重新查询
经文:

出埃及记 1:1-1:7

注释:

Ná亲像创世记仝款,出埃及记mā是由几种无仝ê传统资料混合编辑而成ê。包括siōng古老,出现tī主前950年代左右ê「耶和华文献」;tī主前750年左右出现ê「以罗伊文献」;主前550年代ê「祭司文献」。

Tī第一章mā是用chit三种文献混合编辑。第1到5节、第7节、第13到14节等等,lóng是属tī「祭司文献」。第6节、第8到12节等等,lóng是属tī「耶和华文献」ê资料。Á第15到22节则「以罗伊文献」ê资料。

Chit段经文thang看tio̍h「祭司文献」ê特色,就是族谱ê记载相当详细。除约瑟外,作者kā雅各kah伊十一个「直系」gín-á ê名lóng写出来。总数是「七十人」。Chia所讲ê「七十人」是包括约瑟家ê口数在内(参考创世记四十六:27)。M̄-koh,tī使徒行传ê资料却讲有「七十五人」(参考使徒行传七:14)。

第5节,chia特别指出雅各带入埃及ê人口,因为约瑟是早就受卖到埃及,而且因为约瑟当上了埃及宰相,chiah hō͘雅各有机会带tio̍h家族进入寄居。

第6节真清楚讲「约瑟死去,伊ê众兄弟kah in ê同辈mā lóng死去」,这是teh指第2到4节所提起ê hit一代ê人。其实chit节mā为出埃及记以后ê故事留一个伏笔,因为约瑟kah伊同辈ê人lóng死去,mā是teh表示埃及人已经渐渐bē记得in过去tī埃及所做一切ê事。

第7节,chit节是kui个出埃及故事ê背景siōng重要ê经文。因为chit节mā teh说明后来以色列人民tī埃及受tio̍h苦难ê主要原因,是危kah埃及社会ê稳定。Tùi雅各chhōa「七十人」进入埃及到chit-má,已经是「koh chē koh强盛,遍及埃及全境」。这说明雅各ê kiáⁿ孙tī埃及发展了相当快速,已经m̄是用一个家族chit种观念thang形容,á是beh用大族,而且有发展出大国ê趋势。因为án-ne,无koh用「雅各」ê名称,á改用「以色列人」,表明ê是十二支派ê总和。



经文:

出埃及记 1:8-1:14

注释:

Chit段经文提起一个重要ê改变,就是埃及出现新ê王,chit-ê王决定改变国家政策,tùi过去对以色列人民ê友善,到chit-má变成仇视。

第8节,thang讲是非常重要ê一节,因为chit节讲出kui个出埃及故事ê主要因由,就是chit-ê新继任ê王「对约瑟ê事lóng无所知」。Chit-ê新ê王是甚么人?有可能是一位非tùi世袭继承落来ê新王。Chit时ê以色列人民tī埃及已经khiā起大约长到四百年左右,经历过真chē世代。

「伊对约瑟ê事lóng无所知」,chit句话至少讲出tī埃及已经无koh有人讲tio̍h约瑟治理埃及王国ê历史事件。

第9到10节,chit-ê新王认为以色列人民jú来jú chē对埃及生存造成威胁。特别指出万一有战争ê事发生,以色列人民若是kah外族人联合起来,无论逃离á是控制tio̍h埃及,会hō͘埃及沦陷成做奴隶。因为án-ne,伊认为应该「设法阻止」以色列人民「增加人口」作政策转变ê第一步。

第11到14节,除了控制人口增长外,chit-ê埃及国王续落来压制以色列人民,hō͘ in tùiteh过特别好ê生活,开始变成「苦工」、「奴役」,用chit种方式抑制以色列人民日渐壮大ê势力。第11节「当做国王ê补给中心」,mā thang看做是「指挥中心」。

经文:

出埃及记 1:15-1:22

注释:

Chit位新ê王除了采用「苦工」、「奴役」对付以色列人民外,mā同时采用「灭族」ê方式。这是为tio̍h beh抑制人口ê急速成长之故,á采取ê强制手段。

第15到18节,埃及国王采取两种压制以色列人民ê方式,其一是kā in贬为「奴工」,意思是hō͘ in非常低ê工资,m̄-koh相对ê,是非常严苛ê劳务工作。另外一种是采取特别ê人口政策,就是生「男婴,就刣死,女婴,就hō͘伊活落去」,这tī当时以男性为传承中心ê社会kah世代,chit种政策等于是「灭族」仝款。

第17节是kui个出埃及运动ê中心思想,chit两个被命令执行埃及国王指令ê希伯来接生婆是「敬畏上帝,不服从国王ê命令」,thang参考使徒行传第四章19到20节,彼得kah约翰tī犹太人siōng koân议会中ê回答。听从人,thang活得一时,mā thang tī物质生活上得tio̍h想beh ê,m̄-koh真实ê性命是在tī听从上帝语。Kui本出埃及记ê故事就是用上帝语kah埃及王、人做对照结构起来ê。

埃及国王对chit两位希伯来接生婆无照伊ê谕令做tāi-chì感觉bē了解,询问为甚么iáu继续hō͘男婴活teh?

第19到22节,chia koh一pái强调chit两位接生婆「敬畏上帝」,所以「上帝特别看顾in」,赐hō͘ in有聪明ê智慧,知影怎样回答。耶稣mā讲过,tī受tio̍h迫害á被带到法庭ê时,m̄免担心该讲甚么话,因为圣神会帮助被迫害者讲话(参考马可福音十三:11)。

Chit两位接生婆回答讲「希伯来ê妇女无亲像埃及妇女;in真强健」,chit句话mā teh隐喻以色列人民已经被逼迫teh过奴隶ê生活。

第21到22节说明tī困苦中,上帝iáu-koh无弃sakin,kah in同在,hō͘ in tī困苦中iáu-koh充满tio̍h性命力,人口继续增加。M̄-koh埃及国王ê命令jú来jú严苛,伊用chit种方式对敌上帝。

经文:

出埃及记 2:1-2:10

注释:

Chit章mā是由三种资料合编而成ê。第1到10节是「以罗伊文献」ê资料;第11到22节是「耶和华」文献ê作品;第23到25节是属tī「祭司文献」。

Chit章ê主题是绍介摩西ê出世kah改变伊一生ê原因。摩西,tī以色列民族ê历史中,m̄-nā kan-taⁿ是代表一个人,koh khah是teh代表上帝kah以色列民族之间特殊关系ê记号,伊m̄-nā是一位伟大ê先知,而且一位带领以色列人民kah上帝立新ê约ê代表者。

Chit段经文是属tī北方以色列ê资料,mā就是「以罗伊文献」ê背景,说明摩西出世ê事。

第1到4节,「有一个利未族ê人」,伊后来结婚生出摩西。然后tùi第六章20节就会清楚chit-ê利未族ê人就是「暗兰」,伊「娶家己ê阿姑约基别」;「生亚伦kah摩西」。因为tī第一章22节记载埃及国王下一道谕令hō͘全国人民:「希伯来人新生ê男婴lóng一定tio̍h hiat落去尼罗河,只准女婴活teh。」

因为án-ne,摩西出世,父母kā伊隐藏三个月后,实在是koh khah án怎都隐藏bē-tiâu,只好kā伊置tī防水ê篮á hē tī河边芦苇丛里。

第4节提起摩西ê「阿姊远远地khiā-teh」看会有甚么结果。这阿姊就是美莉安(参考民数记廿六:59)。

第5到6节,chit两节提起「巧遇」ê事,就是埃及国王ê cha-bó͘-kiáⁿ来河边「洗身躯」,tú好发见chit-ê篮á,而且tùi篮á里发出「婴á teh哭」ê声音,hō͘国王ê cha-bó͘-kiáⁿ「心生爱怜」,而且一看就知影chit-ê婴á是「希伯来人ê婴á」,原因是只有希伯来ê男婴chiah会被tàn入去河里刣死。因为án-ne,这「生出爱怜」就hō͘ 她愿意kā chit-ê篮á ê婴á带tńg去厝里扶养。

第7到10节,chia ê第7节就回应了第4节所记载ê。摩西ê阿姊主动上前去建议是m̄是需要一个希伯来cha-bó͘人来做奶妈。

故事到chia lóng无提起婴á、婴á阿姊、老母等人ê名,这表示tī chit件事顶面有奇妙ê上帝ê手teh带领,上帝teh执行他hit-ê奇妙ê拯救计画。因为án-ne,chit段经文其实就是用后上帝用巧妙ê方式chhōa以色列人出埃及ê缩影。

第10节,chia讲埃及国王ê cha-bó͘-kiáⁿ kā chit婴á号名「摩西」,表示tùi水里「搝(khiú)起来」ê意思。


经文:

出埃及记 2:11-2:22

注释:

Chit段经文则绍介摩西后来关心家己ê同胞「被迫服苦役」ê事,tú好说明以色列人民ê教育基础就是家庭教育。家庭教育是由老母扮演siōng重要ê角色。因为án-ne,摩西虽然是tī埃及王宫长大,m̄-koh却自细汉心中就对以色列民族有真清楚ê认同感。

Tī chit段经文中,前后两pái看tio̍h摩西为「弱势者」出力。这tú好说明伊ê名ê含意;原本摩西chit-ê名ê意思,tī希伯来语kah「搝起来」同语音。这mā是表明救援、扶助ê意思。

第11到13节,摩西「长大了后」,tī中东地区表示已经有十三岁大ê意思。Chit时,伊常常「出去探望希伯来同胞」,而且亲目看tio̍h hit-ê杀害希伯来同胞ê埃及人,伊主动替chit-ê受害人报复,杀害hit-ê埃及人,并且kā伊埋葬。M̄-koh第13节却ē-tàng看出tī以色列人中间已经teh流传摩西身分ê问题。

第14到16节a句,m̄-koh当伊看见家己同胞希伯来人teh相phah,á上前去排解in之间ê纠纷ê时,却被拒绝,chiah发见家己虽然有认同,却无被接受,chit种情形mā发生tī后来伊进王宫去为以色列人民向国王参详拜托ê时,反tńg因为án-ne加重以色列人ê工作量,致使伊ê同胞koh khah痛恨伊(参考五:20—21)。Koh讲,第14节讲出chit-ê以色列同胞ê反应,mā hō͘摩西想tio̍h家己杀害hit-ê埃及人ê事,已经tī以色列人民中间teh传述,若是án-ne,chit-ê消息真紧to̍h会传入去王宫,伊ê性命一定会有危险。摩西知影koh khah án怎都无法度隐藏家己所做谋害埃及人ê事,因为án-ne「心内惊惶」。果然,kah伊所料想ê完全仝款,国王听tio̍h摩西所做ê事,认为这是一件相当严重ê大事,因为这是等于叛变,就án-ne,国王下令beh「刣摩西」,就án-ne,摩西开始逃亡ê生活。

第16节b句,摩西逃到「米甸」,这是设tī摩押地区南部,tī埃及ê东边。

米甸ê祖先就是亚伯拉罕kah伊ê细姨基土拉所生ê kiáⁿ ê后代(参考创世记廿五:2),chit-ê族群以骆驼经商为生,tī士师时代bat kah以色列人发生战争(参考士师记六:1—6)。Chia有一个祭司「叶特罗」,chit-ê名ê意思是teh指「神ê朋友」,表示伊kah所事奉ê神关系真好。

第16节b句到17节,摩西确实是一个真gâu伸张正义、主持公道ê人,á chit种人是上帝拣选成做奴仆应该有ê态度(参考创世记十八:19)。当伊看见叶特罗ê七个cha-bó͘-kiáⁿ teh phah水ê时被欺负,伊就上前去替叶特罗ê cha-bó͘-kiáⁿ主持公道。M̄-nā保护in,iáu替in phah水hō͘羊lim。

第18到22节,叶特罗听tio̍h cha-bó͘-kiáⁿ kā所发生ê事kā伊讲了后,就赶紧邀请摩西来厝里做客,伊因为án-ne留tī叶特罗厝里。叶特罗好款待摩西,koh kā家己ê cha-bó͘-kiáⁿ西坡拉嫁hō͘伊,伊生落来第一个kiáⁿ号名「革舜」,chit-ê名有含「寄居」、「驱逐」ê意思。


经文:

出埃及记 2:23-2:25

注释:

Chit段经文ē-sái讲是为第三到十二章拯救以色列人民脱离埃及ê序言。

第23节,死去ê国王是想beh缉捕摩西ê王,á新ê王继任,并无减轻以色列人民奴隶工作ê负担。以色列人民成(chiâⁿ)实痛苦到极点,只有向上帝求救。

Tī苦难中向上帝求救,这是siōng正确ê方式,mā是kui本圣经重要ê信息。性命ê苦难m̄是用人ê气力ē-tàng解决,却是需要上帝帮助chiah有办法hō͘人脱离。

第24到25节,chia出现「上帝听见」、「上帝看见」,然后讲上帝「非常关心」等用词,lóng teh表示上帝已经准备好ài beh进行他拯救ê计画。

Chit句上帝「记起伊bat kah in ê祖宗亚伯拉罕、以撒、雅各立约」,表示上帝永远记tiâu他kah他ê子民之间所立ê约,因为圣经讲上帝是信实ê,他永远记tiâu所立ê约,而且坚持遵守所立ê约。

经文:

出埃及记 3:1-3:10

注释:

Chit章mā是由三种文献混合编辑而成ê。第1节、第4到6节、第9到14节、第19到22节等等,是「以罗伊文献」ê资料;第2到3节、第7到8节、第16到18节等等,是「耶和华文献」ê作品;第15节是属tī「祭司」ê文献。

Chit章kah第四章lóng是记载上帝呼召摩西tńg去埃及带领以色列人民出来ê经过。M̄-koh第三章主要是解答摩西心中ê giâu疑――惊惶tńg去见伊家己ê同胞。因为tī第二章14节记载以色列人民bat质问伊讲:「啥人设立你做首领kah 审判官来管阮? 你kám 会想behphah 死我,亲像phah 死hit-ê 埃及人?(全民版)」因为án-ne,第三章以上帝teh解释家己kah以色列人民之间「约」ê关系,交带摩西怎样去kā以色列人民讲,伊是án怎领受上帝差遣ê使命。

Chit段经文是摩西hō͘ 上帝呼召ê记事,tī摩西ê记事中是非常重要ê一段。
第1节,摩西tùi原本tī埃及王宫生活,因为逃走变成一个tī旷野顾羊群ê顾羊人。Chit节讲上帝ê山是「何烈山」,原来是teh指空旷之地,无任何物件。M̄-koh tī第十九章3节,讲摩西去见上帝ê山却是「西奈山」,chit-ê意思tú好kah「何烈山」完全颠倒,指ê是丛林茂盛ê意思。其实,这是因为无仝文献传统所提供无仝ê资料所致。

第2到3节,长老教会所谓「焚á不毁」ê记号,就是tùi chit两节经文来ê。「上主ê天使」,其实chia指ê是上帝家己,mā thang讲上帝ê天使khiā tī头前,á上帝就tī火焰中出现对摩西讲话。

第4到6节,chia上帝第一pái绍介他家己hō͘摩西认bat,他是「亚伯拉罕、以撒、雅各ê上帝」,chit句话主要teh表达ê就是「约」,mā是teh回应第二章24节所讲ê。因为火焰实在siuⁿ大,hō͘摩西无法度正目睭看teh上帝,后来伊bat要求koh再看一pái,m̄-koh无成功,因为无人ē-tàng看见上帝ê面á存活落来(参考出埃及记三十三:18—23)。

第7到10节,chit段经文是上帝teh说明他beh拣选摩西去埃及带领以色列人民出来ê原因。

Tī chit段经文中,一再重复并强调上帝亲目「看见」、亲耳「听tio̍h」,已经知影以色列人民「渴望挣脱奴役ê哀号」。因为án-ne,决定beh「落来」tùi埃及人手中kā以色列人民拯救出来,带领以色列人民去一个「肥广阔、流奶kah蜜ê所在」。并tī第8节说明chit-ê肥广阔kah流奶kah蜜之地,是「迦南人」等六个民族khiā起ê所在。

所谓「流奶kah蜜」,意思除了是teh指土地肥之外,iáu有另外一个意思,是teh指会有上帝同在。只要有上帝同在,就bē有缺乏之虑(参考以赛亚书七:21—22)。

第10节,这是上帝ài摩西去带领以色列人出埃及ê命令。

经文:

出埃及记 3:11-3:22

注释:

Chit段经文teh说明上帝怎样hō͘摩西顺服他ê拣选,以及上帝koh一pái绍介他家己hō͘摩西koh khah清楚认bat。

第11到12节,摩西听tio̍h上帝呼召伊tńg去埃及,伊第一个反应是:「我算甚么?我怎样ē-tàng到埃及王hia去,kā以色列人领出来?」chit句话thang参考第二章15到16节,摩西真清楚家己是埃及朝廷通缉ê要犯,tńg去埃及等于自投罗网。M̄-koh上帝真肯定kā伊讲,beh kah伊同在,而且ài伊带领以色列人民离开埃及后,到chit山顶来敬拜上帝。

第13节,chit节是摩西第一pái推托,伊无想beh接受上帝ê呼召。伊问ài怎样绍介上帝hō͘以色列人民知影?Chit种绍介tī东方社会siōng重要ê,就是tùi名开始。

第14到17节,chit段是上帝绍介家己hō͘摩西知影。

「创始成终ê主宰」,意思是kui个宇宙万物ê开始,就是tùi chit位创造者开始。所以,tī宇宙万物iáu未开始chìn前,chit位主宰就已经存在。Chit位宇宙ê主宰,bat kah以色列人民ê祖先「亚伯拉罕、以撒、雅各」有密切关系。因为知影in受苦,所以差派伊去带领in。并且mā ài摩西kā in讲,上帝beh带领in出来到一个新ê所在,he是「流奶kah蜜ê肥土地」。对以色列人民来讲,chit位「创始成终ê上帝」之所以重要,是因为chit位上帝乃是「in祖宗ê上帝,是亚伯拉罕、以撒、雅各ê上帝」。

第18到20节,这是上帝对摩西讲ê差遣之第二段话。

上帝ài摩西去带领以色列人民ê「众领袖去见埃及王」,然后beh对埃及王讲,「希伯来人ê上帝」ài国王准伊带领以色列人民「行三工ê路程,到旷野去」向上帝献祭敬拜。

Chia特别用「希伯来ê上帝」,表示这tī埃及人眼中根本是无甚么能力ê上帝。而且beh tī旷野敬拜chit位上帝,表示chit位上帝真穷,chiah会khiā起tī旷野。有甚么人会想tio̍h,上帝ài摩西带领以色列人民tùi埃及出来,竟然是beh到「旷野」,这kah富裕ê埃及是非常大ê cheng差。

第19到20节,chit两节真清楚说明埃及王无可能chiah-ni̍h轻易就放以色列人民离开,因为以色列人民就是埃及工业ê奴工,hō͘ in离开,等于hō͘埃及ê经济陷入困境。上帝知影一定tio̍h透过「各种神迹来惩罚埃及」,chiah会hō͘埃及放以色列人民离开。

第20节mā是为第七到十一章chit段经文所记载上帝用各种神迹来惩罚埃及人先留落来伏笔。

第21到22节,chit两节是上帝对摩西所讲ê第三段话,mā为后来第十二章33到36节预留伏笔。

上帝讲以色列人民离开埃及ê时,「bē空手离开」,表示bē hō͘ in以奴隶ê样式离开,因为奴隶无法度带走任何物件,包括in tī主人厝里所得tio̍h ê kiáⁿ孙kah产业。上帝会hō͘以色列cha-bó͘-gín-á带tio̍h「金银、首饰,kah衫裤」离开,表示是真有尊严地离开埃及。这ná亲像雅各tio̍h离开拉班ê厝,带tio̍h家己ê bó͘-kiáⁿ以外,iáu带tio̍h真chē家仆、家畜动物等。拉班bat恐吓地讲chiah-ê lóng是属tī伊ê(参考创世记三十一:43)。M̄-koh上帝hō͘雅各m̄是空手tńg去,却是满载á归。


经文:

出埃及记 4:1-4:17

注释:

Chit章是由「耶和华文献」(第1到16节、第19到26节、第29到31节),kah「以罗伊」ê资料编辑做伙。主要是teh描述上帝怎样hō͘摩西顺服他ê呼召,去埃及带领以色列人民出来。

Chit段经文继续描述摩西想出所有ê办法beh推辞hō͘ 上帝拣选,m̄-koh当上帝决定了后,ná亲像约拿 hit种跳进海里,上帝mā是一定ài伊去完成「奴仆」的使命。

第1到5节,摩西用「以色列人m̄信我、不听我」来推辞。Tī第三章11节记载摩西bat回答上帝讲:「我是啥人ē-tàng去见法老,chhōa 以色列人出埃及?(全民版)」伊ê回答其实有理由,原因是伊乃是埃及朝廷ê要犯(参考二:15—16)。chit-má伊用以色列人民bē相信伊来推托,这mā是事实,因为当年伊就bat被in质疑过,hō͘伊心内感觉担忧、不安(参考二:14)。

上帝用摩西顾羊群ê必备工作「手杖」做教材,赐hō͘伊有行神迹奇事ê气力,á第一件神迹就是hō͘伊手中ê杖变成一条「蛇」。这「杖」mā teh代表权柄、能力。Á「蛇」,是当时埃及民间普遍供奉ê神只之一,ná亲像国王会用饭匙chhèng当做头饰,表示真有权威kah能力,是埃及人敬畏ê神灵。M̄-koh却是摩西手中thang控制、掌握ê器皿。上帝用chit种方式hō͘摩西被以色列人民信任,并知影摩西真有能力。

第6到8节,上帝继续行第二个神迹,beh hō͘摩西知影伊ê双手充满tio̍h上帝所赐ê能力。Chit件神迹就是hō͘摩西ê双手变成癞ko,chit种病tī当时认为是天谴病,是绝症。M̄-koh摩西却有能力thang hō͘癞ko病来去自如,后来伊ê阿姊美莉安长大癞ko,mā是摩西祈祷了后á得医(参考民数记十二:13—15)。上帝用chit-ê神迹mā是teh kā摩西讲,以色列人民会相信伊,而且知影伊身上有极大ê能力thang医病。因为若连癞ko病lóng ē-tàng医,其它ê病koh khah m̄是问题。

第9节,这是第三件神迹,摩西ē-tàng hō͘埃及人敬奉ê尼罗河变色,无法度lim。因为摩西ē-tàng hō͘埃及全国人民所敬奉ê尼罗河神lóng为tio̍h án-ne变色,表示摩西是绝对thang信赖ê领导者。

第10到12节,摩西koh一pái推托,chit-pái伊用「无口才」来拒绝。伊甚至表示,就算上帝kah伊讲chiah-ni̍h chē,用án-ne奇妙ê神迹奇事之能力赏赐hō͘伊,伊犹原坚定地拒绝。

M̄-koh上帝iáu是坚持beh拣选摩西。上帝hō͘摩西知影,他m̄是beh拣选会讲话ê人,却是拣选忠实ê奴仆。忠实ê奴仆只要照上帝ê指示讲话就对了(参考列王记上廿二:14)。

第13到17节,摩西iáu是拒绝上帝ê呼召,伊ài上帝差遣别人去。Chit-pái上帝「动怒」à。为tio̍h beh塞tiâu摩西讲无「口才」ê藉口,上帝决定拣选摩西ê兄哥亚伦,伊是一个真有口才ê人,thang帮助摩西。

第16节是非常重要ê一节,讲摩西teh代表上帝,所传达ê信息lóng是上帝启示伊讲ê, ē-tàng tùi摩西身上kah信息,知影上帝ê旨意。Á伊手上ê杖,就是一个记号。

经文:

出埃及记 4:18-4:23

注释:

Chit段经文描写摩西决定接受上帝呼召。上帝讲埃及国王bē hiah-ni̍h轻易放以色列人民离开,因为án-ne koh一pái提醒摩西,tī伊ê身上有上帝赏赐ê能力,thang用来行各种神迹,甚至预言会用刣死埃及大kiáⁿ来惩罚国王拒绝听从上帝ê命令。

第18到20节,摩西向丈人叶特罗辞行beh tńg去埃及,m̄-koh伊并m̄是kā上帝启示伊讲出来,却是用tńg去埃及「看māi」伊ê「亲属是m̄是iáu活teh」。上帝koh一pái为tio̍h beh坚定摩西ê信心,hō͘伊知影当年想beh杀害伊ê人,包括埃及王在内lóng已经死去。因为án-ne,伊就kā bó͘-kiáⁿ chhōa teh同齐行tńg去埃及。

第21到23节,chit段话是上帝对摩西所讲ê,hō͘伊知影tńg去埃及见国王,一定会掀起对立、khah劲。

第21节通常是读出埃及记会tú-tio̍h ê问题,上帝既然ài摩西chhōa以色列人出埃及,soah koh hō͘埃及国王心刚硬,m̄放以色列人民出去?一直到第十章,chit种话句一再重复出现。请注意,tī chia所用ê「刚硬」chit-ê字,三种文献所表达ê意义mā无jōa仝款:

Tī「耶和华文献」ê「刚硬」,表明ê意义是teh指「沉重」ê意思(参考七:14;八:15、32;九:34;十:1)。意思是埃及国王因为上帝ài摩西带以色列人出埃及,心相当沈重。

Tī「以罗伊文献」ê「刚硬」,是teh指埃及国王因为受气á生出刚硬ê心。Mā就是讲因为外力ê介入,chiah致使伊án-ne(参考四:21;九:35;十:20、27)。

「祭司文献」ê「刚硬」,指ê是埃及国王ê心真刚硬,这并m̄是甚么人ē-tàng hō͘伊án-ne忿怒受气,却是上帝chiah致使伊án-ne受气。原因是上帝ài kā以色列人民tùi埃及带出去,一般人是无法度hō͘伊疯狂到chit种地步。

以上三种表达「刚硬」ê意思,lóng有一个共同点:埃及国王ê心会án-ne「刚硬」,是因为上帝ài摩西带领以色列人出埃及ê缘故。

第22节ê「以色列是我ê大kiáⁿ」,chit句话真重要,因为「大kiáⁿ」表示家族中siōng重要ê成员。以色列人民就是上帝ê大kiáⁿ,表示上帝看做siōng珍贵ê子民,被án-ne欺负是m̄-tio̍h ê。埃及人án-ne虐待以色列人民,mā tio̍h为tio̍h án-ne á付出大ê代价。

经文:

出埃及记 4:24-4:31

注释:

Chit段经文mā是teh读出埃及记ê人不时会tú-tio̍h ê问题,就是上帝既然beh差遣摩西tńg来埃及,为甚么tī半路上iáu koh khah杀害伊?Iáu好,因伊bó͘西坡拉机警,chiah救了伊ê性命。

第24到26节,可能是teh说明摩西患重病,伊ê bó͘用gín-á ê割礼医了摩西ê病(参考第26节西坡拉讲)。Koh讲,chit件事主要是teh说明摩西ê gín-á补行了割礼。因为伊ê gín-á是tī米甸ê旷野出世,无受过割礼。用这方式teh说明伊ê家庭「以色列化」,是kah上帝立「永远之约」。第三,割礼mā teh表明kah性命ê救赎有密切关系,割礼ê约,是teh表明上帝ê救恩。

第27到28节,上帝启示亚伦去迎接摩西,á摩西kā上帝「a̍i伊到埃及去做ê一切事」,包括ài伊讲,ài伊做ê事,lóng全部kā亚伦讲。因为亚伦是伊ê副手,beh帮助伊传达上帝ê信息。

第29到31节,chit三节ē-sái讲是用后兄弟两人tī埃及所讲所做ê事之序言。




经文:

出埃及记 5:1-5:9

注释:

Chit章到第六章1节,lóng是用「耶和华文献」ê资料为主轴(第3节、第5到23节、第六章1节),搭配tio̍h「以罗伊文献」ê资料为副(第1到2节、第4节)。Chit段经文ê主题是teh说明:以色列人民虽然哀求上帝拯救in,ē-sái讲是,当上帝开始展开拯救计画ê时,以色列人民却无清楚上帝ê拯救工作,因此埋怨摩西kah亚伦。这说明人ê共同通性,对上帝ê旨意明白真少,lóng是抱怨比感谢koh khah chē。

Tùi第五章开始到第十二章,chit段经文lóng围tī上帝、摩西kah亚伦,kah埃及国王等三个对象。摩西顺服上帝ê差遣,由亚伦帮助伊,两人同齐去埃及见国王,并且传达上帝ài in带以色列人出埃及ê事,主要目的是beh带以色列人民去「旷野」敬拜上帝。Mā Tī chit段长到八章ê经文篇幅中,一再看tio̍h埃及国王心「刚硬」ê例,m̄-nā无愿意听从上帝ê话,甚至是变本加厉地残酷对待以色列人民。伊用chit种方式teh对抗上帝,伊beh表明伊chiah是真正「神明」,希伯来人ê上帝,只不过是一个「旷野」神明而已。为tio̍h埃及国王chit种恶质态度,上帝用十个大灾难严厉惩罚埃及人kah国王,chiah hō͘埃及人kah国王终其尾认识tio̍h以色列人民ê上帝,是bē-tàng污蔑ê。

Chit段经文teh说明摩西kah亚伦去见埃及国王,并且kā上帝ài in对埃及王讲ê话,讲述一遍。M̄-koh随时遇tio̍h拒绝。M̄-nā án-ne,埃及国王甚至下命令,tio̍h koh khah加压制以色列人民做苦工。这就回应了第三章19到20节上帝所讲ê话。

第1到2节,摩西带tio̍h亚伦去见埃及国王,真清楚,kā上帝ài in转述ê话kā埃及国王讲了后,埃及王第一个反应是:「上主是甚么人?我何必听从伊?我为甚么tio̍h放以色列人走?我bē认得上主;我mā不放以色列人行。」chit种话,lóng teh说明tī埃及国王心中,ná旷野ê神,是真低级ê,无能力ê神,chiah会困守旷野。Á伊自认是一个有能力ê神,chiah是真正神,chiah会hō͘埃及富有、国势强大。所以当伊tī讲「上主是甚么人」,á是「我bē认得上主」chit种话ê时,语气lóng是带有鄙视(siùⁿ)ê意味。

第3到5节,摩西kah亚伦koh一pái重述上帝ài in讲ê话,m̄-koh chit-pái语带警告,若是埃及王犹原不准,会有「疾病á是战争」惩罚以色列人民,致使严重死亡。Á这mā会带hō͘埃及重大ê损害,chit种损害会超过埃及所ē-tàng承担ê范围。M̄-koh埃及国王一听,就koh khah受气,伊认为以色列人口hiah-nih-chē,单单beh饲chiah-ê人就是真大ê负担。chit-má摩西kah亚伦koh讲chit种带有恐吓ê话,目的只是想beh拖延工作而已。

第6到9节,埃及国王采取压缩以色列人民ê政策,m̄ hō͘ in工程需要ê材料,ài以色列人民家己去载运制砖ê材料,á这一定会增加工ê时,却ài以色列人民交出仝款ê工作数量,chit-ê定会拖延。Á若beh准ê时交出工作数量,就一定tio̍h加班、加工,án-ne kan-taⁿ会增kā它色列人民ê痛苦。M̄-koh埃及国王认为只有án-ne,以色列人民chiah bē想tio̍h beh去「听信妖言」。

经文:

出埃及记 5:10-5:21

注释:

Chit段是描述摩西kah亚伦去见埃及国王了后,国王改变政策,致使以色列人民koh khah痛苦,mā引起以色列人民痛恨摩西kah亚伦。这mā讲出上帝忠实ê奴仆传达上帝ê信息,tú开始之初,往往会因为带来改变á引起性命ê痛苦。

第10到14节,因为是国王直接对埃及监工kah以色列人民ê领班下命令, ài以色列人民家己去载运、chhōe材料,m̄-koh工作数量却无法度tùi án-ne减少,tī chit-ê情况下,in真正是无法度如期交出本来thang交出ê量,结果chiah-ê以色列人民ê领班开始受tio̍h埃及监工严厉ê「鞭phah」。

第15到19节,以色列领班去见国王,in向国王「请求」,mā等于是向国王「求救」仝款。虽然是国王下命令,in认为可能是埃及监工家己ê意思,á是国王听in说明后,会改变政策mā无一定。

M̄-koh埃及国王ê回应却是如监工告知in ê仝款,并且认为in是「pîn-tōaⁿ」、「偷闲」chiah会有chit种想beh敬拜上帝ê念头。严词tńg来绝了以色列人民领班ê请求。Chit时,in chiah醒悟过来,讲「大祸临头了」。

第20到21节,chiah-ê领班看见摩西kah亚伦,责怪in。In无koh相信摩西kah亚伦真正是tùi上帝来差遣,认为in只是假借上帝ê名义乱讲话ê假先知。若无in怎样会带hō͘以色列人民koh khah大ê痛苦?

经文:

出埃及记 5:22-6:1

注释:

Chit段经文是摩西听以色列领班ê诉苦kah痛恨之回应后,真自然ê转向上帝。Chit种情形一再tī以后漂流tī旷野ê时出现。每pái有以色列人民向伊抱怨口渴,á是iau饿,á是tú-tio̍h痛苦,摩西就转向上帝,伊teh代表以色列人民向上帝转达in ê痛苦。

第22到23节,摩西转问上帝是:既然呼召伊去传信息而且tio̍h带领以色列人民,就beh hō͘伊所传达语成真。M̄-koh chit-má ê实况是:伊转达上帝ê信息hō͘国王后,m̄-nā无得tio̍h效果,反tńg hō͘以色列人民受tio̍h koh khah大ê痛苦,因为埃及国王是「koh khah残酷地对付」上帝ê子民。伊问上帝为甚么「一点lóng m̄救助in」。Chit种情形mā出现tī先知哈巴谷ê信息中(参考哈巴谷册一:12—13)。

其实,若是埃及王一听摩西kā伊讲,就hō͘以色列人民离开埃及,就bē有以后出现ê大灾难。Koh讲,若是埃及国王一听了后就相信了,mā表示埃及国王承认chit位天地创造者上帝,chiah是真正神。M̄-koh自古以来,无一个拥有权势者会án-ne简单承认家己需要听从真正上帝,伊lóng是会想beh kah上帝拼高低,输了后chiah会相信上帝是bē-tàng轻忽、藐视ê。

第六章1节,chit节回应第三章19节,上帝bat对摩西讲过,tio̍h用「逼」ê,chiah ē-tàng hō͘埃及国王就范、听从。Chit节ê「逼」kah「赶」,lóng teh表示用强大有力ê手段,迫hō͘埃及人kah国王向上帝投降。

经文:

出埃及记 6:2-6:13

注释:

Chit章tùi第2节开始,直到第七章13节,chit段经文lóng是属tī「祭司文献」ê资料。第六章ê重点teh绍介摩西kah亚伦ê族谱。Á第七章1到13节是上帝透过摩西向埃及国王提出最后ê通牒,若是不听从,上帝会开始他伟大ê神迹作为,展开一连串ê严厉惩罚。

Chit段经文tùi讲述上帝呼召摩西开始,然后说明上帝beh拯救以色列人民离开埃及苦难之地,是因为上帝kah以色列人民ê祖先有约。虽然摩西kā上帝所kā伊讲ê chiah-ê kah in祖先之间有约ê事,转述hō͘以色列人民听,m̄-koh in却因为奴役ê痛苦,已经丧志,会失去信心,无koh听摩西kah亚伦ê话。

第2节,一开始上帝就讲「我是上主」,tī第8节上帝结束chit段对摩西讲了后,mā是用「我是上主」做结语。其实,chit种编辑方式mā teh说明上帝就是万物ê开始,mā是万物ê结束,tú好是第三章14节所讲ê「创始成终」ê上帝。因为án-ne,他kah以色列人民ê祖先亚伯拉罕、以撒、雅各等人所立ê约,mā是永远有效ê。

第3节,chit节讲上帝是「全能ê上帝」。圣经讲chit位创始成终ê上帝有三种特性,一是「全能ê」,二是「全知ê」,三是「全在ê」上帝。

第4到5节,因为上帝kah以色列人民ê祖先有立永远ê约,ài kā迦南地赐hō͘ in。因为án-ne,chit-má听见以色列人民tī埃及受苦ê声音,mā tú好是chit-ê时chūn,伊thang带领in离开埃及,实践上帝kah以色列人民祖先ê约束ê关系。

第6到8节,上帝决定beh「伸出大能ê手」救以色列人民离开埃及,相对ê,就是beh惩罚埃及人kah国王,án-ne in chiah愿意放开in ê手,hō͘以色列人民离开。Chia「大能ê手」,表明上帝是一个「全能」者。

第7节,chia上帝讲:「我mā 会掠lín 做我ê 子民,我mā 会做lín ê 上帝。Lín 会知我是上主—línê 上帝,是 tùi 埃及人所 hō͘ lín 担 ê 重担chhōa lín 出来ê。(全民版)」chit句话就是圣经中描述上帝kah以色列人民ê约siōng典型之句型。有时kan-taⁿ会写「我是lín ê上帝」,无讲出「Lín是我ê子民」,lóng是teh表明约ê存在kah延续性,一直无停止过。

第9节,kā chit节对照第三章18节所讲ê,以色列人民会听从摩西完全颠倒。Chit节mā回应了第五章21节,埃及国王kah伊ê官员痛恨以色列人民,chhōe藉口beh杀害以色列人民,hō͘ in koh khah án怎都不听摩西kah亚伦à。

第10到13节,chit段经文真清楚,连摩西mā受tio̍h相当大ê影响,对上帝koh一pái命hō͘伊去向国王传达信息,lóng感觉beh行无力。伊对上帝讲:「连以色列人lóng m̄听我,国王会听我?我是一个bē讲话ê人。」伊koh一pái用chit种方式来表示拒绝上帝ê呼召。M̄-koh上帝却命令摩西kah亚伦,m̄-nā beh去kā国王讲,mā tio̍h去kā以色列人民讲上帝ài in去带领以色列人出埃及。Chia用「命令」,是一种加重语气,表示非去bē-tàng。


经文:

出埃及记 6:14-6:27

注释:

这是摩西kah亚伦ê族谱。Mā因为chit段族谱记事,kā原本上帝对摩西kah亚伦命令ê行动hō͘ phah断。其实,chit段族谱主要是teh绍介亚伦ê族谱。因为kui个族谱主要teh说明摩西kah亚伦lóng是暗兰ê kiáⁿ,并无讲摩西家族ê任何名。主要原因真可能是beh透过亚伦,绍介祭司制度ê建立,kah tī以色列民族中重要ê地位,而且影响tio̍h以色列人民宗教信仰直到chit-má。

Á摩西kan-taⁿ tī带领以色列人民离开埃及。Chit种编辑方式有一个特别意义:亚伦ê kiáⁿ孙成做祭司,tī以色列ê社会中有相当重要ê地位。Á tī kui个离开奴隶运动中,摩西ê功bē-tàng灭。

第14到15节,chit段是记载雅各ê大kiáⁿ吕便kah第二kiáⁿ西缅ê族谱。

第16到19节,chit段记载第第三kiáⁿ利未ê家族。特别强调利未活到「一百三十七岁」。

第20到22节,chit段主要是teh说明摩西kah亚伦lóng是暗兰ê kiáⁿ,in ê老母约基别mā是老父ê姑姑。Chia并无提起摩西kah亚伦iáu有一个阿姊,叫美莉安,chit-ê名ài tī民数第廿六章59节chiah讲约基别除了生亚伦kah摩西,mā生美莉安。

第23到25节,chit段是亚伦家ê族谱。

第26到27节,chit两节用结束绍介族谱ê方式,说明摩西kah亚伦ê工作kah角色,in两人就是带领以色列ê「各支族一队队地」离开埃及ê重要领导者。


经文:

出埃及记 6:28-7:7

注释:

第七章主要是由「祭司文献」(第1到13、第19到20节a句、第22节等等)组成,加上「耶和华文献」ê资料(第14到18节、第20节c句到21节、第24到25节等等),以及「以罗伊文献」ê资料(第20节b句、第23节等等)等混合编辑而成。

Ná亲像头前提起过ê,tùi第六章2节开始直到第七章13节,chit段lóng是属tī「祭司文献」ê资料。继续teh描述上帝iáu-koh无放弃拣选摩西当做他ê奴仆ê计画,为tio̍h是ài伊去带领以色列人民离开埃及。

第六章28到30节,chit三节thang参考第四章1到17节。Chia ê资料是「祭司文献」,á第四章是「耶和华文献」ê资料。虽然是无仝ê资料,却记载仝款ê记事。Kui个呼召摩西ê过程中,摩西lóng一再推辞,m̄-koh上帝是一再坚持。最后,伊只好顺服。

第七章1到7节,chia koh一pái强调上帝ài摩西tī埃及国王面前代表他,á亚伦thang替摩西发言,这thang参考第四章16到17节。

第3节thang参考第四章21节,已经提起过,上帝hō͘埃及国王ê「心刚硬」,表示埃及国王无法度忍受一个旷野ê神,对伊下命令,若是伊听从,表示伊比chit-ê一无所有ê旷野之神iáu不如。Chia mā提起无论上帝行了jōa-chē神迹奇事,埃及国王iáu是bē听从,chit句话thang参考第三章20节。

第4到5节,chit两节说明埃及国王就是因为心硬,直到上帝忍无thang忍之下,「伸手惩罚in」,而且相当严厉ê惩罚了后,in chiah放手,hō͘以色列人民离开。这写法mā为后段开始直到第十二章ê十大灾难续接teh来,chiah逼hō͘埃及国王就范臣服铺陈。

第6到7节,chit两节表示摩西kah亚伦无koh推辞,in顺服上帝ê命令去做。Chia讲摩西开始chit项工作ê时,是「八十岁」,后来犹太人kā摩西ê一生划分做三个阶段,每一个阶段lóng是四十年(参考使徒行传七:23、30、36),这可能是kah伊死ê时是一百二十岁有关系(参考申命记三十一:2、三十四:7)。

亚伦比摩西大三岁,chit时受呼召是「八十三岁」。

经文:

出埃及记 7:8-7:13

注释:

Chit段经文是继续teh描述上帝ài摩西kah亚伦去执行上帝hō͘ in ê命令,带领以色列人民离开埃及。

第8到9节,上帝先赏赐hō͘摩西有行神迹奇事ê能力。就是ē-tàng hō͘手中顾羊ê杖变成蛇,用chit种方式来证明in确实是领受上帝ê命令去ê。

第10到12节,就án-ne in就án-ne去见埃及国王,而且照指示kā手中ê杖变成蛇用来证明in ê身分。M̄-koh国王身边ê术士mā有chit种能力,只是chiah-ê术士变成ê蛇被亚伦ê杖hō͘吞食。其实,chit种「吞」一字,mā teh表明埃及国王身边hiah-ê有聪明koh有法术ê术士,无法度对抗上帝ê能力。M̄-koh显然地,埃及国王并无án-ne认为。

第13节,「国王ê心犹原刚硬」,表示埃及国王对摩西痛恨ê心当teh刚硬中。

经文:

出埃及记 7:14-7:25

注释:

Tùi chit章14节开始到第十二章36节,记载出埃及前连续发生ê十个大灾难。Á chiah-ê灾难lóng kah埃及国王ê「心刚硬」有密切关系。Tī所有chiah-ê灾难中,一再重复提起ê一个重要主题是:ài埃及国王hō͘上帝ê子民离开。目的是为tio̍h beh hō͘以色列人民学习敬拜上帝。换句话讲,苦难ê基本原因,是因为in tī埃及生活已经长到四百gōa年(参考十二:40),早to̍h bē记得kah上帝ê约。因为án-ne,出埃及,为tio̍h是beh重新建立约ê关系。

Chit段经文是记载十个大灾难中ê第一个灾难。Tùi日常饮用ê水开始,hō͘人生活感受tio̍h痛苦,ná亲像以色列人民tī奴役中ê痛苦仝款。

第14到18节,这是上帝对摩西讲,伊知影埃及国王会到尼罗河去,ài摩西kah亚伦过去hit-pêng见国王,并且hō͘伊知影,伊ê「心刚硬」是上帝受气ê原因。Chit-má koh一pái对国王表示,一定会hō͘以色列人民离开,去旷野敬拜上帝。若是不听,尼罗河ê水会变成无法度lim ê血水,「鱼lóng tio̍h死了了,河水会发臭,hō͘埃及人不ē-tàng lim这水」。

第16节是十个大灾难ê主要中心经文。Chit节讲埃及国王「一直不听」上帝,m̄-koh,上帝ê奴仆是听从上帝(参考七:6)。

第19节,其实严重性m̄-nā是尼罗河ê水变成血水,却是埃及全国各地,只要有水ê所在全部lóng变色,无法度lim。

第20到21节,这是第一个灾难,mā kā它称做「血灾」,而且tùi尼罗河下手。Á尼罗河是埃及人民生活ê命脉,如果尼罗河变色,mā是teh暗示埃及人民ê生活teh beh进入苦难中。

第22到24节,chia讲出一个无知ê国王,伊身边ê术士虽然ē-tàng行法术,m̄-koh m̄是kā已经有ê大灾难降低á是减轻,却teh表示in mā有chit种能力hō͘水变成血,结果是hō͘埃及全国雪上加霜,灾难koh khah大。Chia讲一个愚戆到极点ê国王并无kā人民受tio̍h ê灾难hē tī心上,却是iáu想kah上帝比高低。这是伊ê心「比以前koh khah刚硬」ê态度。

第25节,chit节讲「灾难继续了七工」,表示埃及人痛苦到极点ê意思。

经文:

出埃及记 8:1-8:15

注释:

Chit章是由「耶和华文献」ê资料(第1到4节、第8到15节、第20到32节等等),kah「祭司文献」(第5到7节、第16到19节等等)合编而成。Tī chit章中,主要提起十大灾难中ê第二到第四个灾难,包括了水鸡灾(第1到 15节)、虱母灾(第16到19节)、苍蝇灾(第20到32节)。

这是第二个灾难,其严重性thang tùi第3到4节看出来。诗篇第七十八篇45节、第一○五篇30节等等lóng有记载chit-ê灾难。

第1到2节,koh一pái强调上帝ài摩西带领以色列人民离开埃及ê主要原因,就是beh以色列人民敬拜他。这是属tī宗教改革ê运动,是为tio̍h beh以色列人民遵行in祖先kah上帝所立ê永远之约。若埃及国王继续反对,上帝会用水鸡塞满kui个国家当做惩罚。

第3到4节,描述水鸡之灾, 水鸡kā塞满kui个埃及河川渠道,连卧室、灶脚、身上lóng有,这是无法度想像ê景况。说明只要上帝伸手惩罚lóng真严重。

第5到7节,就án-ne惩罚开始,上帝ài亚伦kā手里ê拐指向所有河川、渠道、湖泊等,结果就亲像上帝所讲ê hit种。M̄-koh第7节ná亲像第七章11节仝款,埃及国王认为chit种tùi上帝来ê惩罚,只不过ná亲像teh进行一场「法术」beh表现能力而已。所以,伊mā tio̍h埃及ê「巫师采行法术」,m̄-nā无减低á是除灭灾难,却是hō͘水鸡ê灾难koh khah严重。这说明一件重要认bat:人想beh抵抗上帝ê作为,结果m̄-nā无用,反tńg为家己带来koh khah大ê灾难。

诗篇ê作者bat án-ne描述:「他 hō͘ 胡蝇 kui 阵到 in 中间来沾 in,koh hō͘ 田蛤 á 来 kā in 损害。(全民版)」(诗篇七十八:45)

第8到9节,这是埃及国王第一pái请求摩西kah亚伦,向上帝祈求,kā灾难消除。伊答应hō͘摩西带领以色列人民「去向上主献祭」。摩西就接受。第9节讲时间随在埃及国王家己决定。其实,时间m̄是操纵tī埃及国王手中,却是tī上帝手中。Thang由埃及国王家己选择时间,原因是伊ê巫师行法术mā需要看ê时辰,若无,就无成效。M̄-koh全能ê创造主,时间、土地lóng是他ê手创造ê。

第10到13节,埃及国王讲出「明á载」了后,摩西马上答应,并且tī隔工就向上帝祈求。伊mā提醒埃及国王「天下无亲像上主—咱ê上帝仝款ê神」,chit句话已经teh kā埃及国王讲,伊m̄是神,只有以色列人民ê上帝chiah是。Chit对埃及王来讲是真大ê冲击。

「只有尼罗河中iáu有」,表示bē kā水鸡全部灭绝,iáu保存尼罗河下游ê沼泽地带,ná原本就是水鸡ê歇ê所在。

第13到14节讲上帝听摩西ê祈祷,kā堆积如山ê水鸡清除掉。Beh tī短短一工时间内kā所有水鸡杀尽,只有全能ê上帝chiah有办法。M̄-koh却因为堆积起来ê水鸡尸体清运不完,á发出恶臭。表示chiah-ê水鸡灾难m̄是想像ê,却是真实ê。

第15节,埃及国王看见水鸡ê灾难消除后,伊随时改变心意,mā毁了伊对摩西所讲ê应允,「心koh刚硬起来,不听摩西kah亚伦」,m̄ hō͘以色列人民离开埃及去敬拜上帝。
经文:

出埃及记 8:16-8:19

注释:

这是第三个灾难,mā是「虱母」之灾。虱母,天主教《思高版本》ê翻译做「蚊á」,mā有其它版本翻译做「蛆虫」之灾。如果以尼罗河下游环境ê沼泽地带来看,讲「蚊á」、「蛆虫」lóng是非常可能ê。 Chit-ê灾难只出现tī「祭司」ê文献中。

第16节,因为埃及国王ê心koh刚硬起来,拒绝履行伊所应允beh hō͘以色列人民离开,去旷野敬拜上帝。因为án-ne,上帝继续打击埃及。Chit-pái beh「hō͘埃及遍地ê尘埃lóng变成虱母」。

第17到18节,摩西叫亚伦用伊手中ê拐「击地」,就án-ne,只要有尘埃ê所在,就有虱母ê灾难出现。M̄-koh仝款ê,埃及国王ê巫师mā施行法术,m̄-koh只造成koh khah chē虱母ê灾难。Ná亲像第七章11节、22节,kah第八章7节所记载巫师所做ê仝款,致使「人kah家畜身上lóng是虱母」,这thang看出灾难之大。

第19节,这是非常重要ê一节,chia讲巫师mā承认in无法度抵挡上帝,只好讲:「Chit件事是上帝做ê!」chit句话原本ê意思是teh指「上帝ê手造成ê」,表示上帝ê手创造一切。其实,巫师ê chit句「这是上帝做ê」,mā teh kā埃及国王讲,in已经无法度kah上帝对抗,国王应该tio̍h知难á退à。

值得注意ê是chia并无讲埃及国王向摩西kah亚伦祈求消除灾难,只有记载「国王ê心犹原刚硬」,表示伊beh继续kah上帝对抗ê意思。

经文:

出埃及记 8:20-8:32

注释:

这是第四个灾难—苍蝇之灾。这是属tī「耶和华文献」特有ê资料。Tī诗篇第七十八篇45节、第一○五篇31节mā提起此灾难。

第20到24节,上帝koh一pái差派摩西去见埃及王,koh一pái ài埃及国王tháu放以色列人民—上帝ê子民—去「敬拜」他。若伊拒绝,上帝会施行「苍蝇」ê灾难。

第20节强调hō͘以色列人民离开埃及,为tio̍h是beh hō͘ in去敬拜上帝,chit点是出埃及记主轴ê信息,mā thang看出kui本出埃及记,就是一个宗教运动。

第22节讲出一个重要ê信息,以色列人kah埃及人tio̍h区别出来。Tī in所khiā起ê歌珊之地,连「一只苍蝇mā无」。苍蝇是会四界乱飞ê昆虫,却会听从上帝ê指令。因为苍蝇mā是上帝创造之物。连chiah-ni̍h细ê昆虫lóng知影上帝就是性命ê主宰,会听从上帝,á埃及国王kah人民却拒绝听从。上帝会án-ne惩罚埃及国王kah人民,就是beh hō͘ in知影他chiah是「全地ê主」,表示上帝是大地ê主宰,他差遣苍蝇进入埃及人khiā起ê所在。

第25到27节,埃及国王终其尾表示愿意hō͘以色列人民去敬拜上帝,m̄-koh限定tī埃及ê「国境内」去向上帝「献祭」。M̄-koh摩西表示giâu疑,因为宗教信仰差别,会致使埃及人骚扰以色列人民ê献祭,原因是以色列人民献祭thang用牛,á埃及人kā牛当做神明来看,chit点tùi以色列人民后来进入旷野后,bat用金子铸造金牛崇拜ê事件看出来(参考出埃及记三十二:4)。因为án-ne,摩西坚持beh「旅行三工,到旷野」去向上帝献祭。

第28到29节,就án-ne埃及国王只好妥协,伊若无妥当协,苍蝇ê灾难确实造成生活bē-tàng安宁。M̄-koh伊要求无法度行太远,á koh khah重要ê,伊ài摩西为伊向上帝祈祷。摩西答应tī离开埃及ê时chūn,就为伊祈祷。M̄-koh伊提醒埃及王无法度「欺骗」,因为埃及王已经有真chē pái不守诺言à。

第30到32节,埃及王koh一pái欺骗摩西,当苍蝇lóng消失了后,国王ê「心犹原刚硬,不放以色列人民行」。Án-ne等于是欺骗上帝,一定会带来koh khah大ê灾难。	

经文:

出埃及记 9:1-9:7

注释:

这是第五个灾难,mā是致使性命死亡ê瘟疫之灾。Tī旧约圣经,先知耶利米一再提起上帝惩罚悖逆ê以色列人,就是用「战争、饥荒、瘟疫」等chit三种(参考耶利米书十四:12、十六:4、十八:21、廿一:7、9、廿四:10、廿七:8、廿八:8、廿九:17)。以色列人离开埃及后,tī旷野mā一再得罪上帝soah tú-tio̍h上帝惩罚所带来ê瘟疫(参考出埃及记三十二:35、民数记十一:33)。

第1到5节,因为埃及国王「心犹原刚硬」,因为án-ne,上帝koh一pái差遣摩西去告诫埃及,特别hō͘埃及王知影,伊所藐视ê「希伯来人ê上帝」ài伊「放以色列人民行」,thang hō͘ in去「敬拜」上帝。Koh一pái说明宗教信仰ê重要性。如果埃及王拒绝,上帝一定会用「惊人ê灾难」,mā就是瘟疫来惩罚伊kah埃及人民。

第4节kah第八章23节仝款,上帝ài kā以色列人tùi埃及人中区别出来,以色列人无亲像埃及人会受tio̍h瘟疫ê灾难。当埃及人ê家畜大量死亡ê时,以色列人ê家畜连一只mā bē减少、死去。

第6到7节,摩西向埃及国王讲完上帝chit种信息ê隔工,埃及人ê牲畜果然大量暴毙,á以色列人却连「一只mā无死」。当埃及王听tio̍h以色列人ê家畜lóng无受tio̍h伤害ê时,伊非常受气,m̄-koh心iáu是仝款「刚硬」。

Chit-ê瘟疫ê灾难thang看tio̍h损失ê虽然是家畜,m̄-koh,埃及ê经济是受tio̍h重创ê。表面上是马、驴、骆驼、牛、绵羊,kah山羊等损失,m̄-koh像马、驴、骆驼、牛等iáu牵涉tio̍h交通、运输,以及种作ê问题,因为in大量死亡á hō͘埃及全国陷入半遂。

经文:

出埃及记 9:8-9:12

注释:

这是第六个灾难,mā就是疮灾。Chit-ê灾难是「祭司文献」特有ê资料。上帝向摩西下达命令了后,就直接惩罚,无事先警告,因为埃及国王ê心已经麻痹à。

第8到10节,上帝ài摩西tùi「炉á里the̍h一把灰,由摩西tī国王面前kā chiah-ê灰掖tī空中」,hō͘这灰「散布埃及全境」,主要用意是beh hō͘埃及全国人民kah所有牲畜lóng长疮。

「炉灰」,就是埃及造砖ê窑烧木材ê灰烬。Á疮ē-sái皮肤溃烂,若家畜长疮,就无法度tī市场上买卖。Koh khah惨ê就是án-ne ê牲畜无法度用来祭拜神明。换句话讲,埃及人kā无法度敬拜in ê神明。

第11到12节,tio̍h注意第11节,chit-má连国王所óa靠ê巫师mā投降了,因为in m̄-nā阻止不了严重ê灾情,连in mā浑身长疮á痛苦。其实,chiah-ê巫师tī以前tú-tio̍h摩西kah亚伦kā上帝ê惩罚显示出来了后,in并m̄是teh对抗灾难,只是模仿制造灾难,结果带来koh khah大ê灾难,á chit-má连in家己mā被生疮ê灾难所侵袭。M̄-koh就算是án-ne严重,埃及国王显然是铁了心,一点怜悯ê心mā无,iáu-koh是「心刚硬,不听摩西kah亚伦」。



经文:

出埃及记 9:13-9:35

注释:

这是第七个灾难,所讲ê「冰雹之灾」。Tī十个灾难中,thang kā它分做三组,一是第一到三ê灾难;二是第四到六ê灾难;三是第七到九ê灾难。第十个灾难是总结。第一组灾难是一种警告,无算严重。第二组灾难就开始有经济上ê重创,kah身躯ê痛苦。第三组灾难除了经济灾难外,koh khah严重ê是开始有惊惶kah不安出现。

第13到21节,koh一pái强调「希伯来人ê上帝」,chit种用语lóng是故意beh hō͘埃及国王知影,伊所藐视ê chit位大地主宰真正受气à。他一定会埃及王放他ê人民离开,thang hō͘ in去「敬拜」他。Tī chia,特别强调顶pái ê瘟疫,上帝有怜悯,kan-taⁿ tī家畜动物,无tī人ê身上出现,若无一定会有真chē人死去。M̄-koh chit种冰雹灾难,连国王mā tio̍h「同齐惩罚」,只有án-ne,埃及王chiah会相信家己m̄是神,却是chit位伊所鄙视(siùⁿ)ê大地之主—以色列人民ê上帝,chiah是真正神。上帝ài摩西去kā埃及国王讲,他会用冰雹来严惩伊kah伊ê人民。

第20到21节,chit两节真值得注意,一则「国王ê一kóa臣仆因为上帝惊惶,kā in ê奴隶kah牲畜lóng赶进厝内」,免得受冰雹打击á死去。换句话讲,埃及国王ê重臣开始有人相信摩西kah亚伦à。M̄-koh hiah-ê m̄相信ê人,根本m̄ kā上帝ê警语当做一回事,照常hō͘奴隶kah牲畜留tī田里工作。

第22到26节,chit-pái ê灾难包括埃及「人民、牲畜,kah所有ê植物」,而且灾难之大,是「埃及有史以来siōng大ê冰雹灾难」,kā「埃及境内田野里ê一切lóng摧毁了」,这包括hiah-ê无tī厝内ê「人、牲畜、田里ê农作物,kah所有ê树木」。注意第26节,chia koh强调「以色列人民khiā起ê歌珊地区无冰雹」,chit句话明显讲出上帝已经kā以色列人kah埃及人区隔出来à。这mā说明当埃及人民受tio̍h极大ê痛苦ê时,想beh掌控以色列人ê能力就相对降低。

第27到32节,顶pái埃及国王讲ē-tàng hō͘以色列人mài离开siuⁿ远去敬拜上帝,m̄-koh伊食言(参考八:28)。Chit-pái,伊看见事态严重,终其尾第一pái承认家己「犯罪了」,而且讲伊kah伊ê人民lóng「m̄-tio̍h去;上主是对ê」,chit种承认,是真大ê进步,表示伊已经知影家己m̄是神,mā无能力抵挡chit位伊所看bē起ê希伯来人ê上帝,chit位ài他ê以色列子民去旷野献祭敬拜ê上帝。

M̄-koh,mā有kóa学者认为第27节ê埃及国王所讲ê,并m̄是真正承认家己有错,却是一种政治术语,表示埃及国王承认伊过去是误判à。chit-má伊tio̍h正确判决,thang hō͘以色列人去敬拜上帝。因为án-ne,伊要求摩西kah亚伦向上帝祈求停止冰雹灾难,á以色列人「m̄免koh再留tī」埃及。

摩西听了后,除了hō͘埃及国王知影上帝就是大地之主,所以ē-tàng真清楚划出灾难ê界线,hō͘以色列人khiā起ê歌珊lóng无灾害出现,这是大地ê主宰chiah有ê能力。M̄-koh同时摩西mā警告埃及国王,伊对国王ê信任度已经降低à。

第31到32节讲出埃及siōng主要ê经济作物,就是大麦、麻等lóng受tio̍h严重损害,á值得注意ê是第32节特别提起「小麦无受损」,因为这是人民ê粮食,希望因为án-ne,hō͘埃及人民ē-tàng醒悟过来。

第33到35节,ná亲像摩西所警告ê,当埃及国王看见冰雹停止了后,「伊kah伊ê臣仆ê心koh刚硬起来」,chiah-ê臣仆并m̄是真正关心人民ê苦难,kan-taⁿ会强化埃及国王心ê刚硬,拒绝放以色列人民离开。

经文:

出埃及记 10:1-10:20

注释:

Chit章主要是由「耶和华文献」ê资料形成,kan-taⁿ有第1节b句到2节是「祭司文献」ê资料,以及第12到13节a句、第14节a句、第15节b句、第20到23节、第27节等等是「以罗伊文献」ê作品,其余lóng是属tī「耶和华文献」ê资料。

Chit章主要提起两个大灾难,就是第八个灾难—蝗虫之灾(第1到20节)kah第九个灾难—乌暗之灾(第21到29 节)。Á乌暗,tī圣经中表示死亡。因为án-ne,当chit-ê乌暗来临ê时,已经teh暗示to̍h是teh beh来临ê是koh khah大灾难—头胎者死。

Chit十个大灾难是真有秩序排列出现,而且严重性是渐渐升高;tùi水变成血→水鸡→虱母→胡蝇→瘟疫(kan-taⁿ限tī家畜身上)→疮→冰雹→草蜢→乌暗,然后是死亡。Á草蜢ê灾难,会hō͘ in陷入iau饿ê痛苦中。

第1到2节,上帝ài摩西koh一pái去见埃及国王,虽然国王kah伊ê臣仆心刚硬,m̄-koh上帝却ài in认bat对敌上帝会带来严重ê灾难。另外一方面,上帝mā ài摩西kā chiah-ê埃及人所领受tio̍h ê灾难,当做教材来教导了后代ê kiáⁿ孙,谨记一件事:bē-tàng对敌上帝,成做上帝ê敌人。

第3到6节,摩西每pái去见埃及国王,就是ài国王hō͘以色列人离开埃及,去旷野敬拜上帝。伊提出严厉ê警告,若国王iáu是拒绝,会面临严重ê草蜢灾难侵袭,致使全国寸草不留,而且chit种严重性,其恐怖情景是埃及国王ê「祖宗从来m̄-bat见过ê」。

第7到9节,chit-pái连过去hiah-ê国王身边ê鹰派臣仆mā建议国王hō͘以色列人离开,免得造成koh khah chē ê麻烦。第7节讲出埃及国内众官员心内ê惊惶,因为tī前几pái ê灾难中,in bat亲身体验上帝惩罚人ê威力,因为án-ne,当in听tio̍h摩西传出上帝koh beh惩罚in ,就惊惶(参考九:20),因为每pái灾难来临,连in mā受灾(参考八:3—4、21,九:14)。In提醒埃及国王tio̍h清楚知影,「埃及已经teh beh惨死à」。国王就án-ne叫摩西kah亚伦去问,到底是甚么人beh去敬拜上帝?其实伊问chit-,已经teh说明伊ê心内真m̄情愿,而且希望留落来一kóa人质tī手中。M̄-koh摩西ê回答真清楚,是全部ê包括所有ê cheng-seⁿ lóng tio̍h去,这表示in tio̍h离开,m̄是暂时ê、目nih-á ê,却是永远离开埃及。摩西强调he是「过节」,表示这是真重大ê节期,是全体以色列人lóng tio̍h参加ê宗教信仰活动,包括家畜mā在列,原因是需要献祭。Koh讲,守安息日,á是其他重大节期,连cheng-seⁿ动物lóng tio̍h跟tòe歇困。因为án-ne,带出去,in chiah ē-tàng知影tó一kóa thang活动,tó一kóa bē-tàng。

第10到11节,国王一听摩西án-ne讲,就清楚知影若放以色列人án-ne离开,就无可能tńg来à。因为án-ne,伊强烈反应,一定tio̍h kā妇女kah gín-á留落来,只准「男丁」离开。所讲ê「男丁」是指年满二十岁ê cha-po͘人。Chia讲埃及国王只准摩西带以色列人中ê男丁去,是非常奸巧ê计谋,因为只hō͘男丁离开埃及是无法度延续后代ê。换句话讲,伊chit种作法,kah灭族ê手段明明是同出一个法度。

第12到15节,就án-ne,上帝ài摩西施行神迹奇事,果然草蜢tùi四面八方飞到埃及,「盖tòa大地;地上一片乌暗」,真正是所谓「草蜢过境,寸草不留」,in ê厉害用脚头u想mā知。即使现今科技hiah-ni̍h发达,tú-tio̍h「草蜢过境」mā仝款束手无策。草蜢带hō͘人类siōng大ê威胁,就是食了了所有农作物会死亡,严重波及人类生存ê需要。

第16到20节,这是国王第二pái认错,第一pái是tī第九章27节。Chit-pái国王表示承认得罪上帝,mā失礼摩西。伊mā承认chit-pái ê灾难是「致命ê惩罚」,伊恳求摩西向上帝祈求「赦免」,解除chit-pái ê灾难。摩西接受埃及王ê道歉,就án-ne向上帝祈求,上帝就是hiah-ni̍h轻易就ē-tàng kā所有ê草蜢消灭殆尽。这mā说明,tùi上帝来,上帝收tńg来。M̄-koh想beh用人ê能力收tńg来上帝所创造之物、阻挡上帝命令之行为lóng是愚戆无知ê。



经文:

出埃及记 10:21-10:29

注释:

这是第九个灾难—乌暗之灾,mā是第三组灾难中最后ê一个。Ná亲像头前所出现ê,上帝有特别ê能力,hō͘乌暗kan-taⁿ只有tī埃及人khiā起ê所在,tī以色列人民khiā起ê歌珊,却无chit种灾难。

乌暗,就古早人看起来,ná亲像末日ê来临仝款。乌暗mā teh代表罪恶ê意思。

第21到23节,上帝ài摩西「向天空举手,乌暗会罩tiâu埃及全国」,以色列人khiā起歌珊mā是tī埃及国内,m̄-koh第23节却讲「以色列人所tòa ê所在lóng有光明」。Koh一pái说明分别出埃及人kah以色列人之间ê差别。

Chia ê「乌暗罩tiâu埃及全国」,chit句tī中文《和合本》译文是「这乌暗kah-ná摸会tio̍h」,意思是teh指乌暗ná亲像一块硬版,á是真厚,用手lóng ē-tàng感觉出来。

Á第23节讲,以色列人khiā起ê所在大放「光明」,埃及人所khiā起之却是暗到伸手无看tio̍h五指,这形成极大ê对比;就是「乌暗kah光明」ê对照。

第24到26节,摩西跟tòe事件ê演变,伊ê态度jú来jú强猛。埃及国王召见伊,并且表示thang hō͘以色列人民全部离开,m̄-koh一定tio̍h kā「牛羊」留落来。这是真荒谬ê事,因为摩西一再表示in离开埃及,是beh去旷野敬拜上帝,á敬拜上帝,一定tio̍h献祭,无牛羊,就无法度进行献祭礼仪。chit-má ê摩西,tùi过去开始只要求「thang hō͘上帝ê子民tī旷野敬拜上帝」(参考七:16),到beh出埃及ê时,m̄-nā是人民,包括「老ê、少年ê」,以及cheng-seⁿ lóng tio̍h带走(参考十:9),chit-má伊回应埃及国王ê讲词,是强调牛羊「连一头lóng m̄留落来」(参考十:26)。因为过去ê灾难带来ê影响非常大,埃及人差不多无粮食、cheng-seⁿ thang用。chit-má摩西m̄-nā tio̍h带以色列人出走,连cheng-seⁿ lóng tio̍h带走,这对民生物件已经陷入困境ê埃及人来讲,无异是雪上加霜。

第27到29节,国王一听摩西án-ne讲,koh khah是受气,伊ê心koh khah刚硬,伊真受气下令摩西「滚」开,伊无想beh koh「看tio̍h」伊,并且威胁讲若koh再看tio̍h伊,就beh伊ê命。Á摩西mā清楚ê回应,伊真正bē koh再看见伊。因为已经连续九pái ê灾难,lóng无法度hō͘埃及国王醒悟过来。看起来,一定tio̍h上帝出重罚chiah有办法hō͘伊放开双手,hō͘以色列人民离开。


经文:

出埃及记 11:1-11:3

注释:

Chit章ê第1到3节是「以罗伊」ê资料,第4到8节是「耶和华」ê作品,第9到10节则「祭司文献」。

Chit章经文主要是teh预告埃及地会发生siōng大ê灾难――头胎ê lóng会死亡。而且范围扩大到连「tī挨磨间做奴工ê女婢所生ê kiáⁿ,lóng tio̍h死亡。头胎ê cheng-seⁿ mā lóng tio̍h死亡」。相对ê,tī以色列人中,连狗kah cheng-seⁿ lóng bē有任何ê性命危险。Á tī埃及遍地lóng会有「大声哮ê声音」出现。这是极大ê对比!对当时国势相当强盛ê埃及来讲,chit-pái ê打击无疑是相当大ê。

上帝讲chit-pái ê灾难kā是最后一pái。Á chit-pái ê灾难了后,埃及国王tio̍h用赶ê方式,hō͘以色列人民离开,因为深惊in慢慢á行,hō͘灾难继续扩大。

Chit-ê灾难,就是死亡,而且全国所有头胎生ê lóng tio̍h死去,包括人kah一切cheng-seⁿ动物在内。

第3节真特别,thang对照民数记第十二章3节讲:第3节真特别,thang对照民数记第十二章3节讲:「Hit-ê 摩西做人非常温柔,赢过世上ê 众人。(全民版)」Tī出埃及记第九章20节讲有一kóa官员相信摩西,á tī第十章7节soah讲国王ê臣仆向国王反应,希望ē-tàng hō͘以色列人民离开埃及,in甚至质问国王讲:「Kám讲你m̄知埃及已经teh要惨死à?」连续ê灾难,以及上帝藉tio̍h摩西所行ê神迹奇事,致使埃及人民kah官员对摩西有真特别ê看法,in chit-má态度转变成做:埃及人尊敬以色列人;埃及「官员kah人民lóng尊崇摩西为伟人」。


经文:

出埃及记 11:4-11:8

注释:

第4到8节,摩西对埃及国王讲上帝beh亲自「巡视埃及」,这表示上帝beh亲自落来进行审判ê工作。第5节特别提起上帝惩罚ê方式,是hō͘埃及每一个大kiáⁿ,上到准备ài「继承王位ê太子」,下到「挨磨á间做奴工ê女婢所生ê kiáⁿ,lóng tio̍h死亡」,甚至连「头胎ê cheng-seⁿ mā lóng tio̍h死亡」,这会成做「空前绝后」ê大灾难。M̄-koh分别出来ê以色列人,kah-ná lóng无任何动静,静到连狗lóng m̄出声吠叫。Koh一pái强调上帝拣选ê子民是无仝款,是分别为圣ê子民。

第8节是摩西kah国王对话,讨论有关chhōa以色列人出埃及「条件」之siōng高峰;tùi恳求埃及国王hō͘以色列人出埃及,到变成埃及官员teh beh「跪」tī摩西面前,恳求伊chhōa以色列人出埃及。


经文:

出埃及记 11:9-11:10

注释:

虽然摩西有chiah-ni̍h清楚ê警告,埃及国王iáu-koh m̄听,拒绝听从上帝ê话。这mā teh说明人往往是án-ne,ná亲像主前第六世纪时代ê以色列人仝款,一再拒绝听从上帝ê奴仆先知ê信息(参考耶利米书六:10、七:25—26、十六:11—12、廿五:4、廿六:4—5、廿九:19)。虽然有头前九ppái大灾难ê神迹奇事发生,而且hō͘ in看见以色列人民地区lóng无任何灾难,m̄-koh in iáu是拒绝相信,因为án-ne,上帝决定用这siōng严厉ê方式来惩罚in。


经文:

出埃及记 12:1-12:11

注释:

Chit章是用「祭司文献」为主轴,包括ê资料有第1到20节、第28节、第40到41节、第43到50节。然后有「耶和华文献」ê资料,包括第21到27节、第29到34节、第37到39 节。第三种资料比较少,是「以罗伊文献」ê资料,只有第35到36节。另外第42 kah 51 节是编者附加上去ê。

Chit章siōng主要是记载以色列人tī摩西kah亚伦ê带领下,终其尾行出埃及。相配合ê,就是记载两个重要ê节期,一个是Pôaⁿ过节,另外一个是除酵节。Á chit两个节期连接做伙,有时会kā它称做除酵节,有时会用Pôaⁿ过节来说明。

Tùi chit段经文teh绍介Pôaⁿ过节tio̍h注意ê事项,á是讲遵守Pôaⁿ过节ê规律,mā thang看出「祭司文献」ê特色,就是对祭祀礼仪、律法条文、数字等非常重视。

Tùi第1节ê「tī埃及」chit-ê词,就ē-tàng看出有关Pôaⁿ过节kah第15到20节ê除酵节,lóng是siōng早ê节期,早kah tī埃及ê时chūn,就已经有一个雏(chhu)形ā。

第2节提起出埃及ê hit-ê月(名叫「亚笔月」,参考十三:4)beh做一年「月份ê开始」。因为Pôaⁿ过节是tī春分了后ê月圆以后,因为án-ne,通常lóng是tī三到四月之间。Hit时是百花齐放,一切看起来lóng充满性命ê气息。Kah巴勒斯坦地区ê人秋收了后,准备过冬ê暗雾岁末真无仝款。以色列人民用chit种方式来表示:一个新性命ê起头,就是充满希望。用chit种方式来区别in kah埃及人无仝款,也kah中东地带ê人有差别。 

第3到11节讲tio̍h有关准备Pôaⁿ过节各种tio̍h注意ê事项,包括宰杀羊只,而且thang kah左邻右舍ê人同齐享用。Á宰杀羊羔ê时间是tī日头落山ê时chūn(参考申命记十六:6),这表示一工ê开始,因为以色列人是tùi日头落山开始计算一工ê时间。因为án-ne,mā thang án-ne讲,出埃及事件表明ê乃是性命ê重生。

第7节,chit节讲beh用宰杀羊ê血抹tī门框顶,当做天使巡视ê记号。这mā是teh表示tùi埃及人中间分别出来。

第9节规定羊只有ē-tàng用烘ê,无法度用煮ê。原因是:煮ê时chūn,就一定tio̍h切做块状,若无,无可能有hit种大ê锅á。若是用烘ê,chiah ē-tàng保持kui只完整。

第11节讲「这是上主ê Pôaⁿ过节」,chit句话非常重要,表示这是属tī上帝ê工作。任何人想beh改变是无可能ê。


经文:

出埃及记 12:12-12:14

注释:

Chit段经文koh一pái说明上帝beh「巡视埃及」,不管是人á是cheng-seⁿ,只要是头胎ê lóng tio̍h刣死,同时beh「惩罚所有埃及ê神明」,因为只有án-ne,in chiah会相信in所拜ê神明是虚假ê,无用ê。

第13节是teh回应第7节所提起ê,tio̍h用宰杀羊羔ê血抹tī门框顶做辨识ê记号。这mā讲出kui个出埃及siōng重要ê记号――血。是用「血」来分别以色列人kah埃及人之间ê差别。换句话讲,是象徵上帝ài以色列人用性命来表明in kah埃及人之间ê无仝。这mā是后来申命记第六章5节所讲ê,tio̍h以全部性命ê气力敬拜上帝ê意思。

第14节,上帝ài以色列人民谨记chit工,并且ài后代kiáⁿ孙遵守chit-ê节期,当做「永远ê规例」。


经文:

出埃及记 12:15-12:20

注释:

Chit段经文是讲tio̍h除酵节ê规例。Chit-ê节期是续落去tī Pôaⁿ过节后面,án-ne,包括Pôaⁿ过节在内m̄食带酵ê物,á除酵节前后长到七工,án-ne,共计八天lóng是bē-sái食带酵ê食品。

第15节,一开始就真清楚定落来严厉ê规定,若有人m̄遵守chit-ê规定,就tio̍h tùi以色列人中除名。

第16到17节,说明出埃及ê Pôaⁿ过节kah除酵节是连接做伙,bē-tàng分开ê,食除酵ê物,mā是为tio̍h beh记念出埃及ê事件。因为án-ne,koh一pái强调除酵节mā是tio̍h列为「永远ê规例」,hō͘后代kiáⁿ孙lóng严格遵守。

第18到20节,无论是甚么人,tī以色列人中做客ê,á是奴隶等,只要tī节期中犯tio̍h chit-ê规矩,lóng tio̍h除名。


经文:

出埃及记 12:21-12:28

注释:

Chia koh一pái提起Pôaⁿ过节ê节期该遵守ê规矩。第1到14节是上帝交带摩西,chit-má则摩西对以色列人民ê领袖传达上帝所讲ê Pôaⁿ过节信息。

第21到23节,讲tio̍h用牛膝草ùn羊ê血抹tī门框顶。Koh讲,hit工暗时甚么人lóng bē-tàng离开家门。因为上帝ê天使当夜当teh进行惩罚ê工作。

第24到27节,上帝ài摩西转告以色列人严格遵守chit-ê Pôaⁿ过节ê条例,若有kiáⁿ孙问起chit件事,就tio̍h清楚hō͘ in知影chit件历史ê事件,并且tio̍h带领全家人为tio̍h án-ne感谢上帝。当摩西讲完上帝ê命令了后,以色列人民就「跪落来,敬拜上主」。

第28节,chiah-ê以色列人ê领袖,tńg来到家己ê族人中,就宣布了chit项规律,而且严格执行。


经文:

出埃及记 12:29-12:36

注释:

Chit段经文描述上帝怎样执行他ê惩罚计画,chit项惩罚mā说明埃及国王只是人而已,并m̄是甚么「众神ê kiáⁿ」,伊连家己ê大kiáⁿ lóng保bē-tiâu,koh khah免讲beh保护埃及人民。

第29到32节,tī第十一章5节提起落去到挨磨á间ê女婢ê大kiáⁿ mā难逃死亡,严重到连「牢里囚犯ê大kiáⁿ」mā无法度幸免。包括埃及国王在内,全国所有ê大kiáⁿ lóng丧失性命,chit时chūn,全国lóng惊醒,大声哮ê声音响到天顶,只因为为国王kah hiah-ê大臣心硬m̄ hō͘以色列人离开。

第31到32节是回应第十一章8节所记载ê,埃及人chit-má明白,只要以色列人停留tī埃及一工,in ê灾难就bē停止。

第33到36节,埃及人chiâⁿ实催促以色列人赶紧离开,in koh khah án怎都无法度忍受以色列人加停留一工,甚至in ài甚么,就hō͘伊甚么,包括贵重如金银珠宝、衫裤首饰等。只希望in赶紧离开。就án-ne,以色列人离开埃及。以色列人为tio̍h beh行三工ê路程到旷野去,因为án-ne,连无酵ê面团lóng带走,thang好tī旷野中食用。


经文:

出埃及记 12:37-12:42

注释:

Chit段经文ē-sái讲是结束以色列人khiā起tī埃及ê时间,mā统计in ê人数。

第37到39节,tī第37节chia讲以色列人出埃及ê人口,「kan-taⁿ男丁,就有六十万人」。In数算人口,指男丁ê时chūn,是用年龄「二十岁以上ē-tàng作战ê cha-po͘人」计算(参考民数记一:18、20),tī第三十八章26节koh一pái说明「人数tī二十岁以上ê共计六十万三千五百五十名」,chit-ê数目是用缴交圣幕负担金来算。若koh加上「真chē外族人」,chit种话,出埃及ê人数至少高达一百五十万人以上,甚至二百万人,lóng是真有可能ê数目。

第38节讲「真chē外族人」也kah以色列人民同齐出埃及。因为án-ne,出埃及并m̄是只有以色列人而已。Chiah-ê外族人真可能是以色列人ê家仆,á是埃及人ê奴隶,趁机会跟tòe以色列人出埃及。M̄-koh,chiah-ê人后来tī旷野ê时,mā时常成做以色列人维持秩序ê头壳痛人物(参考民数记十一:4)。Á摩西kah亚伦tio̍h chhōa chit一大阵人tī旷野行动,iáu包括cheng-seⁿ在内,却m̄是一件容易ê事,若m̄是上帝引chhōa,恐惊早to̍h tī旷野结束以色列民族ê性命。

第40到42节,chia讲以色列人总共tī埃及tòa「四百三十年」。这kah创世记第十五章13节;使徒行传第七章6节等等记载ê「四百年」无仝。基本上,无论是四百三十年,á是四百年,lóng teh说明he是一段真久长ê时间,á in lóng已经bē记得祖先kah上帝之间所立ê约。

第42节讲上帝「亲自保守in,引chhōa in出埃及」,这表示是上帝带领以色列人出埃及,m̄是摩西,chit点一定tio̍h清楚。以色列人就用出埃及chit工kā前一晚ê Pôaⁿ过节当做性命更新ê记号,一定会严格遵守。



经文:

出埃及记 12:43-12:51

注释:

这是第三pái提起有关Pôaⁿ过节ê条例。

第43到45节,lóng teh强调外族人bē-tàng食Pôaⁿ过节ê暗顿,有受过割礼ê Pôaⁿ过节暗顿。

第50到51节,以色列人听从上主命令摩西转达hō͘ in ,因为这是in tī苦难中被拯救出来ê性命大事,若m̄是,in会亲像埃及人仝款tú-tio̍h苦难。这mā说明听从上帝是非常重要ê性命功课。
奴隶则thang,m̄-koh暂时khiā起ê客旅、雇工lóng bē-tàng。

第46到49节,chia说明有割礼ê人chiah ē-tàng,á以色列人出世后ê第八工就tio̍h接受割礼,因为án-ne,定居tī in中间ê外族人若有受过割礼,mā thang参加


经文:

出埃及记 13:1-13:2

注释:

Chit章是用「耶和华文献」ê资料siōng chē,包括有第3到16节、第21到22节等等。「祭司文献」ê资料只有第1到2节、第20等三节。Á「以罗伊」典ê资料则只有第17到19节。

Chit章主要是teh说明除酵节ê由来,以及「大kiáⁿ」tī以色列人民中ê重要性,因为大kiáⁿ表示传承家族ê性命记号。Koh讲,chit章强调以色列人tio̍h世世代代教导kiáⁿ孙会记得出埃及ê事件。

短短两节已经讲出一个重要ê传统,就是献大kiáⁿ hō͘上帝,kah上帝刣死所有埃及ê大kiáⁿ相对照。大kiáⁿ,一直被东方社会看做siōng珍贵,因为án-ne,大kiáⁿ献hō͘上帝,表明kā siōng好ê献hō͘上帝仝款。后来,改成由利未支派ê人代替其他支派ê大kiáⁿ,但tio̍h付钱hō͘利未支派,一个人五块银á,表示赎回大kiáⁿ ê意思(参考民数记三:40—50)。



经文:

出埃及记 13:3-13:10

注释:

Chia koh一pái提起除酵节ê规律,可能因为后来以色列人进入迦南地了后,tī lim食ê方式上有改变。因为Pôaⁿ过节tùi原本严肃、无味ê餐食,chit-má变成性命得tio̍h拯救ê欢喜节期。M̄-koh若无坚持遵守出埃及ê时ê规律,就会容易bē记得上帝拯救ê恩典。因为án-ne,koh一pái强调遵守chit-ê饮食规律,就是teh表明记念上帝ê救恩。

第3到6节,「tio̍h记tiâu chit工」,因为chit工以色列人离开埃及奴隶之地。是性命脱离苦难ê日子,为tio̍h是beh感谢上帝,á m̄是用来做乐ê。离开埃及,上帝beh带领in进入迦南地,chia mā提出in将来会khiā起tī「迦南人、赫人、亚摩利亚人、希未人,kah耶布斯人ê土地」上,并且koh一pái说明he是流奶kah蜜之地。

Chia koh一pái强调,守chit-ê节期主要是teh记念上帝拯救ê恩典,应该看做siōng重要ê节期,á m̄是藉机会来lim酒作乐。

第7到10节,守chit-ê节期ê原因mā是tio̍h kā kiáⁿ孙讲,hō͘ in清楚知影chit-ê节期kah祖先离开埃及奴隶之地有密切ê关系。用chit-ê节期当做一种记号,表明有上帝大能chiah有chit-ê节期出现。Á chit-ê节期一定tio̍h年年遵守。

特别注意第9节所讲ê,beh hō͘后代kiáⁿ孙「继续暗念上主ê律法」,后来in kā chiah-ê一定tio̍h暗念ê经文kā它称做「Thema」,意思是一定会谨记在心ê经文,chiah-ê经文ná亲像出埃及记第十三章1到10节、第11到16节;申命记第六章4到9节、第十一章13到21节等等。


经文:

出埃及记 13:11-13:16

注释:

Chit段经文应该编辑tī第1到2节后面,读起来会比较顺畅。Lóng是讲tio̍h有关大kiáⁿ kah头胎牲畜献hō͘上帝ê规律。

第11到12节,chit句「上帝向以色列人民祖先chiù-chōa」,thang参考创世记第十二章4到7节。Chia特别说明「迦南地」,意指肥流奶kah蜜之地。Mā thang当做上帝赏赐ê土地,有上帝看顾保守。

第13节,chia提起「赎tńg来公驴」,因为这是真重要ê交通工具,赎tńg来ê方式thang用小羊去换。Ná亲像大kiáⁿ thang用五块银á tùi利未人赎tńg来做代价。

第14到15节,koh一pái提起tio̍h教导kiáⁿ孙认bat chit件事ê重要性,mā是一种历史ê传承教育。献大kiáⁿ kah埃及人丧失大kiáⁿ相对照,mā顺此说明上帝救恩ê意义。

第16节kah第9节仝款,lóng是为tio̍h beh谨记以色列人ē-tàng出埃及,乃是因为上帝施大能ê手chiah有ê结果,一定tio̍h感谢上帝。

经文:

出埃及记 13:17-13:22

注释:

是由「耶和华文献」、「以罗伊文献」,kah「祭司文献」等三种资料交织编辑而成。

Tùi第17节到第十四章31节,lóng是记载有关上帝怎样保护以色列人脱离埃及ê追兵。除了云柱kah火柱之外,siōng出名mā一再被以色列人提起ê就是过红海ê神迹。Tùi第17节开始,直到申命记结束,lóng是记载以色列人tī旷野漂流ê经过,chit-ê漂流就长到四十年时间。

第17到18节,因为惊以色列人tú-tio̍h困难就会对出埃及ê艰辛路径产生iáu豫,所以上帝亲自带领in行比较远ê路,mā是比较安全ê路径,免得受tio̍h非利士人ê骚扰。

注意第18节,chia提起in行ê路线是「红海」。Chia ê「红海」,是teh指「芦苇之湖」ê意思,整片是沼泽地区,并m̄是指现今「红海」。Koh讲,chit节讲以色列人出埃及ê时chūn,「已经武装好,准备随时作战。」chit种写法kah-ná无jōa正确。In原本是奴隶,无可能有武器thang随时准备作战。比较khah正确ê讲法是,in出埃及ê时,带tio̍h兵器,á chiah-ê兵器真可能就是tī in出埃及ê时,随手the̍h ê防身武器(请参考十二:36),即使无埃及ê追兵,in tī经过ê路途中,mā会tú-tio̍h想beh抢夺in ê人。另外一方面,根据第六章26节,in出埃及ê时,已经真有组织à。

第19节,chit节回应创世记第五十章25节记载约瑟临终前ê交带,ài kā伊ê骨骸带出埃及。后来in进入迦南地了后,kā约瑟埋葬tī示剑(参考约书亚记廿四:32),mā就是雅各用一百块银á向示剑ê老父哈抹ê后代买来ê土地(参考创世记三十三:18—20)。

第20到22节,以色列人离开埃及进入旷野ê沙漠地带,这是早暗温差相当大ê地域,因为án-ne,日时头上帝用云柱遮tio̍h阳光,hō͘ in bē因为án-ne被日曝所伤,暗时真冷,上帝用火柱照亮in,hō͘ in会得thang保暖,而且上帝是「行tī in头前」,hō͘ in跟tòe行。这ná亲像顾羊人带领羊群仝款,行tī羊群头前,hō͘ in thang行正确ê路径。

经文:

出埃及记 14:1-14:9

注释:

Chit章记载以色列人离开埃及后,随时tú-tio̍h一件siōng hō͘ in担心ê事,就是埃及国王派兵出来tui-jiok。而且是tī in行到红海边界ê时,埃及追兵赶到à,chit时,in面临前无路,后有追兵ê生死关头,就tī chit时chūn,全能ê上帝施行奇妙神迹,分开红海ê水,hō͘ in ē-tàng安然行过,m̄-koh用红海ê水,淹灭了所有埃及ê追兵。

Chit章mā结束loh以色列人kah埃及人之间主人kah奴隶ê关系。

Chit段经文描写埃及国王听tio̍h以色列人已经逃离埃及,随时就派出精锐部队tui-jiok。

第1到4节,上帝指示摩西带领以色列人行到「密夺kah红海之间,靠近巴力・洗分ê比・哈希录」,chiah-ê地名lóng已经无法度考证。上帝故意ài摩西带领以色列人行chit条路线,是beh hō͘埃及追兵有错误 ê判断。Á埃及国王ê「心刚硬」,是因为伊认为若抵挡不过上帝ê能力,会hō͘伊tī埃及人民间无法度拥有神明权威,因为án-ne,jú想jú受气,就决定派兵去tui-jiok。

第5到9节,显然地,埃及国王后来知影以色列人已经离开埃及,会有chit种记事,真可能是因为伊丧失大kiáⁿ,心痛无停,无人敢向伊报告chit件事,mā因为全国lóng处tī痛失大kiáⁿ ê气氛下,hō͘以色列人会得thang逃脱。因为án-ne,当事件过一段时间,伊开始整军追缉,对伊来讲以色列人离开是「失去一阵奴隶」,表示以色列人是埃及ê廉价劳力。Chia讲埃及国王率领ê军队是非常精锐ê部队。

经文:

出埃及记 14:10-14:20

注释:

当以色列人看见埃及ê追兵赶起来ê时,in惊恐ê程度,是ē-tàng想像会tio̍h ê。Mā tùi chia开始,看tio̍h以色列人chiap-chiap抱怨ê声音,lóng teh表示in早已经习惯过奴隶ê生活à。

第10到12节,in向摩西埋怨,认为死tī埃及总比死tī旷野好。因为旷野会hō͘ in死无葬身ê所在。其实,in是宁可做奴隶,mā无愿意为自由á死tī旷野。

第13到14节,摩西真清楚ài in m̄免惊,tio̍h对上帝有信心,因为上帝既然带领in出埃及,必定会帮助in脱离埃及ê威胁。

第15到18节,上帝ài摩西kā伊手中ê杖伸向红海,上帝beh带领in过红海。这是jōa-ni̍h-á伟大ê神迹ah!无任何神明有chit种能力。

第19到20节,上帝差派天使用云柱kah火柱,保护以色列人隔开埃及ê追兵。为tio̍h是beh带领以色列人行过红海。

经文:

出埃及记 14:21-14:25

注释:

Chia是上帝分开红海ê水,开出一条大道,hō͘以色列人行过红海海底。

第21到22节,上帝创造风,风mā听从上帝ê命令,吹干了红海ê海水,á hō͘以色列人thang平安地行过去。

第23到25节,埃及ê追兵看见以色列人行入海底,in mā tòe行入海底,包括in所有ê军队装备lóng沉无海底。M̄-koh就tī chit时chūn,上帝hō͘ in ê战车全部陷入海底ê泥沼中无法度弹动。

「上主帮助以色列人攻打咱。咱赶快逃走!」chit句话说明埃及追兵chit时chiah发见in虽然有精锐ê部队,mā不敌上帝ê手。

经文:

出埃及记 14:26-14:31

注释:

就tī in陷入海底泥沼中,上帝koh ài摩西伸手向海,hō͘海水合并淹灭埃及大军。

第26到29节,这是上帝koh一pái指导摩西怎样kā海水复合起来。他ài摩西伸手向海底,结果海水合lóng过来,埃及ê军兵想beh逃离,lóng来不及,因为án-ne全军覆无沉tī红海ê海底,「一个mā无存留」。相对ê,以色列人全部lóng平安行过红海。Chia就结束loh埃及kah以色列人之间ê关系。

第30到31节,以色列人亲目睭金金看见上帝行奇妙ê神迹,chit时,in是koh khah敬畏上帝,信赖上帝,同时mā koh khah信赖摩西。

Ná亲像诗人所讲ê,人无法度óa靠军事武力来phah赢别人,上帝会拯救敬畏伊ê人。

经文:

出埃及记 15:1-15:12

注释:

Chit章是用「耶和华文献」ê资料为主轴(包括有第1到18、27节),「以罗伊文献」(第20到21节、25节b句),kah「祭司文献」(第22到25节a句、26节)三种资料,加上编辑者附上ê第19节混合编辑而成。

Chit章主要是记载以色列人民teh歌颂上帝伟大ê拯救,hō͘ in脱离埃及人ê手。In用诗歌讲述上帝用大能ê手带领in出埃及,koh tī极危险ê时chūn,koh用奇妙ê神迹击退埃及ê追兵。

Tī chit首歌颂ê诗歌中,咱看tio̍h一个非常重要ê信息:上帝就tī以色列人民中间,kah in同行。这mā是基督教信仰siōng重要ê信息之一:上帝就tī咱生活中间,每一工kah咱同在,kah咱行过每段ê时刻、每一个路程。

一般来讲lóng确认chit段诗歌是摩西所写ê。Á第13到18节真可能是后代加笔。因为tī第13节ê「引chhōa in到你ê圣地」,以及第18节ê「做王」无亲像是伊ê经历,前者,in chiah tú出埃及,后者提起ê以色列人民之君王观念,tī旷野ê时iáu未成熟,是进入迦南地安居一段真长时间了后,tī先知撒母耳时代chiah发展出来(参考撒母耳记上第八章)。Chit段诗歌主要是teh歌颂上帝用他大能ê手带领以色列人出埃及,并且平安地行过红海,koh hō͘埃及ê追兵lóng淹灭tī大海中。

第1到3节,开始就讲这是一首相刣胜利ê诗歌。「战马kah骑兵」,这lóng是teh形容埃及精锐部队。第2节tùi「我ê上帝」到「阮老父ê上帝」,这表明上帝就是kah以色列人民之间有永远之约ê上帝。以色列人民mā ài用「战士」来形容上帝是会为in相刣ê神(参考申命记一:30—31,撒母耳记落来五:23—24,历代志下二十:17)。Tī以色列人民ê观念中,只要上帝kah in出兵,一定phah赢。因为án-ne,每pái出兵相刣,一定tio̍h先询问上帝ê旨意(参考列王记上廿二:5)。

第4到5节,chit两节thang参考第十四章6节、第8节、第27到28节。Chia ê第4节讲「Kā siōng杰出ê军官淹死tī红海」,chit句话回应了第十四章7节,埃及派出精锐战车部队,m̄-koh结果lóng像第5节所讲ê ná亲像「石头沉入海底」。

第6到10节,chit段经文描述上帝ê大能,m̄是人ê能力所ē-tàng抵挡。Mā说明上帝创造之物,lóng会听从上帝ê命令kah指挥。海洋ê水,经由上帝ê受气一吹,就会亲像墙壁仝款竖立起来,海底mā因为án-ne变做干地。当上帝koh一pái pûn气,海水照常听从上帝ê命令,重新复合起来,就án-ne淹灭了埃及所有ê追兵,hō͘ in「像铅沉无tī深水中」,表示永远葬身海底,á是讲因为对敌上帝á被落到深渊ê所在。

第11到12节,chit两节mā反应出埃及王kā家己当做神明hō͘人民崇拜,m̄-koh tī chia真清楚指出,伊m̄是真正神,伊只是人而已,若无伊带来tui-jiok以色列人民ê精锐部队就bē葬身海底。

经文:

出埃及记 15:13-15:18

注释:

头前有提起过,chit段诗歌真可能是后来加添入去ê,并m̄是摩西本来ê诗歌。因为第15节出现「以东」、「摩押」、「迦南ê居民」等名词,chiah-ê lóng m̄是过红海chìn前出现ê,却是进入旷野漂流了后chiah有ê。不过真清楚,chit段诗歌已经讲出当以色列人民行过红海,á埃及ê追兵lóng葬死海中ê事,确实是震撼了当时迦南地kah旷野地区真chē民族、国家。In开始担心以色列人民mā会亲像án-ne造成in重大ê伤害。

第13节,chia讲上帝有「无变ê疼」,chit句话讲出上帝爱ê特性。Tī圣经中,chit句形容上帝有「无变ê疼」ê用词一再出现。特别是tī诗篇中出现siōng chē,á先知ê文献mā bē少。

另外一方面,上帝「无变ê疼」mā kah「约」连做伙。上帝kah他ê子民所立ê约,就是建立tī爱ê基础上,而且无变ê疼,chit-ê约chiah ē-tàng成做永远ê约。

第14到16节,讲出以色列人民chiah经过红海,iáu未进入迦南地,就已经hō͘迦南地ê人,kah旷野中hiah-ê民族、部落lóng胆战心惊,m̄知án怎chiah好。Chit种吓(heⁿh)惊,并m̄是因为以色列民族真强悍,却是因为上帝亲手带领in,为in相刣,chiah hō͘埃及全军覆无,án-ne chiah是hō͘迦南地kah旷野之地ê民族吓(heⁿh)惊ê原因。

第17到18节,chia所讲ê「你ê山」,是teh指以色列人民khiā起ê迦南地。因为海岸线被非利士人控制tio̍h,直到大卫王时代chiah全部落tī以色列人民手中。M̄-koh因为是tī离海岸khah远ê丘陵地,反而成做比较安全ê所在,mā tī chit-ê地方,上帝栽培in、看顾in。因为án-ne,以色列人民心中一直存在tio̍h一个重要观念:上帝就是in君王。后来chit-ê观念开始有改变,tī先知撒母耳时代,in要求为in设立君王来统治in(参考撒母耳记上第八章)。

经文:

出埃及记 15:19-15:21

注释:

前一首hông称做是摩西ê诗歌。Chia忽然记载出现摩西有一位阿姊美莉安,伊带领以色列人民跳舞唱歌颂赞上帝。

第19节,chit节ē-sái讲是讲头前诗歌ê浓缩,mā是美莉安tī第21节带领以色列妇女唱歌颂赞上帝之诗歌ê序言。

第20节,chia讲美莉安是亚伦ê阿姊,伊同时mā是一位「先知」。民数记第十二章2节记载上帝mā对美莉安讲话,传达上帝ê信息hō͘人民。因为án-ne,伊tī以色列人民中间ê地位是lóng受尊崇。

Chit节mā讲美莉安带领以色列妇女「the̍h-tio̍h铃鼓」,然后带领跟tòe伊ê妇女「一面phah鼓,一面跳舞」。这mā是一种表示极大喜乐kah性命得tio̍h重生ê雀跃方式。

第21节,诗歌讲上帝「得tio̍h光荣ê胜利」,chit句话说明上帝亲手kah埃及精锐部队相刣,kā埃及军队ê「战马kah骑兵lóng投进海里」,意思是phah垮了埃及追兵。

经文:

出埃及记 15:22-15:27

注释:

Tùi第22节开始,直到第十九章2节,lóng是记载以色列人民tī旷野漂流ê记事。

Chit-má chit段经文记载以色列人民第二pái ê抱怨。Ná亲像in第一pái抱怨(参考十四:10—12)仝款,显示出in确实是对上帝无够额ê信心,á是讲对上帝ê认bat相当薄弱。因为,tī埃及ê时chūn,in已经看过上帝用各种神迹奇事严厉惩罚埃及国王kah人民,koh tī行出埃及进入旷野ê时,用云柱、火柱引领保护in,以及用奇异ê神能,kā红海ê水分开,用风吹干海底,hō͘ in thang平安地行过红海,并且koh kā分开ê海水复合过来,淹死所有埃及追兵,chiah-ê神迹奇事,应该够额hō͘ in对上帝建立起绝对信心chiah-tio̍h。M̄-koh chit段经文却是teh描述in tú-tio̍h缺水就对上帝大表不满,进一步koh发出埋怨。Kui本出埃及记,就是teh描述以色列人民tī信仰上ê脆弱,甚至悖逆上帝ê旨意(参考耶利米书三十一:32)。

第22到25节,第22节thang参考民数记第三十三章8节。以色列人民连行了三工,lóng chhōe bē-tio̍h水lim,chit对进入旷野ê人来讲,是一种性命ê威胁。旷野原本就是缺乏水源ê所在,因为án-ne,以色列人民tī旷野chhōe bē-tio̍h水lim,这是thang想像ê。In来到一个名叫玛拉ê所在,这地方ê水却是「苦ê,无法度lim」。Mā因为án-ne,玛拉就表示「苦」ê意思。确实已经三工lóng无水lim,幼龄ê gín-á无法度忍受就会哭闹,á父母mā m̄知该án怎?只好chhōe摩西去。后来in每tú-tio̍h困境,就会chhōe摩西,á摩西只有ē-tàng chhōe上帝。

「摩西恳切tī上主面前祈求」,表示摩西恳求上帝伸手帮助。因为hō͘水变成thang饮用,m̄是当时ê人ē-tàng做到ê事。Á上帝mā因摩西ê代求,指示伊用一块木头投入苦水中间,结果苦水就马上变成「thang lim ê水」。

第25节讲上帝用chit种方式「考验」以色列人民。Chia ê「考验」,表示一种训练。这mā说明信心是需要一再考验、测试,人chiah会进步。Mā透过「考验」建立典章律例,hō͘ in tùi奴隶被管里,学习管理家己。

第26节,chia真清楚ài以色列人民透过chiah-ê典章律例学习怎样顺服遵行上帝ê旨意、命令。

「我是医lín ê上主」,chia所讲ê「医」表示「改变」ê意思。就是beh改变以色列人民tī埃及生活kúi-nā代后,kā所遗忘ê kah上帝之间永远ê约,重新建构起来。

第27节,in继续旅程来到一个kā它称做「以琳」chit-ê有丰富水源ê所在。

经文:

出埃及记 16:1-16:12

注释:

Chit章大多数ê资料是「祭司文献」(包括第1到3节、第6到13节a句、第16到26节、第31到35节等等),以及部分「耶和华文献」ê资料(第4到5节、第13节b句到15节、第27到30节等等)。

出埃及记siōng重要ê一个词字就是「旷野」。如果疏忽了chit-ê词,真oh了解出埃及记chit本经册ê主要含意。「旷野」,这是一个所谓「鸟不生蛋」ê所在。Tī chit种地方,水、食物lóng相当缺乏。Mā只tī chit种情况下,人chiah会想tio̍h性命所ē-tàng óa靠ê气力,绝对m̄是人家己,却是创造宇宙万物性命ê上主。Tī第十五章提起以色列人民tī书珥ê旷野行三工chhōe bē-tio̍h水lim,上帝却ē-tàng tùi无法度lim ê「苦」水中,kā它变成thang lim ê水。chit-má chit章则记载上帝Tī旷野中,tùi天顶赏赐「吗哪」kah「鹌鹑」hō͘以色列人民有饼、肉thang食。尤其是「吗哪」,ná亲像以色列人民所讲ê,he是in kah in ê祖先lóng无看过、食过ê食物(参考申命记八:3),上帝用吗哪养饲in直到进入迦南地了后chiah停止(参考约书亚记五:10—12),hō͘ in tī旷野漂流长到四十年期间,bē致使iau饿。

Chit段经文记述以色列人民tùi以琳移动到汛ê旷野。Tī chia in因为iau饿、无食物á埋怨摩西kah亚伦。上帝透过摩西hō͘ in非常明确ê回答,讲会tùi天顶降落食物hō͘ in,就亲像上帝hō͘ in有水lim仝款,chiah-ê tùi上帝来降落ê食物mā是beh「考验」in ê信心。

第1到3节,「汛旷野」,这地点到目前lóng iáu无法度明明确知影tī tó位。M̄-koh tī第十七章1节,以及民数记第三十三章10到11节等等lóng koh一pái提起chit所在。不过,chit-ê名ê意思是teh指「刺phè」。以色列人民tī chia饿了,chhōe bē-tio̍h食物,因为án-ne,埋怨起摩西kah亚伦,认为in过去tī埃及虽然是teh过奴隶ê生活,m̄-koh却ē-tàng「围坐tī肉锅食kah饱饱ê」。Ē-tàng看出in iáu-koh怀念过去tī埃及好ê物质生活。

第4到5节,chit两节真重要,mā为后来beh降落ê吗哪食物先作一个交带。M̄-koh强调上帝beh tùi天顶降落食物,是beh考验以色列人民是m̄是愿意遵守上帝ê旨意。Á chit种旨意,就是ài in「捡hit工所需要ê食粮」,只有到à第六天才ē-tàng捡两工ê份。

第6到8节,摩西kah亚伦提醒以色列人民,上帝既然带领in出埃及,就会照顾in。In埋怨ê声音,上帝lóng已经听tio̍h。伊连续讲两pái,mā teh表示是一种严厉ê警告。伊hō͘以色列人民知影,上帝会「tī暗时hō͘ in肉食,tī早起hō͘ in充足ê食物」。因为摩西teh代表上帝(参考出埃及记四:16),in埋怨摩西,等于埋怨上帝仝款。

第9到12节,第10节koh一pái提起第7节所讲ê「看见上主ê光辉」,这表示上帝出现,á是神迹显现。证明摩西警告以色列人民,in埋怨上帝ê声音,上帝lóng听得非常清楚。因为上帝就tī in面前出现。

In既然埋怨无肉食,无食物,chit-má上帝beh hō͘ in有chit两项,thang hō͘ in知影带领in出埃及ê上帝,是性命ê主宰,是in ê上帝。

经文:

出埃及记 16:13-16:21

注释:

第13到16节,chit段经文提起上帝实现他ê应允,hō͘以色列人民有肉食,tī beh暗á ê时刻,他差遣鹌鹑飞来,mā hō͘以色列人民tī天光ê晨间看见一层薄薄像霜仝款ê物件,chit种物件民数记第十一章7到9节形容是「芫荽子」,是种kah露水同齐落落来,thang kā它磨碎á是捣碎成粉,然后煮一煮做成饼。M̄-koh chit种物件ná亲像申命记第八章3节所讲ê,he是以色列人民ê祖先从来无看过、食过ê食物。Mā因为án-ne,以色列人民彼此问讲:「这是甚么?」chit句问话就是后来「吗哪」ê意义。诗篇ê作者讲「吗哪」是「天使ê食物」(诗篇七十八:25)。摩西讲这是上帝hō͘ in ê食物,m̄-koh ài in每一个人「各取所需要ê,每家ê每一个人只thang捡取两公升」。

第17到19节,当以色列人民lóng听从摩西ê吩咐出去捡了后,后来成(chiâⁿ)实经历到:捡多ê无剩,捡少ê mā不缺,每一个人所捡ê tú tú好是伊所需要ê。Tùi chia in学习tio̍h知足ê信仰功课。

第20到21节,每一个团体中,lóng是会有故意不听话ê人,chit种人lóng是用行动来表示不遵守团体规律,这tī信仰团体里,就真hō͘人头壳痛。以色列人民中间就有人对上帝ê应允表示怀疑,虽然已经亲目睭金金看见鹌鹑kah吗哪tī目睭前,in iáu是不听摩西所讲ê,只捡取每人每工所需要ê量to̍h ē-sái。In宁可捡得多,以备隔工无降落吗哪,á是鹌鹑无koh出现。M̄-koh in多捡ê,却lóng腐败à。

经文:

出埃及记 16:22-16:30

注释:

Chit段经文开始讲tio̍h安息日ê规定,一定tio̍h tī前一工kā食物准备起来,上帝会保护到第二工,hō͘吗哪kah鹌鹑bē致使pháiⁿ掉。

第22到23节,摩西叫以色列人民tī第六天拾(khioh)两工ê份,每人四公升。

第24到26节,摩西ài in tī第七工食第六天拾(khioh)储存落来ê吗哪,因为第七工是「献hō͘上主ê安息圣日」,上帝bē降落食物,即使出去拾(khioh),mā bē有任何发见。「第七工是安息日」,chia in开始学习守安息日做圣日ê规律。了后,tī十诫中chiah明文规定(参考出埃及记二十:8—11)。

第27到30节,ná亲像头前提起过ê,lóng是有人不遵守chit-ê规定,m̄ kā上帝当真。Chit种人tī一个信仰团契中,真容易成做酵母,影响一个信仰团体ê规律。上帝koh一pái对摩西讲第七工就是安息日,他ài以色列人民kah他仝款守安息日,m̄做工。

Tī一个无食物koh无水ê旷野之地, ài人民ē-tàng按照家己ê需要捡取食物,he却m̄是一件简单ê事。Beh训练chit一阵tùi埃及ê奴隶生活环境中行出来ê百万民众对上帝有信心,除非有真强ê宗教信仰纪律,若无是真oh达tio̍h chit种境界ê。这mā就是我一再强调ê,出埃及记ê经册所谈ê主题是:宗教心灵ê改革。无敬虔ê宗教心,beh带领一个缺乏食物,而且有外族人威胁生存性命ê团体,是无可能ê。

经文:

出埃及记 16:31-16:35

注释:

Chit段经文mā是后来以色列人民不时用来教导了后代kiáⁿ孙认bat上帝ê伟大,tī祖先出埃及行入旷野ê时,上帝án怎看顾、保守in。In kā chit件tī旷野食吗哪 ê事,当做是性命教材,绝对bē-tàng bē记得上帝奇异ê恩典。后来摩西mā tio̍h亚伦Kā chit种特别食物吗哪放两公升tī一个罐á内,存在「上主临在ê所在」,表示只要入去敬拜上帝,就会想tio̍h上帝怎样引领、看顾、保守in民族ê性命。Á吗哪就án-ne饲了in tī旷野漂流长到四十年时间,直到tī迦南定居。

经文:

出埃及记 17:1-17:7

注释:

Chit章是由三种文献共同编成ê;包括「祭司文献」ê资料tī第1节、第8到16节;「耶和华文献」ê资料tī第2节、第7节,以及「以罗伊文献」资料ê第3到6节等等。

Chit章主要是两件事,其一是in缺水。Tī旷野缺水是一定会tú-tio̍h ê。顶pái tī书珥是chhōe bē-tio̍h thang lim ê水,chit-má则chhōe bē-tio̍h水。上帝tùi石磐顶出水hō͘ in lim。其二是第一pái经历作战。顶pái是tú-tio̍h埃及ê追兵,chit-má则tú-tio̍h亚玛力人beh攻打in。Tī第十三章18节bat留落来一句伏笔讲:「以色列人离开埃及ê时已经武装好,准备随时作战。」我tī头前提过比较khah正确ê讲法应该是in the̍h了兵器离开埃及。chit-má则thang派上用场,因为tī旷野ê所在,必定有真chē ê原住民tī hia,以色列人民hit种庞大ê一阵人,而且男女老幼加上牲畜,难免引起当地居民ê觊觎。

Chit段经文记载以色列人民tī旷野地区不时tú-tio̍h缺水ê问题,这并m̄是第一pái tú-tio̍h,m̄-koh出埃及记作者hō͘一个范本:以色列人民tī旷野tú-tio̍h任何困难,就会埋怨,真少感谢。Kan-taⁿ会埋怨ê人,就会bē记得上帝ê恩典。这mā是后来in弃sak上帝ê原因。

第1到2节,以色列人民遵照上帝指示,离开汛ê旷野,来到一个新ê所在是「利非订」,这地点已经无法度thang考。这是一个缺水ê地区,因为án-ne,in要求摩西hō͘ in水lim。

第3到4节,以色列人民因为口渴非常艰苦心,koh开始埋怨摩西,in甚至讲出当初摩带领in出埃及,kám讲是beh hō͘ in死tī旷野án-ne失去理性ê话。表示in已经bē记得chìn前出埃及所经历到ê各种神迹奇事。Inm̄-nā是讲威胁,甚至iáu想「the̍h石头phah死」摩西。M̄-koh in bē记得,in ê chiah-ê怨言m̄免摩西转述,上帝mā lóng听见à。

第5到7节,上帝ài摩西the̍h手中ê杖击phah石磐,石磐果然流出泉水,解以色列人民ê口渴,消除了性命威胁,mā为hit所在号名「米利巴」,表示in bat怀疑上帝、抱怨上帝。后来诗人记录落来chit段软弱ê经历(参考诗篇九十五:8-9),好提醒后代kiáⁿ孙mài重复chit种khiap-sì ê经历。

经文:

出埃及记 17:8-17:16

注释:

Chit段经文ē-sái讲是以色列人出埃及后,第一pái亲自kah攻击in ê敌人交战。顶pái是埃及人ê追兵,上帝用分开红海ê水淹灭了埃及精锐部队。

Chit-pái以色列人民一定tio̍h亲自kah亚玛力人交战。Chit件事mā是以色列人民进入旷野后,发生ê第四件记事,第一件事tī第十五章22到26节,饮水ê问题;第二件是第十六章记载有关食物ê问题;第三件是第十七章1到7节有关无水lim ê事件。chit-má是第四件有关kah敌人相刣ê事。

第8到10节,摩西交带约书亚怎样挑选壮汉,准备ài kah来侵犯ê亚玛力人相刣。Chiah-ê壮汉由约书亚带兵,摩西kah亚伦、户珥到山顶去观战。

Chia第一pái出现约书亚ê名,民数记第十三章有比较详细绍介约书亚ê事。伊后来就继承摩西带领以色列人民进入迦南地。另外一个人就是「户珥」,伊ê背景资料欠缺。

第11到13节,chit段记事ē-sái讲是相刣情况激烈,起先真oh断定输赢,m̄-koh只要摩西ê手上扬,就会phah赢,下垂,以色列人民就输。这表示并m̄是以色列人民teh相刣,其实是上帝透过摩西teh相刣。摩西ê手会「酸」á下垂,表示chit-pái战争并m̄是一下á就phah赢,却是经过一kóa时间,最后有亚伦kah户珥两人ê肩膀当做摩西ê扶手,hō͘伊ê双手ē-tàng继续mài垂落去,最后约书亚带领ê以色列人民就phah了胜仗。

第14节,上帝讲ài kā亚玛力人「完全毁灭」,是因为这是一个真恶劣ê族群,申命记第廿五章17到18节án-ne记载讲:「你tio̍h 会记得lín 出埃及ê 时,亚玛力人tī 路里所款待你ê。伊tī 路里tú-tio̍h 你, 当你困苦厌倦ê 时, 伊有án 怎phah 你ê 后队,就是tī 你后面hiah-ê 软弱ê,伊mā 无惊畏上主。(全民版)」上帝ài摩西kā chit件战事记录落来hō͘后代kiáⁿ孙知影。

第15到16节,phah赢仗了后,起造祭坛感谢上帝。第15节讲「上主是我ê旗帜」,然后第16节讲「高举上主ê旗帜」,chiah-ê lóng teh表示上帝kah以色列人民同在,in就是上帝ê军队。

经文:

出埃及记 18:1-18:12

注释:

这是由「耶和华文献」ê资料,kah「以罗伊文献」ê资料互相交织编辑而成。有时真oh分得开。比较清楚ê经文是第2到4节、第10节、第15到16节、第19到21节、第24到25等节,lóng是「耶和华文献」ê资料,á第11到14节a句、第22到23节、第26到27节等等是属tī「以罗伊文献」ê资料。其他ê经文lóng是chit两种资料混合做伙编撰起来ê。

Chit章ê重要性真清楚,以色列人民从来m̄-bat有组织,进入到有系统ê组训工作。这当然kah经历过拾(khioh)吗哪、鹌鹑,以及kah亚玛力人ê作战有关。而且tùi in ê组织有十人、五十人、一百人、一千人等编制,ē-sái讲是分得相当细,对当时án-ne一支庞大民众来讲,是相当无容易ê,因为án-ne thang hō͘ in面对外族人挑战ê时,m̄免惊惶。Koh讲,tú-tio̍h欠缺食物、水ê问题ê时,mā thang真有规律kā它节制。Á对tī彼此之间发生纷争ê事,mā会好好á处理。

Chit章mā kā咱讲,替摩西献策略ê是伊ê丈人叶特罗。Koh khah可贵ê是,当伊看tio̍h摩西灵活运用伊ê策略了后,就tńg去厝里à。伊m̄是beh分享权力ê人,却是尽家己ê智慧,提供意见,并且帮助执行策略完成。Chit种心志真值得学习。

Chit段经文讲摩西ê丈人叶特罗来看伊,并且带摩西ê bó͘-kiáⁿ来kah摩西相会,算是家族团圆。

第1到7节,叶特罗带摩西ê bó͘西坡拉kah伊ê两个kiáⁿ,一个叫「革舜」,另外一个叫「以利以谢」来见摩西,án-ne,mā是摩西带以色列人出埃及后,第一pái kah bó͘-kiáⁿ相会。Tī第二章22节bat记载革舜ê出世,m̄-koh以利以谢是甚么时chūn出世,就无记录。M̄-koh tùi第4节thang推断是tī摩西逃出埃及后出世ê。

叶特罗先托人带信hō͘摩西,说明in会面ê所在是tī「圣山」。照第三章12节ê记载,这「圣山」是teh指何烈山,这mā thang讲是「上帝ê山」,意思是teh指「敬拜上帝ê所在」。

第8到12节,摩西kā chit一路行过来所tú-tio̍h ê事,lóng一五一十地kah伊丈人叶特罗报告,伊听了后,非常欢喜,就发出感恩ê诗歌。因为叶特罗是米甸ê祭司,因为án-ne,伊就pái设祭坛「献上烧化祭kah其他祭物」hō͘上帝。
经文:

出埃及记 18:13-18:27

注释:

Chit段经文说明以色列人民开始成做一个有组织ê族群,就是kah叶特罗ê建议有密切关系。虽然tī前面有kúi-nā pái提起以色列人民中间有「长老」、「领袖」(参考三:18、四:29、十二:21),表示in原本就有社群组织。M̄-koh chiah-ê人tī埃及做奴隶ê时chūn,并无甚么仲裁权。现在in离开埃及为奴之地,进入旷野漂流时代,koh khah需要建立维护族群秩序ê管理者。

第13到16节,叶特罗看见摩西独自一人teh处理以色列人民之间ê纠纷。伊问摩西是怎样一tńg来事,摩西回答是只要有两个人发生争执,就来chhōe伊排解。

第17到20节,叶特罗听了了后,认为án-ne只ē-sái摩西thiám pháiⁿ了身躯,无好。伊ài摩西先记tiâu伊应该教导人民认bat上帝ê救恩,并且遵tùi上帝ê律例kah指示,伊ê工作就是beh做chit件教导ê工作。然后kā chiah-ê处理纠纷ê事,hō͘其他ê人去做。

第21到23节,伊建议摩西采取「一千人」、「一百人」、「五十人」、「十人」等组织,每组lóng有人当领导者。这mā是后来in tī巴比伦做奴隶ê时,采用「有十个结过婚ê男人」做基础,就thang成立一间「会堂」之原因。Chiah-ê领导者一定tio̍h是「敬畏上帝、可靠、不接受o͘-se ê人」,chit种人才ē-tàng tī裁决人民ê纠纷ê时,得tio̍h肯定、信任。这mā是一种所谓「司法」体系。用chit种方式,thang真紧hō͘人民彼此之间ê纠纷得tio̍h解决,á bē积怨tī心。

第24到27节,摩西果然听从伊丈人叶特罗ê建议,就按án-ne执行管理ê政策。了后叶特罗mā就tńg去伊khiā起ê米甸。伊无介入管理ê工作。
Tùi第十九章到第廿四章,lóng是关于以色列人民kah上帝之间立约ê关系,以及上帝所颁赐hō͘ in「约」á是「法律」ê内容。Chit段经文对以色列人民kah今á日ê基督教会来讲,lóng是非常有意义而且重要。
经文:

出埃及记 19:1-19:15

注释:

Chit章ê资料比较复杂,是由「祭司文献」ê资料(第1到2节、第23到24节a句),「以罗伊文献」ê作品(第7到8节、第10节、第13节b句到14节、第16节b句到17节、第19 节等),以及「耶和华文献」ê资料(第9节、第12到13节a句、第15节、第16节a句、第18节、第20 到22节、第24节b句到25节)编辑而成,另外mā有编者加上去ê第4到6节等。

Chit一章主要是tī说明以色列人民已经来到西奈山下,chit-ê时chūn tú好满三个月。上帝beh颁赐诫命hō͘以色列人民,因此摩西要求以色列人民怎样准备接受上帝ê诫命。

Chit章开场白真清楚说明以色列人民「离开埃及,tú好teh满三个月」,来到西奈沙漠,然后tī西奈山下扎营。Tī chia,摩西上山去朝见上帝。可见摩西kah上帝之间ê关系真亲密。

第4到8节,上帝ài摩西转告hō͘以色列人民知影,上帝ài kā in当做家己拣选ê子民,m̄-koh in一定tio̍h用顶真态度遵守kah上帝之间所立ê约,án-ne chiah ē-tàng成做上帝ê子民,是「神圣ê国民,是事奉上帝ê「祭司」。就án-ne,摩西kā以色列人民ê领袖召集过来,kā上帝ê话传hō͘ in知影。Á以色列人民非常聪明,in一听上帝beh kah in立约,成做神圣ê国民,in就真一致回应讲,beh「遵照上主ê话做」。第8节清楚说明一个被上帝拣选ê人á是民族,非常要紧ê事,是「tio̍h遵照上帝ê话做」,á m̄是照人ê命令,á是人ê意思。

第5节真重要,chit节讲「全世界lóng属tī」上帝,m̄-koh只有以色列人民chiah是上帝ê「选民」,chit节已经讲出了以色列民族kah上帝之间ê特殊性。In一定tio̍h koh khah小心谨慎言行举止,遵tùi上帝ê话去行。先知阿摩司就bat指责in违背上帝ê法律诫命,因此,tī全世界所有民族中间,上帝beh先the̍h以色列人民作惩罚对象,因为in并无kā上帝ê拣选当做荣耀(参考阿摩司册三:2)。

第9到13节,chia上帝表示伊将kah摩西讲话,而且讲话ê时chūn,beh hō͘全体以色列人民lóng听得见。M̄-koh chit时chūn ê以色列人民一定tio̍h洁净己身,绝对bē-tàng jú界,因为上帝beh降临tī西奈山,in一定tio̍h真严格地保持kah上帝之间ê距离。

第14到15节,摩西kā上帝ê要求lóng转告以色列人民,ài in洁净身躯,而且洗涤衫裤,同时bē-tàng有性行为。
经文:

出埃及记 19:16-19:25

注释:

Chit段经文记载神圣ê上帝显现,当伊kah摩西讲话ê时,hō͘以色列人民看见hit种威严、神圣ê景象出现。

第16到19节,chit段记载上帝出现tī雷电交加、浓云密布ê背景下,chit时chūn有天使吹响ê号角声。以色列人民一听tio̍h chiah-ê声音就lóng「phi̍h-phi̍h-chhoah」。M̄-koh摩西带领in行出帐棚来朝见上帝。因为若是面见上帝会死去,因为án-ne,上帝用浓云密布遮tio̍h他ê荣耀ê光彩,上帝用雷电ê方式kah摩西讲话。Chit种方式,只有上帝启示ê人才ē-tàng听bat。一般人kan-taⁿ会惊惶到无法度去领受。

第20到22节,上帝降临tī「西奈山」,ài摩西上山去领受上帝beh对伊讲ê话。特别交带以色列人民一定tio̍h非常小心,绝对bē-tàng jú界á是心存「偷看」上帝ê念头。因为这必定会带来死亡。

第23到25节,上帝ài摩西带亚伦同齐上山,其他ê人民lóng bē-tàng jú界。这mā说明后来发展出来ê祭司位阶,khah赢过其他领袖、长老,其背景原因tī-chia。

经文:

出埃及记 20:1-20:17

注释:

Chit章thang讲是出埃及记siōng重要ê一章,记载有关十条诫命ê内容。Chit章全部lóng是「以罗伊文献」ê资料。kāchia记载有关十诫ê内容(第1到17节),对照申命记第五章6到22节,thang发见其中siōng大ê差别是tī第四诫有关守安息日ê规定。Tī出埃及记chia讲守安息日,是因为上帝创造天地ê关系,á tī申命记第五章soah讲是因为记念出埃及ê缘故。后者kah in进入迦南后ê生活必定有密切ê关系,in因为堕落,bē记得上帝ê诫命。因为án-ne,申命记koh一pái提醒in,bē记得上帝ê诫命,会为in带来亡国ê运命。Á bē记得上帝siōng常见ê态度,就是连安息日lóng bē记得。因为安息日是敬拜上帝ê日子,bē记得安息日,等于无koh敬拜上帝à。先知耶利米就bat严厉警告这会为以色列人民带来灭亡(参考耶利米书十七:19—27),后来果然应验ā。

另外,tī第五诫孝敬父母ê诫命上,出埃及记直接讲「tio̍h孝敬父母」,申命记则加上「tio̍h遵照我ê命令」,若án-ne做就ē-tàng「事事顺利」。

第三,tī第十诫,出埃及记讲「bē-tàng贪图别人ê房屋」chit件事pái tī第一位,m̄-koh tī申命记则「bē-tàng贪恋别人ê bó͘」列入优先。

其实,「十诫」chit位称,原本是teh指「十句话」。如果是十句话,十诫就是án-ne:
1.M̄-thang敬拜别ê神明。
2.M̄-thang为家己造任何偶像。
3.M̄-thang乱使用我ê名。
4.T io̍h谨守安息日做圣日。
5.Tio̍h孝敬父母。
6.M̄-thang刣死人。
7.M̄-thang奸淫。
8.M̄-thang偷the̍h。
9.M̄-thang做假证陷害人。
10.M̄-thang贪图别人ê财产。

Tùi顶面所讲ê十诫,mā thang kā它分做两个部分;其一是第一到四诫,这是属tī人对上帝应该有ê态度。这部分ê诫命ná亲像申命记第六章5节记载ê:「你tio̍h 尽心、尽性、尽力,疼上主— 你ê 上帝。(全民版)」Chit句话mā是kui本圣经ê基本教示。第二是第五到十诫,属tī人kah人之间ê关系。这第二ê部分mā thang以利未记第十九章18节b句所讲ê:「M̄ -thang 报仇,mā m̄ -thang 埋怨你本国ê 人民,tio̍h 疼厝边亲像家己(全民版)」kā chit两部分合起来,等于是十诫ê总和,mā是耶稣基督回答hit位教法律ê人ê答案(参考路加福音十:25— 37)。

十诫siōng基本ê结构tī第2节,chia讲:「我是上主 — 你 ê 上帝,bat
chhōa 你tùi 埃及地,tùi 做奴隶ê 家出来ê。(全民版)」Chit句话kah-ná是一个图章印记,真清楚说明这是属tī上帝ê法律,bē-tàng轻视、疏忽。颠倒地,是beh tiâu tiâu记tiâu。

第3节,「我以外,你 m̄ -thang 有别 ê 上帝。(全民版)」chit条诫命mā是大多数改革宗基督教会,以及希腊正教看做十诫ê第一诫。Mā thang án-ne讲,十诫实际上是只有一诫而已,就是这第一诫。用上帝做中心,以后ê九条诫命lóng是用chit-ê诫做基础。Bē记得chit-ê诫,其他ê lóng kā失去准则。以上帝当做人、事物等一切ê中心,chiah ē-tàng谈其他ê。

第4到7节,这是第二条诫命「bē-tàng为家己造任何偶像」。Ài beh特别注意ê是「bē-tàng为家己」,表示bē-tàng kā人看做偶像来拜。Koh讲,bē-tàng因为家己ê需要á制造偶像。Ná亲像出埃及记第三十二章记载,以色列人民为tio̍h满足家己ê需要,竟然tī旷野制造金牛崇拜。Á这金牛偶像神明,就是in tī埃及寄居生活所学tio̍h ê,是属tī生产ê神,mā是力量ê神明。M̄-koh上帝坚定ê命令,绝对无法度容忍以色列人民有chit种行为。

Chit条诫命iáu有附带要件,就是违背ê,会hō͘追究责任到kiáⁿ孙三、四代,m̄-koh顶真遵守ê,必定会得tio̍h上帝ê赐福到「千代kiáⁿ孙」。
Tio̍h注意第5节所讲ê,「恨恶」上帝ê人,其实就是teh指去拜偶像神明ê人。

第7节,这是第三诫命「bē-tàng乱使用我ê名」。「乱使用」一词,tī中文《和合本》用「妄称」,天主教《思高版本》mā是用「妄称」。Chit-ê词原本ê意思是teh指「无适当」,á是「无好ê动机」。意思是teh指不诚实ê方式,假借上帝ê名欺骗人。Chit种行为等于是teh亵渎上帝ê神圣仝款,bē-tàng原谅(参考利未记十九:12)。换句话讲,只要是用上帝ê名,无论是祈祷、讲话,lóng一定tio̍h顶真守tiâu绝对诚实ê要件。

Koh讲,「乱使用」mā是teh指称呼上帝ê名kah上帝ê本性不相符。Mā因为án-ne,犹太人就真惊惶直接称呼上帝。In认为上帝太神圣了,teh敬拜ê时恐惊因为称呼上帝ê名有误,致使亵渎了上帝ê神圣,因为án-ne,in ài用「天」来代表。这天mā teh表示创造kui个宇宙万物ê主宰ê意思。

第8到11节,这是第四诫命「tio̍h谨守安息日做圣日」。Ná亲像头前提过ê,对照申命记第五章12到15节,就会发见chia强调上帝ê创造,á申命记是为tio̍h记念出埃及脱离性命苦难á守安息日。

第七工歇困,所以六天内lóng ài认真工作,第七工歇困bē-tàng工作,包括「kiáⁿ、奴婢、牲畜,á是侨居ê外族人」等lóng tio̍h停止工作。因为人停止工作,包括奴婢在内,真自然tek,牲畜mā会跟tòe歇困停工。Tùi chia延伸出来ê,就是第七年安息年,大地mā因为án-ne得tio̍h喘息ê机会。
第12节,这是第五诫命「tio̍h孝敬父母」。Tùi这第五诫命开始,到第十诫命,lóng是讲tio̍h人kah人之间ê关系。

chit-ê诫命mā是有附带ê祝福,遵守chit-ê诫命ê人,thang tī khiā起ê土地上「享长寿」。Tùi「孝敬」延伸出来ê就是绝对禁止「咒骂父母」,chit种人一定tio̍h处死(参考出埃及记廿一:15、17)。

第13节,这是第六诫命「m̄-thang刣死人」。Chia ê「杀」原本是无任何受词,是teh指「bē-tàng杀害」ê意思,因为án-ne,伤害别人lóng是tī禁止之列。因为性命tùi上帝来,任何残害性命ê事,是一定tio̍h绝对禁止ê。

Koh讲,chia ê「杀害」,是teh指故意、蓄意ê行为。圣经中一再表示,上帝siōng无法度忍受有权力者杀害无辜ê性命。Chit款tāi-chì,上帝绝对bē赦免、原谅(参考列王记下廿四:4)。

第14节,这是第七诫命「m̄-thang奸淫」。奸淫,这是属tī男kah女之间不正当ê关系。M̄-koh mā附带有chiok厚ê宗教信仰意义。因为上帝kah以色列人民之间ê关系,就是一种婚姻ê夫妻关系。犯奸淫ê行为,等于teh侮辱对上帝忠实ê心灵。因为上帝ê子民一定tio̍h圣洁(参考利未记十九:1—2),圣洁ê子民,就一定tio̍h tùi清楚ê性关系开始做起。

第15节,这是第八诫命「bē-tàng偷the̍h」。Chia ê偷the̍h范围包括绑架别人ê奴隶。其实,chit-ê诫命mā隐含tio̍h一个基本信念:就是爱人如己(参考利未记十九:18)。这真清楚teh说明:上帝赏赐hō͘每一个人lóng够额。会偷the̍h,表示对上帝赏赐ê无信心,想beh贪得koh khah chē。Ná亲像tī旷野ê时,上帝tùi天顶降落吗哪,要求in一定tio̍h严守每工每人需要量「两公升」,bē-tàng多捡,表示对上帝绝对忠实。使徒保罗就指出,贪,就是拜偶像ê行为,chit种人不配当上帝国度ê子民(参考以弗所册五:5,歌罗西书三:5)。

第16节,这是第九诫命「bē-tàng做假证陷害人」。Chit条诫命mā说明诚实ê心灵ê重要性。假见证mā会害死无辜ê性命,等于是kah第六诫ê「杀害」仝款。为tio̍h beh防止有误判á是假证ê事发生,申命记第十九章15节规定,一定tio̍h有两个以上ê证人作证chiah ē-tàng hō͘诉讼案件成立。对tī做假证ê人,m̄免怜悯,「以眼还眼,以牙还牙,以手还手,以脚还脚」(参考申命记十九:21)。

第17节,这是第十诫命「bē-tàng贪图别人ê房屋;mā bē-tàng贪爱别人ê bó͘、奴婢、牛驴,á是其他物件。」原本是只有「bē-tàng贪别人ê财物」chit-ê句话。Teh进入迦南地了后,kā它写得koh khah细。Chia ê「贪」,指ê是夺取,用不正当ê手段得来ê。

经文:

出埃及记 20:18-20:21

注释:

Chit段经文记载以色列人民对所看见ê情景一直真惊惶。因为án-ne m̄敢听上帝ê声音。要求摩西转述上帝hō͘ in,in一定会听从。

第18节,thang参考第十九章16节、19节。确实,单单雷电交加产生ê轰轰雷声,就够in胆战心惊。

第19到20节,in对摩西表示惊惶,希望摩西去接受,in m̄敢上前听上帝ê声音。M̄-koh摩西对in讲,这是一种「考验」,为tio̍h是beh hō͘ in知影顺服上帝ê重要性。

第21节,后来iáu是只有摩西上前注意听上帝ê声音。其实,chit节mā teh暗示,摩西就ná亲像是上帝kah以色列人民之间ê「中保」仝款。

经文:

出埃及记 20:22-20:26

注释:

Chit段经文是上帝对摩西所讲,是关系献祭ê祭坛án怎建造ê事。

第22到23节,上帝koh一pái重复命令摩西提醒以色列人民,除了上帝以外,bē-tàng hō͘以色列人民为家己造任何偶像神明来拜。

第24节,chia提起tī上主「指定」当做「敬拜」ê所在,上帝会出现。Tùi chit节thang看出这m̄是tī旷野时代。因为旷野漂流时代,无可能有指定ê所在。M̄-koh以色列人民iáu是beh起造祭坛敬拜上帝。

第25节提起「bē-tàng用凿过ê石头」,表示纯洁,反应出「头胎」ê观念。意思指siōng好ê,无用过ê。表示bē-tàng用废弃ê石头。

第26节,祭坛mài有台阶,免得上台阶去献祭,致使献祭者露出下体,会hō͘人认为亵渎上帝ê神圣。后来第廿八章40到43节对祭司ê穿插就有koh khah详细ê规定,lóng是为tio̍h beh避免露出下体。

经文:

出埃及记 21:1-21:11

注释:

Chit章除了第1到3节是属tī「祭司文献」ê资料以外,其它ê lóng是「以罗伊文献」ê作品。

Tùi第廿一章2节起到廿三章19节止,lóng是tī十诫ê基础上,讲tio̍h有关人kah人之间生活ê关系。清楚说明信仰上帝,一定tio̍h用实际生活ê行为表明出来。换句话讲,疼上帝,并m̄是用嘴讲ê,mā m̄是用想ê,却是一定tio̍h tī生活上,以实际行动表现出来。Hō͘人kah人之间有一个生活准则,为tio̍h是beh回应上帝,知影上帝是位非常重视纪律ê神。

Ná亲像我tī头前讲过ê,十诫ê基础是tī第一诫,其余九诫lóng是tùi忠实tī上帝á延伸出来ê诫命。仝款ê,十诫是一切律法、规章之母,tùi án-ne延伸出真chē细节ê规定。以现代ê语言来讲,十诫就kah-ná是宪法,然后tùi宪法延伸出真chē律法、规章,为tio̍h是beh执行宪法ê精神。

Chit段经文lóng是讲tio̍h有关以色列人民kah奴隶之间应该tio̍h注意kah应有ê关系。Mā thang参考耶利米书第三十四章8到22节,讲tio̍h以色列人民过去bat tī埃及当过奴隶,因为án-ne,in koh khah应该知影怎样好款待奴隶。Bē-tàng欺压奴隶。

第1到6节,这部分thang参考申命记第十五章12到18节,其中siōng大ê差别是tī申命记第十五章ê 15节kah 18节,这是出埃及记所无ê。是teh指男性奴隶讲ê。Chia提起「第七年」,就是tùi第七日安息日延伸来ê安息年。一定tio̍h tháu放奴隶tńg去,而且bē-tàng the̍h任何赎金。Chia强调当时奴隶怎样来,就怎样tńg去。若是有奴隶无想beh tńg去,就一定tio̍h带伊去「敬拜ê场所」,意思是teh指以上帝ê名chiù-chōa,永远属tī主人,然后用穿耳洞做记号。

第7到11节,chit段经文是讲tio̍h女性奴隶kah男性奴隶siōng大ê差别,是女性一旦被卖为奴,就是终生为奴。原因是女性为奴可能会为主人生gín-á,老母有照顾gín-á ê责任。M̄-koh,女婢ê亲人thang用钱赎tńg来,除非已经被主人纳做妻妾。伊无亲像男性奴隶只要等到第七年就thang自由离开。而且规定bē-tàng kā女婢随意转卖,特别是bē-tàng转卖hō͘外族人,这lóng是teh保护女婢thang有被赎tńg来ê机会。若是买cha-bó͘-gín-á做bó͘,就一定tio̍h kui世人照顾伊,bē-tàng有遗弃ê行为。

经文:

出埃及记 21:12-21:27

注释:

Chit段经文是大家熟悉,指出人kah人之间互动ê关系,而且强调「报复性」ê惩罚,这是为tio̍h beh防止恶势力嚣张ê方式。新约马太福音第五章39到42节看tio̍h耶稣对chit种「报复性」ê惩罚有新ê无仝看法,伊强调tio̍h用疼赢过仇恨。

第12到17节,chit段律法lóng是处死刑。包括刣死人、殴打 á是咒骂父母、绑架人贩卖为奴等,chiah-ê lóng一定tio̍h处死。

第28到27节,chit段经文lóng是属tī thang赔偿ê律法条文。包括伤害对方,连奴隶mā包括tī受保护ê范围内。无法度因为当主人,就ē-tàng随便伤害奴隶。Chia mā讲tio̍h对孕妇ê保护。

经文:

出埃及记 21:28-21:36

注释:

Tùi chit段经文thang看tio̍h当时ê律法是相当进步ê。

第28到32节,特别提起牛伤害人ê赔偿问题。牛,这是当时社会ê动力,ná亲像今á日ê汽车仝款。特别值得注意ê是第32节,thang看tio̍h当时奴隶ê价码是三十块银á。

第33到36节,chia提起有人若是开井,却无kā井口盖好,致使牛驴掉入去á死去,就beh赔偿。Mā讲tio̍h两只牛相斗造成损害ê时ê赔偿条例。以上chiah-ê lóng teh说明当时社会ê生产动力,是真重要ê资产。需要用律法条文来规范。


经文:

出埃及记 22:1-22:15

注释:

Chit章ē-sái讲是继第廿一章12节后面ê赔偿条例,chiah-ê条例lóng kah人kah人之间ê财物互动á是纠纷有关。

Chit段经文siōng大ê特色就是「如果」chit-ê词,它代表ê是「无一定」。Mā就是有相对条件ê状况chiah ē-tàng成立。

第1到4节,是继续第廿一章28到36节,有关损害牛只、人á是物ê赔偿条例。Chia提起「偷」,是teh指违背十诫ê第八诫之「bē-tàng偷the̍h」,kah第十诫ê「bē-tàng贪」。一定tio̍h赔偿「五倍」ê牛,「四倍」ê羊,这lóng是非常重ê赔偿代价。特别是赔偿牛ê代价koh khah重,因为牛m̄-nā tī宗教祭祀礼仪上有价值,tī种作上koh khah是重要ê动力来源。若赔偿不起,就beh用当「奴隶」ê代价来兑换。

注意第4节提起,若夜间侵入别人厝里,tùi án-ne被刣死,杀伊ê人无罪。因为无清楚侵入者手上是m̄是有凶器,m̄-koh tī日时头就需要负起刣死人ê罪责。

第5到6节,提起造成别人ê田园损害,应该有ê赔偿条例。无论chit种损害是来自牛羊等动物,á是烧田园刺phè造成别人田之损害,赔偿是无法度减免ê。

第7到8节,tùi chit两节mā thang看tio̍h早期社会已经发展出「信托」ê社会制度。注意第8节、第9节,kah第11节等等,lóng提起tī纠纷发生ê时,「一定tio̍h敬拜ê场所chiù-chōa」,tī中文《和合本》圣经是用「审判官」,意思是仝款ê。因为敬拜场所指ê是用上帝做中心ê所在。审判官乃是teh替上帝施行公义ê审判。无论是审判官,á是敬拜上帝ê所在,其所面对ê lóng是上帝对人内心ê鉴察,bē-tàng造假。

第9节,讲tio̍h财产ê纠纷案,一定tio̍h尊重裁判者ê判决。

第10到13节,讲tio̍h家畜动物ê托管问题。除非有人thang来证明保管者是tī无法度抵抗之下,亲像有抢匪来夺取,á是野兽吞食之chhun落来骨骸等造成ê损失,若无保管者就一定tio̍h赔偿。

第14到15节,借用物件造成损害ê赔偿条例,有主人在场,thang m̄免赔偿,m̄-koh主人不在场,就需赔偿,赔偿ê时thang tùi租金中扣除。

经文:

出埃及记 22:16-22:31

注释:

前段经文lóng是kah家畜动物有关,chit段经文则人kah人之间ê互动关系,以及人kah上帝间应该有ê基本准则。

第16到17节,这是关系男女之间保持纯洁ê关系。主要teh保护cha-bó͘-gín-á。虽然圣经时代ê妇女地位低,m̄-koh mā bē-tàng随便欺负。

第18到20节,chia有三项死刑,包括行邪术ê cha-bó͘人;kah动物性交;拜偶像等。后来摩西律法对行邪术有koh khah明确ê规定,包括占卜、念咒(参考利未记十九:26)、问鬼神á是死人阴魂(参考申命记十八:10—11)等,lóng属tī行邪术范围。

第21到27节,thang看出摩西律法ê人性化,mā是非常人道ê律法规范,即使tī今á日,chit种律法mā是非常先进。Chit段律法明确规定,bē-tàng欺负、虐待外侨、孤儿寡妇,对待sàn-chhiah人tio̍h仁慈等,chiah-ê lóng是beh提醒以色列人「bat tī埃及寄居过」,应设身处地为别人设想。

第28到31节,koh一pái表明对上帝ê忠实,应该会记得感恩ê态度。第31节提起bē-tàng食「被野兽裂碎ê牲畜ê肉」,原因是chit种肉有含血,依规定bē-sái食有含血ê动物ê肉,因为血teh代表性命(参考利未记十七:14)。

第31节用立约ê语句结语,说明以色列人就是上帝ê子民。

经文:

出埃及记 23:1-23:9

注释:

Tùi第廿二章19节开始,直到第廿三章19节止,lóng是用「bē-tàng」当做生活kah工作规范ê准则。

Chit段经文是kah社会公义有关。

第1到3节,提起公义是非常重要ê社会生活准则。除了重申十诫ê第九诫外,mā bē-tàng偏袒任何人,特别是若发见多数意见错误,mā bē-tàng随从,就算sàn-chhiah人有错mā仝款。

第4到5节,若编辑tī第廿二章15节后面,读起来会koh khah顺畅。Chia讲牛kah驴,lóng是真珍贵ê社会资产,就算是属tī「仇敌」ê,mā bē-tàng见死不救。Án-ne做,mā等于teh消除á是降低彼此之间ê仇恨。

第6到8节,kah十诫ê第九诫有仝款ê意思。第8节koh一pái回应第2到3节所提ê社会公义。

第9节,「滋味」,表示心中ê感受。Beh提醒以色列人寄居tī埃及ê时所受ê虐待,现若有人寄居tī in中间,á是被卖hō͘ in做奴隶,就应该tńg来想家己bat tī埃及当过奴隶ê经验。

经文:

出埃及记 23:10-23:13

注释:

Chit段经文kah十诫ê第四诫守安息日条例有密切关系。

第10到11节,kā第七工ê安息日,延伸到第七年ê安息年。Beh hō͘土地休耕。土地tī休耕期间自然生长出来ê食物,thang养饲sàn-chhiah人kah野兽,包括果园mā是仝款。换句话讲,人一定tio̍h考虑m̄是只有家己而已,iáu有土地kah kah人生活做伙ê野兽。

第12节,koh一pái提起十诫ê第四诫之规律。

第13节,kah十诫ê第二到三诫有关。

经文:

出埃及记 23:14-23:19

注释:

Chit段经文简略地提起三个重大节期,包括Pôaⁿ过节、五旬节kah Tòa棚节等等。有关chit三个节期ê详细规律,thang参考利未记第廿三章。

第14到15节,提起Pôaⁿ过节kah除酵节。「亚笔月」,是teh指一年开始ê第一个月,tùi Pôaⁿ过节开始,以色列人用来记念离开埃及ê日子(参考出埃及记十三:4)。续落去tī Pôaⁿ过节ê隔工,就是连续七工ê除酵节。因为Pôaⁿ过节mā需要食无酵ê食物,因为án-ne,连续八天lóng bē-sái食有酵ê食物。

第16到17节,讲tio̍h采收农作物ê时,是「收成节」;á收藏农作物是「收藏节」,mā kā它称做Tòa棚节。Chia提起Tī chit三个节期,所有男丁lóng tio̍h敬拜上帝。相关规定thang参考申命记第十六章16到17节。

第18节,「bē-tàng献有酵ê饼」,因为「酵」表示酸pháiⁿ、无清气之物。牲畜ê脂肪,是属tī献hō͘上帝之物,bē-tàng保存落来。

第19节,「Kā你所收割siōng好ê初熟农产物带到上主」面前,表示用siōng好ê献hō͘上帝,这是一种信仰态度,表示对上帝赏赐性命ê尊崇。

Chia讲「bē-tàng用母羊ê奶来煮小羊」,这禁令Tī出埃及记第三十四章26节koh一pái提起,可能是kah迦南人ê宗教风俗有关。因为当时迦南人认为用chit种方式,thang hō͘土地肥,增加农产品ê收成。

经文:

出埃及记 23:20-23:33

注释:

Chit段经文是对顶面所讲律法、规例ê结论。经文中以「守法」kah「不守法」之间ê差别分别清楚。基本问题iáu是tńg来到第一诫ê忠心tī上帝。

第20到23节,一再出现「天使」,chit-ê词mā thang用「使者」解释。Chia ê使者可能是teh指摩西,因为tī第四章16节,上帝讲摩西teh代表他,因为án-ne,反对摩西等于是反对上帝,摩西mā bat警告过以色列人(参考十六:8)。先知耶利米mā讲过类似chit种警语(参考耶利米书十一:7—8)。

第23节记载khiā起tī迦南地ê原住民族群共有六族。

第24到26节,koh一pái强调对上帝忠实ê心,是上帝子民siōng重要具备ê。第25到26节特别提起上帝beh赏赐hō͘以色列人有「食物、水」,并且beh除掉in一切ê疾病,kah妇女生育ê平安,这表示赐hō͘ in福气,人口ē-tàng增加。

第27到30节,上帝继续表示他kā赐福hō͘以色列人,hō͘ in tī迦南应允之地,成做强壮ê民族。而且照时间表渐渐带领in茁壮起来。

第31节,thang参考创世记第十章19节,这是迦南人khiā起ê地区。Chit节提起上帝赏赐hō͘以色列人ê疆界,其实,历史证明chit种疆界后来只有tī大卫王朝kah所罗门时代chiah有,m̄-koh时间并无长。

第32到33节,chia重申以色列人一定tio̍h对上帝忠实,m̄去拜迦南人ê偶像神明,mā boài hō͘外族人kah in混合khiā起,免得受tio̍h诱惑弃sak上帝去拜偶像。

经文:

出埃及记 24:1-24:11

注释:

Chit章是由「耶和华文献」ê资料(第1到2节、第9到11节)、「以罗伊文献」ê资料(第3到8节、第12到14节),以及「祭司文献」ê资料(第16到18节)编辑而成。

Chit章主要teh说明以色列人án怎回应上帝透过摩西所颁布ê chiah-ê诫命、律法、规例。当摩西对in讲上帝颁布chiah-ê诫命、律法ê时,in lóng回答讲:「上主所吩咐一切ê命令,阮愿意顺从遵行。」(第3节、第7节)这是「立约」ê基本态度。Tio̍h注意ê是,圣经teh讲上帝kah人「立约」ê时,并m̄是对等ê「约」,是上帝颁布,人一定tio̍h遵行。这清楚说明人kah上帝是m̄-tio̍h等ê位阶。创世记作者清楚表示人犯罪ê意念是tùi「会亲像上帝」开始(参考创世记三:5),m̄-koh,人「无法度代替上帝」(参考创世记五十:19)。人是上帝亲手用他ê形像创造ê,因为án-ne,一定tio̍h顺从上帝ê旨意kah命令,chit点是立约一定tio̍h清楚ê观念。

Chit章mā ē-sái讲是kui个以色列民族大整合ê一章,因为是kui个民族kah上帝立约。因为án-ne chiah有「七十个以色列ê领袖」beh上山去晋见上帝,领受上帝颁布ê律法诫命。

Koh讲,立约siōng重要ê是用性命,á性命ê记号是血(参考利未记十七:11)。

第1到2节,上帝ài「摩西kah亚伦、拿答、亚比户,连同七十个以色列ê领袖tio̍h上山」到上帝hia去。M̄-koh只有摩西一个人「thang到」上帝ê「kah前」,其他以色列人lóng bē-tàng上山。因为he是上帝ê山,是神圣ê。Á这七十个以色列领袖,就是代表全体以色列人民。

第3到8节,摩西kā上帝tī山顶kā伊讲,落山后lóng一五一十kā以色列人民讲。Á以色列人民mā真清楚ê回应讲:「上主所吩咐一切,阮一定遵行。」chia并无说明上帝对摩西讲kóa甚么,m̄-koh tī第十九章5到6节有清楚记载,上帝ài摩西转告以色列人,in若遵守kah上帝所立ê约,in就是上帝ê子民,是事奉上帝ê祭司。

摩西就tī山下「起造一座祭坛,并khiā立十二支石柱;每一支石柱代表以色列十二支族ê一族」,用献祭来表示敬拜kah顺服上帝ê旨意。M̄-koh chia并无讲摩西所写落来ê「约册」是teh指toh一kóa,是m̄是十诫?Á是包含其它所说明ê约ê内容。Tio̍h注意,摩西the̍h献牲祭ê血「hiù tī人民身上」,说明这血是「照」上帝ê诫命kah以色列人「立约ê印记」。

第9到11节,真特别,说明上帝允准以色列ê七十位代表kah摩西、亚伦、拿答、亚比户同齐上山去晋见上帝。In算是真幸福ê人, ē-tàng亲目金金看见上帝,却无死去。


经文:

出埃及记 24:12-24:18

注释:

Chit段经文有一件真重要ê事,就是kā约书亚ê角色hō͘凸显出来。

第12到14节,这两块有关上帝诫命kah律法ê石版,是上帝亲自写完交hō͘摩西转hō͘以色列人。上帝ài摩西带领约书亚上山,á m̄是带领亚伦。当摩西kah约书亚beh上去ê时,他特别交带以色列人tio̍h「tī营地」等in,直到in「tńg来」。并且交带亚伦kah户珥帮助in处理人民ê事务。

第15到18节,chia koh一pái用云彩、焰火、光辉等词来表示上帝显chit-má摩西kah约书亚面前,然后第七工,上帝呼喊摩西, ài伊进入云里,就án-ne,伊tī云里停留长到「四十暝日」之久。

经文:

出埃及记 25:1-25:9

注释:

Chit段经文以及第三十四章29节到第四十章止,全部lóng是「祭司文献」ê资料。Thang tùi chit段经文发见「祭司文献」ê特色,就是对tī祭祀礼仪ê事相当重视,特别是关系圣幕ê制造、礼仪等。其实,tùi出埃及记第十九章开始翻阅,到民数记第十章10节,差不多lóng是关系祭典方面ê事宜。

圣经作者用chit种方式teh表达一个主要观念:敬拜上帝ê事,绝对m̄-thang轻忽,ài认真、慎重。Tī旧约圣经时代,宗教信仰被看做是一个民族生存ê要件。虽然tùi chit段经文看tio̍h真chē kāu枝叶ê规矩,却mā看出对信仰ê坚持kah敬虔ê态度。

是全部祭祀礼仪kah建造圣幕ê「序言」,概略性讲tio̍h以后beh叙述ê内容。有一个基本认bat tio̍h先清楚,就是chiah-ê规定所讲ê,lóng m̄是摩西带领以色列人tī旷野漂流时代所呈现出来ê,却是teh进入迦南后,甚至经过一段相当稳定生活后chiah有ê。亲像金、银、铜等,以及染色ê各种羊毛料,并m̄是tī旷野teh过漂流生活ê时所ē-tàng制造ê物件。Á chiah-ê资料lóng是来自「祭司文献」,koh khah thang知影ná真可能是tī晚期,mā可能是接近亡国时代ê产品。Chiah-ê资料,只是beh hō͘以色列人知影,若无敬虔ê心敬拜上帝,国家真紧to̍h会沦为伊族侵犯ê对象。

第2到7节,thang对照第三十五章4到9节。Chia提起为tio̍h beh筹建圣幕kah圣幕内ê敬拜物件,是由以色列人甘心乐意奉献ê。Chia mā列出需要物件之清单。Chiah-ê物件包括大祭司身上beh穿tio̍h ê衫裤。

第8到9节,上帝表示他beh kah以色列人同在,因为án-ne,ài以色列人为他建造一个「圣所」。M̄-koh圣所内ê所有物件,lóng一定tio̍h遵照上帝旨意去做。所谓「圣所」,是teh指圣洁ê所在,因为这是beh敬拜上帝ê所在。

经文:

出埃及记 25:10-25:22

注释:

Tī造圣所ê工作上,事(tāi)先tio̍h讲起有关建造约柜ê细节。约柜内面siōng主要ê是上帝所颁布,而且亲手写ê两块记载诫命ê石版。Koh再参考出埃及第十六章33到34 节:「摩西对亚伦讲:『the̍h一个罐子,放两公升吗哪 tī罐á内,存在上主临在ê所在;这是为咱ê kiáⁿ孙留落来ê。』上主án-ne吩咐摩西,亚伦就照样作à。伊kā罐子 hē tī约柜头前,保存起来。」因为án-ne,约柜内面m̄-nā放诫命ê石版,mā放两公升吗哪。

第10到16节,讲述建造约柜ê kui个细节,包括约柜ê形状、使用ê材料。Chit种「金合欢木」,是一种会发生香味ê木材,mā因为án-ne,约柜就会发生芬芳ê气味,收藏tī内面ê吗哪,bē致使被虫食掉。希伯来书第九章4节讲约柜内面iáu放tio̍h亚伦手中ná根已经发过芽ê杖。

第17到22节,是有关盖tī约柜顶面ê盖(kòa)。Chit-ê盖koh kā它称做「施恩座」,希伯来书第九章5节讲这是「赦罪座」,意思是teh指以色列人民透过献祭,表明忏悔,上帝就怜悯in。因为án-ne,约柜ê盖子就象徵tio̍h上帝ê慈爱、怜悯kah恩典,意思lóng是teh指kah上帝和好。因为约柜内面放ê是上帝ê诫命,是上帝kah以色列人立约ê记号。因为án-ne,盖子顶面雕刻一对「基路伯」,样式真亲像「人面兽身」,而且有翼股ê怪象。Chit种基路伯ê样式thang参考以西结书第一章5到9节。创世记第三章24节讲,当人食了分别善恶ê果子了后,上帝特别差派基路伯固守伊甸园,保护性命树无koh hō͘人食到。因为án-ne,基路伯mā是上帝ê天使、奴仆。Án-ne,约柜盖子上ê基路伯,是teh代表守护约柜ê上帝奴仆。

经文:

出埃及记 25:23-25:30

注释:

讲tio̍h陈设供饼ê桌á。Chit-ê供饼ê桌á是khǹg tī到圣所内面,chia讲tio̍h有关制造材料kah规格大细。此桌á ê重要性,tùi它使用ê材料差不多kah约柜完全仝款,就thang看出来。这供桌主要teh说明:上帝会出现tī约柜顶面。Án-ne,应该有pái设供饼,表示对上帝ê敬意。利未记第廿四章5到9节说明桌顶应该pái设ê物件,包括有十二块饼,饼ê顶面iáu tio̍h sám乳香,表明是献祭hō͘上帝,而且是有含「约」意思。因为有乳香ê气味,所以表明上帝kah以色列人ê约,是香ê、美好ê。

第30节,chit节特别提起讲供桌「不时陈设献hō͘上帝ê供饼」,tī利未记第廿四章5到9节有真清楚记载关系陈设tī共桌顶ê饼ê条例,并且强调饼是teh代表kah上帝之间ê「约」。


经文:

出埃及记 25:31-25:40

注释:

是kah tī圣所里有关设置灯台ê条例。灯台上有「七盏灯」,表明ê是「神圣」ê亮光。Tī第廿七章20到21节真清楚讲,chiah-ê灯台所用ê油一定tio̍h是「siōng纯洁ê橄榄油」。因为这表明上帝kah以色列人之间ê关系,所以,一定tio̍h是siōng好ê材料。

第31到33节,chiah-ê材料lóng是纯金打造ê,而且用「对称」ê方式打造。Mā就是每边lóng有三支树枝,每一条lóng有三朵花。

第40节,ē-sái讲是teh回应第9节所提起ê,tio̍h「按照」tī山顶所指示摩西去做。Án-ne看起来,摩西上山ê时chūn,领受ê,m̄-nā是诫命而已,iáu包括关系圣所建造ê细则,因为án-ne,chiah会tī山顶停留hiah-ni̍h久。

经文:

出埃及记 26:1-26:6

注释:

是关系「圣幕」制造ê细节。「圣幕」是teh指「上帝ê居所」。因为以色列人过游牧生活,搭帐棚是in khiā起ê方式。因为án-ne,chia ê「幕」,指ê就是帐棚。
整座「圣幕」siōng主要ê功用是当做上帝kah人「相会」ê所在(参考廿五:8),á m̄是人kah人相处、会面ê所在。这kah今á日盖礼拜堂ê用意真无仝款。

基本上,「圣幕」分做两个主要部分,一是到圣所,另外一个是圣所。中间用绣有基路伯图案ê帐帷挂起来当做区隔(参考第33节)。

第1到2节,先讲tio̍h「帐帷」,这帐帷绣有基路伯ê图案,表示kui个圣所是由上帝ê奴仆基路伯teh看守。Koh讲,毛线tio̍h染成蓝色、紫色、深红色等,chiah-ê色彩lóng是非常贵重ê,特别是紫色, tio̍h采集chit种色料,明明是难上加难。

第3到6节,讲tio̍h「五」、「五十」。Chiah-ê数字表明ê是完美、好、齐全。Á「十二」代表ê是以色列民族十二个支派。

经文:

出埃及记 26:7-26:14

注释:

Kah圣所内面比较无仝款ê所在,是圣所ê幕顶是用羊毛织成ê材料,chit种材料比较耐用,thang chhut-chāi风吹雨phah。

值得注意ê所在,是tī chiah-ê羊毛织成ê幕顶上,iáu koh khah有两层盖子,一层是公羊皮,另外一层是「精美ê皮料」制成ê。

经文:

出埃及记 26:15-26:30

注释:

讲tio̍h有关圣幕ê骨架。

第15到25节,骨架基本是有榫头当做连结。Án-ne,拔营ê时chūn,mā比较容易拆开。第18节讲圣幕ê南面,kah第20节ê北面,以及第22节提起幕ê后面是「西面」,án-ne正门口就是tī东面。

第26到30节,骨架kah支柱lóng是用黄金包裹起来,底部全lóng用银á制造,ē-tàng看出kui个圣幕就是「金银」kah麻纱、羊毛织成ê。黄金tī建造「圣幕」材料中占重要ê份量,m̄-nā是因为黄金贵重,它koh khah是防止腐蚀siōng好ê建材。第30节强调这是照上帝指示摩西ê样式去做ê。

经文:

出埃及记 26:31-26:37

注释:

是有关圣幕里ê帐幔,特别是关系挂tī到圣所kah圣所之间ê帐帷,这帐帷挂tī二者之间当做区隔ê路用。

第31到35节,帐幔ê顶面tio̍h绣「基路伯」,表示有上帝ê天使teh看顾到圣所,除非有轮值祭司chiah thang进入。Tī旷野漂流时代,只有亚伦kah伊ê kiáⁿchiah ē-tàng进入。Chia mā提起kā供饼ê桌á hē tī到圣所外圣幕ê北面,灯台hē tī圣幕ê南面。

第36节,tī圣幕入口所在有帐帷,作门帘用。帐帷顶面mā有刺绣,虽然无讲刺些甚么图案,m̄-koh用脚头u想mā知,he是基路伯,表示这是神圣ê所在,有上帝使者看顾。

经文:

出埃及记 27:1-27:8

注释:

Chit章讲tio̍h圣所内面ê祭坛、庭园,以及点灯ê规则。描述kui个圣所ê建造,就是由内向外,tùi siōng内面mā是siōng重要ê到圣所开始,到圣所siōng重要ê就是约柜,然后是供饼ê桌á,续落来是灯台,koh来就讲tio̍h圣幕,chit-má soah讲到圣所外面围篱内tio̍h起祭坛kah祭坛ê庭园。

祭坛主要ê功能在tī献祭,á献祭就是敬拜中siōng重要ê礼仪之一。这祭坛是用来烧化牲礼用ê,因为án-ne chit种祭坛kā它称做「献烧化祭ê坛」(参考三十:28),另外一个名称是「铜坛」,原因是整座祭坛是用铜包裹起来(参考三十八:1—7、30、三十九:39)。

第1到5节,chit座祭坛是「四方ê」。注意第2节,chia讲tio̍h祭坛有四个「凸起ê角」,这是hō͘一无小心犯罪ê人民,thang因为摸tio̍h chit-ê角á得赦免(参考列王记上一:49—53)。不过,若是故意犯罪ê人iáu无法度得tio̍h赦免(参考廿一:14)。为tio̍h beh保护走chhōe庇护ê人,这角就beh用牲祭ê血抹tī顶面(参考廿九:12),因为血teh代表性命,thang当做赎罪ê路用(参考利未记十七:11)。

Tī chit-ê祭坛中,mā tio̍h备有献祭烧柴火用ê器具,包括有收灰ê盘、铲子、碗、肉叉、火鼎等,chiah-ê lóng是用铜制造。

第6到8节,整座坛就是用铜包裹起来,坛ê中间是空ê,真有可能是为tio̍h beh放入去土(参考出埃及记二十:24)。

经文:

出埃及记 27:9-27:19

注释:

是关系kui个围篱内ê庭园。因为án-ne,圣所ê范围是tùi这围篱内开始。
第9到13节,庭园南北各四十四公尺,物件各长二十二公尺,高两公尺两公寸,是长方形ê,高度tú好thang遮tio̍h内外ê视线,免得受tio̍h人来来去 ê影响。

第14到19节,庭园thang分做两大部分,其一就是接近西边ê中央,这是圣所ê部分,接近东边ê所在khǹg祭坛kah洗涤献祭之器皿ê铜盆(参考三十:17)。

经文:

出埃及记 27:20-27:21

注释:

这短短两节ê规定非常重要,是讲tio̍h有关点灯ê规则。Tī第廿五章31到40节讲tio̍h制造灯台ê规则,chit-má则讲tio̍h有关使用ê油料。

第20节,tio̍h「Kā siōng好ê橄榄油the̍h来」当做点灯ê材料。Tī中文《和合本》用「捣成ê清橄榄油」,chia所讲ê「捣成」,是teh指用手工榨压,m̄是用磨石á是桩捣碎ê。用手工榨压,一定tio̍h慢慢á压,过滤清除所有杂质了后,看起来非常清澈,这就是所谓siōng好ê橄榄油ê意思。

第21节,点灯工作由祭司负责,而且灯一定tio̍h tùi晚到早起lóng亮tio̍h,bē-tàng熄灭。

经文:

出埃及记 28:1-28:14

注释:

这两章全部lóng是讲tio̍h有关祭司ê事务,包括祭司ê衫裤、胸牌,以及担任祭司ê条例等。

圣所ê内外lóng完成后,koh来就是讲tio̍h tī圣所内事奉ê祭司工作。后来祭司ê编制多了,就改成分班制,每班ê负责人就kā它称做祭司长。Á统领祭司团ê人kā它称做大祭司,伊mā是耶稣时代犹太人siōng koân议会「三和林」(Sanhedrin)ê主持者,tī犹太人社会是siōng有权力ê人。

Chit章主要是teh谈大祭司ê衫裤(第2到39节),只有三节经文(第40到42节)讲tio̍h一般祭司ê服装。Tī chia大祭司由亚伦作代表,一般祭司则由伊ê kiáⁿ拿答、亚比户、以利亚撒、以伊玛等人代表。

祭司,是专门带领人学习怎样敬拜上帝ê宗教师,是介tī上帝kah人之间ê桥梁。因为án-ne,祭司有含「中保」ê意思。希伯来书ê作者讲耶稣就是「大祭司」,是人kah上帝之间ê「中保」,hō͘信靠伊ê人thang tńg来到上帝面前,领受上帝ê恩典(参考希伯来书四:14—16)。

祭司thang分做三级;一是大祭司,是祭司团体中为首ê人。通常mā hông称做祭司长。二是祭司,凡是亚伦ê kiáⁿ孙,除非身躯有残障外,一律lóng tio̍h担任祭司ê工作(参考出埃及记四十:14—16)。三是利未人,比祭司阶级小khóa低一kóa,主要是帮助祭司举行敬拜ê礼仪(参考民数记三:6、8)。

记载有关大祭司ê服装,这部分是由亚伦当做大祭司ê代表。

第1到4节提起亚伦四个kiáⁿ ê名,m̄-koh其中ê 拿答、亚比户两人后来因为tī圣所内the̍h一般ê香来烧,á被火烧死(参考利未记十:1—2)。后来大祭司ê工作就由以利亚撒kah以伊玛继承(参考民数记三:4)。

第5到14节,讲tio̍h大祭司穿ê服装kā它称做「以弗得」。Ê时到目前,这「以弗得」到底是甚么款式,iáu是真oh了解。

一般来讲,chit位词代表两种意义:一是teh指衫裤,是大祭司穿ê。M̄-koh撒母耳记上第二章18节记载先知撒母耳小时候,就穿chit种衫裤。二是teh指teh代表神像(参考士师记八:27,chia「偶像」,tī希伯来文是teh指「以弗得」)。因为án-ne,ē-tàng看出tī无仝ê经文中,以弗得所表示ê意义mā无仝。

Tī chia是teh指大祭司ê衫裤,moa tī肩头,衫裤顶面tio̍h绣宝石,顶面刻以色列十二支派ê名。大祭司moa chit领衫裤进入圣幕,teh代表引领以色列十二支派晋见上帝ê意思。

经文:

出埃及记 28:15-28:30

注释:

讲tio̍h祭司身上ê「胸牌」。这牌á为tio̍h是beh推断上帝ê旨意á配戴ê,因为án-ne,这胸牌koh hông称做「决断囊」á是「神谕袋」。仝款ê,tī顶面mā刻tio̍h以色列十二支派ê名,表示上帝所做ê每一件事lóng kah以色列人有绝对ê关系,象徵tio̍h以色列人kah上帝ê关系真亲密。

Chia提起两项物件,就是「乌陵」kah「土明」,原意已经bē-tàng考证。Tī希腊文ê译本是作「启示」kah「真理」解释。后来以色列人用此来走chhōe明白上帝ê旨意。撒母耳记上第十四章 41到42节,记载以色列王扫罗用「乌陵」kah「土明」询问上帝,为tio̍h beh明白到底甚么人犯了罪。这真类似台湾民间宗教常看tio̍h ê「筊杯」。

经文:

出埃及记 28:31-28:43

注释:

主要是讲tio̍h有关祭司ê服装。

第31到39节是讲tio̍h有关大祭司穿ê以弗得制作ê方式。以当时社会ê标准来看,大祭司ê服装相当高贵,可见in hō͘大祭司相当优厚ê待遇。

第40到41节是关系一般祭司ê服装。由亚伦ê 众kiáⁿ代表。第41节特别注明亚伦ê 众kiáⁿài tī身上抹橄榄油,hō͘圣所内献祭ê所在,lóng充满芬芳ê气息。

第42节,chia特别注明「裤beh tùi腰间落到大腿,好遮掩下体」,祭坛约有一公尺三公寸高(廿七:1),如果裤无án-ne长,当祭司行上祭坛ê时,真容易暴露下体,对敬拜ê礼仪是非常不敬ê。

经文:

出埃及记 29:1-29:9

注释:

Chit章继续讲tio̍h有关亚伦kah伊ê kiáⁿ孙当祭司ê事。Chit章主要讲tio̍hán怎chiah好办理「授职」祭司ê礼仪。以现代人ê用语来讲,「授职」ê意思就是「就任」,不过tī-chia祭司ê「授职」mā有含「分别为圣」ê意思。

讲tio̍h设立祭司ê时,应该tio̍h办理ê事项。

第1到3节,讲亚伦kah伊ê kiáⁿài做祭司事奉上帝。后来就是tùi利未支派中选出一个家族,koh再tùi chit间族中选出祭司。

第4到7节,讲祭司一定tio̍h先行洁身沐浴穿戴整齐。然后koh再kā伊按立为祭司。

第8到9节,亚伦kah伊ê 众kiáⁿ ê后代lóng tio̍h永远当祭司事奉上帝。

经文:

出埃及记 29:10-29:28

注释:

讲tio̍h按立祭司ê时,所需要办理ê献祭礼仪。主要目的就是第14节所讲ê赎罪。先有赎罪礼仪,了后chiah ē-tàng按立。因为祭司mā是人,mā有人ê软弱kah过犯(参考利未记四:1—4)。

第10到12节,ná亲像献烧化祭仝款,赎罪ê时mā一定tio̍h用献祭牲畜之血抹tī祭坛ê四角。Á按立祭司ê时,被按立者ài kā手hē tī会hō͘献祭ê公牛之头角上,表示这祭司ê罪kah chit只公牛仝款,teh献祭ê时已经死去。

第13到14节,chit只公牛除了无残缺之外,mā tio̍h kā hit内面脏siōng好ê部分取出来献祭hō͘上帝。M̄-koh牛ê肉、皮、kah肠á等lóng无法度献tī祭坛上,á是tio̍h the̍h去营外用火烧,因为这是赎罪祭,当亚伦kiáⁿ会双手khǹg tī牛角上ê时,已经表示chit只牛带tio̍h罪tī身上,因为án-ne,就无法度tī圣所内ê祭坛烧,á一定tio̍h the̍h去营外。

第15到18节,是办理所谓「火祭」ê方式。

第19到28节,第19节ê公绵羊,是用来献「平安祭」,这部分thang参考利未记第三章。第20节真特别,讲beh kā公绵羊ê血抹tī祭司ê右耳垂上,表示祭司ê耳átio̍h听从上帝;抹tī正手ê大头拇,表示祭司ài做上帝指示ê事;抹tī祭司正脚ê大头拇上,表示祭司tio̍h行上帝指示ê道路。第21节讲hiù圣油tī祭司ê衫裤顶面,表示已经「圣化」归hō͘上帝。

第24节kah第26节、第27节等等,lóng提起「特别祭物」,原本ê意思是teh指「摇祭」。意思是用双手kā祭物the̍h teh,仰头望天,双手摇动祭物,因为án-ne kā它称做「摇祭」,表示已经kā祭物献hō͘上帝,然后kā chiah-ê祭品khǹg tī祭坛上烧。

经文:

出埃及记 29:29-29:37

注释:

说明祭司传承ê重要性。

第30节kah第35节讲chit-ê「授职」礼仪tio̍h举行「七工」。「七」是象徵神圣ê意思。祭司ê职务就是一项神圣ê工作,因为是带领人认bat上帝,回应上帝ê疼,因为án-ne,纯洁、神圣ê心,是非常必要ê基本条件。

第31到34节,讲tio̍h有关祭司怎样食用祭坛顶献祭后ê食物。

第35到37节,讲tio̍h有关祭司就职ê礼仪,这礼仪mā长到七工之久。

经文:

出埃及记 29:38-29:46

注释:

提起祭司每工ê工作。

第38到41节,讲tio̍h祭司每工该做toh一kóa事,特别是每工ài准备ê祭品。表明ê意义是上帝每工早暗lóng kah以色列人同在。

第42到46节,结束祭司ê条例,koh一pái强调祭司是分别出来ê,in所代表ê是上帝kah以色列人之间ê关系。

第45到46节,koh一pái强调上帝kah以色列人之间永远ê约之关系。

经文:

出埃及记 30:1-30:10

注释:

Chit章讲tio̍h ê问题有圣所内面所需要配备ê物件,包括烧香ê坛;洗手kah洗脚用ê铜盆;制造圣油、香等物件ê规矩。

Chit段经文是有关烧香ê坛ài怎样建造ê细则。Chit-ê坛mā称做「金坛」(参考列王记上七:48),因为这是一个用黄金包裹起来坛(列王记上七:48)。

后期ê诗人讲「香」,就ná亲像是上帝子民祈祷ê声音,跟tòe香ê烟,袅袅上升到上帝hia(参考诗篇一四一:2)。是以色列人用来表示「真实ê心,祈祷tī上帝面前」ê一种象徵,表示人ê内心ná亲像「香」仝款有好气味呈到上帝面前。Mā因为án-ne,后来有一个传统,只要是轮值祭司抽签会得thang进入到圣所献香祈祷ê时,民众就会到圣所外面聚集祈祷。Án-ne,in ê祈祷就会跟tòe祭司献祭烧香ê时所出现ê烟往上升到上帝ê面前(参考路加福音一:10)。Chit座香坛是hē tī约柜前帐幔外ê中间,正pêng有供桌,tò-pêng有灯台。

第1到2节,提起chit座香坛ê形状是四方形。材质是金合欢木,kah圣所ê木材仝款。

第3到5节,chit座香坛一定tio̍h用金子包裹起来,kah约柜仝款是thang移动ê。

第6节,香坛一定tio̍h hē tī约柜头前ê帐幔外,á上帝会tī帐帷后面ê约柜出现。

第7到8节,每工ê早起kah beh暗á点香,这香绝对「bē-tàng间断」。献上香,mā有另外一个意义,表示thang用香ê气味消除上帝ê受气(参考创世记八:21)。

第9到10节,提起禁止kā制造家用香ê材料,用来制造烧hō͘上帝用ê香。后来亚伦ê kiáⁿ拿答kah亚比户,因为做chit种事,á丧失性命(参考利未记十:1—2)。

每年有一pái为这香坛举行洁净ê礼仪,一方面表示制造香ê人,可能因为手不清气,用洁净礼来表示赎罪。另外一方面,mā用洁净礼来清理一pái香坛。

经文:

出埃及记 30:11-30:16

注释:

Chit段经文就是所讲ê「圣殿税」,koh kā它称做「赎命金」。

第11到12节,为tio̍h beh执行所谓「赎命金」,上帝ài摩西进行第一pái ê人口普查。通过chit-pái ê普查,明明确知影以色列人ê数量,á chit种「赎命金」是照人口抽取,每人所beh缴纳ê数额lóng仝款。

第13节,赎命金ê税额每年每人tio̍h缴「五公克ê银á」(参考尼希米记十:32)。

第14到16节,特别强调缴交chit种税ê对象,hit年满二十岁以上ê男丁。无论背景是贫á是富,大家缴交ê税额lóng仝款。换句话讲,进入敬拜上帝ê所在,无论贫贱富贵大家lóng仝款。Chit种收入是为tio̍h beh支付维护圣所ê一切费用。

经文:

出埃及记 30:17-30:21

注释:

Chit段经文是关系制造「铜盆」ê规矩。祭司进入圣幕前一定tio̍h先洁净脚手,表示in ê手,á是主持献祭ê事,lóng是洁净ê。In ê脚tio̍h行上祭坛,因为祭坛是献祭物hō͘上帝ê所在,mā一定tio̍h洗涤洁净。

第17到18节,chia讲chit座铜盆khǹg tī圣所kah祭坛中间。列王记上第七章27到39节记载,所罗门王建造圣殿了后,共计khǹg十座铜盆,thang知影hit时祭司ê人数必定相当chē,而且献祭ê礼仪mā多,因为he是以色列民族siōng兴盛ê时代。

第19到21节,规定祭司行入祭坛办理献祭ê时,tio̍h先thǹg鞋,然后洗手、洗脚,án-ne chiah bē hō͘献祭ê物件受tio̍h污秽。

经文:

出埃及记 30:22-30:33

注释:

Chit段经文记载有关圣油ê制造方法。这圣油就是为tio̍h beh tī圣所内面点灯用ê。Koh讲用来抹tī圣幕kah圣幕内一切器具,mā有洁净、分别为圣ê用意。

第22到24节,材料是用「tio̍h the̍h上等ê香料」,包括没药、香肉桂、香菖蒲、桂皮,kah橄榄油。Chiah-ê材料lóng是当时siōng珍贵ê香料,其中没药产自印度,á肉桂产自马来西亚kah斯里兰卡,chiah-ê香料lóng是由阿拉伯骆驼商队运送。

第25节提起「用调制香水ê方法制成圣油」,可惜ê是chit-má已经chhōe bē-tio̍h当时「调制香水」ê方法。

第26到29节,chiah-ê香油除了点灯之外,mā用来抹圣所内ê器皿,包括灯具、灯台、桌á、铜座、香坛等等,只要是圣所内ê器品lóng tio̍h用圣油擦拭,án-ne,一进入圣所就会闻到一股浓浓ê香味。

第30到33节,除了顶面所讲圣所内ê器皿外,包括祭司mā tio̍h用chit种圣油擦拭。Chia特别强调因为是圣所内tio̍h用ê,因为án-ne,一定tio̍h kah厝里用ê油区隔出来,表示hō͘上帝ê圣所,kah厝里ê无仝,有分别为圣ê意思。

经文:

出埃及记 30:34-30:38

注释:

这是关系圣所内香之制造方式。Tī第1到10节记载关系制造香坛ê规定,chia则讲tio̍h tī香坛顶点to̍h ê香。

第34到35节,讲tio̍h制造香ê材料,其中「苏合香」、「香螺」是甚么物件已经bē-tàng考证。仝款ê,调配chiah-ê香料ê过程mā已经失传à。

第36到38节, tio̍h先the̍h kóa制好ê香ê粉掖tī约柜前,án-ne,约柜就会发出香味。仝款ê,chit种tī圣所内所用ê香,其制造方式、材料等等配方,lóng只有ē-tàng用tī圣所,tī家庭是bē-tàng用ê。

经文:

出埃及记 31:1-31:11

注释:

Chit章主要讲tio̍h两件事,一是第1到11节关系制造圣幕一切物件ê工匠。二是关系谨守安息日ê问题。

Chit段经文主要是讲tio̍h有关建造圣幕ê工人。Chiah-ê技工差不多ài做圣所一切器皿连祭司ê服装lóng包括在内。Mā tùi chia看出,in ê工作就是专门为圣所做工,是圣所ê专用人员。In lóng有上帝特别赏赐hō͘ in ê「聪明、才智、技巧,ē-tàng做各种工艺」,in ē-sái讲是全以色列手艺siōng好ê工匠,这mā teh表明in有tùi上帝来赏赐ê siōng好chiah ē-tàng,mā用建造圣幕ê方式回应上帝ê赏赐。 

第1到2节,「乌列ê kiáⁿ比撒列」,属tī犹大支派,犹大支派是以色列十二支派中siōng强大ê支派。伊当总召集人,由「但」支派ê亚何利亚伯当助手。

第3到5节,chiah-ê被挑选出来ê工匠ê chiah ē-tàng lóng是tùi上帝来ê恩赐,hō͘ in m̄-nā有好ê技能,mā有聪明ê 才智,ē-tàng设计chit种图案kah做精细ê工艺。

「我ê灵充满」,chit句话表明chiah-ê人ē-tàng做chiah-ê精巧手艺之工,是因为有上帝ê灵同在。Chit句话mā一再出现tī以色列人tùi受掠tńg去故乡了后(参考以赛亚书六十一:1,以西结书三:14,约珥书二:29,撒迦利亚书四:6)。

第6到11节,头前提起ê圣所内一切设施,包括桌、灯、香、油、坛、盆、约柜、约柜盖、帐幔、祭司服装等等lóng是chiah-ê工匠制造ê。而且siōng重要ê是,chiah-ê工匠虽然手艺精巧、细腻,m̄-koh「这一切in一定tio̍h一一照上帝所吩咐ê制造」。因为这是敬拜上帝ê事,需要听从上帝去进行,m̄是照人ê喜爱。因为敬拜就是承认上帝是性命ê主宰,是beh kah chit位性命ê主保持和好ê关系。

经文:

出埃及记 31:12-31:18

注释:

Chit段经文koh一pái重申谨守安息日ê重要性,疏忽安息日,等于藐视上帝ê创造仝款。Tī出埃及记第二十章8到11节ê诫命中,并无提起若是违背安息日ê命令,该怎样处理。Tī chia真清楚记载,违背者一定tio̍h处死。因为án-ne,真可能这是tùi受掠之地tńg去故乡了后,订出来严格执行ê。

第12到13节,讲出谨守安息日ê主要精神,就是teh表明以色列人kah上帝之间「永远ê凭证」,chit种凭证mā是一种「约」ê记号—上帝拣选以色列人作他ê子民。先知以西结mā呼应chit种观点(参考以西结书二十:12、20)。

第14到15节,一再强调违背安息日,不遵守这日做圣日ê人,就以藐视上帝ê命令看待,一定tio̍h处死。以色列人出埃及进入旷野了后,就bat发生违背chit项禁令ê例,因为án-ne判处死刑(参考民数记十五:32—36)。

第16到17节,koh一pái强调守安息日表示kah上帝之间有立约ê凭证,而且愿意照所立ê约去遵行。圣经一再强调kah上帝立约,是立性命ê约,chit-ê约是永远ê,而且延续到后代kiáⁿ孙,永远存在ê意思。

第18节,真清楚讲上帝颁hō͘摩西ê石版顶面,有上帝亲手写ê诫命。

Chit节mā是tùi第二十章18节开始,到chia告一个段落ê总结。Chit节mā thang直连连tī第廿四章18节后面。Mā thang kā此节参考第三十二章15到16节,lóng是强调上帝hō͘摩西ê两块法版,就是写tio̍h上帝ê十诫。


经文:

出埃及记 32:1-32:14

注释:

Chit章主要是由「以罗伊文献」ê资料构成,除了第25到29节是「耶和华文献」ê资料。Chit章主要记载以色列人背叛上帝,铸造金牛偶像崇拜,引起上帝极大ê忿怒。Koh khah严重ê是,为以色列人民铸造金牛ê,竟然是亚伦。这mā暗示了tāi先败坏ê,就是祭司,宗教信仰ê领导者,chit点是真值得今á日传道者应该注意ê事。

Koh讲,chit章mā提起利未chit-ê支派后来tī以色列民族中担任祭司chit-ê重要角色ê原因,in khiā tī摩西chit-ê边,替摩西执行惩罚背叛者ê工作。

Chit段经文描述以色列人违背kah上帝之间所立ê约,竟然是趁摩西上山去领取上帝ê诫命ê时,in对亚伦施压, ài伊为in铸造金牛偶像来拜。

第1节,thang参考第廿四章18节,讲摩西tī上帝ê山顶停留「四十工」。这「四十」ê数字,thang表示一段适当ê时间。以色列人因为thèng候siuⁿ久,对摩西失去信心,认为摩西已经发生不测。因为án-ne,感觉无平安,想「造个神明」来带领in。Chia ê「神明」一词,tī第4节、第8节、第20节、第31节等等,lóng使用「复数」名词,表示「多位神明」。因为án-ne,第1节chia所讲ê「造个神明」,是teh指「造一kóa神明」ê意思。这mā表示chit种神明是用人ê手造出来,表示chit种神明是假ê,m̄是万物ê创造主上帝,却是bē动、kan-taⁿ会增加人ê负担ê偶像而已(参考以赛亚书四十:18—20、四十四:9—20,耶利米书十:1—5、9)。

第2到4节,亚伦收集以色列人the̍h出来ê金耳环,伊就为以色列人铸造「一头金牛」hō͘ in崇拜。

为甚么亚伦ài án-ne做?真可能以色列人聚集到伊面前ê时,带tio̍h威胁ê口气讲ê。Koh讲,可能kah in仝款,等摩西chiah-ni̍h久,家己mā会失去信心。

「金牛」,这是埃及人认为真有「力量」ê神明。可见以色列人tī埃及早已经「埃及化」,bē记得上帝kah in祖先所立ê永远之约,in mā已经习惯kah埃及人仝款拜牛神。In甚至认为带领in出埃及ê,就是chit只金牛所代表ê神明。
第5到6节,chia看tio̍h亚伦建造一座祭坛,然后宣布beh kā chit个金牛当做上帝kā它崇拜。In果然án-ne做,而且「大食大lim,狂欢作乐」,这tú好说明in确实已经习惯埃及人拜偶像神明ê方式。

第7到8节,上帝真清楚tī山脚下ê以色列人,已经悖逆他ê旨意teh拜偶像神明。因为án-ne,上帝ài摩西赶紧落山,同时,上帝mā tio̍h采取惩罚ê动作。
第7节是kui个事件ê关键话句。Tī chit节,上帝对摩西讲中,用「你tùi埃及领出来ê人民犯罪,背弃我」,上帝无koh用「我ê子民」、「我ê人民」(三:7— 10),mā m̄免「我带领in出埃及」(三:8、17),却是用「你」,这表示上帝kah以色列人之间ê关系,已经彻底破裂,因为以色列人弃sak上帝,铸造金牛偶像敬拜。

第9节ê「顽劣」是teh指「颈硬」,无想beh听话、顺服,kan-taⁿ想beh行家己ê路。

第10节,上帝beh改用摩西kah伊ê kiáⁿ孙当做选民,kā以色列人灭绝。Chia上帝对摩西讲「我beh hō͘你kah你ê kiáⁿ孙成做大国」chit句话,tú好是上帝对亚伯拉罕、以撒、雅各等族长所讲ê话。表示上帝beh重新拣选摩西成做新ê族群。

第11到13节,摩西确实是一个真好ê牧者、领袖。伊知影上帝当teh忿怒,伊祈求上帝怜悯。特别是伊提起上帝已kah以色列人祖先立约,而且「发了严肃ê誓言」,m̄-nā beh赏赐in有算bē完ê kiáⁿ孙,而且beh赐hō͘ in土地。

摩西并无因为上帝beh拣选伊成做新ê立约子民,伊就欢喜到phut-phut-tiô起来。颠倒,伊为kui个民族ê利益设想,祈求上帝怜悯、赦免,chit点tú好说明摩西确实是一个优秀ê领导者。

第14节,mā因为摩西ê心灵án-ne纯洁,上帝垂听伊ê祈祷,无kā本来准备ài降落ê灾祸hō͘以色列人。这mā说明一件真重要ê事:上帝忠心ê奴仆替人民祈求,上帝会垂听(参考创世记二十:7,耶利米书十一:14、三十七:3、四十二:2—3)。

经文:

出埃及记 32:15-32:29

注释:

Chit段经文描述摩西带上帝ài伊颁布hō͘以色列人ê诫命法版落山,却看tio̍h以色列人当teh狂欢作乐拜金牛偶像,大忿怒,kā两块诫命法版摔毁tī土脚,同时决定kā参与膜拜金牛偶像ê以色列人刣死,á执行chit项命令ê就是利未族人。

第15到18节,摩西手上the̍h-tio̍h上帝「亲自做ê这两块石版」,顶面刻有上帝颁布ê诫命,带tio̍h伊忠心ê弟子约书亚落山,hit时约书亚iáu认为是teh相刣,m̄-koh摩西已经tùi上帝hō͘伊ê消息知影以色列人背叛上帝拜偶像ê声音。

第19节,摩西kā上帝亲手写ê两块诫命石版「摔tī土脚,摔碎了」,表示以色列人kah上帝ê关系ná亲像án-ne毁坏à。chit-ê诫命就是以色列人kah上帝之间「立性命ê约」ê记号。

第20到24节,摩西kā hit-ê金牛烧毁熔化后,磨成粉,然后kā hiah-ê粉末掖tī水上,要求以色列人民lim落去,用chit种方式来kā以色列人讲,hit-ê金牛偶像是虚假ê神明,人lóng thang kā它吞咽落去,koh有甚么好拜ê?Chit种捣毁偶像成灰ê方式mā tī后来ê犹大约西亚王重演一pái(参考列王记下廿三:15)。

摩西对亚伦非常受气,虽然亚伦解释伊替人民做chit只金牛ê原因,m̄-koh mā因为chit件事,hō͘伊看出亚伦m̄-nā无能力带领以色列人,甚至会「hō͘ in犯chit种重罪」,这mā是后来带领以色列人ê领导权移交到约书亚身上ê原因。所谓「重罪」,是teh指悖逆上帝去拜偶像ê意思。

第25到29节,这是一段相当重要ê经文,讲出信仰ê基本态度—性命ê选择。上帝m̄准他ê子民对他不忠实,这mā是十诫中ê siōng基本诫命,就是第一诫所讲ê:「我以外,不可敬拜别ê神明。」信仰既是性命ê选择,就bē-tàng随便。因为án-ne摩西要求「凡属上主ê人」lóng到伊ê身边,结果「所有利未人就lóng结集tī伊身边」,in lóng听从摩西ê命令,执行「净化」ê惩罚,就án-ne约有三千拜偶像神明ê人被杀。Chit种事件对tī以后以色列人进入迦南地有相当ê教育作用,因为kui个出埃及ê运动,就是用「耶和华宗教」信仰teh带领,因为án-ne,kā信仰内涵厘清是相当重要ê。Mā tùi chit件事,改变了创世记第四十九章第7节,雅各晚年诅咒利未人ê「分散tī以色列全境」,变成分别为圣ê祭司,专心tī圣所事奉祭祀礼仪ê祭司,提升利未族人tī以色列人心中ê地位。

经文:

出埃及记 32:30-32:35

注释:

Chit段经文是有关摩西为以色列人koh一pái上山祈求上帝赦免以色列人所犯ê罪。

第30节,摩西谴责以色列人犯了上帝看做「严重ê罪」,伊hō͘以色列人知影,为chit件事,伊一定tio̍h koh一pái上山去向上帝祈求,这mā是beh hō͘ in知影,bē-tàng koh一pái因为伊无tī,就重犯拜偶像ê罪。

第31到32节,摩西祈求上帝赦免以色列人所犯ê重罪,伊甚至宁可用家己tùi上帝「子民ê名册上除掉」伊ê名,thang hō͘上帝ē-tàng赦免以色列人。圣经讲每一个人lóng有一本「性命册」(参考诗篇六十九:28,腓立比书四:3,启示录二十:12、15)。希伯来书ê作者讲:「无一件事ē-tàng向上帝隐瞒;一切被造ê lóng赤the̍h-the̍h暴露tī伊目睭前。咱lóng一定tio̍h向伊交帐。」chiah-ê帐lóng记载tī性命册中。上帝bē冤枉好人,mā bē惩罚无辜ê人。因为án-ne,当摩西要求kā伊ê名删除ê时,上帝ê回答是beh删除hiah-ê「得罪」他ê人,mā就是带头拜金牛偶像ê人。

经文:

出埃及记 33:1-33:6

注释:

Chit章主要是「耶和华文献」ê资料(第1节、第3到4节、第12到23节),á「以罗伊文献」ê资料是第6到11节,「祭司文献」ê资料只有第2节。编辑者则加上第5 节。

Chit章thang看tio̍h慈悲ê上帝虽然tī极大忿怒中降落瘟疫惩罚以色列人,m̄-koh他iáu是坚守kah以色列人ê祖先所立之约。Chit章mā讲上帝无koh亲自带领以色列人前进迦南,却是差派天使带领in,chit种叙述句tú好说明tùi拜金牛偶像神明ê事件了后,上帝kah以色列人之间有「距离」。

Chit段经文是续接第三十二章34节后面,上帝讲beh派天使kah以色列人同行,他无koh亲自带领,chit件事hō͘以色列人感觉相当「悲伤」。Tùi chit段经文mā thang反省一个重要信仰主题:犯罪累累ê子民,怎样ē-tàng期待上帝同在、带领?

第1到2节,chit节iáu-koh继续提起上帝kah以色列人ê祖先ê约定,beh带领in进入应允「亚伯拉罕、以撒、雅各,kah in后代」到上帝赏赐ê土地去khiā起。Tī chia并且koh一pái提起hit所在是当地原住民khiā起ê土地,chiah-ê原住民lóng是当时迦南地ê族群,包括有迦南人、亚摩利人、赫人、比利洗人、希未人,kah耶布斯人等,这六族一再被提起。

第3节,是真重要ê一节,mā ē-sái讲是上帝对以色列民族siōng大ê惩罚,虽然他应允一块非常肥而且流奶kah蜜之地hō͘ in,m̄-koh上帝却无kah in同往,这表示上帝iáu-koh履行他ê约,m̄-koh无上帝同在,就算土地koh再美mā是枉然。因为chiah-ni̍h súi ê土地,真紧to̍h会hō͘外族入侵á丧失所有。这mā是基督教信仰siōng重要ê认bat:无上帝,就会失去所有ê一切。有上帝同在,欠缺ê一切lóng会得tio̍h补足。有上帝,chiah会有一切。

Koh讲,当初上帝ài摩西带领以色列人建造圣所,而且制造约柜放入去他kah以色列人所立之约,表示上帝kah in同在。taⁿ上帝讲boài kah in做伙,án-ne,圣所ê建造等于无用,mā无意义。

第三,chia讲上帝m̄ kah以色列人民同行,原因是in「顽劣」,上帝可能会koh再因忿怒á惩罚in致使koh khah chē人死亡。因为án-ne,m̄ kah in同往,这mā是一种「恩典」,m̄-koh另外一个面向,却是惩罚。

第4到6节,以色列人chit-má已经清楚了,若无上帝,in就算拥有ná肥koh流奶kah蜜之地,mā是无用。因为án-ne,in lóng感觉相当ê「悲伤」,决定「无koh配戴装饰品」,á上帝mā决定tī in无koh配戴任何装饰品后,beh koh再查看in是m̄是真正忏悔,á是只是表面上ê忏悔而已。就án-ne,以色列人决定取落来身上所有配戴ê装饰品,表示悲伤、哀恸ê谦卑样式。

经文:

出埃及记 33:7-33:11

注释:

Chit段经文讲tio̍h以色列人每pái移动,lóng带tio̍h圣幕同齐移动,这圣幕就是圣所。用chit种方式表示上帝kah in同在,mā tòe迁徙(参考撒母耳记落来七:6)。

第7到8节,chia讲圣幕并m̄是hē tī营区ê正中央,却是hē tī「相当距离ê所在」,这象徵tio̍h上帝kah以色列人有点á距离,m̄是他m̄ kah in同在,却是tī边á看,看以色列人民是m̄是真心悔改。Á以色列人只有ē-tàng khiā tī家己帐棚ê门口,看摩西去圣幕代表以色列人kah上帝见面。

第9到11节,上帝确实真疼惜摩西,因为伊是上帝忠实ê奴仆。因为án-ne,每pái伊进入圣幕,上帝就透过云柱降临tī圣幕中,用chit种方式「向摩西讲话」,á以色列人是远远地khiā-teh,每看见云柱停tī圣幕门口,in就会「坦覆 (thán-phak)下拜」,表示心中ê敬畏。

第11节提起嫩ê kiáⁿ约书亚是摩西少年ê助手。Chit节mā为后来约书亚ê领导地位预先留落来伏笔。

经文:

出埃及记 33:12-33:23

注释:

Chit段经文koh一pái看见摩西确实是上帝忠实奴仆。伊祈求上帝继续带领伊kah以色列人,若无,就mài叫伊带领以色列人。伊所想ê,lóng是为tio̍h全体以色列民族,á m̄是个人ê利益,án-ne chiah是上帝真正奴仆该有ê心态。

第12到16节,ē-sái讲是摩西非常重要ê信仰告白,伊祈求上帝一定会kah以色列人同行,伊mā祈求上帝hō͘伊明白他ê计画kah旨意,án-ne,伊就知影「能事奉」上帝,tī上帝面前蒙恩。伊讲以色列民族是「属tī上帝家己ê」,chit种讲词非常有意义,表示以色列民族就是上帝亲自拣选ê子民。

第14节kah第17节lóng讲得非常清楚,上帝本来beh派天使kah以色列人同齐行,chit-má上帝因为欢喜摩西ê缘故,改变本来所讲ê,chit-má决定tio̍h kah以色列人同行。

第18到23节,摩西koh一pái向上帝祈求,希望ē-tàng看见上帝ê「荣耀」,这荣耀是teh指上帝ê面,mā ē-sái讲是上帝拯救ê恩典。

上帝回答摩西ê请求,是beh用他ê光辉tùi摩西ê面前经过,hō͘伊知影上帝所讲ê beh kah以色列人同行,必定会依所讲ê实现。M̄-koh上帝并无hō͘摩西看见他ê「面容」,因为看见上帝ê人lóng无法度存活(参考创世记十六:13、三十二:30)。M̄-koh上帝疼摩西,hō͘伊看见上帝ê「荣耀」。

经文:

出埃及记 34:1-34:9

注释:

第1到28节lóng是「耶和华文献」ê资料,然后tùi第29到35节是「祭司文献」。Chit章ê主题讲tio̍h上帝kah以色列人重新立约,并且颁布新ê两块石版。不过,争议比较多ê是tī第28节,本来ê石版只有写十诫,chit节讲石版上写ê (第14到26节)kah本来第二十章1到17节ê十诫无相仝。会有chit种差别,kah资料ê来源无仝有关;tī第二十章ê资料来源是「以罗伊文献」ê资料,á chit章是 「耶和华文献」ê资料来源。

因为顶pái上帝亲自写tī石版顶ê法典已经tī摩西知影以色列人民悖逆上帝ê时,忿怒ê摔tī土脚pháiⁿ了(参考三十二:19)。chit-má上帝ài摩西家己准备两块石版上山去,上帝ài伊kā诫命写tī石版顶。

第1节,上帝ài摩西重新准备两块石版,然后上帝ài kā摩西所摔pháiⁿ ê ná两块石版上重新「写tī chit-ê两块版上」。

第2到4节,摩西照上帝ê指示准备好,就上山去见上帝。上帝不准任何其他人kah摩西同齐上山,只准摩西一个人上去。

第5节,「上主tī云中降临」,chit句话一再出现tī出埃及记,表示上帝m̄ hō͘人看见他ê面ê摩西死去,用云彩遮tio̍h他ê面,后来圣所约柜前ê帐幔mā就teh代表chit种意义。

Koh讲,chit句「宣告伊ê圣名—耶和华」,是teh指摩西teh呼求上帝ê圣名,表示一种o-ló、歌颂ê意思。

第6到7节,讲出kui本圣经ê中心信息,说明上帝「是满有慈悲怜悯ê上帝。不轻易发怒,有丰富ê慈爱kah信实」。圣经若出现「信实」chit-ê词,表示坚持所立ê约,无放弃ê意思。Chia「千万代」chit-ê词表示永远ê意思。Á kah「三、四代」相比,就成做鲜明ê对比,表示上帝ê疼赢过上帝ê忿怒。

第8到9节,摩西无替任何以色列人辩护,伊知影家己ê族人真「顽劣」,伊只有祈求上帝怜悯「赦免」in ê「罪恶过犯」,继续接纳以色列人作他ê「子民」。这ná亲像耶稣tī譬喻中所讲ê hit位抽税ê人tī圣殿向上帝祈祷ê时讲,求上帝怜悯伊是一个罪人仝款(参考路加福音十八:13)。

经文:

出埃及记 34:10-34:28

注释:

Chit段经文讲tio̍h上帝koh一pái kah以色列人立约。Chia ê约kah第二十章到廿三章19节ê「约」有真大ê差别,并且简略真chē。

第10到13节,上帝koh一pái kā摩西讲,他beh行神迹奇事,hō͘以色列人thang进入应允之地khiā起,从来无任何一个神明ē-tàng做出chit种伟大ê事。Á上帝应允之迦南地,已经有原住民khiā起。Chia koh一pái提起ê六个族群(参考三十三:2),lóng是迦南地siōng强悍ê族群。M̄-koh,上帝beh伸出行大能ê手,hō͘以色列人thang顺利进入去khiā起。M̄-koh,上帝特别提醒摩西,tú-tio̍h chiah-ê族群,绝对bē-tàng kah in签任何ê约,因为以色列人已经kah上帝有永远ê性命ê约。

古代中东ê社会有一种看法,双方立约,需要神明作证。若以色列人kah迦南地ê居民签约,表示in承认迦南地ê人所崇拜ê偶像神明kah上帝同等,m̄-koh十诫ê第二诫非常清楚,上帝绝对m̄准chit款tāi-chì发生。因为án-ne,bē-tàng kah当地ê人签任何ê约,而且tio̍h摧毁in所拜ê偶像神明、祭坛。可惜ê是,以色列人后来进入迦南地了后,就弃sak上帝所教导in ê chiah-ê规矩。
第14节,这是第一诫,thang参考第二十章3节。

第15到16节,是teh解释第12节ê禁令。M̄-nā bē-tàng kah当地居民「结盟」签约,mā bē-tàng kah当地ê居民「通婚」,免得因为án-ne soah受tio̍h「影响」,「去拜异教ê神明」chit件事,后来却发生tī所罗门王身上,伊带头犯罪(参考列王记上十一:1—8)。

第17节,这是第二诫,thang参考第二十章4节。

第18节,是关系除酵节ê规矩,mā提起这是kah出埃及ê事有关。Chit节参考第十二章1到14节、第15到20节、第21到28节、第43到51节、第十三章3到10节等等处lóng有记载相关ê规定。

第19节,chit节thang参考第十三章11到12节。

第20节,参考第十三章13节。Chit句「bē-tàng空手来敬拜我」,thang参考第廿三章15节。

第21节,这是第四诫。Thang参考第二十章8到11节。守安息日,被看做是维系kah上帝之间约ê记号。换句话讲,若无遵守安息日,等于是破坏chit-ê约。

第22节,「七七收成节」,以及「收藏节」,thang参考第廿三章14到17节。

第23到24节,chia强调所有男丁每一年有三pái beh去「朝拜上帝」,这是teh指Pôaⁿ过节、五旬节,kah Tòa棚节。

第25节,thang参考第廿三章18节。M̄-koh有差别ê,是tī第廿三章讲牲祭ê脂肪bē-tàng留到隔工,m̄-koh chia是teh指Pôaⁿ过节宰杀ê牲畜bē-tàng留到隔日。

第26节,thang参考第廿三章19节。「bē-tàng用母羊ê奶来煮小羊」,chit句话tī第廿三章19节b句mā有提起过。

第27到28节,上帝ài摩西kā chiah-ê吩咐lóng「写落来」,上帝tio̍h用chiah-ê kah以色列人重新「立约」。Chia真清楚,讲写落来刻tī石版顶ê,就是「十条诫命」。Á摩西chit-pái tī上帝hia停留ê时间kah顶pái仝款,lóng是「四十暝日」,chia讲伊chit段时间是「m̄食不lim」,用禁食ê方式来表明以专心斟酌ê心领受上帝ê诫命,hō͘ chit-ê诫命归化做圣。

经文:

出埃及记 34:29-34:35

注释:

Chit段经文是属tī「祭司文献」ê资料。若编辑tī第三十一章18节后面,会koh khah顺畅。Mā tùi chia开始,一直到第四十章结束,lóng是属tī「祭司文献」ê作品。Chit段经文mā被使徒保罗引用tī哥林多后书第三章7到18节,使徒保罗讲主耶稣ê荣耀赢过摩西。伊用chit种方式来强调耶稣chiah是性命ê救主,m̄是摩西ē-tàng比并ê。

第29到30节,chia讲摩西tī山顶面见上帝,而且带tio̍h上帝颁布ê诫命法版落来,表示伊带tio̍h上帝ê荣耀落来。因为án-ne,面上充满tio̍h上帝赏赐ê光辉。作者用chit种方式teh说明,tī摩西身上,thang看见上帝ê荣耀。

第31到32节,摩西ài以色列人kah亚伦,以及所有以色列ê「众领袖」lóng到伊面前,伊kā上西奈山得tio̍h上帝颁布ê律法诫命传达hō͘全体人民。

第33到35节,摩西kā上帝「所吩咐kā以色列人民讲」,为tio̍h是beh hō͘ in知影顶真遵守,免得重蹈悖逆ê覆辙。


经文:

出埃及记 35:1-35:3

注释:

第三十五章到四十章全部lóng是「祭司文献」ê资料
Tī chit-ê六章中,会发觉内容真熟悉,这是因为头前已经有提起过关系圣幕kah圣幕内ê器皿kah物件ê pái设kah制造方式。Tī chit-ê最后ê六章中,「祭司文献」作品表现出它ê特色,就是对祭典礼仪ê重视。作者真详细记载chiah-ê典章律例,为tio̍h是beh教导以色列人一定会用顶真ê态度敬拜上帝,因为in kui个民族之所以ē-tàng存在,就是有上帝ê怜悯kah赦免。

Chit章到第三十九章就是重复叙述有关圣幕制造ê过程kah规律。

chit三节是关系守安息日ê规定。这mā是十诫ê第四诫,thang参考出埃及记第二十章8到11节。

第1节,摩西一开始就强调这是出tī上帝ê「命令」以色列人一定tio̍h「遵行ê事」。Chia ê「命令」,表示上帝ê话。Mā是性命ê源头(参考约翰福音一:1—4)。

第2节,thang参考第十六章23到30节、第二十章8到11节、第三十一章12到17节等等,lóng记载强调守安息日ê重要性,这表示teh维护性命ê延续。

Ná亲像第三十一章12到13节所提起ê,守安息日,是用来表示kah上帝之间有约ê凭证。换句话讲,遵守安息日,chiah ē-tàng表示是属tī上帝ê子民。因为án-ne,当摩西teh向上帝陈述以色列人是上帝ê子民ê时(参考出埃及记三十三:13),上帝就ài in以遵守安息日来表白。

第3节,chit节讲安息日厝里bē-tàng开炉灶起火煮饭,前一工就beh准备好。Chit点teh降吗哪ê时,就已经教导过(参考十六:23)。

经文:

出埃及记 35:4-35:9

注释:

Chit段经文thang参考第廿五章1到9节。

注意第5节chia所讲ê「凡若乐意ê人thang奉献……」。强调奉献是用「乐意」ê心做基础,若无奉献就会失去意义(参考哥林多后书九:6—8)。

经文:

出埃及记 35:10-35:19

注释:

Chit段经文thang参考第三十九章32到43节,以及第廿五章到第三十章等经文,有对圣幕内部各种备品做过详细ê记述。

第10节,chia所讲ê「名匠」,其实在第30、34节,以及第三十一章2节、6节等等处lóng有提起,意思是teh指怀有特殊chiah ē-tàng ê人,由犹大家族ê比撒列作召集人,负责督导kah派工ê责任。

经文:

出埃及记 35:20-35:29

注释:

Chit段回应第5节所提起「凡若乐意ê人thang奉献」圣幕内部各种物件。以色列人听完摩西ê吩咐了后,随时就tńg去开始准备。

第21节,讲「凡甘心乐意奉献ê人lóng带来礼物,献作建造圣幕ê路用」,就án-ne,连串ê建筑工程开始。只要是用「乐意」做基础ê奉献,其所奉献出来ê不管是物件,á是才智,必定lóng是上上之选。如果奉献出来ê lóng是差ê,kā siōng好ê留落来来自己用,án-ne就m̄是「乐意」ê态度。Siōng好ê奉献,并m̄是指数字,却是指「乐意」ê心。马可福音第十二章41到44节记载hit位sàn-chhiah寡妇ê奉献,虽然是kan-taⁿ有ê「两个小铜板」,却是siōng好ê。

第22到24节,真详细描述「乐意奉献ê男女」lóng带来à in看做珍贵ê装饰品、物件,这包括了in ê衣物,kah贵重金属等。

第25到26节,讲tio̍h真chē有才艺ê妇女,kā in所织成ê麻纱纺线lóng带来做建造圣幕ê路用。Chiah-ê lóng是精工手艺之作品。

第27到28节,m̄-nā是衣物首饰,iáu有珠宝,这ē-sái讲是in收藏siōng珍贵ê财宝à。M̄-koh为tio̍h beh hō͘圣幕kah祭司衫裤teh代表以色列人thang面对上帝,in lóng the̍h出siōng好ê à。M̄-nā是宝石,mā包括in tī厝里所提炼出来,siōng纯洁、洁净ê油、香料等。

第29节,koh一pái强调以色列人真正是「甘心乐意地kā礼物带来,奉献hō͘上主」。Chit种甘心乐意奉献ê态度kah付诸实际行动ê记事,tī早期ê台湾基督长老教会信徒中俯拾to̍h是。

经文:

出埃及记 35:30-36:1

注释:

Chit段经文siōng重要ê内容是人ê chiah ē-tàng、才智、各种能力等等,lóng是来自赏赐。所以除了奉献物件外,chiah-ê身怀siōng好chiah ē-tàng、才智、各种手艺等人才,in mā kā所有ê才华全lóng奉献出来hō͘上主。

第三十六章1节ê「lóng tio̍h按照上主ê吩咐进行各项工程」,这是一句非常重要ê话,表示奉献ê主要精神是用顺服做基础,á m̄是按照家己ê想法,是按照上帝透过摩西hō͘ in ê吩咐。因为圣幕是敬拜上帝、面对上帝ê所在,所以按照「上帝ê吩咐」是一切工程ê基础。当最后完成ê时,tùi第三十九到四十章,一再重复叙述chit句话:「这一切是照上主吩咐摩西ê话做ê。」(参考三十九:1、5、7、21、26、31、42、43、四十:16、19、21、23、27、29、32)。 
经文:

出埃及记 36:2-36:7

注释:

Chit章主要tī说明圣幕ê建造,thang参考第廿六章。

Chit段经文tú好说明以色列人确实心甘情愿奉献所有一切,来建造敬拜上帝ê圣幕。

第2节,chit节提起领导者是「比撒列」,伊是犹大支族ê人。Á伊ê副手「亚何利亚伯」,伊是「但」支派ê人。In lóng是「蒙上帝赐hō͘ chiah ē-tàng」ê人,mā包括所有乐意参与建造圣幕ê人在内,lóng是蒙上帝赏赐才华ê人。

第3到5节,chia讲「每工早起,人民继续带来礼物,交hō͘摩西」。Hiah-ê人奉献礼物,是chē到影响技工建造圣幕工程ê进行。因为án-ne,in去见摩西,hō͘摩西知影奉献ê物件已经「超过了上主吩咐建造ê工程所需要ê。」这mā说明以色列人是真心奉献,jú是感恩ê奉献,就会感受tio̍h永远不缺乏。

第6到7节,为tio̍h án-ne,摩西只好「hō͘人民m̄免koh再为圣幕奉献」,因为以色列人所奉献ê,「已够完成全部工程有余」。换句话讲,是根据上帝ê吩咐建造,因为án-ne,上帝ài in怎样造,in就怎样造。M̄是跟tòe人ê意思,若根据人ê意思,真容易因为超过本来需要ê收入ê时,改变计画并扩大范围。M̄-koh,「按照上帝ê吩咐」就m̄免án-ne。

经文:

出埃及记 36:8-36:19

注释:

Chit段经文记载建造圣幕ê工程细则。Thang参考第廿六章1到37节。

Tī chit段经文中一再出现ê数字是「五」。这数目tī以色列人ê观念中,表示ê是「美满」、「完美」ê意思。另外,mā tùi这数目看tio̍h建造圣幕ê工作者,lóng是「hiah-ê灵巧ê技工负责建造」。Mā就是讲,有siōng好ê技术者奉献in ê chiah ē-tàng参与圣幕ê建造工程。

经文:

出埃及记 36:20-36:38

注释:

Chit段经文讲建造圣幕ê工程人员lóng是真难得ê,所用ê材料mā是上品。当时看做siōng贵重ê金、银、铜lóng用上à。因为圣幕内面有约柜,约柜内面khǹg上帝ê诫命石版以及一罐吗哪,beh留hō͘后代kiáⁿ孙,hō͘ in知影上帝怎样带领以色列人出埃及,进入旷野漂流ê生活ê时,用吗哪养饲in、教育in,hō͘ in ê祖先无饿死、病死,却ē-tàng顺利进入应允之地迦南ê恩典。因为约柜象徵上帝ê同在,因为án-ne,圣幕就一定tio̍h建造得相当精致,chiah ē-tàng配得上约柜ê贵重。Mā因为án-ne,chit段经文用非常细腻ê笔法,kā圣幕ê各种细节lóng尽述出来,而且teh用色方面真讲究,所使用ê「蓝色、紫色、深红色」等色彩,lóng teh表示尊贵ê意思。

经文:

出埃及记 37:1-37:9

注释:

Chit章讲tio̍h圣幕内ê五种重要圣物,包括siōng重要ê约柜(第1到9节);供桌(第10到16节);灯台(第17到24节);香坛(第25到28节),最后是关系制造圣油kah香(第29节)等。

Chit段关系造约柜ê方法,tī第廿五章10到22节mā已经清楚记载。

约柜是圣幕中siōng重要ê物件,teh代表上帝kah以色列人民之间ê「约」ê关系。因为约柜内面有khǹg摩西tùi上帝领受beh颁发hō͘以色列人民ê诫命石版,chit-ê诫命mā teh表示以色列人民会永远尊崇上帝是in kui个民族ê性命中心。因为án-ne,约柜主要teh表明上帝kah以色列人民同在。

第1节,chia提供主要负责制造ê人名叫比撒列。伊是相当有才智ê人,mā是充满上帝ê灵ê人(参考三十一:2—3)。因为án-ne,tī制造约柜ê工作上受交托重任。

第2到6节,chia真详细地说明整座约柜是「用纯金」包裹起来,两支用金合欢木制造作扛约柜ê杠子,mā tio̍h用金子包起来。

第7到9节,tī约柜ê顶面有盖子,盖子ê两端各有一个「基路伯」,所beh表达ê意思是「祈祷者」,就是象徵tio̍h替人民向上帝祈祷。以色列人kā基路伯看做是天使中ê一位,专门teh负责看守上帝kah以色列人民ê约。约柜内面khǹg tio̍h上帝颁发hō͘以色列人民ê「约」ê石版,柜盖顶面有基路伯,意思就是上帝ê天使—基路伯—看守约柜,mā守护tio̍h约。

经文:

出埃及记 37:10-37:16

注释:

Chit段经文是有关khǹg tī约柜头前ê供桌之制造规定。Chit段记事mā记载tī第廿五章23到30节。

Chit-ê桌á顶面tio̍h排盘á、碟á,以及奠酒用ê壶kah杯。Koh khah重要ê是,桌á顶面tio̍h不时陈设供饼,是献hō͘上帝ê。Chit-ê饼只有轮值ê祭司chiah thang使用。

经文:

出埃及记 37:17-37:24

注释:

Chit段经文是关系灯台制造ê规矩。Mā记载tī第廿五章31到40节。后来,in tùi巴比伦tńg去故乡重新建造圣殿ê时,先知撒迦利亚bat tī异象中提起关系灯台ê启示(参考撒迦利亚书四:2—4)。

第17节,一开始就讲chit座灯台是用「纯金」制造ê。Tī第24节讲共计tio̍h用「三十五公斤ê纯金」制造,这thang算是真贵重ê灯台。

第18到22节,chit座灯台是由kui块ê黄金打造起来,thang知影当时金匠ê手工非常细腻。

第23节,chit节讲chit座灯台有「七盏灯」,这「七」ê数字有表示神圣、美好ê意思。

经文:

出埃及记 37:25-37:29

注释:

Chit段是关系造香坛kah香油ê方法,tī第三十章1到5节、22到36节lóng有清楚记载。

第25节,chit座香坛是四方形ê,m̄-koh高度比长kah宽加出一倍,是九十公分高。

第26到27节,整座香坛ê外面lóng用黄金包裹起来。Chit-ê香坛是ē-tàng移动ê,因为án-ne,有为杠子预备环,hō͘人thang扛。

第28节,chit座香坛ê材料是金合欢木,包括杠子在内lóng是。

第29节,chia并无比第三十章22到38节所记载ê hit种清楚,只有简单来讲调制圣油kah芬芳ê纯香,就「像调制香水」仝款。问题是kui本出埃及记里,并无记载关系调制香水ê记事kah规则,kan-taⁿ tī chia轻描一句而已。

经文:

出埃及记 38:1-38:7

注释:

Chit章经文讲tio̍h关系制造祭坛、铜盆、圣幕ê庭园,以及圣幕内所需要用ê各种金属用品等。

Chit段关系祭坛ê制造方法,mā同时记载tī第廿七章1到8节。这是属tī烧化祭ê祭坛,kah香坛无仝款。香坛用黄金包裹起来,烧化祭ê祭坛则用铜包糊tī。香坛比较小,烧化祭ê坛则大部分了,因为常常tio̍h献祭牲畜tī顶面,亲像牛、羊等。

第1节,chia真清楚讲beh建造ê是「烧化祭ê祭坛」,表示这kah香坛无相仝。

第2节,chia提起坛ê四个角ài做「凸起ê角」,原因是chit-ê角tio̍h hiù祭牲ê血,凡触摸chit四个角ê人,lóng thang得tio̍h暂时被赦免ê权。Chit-ê坛tio̍h用铜包裹起来。

第3到7节,祭坛mā有真chē配件,包括盆子、铲子、碗、肉叉、火鼎等,chiah-ê lóng是铜制品,然后坛ê四周tio̍h用铜网包围teh。

因为全部lóng是用铜包裹起来,á是祭坛所用ê器皿lóng是铜制品,因为án-ne,koh有一个名称,叫「铜坛」。

经文:

出埃及记 38:8-38:20

注释:

Chit节特别提起铜盆是用「众妇女所用ê镜子造成ê」。Tī第三十章17到21节mā有记载,而且koh khah详细。

原因是古早时妇女用ê镜子是铜镜,因为án-ne取chit种材料制造铜盆。Chit-ê铜盆ê主要功用,是提供祭司tī献祭chìn前洗脚手,án-ne,in踏上祭坛、接触祭物,就bē因为脚手不清气,á玷污了祭坛kah祭品。

Chit节真清楚讲chiah-ê铜材是取自「tī圣幕前事奉ê众妇女所用ê镜子造成」,á照民数记第四章30节ê记载,tī圣幕里工作ê人,lóng hit年满三十岁以上ê cha-po͘人chiah thang。不过若是对照撒母耳记上第二章22节有记载tī圣幕前工作ê人mā有妇女,却没有资料讲chiah-ê妇女是做些甚么工作。

Chit段经文是关系圣幕围栏ê制造方式,mā记载tī第廿七章9到19节。
第9到13节,tùi chit段经文来看,就会看出chit座圣幕ê外围栏是长方形ê,南kah北两pêng比较长,lóng是四十四公尺,á物件边比较狭窄,lóng是廿二公尺。支撑chiah-ê围栏ê帐帷lóng是用铜座,柱á顶ê鈎子kah杆子是用银ê材料,án-ne kā围墙ê帐帷支撑起来。第13节提起圣幕ê进口处tī东边,这就是圣幕ê大门进口处。

第14到20节,圣幕ê东边有进口处,进口ê所在有门帘,门帘ê颜色显示出尊贵,是用蓝色、紫色、深红色ê羊毛织成。

读tio̍h chia,thang理出一个头绪来,圣经作者讲tio̍h kui个圣幕ê时,是先tùi siōng内面ê约柜开始,然后依序是供桌、灯台、香坛、铜盆(洗涤盆)、烧化祭坛等,然后siōng外面用围栏围起来,以隔绝里外。

经文:

出埃及记 38:21-38:31

注释:

Chit段经文是为建造圣幕ê工程作一份财务报告,包括有物件数量,kah人力资源。M̄-koh并无说明共计jōa-chē人参与建造圣幕ê工作。

第21节,chia提起亚伦ê kiáⁿ「以伊玛」,伊是亚伦ê第四个kiáⁿ(参考廿八:1)。Mā tùi chit节thang看tio̍h圣幕ê维护工作是由利未人担当。以伊玛负责指挥利未人管理圣幕ê财物(参考民数记四:22—28)。

第22到23节,chit两节讲tio̍h工程进行是由比撒列总指挥,协助ê是亚何利亚伯,伊真gâu雕刻kah设计。

第24到31节,chit段经文详细列出建造圣幕所使用ê物件总数,同时记落来一笔人口调查结果。

第24节,chia讲奉献出来ê黄金共计有一千公斤。

Tī第25节、第27到28节,lóng有记载银á总数是三千四百三十公斤,chiah-ê银á全部lóng用tī圣幕里ê骨架顶(参考廿六:15—25)。

第29节讲奉献出来ê铜,共计有二千四百二十五公斤。

第26节,chit节提起人口普查后登记ê人数,年龄tī「二十岁以上ê」,共有603,550名。以色列人算人口ê时chūn,lóng是用「二十岁以上男丁」为准则,而且ē-tàng作战ê chiah算(民数记一:3、20),chit-ê数目并无包括利未族在内(参考民数记一:47)。若是kā所有大细、男女老幼,加上利未族人,出埃及ê人数保守估计有kā近二百万人。

经文:

出埃及记 39:1-39:7

注释:

Chit章主要teh说明制造祭司ê服装,并且为kui个圣幕ê完成做一个总结。

Tī chit章中,一再出现ê一句话:「这是照上主吩咐摩西做ê。」(三十九:1、5、7、21、26、29、31、32、42、43)作者用chit句话表示以色列人民确实是遵照上帝ê「约」teh做tāi-chì,这mā是遵守kah上帝之间「约」ê一种表达方式。Mā thang án-ne讲,kui本出埃及记就是用「一切lóng是照上主吩咐摩西做」chit句作结束。Mā是chit句话,表明人只要照上帝做,就ē-tàng hō͘ khiā起ê土地永远无受外力入侵,国家bē败亡,人民bē hông掠去做奴隶。

Chit段经文是讲tio̍h有关祭司所穿ê服装怎样缝制。仝款ê资料mā记载tī第廿八章1到14节。

第1节,chit节讲众祭司穿「华贵圣服」,意思是teh指制造ê过程相当精细,而且质料贵重。

第2到5节,chia称祭司ê衫裤为「以弗得」,手工ê精细,tùi染织ê色彩,特别是紫色染料来源,一定tio̍h tùi深海中捞贝螺吐出ê汁得tio̍h,就thang知影祭司穿tī身上ê「以弗得」,所象徵出来ê意义,已经m̄是一套尊贵ê衫裤而已,却是teh代表kah上帝之间有特别关系,chit种关系是引领全体以色列人民面对上帝ê记号。

第6到7节,chit节讲有两块红玛瑙嵌tī大祭司穿ê衫裤顶面,红玛瑙顶面「刻上以色列十二支族ê名」,表示chit位大祭司是带领全部以色列人民进入圣幕敬拜上帝ê意思。因为án-ne,大祭司进入圣幕敬拜上帝,m̄是代表个人,却是teh代表全体以色列hiah-ê人。

Chit段经文连续讲了三pái「这一切是照上主吩咐摩西做ê」,表示这是一件非常神圣ê规律,一点mā马虎bē-tàng。因为这kah敬拜上帝有密切关系。


经文:

出埃及记 39:8-39:21

注释:

Chit段经文是关系制造胸牌ê记事,mā记载tī第廿八章15到30节。Chit两段经文ê差别在tī chit段经文并无亲像第廿八章提起,胸牌里放tio̍h「乌陵」kah「土明」这两项用来测知上帝旨意ê器物。

第8到14节,chia提起胸牌ê制作,完全kah祭司ê衫裤以弗得仝款,说明he是用非常精细ê手艺制作而成,而且镶上十二颗贵重ê宝石,「每一块刻tio̍h雅各一个kiáⁿ ê名,代表以色列ê十二支族」。

请注意,雅各十二个kiáⁿ,是包括排行第三ê利未,kah第十一ê约瑟。如果是十二支派,则由约瑟ê两个kiáⁿ――以法莲、玛拿西取代了利未kah约瑟。无论是雅各ê十二个kiáⁿ,á是以色列十二支派ê名,lóng是teh指全体以色列民族。

第15到21节,胸牌是用一条纯金ê phōa链挂tī祭司ê胸前。制作胸牌ê主要目的,是为tio̍h断定上帝ê旨意。


经文:

出埃及记 39:22-39:31

注释:

头前讲ê lóng是关系祭司穿ê祭典礼服,mā记载tī第廿八章31到43节。chit-má chit段讲ê是关系外袍、内袍、裤、帽á、礼冠。

第22到26节,注意第26节所讲ê,tio̍h用「纯金ê小铃间隔tio̍h」,表示祭司tī圣幕内面一直有献祭、祈祷ê动作,外面thang听见。若是完全停止,意思就是有意外发生。

第27到31节,chit段经文是关系祭司beh穿ê整套衫裤,包括戴ê礼冠、帽á,穿ê裤、腰带,并且iáu tio̍h tī礼冠ê顶面,用纯金锈tio̍h「圣化归属上主」这一阵字,表示祭司是上帝所拣选特别ê奴仆ê意。

经文:

出埃及记 39:32-39:43

注释:

Chit段经文mā kah第三十五章10到19节ê记载仝款,只是第三十五章是记载准备ài动工建造圣幕kah chiah-ê物件,chia则讲全部lóng建造好à。

第32节,「上主圣幕ê一切工程lóng完成à。」表示kui个圣幕ê工程,包括祭司ê衫裤等lóng全部完成,然后用chit句话:「上主吩咐摩西ê,以色列人民一一做。」为kui个圣幕建造ê工作划下一个美满ê句点。Teh代表以色列人民确实是遵照上帝ê旨意做tāi-chì,是确确实实照上帝ê奴仆摩西ê指示做tāi-chì。Chit句话mā是kui本创世记ê主题中心:一切lóng遵照上帝ê话。创世记ê开始就是tùi chia开始,上帝讲beh有甚么,就出现甚么,一切ê开始,lóng是用上帝为准。Chit点mā是「祭司文献」ê精神。

第33到41节,描述圣幕内面一切该有ê物件,包括祭司tī圣所供职ê时所穿ê华贵圣服等,全部lóng顺利完成à。

第42节,chit节koh一pái强调所有ê chiah-ê工作,lóng是照上帝吩咐摩西ài以色列人民做ê去做。这是敬拜上帝ê事,一定tio̍h án-ne顶真地一五一十遵照上帝做chiah thang。M̄是照人ê想法,是依上帝ê命令做tāi-chì。

第43节,chit节ē-sái讲是kui个建造圣幕ê工程之总结,然后摩西teh代表以色列人民kā圣幕奉献hō͘上帝,这就是「摩西就祝福in」chit句话ê意思。是表明伊祈求上帝赐福hō͘以色列人民tī chit件建造圣幕ê事工上,lóng遵照上帝ê旨意去做,祈求上帝赐福in所做ê工,bē致使落空。

综观第廿五到三十章ê第一组建造圣幕ê工程,kah第三十五到三十九章ê第二组建造圣幕工程,无论是第一组á是第二组建造之工程,lóng有三点共同ê所在:

一是强调所有建造圣幕ê路用品,lóng是来自全体以色列人民「甘心乐意」之奉献,chiah会出现所奉献ê,lóng超过圣幕所需要ê量。

二是所有参与建造圣幕工程ê人员,lóng是以色列人民中siōng杰出、siōng优秀ê工匠,表明kā siōng好ê奉献出来hō͘上帝用。Á这mā包括后来ê祭司lóng是tùi利未家族中精选siōng优秀ê人担任(参考利未记廿一:16—23)。

三是建造圣幕ê工程,tùi siōng细微ê到siōng大ê,全部lóng是照上帝吩咐摩西去做,mā teh表明以色列人民对上帝绝对忠实ê信仰告白,用建造圣幕来表明:in lóng会遵守上帝(约)去行。

经文:

出埃及记 40:1-40:21

注释:

Chit章kah第三十九章有共同ê特色,就是出现七pái:「这是照上主吩咐摩西做ê。」(第19、21、23、25、27、29、32节等等)chit句话ê型态kah创世记第一章一再重复句:「一切就照伊ê命令完成。」(创世记一:6、9、15、24、30)是仝款ê句型。Thang án-ne讲,kui个出埃及运动就是tī「一切lóng照上帝吩咐摩西做」之下chiah完成ê,而且相当完美。换句话讲,如果无「照上主ê吩咐」,想beh用人ê气力来完成出埃及ê运动,he是无可能ê。特别是tī旷野四十年ê时间,ná koh khah困难。因为án-ne,后来申命记ê作者án-ne写讲:「Hō͘ 你谦卑,hō͘ 你 iau 饿,用你所m̄ -bat,你ê 祖先mā m̄ -bat ê 吗哪养饲你,hō͘ 你 thang 知人 m̄ 是 kan-taⁿ óa 靠饼来活,人是óa 靠上主ê 嘴所讲一切ê 话来活。(全民版)」(申命记 八:3)

第四十章mā ē-sái讲是tī建造圣幕ê工作上做一个总结,mā就是出埃及记后半ê一个结束。因为出埃及记全部四十章,tùi第一章到第廿四章,lóng是kah上帝呼召摩西去带领以色列人民离开埃及,以及kah以色列人民立约有关,然后tùi第廿五章开始到第四十章提起真chē关系圣幕ê tāi-chì,其中除了第三十二到三十四章,是因为以色列人民悖逆上帝去拜金牛偶像,致使上帝非常忿怒,á koh一pái提起重新立约ê事外。因为án-ne,这第四十章主要就是记载chiah-ê建造圣幕ê事,mā是结束这部分ê记事。

Chit段经文讲tio̍h建造好ê圣幕,ài如何架设起来。

第1到2节,讲出正确ê时间,是tī「正月初一」,对照第17节,提起hit一工是in「离开埃及后ê第二年正月初一」。后来以色列人民就tī每年正月初一到圣幕前敬拜上帝,感谢上帝带领in离开埃及。这就成做今á日台湾长老教会tī每年农历年初一举行新春感恩礼拜之背景。

第3到5节,chia讲tio̍h安放约柜,以及供桌、灯台、香坛,kah圣幕ê帐幕之pái设等规矩。

第6到8节,这是讲tio̍h祭坛、洗脚手ê铜盆,以及圣幕周围ê围篱kah进入圣幕前ê门帘。

第9到11节,chit三节thang参考第三十章26到28节。讲tio̍h圣幕里ê用品,包括油、香、器具等物件,lóng tio̍h kah厝里用ê区隔出来。因为用来敬拜上帝之物件,kah厝里生活用品有所区别,表明ê是「分别为圣」ê意思。

第12到15节,这几节特别讲tio̍h祭司怎样hō͘家己洁净了后,chiah thang上祭坛去执行祭司为人民办理献祭ê礼仪记事。包括穿插祭司礼服应注意ê事项lóng有提起。

第16节,每一个环节说明后,lóng会重复叙述chit句:「这一切摩西lóng照上主所吩咐做。」(第19、21、23、25、27、29、32节等等)表示做这一切lóng真慎重,绝对m̄是因个人喜好á做。

第17到21节,摩西亲自督导架设圣幕ê工作,并且tī圣幕架设好了后,由摩西亲自kā上帝颁布hō͘以色列人民ê诫命石版khǹg入约柜中。圣幕siōng主要用意,就是pái放约柜,约柜则teh表明上帝kah以色列人民同在,因为án-ne,圣幕就成做以色列人民ê中心,后来圣幕被圣殿所取代,á圣殿就是in信仰ê中心。

经文:

出埃及记 40:22-40:33

注释:

Chit章tùi开始到chia ê经文,lóng只有提起摩西,无提起亚伦。这可能是kah亚伦tī摩西上山去领受上帝颁布ê诫命ê时,无好好á管理、带领以色列人民,反tńg制造金牛hō͘以色列人民因为án-ne犯罪堕落,mā tī信仰ê旅程上蒙上污点有关。Á圣幕lóng是kah敬拜上帝ê事有bē-tàng分离ê关系,全lóng由摩西主导带领。Mā说明上帝对摩西ê完全信任。

第22到25节,chia提起khǹg供桌、供饼、灯台,kah点灯ê工作。

第26到29节,chia是关系金坛ê pái放,烧香ê事,以及挂置门帘、烧化祭ê祭坛,kah献上烧化祭kah素祭ê事宜。

第30到33节,chia是关系铜盆,以及祭司tio̍h洁净脚手ê规矩。最后ê部分,就是kā围篱架设起来,表示全部工程结束。

经文:

出埃及记 40:34-40:38

注释:

Chit段经文讲圣幕完工了后,献hō͘上帝当做siōng好ê礼物。Chit时chūn,上帝亲临在圣幕中。

第34节,chia讲「云彩罩tiâu圣幕」,云彩,这teh表示上帝降临ê意思(参考廿四:15—17),当上帝出现ê时,人是无法度接近ê(参考三:2—6)。民数记ê作者án-ne描讲述:「起会幕hit 日,有云遮(cha̍h)tio̍h会幕,就是证据 ê 布棚;tùi ê-hng 到早起,有亲像火ê 款式盖tī 会幕。定定是án-ne,云遮(cha̍h)teh,暗时亲像火ê 款式。17 云tùi 布棚收tńg 去, 以色列人就出发;云停ê 所在,以色列人就扎营tī hia。18 以色列人照上主ê 命令出发,mā 照上主ê 命令扎营。云停tī 会幕顶ê 时,in 就犹原扎营tī hia (全民版)」(民数记九:15—18)

第35节,上帝透过云彩表明他降临tī圣幕中,因为上帝显现ê时lóng是用光来表示。Á这光非常强烈,连摩西想beh进入lóng因为强光有困难。这光teh表明上帝极高ê荣耀。

第36到37节以色列人民根据云彩来移动,每pái云彩上升,in就拔营,云彩一停,in就停止,扎营。这表示in tī旷野ê行动lóng是根据上帝ê带领á行。若是无上帝带领,in绝对无法度顺利进入迦南地。

第38节,「全部ê旅程」,表示整整四十年久tī旷野ê日子。Lóng有上帝带领、庇护。

重新查询