-ê人kah上帝之间有特别亲密ê关系。

第13节,chit节说明上帝kah人之间ê极大cheng差,hō͘人无法度正面看见上帝ê面。M̄-koh夏甲认为家己已经亲自看tio̍h上帝,这hō͘伊ē-tàng勇敢koh一pái tńg来到亚伯兰ê身边,承受来自撒拉各种方式ê欺负。
经文:

创世记 17:1-17:14

注释:

第十七章全部lóng是出tī「祭司文献」。chit章主要teh说明上帝亲自kah亚伯兰立约,而且chit-ê约是永远ê约,koh thang延kah后代kiáⁿ孙ê约。

第1节开始就讲亚伯兰chit-má ê年龄已经是「九十九岁」,离伊当年接受呼召ê时(七十五岁),已经过廿四年ê时间。Chit节mā清楚说明chit位呼召伊离开哈兰ê上帝之特性,就是全能ê上帝。Chit句话已经说明一件重要ê信息:tī人看起来无可能ê事,「tī上帝,事事lóng ē-tàng」(参考马可福音十:27)。

第2节,koh一pái强调上帝用立约来表明一定会实现chìn前hō͘亚伯兰ê应允,就是kiáⁿ孙chē到无法度详细算。

第3到6节,chit段经文非常重要ê所在,就是上帝hō͘亚伯兰一个新ê名,叫亚伯拉罕,表示亚伯拉罕kām̄-nā是一个家族ê族长,mā是多国之父。换句话讲,伊ê kiáⁿ孙会建造真chē国家。

第7到8节,koh一pái提起另外一个应允,就是会赏赐hō͘亚伯拉罕拥有迦南地当做后代kiáⁿ孙khiā起ê所在。Án-ne,上帝ê应允jú来jú明显,清楚知影土地所在,只欠gín-á来继承。

第9到14节chit段经文提供非常重要ê立约记号,就是割礼。所谓割礼,就是割去cha-po͘人生殖器ê包皮。Chit种行为其实在当时ê中东地带等地真盛行(参考耶利米书九:25),是为cha-po͘人举行成人礼ê一种仪式。M̄-koh,以色列民族kā chit-ê行为hō͘ in信仰化,m̄-nā提升割礼ê含意,mā提升kui个民族ê结合力,因为割礼变成是kah上帝立「永远之约」ê记号。Chia规定所有cha-po͘-gín-á出世ê第八工tio̍h举行割礼。这表明以色列人民会kah迦南地ê人无仝款,因为迦南地ê cha-po͘人lóng是tī十三岁ê时chiah举行割礼(参考第25节),m̄-koh以色列人民是tī出世后ê第八工,表示in tùi出世就已经分别为圣à。

第 14节是真重要ê一节,以色列chit-ê民族一定tio̍h遵守ê约定,就是每一个cha-po͘人lóng tio̍h行割礼,用来表明in kah上帝之间无法度分开ê关系。而且范围包括厝里所有ê奴隶在内。这mā说明割礼,是一种「洁净」ê记号。无割礼ê,就是无清气、lah-sap,甚至thang当做罪人来看待。

经文:

创世记 17:15-17:22

注释:

chit段经文是kah撒拉会有娠生kiáⁿ有密切关系,mā是teh回应第1节上帝对亚伯拉罕所讲ê,他是一个全能ê上帝。

	Ná亲像第5节上帝kā亚伯兰ê名改做亚伯拉罕,chit-má第15节提起上帝kā撒莱ê名改做「撒拉」,其实chit两个名ê意思lóng仝款,指ê是「公主」á是「王妃」ê意思。因为亚伯拉罕是万国之父,撒拉就有王后ê含意。

	第16节特别提起上帝beh「赐福」hō͘撒拉,ná亲像头前所提起过ê,赐福表明ê就是有性命力,mā teh表示有延续性命、生育性命ê意思。

	第17到18节,当上帝kā亚伯拉罕讲chit件事ê时,伊ê态度是怀疑ê,伊tī心底「偷笑」,伊tùi过去beh hō͘家己ê奴仆以利以谢继承家族,chit-má伊认为以实玛利thang做伊ê继承人,虽然是tùi婢女夏甲得tio̍h ê,mā算是伊亲生ê。M̄-koh全能ê上帝清楚知影亚伯拉罕ê心思意念。

	第19到22节,上帝koh一pái向亚伯拉罕确定讲,撒拉一定会为伊生一个kiáⁿ,而且名mā是由上帝号名,叫作「以撒」,意思是teh指亚伯拉罕「笑笑á」。以实玛利mā是由上帝号名,chit-má以撒mā是由上帝亲自号名,这lóng teh表示kah上帝之间有bē-tàng分开ê关系。

	第19 kah 21节,上帝清楚表明beh坚守kah亚伯拉罕之间所立ê约,chit-ê约就是赏赐hō͘亚伯拉罕多子多孙,mā tio̍h赏赐hō͘伊迦南地当做后代kiáⁿ孙khiā起ê所在。

	第20节,chit节表明上帝并无疏忽以实玛利,而且beh赐福以实玛利有chē kah「十二个kiáⁿ」,而且每一个kiáⁿ ê kiáⁿ孙lóng会成做部落、族群ê领导者。

	第22节,是回应第1节所提起ê,上帝亲自显现tī亚伯拉罕面前,他kā chit-ê重大信息传hō͘亚伯拉罕了后,就tńg去到天顶。这mā说明上帝kah亚伯拉罕之间有特别密切ê关系,chiah ē-tàng亲自面对面见tio̍h上帝。




经文:

创世记 17:23-17:27

注释:

Chit段经文清楚说明亚伯拉罕ná亲像挪亚仝款,对上帝lóng完全遵守,照上帝吩咐ê去做(参考六:22、七:5)。伊带领厝里所有ê cha-po͘人,包括in中间ê奴仆lóng实行割礼。这割礼表明ê就是kah上帝立落来永远ê性命ê约。

经文:

创世记 18:1-18:15

注释:

第十八到十九章全部lóng是「耶和华文献」ê资料。Chit种文献tī创世记中占有真大ê份量,包括第二章、第三章、第四章、第十二章、第十三章、第十五章,kah第十六章lóng是属tī chit种文献。这两章lóng是讲tio̍h有关上帝毁灭所多玛城ê故事,hō͘读者印象相当深刻。头前有提起过,「耶和华文献」ê特色,就是用「拟人化」ê笔法teh讲述上帝kah人之间ê关系。Ná亲像第三章,讲上帝tī伊甸园里kah人直接对话。这两章mā是án-ne,上帝亲自kah亚伯拉罕讲话,甚至thang讨论有关所多玛城发生ê问题。Á这两章ê重点就tī第十八章17到19节所提起ê,上帝kah亚伯拉罕有特别亲密ê关系,因为án-ne,上帝kā准备ài惩罚所多玛城ê计画kā亚伯拉罕讲。

上帝亲自显现tī亚伯拉罕ê面前,chit种笔法就是「耶」典资料ê特色,mā说明tī上帝眼中,亚伯拉罕确实是无仝款ê族长。作者并无说明上帝是用怎样ê形式出现 tī亚伯拉罕面前,thang hō͘伊一看就知影he是上帝。作者beh表明ê一个信念:kah上帝有亲密关系ê人,只要一看,就会清楚知影三个人中间必定有上帝ê天使,kah上帝亲自在中间。因为án-ne,当伊一看见这三人行过来,就赶紧趋向前去,而且用「坦覆 (thán-phak)在地」ê方式迎接in三人。Chit种态度tú好说明亚伯拉罕知影in三人m̄是一般人,而且有上帝现身tī伊目chiu前。

第3到5节,第3节chia用「我主」一词,表示单数。亚伯拉罕清楚知影这三人中间有一位是领导者,á是主要ê对象。伊beh接待in,希望in ē-tàng留落来做客。In接受亚伯拉罕ê邀请,成(chiâⁿ)实留落来接受招待。Mā因为án-ne,希伯来书ê作者劝勉早期教会ê信徒,讲:「M̄-thang bē 记得接待出外人,因为án-ne 做会tī 无意中接待tio̍h 天使。(全民版)」(希伯来书十三:2)这ē-sái讲是亚伯拉罕ê亲身经历。

洗脚,这是中东地带非常重要ê待客礼节。耶稣bat受邀请去一位法利赛人西门ê厝作客,m̄-koh西门却无the̍h水hō͘耶稣洗脚,ē-sái讲有一位hō͘人认为是「罪人」ê cha-bó͘人,却用伊ê目屎kā耶稣洗脚,然后用珍贵ê香油膏耶稣ê脚(参考路加福音七:37—39)。Tī最后晚餐ê时,耶稣亲自the̍h水为门徒洗脚(参考约翰福音十三:5),然后希望门徒mā kah伊仝款ê态度学习谦卑家己(参考约翰福音十三:14—15),m̄是beh做别人ê领袖,是beh成做众人ê奴仆(参考马可福音十:45)。

第6到8节,重点并m̄是在tī亚伯拉罕án怎煮食佳肴待客,却是伊真诚ê热情,说明伊kah上帝之间美好ê关系。

第9到15节,chit段经文koh一pái说明上帝对亚伯拉罕ê应允并无改变,他清楚kā亚伯拉罕讲,一年后chit-ê时chūn,撒拉一定会有娠生kiáⁿ。Chìn前亚伯拉罕偷笑,chit-má换做撒拉bih tī帐棚后面「偷偷á笑」,原因是伊清楚知影家己ê 更年期已经过,因为chit时她已经八十九岁ā,用人ê理解kah能力,是绝对无可能有娠生kiáⁿ。M̄-koh圣经作者就是beh强调tī上帝手中,无无法度成就ê事,这mā是第十七章1节所强调ê,上帝是全能ê意思。

Chit段经文siōng主要是teh表明上帝对亚伯拉罕ê应允teh beh实现,而且已经订出时间表,就是tī一年后。这kah以前只有kā亚伯拉罕讲beh赐hō͘伊kiáⁿ,ná亲像天顶ê星辰、海边ê细沙hiah-ni̍h chē,真无仝款。Chit-pái是kā伊讲明确ê时间是tī一年后,伊ê bó͘撒拉会生一个kiáⁿ。圣经作者一再强调一件事:上帝所应允ê约必定会实现,而且实现ê时间mā是tī他ê计画中,m̄是人ē-tàng替上帝决定时间。性命ê事,lóng是tī上帝手中,上帝决定性命ê时间,生kah死lóng是tī上帝ê手中决定。


经文:

创世记 18:16-18:19

注释:

Chit段经文非常重要,说明上帝拣选人来做他ê同工、奴仆,是有重要任务ê,并m̄是ài被拣选者家己享受各种福气,却是带有社会责任ê。因为án-ne,第19节清楚讲tio̍h上帝ài亚伯拉罕指示伊ê后代服从上帝ê命令,而且一定tio̍h「主持公道、伸张正义」,án-ne chiah ē-tàng显示出上帝真实ê疼,chit种认bat是非常重要ê。先知以赛亚mā传出chit种信息(参考以赛亚书四十二: 6、21)。

因为只有án-ne,chiah ē-tàng见证上帝ê慈爱(参考以赛亚书四十五:19、21)。Á hō͘ 上帝拣选ê人若beh达成上帝拣选之目的,就一定tio̍h先行公义chiah thang,若无,就无能力、资格主持公道,伸张正义。若无án-ne做,就是teh践踏上帝拣选ê恩典。

经文:

创世记 18:20-18:33

注释:

这是一段顶港有名声下港有出名ê故事,说明亚伯拉罕kah上帝商量讨论有关beh惩罚所多玛城、焚毁hit-ê城ê事。

第21节讲上帝beh「落去看māi」,意思是teh指上帝已经清楚知影hit-ê城ê实况,chit-má是beh落去进行惩罚ê工作。M̄-koh tī惩罚chìn前,他beh koh等待看māi hit-ê城是m̄是有悔改ê现象出现。

亚伯拉罕掠tiâu chit-ê机会,提出一个重要ê问题:公义ê上帝,是m̄是不分无辜êkah有罪ê人?圣经作者一再表示:上帝bē kā无辜êmā列入惩罚对象。圣经作者甚至讲上帝siōng讨厌有权势ê人,杀害无辜ê,流无辜ê血,上帝一定会追究(参考列王记下廿四:4)。

上帝ê回答非常清楚,是一定分别清楚。因为án-ne亚伯拉罕就一再恳求上帝kā hit-ê城「无辜ê人」hō͘ in放宽,下修制限ê数目,上帝mā照亚伯拉罕ê意思放宽à。

Chia所讲ê「无辜ê人」,若以「知影悔改ê人」ê意思来了解会比较khah正确些。基本上,hit-ê城是已经无所讲ê「好人」了,特别是创世记作者bat用chit种笔调描述人类ê行为景况:「上主看tio̍h 人tī 地上,罪恶真大,心内所想ê 念头ta̍k 日lóng 是pháiⁿ ê。」「我无beh koh因为人ê 缘故咒诅地,因为人tùi 细汉ê时,心所想ê 就是pháiⁿ。(全民版)」(创世记六:5、八:21b)。因为án-ne,无辜ê意思,若用「知影悔改」是比较接近原来ê意思。Ná亲像约拿书所beh表达ê意思仝款,只有悔改chiah ē-tàng挽回上帝ê受气。先知以西结mā提出仝款ê看法(参考以西结书三十三:11)。

第26到32节,tī chit段经文中,thang清楚看tio̍h亚伯拉罕是tùi「五十」、「四十五」、「四十」、「三十」、「二十」、「十」等数目kah上主讨论,而且制限渐渐减少。Á chiah-ê数目lóng kah「五」ê倍数有关。另外一方面,提出chiah-ê数目的主要含意是:一个公义、慈悲ê上帝,kám真正会tī有无辜êkhiā起hit内面á毁灭kui座城市?答案是:绝对bē!

此外,chit段经文mā thang看tio̍h,上帝beh惩罚犯罪ê对象,并m̄是无缘无故,却是经过详细调查,而且亲临访视chiah做出决定。这mā是「耶」典ê作者一再beh表达ê信息。

经文:

创世记 19:1-19:11

注释:

除了第29节是「祭司文献」外,其余ê lóng是「耶和华文献」ê作品。第29节mā讲出「祭司文献」ê特色:上帝是一个遵守「约」ê上帝。他kah亚伯拉罕立「约」,必定会照「约」去行。

有关所多玛、蛾摩拉这两城毁灭ê记事,mā是kui本圣经中kúi-nā pái引用作警语ê素材(参考申命记廿九:23、三十二:32;以赛亚书一:9—10、三:9、十三:19;耶利米书廿三:14、四十九:18、五十:40;耶利米哀歌四:6;以西结书十六:48;阿摩司书四:11;西番雅书二:9)。通常lóng是用来警告犯罪ê结果会亲像chit两个罪恶ê城市仝款,遇tio̍h上帝彻底ê毁灭。

Chit章mā传达了两个重要信息:罪恶ê结果会带来上帝严厉ê惩罚;á tī上帝严厉惩罚ê毁灭中,会看见上帝仁慈ê作为,进行拯救ê工作。

Chit段经文详细描述所多玛城犯罪严重ê景况,差不多是到人人lóng是罪恶ê共犯。Mā同时回应了第十三章13节所提起ê,hit-ê城ê人邪恶,大大得罪上帝。

第1到2节,chit三位来到亚伯拉罕厝里作客ê人中间,tùi第十八章17节真清楚讲出有一人是上帝,另外两个就是天使。Chit两位天使来到所多玛城,hit时「罗得坐tī城门口」,这表示罗得tī hit-ê城已经有社会地位。因为城门口mā是圣经时代ê法院、贸易ê所在。罗得对生份人ê动作,ná亲像伊ê伯父亚伯拉罕仝款,好款待出外人。伊像亚伯拉罕仝款,看见chit两位生份人竟然「坦覆 (thán-phak)tī in面前」,kah-ná感觉in是特别ê生份人,因为án-ne用相当热情、诚恳ê态度接待。

第3节,虽然这两人本来是无phah算beh tī罗得ê厝过暝,m̄-koh因为罗得「坚持邀请」,后来伊chiah有得tio̍h有拯救ê机会。罗得用水替in洗脚,mā烘饼hō͘ in食。

第4到5节,chit两节说明所多玛城人恶质ê面貌,mā回应了第十八章20节所记载ê,讲hit-ê城kah蛾摩拉城ê人民真正是恶贯满盈。

第6到8节,古代中东社会有chit种风俗,只要是接待出外人入室,就beh保护in ê安全,甚至tio̍h牺牲家己ê性命mā无teh可惜。为tio̍h beh保护chit两位天使,罗得甚至愿意牺牲家己iáu是处女ê cha-bó͘-kiáⁿ任in蹂躏。

第9到11节,m̄-kohhit-ê城ê人显然不买帐,甚至清楚表示in眼中ê罗得,并m̄是in尊敬ê人。虽然伊位居重要职务(坐tī城门口,有ná长老身分),in甚至恐吓伊,tio̍h用koh khah凶悍ê方式对待伊。Chit两个天使终其尾出手保护罗得,并且hō͘民众「chheⁿ-mê眼,chhōe bē-tio̍h门」。

经文:

创世记 19:12-19:22

注释:

Chit段经文除了teh回应亚伯拉罕对上帝ê恳求,就是如果只有ē-tàng chhōe-tio̍h十个无辜ê人时,上帝mā会毁灭hit-ê城?答案是:bē。M̄-koh chit段经文却真清楚指出hit-ê城是连十个mā chhōe bē-tio̍h!即使是án-ne,上帝iáu是因为亚伯拉罕ê缘故,救出了伊ê侄á罗得,以及罗得ê厝内人。

第12到14节,chit时chūn chit两个人露出身分,in hō͘罗得知影in是来执行「毁灭」所多玛城ê上帝使者。In ài罗得去chhōe厝里ê人,包括kiáⁿ、kiáⁿ婿,á是其他亲人。可惜当罗得去chhōe in时,in lóng m̄相信罗得,认为伊是teh「讲sńg笑」。

第15到17节,因为无人相信罗得,天使只好催促罗得赶快带tio̍h伊ê bó͘ kah两个cha-bó͘-kiáⁿ离开所多玛城。M̄-koh罗得有iáu豫,表示伊恋栈tio̍h所多玛城ê荣华富贵生活。是因为chit两位天使拉tio̍h罗得kah伊ê bó͘,两个cha-bó͘-kiáⁿ,ài in赶快走,而且警告in bē-tàng tńg来头看,mā bē-tàng停留tī山谷, tio̍h走去到山顶。

第18到20节,chit时chūn,罗得chiah发觉事态严重,m̄-koh伊恳求天使怜悯in,hō͘ in thang得tio̍h喘息ê机会。

第21到22节,天使答应in,hō͘ in走到附近ê琐珥城to̍h ē-sái。

经文:

创世记 19:23-19:29

注释:

Tùi第23到25节来看,kah-ná火山爆发ê款,火烧ê硫磺淹无了所多玛kah蛾摩拉chit两个城,而且摧毁了所有地上ê一切。

第26节,可惜ê是因为罗得ê bó͘无听苦劝,「tńg来头观看」所多玛城á丧失性命。

第27到29节,亚伯拉罕看见所多玛kah蛾摩拉这两座城hō͘ 上帝摧毁ê实况。Á第29节mā回应了当初上帝拣选亚伯拉罕ê时所应允ê,人会因为伊蒙福(参考十二:2)chit句话。

这说明一件非常重要ê信息:看起来繁华ê城市,却往往是hō͘人犯罪ê陷阱。罗得选择看起来「kah-ná伊甸园,koh像埃及ê土地」(参考十三: 10),却是hō͘伊离开上帝ê主因,这是值得深思ê功课。

经文:

创世记 19:30-19:38

注释:

Chit段经文主要是teh讲述摩押人kah亚扪人ê祖先是tùi何而来ê。Koh讲,chit段经文mā提供一个重要ê题材:以色列人民kah摩押人、亚扪人之间ê深仇大恨之背景,chit点tùi民数记第廿二到廿五章,申命记第廿三章3到6节,以及士师记第三章12到30节等等,thang看tio̍h以色列民族kah chit两个民族之间ê对敌状态。M̄-koh,当以色列人民对摩押人、亚扪人带有历史情结ê仇恨、歧视时,路得记chit本经册ê作者提供了另外一个观点,是非常值得大家注意ê。

Chit段经文mā是有关罗得记事ê结束,tùi第十一章记载伊丧父,到第十二章伊跟tòe伯父离开哈兰,然后选择看起来真肥美ê土地khiā起,却因为án-ne远离了上帝透过亚伯拉罕带来ê赐福,á kah罪恶tòa做伙,结果是丧失了所有ê一切。

Koh讲,醉酒sià面子,这mā是挪亚事件了后ê另外一个例(参考九:21—27)。圣经作者一再提醒bē-tàng醉酒,因为会乱了该做ê事(参考箴言三十一:4,以赛亚书廿八:7,罗马书十三:13,哥林多前书五:11、六:10)。

第二十章除了最后一节(18节)是「耶和华文献」ê资料以外,其余所有ê 17节lóng是属tī「以罗伊文献」ê资料。

Ná亲像头前已经叙述过ê,有关亚伯拉罕kābó͘撒拉当做家己ê小妹看待,chit件记事应该kah第十二章、第廿六章可能是仝一件事,m̄-koh,经过无仝ê流传kah资料ê收集有差别。因为如果照经文ê编辑顺序看,chit时ê撒拉应该mā有八十九岁了,而且已过了更年期,根本无算是所讲ê súi、少年。M̄-koh,ná亲像tī前段所讲ê,这是「以」典提供ê资料,á第十二章则koh khah古老ê「耶」典资料,表明he是无仝资料ê来源。

Tio̍h注意ê是:kui个故事ê中心内容是tī第3到13节ê对话、辩解等chit部分。重点在tī beh厘清tāi-chì ê真相:到底是甚么人tio̍h、甚么人m̄-tio̍h。

Chit段经文mā提供一个真重要ê信息:上帝会阻止人犯罪,bē hō͘无辜ê陷入罪恶中。只要人ê心中保持纯洁ê心仰望上帝,上帝必定会设法阻止无辜ê犯罪。

经文:

创世记 20:1-20:7

注释:

「基拉耳」,这是设tī非利士人ê境内,大概就在地中海岸边ê迦萨城kah别示巴之间。这附近地区ê人对亚伯拉罕并无生份,因为tī第十二章9节、第十三章1节等等lóng有提起亚伯拉罕行到「迦南南部」ê所在。

第2节,chit节是为tio̍h第3到13节之间ê对话chhōe切入口。亚伯拉罕会kā家己ê bó͘讲做小妹,其实这mā是早期游牧民族来到一个新ê所在,保护家己家族成员ê一种方式,mā m̄是每pái lóng需要án-ne,却是tú-tio̍h地主á是强势者出现时,普遍采用ê一种方法。

第3到5节,chit段经文说明亚比米勒并m̄是故意,á是tùi亚伯拉罕手中强夺伊bó͘撒拉。Koh讲,chia讲上帝tī「梦」中出现对亚比米勒讲话,这tú好是「以」典资料ê特色,说明上帝会透过天使、梦、异象等向人启示他ê旨意。Á无亲像「耶」典上帝是直接kah人面对面讲话。

亚比米勒真清楚向上帝表明家己ê「无辜」,mā同时确信上帝绝对bē hō͘无辜ê受tio̍h惩罚。

第6到7节,上帝是无所不知ê神,他当然清楚甚么人是有意á是无辜。上帝回应亚比米勒ê担忧,mā hō͘伊知影上帝确实知影伊是无辜ê,因为án-ne chiah出现阻止chit件事。

第7节是真特别ê一节,mā是第一pái提起亚伯拉罕是「先知」,mā说明先知会替上帝ê子民祈祷(参考耶利米书七:16、十一:14、十四:11、三十七:3)。上帝严厉警告亚比米勒一定tio̍h随时kā撒拉还hō͘亚伯拉罕,若无,会带来严重ê后果。


经文:

创世记 20:8-20:18

注释:

亚比米勒召集宫廷官员,hō͘ in知影上帝向伊启示ê经过,大家lóng惊惶因为chit件事受tio̍h天谴。伊mā同时谴责亚伯拉罕欺骗ê行为,差一点á害伊kah伊ê人民受难。

第11到13节,chit三节是亚伯拉罕回答亚比米勒kah伊ê臣仆ê话。第11节,亚伯拉罕承认家己掠做是亚比米勒是一个m̄敬畏上帝ê君王,伊承认家己tī认知上错误。这表示亚比米勒心中是敬畏上帝ê,而且伊ê人民mā是,chiah会有听tio̍h上帝谴责时,心中lóng非常惊惶,这只有心中有上帝ê人chiah会有ê反应。

第12节记载亚伯拉罕讲撒拉是伊ê同父异母小妹,tī东方社会chit种兄妹结婚ê例真chē。大卫王ê kiáⁿ暗嫩,就是爱上家己ê同父异母小妹她玛,后来为tio̍h同房ê事á发生惨剧(参考撒母耳记落来第十三章)。

亚伯拉罕表示当年离开哈兰时,伊就bat kā撒拉讲过需要伊用「小妹」ê身分kah伊同行,好保护伊。

第14到16节,chit三节充分显示亚比米勒是一个真善良ê君王,伊接受亚伯拉罕ê道歉,同时好款待亚伯拉罕。伊提供真chē财物表示歉意,m̄-koh chiah-ê物件mā同时teh表示因为避过一pái灾难á应该献上ê礼物。因为亚伯拉罕是先知,有替亚比米勒kah伊ê人民向上帝祈求,表示一种祈福ê酬劳。亚比米勒特别对撒拉讲,伊hō͘亚伯拉罕「一千块银á」,当做「证明」伊是「清白ê」,án-ne,以后亚伯拉罕kah撒拉若留tī基拉耳,会lóng受尊重,无人会欺负in。

第17到18节,beh表明亚伯拉罕有先知ê身分,因为án-ne,伊ê代祷会蒙上帝垂听。Mā因为án-ne,亚比米勒宫廷ê cha-bó͘人mā因为亚伯拉罕ê代祷,带来真大ê赐福,ē-tàng有娠生kiáⁿ,这是真大ê福份。


经文:

创世记 21:1-21:8

注释:

第廿一章大部分是用「以罗伊文献」ê资料为主轴。除了第1到2节、7节、28到30节、33节是属tī「耶和华文献」资料,第3到5节是属tī「祭司文献」外,其它ê lóng是属tī「以罗伊文献」。因为án-ne,mā thang看tio̍h kui章是用chit三种文献混合编辑而成。

Chit段经文讲述撒拉终其尾有娠生kiáⁿ,tùi亚伯拉罕七十五岁hit年离开哈兰开始,chit期间上帝虽然一再表示beh赐福hō͘伊有ná天顶ê星hiah-ni̍h chē ê kiáⁿ孙,m̄-koh撒拉lóng是无出现有娠ê现象。虽然亚伯拉罕bat想beh用家己忠实ê厝仆以利以谢继承产业,撒拉用女婢夏甲生kiáⁿ来续接家族传承,m̄-koh这lóng m̄是上帝ê旨意。上帝是beh tùi亚伯拉罕kah撒拉家己来生kiáⁿ,上帝并且已经替chit-ê gín-á取以撒ê名(参考十七:19)。Chit段经文就是teh说明上帝所应允ê事,必定会成就,果然以撒出世。

「以撒」,chit-ê名就是「欢笑」ê意思。Mā teh表示无论是亚伯拉罕kah撒拉,lóng bat因为听见上帝hō͘ in应允beh亲自有娠生kiáⁿ á笑出来,chit种笑mā是teh怀疑上帝ê应允。

第4到5节,亚伯拉罕照kah上帝之间立约ê规定,tī以撒出世后ê第八工hō͘ in「施行割礼」(参考十七:12)。Á当以撒出世ê时,「亚伯拉罕一百岁」,这距离伊出哈兰时七十五岁,已经经过廿五年ê时间,á chit时ê撒拉已经九十岁。这说明tī人看起来是无可能ê事,tī上帝无无法度成就ê事(参考十八:14)。

第6到8节,欢笑kah大pái筵席成正比,表示这是一件听tio̍h ê人lóng会欢笑á畅饮ê大事。Tī当时东方社会,gín-á断奶是tī二到三岁ê时chūn。

经文:

创世记 21:9-21:13

注释:

Chit段经文主要内容讲tio̍h两件事:一是家庭冲突,另外一个是tī旷野中,上帝对夏甲 ê眷顾。

以撒断奶若是用二岁算,he就是亚伯拉罕一○二岁。Á以实玛利是tī伊八十六岁时出世ê(参考十六:16)。Án-ne,chit-má ê以实玛利已经有十六岁,应该是一个大人à。伊陪chit位年尚幼年ê小弟以撒sńg,是真正常而且应该ê。M̄-koh撒拉想tio̍h ê却无是án-ne,伊想tio̍h家己年老,亚伯拉罕mā年老,若是用实玛利一直teh身边,万一亚伯拉罕老迈á去,家产ê继承权必定会落tī以实玛利ê手上。因为án-ne,伊第一个想tio̍h ê,是坚持beh断绝以实玛利将来继承产业ê可能。Tī是beh亚伯拉罕kā女婢夏甲 kah gín-á以实玛利驱逐离家伊去。

创世记编辑者就是用chit种方式teh描述人kah人之间ê冲突,往往是tùi嫉妒、争夺财物而来。Thang看tio̍h以撒ê出世,虽然为亚伯拉罕chit-ê家庭带来喜乐,m̄-koh mā带来分裂kah仇恨。Á chit件事hō͘亚伯拉罕「非常苦恼,因为以实玛利mā是伊ê kiáⁿ」。基本上chit件事mā为今á日以色列民族kah阿拉伯民族之间ê冲突写落来一记重要ê伏笔。

第12到13节,上帝既然赏赐hō͘亚伯拉罕有家己亲生ê kiáⁿ以撒,就会有真好ê安排。因为án-ne,他ài亚伯拉罕「照撒拉」去做,原因是上帝beh hō͘亚伯拉罕ê应允,是tùi以撒来传承得tio̍h。M̄-koh上帝mā hō͘亚伯拉罕知影,他会看顾kah赏赐hō͘夏甲 ê kiáⁿ孙「真chē kiáⁿ」,mā会成做「一国」。

经文:

创世记 21:14-21:21

注释:

Chia讲亚伯拉罕kā简单ê食物kah水hō͘夏甲了后,mā「Kā gín-á hē tī夏甲背上」,ná亲像头前讲过ê,chit时ê以实玛利至少mā有十六岁,无可能是幼年ê gín-á tio̍h hē tī老母ê背上。其实,chit句比较重要ê含意,表示以后以实玛利ê事,就由夏甲负责。Chia mā无提起亚伯拉罕对这母kiáⁿ ê祝福。M̄-koh人所疏忽ê,上帝一定注意而且会垂听tio̍h苦难性命ê呼求声音。

夏甲 kah以实玛利离家进入旷野ê记事,mā为后来以色列人出埃及进入旷野留落来一个伏笔。

第16到17节讲夏甲「放声大哭」,原因是面对死亡威胁,因为水lim了à,食物mā无ā。M̄-koh chit时chūn,上帝ê天使koh一pái出现,ài她「mài惊,上帝已经听tio̍h gín-á ê哭声」,m̄-nā是老母夏甲哭,连gín-á以实玛利mā向上帝哭诉受tio̍h如chit时薄ê待遇。

第18到21节,人所遗弃、欺负ê,上帝会有公义ê回应。上帝答应beh hō͘以实玛利ê后代「成做大国」,这是真大ê赐福。Koh khah重要ê,是第20节所提起ê上帝beh kah in母kiáⁿ同在,因为án-ne tī hit种恶质ê环境中,以实玛利ē-tàng成做一个「熟练ê猎人」,表示伊tī生存ê事顶面无任何问题。

经文:

创世记 21:22-21:34

注释:

Chit段经文kah第廿六章以撒kah亚比米勒ê族群争夺水井ê记事有类似ê所在。水井,对当时游牧民族来讲是相当严肃ê事,因为这牵涉tio̍h生存ê问题。早tī亚伯拉罕kah侄á罗得之间就有chit种问题(参考十三:1—9)。当时亚伯拉罕就真有大族长ê风度,hō͘罗得家己选择伊想beh ê区域。

Chit-má是亚伯拉罕kah亚比米勒之间ê奴仆,为tio̍h争水井ê问题á卯上à。Tio̍h注意ê是亚伯拉罕先用「七」只小母羊当做代价,然后chiah讲in是证明该水井是属tī亚伯拉罕ê证物。Chit种作法mā是一种技巧kah谋略。人类社会ê问题,小ê tùi家庭中ê地位、争家产,大ê到kui个家族地位、祖产,甚至到国家、区域ê领导权、经济利益等。Chit段经文teh说明人kah人之间ê问题就是在tī经济利益。

第22到24节,chit段经文说明亚伯拉罕因为有上帝同在,因为án-ne tī「每一件事」lóng显示兴旺ê气力。亚比米勒ê元帅出面讲话,mā teh暗示亚伯拉罕族群ê发展,已经威胁tio̍h基拉耳ê安危。因为án-ne,用chit种方式mā teh表明双方和平共存ê约定。

第25到31节,chit段经文说明亚伯拉罕真有技巧地用「七只小母羊」kah「一kóa牛羊」作礼物kah证物,当做家己挖到ê井ê权利,免得koh再有任何纠纷出现。

第32到34节,种树mā teh表示占有ê记号,m̄-koh亚伯拉罕真清楚,若无上帝带领,伊ê努力会付诸流水。因为án-ne,敬拜上帝,mā teh表明需要上帝ê带领kah看顾,特别是寄居tī异域之地koh khah需要上帝ê保守。

经文:

创世记 22:1-22:10

注释:

第廿二章mā是属tī「以罗伊文献」典ê资料khah-chē,tùi第1到14节、19节lóng是。

到18节是属tī「祭司文献」ê资料,20到24节则「耶和华文献」。

Chit章mā是大家所熟悉有关亚伯拉罕献以撒ê故事,是创世记中非常顶港有名声下港有出名ê故事之一。早期ê社会,献孩童hō͘神明ê仪式,tī宗教行为上是真普遍ê事,特别是tī迦南地ê宗教祭典行为中,chit种献孩童hō͘神明ê事件并无稀罕。Mā因为án-ne,摩西ê律法清楚明文禁止以色列人民有chit种行为(参考利未记十八:21、二 十:3,申命记十八:10a),chiah-ê律法规定ê背景一定kah当时、当地ê人民ê宗教行为有密切ê关系。因为án-ne,chit件亚伯拉罕献以撒ê事件,mā是用来解释为甚么以色列人民m̄免孩童献祭ê主要缘由,以区别以色列人民kah迦南地人民tī信仰上ê差别。可惜ê是,以色列人民有kóa君王并无遵照摩西律法ê规定做tāi-chì,in甚至用家己ê kiáⁿ献hō͘迦南地ê神明(参考列王记下十六:3、十七:17、廿一:6)。

Koh讲,chit件事mā进一步teh说明亚伯拉罕对耶和华上帝ê绝对忠心kah顺服。Tùi伊tī哈兰被呼召离开到chit-má,创世记作者lóng是绕tio̍h chit-ê主轴:亚伯拉罕确实是信心之父,伊对上帝ê命令绝对听从。Tī伊ê观念中,上帝既然有办法tī伊一百岁ê时chūn,hō͘伊得tio̍h gín-á,taⁿài伊kā chit-ê gín-á献tī祭坛上,伊mā ē-tàng m̄免担忧甚么,因为性命既然是tùi上帝赏赐而来,chit-má上帝ài the̍h去,他家己就会有所安排。

Chit件记事ê开始就讲上帝「考验亚伯拉罕」,chia ê考验,并m̄是讲上帝m̄知亚伯拉罕是m̄是忠心ê问题,mā m̄是怀疑伊ê忠chiâⁿ度。却是一种测验,是beh促成hō͘伊koh khah上一层楼,坚定伊ê信心。

第2节真清楚描述以撒对亚伯拉罕ê重要性,是伊所「疼ê独子」,而且hit年老ê时chūn真无简单chiah chiah得tio̍h ê。Chia讲「摩利亚」,chit位词kah「看见」、「观看」、「预备」等词ê字根仝款。

「烧化祭」,这表示是一种宰杀了后,khǹg tī祭坛上烧献hō͘神ê献祭方式。换句话讲,上帝ài亚伯拉罕kā以撒刣死当做祭品献祭。

第3到8节,chit段经文描述以撒听从并kah老父亚伯拉罕上山,á亚伯拉罕却一直隐瞒beh kā伊当做献祭用品献hō͘上帝ê事。

第5节讲亚伯拉罕kā奴仆留tī山下,伊家己带tio̍h以撒上山去,有可能为tio̍h是beh防范奴仆抢救以撒á阻碍了献祭ê事。

第8节亚伯拉罕回答以撒ê询问讲「上帝家己会亲自预备」,就是第15节所讲ê「耶和华以勒」ê意思。

第9到10节,chit两节说明亚伯拉罕一屑á 都无迟疑地就准备beh kā以撒刣死当做祭品献hō͘上帝。

经文:

创世记 22:11-22:19

注释:

Chit段经文说明亚伯拉罕确实是tī信仰上真坚定,对上帝ê话确实遵守。伊通过了上帝ê考验。

第11到12节,是kui个事件ê转捩点,上帝ê天使出现to̍h是刻阻止了亚伯拉罕刣死以撒ê行动,并且肯定亚伯拉罕tī chit件考验上通过了,确认伊心中一直是「敬畏上帝」。

第13到14节,「一只公羊」ê出现,并m̄是亚伯拉罕准备ê(参考第7节),是上帝亲自预备hō͘亚伯拉罕用ê。

第15到18节,chit段经文thang看见上帝对亚伯拉罕坚定信心ê回应,就是koh一pái表明他对亚伯拉罕ê应允一定会实现。第18节mā是koh一pái回应第十二章2到3节,上帝拣选亚伯拉罕ê应允。

第19节,chit节本是紧接14节后面,插入第15到18节,主要teh说明上帝对忠实tī他ê子民,lóng会有明确ê赏赐。

经文:

创世记 22:20-22:24

注释:

这是一份简单ê族谱,其siōng主要ê目的,是为第廿四章以撒娶利百加做bó͘作一个伏笔,说明利百加mā是属tī亚伯拉罕家族家己ê人。另外一方面,chit-ê族谱mā是teh回应第廿一章1到7节,说明撒拉生以撒,á蜜迦mā hō͘ 拿鹤生gín-á。

Koh讲,族谱ê出现mā当teh说明撒拉ê时代结束,续接而来ê kā是利百加时代来临。

经文:

创世记 23:1-23:9

注释:

第廿三章kui章lóng是属tī「祭司文献」。Mā是为亚伯拉罕chit位siōng早ê族长历史划下一个句点。Chit章mā是创世记中第一pái提起有关丧葬ê问题。

以色列人民后来真关心土地,这kah in想安葬已往生ê亲人有关。即使出外人来到in khiā起ê所在死去,mā tio̍h为in安葬chiah thang(参考马太福音廿七:7)。 比较特别是用后创世记tī记载有关埋葬往生ê人ê时,lóng会提起chit块由亚伯拉罕向赫人购买ê土地(参考廿五:10、三十五:27-29、四十九:30-31、五十:13)。

Chit段经文开始就提起撒拉享年共计有「一百二十七岁」,chit-ê岁数是用「一百二十」加「七」;前者是十二ê倍数,表示完美无缺,后者ê「七」表示有上帝赐福ê意思。虽然án-ne,亚伯拉罕iáu是为撒拉ê往生「哀恸号哭」,表示哭得非常哀伤ê意思。

第3到4节,因为往生ê所在是tī「希伯仑」,因为án-ne,亚伯拉罕决定就近买地安葬bó͘撒拉。圣经时代ê东方社会有种观念,siōng悲惨ê人,是死无葬身之地。因为无地方thang埋葬,chit种身躯会hō͘野兽吞食。因为án-ne,安葬亲人是一件美好ê事。亚伯拉罕决定向土地所有人赫人购买土地。

第5到9节,因为亚伯拉罕是寄居者,无购置土地ê财产权,除非当地ê人同意,若无伊所寄居ê土地无论做án怎用途,lóng随时有可能被索取tńg去。希伯仑ê人对伊真好,mā表示亚伯拉罕kah当地ê人之间ê互动真密切,有美好ê关系。In愿意提供土地hō͘伊作坟地ê路用。M̄-koh亚伯拉罕清楚知影án-ne土地iáu-koh像寄居者仝款,不属tī家己ê,随时有hông驱逐ê可能。因为án-ne,伊坚持beh买「麦比拉洞」,而且伊真清楚无法度要求任何减免,只有照「实价」购买,chiah bē发生纠纷。

经文:

创世记 23:10-23:16

注释:

Tùi第10到11节thang看tio̍h chit件买卖交易是非常正式ê,土地所有人是琐辖ê kiáⁿ以弗仑,伊kah其他赫人lóng「坐tī城门口聚会ê所在」,这ná亲像今á日ê法院公证处仝款。在场出席ê人lóng会成做证人,证明chit项买卖是m̄是公正。

琐辖ê kiáⁿ以弗仑态度表现出来hō͘听见ê人lóng认为伊真善良,伊表示愿意kā「ná整块田地连同田里ê洞送」hō͘亚伯拉罕去埋葬bó͘撒拉。其实,伊先讲chit段话就是beh hō͘伊ê同胞lóng看见,伊并无贪财ê意思。

第12到13节,亚伯拉罕真清楚一个寄居tī伊人ê所在ê人,无可能得tio̍h chit种礼遇,伊清楚in ê生活文化。因为án-ne,伊无被án-ne甜美hō͘冲昏了头,伊真清楚表示是beh买,无想beh接受赠与。

第14到16节,chia真清楚主以弗仑心中ê策略,就是beh用极高ê价钱出售hi̍t 所在。因为án-ne,伊出了一个价,就是「四百块银á」,这是当时ê天价。比起暗利王购买整座撒马利亚山是用「六千块银á」(参考列王记上十六:24),chit块小小ê坟地竟然beh讨价四百块银á,这真正是teh kā出外人揩油。而且iáu特别tī公众面前讲:「你我之间,ná算得了甚么?」这显示伊清楚亚伯拉罕ê经济状况,而且知影亚伯拉罕非买bē-tàng。果然,亚伯拉罕二话不讲,就买了落来。当时钱币是计算重量ê。Á chit块埋葬撒拉ê坟地,后来mā埋葬了亚伯拉罕家己、以撒、利百加、雅各等亲人kiáⁿ孙。taⁿmā成做以色列人民kah阿拉伯人民共同缅怀先人ê仝一个处所。

经文:

创世记 23:17-23:20

注释:

这是亚伯拉罕第一pái用钱买迦南地当做安葬撒拉ê坟地。伊m̄是用武力侵入迦南地,是用极高ê价钱买会tio̍h,mā因为án-ne,lóng受迦南人ê尊重。

经文:

创世记 23:23-23:35

注释:

Chit位指挥官随时采取严密ê措施,一是派出「步兵两百,骑兵七十,长枪手两百」,chit-chūn容真正是真大,只为tio̍h beh保护一位引起暴乱ê使徒保罗。二是伊决定kā使徒保罗移送到该撒利亚hō͘总督腓力斯(Tiber ius Claudius Felix),伊是tī主后52年开始统治犹大省,直到主后60年。Tī该撒利亚有罗马驻军,tī安全上koh khah周密,而层次mā比较高,由in去守护,án-ne伊mā thang安心,m̄免负责任。三是利用暗时九点移送使徒保罗,án-ne thang避免因为日时头来hông发见ê风险。

第26到30节,chit位指挥官名叫「吕西亚」,为tio̍h beh移送使徒保罗到该撒利亚总督腓力斯手中,伊特别写呈文,内容是描述使徒保罗有罗马公民身分,因为kah犹太人之间有争执,m̄-koh后来接获消息,讲有犹太人想beh暗杀伊,因为án-ne,伊采取保护措施,hō͘总督腓力斯审案,伊mā有吩咐原告直接到该撒利亚控诉。Tī吕西亚ê呈文中,第29节是真值得注意ê,tī chit节提起两件真重要ê内容:(1)使徒保罗并无该囚禁á是该死ê罪。(2)指挥官吕西亚认为使徒保罗ê事件,基本上是属tī犹太人内部信仰纷争ê问题。换句话讲,chiah-ê犹太人领袖所控诉使徒保罗ê罪状,并m̄是属tī政治性ê,却是属tī宗教性ê问题。因为犹太人对tī政治性ê议题无审问权,只有牵扯到政治性ê议题,kah引发社会动乱ê重大事件,chiah会引起罗马政府ê重视。

第31到35节,罗马指挥官是真有智慧ê人,伊teh保护使徒保罗ê措施上做得真完美,伊利用暗时下令押解使徒保罗先往「安提帕底」,这是罗马ê一处军事基地,距离耶路撒冷大约有五十公里。然后步兵tńg来营,骑兵带使徒保罗继续前往该撒利亚。总督腓力斯先问使徒保罗tó位人,这主要kah管辖权有关。知影使徒保罗是基利ê厝内人了后,就决定thèng候原告来到了后,开庭审问。原因是吕西亚tī呈文信函中有提起交带控诉者上该撒利亚去上诉。

经文:

创世记 24:1-24:9

注释:

Kui章lóng是属tī「耶和华文献」ê作品。chit章长到67节ê经文,mā是创世记中siōng长ê一章,是一篇读来真hō͘人开心ê故事,讲以撒娶bó͘。虽然是用相当有趣味ê方式teh描述亚伯拉罕ê老奴仆替以撒去娶新妇tńg来,koh khah重要ê,它mā是teh说明亚伯拉罕已经老迈,新ê族长以撒kā继承伊带领族群命脉ê角色,ná亲像头前bat提过ê,创世记是用族谱当做朝代ê 替换、界线。

以撒ê族长史篇幅thang讲是创世记中四个族长史siōng短ê,只到第廿七章就结束loh。Á tī chit-ê四章中,伊ê bó͘利百加soah koh扮演相当重要ê角色,真正关系以撒ê部分,作者tī-chia写了并无chē。Chia编撰者mā提供一个有意义ê认bat:女性(母性)ê角色tī族长历史演进中ê bē-tàng疏忽。Ná亲像夏娃tī伊甸园中所造成ê影响仝款,koh亲像撒拉tī亚伯拉罕ê厝里之影响力。

Chit章开场白就说明亚伯拉罕已经老迈,厝里ê事其实就是kiáⁿ以撒teh接棒管理。作者强调亚伯拉罕「一生所做ê事lóng蒙上主赐福」,chit句话是为亚伯拉罕故事作一个完结。因为án-ne,chit章mā ē-sái讲是亚伯拉罕族长史故事ê结束。

第2到4节,chia讲亚伯拉罕ài chit位老管家kā手下tī伊ê双腿之间chiù-chōa,chit种动作是teh指kā手hē tī生殖器chiù-chōa。这mā是古老东方社会一种发性命之誓ê方式,是因为当时ê人看生殖器是神圣ê器官,kā手hē tī生殖器上chiù-chōa,表明:一定会按照所chiù ê chōa去执行,如果无,就ná亲像会有「断绝后代」、「绝子绝孙」ê严重后果。

亚伯拉罕ài这位忠心ê老奴仆去故乡替以撒娶bó͘,á bē-tàng娶「迦南ê cha-bó͘-gín-á」,这mā说明tùi挪亚事件延续而来ê,对迦南人是属tī「含」ê kiáⁿ孙有关系。Koh讲,为tio̍h宗教信仰上ê理由,认为会受tio̍h迦南人chē神信仰ê影响(参考出埃及记三十四:15—16)。

第5到9节,老奴仆问清楚亚伯拉罕ê原则,á亚伯拉罕则认为信仰ê纯度之重要性,khah赢过娶bó͘ ê事。这kah伊领受上帝ê赏赐得tio̍h以撒之经验有密切关系,伊深信上帝会有美好ê安排。

经文:

创世记 24:10-24:27

注释:

老奴仆所带ê礼物mā ē-sái讲是当时ê聘金,而且是真丰富ê聘金。伊tńg来到亚伯拉罕ê故乡哈兰去,到拿鹤khiā起ê城。Chit位老奴仆kah亚伯拉罕仝款,对上帝有绝对ê óa靠,伊深信上帝一定会替伊安排。

第12到14节,老奴仆向上帝祈求一个应允ê记号,ná亲像第十五章亚伯拉罕向上帝祈求应允ê记号仝款。

第15到20节,chit段经文讲述这老奴仆所祈求ê记号果然出现 tī利百加ê身上,伊是亚伯拉罕小弟拿鹤ê kiáⁿ彼土利ê cha-bó͘-kiáⁿ。伊成(chiâⁿ)实像老奴仆期待看见ê,m̄-nā取水hō͘老奴仆lim,mā取水hō͘伊ê骆驼lim,这lóng teh说明利百加是一个聪慧ê cha-bó͘-gín-á。

第21到27节,老奴仆除了the̍h出金环hō͘利百加当做见面礼外,mā期待ē-tàng认bat利百加ê身世背景,无想tio̍h果然是主人亚伯拉罕ê亲人。因为án-ne,伊确定这就是上帝hō͘伊ê记号。


经文:

创世记 24:28-24:49

注释:

Chit段经文说明忠心ê老奴仆如何在利百加厝里讲述亚伯拉罕ê期待。

Tùi第29节开始,出现一个重要ê角色,就是拉班,显然地,chit时chūn ê彼土利已经往生,拉班算是拿鹤厝里ê主人。作者用拉班「看见小妹戴tio̍h金鼻环kah金手镯」chit句话,已经teh暗示伊是一个贪婪ê人。

老奴仆kā主人亚伯拉罕所讲述hō͘伊听,重复而且详细地讲述一pái,以及伊tú-tio̍h利百加后ê情景mā描述一下。

第48到49节,koh一pái说明这老奴仆mā是一个真敬畏上帝ê人,虽然上帝hō͘伊ê记号是hit种明显,伊无bē记得用chit种上帝ê记号,走chhōe拉班kah伊老母ê同意这桩婚事。

经文:

创世记 24:50-24:61

注释:

注意第50节,kā拉班名排tī in老父彼土利ê头前,tú好说明chit时ê拉班已经是彼土利家庭ê家长。伊有权决定小妹ê婚事。

当拉班表示愿意促成这桩婚事时,老奴仆希望赶紧tńg去交差。Tī徵求利百加ê同意了后,无加停留,老奴仆就chhōa利百加kah她ê女仆同齐tńg去亚伯拉罕厝里。

经文:

创世记 24:62-24:67

注释:

Chit段经文无提起亚伯拉罕看见利百加tńg来,只有讲以撒看见伊,mā teh表明chit时亚伯拉罕已经无koh负责家务,却是用撒续接chit间族ê重担。

经文:

创世记 25:1-25:6

注释:

Chit章是由chē种资料混合编辑而成ê。第1到5节、18节、21到26节a句、28节等等,lóng是属tī「耶和华文献」ê资料;第6 节、27节、29到34节等等是属tī「以罗伊文献」;á第7到17节、19到20节、26节b句等是属tī「祭司文献」。chit章比较特别ê所在是提供了两份族谱,是亚伯拉罕分别kah非正房bó͘夏甲(第12到18节)、基土拉(第1到6节)所生ê。另外一份族谱是伊kah正房bó͘撒拉所生ê以撒。M̄-koh,kui章ê重点就tī第5节,表示tī亚伯拉罕ê眼中,以撒chiah是beh继承伊产业ê kiáⁿ。

头前bat讲过,创世记tī编撰上是用族谱当做世代ê区隔。因为án-ne,有顶面所讲两份族谱ê出现,mā是teh说明基土拉kah以实玛利ê时代过去,续落来ài kā焦点hē tī以撒ê身上,因为án-ne,用第19节来当做以撒世代ê开始。

Chia并无交带为甚么亚伯拉罕会「koh娶一个」名叫「基土拉」ê「bó͘」。

有关基土拉ê事,除了chia提起她ê名以外,并无任何关系她ê记事。

「基土拉」,chit-ê名ê意思是teh指「香气」á是「香料」,意思是teh指伊是一个súi、hō͘人意爱ê cha-bó͘-gín-á。

第2到4节,chit三节经文中,总共出现16个人名。Chiah-ê族群kah kiáⁿ孙thang讲lóng是khiā起tī阿拉伯地区。

第5到6节,chit两节是作者想beh强调ê,亚伯拉罕只看重上帝赏赐hō͘伊kah撒拉所生ê kiáⁿ以撒。这beh表达一个中心思想:以撒chiah是亚伯拉罕ê「独生kiáⁿ」,因为án-ne由伊继承产业。因为án-ne,虽然亚伯拉罕koh娶基土拉作第三房,m̄-koh chiah-ê生落来ê kiáⁿ孙,伊lóng tī「活teh ê时chūn」kā产业处理好,hō͘ chiah-ê人「远离」以撒。这ná亲像伊同意撒拉ê观点,kā以实玛利kah夏甲驱离伊ê厝仝款(参考廿一:10、14)。

经文:

创世记 25:7-25:11

注释:

Tùi第7到8节chit两节讲tio̍h亚伯拉罕往生ê年纪,表示亚伯拉罕ê时代正式结束。这「一百七十五岁」,mā就是「一百七十加五」,chit三个数字lóng teh说明亚伯拉罕活tī上帝赐福之下,相当幸福。Án-ne,tùi伊七十五岁时hō͘ 上帝呼召离开哈兰后到chit-má,koh活了一百年。Tī chit-ê一百年间,就是tī上帝引领之下行过人间ê岁月。

「伊ê kiáⁿ以撒kah以实玛利kā伊埋葬tī麦比拉洞」,chit句话讲出两件真重要ê事:一是用撒ê家族地位比以实玛利koh khah重要。二是虽然以实玛利被驱离,m̄-koh伊kah以撒之间ê关系iáu是和好ê。Chit点mā thang tùi第11节讲以撒khiā起tī夏甲被虐待á逃离家门后,遇tio̍h上帝ê所在「庇珥・拉海・莱」(参考十六:14)看出来。

亚伯拉罕tùi赫人以弗仑所买ê麦比拉洞,是伊当初用来埋葬撒拉ê坟地,chit-má mā用来安葬伊家己kah kiáⁿ孙。

第11节,chit句「亚伯拉罕死了后,上帝赐福hō͘伊ê kiáⁿ以撒」,表示以撒传承家族产业以外,koh khah重要ê,是上帝ê带领kah看顾一直陪伴tī伊身边。因为án-ne,用伊khiā起ê「庇珥・拉海・莱」这地名来表示。


经文:

创世记 25:12-25:18

注释:

Chit段经文是有关以实玛利族谱,mā teh表示tùi chia了后就无koh出现伊ê事,创世记作者kā所有ê焦点hē tī以撒ê身上。

第13到15节,chia总共列出十二个名单,mā回应了第十七章20节上帝对亚伯拉罕ê应允,讲beh赏赐hō͘以实玛利有kiáⁿ孙做「十二个族长」 。

第16节,chit节讲「in所tòa ê庄头、营地lóng是按照in ê名号名」,这表示in ê名kah城市、乡镇,甚至族群á是国家ê名,是有关系ê。Mā thang知影旧约圣经中ê名,往往有三种意义:一是teh指个人,二是teh指族群、部落,三是国家、地方。

第17节,chit节表示以实玛利ê事就交带到chia结束,伊活teh ê年岁mā是充满了上帝ê赐福。

第18节,说明以实玛利chiah-ê kiáⁿ孙分布ê情景。M̄-koh chit句话koh khah重要,就是用实玛利ê kiáⁿ孙「无kah亚伯拉罕其余ê后代tòa做伙」,chit句话说明以实玛利ê chiah-ê kiáⁿ孙,kah以撒ê kiáⁿ孙,并无khiā做伙á是混合做伙。


经文:

创世记 25:19-25:26

注释:

Tùi第廿五章19节开始,一直到第三十六章43节,chit段经文就是有关雅各chit-ê族长ê历史。Á中间第廿六章有关以撒ê记事,只是beh凸显一件事:伊确实得tio̍h上帝ê赐福,就ná亲像伊ê老父亚伯拉罕仝款。

第19节,chit节讲tùi chia开始,是有关「以撒ê记载」,其实是雅各ê记事chiah-tio̍h。为tio̍h beh绍介雅各出世ê情形kah背景。

第20节,chia讲以撒结婚ê时是「四十岁」,chia象徵性ê意义远比实际年龄khah重。

第21到23节,「利百加不孕」,chit句话koh一pái说明性命是上帝所赏赐ê,因为án-ne,当以撒向上帝祈求,上帝垂听伊ê祈祷,就赏赐hō͘利百加有娠,而且是怀「双生á」。M̄-koh这双生á tī老母ê腹肚里就开始有争吵,这mā teh暗示后来chit两个人ê kiáⁿ孙tī发展中,一再有相争ê事发生。

第24到26节,chit段经文讲出以扫kah雅各这两族群身躯上ê差别,m̄-koh khah重要ê是tī第26节所讲ê,雅各争夺ê心,因为án-ne伊ê名叫作雅各,指ê就是会争。Á tùi以撒四十岁结婚,到伊生chit对双生á,是经过二十年了后。


经文:

创世记 25:27-25:34

注释:

Chit段经文用来解释chit对双生á彼此之间ê争吵ê原因。

第27到28节,讲出两个族群ê差别,m̄-nā是头前提起ê外表特徵,koh khah tī人格特质上有无仝;以扫ài phah猎ê「户外活动」,雅各却是「好静」。M̄-koh khah tio̍h注意ê是:「以撒偏爱以扫」,「利百加偏爱雅各」,这已经讲出两个族群之间ê问题,是kah父母ê态度有密切关系。

第29到33节,chit段经文讲出雅各ê奸巧,趁兄哥以扫ê饥渴,伊用siōng sio̍k ê「红豆汤」来换兄哥以扫siōng贵重ê「大kiáⁿ ê名份」。

第34节,大kiáⁿ名份tī东方社会是真贵重ê身分,表示thang得tio̍h老父两份ê财产(参考申命记廿一:15—17)。M̄-koh以扫为tio̍h一碗红豆汤,出卖了家己大kiáⁿ ê身分。表示伊看轻上帝所赏赐hō͘伊ê chit-ê「大kiáⁿ ê名份」。

Chit段经文mā teh描述传说中有关顾羊人kah猎人之间彼此轻视、对敌ê因素,被引用来解释以色列人民kah以东人民之间ê紧张关系。


经文:

创世记 26:1-26:15

注释:

Chit章mā是由三种无仝文献混合编辑而成ê。其中以「耶和华文献」为主轴,只有第1节a句、第2节b句、第3节b句到5节、34到35节是属tī「祭司文献」,第15、18 chit两节属tī「以罗伊文献」外,其余lóng是属tī「耶」典ê作品。Chit种「耶」典作品真大ê特色之一,就是kā上帝以「拟人化」ê方式表达出来。亲像:上帝会kah人面对面讲话,关系亲密。

Chit章比较详细绍介族长以撒ê事迹,作者以两件主要事迹来绍介以撒,m̄-koh,这两件事迹lóng是亚伯拉罕bat有过ê经验。Thang发见作者有意思beh表明tī以撒ê身上ē-tàng看见in老父亚伯拉罕ê影像。

Chit段经文kah第十二章10到20节,以及第二十章ê记事真类似。头前叙述过,这可能是仝一件事,m̄-koh有无仝ê传统叙述故事发展。主要teh说明,tī亚伯拉罕身上发生ê事,mā发生tī以撒ê身上。

第1到5节,chit段经文真重要,讲述上帝向以撒显现,并且应允伊会有真chē kiáⁿ孙,「亲像天顶ê星hiah-ni̍h chē」,而且mā tio̍h赏赐hō͘伊chit-má所寄居ê土地,续落来是「万国lóng tio̍h」因为以撒ê后代得tio̍h上帝ê赐福,chiah-ê应允lóng是上帝亲自向亚伯拉罕讲过ê应允,chit-má传承到以撒ê身上à。

第6到11节,chit段经文讲以撒寄居tī非利士人ê地基拉耳,hi̍t 所在ê王亚比米勒发见以撒kah利百加原来有亲密ê夫妻关系,就受气以撒bat欺骗伊讲利百加是伊ê小妹。为chit件事,以撒坦白解释伊是惊惶因为bó͘利百加súisoah hō͘家己受杀害。为chit件事,亚比米勒下命令保护利百加,这等于是保护以撒kah伊ê全家。

第12到13节,chit两节讲出上帝照他对以撒ê应允,赐福hō͘伊。

第14到15节,tùi第14节开始,讲出非利士人因为看见以撒ê发达á嫉妒,因为án-ne,一再破坏以撒kah家族赖以维生ê井。作者主要用chit两节说明续落去ê记事,就是有上帝同在,就算有人进行各种干涉搅扰,mā bē阻断上帝kah伊拣选子民之间ê关系。

经文:

创世记 26:16-26:25

注释:

第16节mā为后来以色列人民tī埃及寄居后ê兴盛做一个伏笔。

因为以撒ê厝兴盛,引起亚比米勒ê不安,伊ài以撒kah全家迁离伊ê所在。因为án-ne,伊就迁离原本有屏障ê山区,往山谷地区扎营khiā起,chit种地方欠缺自然屏障,容易受tio̍h侵犯。Mā因为án-ne,tùi第18到21节一再讲述无论以撒挖到jōa-chē口ê井,lóng是被非利士人破坏。非利士人chit种态度,mā致使以后以色列人民进入迦南地了后,一再发生争夺、冲突之远因。

第22节,chit节讲出只要有上帝同在,人ê干涉搅扰lóng是会hō͘上帝阻挡落来。以撒终其尾得tio̍h一口无koh被非利士人阻挡、干涉搅扰ê井,thang hō͘伊kah全家安心khiā落来。

第23到25节,chit段经文koh一pái叙述第3到5节所讲ê,上帝应允beh kah以撒同在,而且对in老父亚伯拉罕ê应允,继续延续到以撒ê身上。以撒kah in老父亚伯拉罕仝款,听tio̍h上帝ê应允,随时就用「起造祭坛,敬拜上主」chit种方式回应上帝ê疼kah赐福。上帝koh一pái赏赐hō͘伊一口井,这对当时ê游牧民族来讲,是siōng大ê赐福。

经文:

创世记 26:26-26:33

注释:

第26到31节,chia所讲ê「顾问」,就是高级幕僚ê意思。Á元帅,指ê是「国防部长」chit种身分。亚比米勒带chit两位高级幕僚去chhōe以撒谈判,原因是in发见无论怎样限制以撒,伊lóng是有上帝ê同在,家族兴旺,足以造成基拉耳城安全ê威胁。因为án-ne,若是无签订和平条约,以撒真可能会来侵犯in。因为án-ne,亚比米勒希望kah以撒签订和平条约,希望用chit种方式保护家己ê城池。

第32到33节,上帝一直赐福hō͘以撒,hō͘伊一再挖掘到出水ê井,这mā说明以撒kah伊ê家族tī基拉耳ê山谷khiā起,上帝ê恩典丰富超过in所需要ê一切。	

经文:

创世记 26:34-26:35

注释:

简单ê两节经文,其实mā是一个族谱,说明以扫hō͘伊老母利百加不满ê原因,就是伊娶迦南cha-bó͘-gín-á做bó͘。Chit种记载方式,lóng teh说明一件基本问题:以色列人民后来kah迦南人之间ê不和谐,原因是bó͘诱惑丈夫弃sak上帝去拜偶像。Chit种记事tī后来in tùi巴比伦tńg去故乡了后,以斯拉kah尼希米ê「净化宗教」运动中呈现出来。


经文:

创世记 27:1-27:29

注释:

Chit章mā是由顶面所讲三种文献混合编辑而成ê。chit章mā是大家所熟悉ê有关以撒ê两个双生á kiáⁿ,以扫kah雅各两位兄弟之间ê问题。Chit章之所以重要,是因为由此开始,创世记ê编者将族长ê主轴开始chhōa入雅各ê系统。Mā tùi chit章开始,一直到创世记结束,创世记ê作者绍介雅各――(koh称做以色列)kah伊ê家族之所以被拣选ê经过,以及怎样进入埃及,kah后来会án-ne有摩西受上帝拣选,去带领以色列人出埃及ê事件背景,lóng记载tī第廿七到五十章chit段经文中。

Chit段经文koh一pái说明以扫kah雅各兄弟之间冲突ê原因,kah雅各欺骗in老父,夺取大kiáⁿ ê名分,引起以扫极大ê不满,soah准备beh杀害雅各。

第1到4节,以撒准备ài kā伊ê财产传承hō͘伊「偏爱」ê kiáⁿ以扫。所以伊ài以扫去准备伊siōng爱ê口味佳肴。

祝福,这mā讲出一个重要观念:分离。老父年老ê时,kā gín-á祝福,表示伊teh beh kah gín-á分离。

第5到10节,chit段经文说明利百加设计beh kā丈夫以撒对偏爱ê kiáⁿ以扫ê祝福,抢夺到家己偏爱ê kiáⁿ雅各身上。关键ê经文是tī第8节,利百加ài她偏爱ê kiáⁿ雅各去做她a̍i伊去做ê事,就是用羊代替兄哥以扫猎取ê野味,thang欺骗以撒,thang夺取以撒ê祝福。

第11到17节,雅各提醒偏爱伊ê老母利百加,chit种欺骗行为若是被老父以撒发见,m̄-nā得bē-tio̍h祝福,反tńg是带来诅咒。

M̄-koh利百加表示为tio̍h夺取chit份重要ê祝福,就算因为被发见á需要承担诅咒,伊mā甘愿。这tú好说明父母鼓励gín-á作无正确ê事,甚至溺爱到愿意承受性命ê诅咒。「照我ê话去做」(参考第8节、第13节、第43节),果然雅各就照老母ê话去做。创世记作者beh表达一件事:人会犯罪ê基本原因,就是无照上帝ê话去做,却是照诱惑ê欺骗话语去做,像第三章蛇对人ê诱惑仝款。Mā因为án-ne,雅各足足有二十年ê时间,受尽伊丈人拉班ê欺骗、受苦。

第18到29节,chit段经文说明雅各成(chiâⁿ)实tī老母利百加ê设计下,成功地欺骗过、夺取tio̍h老父以撒ê祝福。

以撒为tio̍h beh防止家己因为年老、目睭chheⁿ-mê,确实真详细地检验雅各ê身分,chiah-ê详细ê检验,lóng tī说明过去家庭生活中,伊一再领教过雅各不断来欺骗。

第18到20节,这是用撒第一pái因为听觉所带来ê怀疑,理由是声音无亲像以扫ê。Á雅各用上帝ê名来欺骗以撒,伊将家己ê欺骗行为,讲是上帝ê赐福。

第21到23节,这是第二pái用触觉检视雅各ê身分,因为看bē-tio̍h m̄-koh对声音有怀疑,因此to̍h想beh用触摸身躯来辨别。因为以扫出世ê时, 全身lóng是毛(参考廿五:25)。M̄-koh因为利百加有事先准备,用羊毛皮来欺骗看bē-tio̍h ê以撒。

第24到25节,这第三pái是用味觉来测试,伊透过询问认定身分,了后又ài雅各将准备好ê肉the̍h hō͘伊食。

第26到27节a句,这第四次是用嗅觉来测试,以撒ài雅各用chim嘴来表示。

以上四次lóng因为以撒ê目睭chheⁿ-mê soah hō͘雅各ê欺骗成功。

第27节b句到29节,这是用撒对雅各ê祝福,tī chit-ê祝福中主要有三件事:一是天顶有甘露,二是地上有肥沃ê土地,三是成做领导者,mā就是大族长ê意思。

经文:

创世记 27:30-27:40

注释:

Chit段经文是说明以扫chiah发见伊大kiáⁿ名分应得ê老父珍贵之祝福,被小弟雅各欺骗得去,伊努力地向老父争取,结果iáu是失败,作者用chit种方式teh说明:轻视上帝赏赐ê恩典(以扫大kiáⁿ ê名分,参考廿五:34),就会失去老父往生后所有ê福气。

第30到32节,以扫phah猎tńg来,照伊过去kah老父做伙生活中学习得到ê,mā照老父所kah意ê口味,亲自煮食hō͘伊食。第31节就是teh回应第4节,主要是为tio̍h beh得tio̍h老父以撒临终前ê祝福。M̄-koh就tī chit时,以撒chiah发见伊因为chheⁿ-mê hō͘ 雅各欺骗去。

第33到36节,以撒mā发见伊竟然因为chheⁿ-mêáhō͘ 雅各欺骗,致使「全身phi̍h-phi̍h-chhoah」,因为这是无法度弥补ê严重错误。原来中东地带有种观念:长辈临终前ê祝福,只有一pái,而且无法度改变。Koh讲,in深信只要讲出来ê祝福á是诅咒就会实现。taⁿ,伊竟然因为无法度查明雅各ê身分,á被骗去伊临终前hō͘家己偏爱ê kiáⁿ以扫ê祝福,tùi án-ne全身lóng 不安起来。Á以扫则确定雅各m̄是第一pái án-ne欺骗伊。

第36节讲雅各「第二pái欺骗」伊,意思是teh指连续欺骗。「抢去我做大kiáⁿ ê名份」,第一pái是tī第廿五章34节,chit-má是第二pái,lóng是kah大kiáⁿ ê名份有关,表示雅各一再谋略ê,就是beh抢大kiáⁿ ê名份,这tī伊出世ê时就已经充分显示出来(参考廿五:26)。

第37到40节,tī以扫苦苦哀求下,以撒iáu是一再表示无办法koh再为伊祝福。因为已经讲出去ê祝福,是收bē tńg来ê。伊kan-taⁿ ē-tàng hō͘ in ê,就是第40节所提起ê,伊一定tio̍h一再努力「óa靠刀剑」、「反抗」来过生活。后来tī列王记下第八章20到22节,记载以东脱离犹大国ê辖制,宣告独立。

经文:

创世记 27:41-27:45

注释:

以扫决定报复,m̄-koh beh等到老父以撒往生后chiah采取行动。结果chit件事hō͘ 利百加探听tio̍h,为tio̍h雅各ê安全,伊koh一pái ài雅各听伊,tńg去伊ê故乡哈兰「投奔」阿舅拉班。

利百加显然清楚知影,雅各chit chōa去哈兰,若是ē-tàng tńg来,伊mā会无法度koh再见伊ê面à。Á以扫却因为老母利百加参与chit项策略骗取伊ê大kiáⁿ名份,mā心内怀恨,kah老母关系降到谷底,这mā是利百加语重心长讲:一工内失去两个kiáⁿ。

其实,tùi第廿七章ê内容mā thang看tio̍h创世记作者有意思beh降低雅各tī chit件欺骗ê行为上应该负担ê责任,á kā chit件欺骗行为hē tī老母利百加ê身上,认为伊chiah是kui个事件ê主谋者,这可能kah雅各tī以色列民族中占相当重要地位有关。

经文:

创世记 27:46-28:5

注释:

Chit段经文thang看tio̍h一件事实:欺骗所得tio̍h ê,无一定是上帝ê祝福,颠倒,所带来ê是beh付出koh khah chē ê代价。Tùi雅各身上所看tio̍h ê就是真好ê例。chit-má chit章开始ê逃走,以及以后伊tī丈人拉班厝内受tio̍h ê欺负、剥削等等ê生活经历,到处lóng teh说明伊性命大部分时间是活tī无安全感中,而且一再受欺骗ê生活中。M̄-nā hō͘伊所óa靠ê 阿舅,mā是伊ê丈人拉班所欺骗,晚年iáu hō͘家己ê kiáⁿ欺骗等等,chiah-ê lóng是真好ê教示。

Koh讲,咱看tio̍h圣经作者á是编者一个非常好ê所在,就是一再kā人性上ê缺点暴露出来,所beh表明ê一个重要信息:无一个完美ê人。只要是人,lóng有缺点,即使亲像亚伯拉罕、雅各等chit种伟大族长mā是仝款,有人ê软弱。上帝m̄是beh拣选一个完美ê人,却是拣选一个人来成做他拯救世人ê器皿。用chit-ê角度看拣选ê意义就会比较容易明白做基督徒受拣选,m̄是因为基督徒比别人khah好,却是因为上帝beh透过基督徒kah教会来完成他拯救ê计画。

第廿八章开始进入绍介第三位族长雅各ê历史。主要资料是「祭司文献」,tùi第廿七章46节起到廿八章9节。然后是「以罗伊文献」ê作品,有第11到12节、17到18节、20到22节。Iáu有古老ê「耶和华文献」ê作品,包括有第10节、13 到16节、19节。

如果小khóa注意一下就会发觉「祭司文献」作品显然对tī雅各kah老母利百加合作欺骗以撒ê事件并无清楚,á是讲忽略à。因为án-ne,伊tī记述雅各到阿舅拉班hia娶bó͘ ê事,kah第廿七章所描写ê理由完全无仝。Ko̍h kā以撒无欢喜以扫ê事件看做kah娶迦南cha-bó͘人做bó͘有关。Á第9节ē-tàng看出以扫是一个真会体贴老父感受ê gín-á。

第46节thang kah第廿六章34到35节连起来看,lóng teh说明以色列人民kah迦南cha-bó͘-gín-á之间ê bē合,kah以色列人民弃sak上帝去拜巴力神明ê背景有密切关系。

第廿八章1到4节,这是用撒叫雅各去外公彼土利ê厝娶bó͘,ná亲像亚伯拉罕ài老奴仆tńg去哈兰kā以撒娶bó͘ ê事件仝款。「mài kah迦南cha-bó͘-gín-á结婚」,这说明雅各tio̍h离开老父ê厝,kah第廿七章41到45节所记载ê理由完全无相仝。

第3节,以撒祝福雅各tī chit件婚姻ê事顶面有美好ê结果,ē-tàng得tio̍h上帝ê赐福来「生湠chē-chē,作真chē民族ê祖先」,chiah-lóng teh表明以撒祝福雅各有充分ê性命力。

第4到5节,整节ê中心思想,就是kā亚伯拉罕tùi上帝ê赐福传承到雅各身上。这表明雅各就是亚伯拉罕chit-ê家族kah kiáⁿ孙ê传承者,m̄是大kiáⁿ以扫。这mā说明传承家族ê,并无一定是大kiáⁿ。雅各是第二kiáⁿ,虽然是欺骗得tio̍h大kiáⁿ名份,m̄-koh真正拣选kah大kiáⁿ名份并无直接关系。


经文:

创世记 28:6-28:9

注释:

Ná亲像头前所提过ê,以扫mā希望ē-tàng取悦家己ê老父以撒,当伊听tio̍h无欢喜迦南cha-bó͘-gín-á,m̄-nā是老母利百加,却是老父以撒mā是时,伊koh一pái娶以实玛利ê cha-bó͘-kiáⁿ「玛哈拉」,chit-ê名ê意思是teh指「温和」。伊会án-ne做,其实mā是teh努力修复kah父母之间ê关系。因为tī第廿六章35节,记载伊就bat因为娶赫人ê cha-bó͘-gín-á,致使老父以撒kah老母利百加「不止烦恼」。


经文:

创世记 28:10-28:22

注释:

Chit段经文thang讲tī创世记中占有真重要ê地位。Chit段经文mā是传统上所讲ê「雅各天梯」ê经文,主要ê内容是beh说明为甚么tī以色列人民ê心目中「伯特利」占有非常重要ê地位(参考士师记二十:18,列王记上十二:25—33)ê原因。

Tī chit段经文中mā是teh说明上帝kah人之间并无距离,却是上帝一直kah他所拣选ê子民同在。当雅各teh「逃走」ê途中,上帝并无弃sak伊,mā无bē记得伊,却是无论伊行到tó位,上帝就跟tòe伊到hia。
第10到11节,雅各照老父以撒ê吩咐,出发去阿舅拉班ê厝。Tī旅途中伊困去。

第12到14节,雅各「梦见」天使kah上帝,chit种透过「梦」kah上帝相会ê写法,tú好是「以罗伊文献」ê特色,说明上帝无koh直接kah人面对面,却是透过「梦」来启示人明白他ê旨意。第13节koh一pái说明上帝直接对雅各说明他ê应允,á chit-ê应允mā是上帝hō͘亚伯拉罕kah以撒ê应允。这说明雅各就是亚伯拉罕、以撒ê传承者。

第15节,chit节说明上帝拣选雅各,必定会保护伊。上帝并且强调一定会实现他对雅各ê应允。

第16到17节,雅各第一pái经历到上帝竟然陪伊行到chit-ê伊歇困ê所在。因为án-ne,伊讲hi̍t 所在是「上帝ê殿」。这就是后来伯特利成做圣地ê原因。

第18到22节,雅各用石头作记号,并且向上帝献祭、下愿,伊下愿了四种内容:一是上帝kah伊同在;二是tī旅途中保护伊;三是hō͘伊生活上ê需要无缺乏;四是带领伊平安tńg来到故乡。果若án-ne,伊就beh用上帝赐hō͘伊ê「十分之一」献hō͘上帝。

经文:

创世记 29:1-29:14

注释:

Lóng是记载有关雅各寄居tī伊阿舅拉班ê厝ê生活kah工作。Mā tùi chit三章经文中,thang看tio̍h雅各十二个gín-á ê出世背景,chit对tī认bat以色列民族支派ê历史有真大ê帮助。Ná亲像头前讲过ê,tùi欺骗得来ê祝福,无一定是福气,有时反tńg tio̍h付出koh khah chē ê代价。Tī chit三章中mā看tio̍h雅各确实是án-ne tam尽了欺骗所得tio̍h ê苦楚。Tī chit三章中,「祭司文献」ê资料相当少,siōng重要ê是用古老ê「耶和华文献」kah「以罗伊文献」ê资料来源互相编辑而成。

Chit段经文ê背景kah亚伯拉罕ê奴仆去拉班ê厝娶利百加tńg来hō͘以撒做bó͘ ê经历真接近。主要lóng teh说明上帝teh带领kah保守雅各,hō͘伊tī旅途中有好ê境遇。

Tùi利百加顾羊群取水,kah拉结顾羊群,以及出埃及记第二章记载摩西tú-tio̍h米甸ê祭司叶特罗ê cha-bó͘-kiáⁿ顾羊群,去井边取水ê记事,lóng thang看出当时游牧民族cha-bó͘-gín-á顾羊群kah phah水ê艰苦生活。

当雅各明明确知影拉结就是伊阿舅拉班ê cha-bó͘-kiáⁿ后,激动koh兴奋kah伊chim嘴,á拉结就kā chit-ê重大消息走tńg去kā老父拉班讲。拉班看见雅各,讲伊是「骨肉之亲」,chit句话是表示拉班tī听雅各「Kā一切ê经过lóng kā拉班讲」了后,证实雅各是家己ê亲人ê意思。Á「这一切ê经过」,tī以后ê经文中,描述拉班án怎欺骗雅各,咱thang明白,雅各kā家己逃到拉班ê厝依亲ê原因,就是伊欺骗老父以撒kah兄哥以扫,lóng bat向拉班说明kah真清楚。


经文:

创世记 29:15-29:30

注释:

Chit段经文第一pái讲tio̍h拉班欺骗雅各ê经过,m̄-koh mā是teh说明雅各是jōa-ni̍h-á爱拉结,以及伊一定tio̍h娶拉班ê两个cha-bó͘-kiáⁿ,就是利亚kah拉结做bó͘ ê原因。

拉班对雅各表示愿意付伊工资,m̄-koh雅各爱拉结做bó͘,因为án-ne,伊愿意用「做工七年」来当做工资,娶拉结。

第19到25节,说明雅各第一pái hō͘家己ê 阿舅,mā是丈人拉班欺骗,kā原本讲好ê娶拉结做bó͘,换做长女利亚。雅各为tio̍h án-ne非常不满,质问伊ê丈人拉班「为甚么欺骗」伊。M̄-koh伊bē记得家己就bat欺骗家己ê老父和兄哥。

第26到30节,因为寄人篱下,雅各无法度反抗,只有ē-tàng利用家己ê聪明做条件,koh再用七年时间替拉班做工,来换拉结做bó͘。因为án-ne,为tio̍h娶拉结,伊总共用去十四年ê时间。这mā看tio̍h「七」chit-ê数目的重要性。为tio̍h beh娶tio̍h拉结做bó͘,雅各koh付出「七年」ê代价。换句话讲,拉结thang讲是雅各tī 阿舅拉班ê厝工作、生活siōng重要ê目的。
第27到28节thang看出当时中东地带ê婚宴,是长到七工(一周)ê时间。

第30节,chia讲雅各「爱拉结赢过爱利亚」,chit句话mā teh暗示雅各mā传承来自父母对子女ê偏爱。Mā为后来伊疼拉结生ê约瑟,赢过其他ê kiáⁿ记落来一个伏笔。


经文:

创世记 29:31-29:35

注释:

Chit段经文说明一个非常重要ê信息:赏赐性命ê是上帝,用人ê气力beh取代上帝对性命ê赐福是无可能ê。以色列人民一直保持一个基本ê信仰观念,就是一个性命ê诞生,除了夫妻ê努力之外,iáu需要有上帝ê赐福。这tùi撒拉九十岁生以撒ê事件thang说明这信息ê意义。

上帝会垂听、俯视人类世界ê景况,mā说明人所爱ê,可能m̄是上帝所欢喜ê。雅各爱拉结赢过利亚,引起上帝ê关注。他赐福hō͘利亚,hō͘伊ē-tàng有娠「生育」,相对ê,却hō͘拉结「无法度生育」。

Tī东方社会,cha-bó͘-gín-á无法度有娠生kiáⁿ,被看做是上帝ê诅咒,á相对ê,ē-tàng有娠生kiáⁿ则是tùi上帝ê赐福。因为án-ne,无法度有娠生kiáⁿ ê cha-bó͘-gín-á tī社会中ê地位真低。

上帝特别赐福hō͘利亚,hō͘伊ē-tàng有娠生kiáⁿ,因为án-ne,伊连续生四个kiáⁿ,依序是:吕便、西缅、利未、犹大等。Chit四个kiáⁿ ê前后出世,lóng讲出利亚tī雅各家庭ê境遇,包括她有苦情,mā因为无受宠á艰苦心,期待丈夫雅各koh khah爱她,kah因为ē-tàng生kiáⁿ á欢喜到歌颂上帝。

经文:

创世记 30:1-30:24

注释:

Chit章是继续第廿九章31节后面,记载利亚kah拉结两姊妹之间争宠、生kiáⁿ ê经过。

Chit段经文描述拉结为tio̍h家己无法度有娠,向雅各抱怨,甚至用死来威胁雅各,一定会hō͘伊有娠。第2节雅各对拉结受气,讲:「Hō͘ 你无生ê 是上帝,我kám ē-tàng 代替他?」(全民版)」Tùi创世记第三章5节,蛇引诱人犯罪ê时所讲ê「Lín会亲像上帝」,到chit句「我无法度代替上帝」,然后用第五十章19节约瑟对伊兄弟所讲ê「我无法度代替上帝」作结束,thang看tio̍h创世记作者ê用心非常明显:人ê性命是相当软弱ê。无上帝ê赏赐,人所得tio̍h ê kā是一场空。

第3到8节,拉结ê作法kah撒拉仝款,kā家己ê女婢辟拉kah雅各同房,主要目的是希望藉tio̍h辟拉为伊「生gín-á」,thang hō͘她mā ē-tàng「做老母」,表示hō͘她tī丈夫ê厝内拥有尊严kah地位。Án-ne,辟拉连续替雅各生两个kiáⁿ,chit两个kiáⁿ ê名「但」kah「拿弗伊利」,lóng teh代表拉结kah阿姊利亚之间争夺丈夫ê疼ê心境。

第9到13节,利亚发见家己已经无法度继续有娠,因为án-ne,就照拉结ê方式mā kā家己ê女婢悉帕送hō͘雅各同房,mā是仝款生两个kiáⁿ,号名「迦得」kah「亚设」,仝款ê,in名lóng有含利亚心中ê感受。

第14到21节,chit段经文讲述利亚因为看见雅各iáu-koh深爱拉结,无因为伊生真chē kiáⁿ á hō͘雅各宠爱伊,á拉结iáu-koh照常希望家己ē-tàng有亲生ê kiáⁿ。因为án-ne,伊希望用「催情果」来hō͘家己有娠,利亚则利用催情果当条件,换来雅各ê同房,果然,伊koh一pái有娠。Tùi第9节ê停止「生育」,到第17节向上帝祈祷后á有娠,chiah-ê lóng tī说明性命ê出现,是因为上帝ê赏赐chiah得tio̍h。

第18到21节,记载利亚koh一pái为雅各生「以萨迦」、「西布伦」,kah cha-bó͘-kiáⁿ「底拿」。Ná亲像头前所讲ê,chiah-ê kiáⁿ ê号名lóng teh代表伊心中ê声音。

第22到24节,是一个极大ê逆转,上帝垂听拉结ê祈祷,hō͘伊ē-tàng有娠,伊生落来第一个kiáⁿ约瑟。伊讲:「上帝除去我ê见笑。」可见当时ê妇女无法度有娠ê性命苦难,就是见笑。伊因为家己ē-tàng有娠生kiáⁿ,就继续祈求上帝koh再赏赐hō͘她一个。



经文:

创世记 30:25-30:43

注释:

Chit段经文主要teh说明雅各想beh脱离丈人拉班ê厝。原因是伊深深体验tio̍h家己一再受欺骗。

第25到26节,伊向拉班说明希望得tio̍h ê是十一个kiáⁿ kah一个cha-bó͘-kiáⁿ底拿。伊讲这是伊应得ê工资。

第27到28节,拉班同意家己ê兴旺,lóng是因为上帝赐福tī雅各身上。因为án-ne,伊愿意koh一pái付出工资,为tio̍h是beh kā雅各留落来。

第29到30节,雅各mā认为拉班所增加ê真chē财产lóng kah伊ê工作有密切关系,á这mā lóng是上帝藉tio̍h伊赏赐hō͘拉班ê。M̄-koh伊beh为家己ê「前途phah算」,想tio̍h离开。

第31到33节,chit段经文讲述雅各ê聪明,mā是伊经过长到十四年ê磨练,有ê智慧。

第34到36节,拉班iáu是继续用家己欺骗ê技巧,想beh hō͘雅各无法度离开伊ê厝,继续为伊工作落去。拉班kā所有看起来肥壮、仝一个色系ê羊lóng带走,离开雅各有三工ê路程,这表示雅各无法度偷the̍h-tio̍h强壮ê羊来交配。M̄-koh伊bē记得经过这十gōa年时间ê努力,雅各确实有真chē心得kah经历。

第37到43节,雅各利用伊过去顾羊ê心得,hō͘家己ê羊群渐渐增加。圣经作者用chit种方式teh说明:tī雅各ê身上有上帝同在。有上帝同在ê人,所做ê事,lóng会有上帝ê赐福。

Koh讲,圣经ê编者mā有意思beh透过chit段故事来改变雅各本来「奸巧」、「诈欺」ê形象。用辛苦工作十四年,却无计较工资,m̄-koh用智慧得tio̍h工资――羊群,这kah伊原本tī老父ê厝,趁兄哥以扫无tī厝里,侵占了大kiáⁿ ê福份,实在有差大码。

经文:

创世记 31:1-31:13

注释:

Chit章继续teh描述雅各想beh脱离拉班ê用心kah计画,伊用心想出所有ê办法脱离拉班ê控制,mā同时beh hō͘家己bē空手离开。

第1到3节,说明雅各知影有危难teh beh发生,因为听tio̍h拉班ê kiáⁿteh抱怨。这是一种危险ê讯息。

第3节是雅各坚定beh逃离拉班ê厝ê一个重要根据:上帝对伊讲话,并且表示beh kah伊同在。这mā ē-sái讲是一种安全保证。

第4到13节,雅各向家己ê两个bó͘拉结kah利亚说明,伊ê苦情kah计画。注意第7节,雅各讲伊被拉班欺骗「十pái」。「十」是「五」ê倍数。换句话讲,拉班是一pái koh一pái欺骗雅各,无停地欺骗伊,改变伊ê工钱。Hō͘伊无法度得tio̍h公道ê待遇。这mā是teh说明:拉班之所以ē-tàng累积hiah-ni̍h chē ê财富,并m̄是伊有甚么聪明智慧,á是努力工作,却是因为欺骗所得。taⁿ,雅各决定tio̍h离开,伊向家己ê两个bó͘说明会án-ne用无仝方式hō͘羊群交配ê原因,是得tio̍h上帝启示chiah有ê,并m̄是家己有甚么智慧、能力。

第13节,thang讲是kui个回乡行动主要ê因素:kah上帝ê立约有密切关系。Chit节mā是第廿八章18到22节,雅各tī伯特利设立石头记念碑,祈求上帝带领ê一个回应,表明上帝永远遵守kah人所立ê约。

经文:

创世记 31:14-31:21

注释:

拉结kah利亚两位姊妹听家己ê丈夫雅各讲述了后,mā同意雅各ê讲法,in仝款认为老父贪爱钱财,甚至kā in当做「外人」,m̄是当做cha-bó͘-kiáⁿ。因为án-ne,in支持丈夫雅各脱离老父ê厝ê计画。

第17到18节,雅各利用拉班去剪羊毛ê庆祝季节,偷偷á准备好所有ê家伙,带tio̍h bó͘、kiáⁿ,kah所有ê牲畜、奴仆离开伊寄居长到二十年ê丈人mā是阿舅拉班ê厝。

第19节,chit节真重要,说明拉结kā老父拉班厝里ê一kóa「家族神像」mā偷the̍h去à。Chiah-ê神像其实mā是teh代表守护神。这会引起拉班ê恐慌kah不安。另外一方面,这mā是用来占卜用,偷the̍h chiah-ê神像,就会hō͘拉班无法度测知in逃亡ê方向。

第20到21节,就án-ne雅各带tio̍h家己身上所有ê一切,离开拉班ê厝。

经文:

创世记 31:22-31:44

注释:

利用拉班无tī厝ê时chūn,雅各带tio̍h全家大细kah所有ê财产「偷偷á走去」,离开伊khiā起长到二十年久ê丈人mā是阿舅拉班ê厝。

第22到25节,「三工」,这表示有一段真长ê距离ê意思,拉班chiah得tio̍h消息知影chit件事。所以伊需要用一倍ê时间七工来追赶,chiah tī「基列山区」jiok-tio̍h雅各。拉班带领「族人」来jiok,而且ē-tàng jiok-tio̍h,表示伊ê能力iáu-koh比雅各khah强真chē。M̄-koh第24节是真重要ê一节,chit节讲上帝警告拉班,「bē-tàng随便威胁雅各」,表示上帝一直teh庇护tio̍h雅各,只要拉班出手攻击,上帝一定会反击。

    第26到30节,chit段经文是拉班对雅各ê谴责。Tī chit段谴责ê话中,主要有两项:一是雅各为甚么无告别to̍h离开?二是为甚么beh偷伊ê神像?其实拉班chit种谴责mā包含两件事:一是雅各chit种作法,hō͘拉班tī宗族之间面子sià了à。因为连tī in-tau工作二十年ê kiáⁿ婿lóng会瞒伊来离开,甚至包括伊ê cha-bó͘-kiáⁿ、孙á,竟然无一个人kā伊讲、向伊告辞。二是伊认为雅各kā贵重ê财产mā偷偷á带走了(参考三十二:13—15),hō͘伊损失非常重。原因是神像有保证财产权ê含意。Á雅各却kā伊ê神像mā偷,意思是teh指神像若是被偷,等于伊无法度证明雅各手中所有ê牛、羊、骆驼、驴等,是属tī伊ê。最后伊强调有能力伤害雅各,m̄-koh因为有上帝阻止,chiah hō͘伊决定bē出手。

    第31到32节,chit两节是雅各ê回答。伊承认家己真惊拉班「用武力」,因为伊知影拉班比伊ê气力khah强。M̄-koh伊强调家己并无「偷」拉班ê财物(神像)。伊愿意在拉班ê亲族面前接受搜查。原来伊并m̄知拉结暗中偷the̍h老父ê一kóa神像。

    第33到35节,雅各因为m̄知拉结偷the̍h伊老父ê一kóa神像,因此随在拉班搜查。Á拉结则因为偷the̍h神像,一定tio̍h想办法隐藏。伊利用中东地带视妇女生理周期来无清气,bē-tàng接触做理由,阻挡老父拉班搜查伊kah伊ê行李。拉结chit种坐tī装神像ê袋子上ê行为,mā teh表示chiah-ê神像并m̄是真正神。所以用chit种方式侮辱in,mā bē有任何反应。

    第36到42节,雅各因为拉班搜chhōe bē-tio̍h任何赃物,就用强硬ê语气质问拉班,伊当tio̍h拉班带来ê亲友面前提出两项反控:一是拉班指控伊偷the̍h物件,一定tio̍h提出搜查后ê证据,hō͘亲族作公亲审判。二是拉班非常刻薄,欺负伊。因为过去二十年tī in-tau工作,拉班并无好款待伊,而且iáu tī最后六年期间,有chē kah「十pái」改应该有ê工钱,这tú好thang证明是拉班偷伊ê钱。最后,雅各强调是因为上帝kā伊庇护、带领伊,chiah hō͘伊bē致使「空手离开」,意思是teh指hō͘伊bē致使沦为奴隶。第42节是雅各脱离灾难ê中心经文,伊强调若m̄是有上帝ê保护,伊无可能逃离拉班ê手。

    第43到44节,拉班所讲ê话,tú好说明雅各心中ê忿怒kah giâu疑。

注意第43节,拉班强调包括利亚、拉结,kah所有ê孙á lóng是属tī伊ê。原因是当年雅各是「逃走」到伊hia去「避难」ê。所以这二十年来,雅各tī拉班ê眼中一直是「奴隶」ê身分,并无真正kā伊当做侄á á是kiáⁿ婿看待。奴隶ê财产是属tī主人ê,即使伊结婚所生落来ê gín-á mā是(参考出埃及记廿一:3—4)。不过有一点无仝款ê所在,就是当年雅各娶bó͘ kah得tio̍h有斑点ê羊群、牛群等,lóng是kah拉班事先讲好ê「约」。这mā就是为甚么当雅各向两个bó͘解释想beh逃离丈人ê厝时,两个bó͘同时讲老父拉班kā in「当做外人,卖了咱,koh吞食卖咱ê身价」ê理由。

经文:

创世记 31:45-31:55

注释:

Chit段是拉班家己知影无理,只好kah雅各立约讲和。Tī chia thang koh一pái看tio̍h用石头当做立约ê记号,kah雅各当年tī伯特利用石头立碑做kah上帝立「约」ê记号仝款。Chiah-ê堆起来ê石头,无论是kā它称做「E-gal-sa-ha-tu̍t」,á是「Gal-è-t」,意思lóng是teh指「hō͘阮来想ê石堆」,表示雅各kah拉班tī chia立和平条约,chiah-ê石头thang帮助记忆。Koh khah重要ê,是强调chit-ê约有上帝作证。

Koh讲,chit-ê约mā表示tùi-án-ni了后,雅各kah拉班ê关系隔开无koh来往(第52节)。

有趣味ê是拉班为tio̍h beh掩盖(khàm)家己ê无理,伊特别强调立chit-ê约, ài雅各保证两件事:一是tio̍h好款待拉结kah利亚。二是bē-tàng koh再娶别ê cha-bó͘人做bó͘。伊用chit种方式beh向cha-bó͘-kiáⁿ表示伊对in ê疼。

第46节kah第54节lóng有提起立约时,双方同齐食饭。作者用同齐食饭kah同齐过瞑,来表示in彼此之间已经和好。

经文:

创世记 32:1-32:12

注释:

头前讲上帝警告拉班,ài伊bē-tàng伤害雅各。chit-má是上帝ê天使出现 tī雅各ê面前,hō͘雅各知影上帝teh带领、teh保守伊。这就是希伯来文ê「玛哈念」ê意思,表示有两支军队tī头前teh带领雅各,hō͘雅各放心继续朝ǹg 回乡ê路去。

第3到5节,雅各无bē记得当年是因为伊欺骗兄哥以扫,hō͘以扫放话ài tī老父以撒死后采取报复行动(参考廿七:41)。所以伊先派奴仆tńg去故乡向兄哥以扫通报,为tio̍h beh探听以扫是m̄是iáu teh受气。第5节真重要,雅各ài奴仆kā兄哥以扫讲家己拥有「牛、驴、绵羊、山羊kah奴仆」,这m̄是teh展宝财富,á是beh hō͘以扫知影伊并m̄是beh tńg来夺取「大kiáⁿ名份」ê财产。Á后chit句「希望得tio̍h我主ê欢心」,意思是teh指希望以扫ē-tàng尽弃前嫌,mài koh再记念伊过去所犯ê过错。

第6到8节,chit段奴仆回报告雅各ê内容,明明是hō͘雅各吓tio̍h惊。因为奴仆kā雅各讲伊ê兄哥带「四百人」beh来kah伊「相会」。这用脚头u想mā知,beh迎接雅各kám需要chiah-ni̍h chē人?「四百」,这是「四」ê倍数,表示真chē ê意思。Mā说明以扫已经发展到真「强壮」ê意思。雅各听tio̍h,是一股极大ê压力,莫怪伊会「koh惊惶koh操心」。所以伊第一个想tio̍h ê,是怎样保护家族kah本身ê安全。

第9到12节,chit段经文是雅各kui个行动中心,除了说明雅各ê信心,mā说明一个人无论家己ê能力有jōa-chē,重要ê是认bat上帝对人性命ê主权。雅各充分表明chit种信仰态度:m̄是家己ē-tàng抵挡兄哥以扫ê报复,只有tī上帝ê指引下,chiah ē-tàng hō͘性命ê危机化除。伊祈求上帝hō͘伊脱离以扫ê手,特别是伊提起上帝bat应允过伊,beh hō͘伊「事事顺利」,mā tio̍h「赐hō͘」伊「多子多孙,亲像海滩ê沙粒,chē kah无人ē-tàng算」。

经文:

创世记 32:13-32:21

注释:

Chit段经文mā看出雅各确实是一个细腻ê人。当伊看见危机来临ê时并m̄是躲避,却是tùi óa靠上帝带领性命ê经历,做siōng好ê安排。

第13到15节,chit段经文讲雅各准备相当丰厚ê礼物beh送hō͘兄哥,意思是讲伊tio̍h赔偿以扫丧失老父hit-pêng ê「大kiáⁿ名份」。Chiah-ê家畜动物共计五百五十只,是相当可观ê一笔财富。若ē-tàng因为án-ne soah保全性命,hō͘以后ê生活安定落来,mā thang chhōe机会koh再thàn倒tńg来,这mā说明雅各聪明ê所在。

Koh讲,chit段经文mā thang看出雅各确实是一个真有组织能力ê人,凸显伊做族长ê角色,表示伊ê能力已经ē-tàng kā亚伯拉罕、以撒ê传承接落来。伊tī每一个队伍中,lóng有安排忠实ê奴仆,而且教导chiah-ê奴仆看见以扫时,该讲chit句:「chiah-ê lóng是你奴仆雅各ê;伊beh送hō͘伊ê主人以扫作礼物。伊本人就tī阮后头。」用chit种方式想beh phah消以扫心中ê受气。雅各koh kā家己卑微落来,而且卑微到极点。伊称呼以扫是伊ê「主人」,表示以扫iáu-koh是老父以撒ê大kiáⁿ。这会hō͘以扫因为心欢喜来 bē记得雅各过去欺骗ê事,伊希望án-ne mā允准用得tio̍h以扫ê「赦免」。

经文:

创世记 32:22-32:32

注释:

Chia siōng重要ê是teh说明为甚么以色列人民m̄食「大腿ê筋」ê背景。
M̄-koh,chit段经文koh khah重要ê所在是tī第28节,说明雅各ê另外一个名「以色列」ê由来。

第22到23节ê「雅博河」,是约旦河东边ê一个支流。雅各kā所有ê bó͘-kiáⁿ lóng安置好了后,家己留tī河边。

第24到25节,chia并无讲甚么人来kah雅各「相ián」,koh为甚么beh kah雅各相ián?而且雅各ē-tàng赢过chit-ê人。直到最后,chit-ê人kan-taⁿ用简单ê方法,就是tī雅各ê「大腿臼顶面phah了一下」,雅各ê大腿「就lut臼」,这说明雅各变成瘸腿ê原因,mā tùi chia解释了后来以色列人民「m̄食大腿ê筋」ê原因。

Chit-pái ê相ián,mā是teh暗示雅各m̄免惊以扫,伊会赢过以扫。
第26到29节,雅各要求chit-ê人祝福伊,chiah愿意放chit-ê人离开。结果chit-ê人改变了雅各ê名为「以色列」。Chit-ê名意思是teh指「kah上帝相ián」。

Á雅各mā想beh知影chit-ê改伊名ê人ê名。M̄-koh chit-ê人拒绝回答,不过,伊祝福雅各了后,就离开。

以色列人民一直有一个传统:一个人若是thang为别人号名,表示chit-ê人ē-tàng指导被号名ê人。Koh讲,作者mā透过chit-ê hō͘ 雅各新ê名,表明此后ê雅各,会有全新ê形象出现。

第30到32节,「我面对面见了上帝,犹原活teh!」这是雅各讲出家己所面对ê相ián者,是上帝。照当时ê人ê观念,当人见了上帝ê面,一定会死(参考出埃及记三十三:20,士师记六:22—23、十三:22)。

Chia mā讲出雅各后来变成瘸腿ê原因,就是因为kah chit-ê人相ián ê结果。

经文:

创世记 33:1-33:11

注释:

Tī长到十二章有关雅各ê篇幅中,以第三十三章siōng ē-tàng看出以扫ê特性,kah雅各心中不安ê实况。Mā因为有chit章,对以扫ê了解有真大ê无仝;伊m̄-nā是一个bē记得仇恨ê人,而且是一个心胸相当广阔ê兄哥。Ē-sái讲是为甚么上帝无拣选伊做族长,却是选雅各?这是一个好问题,却无人ē-tàng回答chit种问题。因为拣选ê主权是tī上帝。

第三十三章1到17节lóng是属tī「耶和华文献」ê资料,后头第18到20节则「以罗伊文献」ê资料。Chit章主要是由两个情节来构成:一是第1到11节,两兄弟相会面。二是第12到20节,两兄弟分别顺续tńg去厝里。

Chit段经文继续描述雅各对以扫是「心怀戒惧」,mā充满tio̍h矛盾;伊一方面表现出真有「悔意」ê款,连续「七pái坦覆 (thán-phak)tī土脚」,hō͘伊ê兄哥以扫看tio̍h伊ê真诚,并且准备丰厚礼物做见面礼,希望ē-tàng因为án-ne得tio̍h兄哥以扫ê「赦免」。M̄-koh另外一方面,伊mā做完整防范ê准备,尤其是安排伊kah拉结、利亚生ê gín-á tī后壁,然后家己chhōa两个细姨kah in所生ê gín-á行tī头前。这明显ê就是一种预防意外发生。

第1到4节,kā chit段续接tī第三十二章8节后面,读起来会koh khah顺畅。雅各kā gín-á分别由四个妻细姨带tio̍h,然后细姨kah细姨所生ê kiáⁿ行tī头前,续落来是利亚kah伊ê kiáⁿ,最后是拉结kah约瑟。Chit种队伍真清楚,伊爱拉结kah约瑟赢过其他ê kiáⁿ kah妻细姨。万一发生意外,siōng后面ê thang有koh khah充裕ê时间逃走。

雅各家己行tī siōng头前,这mā表现出伊是一个大家长,有保护家族安全ê必要。

雅各看见以扫ê时chūn,伊ê第一个反应是「连连七pái坦覆 (thán-phak)tī土脚」,chit种方式表明伊尊敬以扫乃是当家主管、老大。Kah本来雅各骗取大kiáⁿ名份ê动作koh有完全无仝ê含意。雅各会有hiah-ni̍h大ê动作,lóng只有一个原因,希望ē-tàng因为án-ne得tio̍h以扫ê赦免。

第5到7节,可能是头前hiah-ê进贡ê队伍奏效,m̄-koh khah有可能是雅各chiah-ê卑微到极点ê动作感化了以扫本来忿怒ê心。以扫一看见雅各,随时就「走来迎接伊,揽伊,kah伊chim嘴」,然后「两人lóng哭了」。Chiah-ê动作lóng是当时中东地带热情欢迎亲友ê一种方式,表示以扫已经kā过去所有ê怨恨lóng放弃了,伊真正原谅bat伤害过伊ê小弟雅各。

就án-ne伊问雅各身边ê cha-bó͘人kah众细kiáⁿ是甚么人?雅各ê chit句「chiah-ê gín-á是上帝恩赐hō͘我ê」,mā说明性命tùi上帝来赏赐。Gín-á多,表示上帝赐福大。一方面teh向以扫表示:若是无上帝看顾、保守,伊无可能有chit种能力。续落来,伊一一绍介妻细姨kah kiáⁿ hō͘以扫认bat。

第8到9节,以扫询问chìn前hiah-ê奴仆所带领ê队伍是作甚么ê?mā就是第三十二章13到15节所提起ê hi̍t五百五十只家畜动物,非常丰厚ê见面礼,hō͘以扫mā见识到雅各确实是有上帝赐福,力量绝对无法度看轻。

以扫ê「我甚么lóng有」chit句话,tú好mā说明in老父以撒虽然无赐福伊,甚至用接近「诅咒」ê内容回应伊ê请求。M̄-koh上帝iáu是看顾伊,赐福hō͘伊,若无伊无可能有「四百人」kah跟tòe。伊向雅各恳辞chiah-ê丰厚ê见面礼。

第10到11节,雅各坚持ài伊兄哥以扫kā礼物收落来。因为chit批礼物实在是太丰厚leh,若以扫收落来,差不多每工lóng会看tio̍h chiah-ê家畜动物,而且iáu会继续繁衍落去,án-ne,以扫就bē想起beh报复ê念头。这mā是雅各聪明ê所在。伊tī拉班ê厝经历二十年,深知培育羊群ê技巧。因为án-ne,若是以扫无beh kā伊打扰,而且ē-tàng以kah伊相安无事,伊就ē-tàng tī安定生活几年后,koh重新繁殖koh khah chē羊、牛、驴等。

经文:

创世记 33:12-33:20

注释:

Chit段经文描述以扫确实是一个有兄哥风范ê人,伊表示欢迎小弟雅各回乡,而且beh成做伊ê帮助者。

第12到14节,以扫beh chhōa雅各kah伊ê家族tńg来故乡。伊对雅各讲「我做头前行」,chit句话mā表示了以扫确实是大家长,ài做雅各ê保护者。

雅各并无án-ne想,伊用「众细kiáⁿ iáu软chiáⁿ」,以及真chē牛、羊尚且teh食奶,动作慢等等做理由。其实,chiah-ê理由lóng是teh防卫、保全。Tùi chit句「咱tī以东相会」thang看出来,因为chit种句型就是teh表示「咱后会有期」ê意思。雅各án-ne表示是非常礼貌ê讲法,hō͘以扫知影「我会去看你,我kah我ê家庭会有家己ê khiā家」,主要是beh hō͘以扫知影,伊bē tńg去kah伊分家产。

第15到17节,以扫表现出家己做兄哥ê siōng koân 诚意,beh「留落来一kóa人护送」雅各kah伊ê家族,来预防被强盗欺负。雅各ê想法koh khah聪明,伊知影若án-ne,伊所有ê动作lóng会hō͘伊兄哥以扫窥知。因为án-ne,伊恳辞了以扫ê美意。就án-ne,以扫只好家己tńg去伊ê家乡以东。雅各趁兄哥以扫离开,随时向另外一个方向疏割行去。

所谓「替家己盖了厝,mā为牲畜搭棚」,chit句话表示伊会tī chia安定khiā起一段时间。

第18到20节,chit三节讲雅各koh移动来到示剑chit地区,mā就是伊阿公亚伯拉罕以前得tio̍h上帝应允beh赏赐hō͘伊kah kiáⁿ孙khiā起ê土地迦南。

第19节,chit节说明雅各kah伊阿公亚伯拉罕仝款,用钱买迦南人ê土地,这mā表示伊thang kah当地ê人和平共存。

第20节,「tī hia起祭坛」,表示雅各无bē记得,随时随地lóng感谢上帝ê带领kah赐福。伊称chit-ê地方名叫「伊利・伊罗伊・以色列」,意思是teh指「全能者,以色列ê上帝」。表示chit位上帝,是雅各ê上帝,mā是帮助雅各tī各种事顶面lóng顺利ê上帝。

经文:

创世记 34:1-34:12

注释:

Chit章是由「祭司文献」kah「耶和华文献」ê资料混合编辑而成。「祭司文献」包括有第1到2节a句、第4节、第6节、第8到10节、第13到18节、第20到25节、第27到29节。其余ê lóng是「耶和华文献」ê资料。

Chit章ê编辑真特别,因为kah前后文lóng互相无符合。Ē-sái讲是,chit章却讲出相当重要ê内涵,至少它讲出几个重要ê信息:

一是后来雅各临死前,kā大kiáⁿ ê名份由原本ê吕便,改做由第四个kiáⁿ犹大传承ê原因(参考四十九:8-12)。原因是大kiáⁿ吕便因为kah雅各ê细姨辟拉困(参考三十五:22),á第二kiáⁿ西缅kah第三kiáⁿ利未,则是chit-pái大屠杀ê主谋者。因为án-ne,chit章有意交带犹大继承大kiáⁿ名位ê历史背景。

二是原本是kah上帝立性命ê约ê割礼记号,tī雅各ê gín-á手中,已经变成血腥屠杀ê手段,偏离了kah上帝立割礼之约ê记号ê神圣意义。

三是底拿所代表ê是一个非常弱小ê族群,因为被外族人欺负、污秽à。伊ê众兄哥派人出来保护,讨tńg来公道。M̄-koh,手段比底拿被奸污ê事koh khah残酷。

四是作者有意透过chit-ê事件说明雅各ê kiáⁿ孙以色列人民,为甚么会kah迦南人以及tī迦南地ê原住民有非常大ê敌意。

五是整篇记事mā说明一个基本信仰认知:罪kah罚,是相连做伙,无法度分开ê。

Tī雅各ê子女中,可能iáu有其他ê cha-bó͘-kiáⁿ,m̄-koh因为cha-bó͘-gín-áTī圣经时代ê地位甚低,通常lóng bē被记名落来。底拿ê名会hō͘记落来,就是beh说明雅各ê 众kiáⁿ犯罪ê事。

第1到4节,tī第三十三章13节讲雅各ê子女iáu真细汉,chit-má soah讲底拿已经长大,thang外出访问朋友。

示剑城ê酋长是「希未人哈抹」,伊ê kiáⁿ名叫「示剑」。Tùi chia thang看出旧约圣经中,有bē少名teh代表个人,mā同时teh代表城镇、民族。这「示剑」名就是真好ê例,是teh代表哈抹ê kiáⁿ,mā teh代表chit座城,同时代表tio̍h「示剑」族人。

示剑看见底拿súi,就kā她「奸污」,这mā表示有权势ê人欺负出外、寄居ê人。作者mā用chit种方式teh说明迦南人淫乱ê行踏。后来示剑想beh娶底拿做bó͘,真可能是因为惊雅各ê家族报复。因为雅各有能力用「一百块银á」买土地,mā teh表示雅各是一个有能力ê人,伊ê家族庞大。因为án-ne,联婚ē-tàng排除两者之间ê仇恨,mā thang因为án-ne亲密结连做伙,另外一点,示剑想藉这壮大家己ê实力。

第5到7节,雅各知影chit件事,不吭声,原因是伊ê kiáⁿ无tī厝里,势弱。等伊ê kiáⁿ lóng tńg来了,mā知影chit件事后,众kiáⁿ大动肝火,认为底拿被奸污,是一件家族被「侮辱」ê大事。

第8到10节,tùi强暴到爱上底拿,hō͘哈抹用城主ê地位,亲自去向雅各提亲。哈抹提出ê要件,m̄-nā是in-tau里ê亲事,伊甚至允准hō͘两个家族通婚,而且提出特别好ê贸易协商,thang自由买卖,购屋置产,随意chhōe所在tòa等,chiah-ê lóng teh说明雅各ê家族kah示剑城ê居民,thang合做一个。

第11到12节,chit两节说明m̄-nā是城主哈抹显示出诚意,连示剑家己mā亲自表明siōng大ê 诚意,只要允准伊娶底拿做bó͘,雅各家所提出ê任何条件,伊lóng会答应。


经文:

创世记 34:13-34:24

注释:

注意第13节ê chit句「就用白贼话回答示剑kah伊ê老父哈抹」,chit句话表示欺骗ê行为tùi雅各ê身上流传到伊ê gín-á身上à。Mā teh暗示雅各ê 众kiáⁿ并m̄是有真好ê行为,这tī第三十七章koh khah明显。

第14到17节,雅各ê 众kiáⁿ建议用「割礼」当做条件,认为无割礼,是一种「耻辱」。M̄-koh「割礼」原本是kah上帝之间有性命ê约ê记号,无法度用来当做婚姻ê聘金á是要件。

值得注意ê是第16节,雅各ê kiáⁿ表示若同意「割礼」,in就愿意kah示剑族ê人「成做一族」,这kah上帝beh hō͘亚伯拉罕、以撒kah雅各有众多kiáⁿ孙之应允,大无相仝。因为连以实玛利lóng无法度直接成做亚伯拉罕ê继承人,只有以撒传承落来ê chiah是。Án-ne,雅各ê kiáⁿ若是kah示剑族ê人合成一族,这本来ê应允就会失去意义。Tùi chia mā thang看出隐藏tī其中ê诡计。

第18到19节,哈抹kah示剑认为这是「公道」ê条件,而且因为示剑确实爱底拿,老父哈抹就决定接受chit种条件当做聘金。Mā可能伊看见ê是伊ê族群thang kā比较弱小ê雅各家族「并入」tī伊ê管辖之下。

第20到24节,「城门聚会ê所在」,这mā是圣经时代城里居民聚会ê场所,是法院审案ê所在。

第23节thang看出哈抹kah示剑chit对父子,以及雅各ê 众kiáⁿ是各怀鬼胎,各自盘算tio̍h本身利益。哈抹kah示剑phah ê如意算盘是:只要接受雅各众kiáⁿ提出ê割礼做聘金,就ē-tàng藉tio̍h chit-pái ê婚姻kā雅各「in ê牲畜kah一切财产」lóng变成示剑城人民ê,这是准备以大食小ê行为,thang明显看出in心内存「贪」ê念头。Á这绝对bē为in带来上帝ê赐福。后来,hit-ê城ê「男子lóng接受割礼」。

经文:

创世记 34:25-34:31

注释:

「过了三工」,这表示一个适当时间,tī chia指出示剑城ê男子,lóng因为割礼进入siōng疼痛ê时chūn。雅各ê两个kiáⁿ,就是西缅kah利未,in两人带头领家族ê人,趁机进入示剑城内进行大屠杀,kā所有男子,包括示剑在内lóng刣死,并且洗劫hit-ê城所有ê财物,mā俘虏了hit-ê城所有ê妇女kah gín-á,chit种行为是藉tio̍h kah上帝之间神圣之约ê「割礼」来进行,mā等于是teh侮辱、污蔑、践踏割礼ê意义。

另外一方面,mā tùi第26节看tio̍h,当时底拿是被示剑押tī厝里,这mā可能是雅各ê kiáⁿ为tio̍h beh救底拿ê一种策略。M̄-koh,chit种策略却是用欺骗、屠杀无辜ê性命来达成。

第30到31节,雅各清楚知影伊kiáⁿ做出siōng残酷ê恶质ê行为后,表示出极大ê不安。因为杀害无辜ê,必定会带来上帝ê惩罚。因为án-ne,为tio̍h beh保护家族ê安全,伊认为应该赶紧离开hi̍t 所在。伊ê kiáⁿ却用「咱无法度hō͘人kā小妹当做娼妓」chit句话来合理化家己ê恶质ê行为。为tio̍h án-ne事,后来西缅kah利未hō͘ 雅各诅咒(参考第四十九章)。

经文:

创世记 35:1-35:15

注释:

Chit章是由「祭司文献」、「耶和华文献」,以及「以罗伊文献」等三种资料混合编辑而成。第1到4节、第7到8节、第16到20节,lóng是属tī「以罗伊文献」;第5到6节、第9到13节、第15节、第23到29节lóng是属tī「祭司文献」ê作品;只有第21到22节chit两节是「耶和华文献」ê资料。

Chit章mā是雅各族长史暂告一个段落,续落来就是beh讲约瑟ê历史。因为chit章用雅各ê十二个gín-á作为一份简单ê族谱,区隔一个时代ê结束,新ê另外一个时代开始。同时mā交带以撒往生。然后,第三十六章提供一份族谱外,mā tùi第三十七章开始讲tio̍h第四位族长约瑟ê故事。

Chit章也kah第三十四章有密切关系,因为原本雅各是想beh tī示剑chit-ê城市khiā落来ê,m̄-koh,chit-má雅各感觉tī-chia khiā起已经无安全,伊深深感受tio̍h「人数无chē」,深惊外族人ê反扑攻击,致使被消灭ê危险,因为án-ne,决定离开示剑。

Chia koh一pái提起「伯特利」,这原本是雅各逃亡ê时,亲自经历到上帝kah伊同在,而且向伊启示表示beh保守伊、看顾伊ê所在。因为án-ne,tī chit-ê siōng无安全感、危机ê时chūn,雅各koh一pái得tio̍h上帝ê启示,ài伊去伯特利,并且tī hia「起一座祭坛」敬拜上帝。这mā是后来伯特利成做敬拜ê圣地ê原因。

第2到4节,雅各带领家族开始学习对向伊显现ê上帝表示忠chiâⁿ,因为án-ne,命令家族ê人,bē-tàng koh再有任何其它神像之物。雅各深深体会tio̍h,若是无chit位全能ê上帝带领,就算拥有世间数算不尽ê财宝mā是枉然。

第5节若是编辑tī第三十四章29节后面,有可能会koh khah清楚当雅各kah全家离开示剑ê时,无人敢去拦截,替示剑人报复ê原因。Á编辑tī-chia,主要是beh说明雅各带家族离开示剑,tńg去伯特利重新敬拜上帝,因为án-ne,有上帝庇护in。

第6到8节,雅各照上帝ê吩咐,tī来到伯特利了后,就建造一座祭坛敬拜上帝。第8节ê底波拉,是利百加ê婢女,chit-má已经是老奴仆à。M̄-koh却无说明底波拉为甚么跟tòe雅各?kám讲当时雅各逃离老父ê厝,á是老父以撒ài伊去拉班ê厝时,hō͘底波拉陪雅各同齐去?M̄-koh这无啥可能。

第9到12节,上帝koh一pái向雅各显现,beh赐福hō͘伊。上帝ê赐福,就是改变伊ê名叫「以色列」,这是第二pái记载雅各被改名,第一pái是tī第三十二章28节,he是属tī「以罗伊」ê资料。Chit-má chia ê改名,是属tī「祭司文献」ê资料。

第11节讲出上帝ê特性:全能者。Chit句「我是全能ê上帝」,mā是上帝对亚伯拉罕应允ê时讲ê(参考十七:1)。

第12节讲上帝对雅各ê应允kah上帝应允hō͘亚伯拉罕、以撒ê仝款。Chia特别提起「赐hō͘亚伯拉罕、以撒ê土地」,表示雅各就是传承祖先tùi上帝领受ê赐福。

第13到15节,为tio̍h beh记念上帝对伊ê疼,雅各koh一pái tī伯特利做记念碑,顶pái是用石头做记号(参考廿八:22)。

经文:

创世记 35:16-35:21

注释:

Tī第三十章24节记载拉结生约瑟ê时chūn,bat祈求上帝讲:「愿上主koh再hō͘我一个kiáⁿ。」上帝果然应允伊ê祈求。M̄-koh伊却为tio̍h án-ne付出极大ê代价。

Chit段经文记录了便雅悯出世ê经过。雅各siōng疼ê bó͘拉结因为难产就án-ne往生à。拉结为chit-ê可怜ê gín-á号名做「便・俄尼」,表示可怜、愁苦ê意思。M̄-koh雅各感觉应该改成「便雅悯」,表示「运气非常好」,意思是teh指chit-ê gín-á真好字运,「佳哉,无死去」。

经文:

创世记 35:22-35:26

注释:

第22节,chit节记载吕便kah雅各ê细姨辟拉乱伦ê事,为第四十九章3到4节留落来一个伏笔。

第23到26节,这是一份简单ê族谱,表示雅各ê时代tī-chia暂告一个段落。

经文:

创世记 35:27-35:29

注释:

Chia讲雅各tńg来到in老父以撒ê所在,kah伊ê兄哥以扫tòa做伙,tī第三十六章6到8节讲后来因为两个家族发展庞大,á koh分离。

以扫kah雅各同齐埋葬老父以撒,这表示两人已经完全和好。

经文:

创世记 36:1-36:19

注释:

Chit章全部lóng是「祭司文献」ê资料。Chit种资料对族谱、年龄、数字、礼仪(约)等lóng真重视。

Chit章siōng大ê特色就是teh记录以扫ê后代。作者用一句「以扫kah kúi-nā个迦南cha-bó͘-gín-á结婚」做chit-ê族谱ê开场白,mā同时讲出以扫tī亚伯拉罕家世中成做旁支ê主要因素。

「以扫ê另外一个名叫以东」,后来旧约圣经lóng用「以东」来说明chit-ê族群发展ê情况。

第2到5节,显然地,以扫并无坚守伊父母对迦南cha-bó͘-gín-á ê厌烦,m̄ kah迦南cha-bó͘-gín-á结婚,却是继续kah「kúi-nā个迦南cha-bó͘-gín-á结婚」,因为tī第廿八章1节,以撒对雅各吩咐讲:「你m̄-thang kah迦南cha-bó͘-gín-á结婚。」以及「以扫án-ne chiah明白in老父以撒无欢喜伊ê迦南bó͘」(参考廿八: 8),就ē-tàng知影以后雅各ê家族(以色列民族)kah以扫ê kiáⁿ孙(以东人)之间ê疏远,甚至变对敌ê背景。

第6到8节,chit段经文说明雅各确实是得tio̍h大kiáⁿ ê名份,继承老父以撒ê家产。因为以扫离开老父ê厝。虽然伊mā是家族兴旺,m̄-koh ná亲像罗得仝款,离开亚伯拉罕身边,等于远离了上帝ê赐福kah应允。
第9到14节,chit段经文ê族谱,是以扫分别kah亚大、芭实抹、阿何利巴玛等三个bó͘所生ê gín-á。

第15到19节,chit份族谱是以扫kah顶面所讲三个bó͘所生ê kiáⁿ ê后代,mā就是伊ê孙á。

经文:

创世记 36:20-36:30

注释:

Chit段族谱是teh绍介以东地区原住民族何利人西珥ê后代。申命记第二章12到22节记载以扫ê kiáⁿ孙,后来进入chit地区,征服chit地区,因为án-ne,kah chit地区ê人通婚。

经文:

创世记 36:31-36:43

注释:

Chit份是统治以东ê君王名单,mā是历史重要资料。第43节真清楚表示,chiah-ê名单lóng kah in支族ê名、khiā起地区仝款名。

经文:

创世记 37:1-37:11

注释:

Mā是由三种文献混合编辑而成ê。「以罗伊文献」ê资料是主轴,siōng少ê是「祭司文献」。

Tùi chit章开始是绍介第四位族长约瑟。chit章mā提供创世记ê一个主题:人ê对敌者,往往是家己ê亲人、siōng亲近ê人。亲像:亚当kah夏娃、该隐kah亚伯、罗得kah伊ê cha-bó͘-kiáⁿ、以扫kah雅各、约瑟kah伊ê兄弟等等。

开始讲约瑟十七岁发生ê事。伊kah其他兄哥并无和谐,原因是伊不时向老父雅各报告其他兄哥所做ê pháiⁿ事。

第3到4节,雅各偏爱约瑟,ná亲像伊ê老母利百加偏爱伊。因为án-ne,引起约瑟其他众兄哥ê嫉妒kah不满。

第5到11节,是「以罗伊文献」ê特色,用梦来说明上帝ê启示。约瑟做两个梦,lóng teh说明伊会成做中心人物,伊ê兄弟,kah伊ê老父,lóng会hō͘伊掌管。



经文:

创世记 37:12-37:24

注释:

Chit段经文说明约瑟hō͘伊ê兄哥卖去埃及做奴隶ê经过。

第12到17节,说明约瑟ê众兄哥对伊确实恨之入骨。因为án-ne,约瑟会奉老父之命去探望伊众兄哥是m̄是「平安」、羊群是m̄是「安全」,lóng teh说明雅各ê gín-á不时引起伊ê烦恼。M̄-koh因为约瑟不时照实讲出众兄哥所做ê pháiⁿ事,因为án-ne,in chit-pái决定beh kā约瑟「刣死」,然后欺骗老父讲「hō͘野兽食去à」,做泄愤ê方式。Chit种杀害亲兄弟ê事件,就kah第四章所提起ê该隐杀害亚伯类似。

第21到24节,吕便是大kiáⁿ,伊有责任保护小弟约瑟。伊苦劝众小弟bē-tàng án-ne对待亲小弟约瑟,只有ē-tàng用惩罚性ê方式,kā它hē tī干井内。吕便希望用chit种方式来救约瑟。果然约瑟就án-nehō͘ng剥去雅各送hō͘伊ê彩衣,然后hō͘ng hiat落去干井内受苦。


经文:

创世记 37:25-37:30

注释:

就tī hi̍t时,tú好有以实玛利ê骆驼商队经过,in tùi基列带tio̍h珍贵ê香料beh去埃及交易。约瑟ê chiah-ê众兄哥决定kā伊卖hō͘ chiah-ê商人。这是犹大提出ê意见,当时吕便不在场,当伊tńg来ê时,发见伊ê众小弟用「二十块银á ê价钱」kā约瑟卖去,非常伤心地撕裂衫裤。Á in卖约瑟ê chit-ê价钱,比一个奴隶ê价钱三十块银á khah低(参考出埃及记廿一:32)。

经文:

创世记 37:31-37:36

注释:

Ná亲像雅各当年欺骗老父以撒,用羊皮包装家己,hō͘以撒掠做he是以扫ê皮肤。chit-má雅各ê kiáⁿ用羊ê血抹tī约瑟ê彩衣上,欺骗老父讲he是约瑟ê血,是被野兽吞食留落来ê血。

第32节,雅各ê chiah-ê kiáⁿthe̍h-tio̍h彩衣对雅各讲:「这是lín kiáⁿ ê ?」chit句话已经显明chiah-ê兄哥并无承认约瑟就是in ê小弟。

第33到35节,雅各哀伤到极点,无论甚么人来安慰lóng被拒绝,伊表示家己mā想beh死去。

第36节,约瑟hō͘骆驼商队chhōa到埃及,koh转卖hō͘米甸人,然后卖hō͘埃及王ê一个官僚(侍卫长)波提乏ê厝里去。。

经文:

创世记 38:1-38:11

注释:

Chit章是「耶和华文献」ê资料,mā是真完整ê一篇故事,主要除了teh说明犹大ê两个kiáⁿ儿法勒斯kah谢拉ê由来,mā koh一pái提起一个性命ê观念:上帝是性命ê主宰者。什么人刻意阻挡性命ê延续,lóng会引起上帝ê愤怒。犹大ê次子俄南ê行为tú好说明了chit-ê重要ê信息。Koh讲,犹大ê事件,mā teh说明每一个人对性命ê延续lóng负有责任,逃避,kan-taⁿ会带来koh khah大ê性命负担。

另外一方面,创世记第十九章记载罗得kah伊ê cha-bó͘-kiáⁿ发生乱伦ê事件,tī chia是看tio̍h犹大kah家己ê新妇发生乱伦行为,这lóng tī说明一个事实:无一个民族ê血缘是「纯洁」ê,因此,用「民族净化」作藉口,进行种族歧视á是杀戮是真荒谬ê举动。Chit点tī当今世界koh khah值得政治人物、军事强人省思,ná亲像耶稣所讲ê:「遵照上帝旨意ê 人就是我ê 兄弟、姊妹kah 老母(全民版)」(马可福音三:35)chit句话chiah是上帝所期待看tio̍h ê人类社会。

Chit件犹大kah新妇她玛乱伦事件ê背景,kah申命记第廿五章5到10节摩西法律ê规定有真重要ê关系,而且为摩西chit条「利未拉特婚姻条例」作了真好ê诠释。

第1到2节,「犹大离开伊ê众兄弟」,chit句话mā说明chit份资料是比较晚期ê作品。因为犹大就是雅各后裔ê领导者。Á chit句「遇tio̍h迦南人书亚ê cha-bó͘-kiáⁿ,就kah伊结婚」是一记暗笔,除了说明犹大kah迦南人之间关系亲密外,伊mā做以前伊ê阿公以撒kah阿妈利百加看做讨厌ê事,就是kah迦南cha-bó͘-gín-á通婚(参考廿六:34—35、廿七:46、廿八:1、8)。因为bē记得祖先ê叮咛,chiah会有后来乱伦ê事件发生。

第3到5节,chit三节是一份简短ê族谱,说明犹大三个kiáⁿ ê名包括有「珥」、「俄南」,kah「示拉」,m̄-koh最后只有示拉活teh。

第6到11节,犹大kā珥娶bó͘, 她ê名叫「她玛」,chit-ê名有「竖立」、「棕树」ê意思。Chia并无说明「珥」到底做甚么事得罪上帝,致使「上主就取伊ê性命」,照圣经作者时常表达ê方式,就是离弃上帝,去拜偶像,chit种人是上帝所厌弃ê对象。

第8节回应了申命记第廿五章5到10节ê摩西律法「利未拉特婚姻条例」ê规定。犹大ài俄南娶阿嫂她玛做bó͘,并且强调这是「义务」,为tio̍h是beh替「兄哥传后」。

第9节,thang看出俄南并无想beh遵守律法ê规定,原因是无想beh hō͘兄哥珥有后代,án-ne,伊就ē-tàng继承兄哥ê产业。这是贪婪。贪婪等于「拜偶像」(参考以弗所册五:5,歌罗西书三:5)。上帝看俄南chit种意念kah行为是邪恶ê,因此mā取伊ê性命(第10节)。

第11节,犹大生三个kiáⁿ,前两个lóng死去,原因lóng kah上帝ê惩罚有关系。Chhun落来这siōng小ê「示拉」,chia并无说明伊ê年纪,只有犹大向她玛表示, ài她先tńg去后头厝等,因为示拉iáu软chiáⁿ,等伊长大「成人」后就会叫她玛tńg来。M̄-koh作者tī chia特别注明,事实上是因为犹大惊示拉也kah两个兄哥「仝款死去」。她玛听ta-koaⁿ ê话tńg来后头厝。



经文:

创世记 38:12-38:19

注释:

故事ê中心tī第12到14节,chia先讲犹大ê bó͘死去,续落来就讲出伊并无遵守伊对新妇她玛ê约定,to̍h是示拉已经长大,却无通知她玛tńg来kah示拉同房。因为án-ne,当她知影ta-koaⁿ去亭拿参加「剪羊毛」ê节期后,就决定亲自去亭拿 chhōe ta-koaⁿ。

第15到19节,因为她玛ê打扮,hō͘犹大掠做是tī街路giú客ê妓女,双方谈好同床ê价钱是一只小羊。她玛叫犹大送小羊来付同房价钱chìn前,一定tio̍h先留落来担保品。她ài犹大留落来ê担保品是「印á、印á带,kah拐á」,chit三项物件是刻有名ê证物。她玛会án-ne做,是因为伊想beh讨tńg来伊应该得tio̍h ê权利,以及生存ê空间。因为若是犹大一直m̄肯hō͘伊tńg去kah示拉结婚,伊会一世人成做寡妇,而且成做sàn-chhiah寡妇,这是非常悲惨ê事。

第14 kah 19节lóng thang看出当时寡妇有特别衫裤做记号,这主要是teh保护in,thang hō͘ in到果园á是去田里拾(khioh)食物ê时,bē被欺负á是阻挡。


经文:

创世记 38:20-38:30

注释:

犹大无bē记得tio̍h赎tńg来伊典押hō͘她玛ê信物,就是第18节所提起ê印á等三样。伊托朋友希拉去chhōe 掠做是「妓女」ê她玛,m̄-koh遍chhōe bē-tio̍h。

第21节,chit节讲「寺庙娼妓」,m̄-koh tī第15节讲是「妓女」,这差别真大;因为「寺庙娼妓」tī咱人ê印象中,是高贵ê工作。M̄-koh妓女tī咱人眼中是不清气ê工作。有可能犹大kah希拉讲ê是伊kah「寺庙娼妓」发生关系,á m̄是讲妓女。

第22到23节,既然chhōe bē-tio̍h,犹大认为错不tī伊,伊是一个守信用ê人,beh尽力去归还所欠ê债务。

第24到30节,三个月后,犹大听tio̍h新妇她玛「做妓女,而且已经有娠」,chia无说明是甚么人去传chit-ê消息hō͘犹大,真有可能是她玛故意托人带话hō͘犹大,因为当时犹大就是掠做是伊是妓女,上前去搭讪á上床ê。因为án-ne伊托人转达hō͘犹大ê消息就是「她玛做妓女」,用chit种方式来提醒犹大。

当犹大听tio̍h她玛做妓女koh有娠,成(chiâⁿ)实受气冲天,ài人去kā她玛「khiú出来,kā她烧死」。Tī摩西律法中有规定祭司ê cha-bó͘-kiáⁿ做妓女ê时,tio̍h用火烧死(参考利未记廿一:9)。若是有妇女kah cha-po͘人犯淫乱罪,就需要kā男ê kah女ê lóng判处死刑,而且是beh公开行刑(参考申命记廿二:22—24)。
M̄-koh,当beh kā她玛执行火刑ê时chūn,她叫人the̍h犹大bat抵押hō͘她ê信物去hō͘犹大看,并且问犹大是m̄是知影chiah-ê物件是甚么人ê,伊就是kah chit-ê物主同床有娠ê,应该连物主mā同齐判处死刑。因为印á、印á带,kah拐á,chiah-ê物件顶面lóng刻有姓名。

她玛tī chit-ê过程中并无为家己伸冤求怜,mā无作任何辩护,却是用信物证明物主就是hō͘伊有娠ê人。伊用chit种方式证明家己ê清白。

犹大一看就知影家己犯了严重ê 错误,因为án-ne伊m̄-nā无kā她玛处死,却是承认家己m̄-tio̍h。Tòe后kā她玛娶tńg去厝里,m̄-koh m̄敢koh再kah她玛同房。

她玛因为án-ne生双生á,分别号名做「法勒斯」kah「谢拉」。她玛mā因为chit件事,tī耶稣ê家谱被列入名单中间(参考马太福音一:3)。


经文:

创世记 39:1-39:10

注释:

Chit章thang续接第三十七章36节,讲述约瑟受卖到埃及王ê侍卫长波提乏厝里做奴隶。chit章除了第4节b句、第6节是「以罗伊文献」ê作品外,其余lóng是属tī「耶和华文献」ê资料。

Chit章ê主题相当清楚,是teh说明一个重要ê信息:一个人如果有上帝同在,即使tī siōng危难ê时chūn,mā会得tio̍h上帝所赐ê智慧、能力,hō͘伊ē-tàng赢过重重灾难kah困难。

约瑟hō͘伊ê兄哥卖到埃及,真tú好卖到埃及王侍卫长波提乏ê家伙奴仆。

第2到3节,chit两节一再重复一句「上主kah约瑟同在」,表示即使tī hiah-ni̍h恶质ê境遇之下,上帝mā无离开过约瑟,tùi伊受卖做奴隶,一直到伊tī波提乏ê家伙奴仆,lóng陪伴tī伊身边。Mā因为有上帝ê同在,hō͘约瑟所做ê lóng ē-tàng「事事顺利」、「成功」。

第4到6节,因为有上帝赏赐ê能力,约瑟tī波提乏厝里lóng受重用,koh khah重要ê,只要kah约瑟相处做伙ê人,lóng会因为约瑟来蒙上帝赐福,chit点tú好kah亚伯拉罕蒙上帝拣选ê时,得tio̍h ê应允仝款。第6节ê chit句「约瑟体格健壮,iân-tâu飘撇」,表示这是上帝赏赐hō͘约瑟有特别ê恩典。

第7到10节,有上帝同在,并无表示lóng无诱惑。Ná亲像亚当kah夏娃khiā起tī伊甸园里,mā有奸巧ê蛇做诱惑者。波提乏ê bó͘就是一个诱惑者,一再想beh诱惑「勾引」约瑟kah伊同床。M̄-koh约瑟真清楚绝对无法度做chit种会「得罪上帝」ê事。这mā充分显示出约瑟ê心中有真chiok厚ê信仰基础。上帝是一个无所不在ê上帝,mā是鉴察人内心ê上帝。因为án-ne,约瑟bē tī暗中做上帝看做邪恶ê事。

经文:

创世记 39:11-39:18

注释:

Chit段经文描述约瑟tú-tio̍h ê诱惑koh khah激烈,就是主人波提乏ê bó͘硬beh约瑟kah她同床,因为得bē-tio̍h,就诬陷约瑟beh kā她性侵,tī无人证thang帮助约瑟之下,伊只有ē-tàng恬恬承受chit种诬陷所带来ê惩罚。

第17节,chit句「hit-ê希伯来奴chiah」用语,是一种极大ê侮辱(参考四十三:32)。

经文:

创世记 39:19-39:23

注释:

主人波提乏听tio̍h bó͘ ê控诉,相信bó͘ ,tī非常忿怒之下kā约瑟关进牢狱中。

M̄-koh值得注意ê是第19到20节,当波提乏bó͘对约瑟指控性侵ê时chūn,波提乏ê反应虽然是「非常受气」,m̄-koh并无指明是对甚么人受气。表面上看起来kah-ná是针对约瑟,m̄-koh看伊惩罚约瑟并m̄是马上拖出去斩首,á是鞭phah hō͘伊半遂。却是送约瑟入「王室ê监狱」,这是关高级官员ê监狱,约瑟是一个奴隶,怎可能享受chit种特殊待遇?这mā teh暗示波提乏并m̄是真正相信bó͘ ,伊宁可相信约瑟是忠实ê奴仆,m̄-koh伊却无法度对bó͘ ê指控采取轻视、m̄-chhap ê态度。

第21到23节,chia两pái重复叙述「上主kah约瑟同在」,chit句话ē-sái讲是chit章故事ê中心话句,说明就算是tī监狱中,只要有上帝同在,mā会有丰富ê性命内容。上帝hō͘约瑟tī监狱中,iáu是得tio̍h典狱长ê欢喜,得tio̍h典狱长授权,hō͘伊处理监狱ê事,而且hō͘伊所经办ê事lóng真顺利。

经文:

创世记 40:1-40:15

注释:

Chit章lóng是「以罗伊文献」ê资料,其中第1节、第3节、第5节、第15节,是编者加添入去ê资料。

这是约瑟tī埃及受难ê第二个记事。是用解梦来表达约瑟kah上帝有特殊ê关系。「梦」是「以罗伊文献」特有ê资料,作者ài用梦来表示上帝对人ê启示。「梦」是人人lóng有ê经验,m̄-koh若beh「解梦」,一定tio̍h有相当ê智慧chiah有办法。Á智慧却m̄是人人lóng有,mā m̄是ē-tàng用钱买会tio̍h。箴言ê作者讲智慧是认bat上帝ê意思(参考箴言一:7、九:10)。约瑟敬畏上帝,因为án-ne,上帝赏赐hō͘伊有明白上帝旨意ê能力,chit点认bat真重要。

M̄-koh古早时中东地带ê人认为梦是thang用来kah神明交通、来往ê一种方式,mā是上帝对人启示他ê旨意ê方法之一(参考民数记十二:6),因为án-ne,有能力解梦ê人往往会hō͘人看做是神明ê代言人仝款。M̄-koh有ê人就会假借「解梦」当做欺骗ê手段。摩西ê律法中真严格地禁止chit种行为(参考申命记十三:2—6)。

Chit章开始就讲埃及王身边有两个高级官员—酒政长kah厨房长,被关入王室监狱,tú好kah约瑟同监狱,因为án-ne,伊被侍卫长指定服侍chit两位高官受刑人。

Chit种巧妙安排其实lóng teh暗示着有上帝ê旨意在其中。

酒政长,这是古代真重要ê官位,是国王身边ê官员,国王ê三餐差不多lóng会有酒政长陪伴tī边á。因为án-ne,如果小khóa khah用心,真可能会对国王造成影响力。尼希米就bat担任过波斯亚达薛西皇帝ê酒政长(参考尼希米记一:11),后来回国了后当省长(参考尼希米记五:14)。厨房长,这mā是王宫里重要ê官位之一,专门负责国王ê饮食、餐点ê安全。M̄-koh chia无讲in「冒犯了王」toh一kóa事。M̄-koh in各做「一个梦」。

第5到8节,「酒政长kah厨房长」对各自所做ê梦并bē了解,因此致使「心神不安」。约瑟因为服侍in,就关心地问起in心烦ê事。

「无人ē-tàng替阮解释梦ê意思」,原因梦是tùi上帝来ê启示,因为án-ne,只有上帝赏赐ê人才有chit种能力。约瑟鼓励in kā家己ê梦讲hō͘伊听。

第9到11节,这是酒政长ê梦,出现ê内容是kah葡萄树有关,á kah葡萄树牵连做伙ê,就是葡萄酒、葡萄汁,以及葡萄饼。

第12到13节,chit段经文是约瑟为酒政长ê梦境作解析。伊强调「三支树枝」代表「三工」时间,国王会恢复伊ê职位,hō͘伊tńg来王宫服侍国王。

第14到15节,约瑟祈求酒政长一定tio̍h会记得伊,替伊tī国王面前讲几句好话,thang hō͘伊ē-tàng得tio̍h tháu放。原因伊是「被绑架来ê」,伊并无做过甚么pháiⁿ事。

经文:

创世记 40:16-40:19

注释:

Chit段经文是关系厨房长ê梦。当厨房长听tio̍h约瑟解析酒政长ê梦真好,mā想beh知影家己ê梦境ê意思。因为án-ne,伊mā向约瑟讲出家己梦tio̍h ê内容。仝款是有「三」ê时间出现,飞鸟来食掉厨房长头壳顶ê面包。

约瑟并无隐瞒厨房长ê梦会带来噩运,á无亲像酒政长是好消息,伊照实讲了出来。伊kā厨房长讲:「三工后,王会錾你ê头,kā你挂tī柴柱á顶」。咱thang理解厨房长一定犯了真严重ê错误。

经文:

创世记 40:20-40:23

注释:

Chia koh一pái出现「三」ê数字,表示适当ê意思。

Chia提起国王tī众臣仆面前审判chit两位得罪伊ê大臣。伊tháu放了酒政长,m̄-koh却处死厨房长。结果kah约瑟所解析ê,完全仝款。

第22节,作者特别强调酒政长kā约瑟拜托ê事hō͘「bē记得kah chheng-khì-liu-liu」(参考第14节)。人真容易bē记得帮助过伊ê人,m̄-koh上帝却m̄是án-ne;他会永远会记得信靠他ê人。

经文:

创世记 41:1-41:8

注释:

Chit章用「以罗伊文献」资料为主轴,kah「耶和华文献」资料配合编辑而成。Tī chit章中,「耶和华文献」资料出现 tī第31节、第34到34节b句、第45节、第46节b句、第49节、第56到57节。其它lóng是「以罗伊」ê资料。

Chit章ê主题中心mā是tī「眠梦」kah「解梦」ê问题上,beh凸显约瑟确实是一个真有智慧ê人,á伊ê智慧tú好说明上帝ê同在;因为约瑟是一个敬畏上帝ê人。

续接第四十章23节所提起ê酒政长离开监狱了后,一下á就经过「两年」时间。「埃及王做一个梦」,chit句话说明两个重要ê意义:一是上帝启示埃及王,to̍h是会有重要ê事发生。二是上帝会向埃及王启示,表示上帝并m̄是独爱某一个特定对象;上帝爱所有ê世人(参考约翰福音三:16)。

第2到7节,chit段经文是埃及王所做ê梦ê内容。数字lóng是「七」,表示真完整,有上帝特别ê旨意在其中ê意思。这「七」包括了「七只koh肥koh壮ê母牛」、「七只koh瘦koh弱ê母牛」、「七穗饱满koh成熟ê麦穗」、「七个枯瘦、被东风吹焦ê麦穗」等。

第8节,埃及王因为bē了解chit两个梦ê意义,chhōe来国内「所有ê巫师kah占星家」想beh解梦,ē-sái讲是「无人ē-tàng替伊解梦」。Chit点hō͘伊感觉「烦恼不安」。

Mā tùi chit两个梦中看见一个事实:上帝并无tùi梦中向埃及王说明他ê旨意。

经文:

创世记 41:9-41:13

注释:

Tùi顶pái约瑟提醒酒政长chhōe机会kah埃及王讲伊是hō͘人绑架卖来埃及ê(参考四十:15),到落尾酒政长出监狱复职了后,kā约瑟ê事bē记得kah chheng-khì-liu-liu(参考四十:23),到chit-má因为埃及王连续做两个梦bē-tàng解ê时,伊chiah想起家己tī王宫监狱tú-tio̍h约瑟会解梦ê事,án-ne已经经过两年ê时间(第1节)。酒政长kā约瑟替伊kah厨房长解梦ê经历kā埃及王讲,主要目的是建议国王请约瑟来听伊ê梦看māi,有可能会有解梦ê可能á无。

Tī chit段叙述中,酒政长无bē记得提醒埃及王,约瑟是一个「希伯来青年」。Chit种提醒真重要,因为tī埃及人眼中希伯来人地位相当低贱(参考四十三:32),何况koh是一个奴隶而且囚犯。高贵ê埃及王是m̄是ài beh见chit种对象?这只有国王家己chiah ē-tàng决定。

经文:

创世记 41:14-41:24

注释:

埃及王为tio̍h beh知影hō͘伊困惑不安ê梦ê意思,只好下令去监狱提约瑟来见伊。

第14到16节,为tio̍h beh hō͘约瑟去见埃及王,in替约瑟整理tī埃及人看起来比较好看ê仪容,然后带伊去见埃及王。

埃及王说明接见伊ê用意,是希望伊替王解梦。M̄-koh约瑟真清楚表示:「家己bē解梦,m̄-koh,上帝会hō͘国王吉祥ê解释。」chia所讲ê「吉祥」,是有含祝福ê意思;意思是teh指就算梦ê内容是灾难,约瑟mā祝福国王ē-tàng得tio̍h上帝ê看顾。M̄-koh约瑟真清楚强调m̄是伊有能力,上帝chiah是梦ê主人,他chiah会明白梦ê意思。

第17到24节,chit段经文重复叙述第1到7节埃及王所梦tio̍h ê梦ê内容。伊特别强调,bat kā chiah-ê梦kā巫师讲,ē-sái讲是无人ē-tàng替伊解梦。M̄-koh伊并无畏讲听讲约瑟会解梦,这mā是伊请约瑟来ê原因。

Tī chit段重复叙述梦ê内容了后,埃及王特别kā伊ê了解做一个结语:chit两个梦lóng有一个共同点,就是瘦弱ê母牛吞下肥壮ê母牛,kah枯瘦ê麦穗吞下饱满ê麦穗了后,却lóng无改变本来瘦弱、枯瘦ê款。

经文:

创世记 41:25-41:36

注释:

Ē-tàng看出约瑟确实是有上帝同在,是一个真有智慧ê人,虽然伊是希伯来青年,m̄-koh m̄是埃及人眼中真低级ê人。

伊先kā两个梦看做是一个,并且kā「七」这数字真清楚讲出时间,就是「七年」,而且这七年所呈现出来ê,是kui个环境问题,包括有七年ê丰收kah七年ê严重干旱。Á丰收是超过人所ē-tàng想像ê丰富,相对ê,干旱ê严重性,是到人所无法度想像kah承受会tiâu ê状况。

第25 kah第28节,约瑟两pái强调上帝「已经kā家己ài做ê事预先kā国王讲。」,chit句话充分表示上帝是透过chit两个仝款ê梦,向埃及国王讲话,同时mā表示梦里所传达出来ê信息必定会实现ê意思。这mā是约瑟tī第32节向国王所讲ê。

第33到36节,chit段经文是约瑟对埃及王ê建议,可见约瑟m̄-nā解梦,iáu进一步提出án怎去预防以后七年严重干旱所带来ê问题。

伊提出几点建议:1.是起用「有智慧有远见ê人」,派chit种人「管理国政」。

是teh指派官员tī七年ê丰收年间徵收「农产物ê五分之一」。3.Tī丰收年中「储备粮食,派人管理」。Án-ne,大量囤粮落来chiah有办法tī饥荒年期间「thang供应全国人民」粮食ê需要,「hō͘人民bē致使饿死」。

约瑟chit种表现,m̄-nā是tī解梦,真正重要ê是伊kā tùi梦中看见ê异象,提出建议来预防beh发生ê灾难。Án-ne chiah是真正智慧。

经文:

创世记 41:37-41:49

注释:

Chit段经文mā讲述了埃及王确实是一个聪明ê国王,伊随时对约瑟ê解梦有真清楚ê回应,认为约瑟确实有上帝同在。因为án-ne,当机立断下了几个命令:

1.肯定约瑟就是siōng「有智慧」、「koh khah有远见」ê管理埃及国政之人选。因为án-ne,决定派伊担任埃及首相。

2.赋予伊极高ê「权力」,地位只tī国王之下,是埃及全国「第二号」人物。

3.若无约瑟允准,任何人bē-tàng「随便行动」违背约瑟ê意思。

续落来,埃及王kā家己ê印á手指戴tī约瑟ê手上,并且hō͘伊象徵第二高位阶ê坐骑御车,hō͘全国人民一看,就知影约瑟是首相ê身分。续落来koh hō͘伊尊贵ê外袍kah phōa链来相配chit-ê身分,最后是赏赐hō͘伊一个bó͘亚西纳。Bó͘是祭司ê cha-bó͘-kiáⁿ,这象徵tio̍h约瑟ê身分,无koh是希伯来青年,却是有贵族ê身分,ná亲像祭司一般。

第46节b句,chia讲约瑟ê年龄是三十岁。Tī第三十七章2节提起约瑟去看伊众兄哥顾羊ê时,年纪是十七岁。Án-ne,伊tùi受卖到chit-má做宰相,已经经过十三个年头。

第47到49节,约瑟成(chiâⁿ)实执行伊所解释ê国王之梦,mā成(chiâⁿ)实出现丰收年,伊tī全国各地设置仓库大量储存五谷,而且丰收ê景况ná亲像「海滩ê砂粒,无法度计量」。

经文:

创世记 41:50-41:57

注释:

约瑟tī埃及王赏赐之下娶ê bó͘亚西纳替伊生两个gín-á玛拿西kah以法莲,后来chit两个kiáⁿhō͘ 雅各认定是属tī伊ê kiáⁿ,伊用chit种方式来表示约瑟chiah是伊心目中ê「大kiáⁿ」(参考四十八:5,历代志上五:1)。

第53到57节,chit段经文讲述tī七年异常丰收了后,埃及续接落来ê是异常干旱á带来ê饥荒。因为丰收ê七年间有准备,chiah bē致使因为缺粮致使死亡。M̄-nā án-ne,tī约瑟管理国政之下,埃及hō͘附近各国ê人lóng因为án-ne soah蒙福,thang向约瑟买粮食。


经文:

创世记 42:1-42:17

注释:

Chit章mā是用「以罗伊文献」为主轴,加上第2节、第4到5节、第7节、第27到28 节、第38节是用「耶和华文献」ê资料编辑而成。

对雅各来讲,约瑟ê事早已经过去,甚至认定伊已经被野兽所吞食(参考三十七:33)。换句话讲,tùi第三十八章到四十一章,是插入「以罗伊」典ê大部分资料,致使雅各以及伊gín-á kah约瑟之间关系ê连续故事中断à。编辑者利用chit段插入ê资料详细绍介了约瑟受卖到埃及后ê发展。然后,tī第四十二章用迦南地大饥荒,hō͘原本雅各kah约瑟之间断了ê音讯,开始有一丝连线ê发展。因为án-ne,chit章mā thang讲是约瑟故事ê第二个阶段。

Tùi chit章开始到第四十六章,lóng是用约瑟kah伊ê众兄弟会面ê经过为主轴,以及后来连in老父雅各mā kah伊会面。Chit段故事mā tú好应验了以前约瑟所作ê「梦」(参考三十七:9)ê实现。

开始chit句「埃及有粮食」,tú好回应了第四十一章49节,tī约瑟管理下ê埃及,kā七年丰收期间储存起来准备饥荒来临ê时thang用ê粮食。

埃及,自古以来一直是中东地区ê粮仓,á迦南地则不时发生饥荒(参考十二:10、廿六:1-2)。chit-má是koh一pái发生饥荒,迫hō͘雅各一定tio̍h差派gín-á去埃及买粮。

第1到4节,当雅各听tio̍h「埃及有粮食」,就差遣伊ê 众kiáⁿ去埃及购买。M̄-koh雅各kā伊疼ê拉结所生尾子便雅悯留tī身边。这可能kah雅各认为约瑟已经往生,伊无法度koh再hō͘便雅悯koh死去有关。

第5到9节,雅各ê kiáⁿ一到埃及,就去见约瑟,beh向伊买粮食。因为伊已经是埃及首相,而且管理粮食政务,á这mā是当时siōng重要ê政务,伊thang决定卖á是m̄卖。当chiah-ê众兄哥一下见tio̍h约瑟,随时就「坦覆 (thán-phak)tī土脚叩拜」,chit句话tú好回应了第三十七章7节约瑟所做ê梦。Koh khah重要ê,是经过十gōa年时间,伊ê众兄哥早已经bē记得伊,而且bē认得伊,m̄-koh约瑟却一见面就认出是伊ê众兄哥。因为án-ne,故意问in tùi tó位来?并且假做怀疑in是来做侦探,并m̄是真正beh来买粮食。

第10到13节,chiah-ê众兄哥回答否认约瑟ê质疑,甚至自认是「老实人」。这听tī约瑟耳中,一定会感觉真荒谬。因为án-ne,伊故意koh一pái强调in是「探子」,m̄是「老实人」。Chiah-ê众兄哥为tio̍h beh证实家己ê清白,就kā身世背景小khóa说明一下,m̄-koh in讲「有一个小弟已经死去」,in并m̄知hit-ê in眼中认为已经死去ê小弟,就khiā tī in面前。

第14到17节,chia约瑟第三pái指控伊ê众兄哥是「探子」,并且ài in tńg去带siōng小ê小弟便雅悯来hō͘伊看,若无,就无法度证明所讲是真。为tio̍h án-ne,iáu拘禁in「三工」。约瑟chit种做法ē-sái讲是hō͘伊ê众兄哥一个下马威。

经文:

创世记 42:18-42:24

注释:

到à「第三工」,约瑟提出新ê条件,ài in留落来一个人做人质,其余ê人kā买ê粮食带tńg去,免得iau饿。Tī下pái koh来买粮食ê时,一定tio̍h chhōa hit位siōng细汉ê小弟便雅悯来见伊。约瑟chit种做法,是beh考验chiah-ê兄哥是m̄是真正有疼惜siōng小ê小弟,mā是kah伊同父母ê便雅悯。

第21节,in听tio̍h约瑟án-ne讲,想起当年陷害小弟约瑟ê事,认为chit-má tú-tio̍h chit种情况,是因为上帝报应à。

第22到24节,吕便认为伊当时有苦劝阻止伊ê众小弟,m̄-koh众小弟不听,这mā回应了第三十七章21节,伊本来确实有想过beh chhōe机会救约瑟ê计画。Chiah-ê众兄哥因为已经认bē出约瑟,因为án-ne,私下讨论认为约瑟听m̄-bat,最后挑出「西缅」做人质留落来。

经文:

创世记 42:25-42:38

注释:

Chit段经文是约瑟第一pái故意用chit种方式折磨、惩罚伊ê众兄哥;就是kā in买粮ê钱khǹg tī in ê粮袋中。这hō͘ in感觉相当大tio̍h惊,惊惶到hoah出:「上帝为甚么án-ne款待咱?」In bē记得当年卖约瑟去做奴才ê时,约瑟心中mā bat án-ne teh哭teh-hoah。M̄-koh并m̄是只有一个人ê粮袋中有钱,tī第35节讲每一个人ê粮袋中lóng有。

第29到34节,in tńg到厝,kā所有经过ê一切lóng向雅各说明。Hō͘雅各知影下pái去买粮,一定会kā便雅悯chhōa过去,mā同时hō͘雅各知影西缅hông留落来做人质。

第35到36节,原来每一个人ê粮袋中lóng有钱,就是in the̍h去买粮ê时ê钱包,chit-ê惊m̄是小khóa,连雅各lóng感觉chit下惨à,特别是当伊知影下pái一定tio̍h带便雅悯去,chiah ē-tàng买tio̍h粮食kah赎tńg来西缅ê时,伊认为chiah-ê「灾厄lóng归到」伊ê身上,可能是伊想起了当年欺骗兄哥kah老父ê缘故。

第37到38节,这是吕便向老父雅各提议,伊ê提议是保证便雅悯安全tńg来,若无,thang刣死伊ê两个kiáⁿ。M̄-koh雅各拒绝吕便ê提议,伊坚持m̄ hō͘便雅悯kah in去埃及。其实在雅各眼中,吕便因为bat kah雅各ê细姨辟拉同房,hō͘雅各非常受气(参考三十五:22),对伊ê信任感无koân。另外,吕便chit种提议,等于是beh雅各刣死无辜ê,这koh khah是荒唐之议。

经文:

创世记 43:1-43:10

注释:

这两章只有第四十三章14节是「以罗伊文献」ê资料,其他全部lóng是「耶和华文献」ê资料。这两章是描述雅各ê众细kiáⁿ第二chōa去埃及买粮ê时发生ê经过,á chit chōa旅程是到第四十五章15节chiah结束。不过,这两章主题teh讲述雅各kah这十个众kiáⁿ心中ê giâu疑,除非ē-tàng如约瑟ê要求,koh再去买粮ê时kā便雅悯mā同时带去埃及见宰相约瑟,若无,西缅就会被杀。Ē-sái讲是无一个人有绝对ê把握,虽然犹大有表示beh用伊「终生担受罪责」来负起担保ê责任,m̄-koh明显ê,雅各同意hō͘便雅悯跟tòein去,并m̄是因为犹大ê担保,却是因为无án-ne,全家会陷入生存ê危机(参考四十三:8)。Koh讲,mā需要kā顶pái去买粮被扣留落来ê人质西缅带tńg来。

chit章主要teh说明雅各后来iáu是妥协了,因为粮食已经食完了,而且只有埃及chiah有粮食,逼kah雅各本来ê坚持mā一定tio̍h改变接受,hō͘ 众kiáⁿ带siōng小ê便雅悯去埃及。

第1到2节,开始就用「迦南地区ê饥荒jú来jú严重」,kah第四十一章57节仝款。回应了第四十一章30到31节埃及王梦中所看见会发生ê景象。

第3到10节,前一段讲吕便提议用家己ê两个kiáⁿ ê性命换来带便雅悯去埃及买粮ê条件,m̄-kohhō͘ 雅各拒绝。M̄-koh chit段经文则讲犹大提议,若是无法度hō͘便雅悯tńg来,伊愿意「终生担受罪责」,意思是随在老父雅各处置伊lóng接受。Chit句话mā teh表示伊确实愿意负担全部责任,tùi第四十四章33节thang看出,伊甚至向约瑟提议,hō͘伊留tī埃及做奴隶,以换来便雅悯由其他兄弟chhōa tńg去交hō͘老父雅各。

经文:

创世记 43:11-43:14

注释:

雅各只好勉强同意,因为无仝意,等于hō͘全家族ê人饿死。伊mā准备真chē丰厚ê礼物beh送hō͘埃及宰相约瑟,同时「mā带双倍ê钱」,这是包括顶pái tī粮袋中发见ê钱,beh带去还hō͘埃及宰相。

注意第四十三章12节,chia提起雅各ài伊ê众细kiáⁿ kā顶pái去买粮ê钱koh一pái带tńg去,这表示chit-má ê雅各已经kah以前ê雅各无仝了;以前ê雅各会想出所有ê办法tùi兄哥以扫ê身上夺tio̍h大kiáⁿ名份,后来去丈人ê厝,mā会使用技巧hō͘羊群变色á归属家己ê产业。taⁿ,伊清楚知影顶pái买粮ê钱,埃及无收,chit-pái则ài众细kiáⁿ带「双倍ê钱」去,并强调he可能是因为埃及ê官员创m̄-tio̍h去。chit-má ê雅各是一个诚实ê人。无koh是奸巧、侵占别人财产ê人。

第13节,伊同意in kā便雅悯带去埃及见「hit-ê人」,因为伊m̄知埃及宰相是甚么人。

第14节,这是雅各hō͘众细kiáⁿ ê祝福,á伊家己mā下决心,beh接受siōng残酷ê事发生。

经文:

创世记 43:15-43:22

注释:

Chit段经文是雅各ê 众kiáⁿ达tio̍h埃及买粮tú-tio̍h ê情景。

第15到17节,约瑟一看见kah家己同父母ê小弟便雅悯,就决定beh宴请chiah-ê已经bē认得伊ê众兄哥。这是真戏剧性ê变化。

第18到22节,当约瑟ê管家chhōa chit群兄弟进入约瑟ê官邸ê时,in并无因为受宠á兴奋,颠倒,是增加不安ê惊惶。因为án-ne,chiap-chiap向约瑟ê管家解释顶pái粮袋中发见买粮ê钱包ê tāi-chì,chiah-ê lóng teh表示in是诚实ê人,bē贪、mā bē欺骗。

经文:

创世记 43:23-43:34

注释:

Tùi第23节记载管家ê回答,必定koh khah hō͘雅各ê chiah-ê众细kiáⁿ雾sà-sà,因为管家讲顶pái ê钱已经收了,而且koh kā西缅带出来还hō͘ in。

第24到25节,管家the̍h水hō͘ in「洗脚」,chit种待遇非常特别,m̄-nā是为tio̍h beh进入约瑟官邸必定有ê规矩,koh khah特别ê是管家iáu去饲in ê驴á。Tī接tio̍h通知讲beh kah约瑟食饭ê时,in koh khah是担心到极,因为án-ne先kā顶pái ê钱kah beh送hō͘约瑟ê礼物lóng准备好à。

第26节,kah第四十二章6节仝款,lóng是teh回应第三十七章7节约瑟ê梦,象徵伊ê兄弟lóng向伊跪拜。

第27到28节,thang看出约瑟kah老父雅各间ê特殊感情,伊开嘴第一句话就问「年老ê老父,伊老大人kám有好势?Kám iáu健在?」

第29到30节,约瑟已经真久无看见便雅悯,相当激动,到家己ê房间啼哭。伊当年十七岁被众兄哥出卖,hit时ê小弟便雅悯必定iáu真细汉,经过chit段岁月,看起来约瑟kah便雅悯两人已经hō͘人bē认得à。

第31到32节,约瑟kah伊ê众兄弟同齐用餐,mā有其他埃及官员陪同。M̄-koh约瑟碍tī家己ê官阶,kah iáu未露出家己真实身分,所以伊并无kah众兄弟同桌共食。第32节mā thang清楚看出埃及人眼中ê希伯来人,是地位甚低ê族群。

第33到34节,必定是由约瑟kā伊ê管家讲,怎样照大细ê次序排座位,而且tī第34节特别提起便雅悯分ê菜是其他众兄哥ê「五」倍。Chia出现「五」,kah第四十一章34节约瑟建议埃及国王tī「七」个丰收年期间,「徵收全国农产物ê『五』分之一」税赋,以及送hō͘便雅悯「五」套衫裤(参考四十五:22),kah后来伊带「五」个兄弟去见埃及国王(参考四十七:1)等等,chiah-ê lóng teh表示chit-ê数目字ê含意――美满、幸福ê意思。


经文:

创世记 44:1-44:5

注释:

Chit章继续第四十三章描述雅各因为存粮已经用尽,koh一pái差遣众细kiáⁿ到埃及买粮ê情形,讲述约瑟án怎设计以知影伊ê众兄哥对待年老ê老父雅各kah年轻ê小弟便雅悯ê态度。chit章ê主题中心,是用犹大对约瑟ê表白做主轴,充分说明犹大后来继承「大kiáⁿ」名份ê角色kah意义。Tī前一章提起犹大出面向雅各表示伊愿意负起便雅悯安危ê责任,chit章则描述犹大就tī约瑟beh「扣」落来便雅悯ê时,伊出面解释一定tio̍h负起担保责任ê原因。犹大向约瑟表示愿意「终生担受罪责」做奴隶(第33节)。chit章内容有真大部分是重复叙述in出发前,tī厝里雅各kah伊众细kiáⁿ ê对话。

约瑟命令管家hō͘伊众兄弟ê粮袋装满粮食,并且koh khah重要ê是「Kā各人ê钱khǹg tńg去袋子里」,chit种情形kah第一pái去买粮ê时ê情形仝款(参考四十二:35)。Á chit-pái in带去ê钱是双倍,原因是beh kā第一pái买粮ê钱mā归还(参考四十三:12)。chit-má约瑟koh一pái kā chiah-ê钱lóng全部khǹg tī in ê粮袋中,á in kah第一pái买粮ê时仝款,并m̄知约瑟koh kā全部ê钱khǹg tńg去in ê粮袋中。

第2到3节,因为约瑟ê命令,除了埃及国王ē-tàng改变外,全埃及国ê人lóng一定tio̍h遵守。约瑟命令管家除了kā雅各ê gín-á带来ê钱全部lóng khǹg tńg去in ê粮袋,同时iáu beh kā约瑟专用ê「银酒杯」hē tī便雅悯ê袋子中。管家只有ē-tàng听从约瑟照án-ne去做。隔工就hō͘雅各ê 众kiáⁿ离开tńg去厝里。In终其尾顺利地kā西缅kah便雅悯chhōa tńg来。

第4到5节,续落来约瑟koh命令管家带人去追雅各ê众细kiáⁿ,并问in为甚么「以恶报善」,偷the̍h宰相ê「银酒杯」,强调he是宰相mā用来「占卜」ê神器,讲in「犯严重ê罪」。管家当然知影这一切经过,m̄-koh伊只有ē-tàng照宰相ê话去做。

经文:

创世记 44:6-44:13

注释:

当管家kah带去jiok ê人jiok-tio̍h in,并且kā约瑟ê话转述过了后,in ê第一个反应是坚决否认,并且为tio̍h beh表示坦诚,in kā管家讲「若tī任何奴仆ê袋子里chhōe-tio̍h酒杯,hit人就该死;其余ê mā愿意作你ê奴隶」(第7到9节),chit种话是表示绝对bē有人做chit件偷the̍h宰相酒杯ê事。

第10到13节,管家表示同意in ê誓言,m̄-koh伊强调只需要the̍h酒杯ê人负责任就好。

管家当做m̄知ê款,tùi大kiáⁿ吕便ê袋子开始「详细搜查」,结果到à siōng小ê便雅悯ê袋子中,查tio̍h酒杯。这当然是便雅悯众兄哥所无法度料到ê事,in这下是悲伤到à极点,用「撕裂衫裤」表示极大哀伤,全部lóng tńg去埃及。

经文:

创世记 44:14-44:17

注释:

当in tńg去埃及宰相约瑟hia,一看见约瑟就koh马上「向伊跪拜」,这koh实现了第三十七章7节约瑟梦见ê结果。

第15节,约瑟假做真受气,大声责备in,并且强调家己ē-tàng「占卜」in ê行动。这koh khah hō͘伊ê众兄哥惊惶无停。

第16节,这是犹大发言,表示犹大已经tī兄弟中扮演大kiáⁿ ê角色。伊表示无koh hoah冤枉,因为事证án-ne明显,任何辩解lóng无用。伊表示全部ê兄弟lóng tio̍h留落来做奴隶。M̄-koh ná亲像约瑟bat kā管家讲过ê,只有留落来便雅悯,其余ê人lóng thang tńg去。

经文:

创世记 44:18-44:34

注释:

犹大koh一pái请求发言,tī chit段发言中,第一部分是tùi第19到23节,伊重复叙述第一pái来买粮ê时,约瑟坚持ài in带siōng小ê小弟便雅悯来见伊,并且当时koh kā西缅押tio̍h做人质。In照约瑟ê要求chhōa siōng细汉ê小弟便雅悯来。伊特别强调chit位小弟便雅悯是「老父年老ê时chūn生ê」,而且伊有一个亲兄哥已经「死去」(这是因为in m̄知khiā tī in面前ê,就是chit-ê被in出卖而且认为已经死去ê约瑟)。伊iáu特别讲这siōng小ê小弟便雅悯「老父真疼」伊。

第24到29节,这是第二段话。犹大将 in tńg去后kah老父雅各讲,照实地重复叙述一pái。伊强调老父疼ê bó͘拉结只有生两个kiáⁿ,一个已经离开、「被野兽裂碎à」,chit-má只要便雅悯出任何差错,in ê老父会「白发苍苍、悲悲惨惨地进坟墓」,表示非常悲伤、m̄甘愿死去ê意思。

第30到34节,犹大讲ê第三段话。Tī chit段话中,伊表示老父雅各kah便雅悯ê性命是相连结ê。意思是teh指便雅悯若是无法度kah in tńg去,in ê老父雅各mā bē活落去。Án-ne,in chit群兄弟就是hō͘老父悲惨死去ê罪人。Koh讲,伊bat向老父chiù-chōa过,若是无法度hō͘便雅悯tńg去,伊愿意用终生受罪责ê方式来换。因为án-ne,伊请求约瑟hō͘伊用做奴隶来换便雅悯ê安全tńg去厝里,来安年老老父雅各ê心。

犹大teh代表兄弟讲话,mā充分显示伊已经扮演大kiáⁿ ê角色。


经文:

创世记 45:1-45:15

注释:

Chit章是由「耶和华文献」kah「以罗伊文献」chit两种资料混合编辑而成ê。第1节a句、第2节b句、第4到5节a句、第9到11节、第13到14节、第19到21节a句、第28节lóng是属tī「耶和华文献」ê资料。其它lóng是属tī「以罗伊文献」。

Chit章主要重点khǹg tī约瑟kah伊ê兄弟相认,并且引起埃及国王ê重视,进一步koh正式邀请雅各家族进入埃及,hō͘ kui个约瑟族长ê故事达tio̍h siōng koân峰,mā是雅各家族进入埃及ê序曲。Koh讲,chit章iáu有另外一个主要ê目的,是teh说明约瑟确实是真有信仰ê人,伊kah伊ê兄弟重新修好,并无因为今á日ê发达,就kā过去ê积怨the̍h来做报复ê手段,无,因为伊是一个信靠上帝ê人,知影这一切lóng是上帝ê安排。

约瑟听完犹大讲顶面所讲ê经过,mā知影in兄弟确实疼便雅悯,以及对年老老父雅各ê忠实。伊深受感动,koh khah án怎都无法度忍tiâu内心ê激动,因为án-ne,命令所有身边ê随从lóng离开,伊向伊ê众兄弟表白家己ê身分。

第2节,chit节是为第16节后面,埃及国王听tio̍h约瑟kah兄弟相认ê事,做伏笔。Mā回应了第四十章14到15节、第22节约瑟向酒政长恳求落空ê事。原来伊讲hō͘人绑架,犯chit种错事ê就是伊ê兄哥。

第3到4节,约瑟向伊ê众兄弟公开家己ê身分就是in出卖到埃及来ê约瑟。In听当然会吓到无法度讲出话来,而且惊受tio̍h报复性ê惩罚。

第5到8节,chit段经文ē-sái讲是约瑟故事ê中心。主要teh说明chit件出卖伊ê事,完全是出tī上帝ê旨意,「为tio̍h保存大家ê性命」,上帝「亲自」差遣伊到埃及来ê。约瑟强调,一切lóng是出tī上帝特别ê旨意,ài伊来埃及管理粮荒年代ê事务,用chit种方法来救众人,特别是救家族ê性命。Chit种讲词,tú好说明约瑟tī信仰上ê敬虔kah谦卑。第6节讲大饥荒iáu有五年,表示iáu会真痛苦。

第9到15节,chit段经文为第四十六章先作一个序言,说明雅各后来带所有家眷、一切所有进入埃及ê原因。

Chit-má约瑟ài伊ê众兄弟赶紧tńg来到老父hia去,kā老父和全部家眷,包括家畜等所有财产chhōa过来埃及避难。伊叫众兄弟tńg去照伊,以及in亲目所见ê一切lóng向老父说明,thang hō͘老父雅各thang安心迁徙到埃及来。

约瑟siōng关心ê iáu是同母生ê小弟便雅悯,因为án-ne,两人相揽大哭,然后伊koh kah其他众兄哥相揽、chim嘴,chiah-ê动作lóng teh表明和好、亲密ê意思。Mā表示约瑟无koh为过去ê事受气、不满。

经文:

创世记 45:16-45:28

注释:

第16节,回应第2节所讲ê,约瑟「号啕大哭ê声音被埃及人听tio̍h」,所谓「被埃及人听tio̍h」,意思是teh指hō͘伊官邸ê随从、侍卫、仆役等埃及人听tio̍h,in真紧to̍h kā chit消息传入王宫中,大家lóng非常欢喜听tio̍h chit件事。

第17到20节,chit段是国王对约瑟讲,mā用来表示伊代表全埃及国人民对约瑟ê感谢,kah报赏ê一种方式。就是beh kā全埃及siōng好ê土地hō͘ in生活khiā起,tī粮荒ê时代,这是siōng好ê奖赏à。

第21到24节,约瑟就照国王ê命令,派出车辆kah护卫陪伊ê众兄弟tńg去迦南,准备ài kā伊ê老父雅各kah所有家眷lóng带到埃及来。约瑟特别疼惜便雅悯,hō͘伊ê礼物比其他兄哥koh khah-chē。

第25节讲约瑟特别叮咛伊ê众兄弟,bē-tàng tī路上争吵,可见伊过去ê经历,是众兄哥不时冤家。

第26到28节,雅各明明是无法度相信,这mā表示过去伊hō͘ gín-á欺骗讲约瑟被野兽撕裂吞食了,lóng是白贼。因为án-ne,当伊听tio̍h koh看见约瑟派去ê车队beh chhōa伊去埃及khiā起ê时,伊chiah愿意相信kah接受去埃及看约瑟ê事。

到chia结束mā ē-sái讲是约瑟故事暂告一个段落。因为续落来是用第四十六到五十章配合tio̍h雅各ê年老记事,同时结束雅各kah约瑟ê族长史。

经文:

创世记 46:1-46:7

注释:

Chit章是由「耶和华文献」、「以罗伊文献」,kah「祭司文献」等三种资料编辑而成ê。第1到5节是「以罗伊文献」ê资料;第6到27节是「祭司文献」ê资料;第28到34节是「耶和华文献」ê资料。

Chit段记述雅各成(chiâⁿ)实beh去埃及,伊整理好所有ê家伙,kah所有ê家眷,来到别是巴chit-ê地方。这是伊ê阿公亚伯拉罕kah亚比米勒签约ê所在,tī chia,亚伯拉罕种一丛柳树记念上帝看顾伊(参考廿一:31-33)。

第2到4节,这是上帝koh一pái tī夜间ê眠梦中hō͘雅各ê异象。主要是teh kā雅各讲,上帝会kā伊庇护,hō͘伊m̄免惊惶入去埃及。Ná亲像当年伊tio̍h离开哈兰丈人拉班ê厝仝款,上帝mā是应允beh kā伊庇护,kah伊同在(参考三十一:3)。chit-má上帝是应允雅各,beh带领伊到埃及去,并且hō͘伊ê后代tī埃及茁壮起来成做大国。然后koh chhōa in tńg来「Chit块土地」。

第5到7节,chia讲雅各带全部所有ê一切,包括厝里大大细细ê人全部lóng去,以及所有ê财物。这mā表示in m̄-nā kan-taⁿ是去躲避饥荒,却是有久长khiā落来ê phah算。Ná亲像第4节所讲ê,当雅各往生时,伊ê kiáⁿ约瑟会陪伴tī伊身边。这表示伊会tī埃及终老。

经文:

创世记 46:8-46:27

注释:

Tī第7节讲雅各带去埃及ê有「kiáⁿ、孙á、cha-bó͘-kiáⁿ,kah孙女」,tùi第8节开始ê chit段经文,则详细地kā第7节所提起ê chiah-ê kiáⁿ孙等等,in ê名一一登录落来。

第8到15节,chit段族谱是雅各kah利亚所生ê六个kiáⁿ,以及cha-bó͘-kiáⁿ底拿等人ê名单,包括chiah-ê kiáⁿ所生ê kiáⁿ。共计33个人。

第16到18节,这是雅各kah利亚ê女婢悉帕所生ê kiáⁿ,kah chiah-ê kiáⁿ ê kiáⁿ。共计16个人。

第19到22节,这是雅各kah拉结所生ê两个kiáⁿ约瑟kah便雅悯,以及in所生ê kiáⁿ,共计14个人。

第23到25节,是雅各kah拉结ê婢女辟拉所生ê kiáⁿ,kah in ê kiáⁿ。共计有7人。

第26到27节,chia讲chiah-ê名单lóng只是「直系kiáⁿ孙,无包括新妇」在内,án-ne共计有66人。加上雅各kah约瑟,以及约瑟tī埃及所生ê,加起来共计70人。

M̄-koh若是注意一下,就会发现tī雅各kah利亚所生ê kiáⁿ kah孙á中,犹大ê两个kiáⁿ珥kah俄南已经往生,并无到埃及去。Tio̍h加上雅各ê cha-bó͘-kiáⁿ底拿kah她ê丈夫chiah有33人。另外雅各kah悉帕所生ê kiáⁿ、孙á中间,mā一定tio̍h kā悉帕所生ê cha-bó͘-kiáⁿ西拉加入去,chiah够额16人。

经文:

创世记 46:28-46:34

注释:

Chit段经文回应了第四十五章18节,埃及国王答应beh hō͘雅各家族khiā起tī埃及全国siōng好ê土地。chit-má chit段经文讲in来到「歌珊」,chit-ê名是希伯来文,m̄是埃及文。意思是teh指边疆,mā就是并m̄是埃及ê中心地带,却是tī边缘地区,án-ne thang远离埃及ê核心,chiah bē因为hō͘埃及人看bē起,á引起无必要ê纠纷。

第28到30节,雅各差派犹大去kah约瑟tī「歌珊」相见面,雅各讲ē-tàng koh再看见约瑟,已心满意足,这表示伊对约瑟怀念之深,mā表达了深切ê感谢。因为有约瑟,全家族chiah ē-tàng保存性命落来。

第31到34节,约瑟向in老父雅各以及厝内人交带注意ê事项,因为in是到埃及寄居ê,因为án-ne,一定tio̍h小心谨慎,虽然埃及国王对in真好、细jī,m̄-koh埃及人普遍对希伯来人iáu是鄙视(siùⁿ)ê。对国王询问in ê工作ê时,就tio̍h讲是「以放牧牲畜为生」,án-ne,伊就会hō͘ in家族安居tī「歌珊」地带。原因he是一个土地肥,水源充足ê所在,虽然讲是埃及全国siōng好ê地区(参考四十七:6),m̄-koh却是tī埃及偏远地方,án-ne,bē hō͘埃及人感受tio̍h不爽快,á雅各ê众kiáⁿ孙thang相对tek发挥in放牧ê所长,而且ē-tàng因为替国王放牧(参考四十七:6)á hō͘家族富裕起来。

经文:

创世记 47:1-47:12

注释:

Chit章是由「祭司文献」(第5到6节a句、第9到11节、第28节),kah其余lóng是「耶和华文献」ê资料混合编辑而成ê。

Chit章主要teh说明约瑟án怎办理放粮ê政策,mā tùi chia看到落尾伊kā埃及全国人民lóng变成国王ê「奴隶」;意思是因为粮食缺乏ê问题,为tio̍h生存落去,大家lóng变成国王ê「财产」。

Chit段经文讲tio̍h约瑟礼貌上一定tio̍h带伊ê兄弟kah老父去晋见埃及国王。
第1到6节,chia讲雅各ê家族是tòa tī「歌珊地区」。歌珊,chit-ê字tī希伯来文是「边疆」意思,m̄-koh tī埃及人ê眼中却是「国中siōng好ê地区」(参考第6节、11节,对照四十五:18)。根据民数记第十一章5节ê记载,以色列人民(雅各后来tī埃及ê kiáⁿ孙)tī埃及ê时,是「常食鱼,m̄免开钱;iáu有黄瓜、西瓜、韭菜、葱、蒜等好食ê物件」,因为这地方土地相当肥沃,chiah有án-ne丰富ê物产。Mā因为án-ne,雅各家族tī chit-ê地方chiah ē-tàng快速成长,「以色列人gâu 生koh gâu 湠,人口加添真chē koh 兴旺,非常强盛,充满hit-ê 所在。(全民版)」(出埃及记一:7)m̄-koh却mā因为án-ne,后来遇tio̍h埃及人ê嫉妒、不满。

第2到4节,当约瑟带领伊ê「五个兄弟」去见埃及国王ê时,就ná亲像约瑟所料到ê,国王问约瑟ê众兄弟是「Lín做甚么头路?」?佳哉,约瑟有事先kā伊ê兄弟提起过,一定tio̍h讲是「以放牧牲畜为生」。伊ê众兄弟就照án-ne回答埃及国王,并且提请国王允准in tòa tī歌珊地区。

第5到6节,埃及国王一嘴就答应落来,并且mā ài in帮忙「看管伊ê牲畜」。这对雅各一家人来讲,真正是非常难得ê好机会kah礼遇。

第7到8节,约瑟mā引领伊ê老父雅各去晋见国王。Chia讲雅各看见国王ê时,就kā国王祝福,chit-ê意思是teh指礼貌上讲祝福ê话。Koh讲,因为雅各比国王ê年纪大,年长ê kā少年ê祝福,mā是当时中东地带ê一种礼节。

第9到12节,埃及国王一下见tio̍h雅各,就问伊几岁?雅各回答讲「有一百三十岁」,m̄-koh伊强调讲chit种年纪「koh短koh苦」,远不如伊ê祖先。这是一种谦卑、礼貌ê回答,伊用chit种方式来表达生活ê境遇真苦,特别是chit-má koh tú-tio̍h大饥荒,佳哉有埃及国王收容in。

第12节ē-sái讲是为雅各ê家族带来极大ê福利,因为in tī粮荒ê时代,大家lóng需要用尽家产chiah ē-tàng兑换到粮食维生,á in却thang得tio̍h免费ê配给粮食,同时因为替国王饲家畜,iáu有犒赏thang the̍h。


经文:

创世记 47:13-47:26

注释:

Chit段经文讲出约瑟ê粮食政策,tùi物件兑换,直到最后埃及人民lóng成做国王ê「奴隶」为止。

第13到14节,「饥荒非常严重,四界缺粮」,chit句话说明当年约瑟提起ê七年大粮荒确实应验,严重到埃及人lóng饿到「体力衰弱」。In只好用金钱来向国王购买粮食,约瑟kā钱交到王宫,表示国王因为án-ne soah富裕起来。

第15到17节,这是第二个步数,约瑟ài埃及人无钱买粮ê,用「马、羊、牛、驴」等牲畜来换粮食,结果民间ê牲畜lóng兑换粮食去à,á伊ê兄弟则为国王看管牲畜。

第18到19节,这是第三个步数,埃及人连家畜lóng无ê时chūn,只好变卖in ê田地kah国王交换粮食,á in就成做国王租田地hō͘ in耕耘ê佃农。Án-ne,全国ê土地lóng变成国王ê。

第20到21节,chit两节ē-sái讲是第13到26节chit段经文ê结论,kā它编辑tī chia,读起来m̄是真顺。主要teh说明,约瑟ê粮食政策,致使埃及人民后来lóng成做国王ê奴隶、财产。

Chia一开始就讲「饥荒koh khah严重」,比起第13节饥荒显然是koh khah严峻地临到à埃及。

第22节,注意约瑟ê政策hō͘权贵阶级ê人lóng享受占有土地ê特权,chiah-ê人就是祭司,m̄-nā无需要变卖土地,iáu thang「tùi王领受生活津贴」,这mā造成了阶级ê对立。

第23到24节,chit两节应该编辑tī第19节后面会比较顺。就是为tio̍h beh hō͘土地thang tī饥荒年代mā ē-tàng试种作落去,伊采取「五分之一」ê田赋,kah提供种籽hō͘农民去种作。其实,会有严重粮荒,就是因为种作无法度生产chiah会有ê结果。因为án-ne,即使提供种籽,mā种bē出粮食,就算有土地mā是枉然,最后,in只有ē-tàng做国王ê奴隶,因为全国粮食lóng是约瑟teh控制发放。

第25到26节,chit两节主要teh说明埃及人变成国王ê奴隶,以及埃及有五分之一田赋ê背景来源。

经文:

创世记 47:27-47:31

注释:

Chit段经文ē-sái讲是为第四十八到四十九章做个序言。

第27节,chit节为出埃及记第一章先留一个伏笔。Chit节讲以色列人民tī埃及ê歌珊地区发达得真紧,人口大增。因为in m̄-nā拥有土地,而且m̄免纳税。Mā是后来遇tio̍h埃及人忌恨ê原因。

第28到31节,雅各是一百三十岁举家进入埃及,经过十七年后,teh beh面临老迈。伊叫约瑟kā手下tī伊ê两腿之间chiù-chōa,chit种情形kah亚伯拉罕差派奴仆去哈兰替以撒娶bó͘ ê情景仝款(参考廿四:2);表示这是用性命chiù-chōa ê意思。雅各坚持boài埋葬tī埃及,ài kah祖先埋葬做伙,he就是亚伯拉罕向赫人购买作坟地ê麦比拉洞(参考廿三:19—20)。后来约瑟确实照雅各ê吩咐án-ne做(参考五十:12—13)。

经文:

创世记 48:1-48:12

注释:

Chit章kah第四十九章lóng是用雅各ê遗嘱为主要内容。是用「祭司文献」、「耶和华文献」,kah「以罗伊文献」ê资料互相交替编辑而成。

Chit章tī第四十八章1到2节、第8到9节a句、第10节b句到12节、第15到16节、第20到22节lóng是属tī「以罗伊文献」ê资料,á第9节b句到10节a句、第13到14节、第17到19节lóng是「耶和华文献」ê资料,然后tī第3到7节是属tī「祭司文献」ê资料。

这是新ê故事节,讲述雅各án怎处理伊临终ê事。约瑟听tio̍h老父雅各病重,所chhun时间无chē,因为án-ne,赶紧chhōa两个kiáⁿ玛拿西kah以法莲去探望雅各。

第2到4节,chia讲雅各勉强起牀,表示伊ê身躯已经有够虚弱à。然后伊kā上帝ê应允转述hō͘约瑟,这mā teh暗示上帝并无亲自直接对约瑟启示。因为tùi雅各改名成做以色列了后,以后所讲ê以色列,lóng是teh指整体以色列民族kah上帝之间ê关系,á m̄是teh指某一个特定支派。

第5到7节,chit段经文koh一pái说明雅各对心爱ê bó͘拉结ê怀念。伊决定kā约瑟tī埃及娶bó͘所生落来ê两个kiáⁿ玛拿西kah以法莲看做是家己ê kiáⁿ,án-ne,mā等于teh表示伊心中ê约瑟ná亲像大kiáⁿ仝款,分tio̍h两份财产(参考申命记廿一:15—17,历代志上五:1)。伊表示会án-ne做ê原因,是为tio̍h拉结ê缘故。另外一方面mā teh表示感谢约瑟为kui个家族带来贡献。

第8到12节,chit段经文应该续接第1到2节会比较顺。Chia讲雅各年老「目睭花,看bē清楚」,chit种情形就kah in老父以撒年老ê时仝款(参考廿七:1)。雅各就kā两个孙á揽óa来chim嘴,chiah-ê动作lóng teh表示接纳、承认,ná亲像伊chìn前所讲ê,chit两个孙á lóng算伊ê kiáⁿ,表示kah其他kiáⁿ拥有分配财产ê权利。

因为án-ne,若是讲以色列十二支派,就有玛拿西kah以法莲,m̄-koh无利未kah约瑟,就是用in两人取代。M̄-koh若是讲雅各ê十二个kiáⁿ,就无玛拿西kah以法莲,却是利未kah约瑟。




经文:

创世记 48:13-48:22

注释:

Chit段经文讲述雅各祝福约瑟ê两个kiáⁿ玛拿西kah以法莲之经过。

雅各teh祝福约瑟ê gín-á ê时,是双手交叉,表示原本玛拿西是大kiáⁿ,应该正手tio̍h下tī伊ê头壳顶,以法莲是第二kiáⁿ,应该是倒手chiah-tio̍h。M̄-koh,雅各却用双手交叉ê方式祝福,就变成以法莲成做老大,á玛拿西就成做老二,这kah约瑟所期待ê tú好颠倒(参考四十八:13— 14),chit件事kah以撒当年teh祝福雅各kah以扫ê事件仝款。

第15到16节,chit两节是雅各ê祝福,主要内容teh表明传承tùi阿公亚伯拉罕,到老父以撒所得tio̍h ê上帝赐福,透过伊领受tio̍h ê福气,继续传承到chit两个gín-á ê身上。Chit种祝福,mā等于是祝福了约瑟传承雅各tùi上帝领受tio̍h ê一切。

第17到20节,因为雅各年老目睭花,所以看bē清楚到底toh一个是约瑟ê大kiáⁿ,m̄-koh伊却是用交叉双手ê方式祝福chit两个伊认为属tī伊ê gín-á。约瑟想beh改变,却hō͘ 雅各拒绝。雅各表示伊真清楚toh一个是大kiáⁿ,kah伊目睭花无关系,这mā表示其中有上帝ê旨意在引chhōa雅各án-ne做。

第21到22节,除了认领约瑟chit两个kiáⁿ以外,雅各另外hō͘约瑟一份特别礼物,就是伊用一百块银á向示剑城哈抹ê后代购买来ê一块土地(参考三十三:18—20),当做送hō͘约瑟ê礼物,其实雅各án-ne做,mā teh表示约瑟比其他ê兄弟加分一份,mā隐喻约瑟拥有大kiáⁿ ê名份。M̄-koh tio̍h注意ê是,chia讲雅各是「用剑用弓tùi亚摩利人夺过来ê」,这表示两种意义:一是雅各已经拥有家己ê武装力量。二表示hi̍t 所在不时发生征战,无安宁过。


经文:

创世记 49:1-49:2

注释:

Chit章是雅各kā伊ê kiáⁿ祝福。chit章mā是用三种文献混合编辑而成,第四十九章1到24节a句、第27到28节a句,lóng是「耶和华文献」ê资料,第24节b句到26节是属tī「以罗伊文献」ê资料,第28节b句到33节是属tī「祭司文献」。

Chit章mā kah申命记第三十三章摩西祝福以色列民族类似,内容lóng kah以色列民族传统口述有密切关系。Chiah-ê口述mā说明每一个支派ê特色,á值得注意ê是,chiah-ê特色lóng是用动物来象徵(参考第9节、第14节、第17节、第21节、第22节、第27节)。

Tī chiah-ê语录中间有一个特色,就是只有赞誉kah谴责并无任何祝福tī其中,只有领受tio̍h祝福ê人只有一个,就是约瑟。Kui章语录tùi第2节到第27节,lóng是用诗ê题材写出来。

Chit两节说明雅各最后采取公开祝福伊ê 众kiáⁿ。其实,掠准讲是祝福,不如讲是赞誉kah指责交叉tī伊最后ê遗言中。

第1节,chia讲雅各ài kā 众kiáⁿ「将来会tú-tio̍h ê事」kā in讲,语意上有「先知」ê警语tī其中。

第2节,chit节开始讲这是老父雅各对众kiáⁿ讲,m̄-koh接落去讲beh听「老父以色列」,这已经teh说明接落去虽然是提起gín-á ê名,m̄-koh内容lóng是kah支派ê续后发展有密切关系。

经文:

创世记 49:3-49:4

注释:

Chit两节是关系大kiáⁿ吕便ê发展。

第3节是o-ló吕便原本就是雅各ê「第一个kiáⁿ」,身躯siōng强壮,hō͘雅各深感为荣。

第4节,chit节就清楚写出吕便犯了重大ê罪过,就是乱伦ê事,「kah老父ê细姨同床」(参考三十五:22)。因为án-ne,雅各认为伊不配做大kiáⁿ。

经文:

创世记 49:5-49:7

注释:

Chit两节提起西缅kah利未chit两个kiáⁿ。

第5到6节,讲chit两个兄弟「同谋用刀剑行凶」,这是teh指tī示剑城进行大屠杀ê事件(参考三十四:25—26)。雅各表示这m̄是伊想beh看tio̍h ê行为。

第7节,雅各诅咒了chit两个kiáⁿ,所谓「分散」in tī「以色列全境」中,这thang tùi利未支派后来成做祭司一事看见,西缅支派则因被犹大支派合并á消失。

经文:

创世记 49:8-49:12

注释:

Chit段是有关犹大ê部分。

第8到10节,tùichit三节thang看见犹大后来ê发展,是成做十二支派中siōng强盛ê一支。特别用「少壮ê狮子」来表示。

第11到12节,chia用kā「驴á-kiáⁿ」缚tī「siōng好ê葡萄树顶」,用此表示犹大非常强壮,连葡萄树顶lóng thang用来缚驴á ê路用,mā m̄惊会摇动。Mā用chit两节teh形容犹大ê富裕,够额hit支派ê人民用siōng好ê、食siōng好ê。

经文:

创世记 49:13-49:15

注释:

Chit三节讲到两个支派,就是西布伦kah以萨迦。

第13节,chit节讲西布伦支派,是用地理环境来描述chit-ê支派。M̄-koh事实上,chit-ê支派后来分配到ê土地lóng离海边真远;真可能是teh暗喻tio̍h hit支派后来ê发展真困难。

第14到15节,chit两节是讲以萨迦chit支派。说明chit支派原本khiā起ê所在真美,m̄-koh后来却成做别人ê奴隶,chia用「驴」来代表chit支派。「驴」tú好表示chit支派ê人m̄是真聪明。

经文:

创世记 49:16-49:18

注释:

第16到17节是讲tio̍h但chit-ê支派。

第17节,chia用「蛇」来代表,表示chit-ê支派真「奸巧」,只有ē-tàng 亲像phah游击战仝款,用偷袭别人ê方式来维护生存。Ē-sái讲是因为分tio̍h ê土地是南北两地,无法度亲像其它ê支派仝款连做伙,hō͘族群ê发展强盛起来。

第18节,thang参考诗篇第一一九篇166节。Chit节编排tī chia,应该是teh指全部支派,表示 in后来lóng会hông掠去做奴隶,teh等待上帝ê拯救。


经文:

创世记 49:19-49:21

注释:

Chit三节是关系迦得、亚设、拿弗伊利等三个支派ê事。

第19节,是关系迦得支派。表示迦得chit-ê支派会处tī战争中,无得安宁ê日子thang过。

第20节,chit节是关系亚设支派。Khiā起ê环境非常好,物产丰富。M̄-koh却被控制tio̍h,á一定tio̍h ái服事统治者。

第21节,chit节是关系拿弗伊利支派。用「奔放ê母鹿」来形容,而且会生「小鹿」,说明chit支派是处tī自由自在ê环境中。

经文:

创世记 49:22-49:26

注释:

Chit段是有关约瑟ê部分。

第22节chia用「野驴」,说明无受拘束,进一步用「小野马」来表示chit支派ê活跃。

第23到24节,chia讲虽然是不时tú-tio̍h敌人ê攻击,m̄-koh因为有上帝庇护in,chit支派ê发展真顺利。

第25到26节,这是kui个雅各ê遗言中,kan-taⁿ有两节祝福话语,m̄-koh却只tī约瑟ê身上。Mā thang看出雅各对约瑟确实真偏爱。Chia ê祝福话语,ná亲像当年以撒对雅各ê祝福仝款,有天顶ê甘露,mā有地上ê肥土地。雅各o-ló约瑟是所有兄弟中siōng「杰出ê hit位」。

经文:

创世记 49:27-49:28

注释:

第27节,chit节是关系便雅悯支派。用「豺狼」来形容,表示chit支派ê武力甚强,m̄-koh却是手段凶狠,chit点tùi士师记第十九到廿一章ê事件thang看出来。

第28节,chit节指出雅各最后对众kiáⁿ讲soah。虽然最后chia讲雅各iáu「照ta̍k人ê福份kā in祝福」,m̄-koh却无说明讲了toh一kóa「合适祝福」伊ê众细kiáⁿ。因为tùi顶面所讲记录来看,除了约瑟以外,其余ê差不多lóng无祝福。

经文:

创世记 49:29-49:33

注释:

雅各koh一pái表示伊tio̍h kah祖先亚伯拉罕、以撒等长辈葬做伙。

第31节ê「我mā kā利亚葬tī hia」,chit句话mā交带利亚往生,并且埋葬à。

第33节,结束雅各ê族长史。

经文:

创世记 50:1-50:14

注释:

Chit章是由「耶和华文献」ê资料(第1到11节、第14节、第18节、第22节a句)、「祭司文献」ê资料(第12到13节),以及「以罗伊文献」ê资料(第15到17节、第19到21节、第22节b句到26节)chit三种资料混合编辑成ê。

Chit章ê主题是描述约瑟án怎办理老父雅各ê后事,以及说明约瑟往生á完结tùi第十二章以来,四位族长ê历史概述。

Chit段经文描述雅各往生,mā完结了雅各ê族长史。

第1到3节,chit段经文thang看出约瑟对老父雅各ê真爱,伊用埃及人惯用处理尸体ê方式,就是防腐保存老父ê尸体,原因是beh运tńg来迦南地ê麦比拉洞去安葬。

第3节提起两个数字「四十」kah「七十」,lóng表示 siōng大ê极限。Mā就是讲tī雅各遗体上所做ê防腐工作,是相当周全,á埃及人为伊举行ê哀悼,差不多就是ná亲像国家元首一般。这当然lóng显示了约瑟tī埃及ê权力á是贡献。

第4到6节,约瑟请人向国王报告,请求国王准伊假期,去迦南安葬伊ê老父,伊表示iáu会tńg来。其实,chit时chūn,埃及已经度过了七年大饥荒,雅各家族应该mā thang tńg去。M̄-koh,in lóng无chit种想法,却是决定安葬老父了后koh一pái tńg来。国王知影约瑟beh带老父ê尸体tńg去埋葬,就准伊。

第7到11节,tùi第7节thang看出雅各ê葬礼接近国葬,因为全国大细官员lóng来参加出殡ê礼仪。当然约瑟kah伊兄弟ê家族,除了细汉gín-á kah牛羊家畜留落来以外全部lóng出动。因为in tī安葬雅各了后,iáu会tńg来。

第10节讲in tī hia「举哀七工」,这是以色列人民ê传统时间(参考撒母耳记上三十一:13)。Án-ne隆重ê葬礼,用tī雅各身上,是因为约瑟ê官位是宰相。迦南人看见lóng肃然起敬。

第12到14节,雅各ê kiáⁿ遵照老父ê意思安葬伊tī祖先ê坟墓内,然后约瑟chhōa所有家眷lóng tńg去埃及,ná亲像伊对埃及王所讲ê会tńg去埃及。


经文:

创世记 50:15-50:21

注释:

Chit段经文koh一pái重述约瑟kah众兄哥修好ê记事,为tio̍h是beh khah强调雅各家族之所以ē-tàng tī埃及快速发展,主要原因就是在tī兄弟和睦相处。

Siōng重要ê是tī第19节,chit节约瑟对众兄哥讲「我无法度代替上帝」,chit句话tú好回应了第三章5节,诱惑者对人讲「会亲像上帝」,说明当人想beh扮演上帝角色ê时,犯罪所带来ê性命苦难就会续接teh来,á对性命带来ê死亡威胁mā会连连不断来出现。因为án-ne,约瑟ê chit句「我无法度代替上帝」,tú好kā kui卷创世记ê中心思想串连起来:当人想beh代替上帝ê时,结果是换来死亡kah痛苦、灾难。当人知影家己ê渺小、有限时,chiah ē-tàng体会出上帝奇妙ê救恩,kah无限ê恩典。约瑟真清楚kah伊ê兄弟讲,伊知影这一切lóng是出tī上帝美好ê旨意,大家chiah ē-tàng保存性命落来。

第21节,约瑟向伊ê兄弟保证,一定会照顾in kah in ê家眷。

经文:

创世记 50:22-50:26

注释:

Chit段经文结束loh约瑟ê历史,mā等于结束loh四位族长ê历史记事。

第22到23节,约瑟死ê时chūn,年纪是一百一十岁。这数字接近第六章3节所讲ê,上帝缩短了人类ê性命到一百二十岁。伊抱过kiáⁿ ê孙á,表示伊是一个真有福气ê人,有上帝ê赐福tī伊ê性命中。

第24到26节,chit两节算是约瑟简短ê遗言,除了祝福in,伊mā要求以色列人民ê kiáⁿ孙,一定tio̍h会记得kā伊ê骸骨埋葬tī上帝应允hō͘ in khiā起ê土地,mā就是讲bē-tàng埋葬tī埃及。Tī出埃及记第十三章19节,记载以色列人民确实án-ne遵照约瑟ê吩咐做

重新查询