重新查询
经文:

撒母耳记下 1:1-1:16

注释:

Chit章thang分做两部分,一是第1到16节,有一个亚玛力ê少年人来chhōe伊,kā伊讲关系扫罗kah约拿单ê死讯,大卫听tio̍h了后非常哀伤,特别是伊ê好朋友约拿单往生ê消息后,hō͘伊悲痛无停,m̄-koh当伊知影这少年人亲自kā重伤ê扫罗杀害后,气愤难消,马上ài随从凿死hit-ê通报ê亚玛力人。二是第17到27节,大卫为扫罗、约拿单ê死作了首诗记念。 

Chit段经文叙述有位亚玛力ê少年人来通报大卫,hō͘伊知影扫罗kah伊ê kiáⁿ约拿单lóng往生à。伊并且kā大卫讲,扫罗tī重伤teh beh往生前,伊听从扫罗ê话,kā伊凿死,为tio̍h beh证明伊所讲ê,koh kā扫罗ê王冠kah手股头上ê镯子hō͘大卫证明。结果大卫听tio̍h伊刣死扫罗,非常受气,kā伊判处死刑。Chit段经文主要teh叙述大卫怎样看待扫罗ê死讯,kah伊处理ê态度。撒母耳记作者一贯ê态度,就是beh敬重上帝拣选ê奴仆—君王、领袖,bē-tàng杀害(参考撒母耳记上廿四:6、10、廿六:9、11)。

Chit种资料kah撒母耳记上第三十一章ê资料有差别,因为án-ne,有圣经学者认为chit段经文是另外一个有关扫罗战死战场ê版本。

第1到2节,开始chia就讲「扫罗死后」,chit-ê时代大约是tī主前1010年左右。伊ê死mā同时说明伊ê朝代结束,一个新ê朝代teh beh来临,ná亲像约书亚记第一章1节所写ê「摩西死后」,新ê时代就是由约书亚领导。「大卫phah败亚玛力人」,chit件事记载tī撒母耳记上第三十章。Chit时ê大卫iáu khiā起tī洗革拉城。大卫tńg来到洗革拉城后ê「第三工」,有一个少年人tùi扫罗阵营中逃出来ê,伊是以色列国中ê「侨民」,伊用「拆裂了衫裤,掖灰tī家己头壳顶」,表示心中非常哀伤,而且以「坦覆 (thán-phak)tī土脚」chit种非常尊敬大卫ê态度来到大卫面前。

第3到5节,大卫接见伊,并且开始询问伊ê身分,当伊讲是「tùi以色列军中逃出来」,这已经充分说明以色列军队是战败了(参考撒母耳记上三十一:7)。伊而且hō͘大卫知影扫罗kah约拿单mā lóng死去,扫罗另两个kiáⁿ亚比拿达、麦基・舒亚mā lóng死去。大卫一听tio̍h是「扫罗kah约拿单」,特别koh再确认chit-ê青年án怎知影in两人ê身分。

第6到10节,chit段经文是chit位青年为tio̍h beh表示确认过扫罗ê身分,伊描述tāi-chì ê经过:(a)战争ê地点是tī基利波山。(b)伊带来扫罗ê武器:矛。这支矛扫罗常带在身边(参考撒母耳记上十八:10、二十:33、廿六:7、11、12)。(c)伊被扫罗看见并叫伊停落来。(d)扫罗ài chit位青年kā伊「凿死」。这原本是扫罗要求伊ê兵器侍卫官做ê事,m̄-koh扫罗ê侍卫官m̄敢做,结果扫罗家己坦覆 (thán-phak)tī家己ê刀上自刣来死(参考撒母耳记上三十一:4)。以上chiah-ê资料lóng thang确认扫罗ê身分。M̄-koh tī chiah-ê资料中比较需要注意ê一点:chia所讲ê kah撒母耳记上第三十一章4到5节所记载ê并无相仝,因为án-ne,有一个可能是扫罗自刣并无成功。M̄-koh chit位侍卫官却因为看见扫罗仆tī刀上,伊就认为国王已经死去,伊mā tòe自刣。因为án-ne,tī扫罗iáu有一点气息ê时,忽然看见家己ê士兵,就án-ne命令chit-ê亚玛力人ê以色列士兵kā伊刣死。不过mā有另外一个可能,就是chit-ê少年ê亚玛力人讲白贼,并无据实以告。伊可能看tio̍h扫罗已经死去,身躯仆tī刀上,就án-ne伊就上前取落来扫罗ê头壳顶ê王冠kah手股头上ê金镯子,想beh the̍h去向大卫邀功,认为án-ne thang欺骗会过大卫。因为扫罗既然无想beh死tī「未受割礼ê人」ê手上,伊怎样可能ài一个mā仝款是「未受割礼」ê亚玛力人来刣死伊?问题是chit位少年ê亚玛力人认为扫罗「横直活不了」,tùi chit句话就thang看出伊对扫罗是一点á敬意mā无。M̄-koh伊认为取落来扫罗头壳顶ê王冠kah手股头壳顶ê金环,thang取悦大卫,认为án-ne大卫会戴上王冠,自称做王。M̄-koh伊bē记得,chit种取落来国王头壳顶ê王冠kah手股头ê金镯子,是一种战胜者chiah会有ê动作。伊án-ne做,并m̄是心存敬意,却是带鄙视(siùⁿ)。

第11到12节,大卫听tio̍h chit-ê消息了后,悲痛至极地「拆裂了衫裤」,而且禁食到暗时,而且伊ê部属lóng kah伊仝款。过去bat有过两pái大卫本thang刣死扫罗,m̄-koh都无下手,只因为为扫罗是上帝所拣选ê君王。因为án-ne,大卫ê部属一定知影对上帝拣选ê君王,beh hō͘ in基本ê尊重。

第13到16节,tī第3节,大卫问chit-ê少年人是「tùi tó位来」?chit-má则问伊「tó位人」?而这少年人特别强调是「侨民」。大卫非常受气问伊「怎样敢刣上主所选立ê王」?这tī头前已经kúi-nā pái叙述过,chit-ê tāi-chì一直是大卫所强调万万bē-tàng行ê事。就án-ne大卫下令kā chit位来报信ê少年亚玛力人「刣死」。这kah伊原来ê想beh得tio̍h报酬(参考撒母耳记下四:10),结果tú好是颠倒。Tī大卫ê观点里,chit位亚玛力人所犯ê罪,等于是谋刣,严重性kah叛乱仝款。伊koh一pái强调绝对bē-tàng「刣死上主选立ê王」。其实,chit点mā是以色列文化中,非常重要ê一个基本信念:对上帝拣选ê奴仆,表达至koân ê敬意。Koh讲,若是大卫无chit种处置,伊可能会hō͘怀疑是伊派chit-ê亚玛力人去杀害扫罗,这会hō͘伊陷入困境中。因为扫罗虽然往生,m̄-koh伊ê kiáⁿ他施波设kah大元帅押尼珥iáu teh,必定会藉口煽动以色列人反tńg来对抗大卫。

经文:

撒母耳记下 1:17-1:27

注释:

这是大卫为扫罗kah约拿单ê死所写ê一首哀歌。Tùi chit首诗歌中,thang看出大卫心中ê悲痛。诗歌中,大卫kā扫罗kah约拿单差不多是并列做伙。因为约拿单是伊ê「生死之交」。其实,chit首诗歌编辑tī-chia,mā是为大卫寄居tī非利士人之地做一个结束,同时为大卫迁居到犹大地留了伏笔。

第17节,大卫为扫罗kah约拿单做一首挽歌,表示心内到深ê哀悼ê意思。并且下命令kā chit首挽歌「教授hō͘犹大ê居民」。Chit时大卫所统治ê地区,mā只有南部犹大而已。后来chiah全部lóng归顺tī大卫ê治理之下(参考撒母耳记下五:1—3)。Chit首挽歌记录mā tī「雅煞珥书」顶面,这册名是teh指以色列民族过去历史中ê「英雄录」,是一本专门记载古代英雄事迹ê经典。

第19到20节,「tī以色列山顶」,是teh指基利波山(参考一:6),hia原本是扫罗kah伊ê军队扎营ê所在(参考撒母耳记上三十一:1),设tī耶斯列谷ê溪旁(参考撒母耳记上廿九:1)。「咱ê领袖」,真清楚是teh指扫罗。Á「siōng英勇ê战士」,是teh指约拿单。Mā thang讲是teh指扫罗(参考撒母耳记上十四:48)。续落来指出boài hō͘非利士人欢喜,特别是boài hō͘ in ê众妇女知影,因为妇女lóng是会用跳舞ê方式庆祝。

第21到22节,「永远得bē-tio̍h雨露」kah「荒芜」,是仝款ê意思,指基利波山会荒废成做废墟,无人种作、khiā起ê所在。Á「盾牌生锈」、「无koh被擦亮」,这是teh指使用者已经不tī人间,á是án-ne ê盾牌已经破碎,不堪koh再使用ê意思。原因是扫罗kah约拿单lóng往生à。另外一个意思是teh指扫罗kah约拿单手上ê武器,lóng被非利士人the̍h去khǹg tī in ê神庙,大卫讲希望chiah-ê lóng「生锈」pháiⁿ看,原本是耀眼ê战利品,thang用来荣耀神明,m̄-koh chit-má却变成是真oh看ê物件,hō͘神明遇tio̍h侮辱。Á约拿单原本是一个射箭高手,扫罗则刀剑ê好手。第22节ê诗句是teh歌颂约拿单kah扫罗tī siōng颠峰鼎盛ê时代,每pái in出兵,lóng是战无不胜(参考撒母耳记上十四:47—48)。

第23节,「活做伙,死去mā不分开」,这是非常美好ê诗句。大卫tī chia歌颂扫罗kah约拿单父子情深,并无因为有意见上ê差别就相对敌,颠倒,连tī战场上mā紧靠做伙双双殉难。大卫用「la̍h-hio̍h」、「狮」,譬喻非常健壮、有力(参考以赛亚书四十:31)。「la̍h-hio̍h」飞翔tī空中,而「狮」则奔走tī大地上,这形容天地之间,独独扫罗kah约拿单两人siōng亲爱mā siōng强有力。

第24节,chit节tú好kah第20节相对照;大卫tio̍h以色列人为扫罗哀哭,因为非利士人当teh为扫罗ê死欢喜。过去以色列人ē-tàng tī安稳中teh过富裕ê生活,就是扫罗带hō͘ in ê,伊hō͘以色列人ê外患消失(参考撒母耳记上十四:48)。

第25到27节,这是大卫特别teh描述伊对约拿单到深ê疼。大卫指出约拿单对伊ê疼,hō͘伊有真深ê感受。伊甚至认为约拿单hō͘伊ê疼,khah赢过男女之间ê疼。伊讲英雄竟然mā会「倒下」,这mā是大卫连串发出ê哀叹(参考第19节、25节)。

经文:

撒母耳记下 2:1-2:11

注释:

Tùi第二章开始,一直到第五章3节,是记载大卫tùi洗革拉移转到希伯仑称王ê经过。大卫tùi原本只有tī犹大南部管理一个洗革拉城,变成tī希伯仑当全以色列民族ê王。

Chit段经文描述大卫王想tio̍h离开非利士人ê城市洗革拉。原因是chit pái ê战役是非利士人大胜。即使大卫继续留tī洗革拉城,mā bē受tio̍h尊重。颠倒,伊随时可能会成做非利士人ê眼中钉,mā可能对伊hō͘取hō͘求,hō͘伊夹tī非利士人kah以色列人民中间oh得生存。

Koh讲,大卫mā看tio̍h家己ê同胞会失去领导者,而过去伊一再phah赢非利士人,连非利士人嘴中mā讲出「扫罗刣死千千;大卫刣死万万」chit句歌颂ê诗歌(参考撒母耳记上廿一:11、廿九:5)。因为án-ne,对伊来讲,久长khiā起tī非利士人城市中,并m̄是上上之策。伊认为家己应该离开洗革拉城,tńg来到家己同胞ê城市去chiah是正确。就án-ne伊求问上帝,并且得tio̍h肯定ê答覆。作者透过chit种方式teh说明:大卫一切做tāi-chì,lóng是遵行上帝ê旨意。

第1到4节a句,tī料理扫罗kah约拿单往生ê事了后,大卫求问上帝kám bē-tàng上犹大ê一个城镇,却m̄是指明beh上tó一个城镇。这表示伊是完全听从上帝ê指引,并m̄是家己决定了后,chiah问是m̄是thang。当上帝回答讲thang了后,伊chiah koh继续问去tó位?得tio̍h ê回应是去「希伯仑」,是犹大南部siōng重要ê城市,mā是一个古老ê以色列人城镇(参考创世记十三:18、廿三:2),是犹大支派所分配到ê土地(参考约书亚记十五:13)。Á大卫mā是属tī犹大支族ê人,因为án-ne,到希伯仑等于是tńg来归家己ê宗族。Án-ne,大卫随时就带家眷离开洗革拉城,进入犹大ê中心城邑希伯仑地区。因为大卫m̄-nā是带家己ê家眷,mā带家己ê部下去,这表示大卫目前已经有真chē兵力,chiah-ê兵力bat phah败过强猛ê亚玛力人。虽然大卫并无进驻希伯仑城内,m̄-koh伊kah部下、家眷lóng已经来到希伯仑ê附近城镇tòa落来。这mā表示此后希伯仑chit-ê犹大ê重要城镇,m̄免koh再担心有外族人来进攻、掠夺。当大卫搬到希伯仑,犹大人马上就「膏立大卫作犹大ê王」,m̄-koh tio̍h注意ê是:chit时膏立大卫为「犹大ê王」,并m̄是全以色列十二支派共同ê动作,却是只有犹大支派,极加有附近西缅支派ê参与(参考士师记一:3)。其它ê支派lóng是继续拥护扫罗ê kiáⁿ他施波设。因为他施波设有大将军押尼珥拥护tio̍h,表示伊握有军事权柄。M̄-koh这mā已经teh暗示:犹大支派kah来自便雅悯传承ê扫罗家族,以及北方以色列伊支派之间,已经出现某种程度上ê嫌隙。

第4节b句到7节,chit段经文thang看出大卫ê聪明,伊知影怎样笼络犹大以外其他支派。这tùi伊teh处理扫罗kah约拿单ê后事thang看出来。伊beh hō͘其他支派ê人知影,伊对扫罗确实是尊崇、礼遇有加。当伊听tio̍h「基列ê雅比人埋葬了扫罗」,就派使者去kah雅比人讲鼓励、肯定ê话,同时mā hō͘ in知影大卫已经成做扫罗王位ê继承者。大卫祈愿信实ê上帝永远爱护tio̍h雅比人。伊mā应允会好款待in,希望用chit种方式得tio̍h雅比城人ê信赖,会转而支持伊继承扫罗ê王位。若是ē-tàng得tio̍h雅比城人ê支持,对大卫来讲,会加添真chē力量。特别是chit-ê城ê人,比起基伊拉城ê人是koh khah有义气。

第8到11节,tùi chit段经文thang看tio̍h扫罗军队ê元帅押尼珥,带扫罗ê kiáⁿ他施波设tī战况危急ê时chūn逃过约旦河到「玛哈念」去避难。Kā chit段经文koh再比较第三章7到11节,就thang看出他施波设是一个软弱ê领袖,而押尼珥chiah是真正有实力ê军事将领。统治ê范围包括有:「亚册」、「耶斯列」、「以法莲」,「便雅悯」等地带,chia讲「事实上是全以色列」,chit句话真清楚说明,大家继续承认扫罗ê kiáⁿ他施波设ê合法性。虽然是有元帅押尼珥tī背后操控tio̍h,m̄-koh外表上则属tī「正统」。Á他施波设当以色列ê王ê时chūn,年纪是「四十岁」,m̄-koh却伊统治ê时期只有短短「两年」时间而已。Chia ê「两年」,真可能是对照大卫tī希伯仑当犹大王ê最后两年chiah-tio̍h。

经文:

撒母耳记下 2:12-3:1

注释:

Chit段经文讲述以色列南北之间ê争执,chit种争执lóng kah「甚么人chiah是正统」有密切关系。

第12到14节,chit段经文讲述押尼珥主动邀约约押,伊显然是有意思beh想办法说服南部支持大卫ê犹大支派,ē-tàng向北部ê扫罗kiáⁿ孙他施波设称臣。约押是大卫ê侄á,是一个真有能力ê将军(参考撒母耳记下十:7、13、十一:1、十二:26),就是tī伊率兵攻落耶路撒冷,而被大卫封立为军队ê统帅(参考历代志上十一:6)。M̄-koh伊mā是一个真残暴ê人(参考列王记上十一:16),有时连大卫lóng无法管束伊(参考下:26—27、39、十八:5、14)。Chia讲「一队tī池chit pêng,一队tī池hit-pêng」,是非常典型ê谈判形势。押尼珥提出一种竞赛ê方式,就是双方lóng派出phah手,作竞技「比武phah斗」。Chit种派出代表ê比武方式,ná亲像当年歌利亚挑衅以色列军队ê模式仝款(参考撒母耳记上十七:8—10)。押尼珥有意思beh透过chit种方式,hō͘约押降服,hō͘约押知影伊ê部下比较强。M̄-koh后来押尼珥发见家己ê军队比约押ê士兵iáu koh khah弱(参考第30到31节)。

第15到16节,双方各派出「十二个人」。这已经teh象徵以色列民族ê「十二支派」。这m̄是单纯ê一种「比武phah斗」,却是一种殊死战,一种你死我活ê战争。结果双方各派出ê十二名代表,lóng被对方刣死,形成两败俱伤,无任何一边phah赢。因为án-ne,in hō͘基遍一个新名叫「剑场」,意思是teh指参加phah斗ê人,in ê心lóng像手中ê剑仝款,既利剑剑koh坚硬。是teh指in lóng m̄肯输hō͘对方,成做比较软弱ê人,mā bē对家己ê同胞(参考第26节)手下留情。

第17到20节,tùi原本是「比武phah斗」演变成杀害对方代表ê性命,结果是hō͘ kui个竞技演变成彼此激烈ê残杀,而且当时跟tòe去ê部下之全面性ê相刣,这恐惊是in当初意想bē到ê。押尼珥一定无想tio̍h会hō͘大卫chit pêng ê约押kah部下phah败,因为án-ne,只好快速逃离现场。大卫ê阿姊洗璐雅有三个kiáⁿ lóng tī现场,除了约押之外,iáu有「亚比筛、亚撒乌」。亚比筛bat跟tòe大卫去偷袭扫罗ê营房,差一点á就刣死扫罗(参考撒母耳记上廿六:6—12)。「亚撒乌」,特别绍介讲伊有强壮ê身躯,脚步快速如野鹿仝款。伊ê名mā有另外一个含意,指「羚羊」。当伊看tio̍h押尼珥逃离现场ê时,就tùi后面直追。

第21到23节,押尼珥显然知影无法度逃离被亚撒乌tui-jiok上去ê厄运,因为án-ne,伊hō͘出计谋来脱离险境。其实,押尼珥知影,若是刣死亚撒乌,会hō͘伊无法度安稳过日子。因为事实证明大卫ê势力已经比扫罗kiáⁿ孙chit-ê方iáu koh khah强盛。为tio̍h beh逃离亚撒乌ê tui-jiok,押尼珥当teh hō͘计,希望ē-tàng脱离险境,伊回头iáu出矛,刣死了紧追tī后面ê亚撒乌。

第24到26节,约押kah亚比筛对小弟亚撒乌被押尼珥杀害ê事耿耿tī怀,一直无停ê tui-jiok押尼珥。因为亚撒乌并m̄是一般士兵,却是大卫身边ê大将,而且大卫ê侄á,因为án-ne,伊ê死tī某种程度上mā是teh侮辱大卫。这mā是约押kah亚比筛一直穷追不舍ê另外一个原因。便雅悯人iáu-koh非常支持押尼珥,mā表明in全力支持扫罗ê kiáⁿ他施波设为正统ê统治者。当看tio̍h押尼珥逃离现场,随时跟tòe伊,并且kah伊固守tio̍h另外一座山头。不过押尼珥确实无意扩大战端,因为án-ne,伊向约押喊话,提醒双方lóng是以色列同胞,bē-tàng互相残杀。这mā thang看出押尼珥是一个真聪明ê将军,知影怎样化解阵前危险。其实,伊已知影家己ê实力差了大卫ê军力一大截,继续án-ne对敌落去,kan-taⁿ会对家己伤害koh khah深而已。

第27到29节,押尼珥ê心理作战果然奏效,约押决定吹号收兵,这hō͘押尼珥得tio̍h喘气ê机会,赶紧班师tńg来到玛哈念。

第30到32节,chit pái ê战役大卫chit pêng除了亚撒乌将领iáu有另外十九个兵丁死亡,而押尼珥带来ê便雅悯支族则有三百六十人死亡。

第三章1节,chit节讲出大卫ê实力渐渐兴旺起来,而扫罗ê家族则渐渐衰微。

经文:

撒母耳记下 3:2-3:21

注释:

Chit章记载押尼珥已经意识tio̍h若情势继续落去,会完全失去生存ê机会,因为án-ne决定私下kah大卫谈判和解。M̄-koh,押尼珥将军因为bat杀害大卫身边ê猛将亚撒乌,为tio̍h án-ne事约押一直想beh替小弟亚撒乌报仇。果然就tī伊kah大卫谈妥和解条件了后,tī tńg去厝里途中反被约押派人押tńg来而刣死,报了小弟亚撒乌ê仇(参考三:26—28、30)。M̄-koh mā因为约押刣死押尼珥,hō͘大卫警觉tio̍h伊已经无法度管辖、约束约押。因为án-ne,tī伊临终前交带后事ê时,特别交带kā chit-ê tāi-chì记tī备忘录里,hō͘伊ê kiáⁿ所罗门利用宫廷内部斗争ê机会刣死约押(参考列王记上二:31—34)。Chiah-ê lóng说明一个重要ê中心主题:m̄是tùi上帝来拣选、膏立ê君王,lóng bē为国家带来真正和平、安定。

Chit段经文描述押尼珥计画带兵投效大卫ê经过。伊是一个会一时风驶一时船ê幕僚,原本是「拥护」他施波设为王ê,m̄-koh后来却私落去chhōe大卫谈投降ê事。这是背叛他施波设。

第2到5节,是一份简单ê族谱,chit-ê族谱thang参考历代志上第三章1到3节。清楚kā大卫ê kiáⁿ依大细ê次序排列出来,作者用chit种方式,主要teh表达一个意思:tī大卫厝内有资格继承王位顺位ê名单。M̄-koh值得注意ê是所罗门ê名chit时iáu未出现。Chia所列出来ê kiáⁿ,lóng是大卫tī希伯仑作犹大王ê时chūn所生ê。一直到第五章13到16节koh一pái出现一份新ê族谱,记明大卫作以色列王了后,tī耶路撒冷所生ê kiáⁿ,chit时chiah有所罗门ê名出现。Tī chit份简短ê族谱中,并无说明第3节所提起ê「基述王达买ê cha-bó͘-kiáⁿ玛迦」,mā就是押沙龙ê老母,是甚么时chūn,á是tī甚么情况之下,成做大卫ê bó͘,以及第4节ê「哈甲」、「亚比伊」、「以格拉」等等chiah-ê bó͘是tùi何而来,chiah-ê lóng欠缺资料。虽是短短四节经文,却讲出大卫娶米甲了后,至少koh娶六个bó͘。若是koh加上第五章13节所记载ê,讲大卫「到à耶路撒冷后koh选了真chē妃嫔」,却无说明娶jōa-chē位,m̄-koh已经thang看出大卫iáu感不足,最后koh发生一件伊计画谋害部下乌利亚,夺取in bó͘拔示芭ê事件等,án-ne已经讲出大卫ê pháiⁿ模样,是后来所罗门败坏ê主因。Á chiah-ê记录mā为后来宫廷ê内斗留落来了一则伏笔。Koh讲,chit份简单族谱并无kā米甲列tī名单中,原因可能是大卫kah米甲无生儿育女,mā有可能后来米甲被伊ê老父扫罗改嫁hō͘拉亿ê kiáⁿ帕提有关(参考撒母耳记上廿五:44)。

第6节,chit节讲出以色列民族分裂ê一个远因。北部ê以色列人因为他施波设被押尼珥将军所控制有关。因为án-ne,作者特别tī chia加上chit句「押尼珥元帅ê势力jú来jú大」,来形容伊已经拥兵自重,而且无受以色列王他施波设ê控制,因为án-ne chiah会「不断来争战」。 

第7到11节,tùi chit段经文thang看出押尼珥ê权柄之大kah嚣张ê态度,已经大大超过他施波设所ē-tàng驾驭。伊虽然不满押尼珥ê嚣张,m̄-koh却无办法制裁伊。Á押尼珥mā当tio̍h伊ê面chiù-chōa讲,beh带兵去投效大卫,这hō͘他施波设m̄敢出声。

第12到16节,经过一阵子ê深思熟虑了后,押尼珥chiâⁿ实采取行动beh背叛伊ê主人他施波设去投效大卫ê阵营。伊派心腹去大卫hia讲,如果大卫kah伊立联盟ê约,伊就会帮助大卫统一以色列全国。就án-ne大卫同意押尼珥ê提议,问题是:大卫为甚么肯hō͘押尼珥做chit种动作?真可能是:大卫认为án-ne ē-tàng减少真chē不必要ê「争战」,thang避免造成koh khah chē以色列同胞ê伤害。Á过去带兵kah大卫争战ê,就是押尼珥。因为án-ne,伊来归降等于kui个北部以色列lóng投降仝款。大卫则提出另外一个条件, ài押尼珥kā伊ê前bó͘米甲带tńg来。大卫会提出chit-ê条件真可能有一个用意:beh hō͘以色列国ê人民认同大卫是扫罗王ê kiáⁿ婿,án-ne,大卫tī继承王位ê身分上会koh khah合理化。Á米甲mā是他施波设ê阿姊。

其实,大卫chit-ê要求说明伊已经准备好势,beh统治北国以色列ā。伊会对他施波设提出chit-ê要求,mā是beh hō͘他施波设用国王ê身分正式承认米甲原本就是大卫ê bó͘。Á当大卫提出chit-ê要求ê时,他施波设只有ē-tàng照办无法度拒绝。他施波设只有ē-tàng硬kā米甲tùi「帕铁」身边带走,而chit件归还米甲hō͘大卫ê行动,显然是由押尼珥执行。因为án-ne,当in行到接近希伯仑ê边界ê时,押尼珥下命令ài帕铁离开米甲。

第17到19节,为tio̍h beh达成kah大卫立盟约ê动作,押尼珥去对北部以色列族群ê长老说明chit件事。然后mā走去到便雅悯支派去游说,这是因为便雅悯支派是siōng拥护扫罗ê族群,因为扫罗就是出tī便雅悯支派ê人(参考撒母耳记上九:21)。结果mā得tio̍h便雅悯支派ê人ê同意。押尼珥kā chit pái游说ê结果带去希伯仑向大卫报告,目的是beh hō͘大卫知影伊所做ê努力kah成果。Án-ne,tī南kah北两地ê以色列人联合起来了后,有可能伊就thang被看做是主要功臣之一。

第20到21节,当伊游说各支派成功了后,就带北部支派ê代表二十个长老去见大卫,而大卫则用siōng热情ê方式,设宴款待chiah-ê代表,这mā是立约应该有ê仪式之一,用来表示欢迎kah接纳。押尼珥当tio̍h chiah-ê代表讲beh「号召全以色列来拥戴」大卫做王。这mā说明in无koh拥护他施波设做王,等于是废了他施波设仝款,至少部队bē koh再支持他施波设,hō͘伊无koh是北部以色列ê国王。Á大卫回应押尼珥ê酬劳,是「保证押尼珥ê安全」,因为押尼珥án-ne做,等于背叛他施波设。Koh讲,押尼珥mā真清楚知影约押对亚撒乌被刣ê事件,当teh等机会beh报仇。因为án-ne,大卫答应hō͘ in保证「安全」,这mā是in彼此之间立盟约ê一个附带条件。

经文:

撒母耳记下 3:22-3:30

注释:

Chit段经文是描述押尼珥归降大卫tńg去厝里途中,被大卫ê大将约押派人去追tńg来,并且kā伊掠tńg来刣死,报了亚撒乌被刣之仇。M̄-koh约押chit种行踏hō͘大卫寒心,m̄-nā为押尼珥亲自主持葬礼,而且为押尼珥写一首挽歌,最后,大卫tī临终chìn前iáu特别交带伊ê kiáⁿ所罗门一定ài会记得,mài hō͘约押「善终」。因为约押chit种行踏,等于teh宣告,伊ē-tàng m̄听大卫ê话。

第22到25节,当约押kah大卫ê臣仆出兵,lóng phah赢tńg来,并且带tńg来真chē战利品,hit时押尼珥已经kah大卫结盟成立,因为án-ne,当约押相刣胜利tńg来,有人向伊报告chit件盟约ê事后,伊质问大卫为甚么án-ne做?伊认为押尼珥是来欺骗大卫王ê。其实约押会án-ne讲,是因为对押尼珥刣死亚撒乌ê事无法度释怀,一直想办法beh报仇。不过,另外有一种讲法,认为约押无欢喜押尼珥加入大卫阵营,原因是押尼珥会成做伊ê「竞争者」,chit-má koh带北部以色列来归顺,大卫必定会重视伊。加上押尼珥mā是一个勇kā,chit对约押ê地位kā造成威胁。

第26到27节,约押离开大卫就随时去追逐押尼珥。押尼珥因为无kā约押追缉伊ê事想清楚,认为已经有大卫ê保证,必定是安全ê。因为án-ne,当约押假做beh kah伊秘密谈话ê时,伊一轻松落来就被约押刺杀死,替小弟亚撒乌报了仇。

第28到30节,chit件杀害押尼珥ê事件传到大卫后,大卫无法度忍受,诅咒约押kah伊ê后代。Thang看出大卫心中ê恨。

经文:

撒母耳记下 3:31-3:39

注释:

Chit段经文koh一pái强调有关约押刣死押尼珥ê事件,大卫完全是无辜ê。因为大卫若是刣死无辜ê命,就会ná亲像拿八ê bó͘亚比该当时阻止大卫杀害拿八ê时所讲ê:「Hit 当时,我ê 主m̄ 免为tio̍h 流无罪ê 人ê 血,申家己ê 冤,致使有甚么忧闷,á 是心内家己责备。(全民版)」(撒母耳记上廿五:31)身为一国之君,若是滥刣无辜,bē是一个好君王,chit-ê观念是非常重要ê信仰认知。因为án-ne,当约押杀害押尼珥了后,引起大卫极大ê愤怒,m̄-koh mā显示大卫对tī拥兵自重ê约押,已经无约束能力。因为án-ne,伊chiah会感慨ê讲「我无法度应付」chit句话。大卫用非常哀荣ê方式,办理押尼珥ê丧事,这mā说明大卫beh hō͘北方ê以色列人知影,大卫对押尼珥ê死,确实是无辜ê。

第31到32节,tùi chia thang看出大卫ê愤怒kah悲伤之深,伊直接「命令约押kah伊ê部属lóng拆裂衫裤、穿麻衣,为押尼珥哀哭」,这无疑是对约押极大ê谴责,m̄-koh大卫mā只有ē-tàng án-ne,却无法度对约押ê违抗命令hō͘ in任何制裁、惩罚。伊亲自为押尼珥举行隆重ê葬礼,有ná国葬ê隆重,而伊「亲自跟tòe tī棺木后面行」,单是án-ne就hō͘北方以色列人心服。大卫án-ne做,thang讲达tio̍h两个效果,一是对约押有震撼kah教示ê作用,二是hō͘北方以色列人感受tio̍h安慰,而认同大卫是无辜ê。

第33到34节,这是大卫为押尼珥所写ê挽歌,清楚表示押尼珥是hō͘谋害ê。Tī大卫ê心目中,押尼珥是一个有智慧、聪明人,若无,伊bē主动来kah大卫谈和解ê事,因为伊知影国家局势ê转变,而且知影怎样tī双方对敌之下,hō͘伤害降到siōng低ê程度。Mā thang讲,大卫ê诗句,已经teh说明约押chiah「像戆子」,却m̄是押尼珥。Tī chit首诗中,大卫o-ló押尼珥是一个自由人,是一个脚手都无被捆绑ê人,mā tī chit挽歌中,伊控诉约押是亲像暴徒仝款杀害押尼珥。

第35到39节,大卫用真chē方式来表明对押尼珥被杀害ê事件,伊是清白ê。并且因为án-ne得tio̍h全体以色列人民ê信赖,知影伊无参与chit件谋害ê事。大卫甚至肯定讲以色列「死去一位伟大ê 将领」,伊并无因为伊是对敌一方ê 将领,就抹灭伊生前ê功绩。至少,押尼珥带领北部以色列归顺大卫统治,减少了以色列民族彼此之间ê仇恨、互相残杀,这就是「伟大ê 将领」应该有ê态度。M̄-koh大卫mā同时感慨家己虽然是上帝选立ê王,却是「bē-tàng为力」、「无法度应付」,约押杀害押尼珥ê行踏,因为约押确实是伊手下ê大将,拥有强大ê军权。这mā说明大卫心中一直会记tiâu chit件事,等待惩罚约押ê机会来到。

经文:

撒母耳记下 4:1-4:12

注释:

Tùi撒母耳记下第四章他施波设被暗刣ê事件,就thang看出押尼珥ê重要性,至少伊稳定了北部以色列ê军心,会继续拥护扫罗ê政权。M̄-koh押尼珥被杀害后,其他ê军事强人就想beh抢功,m̄-koh chit两位重要军官所做ê事,却是大卫所讨厌ê行为。作者透过chit种方式teh说明一件事:bē-tàng杀害无辜ê,chit点mā是圣经非常重要ê教导。特别是拥有权力者若是会杀害无辜ê,ná会造成社会ê混乱kah不安。Koh khah严重ê是án-ne ê行踏,等于teh藐视上帝创造性命ê荣耀kah尊严。

第1到3节,chit段经文先提起他施波设kah以色列人听tio̍h押尼珥被谋刣了后,lóng恐慌不安,ná亲像头前所讲ê,押尼珥确实是北部以色列ê领导者,却m̄是他施波设。Chia mā先绍介他施波设身边ê两位重要军官—巴拿kah利甲。

第4节,「米非波设」,chit-ê名原本是teh指「米力・巴力」(参考历代志上八:34),意思是teh指:巴力ê敌人。编者kā chit节编辑tī chia,用意beh说明扫罗家siōng优先继承王位ê人,并m̄是他施波设,却是约拿单。M̄-koh,约拿单战死战场,而hit时米非波设因年纪chiah kan-taⁿ五岁而已,无可能继承王位,加上伊ê奶妈带伊逃亡ê时,不慎跋倒而hō͘伊因为án-ne变成瘸腿,根本就无条件kah siōng小ê a叔他施波设á是其他有意争夺王位ê人争权。chit-má他施波设已经统治以色列七年了,米非波设mā应该是十二岁,作者特别beh hō͘读者知影,就算chit-má米非波设想beh继承王位,mā会因为尚且年轻,而容易被拥有军权ê 将领所挟持。

第5到8节,他施波设身边ê两位军长巴拿kah利甲,利用炎热ê中昼侵入伊寝室刺杀伊,可见当时ê军队已经bē稳定。而且刺杀ê手段非常残忍,in是kā他施波设ê头割落来,然后手the̍h头颅去见大卫,chit种情形ná亲像hit位亚玛力人割落扫罗ê头仝款(参考一:10)。In对大卫讲he是伊ê「仇敌扫罗ê kiáⁿ他施波设ê头」,其实,tī大卫ê心中,扫罗并m̄是伊ê仇敌,是扫罗kā大卫看做是仇敌,因为án-ne扫罗chiah会一直想beh杀害大卫ê行动。颠倒,大卫一直尊崇扫罗是上帝所拣选ê君王,因为án-ne,伊一再强调上帝拣选ê君王m̄-nā bē-tàng刣(参考撒母耳记上廿四:6、10、廿六:9),却是只有ē-tàng保护。为tio̍h án-ne,当巴拿kah利甲kā他施波设ê头带来hō͘大卫ê时,iáu认为是替大卫报仇。M̄-koh大卫kah他施波设之间根本lóng无仇恨thang讲。

第9到12节,大卫m̄-nā无接纳in ê作法,甚至严厉责备in chit种bē-tàng原谅ê行踏。大卫指「永生上主chiù-chōa」,表示chit位上帝是永活ê上帝,他亲目看tio̍h chit两位军长所行ê恶质ê行为。因为án-ne,人ê任何动机kah行为lóng无法逃过上帝ê目睭。大卫强调他施波设是「无辜ê人」,chit-má,chit两位军长竟然是侵入国王ê厝,teh beh tī困落眠中ê国王刣死,koh khah是罪bē-tàng赦。因为án-ne,大卫责备in是「罪大恶极ê人」。值得注意ê是,大卫ē-tàng处理chit两位军长ê恶质行踏,却无法度处置约押抗命ê行为。理由是chit两位军长,并无真正实力,为tio̍h án-ne ê时ê北部以色列已经因押尼珥往生而失去战斗力。M̄-koh约押是南部犹大ê主kā,犹原拥有极大ê军权。Koh讲,大卫称他施波设是「无辜ê人」,并无讲伊是上帝所拣选ê君王,kah伊一再称呼扫罗是「上帝所拣选ê君王」,真无仝款。显然ê,他施波设tī大卫眼中,地位并无高。M̄-koh大卫iáu-koh认为chit种谋害人ê事,是bē-tàng原谅ê,何况是谋害家己ê国王,koh khah是罪bē-tàng赦。就án-ne大卫下命令kā chit两位军长处死,而且是用接近分尸ê极刑。然后大卫kā他施波设埋葬tī「押尼珥ê坟墓内」,表示kā它埋葬tī以色列ê国家墓园。然后,kā chit两位军长ê尸体「挂tī希伯仑ê池旁」,chit种处理尸体ê方式,kā它称做「曝尸」,是一种严厉惩罚被处死ê人(参考约书亚记八:29),用来表示chit-ê人ê后代kiáⁿ孙,bē有幸福、安定ê生活,这mā是圣经时代中东地区ê社会,侮辱被处死者了kiáⁿ孙ê方式(参考列王记上十六:4)。

经文:

撒母耳记下 5:1-5:16

注释:

Tùi chit章开始直到第廿四章结束为止,有真chē资料lóng tī历代志ê经卷中thang看会tio̍h,而且有kóa记事ê内容差不多是完全仝款,表示chiah-ê资料kah宫廷ê记录有非常密切关系。换句话讲,chit段记事thang被看做是「正史」ê一部分,内容包括了发生tī大卫身上,以及伊家庭中ê事件。Koh khah重要ê,tī chit段长到二十章ê篇幅中,撒母耳记下作者并无因为大卫是王,是上帝亲自拣选ê国王,而且以色列人民所尊崇、有名望ê王,就kā伊所犯严重错误 ê奸淫罪ê记录抹掉,作者照样详细记明,为tio̍h是beh hō͘后代阅读者知影:做一个人拥有极大权力ê时,是siōng有可能bē记得上帝教示而犯罪ê时chūn。因为án-ne,需要koh khah谨慎做tāi-chì。作者mā透过大卫犯罪ê记录,说明犯罪付出ê代价koh khah高。公义ê上帝,并无会因chit-ê人是他所亲自拣选,就tī惩罚罪过中hō͘ in特别减刑á是轻判。公义ê上帝对有权势者ê惩罚是koh khah严厉。

Chit章描述大卫王正式成做统治kui个以色列ê君王,同时kā原本设tī犹大希伯仑ê发号中心,改到耶路撒冷,而且建lóng kah宫殿设tī耶路撒冷。

Chit段经文mā同时分别记载tī历代志上第三章、第十一章、第十四章等段落。除了描述大卫王登基为全体以色列ê王,以及后来攻占了耶布斯人ê城市「锡安」,chit段经文是以色列历史中真关键ê历史记事。因为后来「锡安」,就成做「耶路撒冷」,mā hông称做「大卫之城」。

另外,chit段经文mā提供了一份简单ê族谱。M̄-koh却讲出大卫王朝后来延伸出来ê问题主因—纳细姨siuⁿ过chē。伊chìn前tī希伯仑已经有娶bó͘纳细姨(参考三:2—5),chit-má建造王宫了后,koh tī宫殿中「选真chē妃嫔」。后来伊ê kiáⁿ所罗门koh khah过份,共计拥有一千名妃嫔,所罗门因为chiah-ê妃嫔ê诱惑,hō͘伊弃sak了上帝(参考列王记上十一:3—4)。为tio̍h án-ne,后来申命记作者真清楚表示,bē-tàng允准国王án-ne堕落(参考申命记十七:17)。

第1到5节,以色列十二支派ê代表到希伯仑见大卫,ài伊做「牧者领导」以色列人民,作统治者。In kah大卫立约,表示拥护伊作以色列人民ê王,chit时chūn,大卫王chiah三十岁而已,在位共计四十年,其中,tī希伯仑统治犹大七年,tī耶路撒冷统治全以色列kah犹大(表示以色列王国)共计三十三年。

第6到7节,耶路撒冷早tī亚伯拉罕时代就已经是一个重要城市(参考创世记十四:18)。地点tú好teh犹大kah便雅悯ê边界上。犹大支族ê人bat攻取hit-ê城(参考士师记一:8),m̄-koh真就koh失守。后来,便雅悯支族ê mā攻取过,m̄-koh并无完全占有(参考士师记一:21),这两支族ê人lóng尽了力,ē-sái讲是lóng无法达tio̍h愿望ê全部占领(参考约书亚记十五:63)。因为耶布斯人一直占有hit-ê城,因为án-ne,hit-ê城koh称做耶布斯城(参考士师记十九:10,历代志上十一:4)。因为耶路撒冷自约书亚chhōa以色列人民进入迦南地了后,耶路撒冷一直是保持独立状态。Mā因为án-ne,大卫率兵准备ài攻打此城,hit-ê城ê人认为tio̍h án-ne城易守难攻,因为án-ne,放出一句话讲:「就连盲人kah跛子也ē-tàng击退你」,chit句话ê意思原本是讲:只要chheⁿ-mê、跛脚ê人,就ē-tàng防守hit-ê城,这是当时Tīhi̍t 所在区流传ê一句俗语。该句俗语tú好说明此城确实是无容易攻陷ê据点。因为它ê地势位处一个天然要塞,真容易防守。不过耶布斯人却用chit句俗语来讽刺大卫,认为伊根本无甚么本领。就kah非利士人歌利亚teh藐视大卫仝款。

第8节,为tio̍h beh鼓舞兵丁勇敢夺取hit-ê城,大卫ài伊ê部下kah伊同齐kā hit-ê城攻落,历代志上ê作者是讲大卫用「重赏」—hō͘ in大将军职位,结果诱hō͘约押tāi先带兵攻落了hit-ê城。果然约押攻落hit-ê城后,大卫就m̄准有耶布斯人khiā起城内,而形成chit句俗语:「盲人kah跛子无法度进上主ê殿宇。」chit句话比较正确ê讲法是:「盲人kah跛子无法度进入王宫。」因为后来大卫tī-chia建lóng,拒绝任何耶布斯人接近ê意思。换句话讲,chit-ê城kā不准有耶布斯人khiā起。因为伊「恨恶」耶布斯人。

第9到10节,攻落耶布斯城了后,大卫就搬入来khiā起,tùi án-ne耶布斯城就hông称做「大卫城」。Chit节mā表示原本tī南部犹大ê希伯仑指挥中心,tùi án-ne就改到耶路撒冷来。当大卫攻落了耶路撒冷城后,kui片迦南地lóng纳入了大卫王统治ê手中,而这是因为有「上帝kah伊同在」,chiah hō͘ chit-ê tī约书亚时代以后,lóng无法完成ê任务顺利完成,致使耶路撒冷城完全kā耶布斯人驱离出去。

第11到12节,chit两节经文说明大卫ê名声开始远播,连附近国家lóng想beh kah大卫建立友邦关系。M̄-nā án-ne,贸易开始促进了以色列繁荣,国势日渐兴盛起来。

第13到16节,这是一段简单ê族谱,说明大卫tī耶路撒冷后,koh选了真chē妃嫔,mā生真chē kiáⁿ,m̄-koh后来chiah-ê lóng为大卫家庭发生ê真chē纠纷埋落来伏笔。

经文:

撒母耳记下 5:17-5:25

注释:

Chit段经文同时记载tī历代志上第十四章8到17节。记载非利士人决定对大卫出兵争战。大卫过去bat是非利士人庇护ê一名政治犯(参考撒母耳记上第廿七章),m̄-koh非利士人mā bat怀疑伊ê忠心,而拒绝hō͘伊参与出兵攻打扫罗时代ê以色列军队(参考撒母耳记上第廿九章)。chit-má非利士人决定出兵phah大卫,是因为听tio̍h大卫整合了kui个以色列民族十二个支派,这对非利士人来讲,已经thang感受tio̍h chit-ê过去in眼中ê小国,已经bē-tàng忽视。因为án-ne,决定出兵讨伐,主要目的是beh削弱大卫ê实力。

第17到19节,ná亲像过去仝款,大卫听tio̍h非利士人已经来侵犯以色列ê土地,伊就询问上帝ê旨意,是m̄是thang出兵攻打。上帝hō͘伊ê回应是thang去phah,上帝一定会hō͘伊战胜非利士人。

第20到21节,果然kah顶面仝款帝hō͘大卫ê应允,大卫率领部下phah败非利士人,in无闲逃命连偶像神明lóng弃sakà。因为in ê神明无法度庇护in kah上帝所庇护ê以色列军队对抗。

第22到25节,这是非利士人重新整军备战,in m̄相信大卫治理之下ê以色列是án-ne勇猛、善战。M̄-koh大卫并无因为顶pái ê战胜而骄傲,伊iáu是仝款询问上帝,是m̄是该去进攻非利士人占领ê地区。上帝koh一pái指示大卫该进攻ê方式,ài伊「听tio̍h树梢有脚步声音,马上进攻」,这表示上帝已经tī头前替以色列军队攻击非利士人à。大卫照上帝ê指示行军,果然koh一pái kā非利士人phah败。

经文:

撒母耳记下 6:1-6:11

注释:

Chit章记载大卫想tio̍h象徵tio̍h上帝同以色列民族做伙ê记号—约柜。伊决定kā它引进耶路撒冷,ē-sái讲是非常明智ê一种决定。因为,一个社会若是无敬虔ê宗教信仰,单有强力ê政治领导者,mā真紧会失去平安、稳定ê社会秩序。古往今来ê世界,lóng仝款有chit-ê问题。chit-má大卫已经kā宫廷迁入此城,并且kā耶布斯人lóng驱离出城,hit-ê城chit-má只有以色列人khiā起,因为án-ne,迁徙约柜入城,mā等于是teh建构hit-ê城成做敬拜耶和华上帝ê中心,这mā是为甚么hit-ê城后来会hông称做「圣城」,á是「上帝ê城」ê原因。因为约柜是以色列人民看做有上帝kah in同在ê记号。因为án-ne,当约柜引进耶路撒冷后,hit-ê城此后成做名符其实ê「政教合一」ê城市,mā为后来所罗门建造圣殿注入一股ê催生力,而这mā为以色列人民ê信仰生活,建立完整ê祭司制度,kah敬拜礼仪ê模式。Koh khah重要ê,是透过约柜迁徙入耶路撒冷城,hō͘以色列原本一直存在tio̍h「南kah北」裂痕,因为án-ne而会得thang修复亲密结连做伙。

Chit段经文讲大卫决定用盛大ê阵势去迎接约柜入耶路撒冷城,m̄-koh却发生意外。理由是冒犯上帝ê神圣,为甚么会án-ne,是真值得注意ê一件事。Chit段经文mā同时出现tī历代志上第十三章。

第1到5节,chit段经文thang看出大卫为tio̍h beh迎接约柜入城,确实是非常慎重其事,共计派出三万精锐部队引chhōa,可能是为tio̍h beh防范外族人忽然来入侵搅扰Chit时ê约柜是停khǹg tī「基列・耶琳」,是tùi先知撒母耳时代就一直停khǹg tī亚比拿达ê厝里,并且由亚比拿达ê kiáⁿ以利亚撒看守(参考撒母耳记上七:1)。chit-má大卫王决定kā它迁徙到耶路撒冷城。大卫kā约柜khǹg tī一台「新车」上,teh表示「圣洁」、「纯真」ê意思。然后由亚比拿达ê两个kiáⁿ—乌撒kah亚希约领导tio̍h。Kui个队伍ná亲像迎接军队凯旋tńg来,á是庆祝农作物丰收等仝款ê欢喜方式,弹奏tio̍h各种乐器,包括有「竖琴、七弦琴、铃鼓、响板,kah铙钹」等,除了「响板」外,其余chia所记载ê乐器,差不多lóng是以色列人民厝里就有ê乐器,mā是in siōng常用来teh敬拜上帝ê乐器。

第6到8节,chit段经文描述运送约柜ê过程中,发生意外,作者无说明是甚么原因致使「拉车ê牛差一点á绊倒了」。有kóa圣经学者认为是:大卫chit pái ê迎接约柜,并无事先徵询上帝ê旨意。另外有kóa学者认为这是因为kah摩西律法所规定移动约柜应该有ê规矩相违背有关。照民数记第四章5到6节、15节等等记载ê规定,移动约柜ê时,应该tio̍h先tī约柜顶面加上幼路ê皮盖,然后koh再用一块纯蓝色ê布铺Tī顶面,最后chiah由众祭司扛扛移动。Á chit-má是用牛车,m̄是用人来扛,显然对移动约柜ê态度无够顶真。这mā是当「乌撒就伸手扶tòa上帝ê约柜」,表示伊做出了严重违背摩西律法规定ê动作。因为民数记第四章15节讲「摸tio̍h」了约柜ê人一定会死。Tī圣经ê时代,神圣ê物件,特别是用来象徵tio̍h上帝同在ê约柜,hit种严肃kah神圣ê记号,绝对m̄是一般人thang用手摸tio̍h,这mā是为甚么摩西律法上就顶真规定,一定会有祭司ê身分,而且规定某一个家族成员chiah thang。M̄-koh mā可能是因为牛车差一点á绊倒ê时,民众ê惊kah gāng去、恐慌,乌撒家己mā真可能因为án-ne而惊惶过度致死。因为是大卫安排chit-ê tāi-chì,因为án-ne,大卫对tī上帝惩罚乌撒ê事,真无掠做当然,有表示无欢喜。伊原本是beh荣耀上帝,m̄-koh上帝却hō͘ chit件事发生问题,hō͘ chit件原本大卫认为thang真光彩、荣耀、喜乐ê事,演变成悲伤、懊恼ê结果。M̄-koh mā因为发生chit件事了后,chiah hō͘大卫警觉tio̍h一定tio̍h小心翼翼进行第二pái移动约柜,m̄是家己欢喜就好,却是知影小心谨慎。这mā说明,约柜,这象徵tio̍h上帝显现、同在ê圣物,并m̄是甚么人有国王权柄爱怎样就thang怎样。

第9到11节,大卫经历过chit pái ê事件了后,mā会感觉惊惶,深恐因为对神圣ê圣物有所不敬,而koh一pái造成伤害。伊知影这是一件非常严肃、神圣ê事,bē-tàng大意,m̄敢轻举妄动,而需要重新细腻规划。伊决定改变方式,先kā约柜停留tī俄别・以东三个月时间,上帝mā因为án-ne赐福hō͘俄别・以东ê厝。

经文:

撒母耳记下 6:12-6:23

注释:

Chit段记载大卫王koh一pái迁徙约柜进入耶路撒冷城。因为有顶pái ê经验,chit pái迁徙ê动作就显得非常谨慎,m̄-nā照摩西律法规定用扛ê方式,kā约柜扛入耶路撒冷,大卫甚至是亲自跳舞迎接。虽然后来米甲为tio̍h án-ne事iáu用言语讽刺了大卫一下,m̄-koh大卫并无认为意。Chit段经文记事mā同时记载tī历代志上第十五章25节到第十六章6节、43节。M̄-koh无论是撒母耳记下作者á是历代志上作者,lóng强调chit pái迎接约柜入城,是用「扛」ê,无koh像顶pái是用牛车载ê。而且历代志上作者特别指出扛约柜ê是利未人。撒母耳记下ê作者特别记载大卫王对bó͘米甲讽刺伊脱衣跳舞ê事有所解释。

第13到15节,大卫听tio̍h约柜停留tī俄别・以东ê厝而赐福伊ê厝,这mā表示上帝已经无koh发受气。就án-ne伊就beh用隆重ê典礼,kā约柜tùi俄别・以东ê家将约柜接tio̍h耶路撒冷。所谓「用隆重典礼」,这teh表示一切照规定来。历代志上特别强调m̄是只有大卫王去,却是kah以色列长老、军事众将领同齐前往。而且是「chiah行了六步」,大卫就要求停落来举行献祭典礼。Chit种「chiah行了六步」mā有另外有一种讲法是:「每行六步,就献祭一pái」。可能kah顶pái ê经历有关,án-ne频繁ê献祭,是为tio̍h保证扛约柜ê利未人ē-tàng得tio̍h性命ê保障。M̄-koh是m̄是每行六步就献祭一pái?若是,chit段tùi「俄别・以东」到耶路撒冷之路,虽然m̄是真远,m̄-koh mā够额浪费真chē时间,tio̍h献祭ê牛、羊之数,soah非常可观。M̄-koh却足以显示出隆重ê意思。

Chiah-ê献祭礼仪mā讲出一项非常重要ê信息:约柜表明是上帝同在,就一定tio̍h一切照规矩来,而且以非常敬虔、隆重ê态度。

Koh讲,大卫「尽情跳舞,荣耀上主」,用跳舞迎接约柜。Chia所用ê动词,表示是一种「旋转」ê方式,而且是绕tio̍h约柜「旋转」(参考列王记上十八:26)。这mā是古代中东地区迎神赛会ê时siōng常见ê舞姿。大卫甚至tī腰里「围一领麻纱以弗得」,通常chit种衫裤只有祭司tī举行献祭礼仪ê时chiah穿(参考撒母耳记上二:18),m̄-koh chit-má大卫是脱掉王服,换上祭司ê服装,表明大卫mā扮演祭司参与献祭ê工作。M̄-koh mā有一种看法,认为大卫并m̄是teh扮演祭司角色kah执行祭司ê工作,却是因为顶pái发生乌撒ê意外事件,大卫一直用chit种方式teh向上帝祈求,恳求上帝mài受气「刣死」chit pái参与扛约柜ê利未人。因为án-ne,chia作者用「荣耀上主」,表示chiah-ê lóng是为tio̍h beh荣耀上帝。

第16到19节,值得注意ê是,撒母耳记上kah历代志下两位作者,都无讲大卫ê bó͘米甲,却是用「扫罗ê cha-bó͘-kiáⁿ米甲」chit-ê词。真显然地,米甲tī大卫ê家族中地位已经被贬低真chē。真可能是kah chit pái ê事件有关,因为伊用「蔑视」大卫ê态度看chit pái迎接约柜入城。Koh讲,伊留tī王宫中,无出来参与迎接ê行列,被以色列人民对伊形像ê观感产生不良ê影响。

因为chit时chūn iáu未建造圣殿,因为án-ne,大卫准备ê「帐棚」应该是kah早期tī旷野时代ê「会幕」相接近。大卫teh献祭了后,奉上帝ê名「祝福人民」,ná亲像头前已经叙述过ê,这是祭司chiah有ê动作。大卫确实是扮演祭司ê角色。M̄-nā án-ne,并且「分发食物」hō͘人民,这tú好就是祭司beh做ê工作。

第20到23节,米甲显然真无欢喜大卫穿插以弗得ê衫裤,而且一件麻纱制造ê以弗得,只有围tī腰边,其它部位lóng是赤裸tio̍h身子,对当时一个国王来讲,这是非常暴露ê。大卫可能因为穿kah少,而且细麻纱制品,隐约可见身躯,加上伊忘形ê舞动身躯,chiah hō͘米甲认为chit种君王,已经完全暴露tī民众面前。因为án-ne,当大卫tńg到厝里ê时,伊就kā它侮辱大卫,讲伊是「亲像一个戆子」,暴露家己ê身躯tī「女婢面前」。其实,重要ê m̄是tī头前ê迎接约柜之舞,却是因为tī女婢面前暴露身躯,hō͘米甲无法度接受。

大卫ê回应米甲,伊认为家己tio̍h继续用án-ne歌颂欢舞ê方式来荣耀上帝,mā tio̍h用chit种方式来显明家己ê「卑贱」。Tī大卫看起来,任何人tī上帝面前,即使是君王,mā是真「卑贱」。Mā只有「卑贱」家己ê人,chiah会看出上帝ê荣耀。可能因为chit件藐视大卫迎接约柜ê是,大卫决定无koh kah米甲同房,致使「米甲一生无生养kiáⁿ」。Mā tùi chia thang看出米甲tī大卫心目中,比宫廷女婢koh khah差,可见in之间ê婚姻关系已经破坏à。

经文:

撒母耳记下 7:1-7:17

注释:

Chit章有两个重要ê主题:一是大卫王朝ê延续性(第1到17节)。二是大卫王向上帝祈祷,表白伊心内ê意念(第18到29节)。基本上,因为大卫政权已经稳定,特别是外患差不多无koh出现,因为án-ne,建造王宫了后,大卫随时想tio̍h家己khiā起tīsúi ê王宫,上帝ê约柜却一直存在简陋ê帐棚中。伊án-ne想并无错,m̄-koh圣经ê教导是:圣殿属tī敬拜上帝ê场所,特别是约柜是teh代表上帝,因为án-ne,应该由上帝主导chit件事,chiah是正确之道。因为án-ne,上帝主动透过先知拿单传达信息hō͘大卫,表示上帝并无希望伊建造圣殿。M̄-koh上帝却应允beh hō͘伊ê kiáⁿ孙传承王权。大卫因为án-ne而去圣幕里向上帝献上感恩ê祈祷,mā等于是表白伊对上帝ê忠实。

Chit段是有关大卫原本计划beh为上帝建造圣殿,好安置约柜。M̄-koh上帝差遣先知拿单去传达信息,表示大卫并m̄是为上帝建造圣殿ê人,m̄-koh上帝赏赐特殊ê恩典hō͘大卫,beh hō͘伊ê kiáⁿ孙传承治理以色列人民ê王权地位。因为án-ne,tùi chit段经文中thang看出上帝对大卫ê特别厚爱,teh应允beh hō͘伊ê后代永远掌权落去。大卫mā ē-sái讲是以色列诸王中,唯一有得tio̍h上帝chit种应允ê王。

Chit段经文mā同时记载tī历代志上第十七章1到15节,对照chit两段经文来看,会发见内容差不多lóng仝款。主要teh说明:上帝并无需要一间富丽堂皇ê圣殿,过去以色列人民tī旷野漂流ê时,in tòa tī帐棚内,上帝mā是kah in tòa做伙tī帐棚内,四界移动。

第1到2节,大卫执政ê时代,「上主hō͘伊享太平,无受仇敌ê侵扰」,chit句话thang tùi第八章1到14节描述大卫tī军事顶面ê胜利之记事看出来。Án-ne,thang理解大卫想beh建造圣殿,并m̄是停止teh构思,却是已经准备着手进行一段时间,亲像勘查土地等等(参考历代志上廿二:1)。Thang看tio̍h当伊kā约柜引进耶路撒冷ê时,就已经开始有chit种想法,taⁿ伊向先知拿单说明这想法,这mā thang看出chit时ê先知,无koh是亲像先知撒母耳时代是国家政事ê决定、制订者,chit-má ê先知是参谋者。

第3节,chit节thang看出有kóa先知并无先询问上帝,就直接回答à。先知拿单chia所讲ê话就是一个好例。Á这mā说明这是关系敬拜上帝ê事,而且牵涉ê是teh代表上帝同在ê约柜。因为án-ne,先知拿单所回答ê,tú好说明伊ê回答是属tī家己ê意见。

第4到7节,chit段上帝启示先知拿单ê话,thang讲teh代表kui个耶和华宗教信仰ê精髓—上帝并无在意人ê手所建造敬拜他ê殿宇,mā bē有chit种要求。因为真实、敬虔ê宗教心chiah是siōng重要ê信仰告白。因为án-ne,上帝ài先知拿单回应大卫想beh建造圣殿ê话,讲伊「m̄是建造殿宇hō͘我(上帝)tòa ê人」,撒母耳记作者用chit句话真直接了当。Á历代志作者则禁止ê语气—「bē-tàng」。Koh讲,上帝表示即使早年带领以色列人出埃及入旷野了后,上帝就一直跟tòe in「四界移动」。因为án-ne,重点并不在有无殿堂,却是在tī遵行上帝ê教示。Ná亲像先知撒母耳teh责备扫罗擅做主张所讲ê话仝款(参考撒母耳记上十五:22)。

第8到9节,chit两节mā是hō͘大卫真大ê两项应允,一是表明无论大卫gōa chē,上帝lóng tio̍h kah伊同在。二是上帝beh赏赐hō͘大卫能力,hō͘伊kah「世界上siōng伟大ê王」同列。第9节ê「我击败了你所有ê仇敌」chit句话,表示m̄是大卫有甚么本领ē-tàng phah败仇敌,却是因为上帝ê协助、出手,chiah hō͘以色列人民ê仇敌,特别是非利士人,lóng因为án-ne而惊惶大卫。

第10到11节,chit两节mā是teh回应chit章第1节。除了表示beh hō͘以色列人tī迦南地khiā起bē koh再发生有外族侵犯ê事发生。Koh讲,是beh赏赐hō͘大卫有「后嗣」,chit-ê词ê意思,就是大卫ê kiáⁿ孙kā继承伊ê王位(参考第16节),chit点mā说明大卫kah以扫完全无相仝。

第12到13节,上帝hō͘大卫ê应允,是beh hō͘伊「立一个kiáⁿ做王」,这mā说明以色列人民ê王,是上帝亲自拣选。Chit种国王、领导者所治理ê国度chiah会「强盛」,却m̄是用人ê计谋来得tio̍h。可惜,后来大卫并无询问上帝tī一大阵kiáⁿ中间,该拣选甚么人出来继任伊做王,却是家己听拔示巴ê话而选了所罗门。Á tī chia真清楚表示继任伊做王ê人,chiah是建造圣殿ê人。M̄-koh伊iáu是真用心地为所罗门准备建造圣殿所一定tio̍h有ê土地、建材(参考历代志上廿二:1、2—5)。Án-ne,tī某一个方面来讲,大卫mā是参与了圣殿建筑ê工作。

第14到16节,「我beh做伊ê老父;伊beh做我ê kiáⁿ。」这是立约ê语句。表明上帝beh kah大卫ê kiáⁿ同在,而且会亲自管教。Koh讲,上帝koh一pái表明beh赏赐hō͘大卫kiáⁿ孙hō͘ in永远做领导者。

第17节,chit节讲出一个忠实ê上帝奴仆—先知,应该有ê基本态度,就是kā上帝所交带ê话,照实讲出来(参考列王记上廿二:14)。

经文:

撒母耳记下 7:18-7:29

注释:

Chit段经文是大卫tī听tio̍h先知拿单传出上帝hō͘ in伊应允ê话了后深受感动,随时进入khǹg约柜ê圣幕中,用祈祷讲出chit段伊心中感恩ê话。Chit段经文mā同时记载tī历代志上第十七章16到27节。

第18到21节,大卫进入圣幕,因为内面khǹg tio̍h约柜,表示上帝临在ê所在,因为án-ne chia用「到上主面前」chit-ê词。面对tio̍h上帝,大卫知影tio̍h谦卑落来,伊讲家己「真无配得」、「家族mā不配」,因为大卫原本是一个顾羊人,hō͘ 上帝指示先知撒母耳膏立伊作以色列人民ê王。虽然上帝知影伊真有限koh软弱,m̄-koh上帝iáu是beh拣选伊、眷顾伊,hō͘伊清楚知影上帝án-ne做,就是beh教导伊,hō͘伊成做一个好ê「牧者」带领以色列人民。 

第22到24节,chit段经文mā是大卫ê信仰告白,伊表明对上帝ê认bat:独一无二ê上帝,是无thang比并ê上帝。Tī chia,大卫用siōng简单ê词句讲出上帝tī以色列历史中,所行siōng重要ê事件—出埃及、入旷野、进迦南地。伊讲这是上帝tī以色列民族身上所做「伟大奇异ê事」。第24节,chit节是回应第14节上帝对大卫ê应允,说明上帝kah他ê子民kah立ê约,是立「永远ê约」(参考创世记九:16、十七:7、13,民数记廿五:12,撒母耳记下廿三:5,耶利米书三十二:40)。Koh讲,「永远」,chit-ê词一再出现tī第25节、第26节(两pái)、第28节、29节等等。Chit-ê词mā说明上帝是永恒ê,tī他ê内面等于得tio̍h永恒ê性命仝款,而这「永恒ê性命」mā是耶稣tī约翰福音中教导ê中心主题。

第25到27节,tī chit段经文中,大卫祈求上帝实现所应允ê诺言。伊会án-ne chit种祈求,并m̄是伊m̄相信上帝亲自透过先知拿单对伊所讲ê话,却是因为上帝ê应允大过伊所ē-tàng承受ê重。因为án-ne,伊用祈祷恳求上帝实现chiah-ê应允。Á chit种祈求,mā tú好显示出人ê软弱kah有限,对tī上帝ê恩典lóng是抱tio̍h怀疑kah不安ê心。Mā有另外一种看法,认为大卫ân-ân掠tiâu上帝ê应允m̄放,透过祈祷向上帝表明一定会得tio̍h上帝所应允beh hō͘伊kah伊ê kiáⁿ孙ê福气。第26节ê chit句「上主—万军ê统帅是以色列ê上帝」,表示上帝就是以色列ê带领者、统治者、指挥官。Á这tùi过去上帝帮助大卫phah败非利士人、亚玛力人等战役thang看出,只要有上帝ê应允出兵,必定会phah赢。大卫表示伊会án-ne祈祷,是根据上帝对伊ê应允。大卫ê意思是表明家己并无贪婪,á是过份ê祈求。却是因为有上帝ê应允在先前,伊chiah敢án-ne祈求上帝实现所应允ê一切。

第28到29节,大卫讲上帝对伊所应允ê是非常「奇妙」ê。因为这是一般人oh得tú-tio̍h ê奇异恩典。Chia大卫用「至koân」kah「独独」,除了表明chit位拯救以色列人出埃及ê创造者,是独一ê上帝外,mā teh说明上帝有独有特殊ê作为。(b)「永远信守你ê诺言」,真清楚,强调上帝是「信实」ê神。Teh祈祷ê最后,大卫koh一pái为伊ê后代祈求上帝继续施恩。

经文:

撒母耳记下 8:1-8:8

注释:

Chit章记载有关大卫王军事争战记录,并m̄是tī伊建造王宫了后chiah有ê,ná亲像第五章17到25节大卫被北部以色列支派代表膏立为王了后,非利士人就趁机会出兵攻打,想beh阻止大卫统治以色列全国,m̄-koh非利士人失败à。因为án-ne,若是kā第八章ê经文编辑tī第五章了后,读起来会koh khah通顺。

M̄-koh mā有另外一种看法,认为大卫统治以色列全国了后,真想扩张国家领土,有kóa人tòa tī kah非利士人附近ê边界,不时受tio̍h非利士人ê干涉搅扰,mā有部分边界城市iáu被非利士人侵占tio̍h,就án-ne,伊tī整顿以色列国政了后,就积极beh安定chiah-ê边界城市,因为án-ne,大卫m̄-nā是派兵出征非利士人,连来侵入骚扰ê摩押人,大卫lóng一并征讨。Á chit段有关大卫征讨附近国家、族群ê战绩,mā同时记载tī历代志上第十八章1到17节。

Chit段经文讲述了大卫王讨伐ê对象,包括有非利士人、摩押人、琐巴、叙利亚,并且得tio̍h真chē战利品。

第1节,tī大卫开始服侍扫罗王了后,直到伊统治以色列国,只要伊出兵征战,非利士人lóng会败tī伊ê手下,这mā是非利士人一直想beh chhōe机会击垮大卫威名ê原因,就tī伊被膏立为北部以色列人ê王ê时,非利士人随时就出兵,m̄-koh,无成功。chit-má是大卫主动继续进攻,主要原因是头前所提过ê beh安定边界。根据历代志上第十八章1节ê记载,此役大卫占领了「迦特城kah附近庄头」。

第2节,摩押人是罗得kah cha-bó͘-kiáⁿ乱伦所生ê kiáⁿ孙(参考创世记十九:37)。In khiā起tī死海ê东边,扫罗bat kah in交战(参考撒母耳记上十四:47)。大卫逃亡期间,mā bat请求摩押人协助庇护伊ê父母(参考撒母耳记上廿二:3—4)。Tùi路得记第四章17节ê记载,咱thang知大卫ê祖先kah摩押人有密切关系。照常理来讲,大卫kah摩押人之间应该有真好ê互动关系chiah-tio̍h,m̄-koh却m̄知何因,二者之间kah-ná有深仇大恨,chiah hō͘大卫用「量二绳长ê刣死,hō͘量一绳长ê存活」残酷作法恶待摩押人。Mā因为án-ne残酷ê手段,hō͘摩押人tī大卫时代,差不多m̄敢轻举妄动,只有ē-tàng归顺伊ê统治,并且得年年向伊进贡。

第3到4节,琐巴国是tī以色列ê北部地区ê国家。大卫趁琐巴王哈大底谢想beh夺tńg来in原本ê土地ê时phah败in,in原本tòa tī幼发拉底河地区,是中东地区siōng肥土地之一,创世记甚至kā该处描写ná亲像「伊甸园」súi(参考创世记二:14)。大卫占领chit块土地,对tī伊统治之下ê国度,一定有非常重要ê意义,因为了后以色列人民就无缺水ê顾虑。大卫下命令只有留落来可拉一百辆战车ê马匹,其余ê马匹lóng kā脚筋砍断而残废。伊会án-ne做,就以现代ê语言来讲,等于是「解除武装」仝款,为tio̍h是beh hō͘琐巴国完全无抵抗ê武力。Chit种作法kah当年约书亚攻打当时迦南地ê联军,采取ê态度是仝款ê(参考约书亚记十一:6)。

第5到8节,原本大卫并无teh想beh攻打叙利亚人,因为叙利亚来支援哈大底谢,chiah hō͘大卫一定tio̍h趁势打击。叙利亚会来支援,真可能当时幼发拉底河沿岸ê真chē族群tī政治、军事顶面ê联盟有关。Á对大卫来讲,chit场胜利,mā确实对kui个幼发拉底河地区ê其他族群产生警惕作用。特别是tī chit pái战争中,大卫ê军队刣死两万三千叙利亚军队,chit场战争胜利了后,大卫直接派军进驻这流域,hō͘「in lóng归顺大卫」,这意义非常特殊,因为chit地区差不多就是迦南地ê「粮仓」。M̄-nā án-ne,大卫mā tùi琐巴人ê城市—「比伊」、「比罗伊」这两城市得tio̍h大量ê铜,后来chiah-ê lóng成做建造圣殿siōng好ê建材。

经文:

撒母耳记下 8:9-8:18

注释:

Chit段经文是kā大卫作以色列王了后ê所有战绩做一个简短ê结语。虽然是轻描淡写,m̄-koh作者用「上主hō͘大卫所向无敌,到处得胜」,chit句话讲出上帝kah伊同在所得tio̍h ê祝福。

第9到10节,tī琐巴北pêng有一个小国叫「哈马」ê,伊ê王叫「陀以」,听讲大卫phah败琐巴ê事件,伊担心大卫会乘胜追击,引兵北驱直入其国境,因为án-ne,为tio̍h表示伊愿意顺服,免得战争造成koh khah大ê损伤。伊派出家己ê kiáⁿ「约兰」当特使,带贵重ê金、银、铜等制成之礼物去当献礼hō͘大卫。古代中东社会,若是派家己ê kiáⁿ当特使去kah有对敌关系ê对象讲和,有两种含意:一表示诚意kah顺服,二表示即使因为án-ne而一定tio̍h留落来kiáⁿ当「人质」mā愿意。

第11到12节,大卫kā所有掳获ê战利品、进贡品等「lóng献hō͘上主,做敬拜ê路用」,表示大卫对上帝ê忠心,以及说明大卫确实真清楚,chiah-ê tī伊身上所得tio̍h ê胜利战绩,并m̄是伊ê,却是上帝ê帮助chiah得tio̍h ê。因为án-ne,kā siōng好ê礼物献hō͘上帝,等于是teh表明伊顺服上帝。Chia特别记落来被大卫phah败ê国家、族群,包括有「以东、摩押、亚扪、非利士、亚玛力」等。这差不多涵盖了所有tī巴勒斯坦ê大族。因为án-ne,mā thang讲kui个巴勒斯坦地区lóng tī大卫统治之下à。

第13到14节,chit两节记载大卫征服了以东人,并且派驻军队进入以东,表示以东完全在大卫ê统治之下。因为tī盐谷有chē kah「一万八千」ê以东人被大卫军队所杀害,mā因为án-ne hō͘ chit-ê山区ê民族就án-ne跋一下peh bē起来。M̄-koh在列王纪上第十一章14到22节记载tī大卫统治时代,以东王室ê人bat逃到埃及,并且利用埃及成立「流亡政府」,并m̄是完全lóng「顺服」tī以色列ê统治。Á tī大卫往生后,所罗门统治时代,以东一直是一个不安定ê地区。一直到主前845年犹大约兰王执政时代,以东chiah chhōe-tio̍h机会脱离犹大ê统治(参考列王记下八:20)。Tùi被大卫phah败到脱离犹大统治来独立,时间经过大约有160年时间。可见大卫tī败了以东,而且大屠杀chiah-ni̍h chē以东人,iáu会派军队「驻军」tī以东境内,就thang明白kah以东境内局势一直不安定有关。其实,以东人是以扫ê后代,mā是非常强猛ê狩猎民族。

第15到18节,chit段经文ē-sái讲是为大卫王朝一份简单ê「内阁」名单。作者特别强调讲大卫「秉公行义」治理以色列国。最后一句话写tio̍h:「大卫ê众kiáⁿ lóng作祭司。」chit句话比较正确ê讲法应该是「官员」,而且高级官员。照历代志上作者ê写法是:「大卫ê众kiáⁿ tī王ê左右担任重要职务。」

经文:

撒母耳记下 9:1-9:13

注释:

Tùi第九章到第二十章26节,chit段经文kah列王记上第一到二章,ē-sái讲是大卫ê宫廷史。有关大卫宫廷内ê记事,因为牵涉tio̍h大卫个人kah家庭内ê问题,因为án-ne,属tī宫廷正史ê历代志作者有可能收藏了chiah-ê资料,m̄-koh却无法度写tī宫廷正史中。因为án-ne,有一种讲法,认为chiah-ê资料可能是出tī历代志史料ê作者,提供给撒母耳记作者(á是编者)。另外一方面,mā真可能是出tī先知拿单ê手稿资料,因为拿单mā写大卫史(参考历代志上廿九:29)。

Chit章ē-sái讲是teh回应撒母耳记上第二十章14到16节、42节,有关约拿单kah大卫之间「生死之交」ê约定(参考撒母耳记上十八:3)。作者主要teh说明大卫确实是照kah约拿单ê约定执行,伊照顾了约拿单ê kiáⁿ米非波设,并且hō͘ in极大ê温情。其实,咱mā thang理解:古代政权ê 替换lóng会有一个现象,就是对前代政权kiáⁿ孙尽可能「赶尽刣绝」,免得该政权ê kiáⁿ孙家族á是拥护者,趁机会复仇、颠覆。因为án-ne,作者有意藉tio̍h chit章史料凸显大卫高尚ê人格情操,是一个信守诺言ê君王。

Thang讲是为大卫锦上添花ê一章,除了头前讲伊秉公行义之外,chia koh讲伊好款待扫罗ê家族。Siōng主要ê目的是teh说明大卫是一个尊崇上帝ê君王,因为án-ne,伊学习上帝以仁慈对待beh杀害伊ê扫罗家族。另外一方面,mā teh说明大卫是一个有智慧ê君王,伊án-ne好款待扫罗ê家族,对安抚北方ê众领袖有收编ê作用,hō͘ in知影,真心诚意归顺大卫,会受tio̍h妥善ê照顾,甚至连伊ê家族kiáⁿ孙lóng ē-tàng受tio̍h庇护kah礼遇。同时,作者tī chia mā是beh说明,大卫是一个重视契约ê君王。伊bat kah好友约拿单(扫罗ê kiáⁿ)共同立落来真重要ê誓约,约拿单ài大卫「头尾用仝款ê忠诚」对待伊ê全家(撒母耳记上二十:14—16)。chit-má大卫确实án-ne履行了kah约拿单之间所立ê约。不过后来,chit位受tio̍h大卫照顾ê约拿单kiáⁿ米非波设,却是心怀不轨ê背叛了大卫(参考十九:24—30)。

第1到5节,tī大卫稳定了国家政局了后,伊开始关心起扫罗家族,因为án-ne,询问幕僚是m̄是iáu有扫罗ê kiáⁿ孙活着?伊特别指出「如果有ê话」,伊tio̍h履行对约拿单ê应允(参考撒母耳记上二十:14—16、42),却m̄是扫罗全部家族ê人。Chit种应允mā是teh表明伊是一个守约ê君王,chit点tī以色列文化,特别tī宗教信仰上,hō͘人认为是siōng重要ê基础。M̄-koh大卫会án-ne询问,mā teh表示扫罗ê家族差不多已经没落到无人问津à。Chit时chūn,伊ê幕僚有人提起thang问扫罗厝里有一个奴仆名叫「洗巴」ê(参考十九:17)。洗巴kā大卫讲约拿单iáu有一个kiáⁿ「两腿残废」(参考四:4)。Tòa tī玛吉ê厝里。大卫就án-ne随时派人去接约拿单ê kiáⁿ米非波设来见伊。

第6到8节,大卫为tio̍h beh表示伊是一个信守诺言ê君王,因为án-ne,伊特别提起beh因为米非波设ê老父「约拿单ê缘故好款待」伊。这是因为约拿单确实有恩tī大卫,而且kah大卫之间订有「生死之交」ê性命ê约。大卫对米非波设所讲ê踏话头是「mài惊」。米非波设当然会惊惶,因为古代政权替换,新任国王杀害对方ê kiáⁿ孙是普遍常见ê事,甚至hō͘人认为是「正常」(参考列王记上十五:25—30)。因为án-ne,thang想像会tio̍h,当米非波设听tio̍h大卫王chhōe伊,而且kā伊带入宫ê时,伊ê第一个反应就是跪tī大卫面前,非常惊惶kah不安ê表情完全显露。M̄-koh大卫hō͘米非波设有特权,视伊ná亲像王室家族中ê一员。而且iáu beh kā米非波设ê阿公「扫罗ê土地」lóng iáu hō͘米非波设。Án-ne,扫罗ê家族至少thang家己种作土地得tio̍h食物,m̄免óa靠别人施舍过日子,thang有尊严ê生存落去。大卫án-ne做,其实mā有政治层面上ê另外一种考量,就是hō͘北方支族ê人,看见大卫ê宽阔心胸,而因为án-ne会koh khah心服口服ê接受大卫ê领导。M̄-koh mā另外有一种讲法,认为大卫hō͘米非波设进入王宫khiā起,成做王室家族ê一员,是beh kā它「软禁」、「监视」,来预防伊ê族人,á是北方族群思变。Chit种情形tī古代中东社会,并m̄是无,ná亲像列王记下第廿五章27到30节记载,巴比伦王以未・米罗达就是好款待犹大王约雅斤,hō͘伊「终生kah巴比伦王同桌进餐」。M̄-koh即使是án-ne,至少大卫chit种决定,一定会造成北方族群á是扫罗遗臣感觉非常ê惊kah gāng去,in即使想beh思变,恐惊lóng会真oh chhōe-tio̍h ē-tàng出脚手ê点。米非波设一听tio̍h大卫王对伊án-ne款待,hō͘伊感觉自已无法度承受大卫chit种厚爱,因为án-ne,伊真谦卑ê讲家己「不如一条死狗」。Tī犹太人ê文化中,「狗」一向被形容是低贱ê动物(参考马可福音七:27,路加福音十六:21)。因为án-ne,「死狗」表示非常lah-sap、死有chhun辜ê意思。

第9到10节,大卫真清楚知影,若是无亲自对扫罗ê厝臣总管洗巴下命令,米非波设可能无法度hō͘洗巴听命tī伊。因为án-ne,伊命令洗巴一定tio̍h为主人米非波设ê家族「种作田地」,并且ài kā收成lóng hō͘米非波设ê厝内人。若是洗巴违抗chit种命令,等于就是违背大卫ê命令仝款,后果会非常严重。Tī chia作者特别注明讲洗巴有「十五个kiáⁿ,二十个奴仆」,这显示原本扫罗所有ê产业bē少,包括洗巴ê kiáⁿ kah hiah-ê仆人,mā lóng tī chit pái大卫ê命令中,归属米非波设拥有(第12节)。有可能当扫罗kah伊ê四个kiáⁿ lóng往生后,洗巴就无koh服事米非波设,而且ná亲像头前叙述过ê,伊kā扫罗ê产业全部占为己有。Taⁿ大卫kā它全部转移点交hō͘米非波设。

第11到13节,洗巴只有ē-tàng应允照大卫王ê命令「一一去办」,而大卫hō͘「米非波设不时kah王同席用饭」,用chit种方式向扫罗家族kah大卫家族ê成员表示:米非波设ná亲像王室家族ê成员仝款,thang自由出入宫廷而无受限制。米非波设因为大卫chit项政策性ê决定,伊差不多就是tòa tī王宫里,m̄-koh这并无表示伊有参与国家大事ê权利。

经文:

撒母耳记下 10:1-10:19

注释:

Tùi第十章到第十二章,thang看tio̍h当大卫phah亚扪人ê chit场战役,mā是伊tī统治以色列siōng颠峰ê时期。当人tī siōng颠峰ê时chūn,mā siōng容易受tio̍h撒旦诱惑力ê时刻,就tī chit时chūn,大卫bē记得上帝ê话语kah教示,伊为后代立落来了siōng pháiⁿ ê模样,王朝mā因为án-ne行向了衰败ê第一步。

第十章koh一pái记载chiah-ê bat被phah败ê族群、国家koh一pái ê聚集军队,想beh重新koh再战,m̄-nā是亚扪人,mā包括了琐巴、叙利亚等国、族群。Tùi chiah-ê lóng ē-tàng看出chiah-ê族群,久长以来kah非利士人仝款,不时骚扰以色列人。Chit章mā提供了一个真好ê教材:误解会造成人kah人之间ê冲突,mā会造成族群kah族群之间ê纷争,以及国家kah国家间ê战争。

Chit场对抗亚扪人ê战役,是发生tī甚么时chūn?mā无法度清楚知影。Tī扫罗ê时代,亚扪人ê王拿辖bat有过beh攻击以色列人ê城市雅比城,m̄-koh被扫罗phah败。M̄-koh tī大卫时代,拿辖王kah大卫ê外交关系甚佳。因为án-ne,当大卫听tio̍h 拿辖王往生ê消息后,为表示哀悼而派特使去致意,结果却遇tio̍h极大ê侮辱,tùi án-ne引发了chit场战争。这是以色列国正式对外宣战,因为án-ne,tī历代志上第十九章1到19节mā有官方资料出现。Tī历代志ê资料中,作者提供了非常珍贵ê资料,就是亚扪王哈嫩用「三万四千公斤银á」之金钱雇来ê外籍佣兵。M̄-koh一定tio̍h注意ê是:chit种用金钱雇用ê军队,若tú-tio̍h战况不佳,往往会tī阵前弃械逃走,以求保命。

Tio̍h注意ê是,tī撒母耳记下ê记录中,第二pái战役之结果kah历代志上所记载ê有真大差别;tī撒母耳记下记载以色列歼灭叙利亚军队有「七百个赶战车ê人」,而历代志上是记载遇tio̍h歼灭ê叙利亚ê战车士兵则有「七千名」,án-ne tú好相差十倍之多。

第1到3节,tī扫罗时代,bat出兵攻打亚扪王拿辖,m̄-koh tī大卫时代显然kah 拿辖王之间有真好ê外交关系。chit-má拿辖王往生,大卫认为tio̍h beh继续维护两国ê外交友好关系,决定差派特使前往吊丧。这原本是一件国际外交上基本ê礼仪。大卫tī chia描讲述两国关系「友好」,这用词teh表示彼此之间互相尊重,而且签订有平等条约。Mā tùi chia,thang理解当大卫带兵攻打摩押人ê时chūn,亚扪人并无出兵援助摩押,可能kah此有关。Chiah-ê特使来到亚扪ê京城—拉巴,chit-ê城就是今á日约旦王国首都安曼(Amman,参考十一:1、十二:26)。M̄-koh tī拿辖王ê kiáⁿ「哈嫩王」身边ê参谋,显然对tī大卫派出特使团去吊慰ê举动,表示存疑。In认为大卫派特使来,是为tio̍h beh「侦察chit-ê城ê虚实,好征服」亚扪。

第4到5节,哈嫩听从幕僚ê话,就án-ne下令掠了chiah-ê特使。伊并且用当时中东社会siōng-kài侮辱人ê一种方式—剃去一半胡须,并且kā尻川斗衫裤割断。因为当时ê人只有tú-tio̍h siōng悲伤ê事ê时,chiah会kā胡须割掉一半(参考以赛亚书十五:2,耶利米书四十一:5,以西结书五:1)。剃去chiah-ê特使 ê一半胡须,除了是一种侮辱之外,mā同时是teh表达大卫ê势力会因为án-ne削减一大部分ê意思。Á kā衫裤下半截割去,koh khah是teh侮辱战犯ê一种方式(参考以赛亚书二十:4)。因为án-ne,就会露出下体,hō͘人蒙羞。M̄-koh古往今来lóng仝款,侮辱对方使节,等于是teh侮辱一个国家ê君王kah人民仝款,表示无惜kah对方开战chiah敢án-ne做。大卫知影chit件事了后,伊ài chiah-ê特使团ê人先tī耶利哥thèng候到胡须发出来了后chiah tńg来耶路撒冷。

第6到8节,当亚扪王哈嫩beh án-ne对待大卫ê特使ê时,伊已经有beh开战ê准备。M̄-koh伊知影beh phah赢以色列并无容易,因为án-ne,伊就向琐巴王国招募「叙利亚步兵」两万、陀伯一万两千人、tùi玛迦王hia雇来一千人。根据历代志上作者提供资料是:亚扪王哈嫩提供了「三万四千公斤ê银á」雇用外籍兵团准备加入此场战局。大卫当然会了解亚扪必定是准备好beh开战,chiah敢án-ne侮辱伊ê特使。Á伊mā一定tio̍h维护国家ê尊严,若是bē出兵攻击亚扪,过去相刣胜利所统治ê国家,必定会纷纷走chhōe独立伊去。因为án-ne,伊下令以色列元帅约押率兵全面开战。

第9到12节,约押面对ê亚扪军队kah in雇用来协防ê盟军,一点mā m̄敢轻忽。伊挑选出以色列siōng精锐ê部队,kā它分做两支,免得受tio̍h亚扪联军ê前后夹攻。伊家己率领ê军队准备直接进攻chiah-ê外籍兵团ê军队,然后kā其余部队交hō͘家己ê小弟亚比筛带领,准备进攻亚扪ê首都「拉巴城」。伊kā小弟亚比筛讲chit pái ê战役,是beh为「上帝ê城奋力战斗」。因为若是phah败仗,耶路撒冷城kā tùi án-ne落入伊族人手中,而耶路撒冷城内有上帝ê约柜,因为án-ne,tī约押ê看法里,phah败仗,m̄-nā是人民性命不保,耶路撒冷城若失去,mā会带来信仰ê瓦解,因为约柜teh beh tī落入外族人手中。「愿上主成全他ê旨意」,chit句话非常重要。约押真清楚teh表明:chit pái战役,并m̄是只靠家己ê能力,而一定tio̍h óa靠上帝ê协助。因为外籍兵团mā是强兵勇kā,若是无上帝ê协助,óa靠家己ê骁勇善战,并无一定会得tio̍h战争。因为án-ne,伊表明chit pái战役全靠上帝ê带领。即使伊是一个名kā mā tio̍h谦卑。

第13到16节,约押成功地phah败亚扪人所雇用ê叙利亚等联军。这ē-sái讲是此役战事siōng重要ê第一个捷报,因为án-ne,约押chiah ē-tàng kâⁿ-tio̍h战胜余威,回转过来支援攻打亚扪ê亚比筛所率领之以色列军队。当约押phah败叙利亚等联军了后,亚扪人就惊惶起来,m̄敢koh再kah亚比筛ê军队正面冲突,退tńg来拉巴城内固守城池。Á约押则收兵tńg来耶路撒冷。为甚么约押不乘胜追击?这真可能kah冬季来临,无适合军事行动有密切关系(参考十一:1)。因为约押无继续进攻,hō͘叙利亚联军有机会重整军备而ē-tàng koh一pái phah败以色列军队。Chit pái联军有琐巴ê将军「朔法」率领整军备战。

第17到19节,大卫koh一pái调度军队应战,chit pái犹原是以色列军队大获全胜。Chit pái战役一开始,以色列ê军队就刣死「七百个赶战车ê人kah四万骑兵」,同时kā统帅「朔法」mā刣死。Tī历代志上第十九章18节ê记载无jōa仝款,认为是刣死「七千名叙利亚战车兵」,应该是历代志上ê记载khah正确。因为根据历代志上第十九章7节ê记载,亚扪用大量金钱单单雇来ê联军,就有「三万两千战车」,chiah-ni̍h chē ê战车军兵,若是只有损失「七百个」,并m̄是甚么大伤害。M̄-koh若是「七千名」,就m̄是一件小事。Koh讲,chia讲刣死了「四万骑兵」,可能是夸大之词,不过造成极大ê损伤是确实。M̄-koh siōng重要ê是叙利亚联军ê统帅朔法战死,致使联军失去领导中心,军队一定会四界逃窜。Chit场战役结束,ē-sái讲是kui个叙利亚地区ê小国lóng归顺了以色列,连亚扪人lóng m̄敢koh再有任何侵犯以色列ê企图。因为无叙利亚地区ê联军支援,单beh靠亚扪人ê军力想对抗以色列军队,是无够ê。Á taⁿ联军lóng战败了,亚扪人koh khah甭想beh kah以色列单phah独斗。

经文:

撒母耳记下 11:1-11:17

注释:

第十一到十二chit两章是记载有关大卫王犯奸淫、刣死无辜ê之罪行,以及先知拿单受上帝差遣对大卫王讲出严厉谴责ê记事。M̄-koh chit件事并无出现tī官方文献ê历代志中,真有可能chit-ê资料是记载tī先知拿单所记载之史料里(参考历代志上廿九:29),m̄-koh并无被官方史料所接受。Chit两章ê背景,是第十章所记载以色列军队正teh对抗亚扪军队,大卫并无亲自带兵出征,却是派大元帅约押带兵出去攻打亚扪,伊留tī宫中,结果因为看见家己爱将 ê bó͘拔示芭而做出无应该做ê罪恶之行为。

Chit段经文是记载大卫无tòe军出征,家己留tī耶路撒冷王宫内,m̄-koh却因为án-ne而看tio̍h附近房舍中,当teh沐浴ê乌利亚bó͘拔示芭。Tī大卫王看起来,拔示芭ê美,有ná仙女般ê艳丽,因为án-ne,随时想出所有ê办法beh夺tio̍h拔示芭入室做bó͘。其实,本来大卫并无想beh娶拔示芭入宫ê念头á是计划,却是只想beh kah拔示芭同床而已。M̄-koh却因为拔示芭有娠,而且乌利亚koh拒绝tī交战期间kah bó͘同房,hō͘大卫原本计画kā有娠归入tī乌利亚身上ê事失败。M̄-koh大卫惊此奸淫ê丑事暴露出来,就án-ne chiah想出所有ê办法beh害死拔示芭ê丈夫乌利亚。Chit段经文就是teh描述大卫想beh尽一切办法,beh利诱乌利亚tńg去厝里kah bó͘拔示芭同房ê计划,m̄-koh都无成功ê经过。

第1节,chia一开始讲「第二年春天」,tī第十章14节记载以色列军队kah亚扪、叙利亚等联军第一回合交战,以色列军队phah赢了后,随时班师tńg来营,无趁胜追击,原因就在tī寒天季节已经来临,tī补给kah军伍调动上并m̄是真方便。Chia讲是tī「第二年春天」chit-ê时间真可能就是春季收割了后ê时间,mā是气温tńg来升ê时刻,是适合军事行动ê时chūn。「大卫派约押率领部队」出征,伊家己留tī耶路撒冷,而值得注意ê是chit pái mā kā「约柜」扛出tòe军队去征(第11节),为甚么大卫会án-ne做?咱无清楚。Chit pái ê战役,mā是以色列军队phah赢。

第2到5节,大卫因为看见拔示芭teh洗身躯而起了淫乱ê心念,派人kā拔示芭带来同房,致使拔示芭有娠。拔示芭是迦南地原住民「赫人」乌利亚ê bó͘,而伊mā是属tī外族人「以连ê cha-bó͘-kiáⁿ」。Tī大卫ê军队中,有「赫人」加入伊ê行列中(参考撒母耳记上廿六:6)。乌利亚mā是大卫军营中ê kā官,并且是大卫军队中被列为「三十勇士」ê成员之一(参考廿三:39)。Á「以连」mā是大卫身边ê「三十勇士」之一,是基罗人亚希多弗ê kiáⁿ(参考廿三:34)。Tùi chia可见乌利亚kah以连之间ê关系是非常密切ê,in lóng是大卫手下siōng忠实ê部下。Tī第4节ê「拔示芭ê月经tú洁净」chit句话非常重要,表示拔示芭有身孕,是kah大卫同房ê关系,而chit对拔示芭来讲,是一件非常严重ê事,因为这表示伊犯淫乱罪。Tùi伊写phoe而且托人带去hō͘大卫王,thang看出问题ê严重性已经到à牵涉生kah死ê性命大事。

第6到10节,大卫听tio̍h了拔示芭有娠ê事,开始紧张起来。照摩西律法ê规定,tio̍h处死刑(参考利未记二十:10)。大卫随时ài约押kā chit位饶勇善战ê军官乌利亚tùi前线kā伊chhōa tńg来。大卫假做关心前线战况,其实chit种问话,只不过是一种藉口而已。伊真正用意是命令乌利亚「tńg去厝里歇困一下」,并且iáu派人带「礼物」跟tòe去,这是企图盯tio̍h乌利亚是m̄是真正有tńg去厝里。若是有,就ē-tàng掩盖bó͘有娠是kah大卫有关系。M̄-koh tī以色列军队有一个传统,就是tī战争期间,战士bē-tàng kah bó͘同房。因为án-ne,如果乌利亚tńg去厝里,即使无kah bó͘同房,m̄-koh只要tī厝里过瞑,就thang被以战ê时kah bó͘同房ê罪名被起诉判处死刑。因为根据摩西律法ê规定,以色列军队「tī战地扎营ê时chūn」,tio̍h「远避」任何会hō͘军人tī「礼仪上无清气ê事」,甚至包括cha-po͘人暗时困有「梦泄而无清气」ê事,lóng需要离开军营,而且tio̍h先洁身了后chiah thang tńg来营区(参考申命记廿三:9—11)。Á tī战争期间若tńg去厝里bó͘同房,就会hō͘人看做是无清气ê行为(参考撒母耳记上廿一:5)。因为án-ne,以色列军队绝对m̄准战争期间发生tńg去厝里kah bó͘同房ê事。因为in会kā相刣看做是一件神圣ê事,何况chit pái ê战役有约柜参与出征(参考十一:11)。

「m̄-koh乌利亚并无tńg去厝里」,chit句话讲出kui个故事ê重点。伊坚持遵守以色列军队ê传统军纪,而且,为tio̍h beh表示确实清白,伊m̄-nā无tńg去厝里,iáu kah「王ê守卫困tī宫殿门口」,án-ne,王ê守卫mā thang当伊ê证人,证实伊确实无tńg去厝里kah bó͘同房。Á大卫问乌利亚「为甚么不tńg去厝里」ê话,并m̄是teh表示伊关心,却是伊koh khah担心乌利亚听tio̍h了bó͘有不轨ê风声。其实,这mā看出了君王家己不守规律,而部下却坚守规矩,tùi chia看出二者之间ê差别,mā是引起上帝愤怒ê原因。

第11到13节,chit段经文是乌利亚回应大卫询问为甚么不tńg去厝里困ê理由。伊提起军队lóng tī前线,约柜有tī hit-pêng,部队tī野外扎营(表示生活lóng真精省),伊绝对bē-tàng家己tńg去厝里kah bó͘同床。M̄-koh大卫却一再ài乌利亚tńg去厝里困,m̄-koh乌利亚无当面抗拒,iáu是仝款坚持不tńg去厝里。Á大卫却故意hō͘伊lim醉酒,想用chit种方式hō͘乌利亚陷落in设计ê陷阱中。M̄-koh乌利亚照常坚持守tiâu前线战争期间,不tńg去厝里kah bó͘同床ê规律。

第14到17节,chit段经文描述大卫第三pái计谋陷害乌利亚,伊为tio̍h beh杀害乌利亚已经是到à无所m̄免其极ê恶质手段。前两pái ê失败,chit pái伊决定kā乌利亚刣死。伊写phoe hō͘元帅约押,信ê内容真清楚,就是beh hō͘乌利亚tī前线siōng危险ê地带,陷入孤单一个人,lóng无奥援而「战死」战场。大卫chit种做法真清楚是teh无辜ê人,这mā是上帝siōng无法度原谅ê行为(参考出埃及记廿三:7,列王记下廿一:16、廿四:4,箴言六:16,耶利米书七:6、廿二:3)。Á约押是参与chit件害死乌利亚ê共犯。大卫认为伊这杀害无辜ê密令无人知影,m̄-koh约押是执行这命令者,至少伊知影大卫做chit件无应该做ê事loh。Tùi第17节ê「敌军tùi城里出来,突击约押ê部队」tùi chit句话,thang看tio̍h两点:一是以色列军队原是kā亚扪人ê「拉巴城」包围teh(参考撒母耳记上十一:1),taⁿ围城ê以色列军队被亚扪人看tio̍h有个缺口,chiah hō͘ in想beh突破重围,走chhōe外援,á是用突破被围城ê困境,展开内外夹攻ê策略。二是这真可能是约押故意弄出来ê破口,为tio̍h beh完成大卫计划陷害乌利亚ê命令,m̄-koh却因为án-ne hō͘ koh khah chē ê军官有kóa战死,thang看出大卫为tio̍h beh杀害乌利亚,却mā因为án-ne而害死其他军官,代价ē-sái讲是非常大。伊完成了「赫人乌利亚mā阵亡」chit-ê任务。M̄-koh伊bē记得上帝痛恨这一切。

经文:

撒母耳记下 11:18-11:27

注释:

Chit段经文描述约押完成了大卫所交带害死乌利亚后,随时派人向大卫报告chit-ê消息,当大卫tī知影乌利亚战死前线ê消息了后,就kā kah伊通奸而有娠ê拔示芭娶入宫。当计谋害死人ê人认为都无人知影ê时,其实,圣经作者beh kā咱讲,上帝非常清楚人tī暗中所做ê一切事(参考路加福音十二:2),上帝一定会算帐。

第18到21节,当「约押kā战事ê经过呈报大卫」,因为这是一项害死前线kā官ê谋刣案,因为án-ne,约押真清楚大卫可能会「假做发怒」。为免通报者mā被无故遇tio̍h惩罚,约押就事先提醒通报战况ê使者知影chit-ê tāi-chì。伊ài通报者带tńg去战报,而且hō͘通报者知影大卫可能会以当年「基甸ê kiáⁿ亚比米勒」往生ê经验(参考士师记九:50—57)反问通报者,kah-ná大卫会谴责前线指挥官约押明明是就是亲像一个笨蛋、愚戆到极点,约押ài chit位通报官hō͘大卫知影,如果大卫讲基甸chit-ê故事,就回应一句「王ê军官乌利亚mā死去」chit种话就有够。因为chit句话已经teh暗示约押会án-ne做,就是为tio̍h beh完成大卫ê密令。因为án-ne,chit句「王ê军官乌利亚mā死去」,就成做一句大卫kah约押之间ê暗语,mā同时teh表示大卫beh负起chit pái以色列军队被亚扪军刣死真chē ê责任。即使án-ne,m̄-koh共谋设计杀害无辜ê约押,绝对无法度逃离上帝公义ê审判。

第22到24节,chit位前线战况通报官当然beh照指挥官ê指示报告大卫。Chit位通报官tùi「敌军比咱khah强」到「阮kā敌军赶tńg去城门口」,chit中间主要就是beh hō͘乌利亚战死。所以「敌军比咱khah强」,真相是故意后退,诱惑敌军出城。就tī chit时,以色列军队紧急撤退,hō͘乌利亚身陷前方敌阵中,tī孤独、无奥援之下被刣。Chit时,约押chiah koh再挥军进攻,逼亚扪军队tńg来防。其实,「赫人乌利亚mā死去」,án-ne chiah是kui个报告中ê重点。

第25到27节,拔示芭听tio̍h丈夫乌利亚战死战场ê消息了后,照以色列人民办理丧事ê风俗,需要举哀长到七工ê时间(参考撒母耳记上三十一:13)。M̄-koh即使是án-ne照风俗去行举哀ê动作,mā是为tio̍h掩盖(khàm)伊所犯ê罪而已,并m̄是真实ê。人心ê险恶就是án-ne,m̄-koh lóng无法逃过上帝对人心内ê鉴察。Tī丧事过了ê时间,大卫就正式地娶拔示芭入王宫。大卫若无án-ni做,拔示芭有娠ê事真紧to̍h会曝光。M̄-koh chit件隐藏得非常细腻ê刣人案件,上帝是非常清楚,因为án-ne,上帝「对大卫所做chit件事十分不悦」,chit句mā ē-sái讲是chit章经文siōng中心ê一句话。Kui章经文真清楚teh说明,人认为tī暗中所做ê事无人看tio̍h,mā bē有人知影。其实,chit种想法、看法lóng是错误 ê。

经文:

撒母耳记下 12:1-12:25

注释:

对kui个以色列民族来讲,先知角色ê重要性是khah赢过君王ê。原因是先知是上帝直接拣选ê奴仆,传达tio̍h上帝ê信息,亲像摩西、约书亚等lóng是由上帝直接拣选出来带领以色列人民。甚至早期先知是领受上帝ê命令去膏立君王,ná亲像先知撒母耳仝款。因为án-ne,先知ê权威性tī以色列人民中间,有非常重要ê地位。

先知拿单是既勇敢koh忠实tī上帝ê先知,上帝beh伊去向大卫传话,伊听上帝ê话就去向大卫王传讲上帝受气ê信息。这tī当时是一件非常危险ê举动,原因是大卫拥有极大ê权柄,是以色列全国人民歌颂、o-ló ê君王,ná亲像tī主前第八世纪ê先知米该雅,冒tio̍h性命危险去向北国以色列ê君王亚哈讲出上帝ê信息仝款,结果米该雅被亚哈王下令关tī监狱里(参考列王记上廿二:26—27)。chit-má先知拿单受命tio̍h kā上帝ê话语传达hō͘大卫王,mā是仝款tio̍h冒性命ê危险。

Chit段经文是先知拿单领受上帝ê命令,beh去对大卫王传达上帝愤怒ê信息。先知拿单ē-sái讲是一位非常真gâu讲譬喻(故事)ê专家,当伊讲完譬喻了后,大卫王iáu m̄知先知拿单ê譬喻中间,所指ê就是伊,iáu tio̍h等到先知拿单直接指出「你就是hit-ê人」了后,大卫chiah猛然醒悟过来。

第1到4节,chit段经文记载先知所讲ê譬喻内容。Tī第十一章27节真清楚记载上帝对tī大卫所犯ê刣人、奸淫罪,「十分不悦」,就án-ne差遣先知「拿单」去对大卫讲话。当然,上帝已经有hō͘先知拿单知影ài伊去传讲ê是甚么,因为án-ne伊到à大卫hia开始对伊讲上帝beh带hō͘伊ê信息。先知拿单所用ê是鲜明对比之譬喻方式,说明富有ê人拥有牛羊真chē,而sàn-chhiah ê厝边只有一只小羊,因为拥有真chē牛羊ê富者,竟然是欺负只靠tio̍h一只羊过生活ê贫者。

第5到6节,这hō͘大卫听了后非常火大,认为该富者做残忍ê事,应该tio̍h处死,而且tio̍h赔偿贫者损失ê羊四倍。

第7到12节,大卫显然无听出先知拿单用chit-ê譬喻是teh指责伊就是chit-ê比喻中ê富者,因为án-ne chiah会讲出「做chit项事ê人该死」、「做出án-ne残忍ê事」,以及做出应赔偿穷厝边「四倍」ê判决。就án-ne先知拿单就直接指出做chit种「该死」、「残忍」ê事ê人,就是大卫家己。

先知拿单举出上帝非常愤怒ê原因,包括有:上帝赏赐hō͘大卫ê实在siuⁿ chē,而伊却是贪婪到丧失良知。大卫iáu借tio̍h亚扪人手上ê刀刣死乌利亚,然后抢去乌利亚ê bó͘。上帝就án-ne做出判决:大卫ê厝会永远逃离不了刀剑,而且厝里ê人会起来作乱攻击大卫,伊抢夺乌利亚ê bó͘,伊ê kiáⁿ会抢夺伊ê妃嫔,而大卫tī暗中所做ê chit件事,会tī日光下暴露出来(参考路加福音十二:2)。上帝án-ne对大卫kah伊ê厝ê惩罚,ē-sái讲是非常严重ê,原因是大卫是上帝拣选出来ê奴仆。上帝拣选ê奴仆故意犯chit种杀害无辜ê罪,上帝绝对bē轻轻放过。先知拿单Tī chit段经文中所讲ê,后来tī大卫ê身上lóng一一应验ā。

第13到15节a句,当先知拿单清楚指出大卫ê严重错误后,大卫终其尾承认家己所犯ê过错,是「得罪上主」,原因是犯上帝ê诫命、规律。值得注意ê是,伊m̄是讲得罪「乌利亚」á是伊ê全家,却是讲「得罪上主」,原因是伊知影会犯chit种罪,就是因为无尊崇上帝为大,却是kā上帝ê教导lóng bē记得,甚至心内中根本就是m̄是认上帝,这是傲慢者藐视上帝ê态度(第14节)。chit-má伊知影上帝是为无辜ê乌利亚被杀害ê事惩罚伊。因为án-ne,当伊讲「得罪上主」chit句话ê时,意思是teh向上帝表示忏悔,祈求上帝ê赦免、怜悯。M̄-koh tio̍h注意,上帝虽然「赦免」伊,m̄-koh这并无表示上帝不惩罚伊,上帝iáu是有惩罚,beh hō͘伊kah拔示芭所生落来ê gín-á往生。

问题是:gín-á是无辜ê,为甚么beh hō͘大卫ê罪,由伊tú出世ê gín-á来承担死ê惩罚?mā允准以án-ne了解:chit-ê gín-á一出世落来,就死去,可能kah某种病症有关,m̄-koh圣经作者认为是kah大卫kah拔示芭之间ê犯罪行为有密切关系,是上帝惩罚ê结果。Koh讲,chit-ê gín-á若是留落来,会一直成做大卫khiap-sì ê记号,因为这是iáu未结婚前,而且犯奸淫罪所生ê gín-á。若是chit-ê gín-á继续活着,会成做大卫犯罪ê证据,hō͘伊tī以色列人民中间有一个错误 ê样版,甚至被模仿致使pháiⁿ了以色列人民ê社会规范,hō͘伊无法度继续统治以色列帝国。拿单kā上帝ê信息传达完成后,就随时离开王宫。这表示先知拿单并m̄是王宫所「御养」ê先知。伊是真正先知,mā m̄是用靠国王供奉生活(参考阿摩司书七:14)。

Chit段经文记载当大卫kah拔示芭犯奸淫罪了后,in所生落来ê gín-á生重病ê时,大卫是真努力地想beh抢救gín-á,m̄-koh tī抢救失败了后,大卫ê反应完全无仝ê经过。

第15节b句到17节,大卫kah拔示芭所生ê gín-á害重病,这真清楚是出tī上帝ê旨意。大卫为gín-á生重病「禁食」,这是以色列人民表示哀伤、忏悔,以及tī信仰上表明决志ê方式(参考撒母耳记上七:6、三十一:13,撒母耳记下一:12,历代志下二十:3,以斯拉记八:21—23,以斯帖记四:15—16,诗篇三十五:13、六十九:10,但以理书九:3,约拿书三:5,使徒行传十三:3、十四:23)。大卫希望用chit种方式来平息上帝ê愤怒。Koh讲除了「禁食」之外,伊mā用「整夜躺tī土脚」这方式,来表明家己ê卑微。即使是宫廷里ê「老侍从」,mā lóng无法度劝动大卫进食、tī床铺上困。

第18到21节,过了「一礼拜」久,chit-ê gín-á死去,宫中ê chiah-ê老臣反tńg m̄敢去kā大卫讲,深恐伊会因为过度忧伤而自戕。M̄-koh大卫发觉宫廷内ê侍卫举止有异,就án-ne察问了一下,就明白gín-á已经死去。就án-ne伊开始洁身沐浴,mā无koh禁食,然后koh到「上主ê殿宇敬拜」。这表示伊koh开始kah恢复以前仝款,看起来,大卫kah-ná已经得tio̍h上帝ê接纳,原谅伊过去所犯ê罪。M̄-koh伊chit种做法反tńg hō͘大家lóng感觉非常ê gông-gia̍h,因为án-ne,chiah-ê老臣就问大卫原因。

第22到23节,chit两节是大卫回答老臣所提ê问题。伊原本想beh用chit种方式换来上帝怜悯。M̄-koh显然地,并无成功。这mā说明上帝beh审判一个人ê时,并m̄是人用各种「哀伤」、「鞭phah己身」ê方式thang改变。上帝自有他一套法码当做惩罚ê标准。大卫chit-má明白,这既然是上帝已经决定beh执行ê审判,因为án-ne,gín-á已经死去,就表示任何人ê能力mā无法度改变上帝ê旨意。「有一工我beh到伊hia去」,这是大卫ê期待。伊知影,家己有一工mā会死,因为án-ne,伊期待ē-tàng因为án-ne而见tio̍h chit-ê gín-á,mā tùi chia thang看出伊对chit-ê gín-á用情之深。

第24到25节,大卫转而去安慰拔示芭,伊希望用继续同房ê方式,hō͘拔示芭再生下gín-á,以减去因第一个gín-á往生ê忧伤。「所罗门」因为án-ne出世,chit-ê名kah希伯来文ê「shalom」仝款,是teh指「和平」、「平安」ê意思(参考历代志上廿二:9)。Chit时chūn,先知拿单奉上帝ê命令,去探望大卫,并且去为大卫所生ê chit-ê gín-á所罗门号名叫「耶底底亚」,表示「上帝喜爱」所罗门。Chit-ê意思真清楚,表示上帝前对大卫ê应允,是继续有效ê,并无会因为大卫犯罪就消失à。Mā就是大卫ê后代kā永远保有王朝(参考撒母耳记下七:13—16),chit对大卫来讲,ē-sái讲是siōng大ê应允。

经文:

撒母耳记下 12:26-12:31

注释:

Chit段经文记载约押继续攻打亚扪人ê首都拉巴城,并且说明约押是一个非常聪明ê将军,伊hō͘大卫独享荣耀,mā因为án-ne,大卫对约押ê倚赖koh khah迫切。这mā是为甚么伊会讲出对约押有「无法度应付」之言(参考三:39),其实mā说明伊会惊惶约押ê威胁。一则约押真清楚大卫杀害乌利亚ê秘密,koh讲,约押确实是一个敏捷、勇敢善战ê将军。Chit段经文mā出现tī历代志上第二十章1到3节。

Chit段是继续第十一章1节。Chit段经文主要说明顶pái大卫真有诚意beh表明kah亚扪人之间维护和谐关系,m̄-koh却遇tio̍h亚扪人大大ê侮辱。因为án-ne,约押真清楚大卫ê心境,伊ài大卫tī最后关头亲自带兵来攻打亚扪首府拉巴城。并tī攻落了后,大大惩罚亚扪人,hō͘ in成做奴隶苦工,ná亲像当年以色列人民tī埃及一般ê痛苦。

第26到28节,chit三节说明约押是一个真聪明ê领导者,伊知影kā siōng重要ê荣耀归hō͘大卫。约押kā大卫讲「已经夺了水源」,这ē-sái讲是战略相当做功chiah有ê成果,就是占领敌方ê水源区。这mā teh表示真紧to̍h会攻落亚扪人ê京城拉巴,伊希望大卫赶紧带兵过来,án-ne,军队就会认为lóng是大卫ê功劳。Mā tùi chia thang看出约押tī以色列军队心目中ê地位确实真koân。因为伊ê部下lóng清楚知影,真正ē-tàng tī战场上调兵遣kā ê是约押。

第29到31,大卫果然接受约押ê建议,亲自前往战场指挥。拉巴城就án-ne ê被以色列军队hō͘攻陷落来。Á以色列军队搜刮了拉巴城内所有贵重财物,当做战利品。另外mā俘虏亚扪人当做奴隶,hō͘ in去做苦工。

经文:

撒母耳记下 13:1-13:22

注释:

Chit章就记载大卫ê kiáⁿ暗嫩犯强暴家己小妹她玛ê奸淫罪,然后押沙龙为tio̍h小妹她玛被强暴ê事,设计「鸿门宴」杀害暗嫩,替小妹她玛报仇。M̄-koh却tùi án-ne hō͘伊一定tio̍h逃走到老母ê故乡基述去外公家避难。因为án-ne,第十三章thang讲记载大卫犯罪了后,家庭成员回应出伊犯罪ê第一件事。另外一方面,主要是为tio̍h beh说明为甚么后来押沙龙无法度继承大卫ê王位ê原因,就是伊怀恨真深,设计暗刣死家己ê兄弟。Koh讲第十二章10节,先知拿单已经对大卫犯奸淫罪ê事,传出上帝ê惩罚是:「你án-ne违背我,抢去乌利亚ê bó͘,你ê家将永远逃bē过刀剑。」因为án-ne,大卫ê gín-á彼此残杀,包括了暗嫩ê事件(参考十三:28—29),押沙龙ê事件(参考十八:14),以及亚多尼雅ê事件(参考列王记上二:25),chiah-ê lóng说明是大卫犯罪了后所带来一个严重ê惩罚。上帝拣选ê奴仆,上帝赐福多。M̄-koh若是背叛上帝去犯罪,所带来ê惩罚mā是严厉。

Chit段经文记载大卫ê大kiáⁿ暗嫩为tio̍h beh亲近家己ê同父异母ê小妹她玛,想出所有ê办法接近伊,后来tī表兄弟约拿达ê献策下,性侵了伊,了后koh kā伊遗弃ê kui个过程。

第1到4节,chia讲押沙龙有一个小妹名叫「她玛」,这表示伊mā是大卫kah基述王达买ê cha-bó͘-kiáⁿ玛迦所生。Án-ne,伊kah押沙龙便是同父母ê亲兄妹。作者讲「她玛」是生做「真súi」。可惜,伊ê súi并无为伊带来幸福,反tńg是为伊带来灾祸。Á暗嫩是大卫ê大kiáⁿ,ē-sái讲是继承王位ê第一顺位者。因为án-ne,若伊真正是疼上她玛,其实,只要向老父大卫提出要求,á是thèng候大卫往生后,就ē-tàng真顺利ê娶她玛过门做bó͘(参考第13节b句)。因为án-ne,chia讲暗嫩想「亲近」她玛,只不过是一种生理上欲望ê需求而已。「相思成疾」,表示暗嫩已经因为án-ne出现「变态」ê状态。这mā是为甚么后来伊tī性侵成功了后,看tio̍h她玛反tńg「非常讨厌」伊,而且赢过爱伊ê程度(参考第15节)。Chia讲「约拿达」是「示米亚」ê kiáⁿ,而「示米亚是大卫ê兄哥」,án-ne,「约拿达」就是暗嫩ê堂兄弟。作者形容伊是一个「奸巧」ê人。Chia ê「奸巧」是teh指聪明、伶俐,m̄-koh却无伦理、道德规矩ê观念。Ná亲像伊甸园里ê蛇仝款(参考创世记三:1)。伊来关心暗嫩消瘦ê原因,暗嫩坦白相告,讲伊爱上了「同父异母」ê小妹她玛。Chit种Tī圣经早期时代是普遍ê事(参考创世记二十:12),尤其是tī东方社会mā真普遍。后来,比较晚期了后,律法上就有明文规定禁止chit款tāi-chì(参考利未记十八:9)。

第5到6节,就án-ne约拿达想一个计谋,伊ài暗嫩先假做破病,好引诱小妹她玛接近身边而kā它性侵。Koh khah惨ê,就是chit-ê诡计iáu giú大卫tī不知情之下mā有参与。

第7到11节,就án-ne,大卫打发人去kā cha-bó͘-kiáⁿ她玛讲,ài伊去暗嫩hia做kóa食物hō͘伊食。暗嫩利用chit-ê机会叫宫中服侍者闪开,然后ài她玛亲自喂伊,就tī hit时,伊要求她玛kah伊困。

第12到14节,她玛对暗嫩chit种突如其来ê粗暴举动,感觉非常惊kah gāng去,伊一再要求暗嫩bē-tàng做chit款tāi-chì,伊mā提醒暗嫩,若是chit款tāi-chì被传扬出去,会hō͘伊「tī以色列人面前丢尽面子」,而伊mā会tī人面前「扛不起头来」。伊劝暗嫩去向老父大卫王祈求,伊相信老父一定会应允in结婚。M̄-koh已经是病态ê暗嫩听bē落去小妹chit种劝言,就án-ne性侵了家己同父异母ê小妹她玛。Án-ne,暗嫩若是真正beh圆满处理chit件事,只有一条路thang行,就是去kā老父大卫讲,请求允准kah她玛结婚,若无,她玛就无法度koh再嫁hō͘别人。因为若是她玛嫁hō͘别人ê时,无告知对方家己已经无koh是处女,hit-ê娶她ê人就ē-tàng控告女方欺骗,并且thang kā她离掉。若án-ne,她玛可能tio̍h面临被判死刑ê恶果(参考申命记廿二:20—21)。

第15到19节,tùi暗嫩ê反应就ē-tàng看出伊并m̄是真正爱她玛,只不过是想beh满足家己ê欲望而已,á是beh显示伊ê权位。当伊满足了欲望了后,随时beh kā她玛赶出伊ê宫殿,而她玛清楚提醒暗嫩伊án-ne赶伊行所犯ê 错误,kā比强暴伊koh khah严重。因为这等于是beh hō͘她玛终身无法度koh再嫁别人,除非有大卫王kā伊配婚hō͘平民。因为伊已经m̄是处女。可惜ê是「暗嫩m̄听」,chit句话表示暗嫩并无清楚结果ê严重性,伊叫奴仆kā她玛赶出去,她玛因为án-ne悲伤到极点,因为她玛mā是大卫ê cha-bó͘-kiáⁿ,而且老母mā是基述王ê cha-bó͘-kiáⁿ玛迦。换句话讲,她玛tī所有大卫ê kiáⁿ中,算是贵族背景出身。却被暗嫩厝里ê奴仆「赶出去」,这又koh是另外一种重大侮辱,而且造成极大ê伤害。其实,chiah-ê奴仆是连摸到伊ê衫裤lóng m̄配ê人。因为伊原本是去听老父大卫ê指示,去服事可能kā继承王位ê大兄暗嫩ê,所以,伊穿插真正式ê衫裤—未婚公主常穿ê「长袖棉袍」,这是一种贵族chiah穿ê衫裤,是彩色ê,ná亲像雅各送hō͘约瑟ê彩衣(参考创世记三十七:3)。Thang了解她玛伤心到极点,伊用几个方式来表达:一是「掖灰tī头壳顶」,chit种方式表示家己真「贱」,无价值。二是「双手蒙tio̍h面」,chit种方式是teh表明见笑,无面见人ê意思(参考耶利米书二:37)。三是「拆裂衣袍」,tī chia mā用来表示伊ê愤怒,因为伊ê「处女身」已经被侵犯、破坏。四是「一面行一面哭」,这是非常哀伤,mā说明性命中siōng大ê无奈,m̄-koh mā teh表示求助。

第20到22节,她玛ê兄哥押沙龙知影chit件事了后,安慰她玛,并且收留伊。有人去kā大卫讲,伊mā「非常受气」,而押沙龙则对暗嫩「怀恨极深,无koh kah伊讲话」。

经文:

撒母耳记下 13:23-13:39

注释:

Chit段经文记载她玛ê兄哥押沙龙终其尾替小妹报仇,杀害暗嫩,m̄-koh却因为án-ne惊惶老父大卫惩罚而逃离王宫,走tńg来老母ê娘家基述去避难。

第23到24节,chia一开始就讲「两年后」,表示chit件事大卫都无适当ê处置。Á这「两年后」,mā teh表示chit件事已经tī宫廷内渐渐被bē记得。M̄-koh押沙龙会记得非常清楚,伊是一再teh计划chhōe机会beh报仇。伊利用游牧民族是重大ê「剪羊毛过节」活动,「邀请所有王子」,这表示押沙龙是策划好beh为小妹被奸污ê报仇之机会来à。同时,伊mā邀请伊ê老父大卫kah臣仆参加,m̄-koh大卫坚持无参加。

第25到27节,押沙龙是一个思虑真深ê人;伊故意讲邀请「王kah所有ê臣仆光临」chit pái ê节期活动,这等于是举办了一pái宫廷盛宴仝款,伊有意用chit种动作,显示家己ê能力。M̄-koh khah重要ê,伊是beh用chit种方式,避免大卫出席,m̄-koh却thang得tio̍h大卫答应hō͘ in某种程度ê面子。大卫bē出席是有原因ê,因为伊若答应押沙龙chit pái ê请求,以后伊ê tó一个gín-á仝款请求,伊一定lóng tio̍h答应,而且劳动kui个宫廷百官,除非chit-ê gín-á是准备ài继承王位者。Á hit时王位ê「准」继承者,是暗嫩。因为án-ne,大卫一定tio̍h考虑tio̍h暗嫩ê角色。押沙龙应该知影chit种情形,伊会有chit种动作,其实,lóng是beh hō͘暗嫩注意tio̍h chit种问题。押沙龙利用老父大卫ê实力,邀伊「至少请hō͘我兄哥暗嫩kah我去」,chit句话已经露出押沙龙ê动机kah用意。大卫似有警觉tio̍h,因为án-ne伊回应讲「何必要伊去neh」chit种话。因为tī第22节已经有说明押沙龙对暗嫩性侵伊小妹她玛ê事耿耿tī怀,而且无koh kah暗嫩「讲话」,chit件事大卫必定知影,因为伊ê众kiáⁿ lóng是宫廷要员,tī国王面前随时lóng会有宫廷「会报」。因为án-ne,大卫对押沙龙坚持beh暗嫩出席,感觉事有蹊跷。因为án-ne,表示无chit种需要。M̄-koh因为押沙龙「koh再三恳求」,大卫终其尾答应,m̄-koh这是「hō͘暗嫩kah王其他ê kiáⁿ」同齐参加押沙龙ê邀宴。大卫后来同意暗嫩参加,可能是想藉这而ē-tàng消弭兄弟两人间ê嫌隙,有可能mā是一件美事。M̄-koh为tio̍h beh预防意外,伊hō͘所有ê兄弟lóng同齐出席chit pái ê盛宴。Á押沙龙准备ê宴席,有ná国王teh宴请国宾一般ê丰盛,表明ê是押沙龙án-ne大手笔ê排设宴席,确实隐含beh杀害暗嫩ê讯息。

第28到29节,chia讲出押沙龙排设此宴席真正目的,就是一场「鸿门宴」,准备ài杀害暗嫩,表面上是替小妹她玛报仇,真正目的是排除伊继承王位ê绊脚石。果然,伊下令随从利用暗嫩lim醉ê时chūn,下手kā暗嫩杀害这mā是回应了大卫杀害乌利亚了后,先知拿单chìn前传达上帝ê信息hō͘大卫ê时所讲ê::「Taⁿ 刀剑会永远无离开你ê 家,因为你看轻我,娶赫人乌利亚 ê bó͘ 做你 ê bó͘ 。(全民版)」(十二:10)大卫其余ê kiáⁿ看tio̍h lóng骑tio̍h「骡子逃走」。暗嫩强奸家己ê小妹固然是错误而且bē-tàng原谅,m̄-koh,押沙龙谋刣家己ê兄哥koh khah是无法度原谅。
第30到33节,chit件惨案发生后,随时有人传报消息hō͘大卫,讲押沙龙刣死大卫「所有ê kiáⁿ,一个mā无留落来」,这是混乱中ê 错误讯息,m̄-koh却是thang理解。因为大卫ê众kiáⁿ尚且teh逃命中,并m̄知押沙龙是m̄是会派出杀手继续tī途中追杀其他ê人。Ná亲像大卫kah拔示芭所生落来ê第一个kiáⁿ重病ê时仝款,大卫除了拆裂衫裤表示极大哀伤外,mā用「躺tī土脚」,表示家己甚么lóng m̄是。国王ê chit-ê尊荣已经无意义。Á传报正确ê消息hō͘大卫知影是「约拿达」chit-ê人,伊就是两年前替暗嫩献计ê恶棍(参考十三:3—5),暗嫩就是因听从伊ê计谋,chiah会致使今á日ê结果。虽然伊所报告ê情景是明确,m̄-koh伊并无讲出实情,反tńg是强化押沙龙tī大卫心中ê恶质形像。伊是hit种专门提供pháiⁿ计谋ê人,是心地奸巧、心术不正ê人,chit种人虽然知影可能会发生tāi-chì ê结果,m̄-koh并无会对所做错误 ê事感觉见笑。

第34到36节,chit件谋害家己兄哥ê事件引起大卫ê愤怒kah伤痛,因为án-ne押沙龙一定tio̍h逃走避难,因为in老父大卫必定会采取惩罚行动。M̄-koh这mā暗示了宫廷内部必定有真chē暗争权位ê浪潮。大卫其他ê kiáⁿ mā陆续tùi「何罗念」山坡顶tńg来,in是一面行一面大哭,大卫kah所有宫廷内ê臣仆mā tòe啼哭,对大卫ê众kiáⁿ来讲,in tú经历一场怵目惊心ê兄弟残杀之现况,心内iáu有余悸。

第37到39节,押沙龙是逃tńg来伊外公「达买」(参考三:3)ê厝去bih起来,时间长到「三年」。这ē-sái讲是一段不短ê时间,mā表示伊已经丧失王位继承权ê机会。Á相对ê是Tī chit段时间中,大卫一直teh为暗嫩被刣ê事「哀伤」。M̄-koh tī悲伤过了后,伊koh想起了押沙龙。这mā说明过去大卫为暗嫩哀伤ê事,已经得tio̍h安慰。

经文:

撒母耳记下 14:1-14:24

注释:

Chit章teh描述大卫tī经过三年悲伤ê沉淀了后,开始想起押沙龙。原因是大卫ê第二kiáⁿ基利押chit时已经无tī。M̄-koh大卫身边大将约押koh khah是真会察言观色ê幕僚,伊深知大卫ê软弱,因为án-ne,当押沙龙出走三年了后,伊认为大卫一定tio̍h处理王位继承ê问题,却一直无动静,就án-ne伊想出一个办法hō͘大卫kah押沙龙chit对父子ē-tàng「和好」。

Chit段是记载约押决定提醒大卫一定tio̍h思考王位继承ê问题。Á chit段经文mā讲出约押tī大卫幕僚团中特殊ê地位,伊m̄-nā是一个常胜将军,而且一个手段残酷ê军人(参考列王记上十一:16—17)。Mā因为伊对大卫ê厝事kah私事了解真chē,大卫tī晚年往生chìn前,特别交带继承王位ê所罗门一定bē-tàng hō͘约押「善终」(参考列王记上二:6)。M̄-koh即使是án-ne,大卫犯罪ê事,iáu是hō͘一一记录落来,并无因为约押替伊掩盖(khàm)了罪行,而hō͘大卫ê恶行被遮盖起来。因为上帝鉴察人tī暗中所做ê一切。

Kā chit段经文比较第十二章有关先知拿单讲ê譬喻故事,就会发见譬喻方式真类似。先知拿单是宫廷先知,而约押则以色列siōng具影响力ê军队统帅。伊kah大卫ê亲近关系,tùi chit件事thang看出。

第1到3节,chia特别提起「洗璐雅ê kiáⁿ约押」,chit种用词有一个用意,beh表明chit时约押扮演ê角色,就是大卫ê「外甥」,beh向大卫进言ê是「家事」,却m̄是国王kah将军之间ê国事。约押知影tī无人敢向大卫提起王位继承ê问题,伊决定想办法hō͘大卫采取行动。大卫tī国家大事ê决断上真有魄力,m̄-koh对家务事却往往显得非常懦弱。Ná亲像伊对暗嫩所犯ê罪行,只是「非常受气」,却无惩罚伊ê行动。就án-ne约押去chhōe一个「提哥亚」聪明ê妇人去见大卫王,chia所讲ê「聪明」,意思是真会「讲故事」、「讲譬喻」,ná亲像先知拿单仝款。约押ài chit-ê妇女用穿丧服、不梳头chit种特殊ê打扮来引起大卫ê注意。Chit种方式所beh表达ê意义,是chit-ê寡妇一直无亲人来娶伊入门,照顾伊(参考申命记二十五:5—10)。约押并且交带这妇人讲「Kā我kā你讲ê话对王讲」,伊所讲ê话记载tī第5到7节。

第4到8节,因为chit-ê提哥亚ê妇人是穿插守寡衫裤,而且无梳头毛,这表示伊一直生活tī困苦中间。Chit-ê妇人请求大卫帮助伊ê时,大卫无拒绝伊。Tùi第5到7节ê记载thang清楚约押kā chit位妇女讲tio̍h对大卫讲ê话ê内容。主要有下列几点:(a)伊是一个「sàn-chhiah寡妇」,丈夫已经死去,m̄-koh kiáⁿ却无种作能力。(b)「其中一个刣死了另外一个」,明显是刣人者会hōng判处死刑(参考出埃及记廿一:12)。Á chit-ê cha-bó͘人ê话真具隐喻,teh暗示大卫ê两个kiáⁿ,其中一个被刣死,而刣人ê押沙龙一定tio̍h判处死刑。(c)这妇人表示,若是照摩西律法ê规定,伊kā失去继承产业ê最后希望。伊讲出非常重要ê一点,就是如果全lóng照律法规定去行,并无一定公道,mā有可能因为án-ne而成做近亲继承伊丈夫留落来ê产业(参考民数记廿七:11)。即使是án-ne,mā kā造成近亲之间彼此争夺财产ê结果。大卫听完了后,决定beh替这妇人处理chit件家务事。其实约押ài这妇人编造chit段故事,主要是teh暗示大卫,伊若koh再m̄ hō͘押沙龙tńg来宫,真可能造成王室内乱,大卫ê众kiáⁿ会为tio̍h争夺王位来彼此残杀得koh khah严重。Á后来mā证明约押ê顾虑是事实,因为大卫ê众细kiáⁿ就是为tio̍h争夺王位,而彼此残杀。

第9到11节,这妇人koh对大卫表示,这是伊厝里ê事,无希望因为án-ne hō͘国王受tio̍h无妄之灾。大卫表示伊ē-tàng hō͘妇人m̄免因为chit件事而操心,伊ài chit-ê妇人安心离开。并且表示beh庇护chit-ê妇人免受亲人、厝边ê搅扰。Chit-ê妇人koh进一步讲,希望大卫「向上主」祈祷,意思是beh大卫以上帝ê名chiù-chōa,「免得报血仇ê人继续杀戮」,这真清楚说明tī大卫无裁决chìn前,chit件「报血仇」ê行动iáu是会继续存在。因为án-ne,伊担心连伊「kan-taⁿ存ê kiáⁿ mā刣死」,这会hō͘伊陷入性命ê梦魇。大卫chiâⁿ实用上帝ê名chiù-chōa。

第12到17节,大卫显然iáu听m̄-bat这妇人想beh讲述ê意义。因为án-ne,这妇人chiah会要求继续说明。Á大卫真正mā听m̄-bat,所以同意这妇人ê请求。Chit-ê妇人就进一步说明她beh讲ê譬喻,是直接对大卫讲ê,chit种态度显然真唐突。因为一个妇女beh见国王,已经m̄是一件容易ê tāi-chì,taⁿ却teh讲述譬喻了后,直接道出国王ê问题,这一定需要冒tio̍h性命危险。伊直接指出大卫应该ē-tàng hō͘押沙龙tńg来,伊ê意思是:只要大卫王首肯,押沙龙就ē-tàng被接纳,重头tńg来王宫。这妇人主要teh说明:若是国王无特赦押沙龙,就算伊tńg来到耶路撒冷,mā会面临被掠而判处死刑ê结果。因为án-ne,伊要求大卫mài hō͘押沙龙面临被刣ê结局。伊o-ló「王亲像上帝ê天使仝款」,chit句话mā说明当时ê人看待国王ê角色,就是上帝所拣选ê使者(参考但以理书四:17,罗马书十三:1—2)。伊所代表ê,是上帝ê使者,为tio̍h是beh带领人民敬拜上帝。因为án-ne,chiah-ê使者必定真有智慧chiah-tio̍h。M̄-koh大卫一听,就清楚chit位妇人是受tio̍h别人指hō͘ chiah来讲这故事。

第18到20节,大卫m̄是戆子,伊一听这妇人所讲ê话,第一个感觉就是伊所讲ê话,并m̄是家己想出来ê。Koh讲,mā m̄是发生tī这妇人家己ê身上,却是直指大卫讲ê。因为án-ne,伊要求这妇人一定tio̍h真诚实回答是m̄是奉约押之托来ê,而这妇人真坦白地回答讲「无m̄-tio̍h」。Chit位妇人mā强调约押之所以ài伊án-ne做,to̍h是teh表示约押关心大卫ê家庭,想beh替大卫「挽回」家庭ê悲剧。伊并无希望大卫因为án-ne而误会、受气。

第21到24节,大卫就án-ne对约押讲,同意伊ê意见,thang kā「押沙龙带tńg来」耶路撒冷。Á约押真欢喜大卫听伊ê意见。其实,大卫应该是beh问先知拿单chiah-tio̍h,却m̄是问不时相刣ê将军约押。因为约押所建议ê事:hō͘押沙龙tńg来,而这必定kah国家王位ê继承者有密切关系。大卫kah-ná bē记得家己就是hō͘先知撒母耳所膏立ê,伊无kā国家大事先请教先知,tú好teh说明,伊并m̄是kā国家大事khǹg tī上帝ê旨意中。约押照大卫ê命令去行,到基述去kā押沙龙带tńg来耶路撒冷。不过,大卫拒绝hō͘押沙龙tòa tī王宫,却是tòa tī家己ê厝,这表示大卫并无随时恢复押沙龙过去所担任ê重要官职。这有可能是大卫想beh观察一阵子,看宫廷中有甚么反应。Mā因为án-ne,押沙龙chiah「无见王ê面」之机会。M̄-koh mā有另外一种可能,就是这teh暗示王宫中已经有一股看bē-tio̍h ê暗潮,就是大卫ê众kiáⁿ对押沙龙tńg来王宫任职ê事,有非常无仝款ê意见,chiah hō͘大卫对接见押沙龙ê事有所保留。

经文:

撒母耳记下 14:25-14:33

注释:

Chit段经文讲述大卫tī真勉强之下,chiah koh恢复了押沙龙tī王宫ê地位。M̄-koh这mā是经过约押ê极力担保chiah有ê结果。M̄-koh chit段经文mā清楚讲出押沙龙实在是无适合当以色列ê领袖。即使伊刣死了家己ê兄哥暗嫩,并无表示伊就会成做理所当然ê继承者。Chia描述伊就是一个骄傲、无理ê人。M̄知影感恩,kan-taⁿ会想tio̍h家己,却m̄知怎样好款待为伊讲话ê人――约押将军。这kah大卫ê特质完全颠倒。

第25到27节,作者tī chia讲押沙龙生做真「iân-tâu」,甚至讲押沙龙是帅到「无一点缺点」。M̄-koh这只是外表ê美,并m̄是心内ê美。作者用chit种方式teh讽刺押沙龙外,mā同时teh暗示,上帝所kah意ê君王是「遵从」他旨意ê人(参考撒母耳记上十五:22—23),上帝并无看人ê外表,特别是teh拣选上帝子民ê领导者,koh-khah是án-ne(参考撒母耳记上十六:7)。作者讲押沙龙每年剪一pái头毛,而剪落来ê头毛重达两公斤,作者用chit种笔法teh形容押沙龙tī以色列人民眼中,确实是一个真有「能力」ê人。因为旧约圣经时代,中东地带ê人ài用长头毛、胡须等来表示「尊严」、有「能力」。另外,长头毛mā含象徵性ê意义,就是性能力真强。作者mā tī chia记载押沙龙ê cha-bó͘-kiáⁿ她玛生做「非常súi」。

第28到30节,虽然押沙龙已经被约押tùi基述带tńg来耶路撒冷城内,m̄-koh大卫就是无愿意接见伊。因为án-ne,伊派人去请约押向大卫讲情,m̄-koh约押lóng是m̄ hō͘押沙龙有面子,拒绝接受押沙龙ê请求去向大卫参详拜托。约押之所以无愿意听从押沙龙ê请托,真可能是kah王宫内部ê斗争有密切关系。伊希望保有一个自由空间,来方便以后容易行事。M̄-koh押沙龙却是一个真残忍ê人,伊无法度忍受约押无接纳伊ê请求去向大卫参详拜托,就án-ne派人去kā约押ê「田园」hō͘放火烧掉。Chit种作法kan-taⁿ会爲伊khiā立koh-khah chē ê仇敌,对伊想beh得tio̍h王位ê路,白白增加真chē无聊ê阻碍,对伊一心一意想beh得tio̍h王位ê tāi-chì并无帮助。这mā是为甚么后来约押听讲押沙龙因为头毛太长,挂吊tī树á顶ê时,特别the̍h枪矛去kā伊刣死ê原因(参考十八:14)。

第31到32节,约押知影chit-ê tāi-chì了后,非常愤怒,因为án-ne直接去押沙龙ê厝问伊为何放火烧毁伊ê「田园」。Á押沙龙回答约押ê话有两点真重要:一是伊并无感谢约押设法hō͘伊tńg来到耶路撒冷城khiā起。因为伊虽然tńg来khiā起了两年,m̄-koh连想beh进王宫去见家己ê老父大卫一面lóng无法如心所愿。二是伊讲「如果我有罪,就hō͘王处死我好势」,chit句话已经清楚表示出伊犹原无认为刣死暗嫩是一件错事,心中lóng无悔意。换句话讲,伊m̄-nā无感谢约押,反tńg iáu对约押kā伊带tńg来耶路撒冷城来chit件事感觉失望、无欢喜。

第33节,约押既然m̄是主动去替押沙龙参详拜托,因为án-ne,伊唯一ê就是照押沙龙ài伊传达ê话,去kah大卫讲,由大卫决定。Á大卫因为án-ne接见了押沙龙,并且用「chim嘴」押沙龙表示赦免押沙龙,kah伊和好。

经文:

撒母耳记下 15:1-15:12

注释:

Ná亲像头前已经提起过ê,大卫犯罪了后,伊ê厝就发生连串风暴,而chiah-ê lóng kah大卫犯罪ê事件有密切关系。约押是大卫ê外甥,m̄-koh mā是大卫手下大将,而且知影大卫设计害死乌利亚事件。因为án-ne,tī约押心目中,大卫已经m̄是一位值得尊敬、惊惶ê国王。约押设计hō͘杀害兄哥暗嫩ê押沙龙,tùi基述tńg来到京城耶路撒冷,并且替伊向大卫请求,hō͘伊ē-tàng kah大卫王见面。M̄-koh押沙龙显然并无因为án-ne感谢约押ê保荐,mā无因杀害兄哥暗嫩有悔改ê意思。反tńg tī tńg来到京城耶路撒冷后,积极进行争夺王位ê计划。伊当时会谋害长兄暗嫩,mā是为tio̍h藉这获取继承王位ê优先权。这tú好说明大卫多妻所带来ê恶果。因为bó͘多,kiáⁿ众多,大家lóng想beh争夺koh khah chē ê利益,chiah会发生勾心斗角、争权夺利ê宫廷事件。摩西律法就有教导讲「王bē-tàng有真chē后妃,免得被诱惑弃sak上主」(参考申命记十七:17a句)。撒母耳记下第十五章就是记载押沙龙设计夺取王位ê经过,以及大卫为tio̍h beh保命,逃离王宫ê记事。

可能因为连年战事不断ê关系,致使大卫疏忽了民政事务,m̄-koh大卫ê真chēkiáⁿ并无替伊分担chiah-ê国家事务,而chiah被赦免tńg来ê押沙龙,iáu看准了大卫chit-ê缺失想趁机会打击;伊m̄-nā无因为家己犯错,得tio̍h老父大卫ê赦免、接纳,而愿意好好á协助老父大卫料理国政,kā功赎罪。颠倒,伊利用chit-ê机会为大卫制造koh khah chē民怨,以争取家己tī以色列人民中ê美好声誉,为夺取王位作准备,这tú好mā为大卫王朝末期国政、家事变乱留落来了一个伏笔。

第1到4节,tùi第1节来看,大卫kah-ná已经恢复了伊ê官职,因为án-ne伊ē-tàng拥有「一台战车kah真chē马匹」、「派五十个护卫为伊开路」,表示伊有王储ê角色á是身分。伊故意利用人siōng chē ê时chūn出现tī耶路撒冷「城门口」、并且热心地替民众解决纠纷,以提高伊tī民间ê地位kah声望。伊mā利用机会挑拨民众对大卫重南轻北ê怨恨,而且iáu故意加上chit句「可惜王无派人来听你ê诉讼」,kah「jōa-ni̍h-á希望我是一个法官」,这两句话表示如果伊来掌王权,一定bē出现chit种现象。这teh暗示伊会比大卫koh khah好,因为伊ē-tàng hō͘人民一个公道、公正ê司法。Chit种话,其实mā teh暗示:因为老父大卫ê放纵,无hō͘暗嫩强暴小妹她玛ê事,受tio̍h应得ê审判。所以押沙龙私自惩罚暗嫩—hō͘ in死刑,就是beh为小妹她玛讨回一个「公正ê审判」。

第5到6节,chit两节koh khah thang看出押沙龙为tio̍h beh夺取王位,用极柔软ê身段,m̄-nā拒绝人民向伊伏拜,并且「chim嘴」人民,hō͘以色列人民有一个错觉,认为伊是一个亲民、爱民ê siōng好君王人选。

第7到8节,chia讲「四年后」,意思是teh指过了一段适当ê时间。M̄-koh希伯来文圣经是用「四十年」。若是án-ne,押沙龙就至少已经三十gōa岁以上,而chit时ê大卫,应该mā有七十gōa岁à。因大卫是三十岁ê时tī希伯仑登基为以色列ê王,伊统治以色列共计有四十年(参考五:4)。

Án-ne,押沙龙chiah-ê动作真可能是发生tī大卫执政ê最后十年左右。押沙龙藉tio̍h想beh去「希伯仑」iáu伊向上帝所许ê「愿」,请求老父大卫hō͘伊去。伊会想beh去希伯仑,真可能是因为当大卫kā首都迁往耶路撒冷ê时,希伯仑ê人民非常不满意,因为大卫是tī希伯仑被犹大人膏立为王(参考二:4),后来北部以色列人mā是来希伯仑膏伊为王(参考五:3)。结果大卫却是tī攻落耶路撒冷了后,就离开希伯仑。因为án-ne,这jōa-chē kah希伯仑人心中不满ê情绪有关。Án-ne,伊thang kā希伯仑当做夺取王位ê基地,万一夺权计画失败,大卫想beh掠伊,希伯仑人有可能mā会支持伊,á是hō͘伊有够额时间逃离。

第9到10节,大卫怎样想无想tio̍h,押沙龙是一个奸巧ê kiáⁿ,其实,tī伊谋害兄哥暗嫩ê事件上,应该就thang看tio̍h伊ê chit种诡计。大卫不防,允准伊去希伯仑。Á押沙龙就利用chit pái到希伯仑ê机会,另派密hō͘去各支派串连背叛大卫,拥护伊tī希伯仑做王。

第11到12节,押沙龙mā tùi耶路撒冷带两百个m̄知内情ê跟随者,以及大卫ê顾问「亚希多弗」同齐到希伯仑去,就án-ne,押沙龙ê声势大涨,依附者jú来jú chē。「亚希多弗」,是大卫ê「亲家公」,伊是拔示芭ê阿公(参考十一:3、廿三:34),伊为甚么beh参与chit项政变?是m̄是mā被押沙龙欺骗而跟tòe去?á是伊mā是押沙龙参与政变ê献策者之一?并无资料thang参考。M̄-koh伊确实是一个足智多谋ê策士。M̄-koh mā因为伊ê献策,hō͘大卫感觉非常懊恼kah艰苦心。

经文:

撒母耳记下 15:13-15:37

注释:

Tùi chit段经文直到第十六章,是teh描述大卫带身边重臣、随从、tòe扈等人逃离王宫,mā tùi chia thang看出并m̄是所有ê人lóng讨厌大卫,因为伊tī以色列民间iáu享受极大ê荣誉,所谓「患难见真情」,thang tùi大卫落难ê时ê处境看会出来。值得注意ê是:大卫逃难出城ê时,连「约柜」mā同齐扛行。Á约柜是以色列人信仰ê中心,teh表示上帝ê同在。因为án-ne,这mā说明大卫虽然逃离耶路撒冷,m̄-koh上帝并无离开伊。

第13到16节,大卫一直tòa tī深宫中,因为án-ne并m̄知外面ê情况,mā无听tio̍h奇异ê号角声响,因为án-ne,当有「使者」知影chit件事,特别来向伊报信,讲人民ê心lóng向押沙龙à。这应该是件非常严重ê讯号,必定hō͘大卫大tio̍h惊,甚至措手不及。当大卫知影押沙龙既然胆敢设计杀害兄哥暗嫩,mā bē对其他ê小弟手软,á是会存有任何亲情之心。因为án-ne,伊ài所有ê臣仆随时kah伊离开王宫,免得遇tio̍h无故杀害。伊「只有留落来十个妃嫔看守王宫」,其余ê臣仆、厝内人lóng kah跟tòe大卫,这mā表示宫中ê臣仆对大卫iáu-koh忠实,无跟tòe押沙龙叛乱起舞。Tùi chia mā thang看出宫廷内臣对tī押沙龙ê所做所为并m̄是完全认同,若无,chiah-ê大臣一定会倒戈,拒绝跟tòe大卫出宫。

第17到18节,chia提起「城郊最后一座厝」,这可能是防守耶路撒冷边防ê军营要寨,tùi án-ne大卫chiah会tī出城chìn前,利用chit所在进行一pái校阅。Chit对大卫来讲真重要,伊thang掌握身边忠实tī伊ê部队数量,特别是伊身边ê chiah-ê侍卫lóng是外籍佣兵,因侍卫长就是「耶何耶大ê kiáⁿ比拿雅」(参考八:18),伊负责大卫身边ê侍卫工作。有「六百个tùi迦特城来」ê非利士人跟tòe tī大卫身边,chiah-ê人就是大卫身边ê侍卫。大卫会用外籍兵团ê当贴身侍卫,mā算是一种创举,因为in无容易受tio̍h当地政治局势转变ê影响,chit时tú好派上用场。大卫hō͘ chiah-ê身边ê侍卫tùi伊面前过去,像进行一场「阅兵」仪式,ē-sái讲是非常重要,thang强化chiah-ê人对伊ê忠chiâⁿ。

第19到20节,chiah-ê非利士人侍卫队领袖是「以太」,大卫伊带部下tńg去留tī新王hia,其实,大卫chit句话就是teh试看in是m̄是iáu忠心tī伊。若是忠实,即使人数无chē,mā足以成做一股强大势力。若m̄是,就算拥有万计兵马mā是枉然。原因是佣兵kan-taⁿ会致意粮饷、待遇chē少?因为佣兵相刣,并m̄是为tio̍h家己ê国家,却是kā它当做生活kah工作ê一部分。chit-má大卫kā以太讲,伊连家己beh「gōa chē」lóng m̄知。原因是押沙龙ê叛变是tī lóng无预警之下发生,hō͘伊措手不及。大卫chit种讲词,mā teh表示家己ê无奈,同时mā teh暗示伊可能有财力上ê困境,跟tòe伊ê侍卫兵团可能会有the̍h bē-tio̍h佣金ê结果。

第21到23节,m̄-koh以太kah其他六百名迦特侍卫兵用chiù-chōa ê方式,来表示坚持beh跟tòe大卫。「是生是死」in lóng愿意「跟tòe」,这是非常难得ê态度。大卫tī知影chiah-ê侍卫兵团ê决心了后,就无koh怀疑in,带in kah in ê「眷属」远离耶路撒冷城。当人民看见大卫离开ê时,已经知影发生政变,chit时「人民lóng放声大哭」,可见iáu是有真chē民众支抱大卫。

「汲沦溪」,这是设tī耶路撒冷城ê东面,除了雨季外,其余时间lóng是干涸ê状况。因为án-ne,大卫in ē-tàng顺利行过chit条溪,过了chit条溪,就是橄榄山。而且koh khah重要ê,即使押沙龙beh追杀过来,tú好佳哉耶路撒冷kah橄榄山之间,有一个汲沦溪chit-ê山谷隔阂tio̍h,无论toh方tio̍h用兵,lóng需要花一kóa时间。对大卫来讲,伊需要重整军伍,计划攻击ê用兵策略,因为án-ne,来到橄榄山,thang hō͘家己有一个缓冲时间kah空间。然后,tùi chia行往耶利哥大道,朝向东北方ê巴户琳(参考十六:5),就ē-tàng直通约旦河谷。

第24到29节,chit段经文非常重要,因为连「撒督祭司」,kah「扛约柜ê利未人mā kah伊」,in是kā约柜扛出来跟tòe大卫行,这说明大卫并无bē记得需要上帝ê带领。因为约柜表明上帝ê同在。只要有上帝同在,即使tī苦难中mā会得tio̍h气力支支持落去。Á约柜mā是凝聚以色列人民心灵ê siōng大力量。约柜kah大卫做伙,mā说明大卫有上帝ê同在。Án-ne,即使押沙龙得tio̍h了政权,却会失去人民心灵力量ê支撑,得tio̍h了政权,mā bē有安定ê心灵生活。

M̄-koh另外一方面,mā看tio̍h大卫ê看法kah众祭司真无仝款,mā显示出大卫tī信仰上有真明确ê认bat—有约柜,并无表示有上帝同在。若m̄是上帝所欢喜,即使有约柜,mā无任何意义thang讲。因为án-ne,伊下令tio̍h kā约柜扛tńg来耶路撒冷去。大卫讲愿意跟tòe上帝ê旨意做tāi-chì,却m̄是用约柜当做工具,作「挟持」上帝旨意之利器。其实,大卫ài众祭司tńg去,显然是有特别ê用意,m̄-nā是ài in继续扮演祭司ê角色,甚至iáu有ài in当「线民」ê用意。因为án-ne,chia讲「你m̄是先见mah」,chit句话并m̄是讲in是「先知」,却是讲chiah-ê祭司teh执行祭司职务ê时,会koh khah清楚kui个耶路撒冷ê实况。Án-ne,in thang kā所得tio̍h ê消息传去hō͘大卫。因为án-ne,伊hō͘众祭司一个会合见面ê地点—旷野ê渡口,这是tī吉甲附近约旦河边ê渡口。就án-ne,撒督kah亚比亚他chit两位大祭司接受大卫ê命令,就带利未人kā约柜扛tńg来耶路撒冷城。

第30到31节,「橄榄山」,这是过了汲沦溪了后,thang遥望耶路撒冷城ê一座山丘,大约海拔八百公尺ê小山。Chit-ê山会号名「橄榄山」,顾名思义就是该山是kui片山丘lóng种植橄榄树,内面有一个园子称做「客西马尼园」(参考马可福音十四:32)。chit-má大卫来到chia山,可能想beh先隐藏,躲过chit pái ê叛乱风波。伊用「蒙tio̍h头」chit种方式表达心中ê见笑、艰苦心ê意思(参考耶利米书十四:3—4),mā用「光tio̍h脚」,表示卑微、悲伤、凄惨ê意思(参考以赛亚书二十:2、4,以西结书廿四:17),而所有跟随者mā kah伊仝款ê光tio̍h脚,蒙头啼哭行上山。当伊知影身边ê顾问「亚希多弗」mā加入押沙龙ê叛变阵营后,必定是非常悲伤,因为亚希多弗确实是一个真棒ê谋士(参考十六:23),因为án-ne只有ē-tàng祈求上帝mài hō͘亚希多弗ê计谋成功来欢喜。

第32到37节,chia讲亚基人「户筛」,是大卫忠实ê朋友,伊mā是大卫朝廷中ê重要官员(参考十五:37)。Tī历代志上第廿七章33节讲伊是大卫ê「亲信」,是大卫身边重要ê参谋。伊用拆裂衫裤,头蒙尘埃,chit种非常悲伤ê样式来迎接大卫。大卫确实是一个真聪明ê领导者,伊ài户筛tńg去耶路撒冷宫廷内,kah两位大祭司撒督kah亚比亚他合作,提供情报,án-ne大卫就ē-tàng清楚掌握押沙龙ê动态,mā thang kā亚希多弗可能会造成ê伤害化解掉,并且hō͘押沙龙掠做是大卫身边ê忠臣lóng归向伊、效忠伊。Án-ne,大卫差遣tńg去ê除了大祭司撒督kah亚比亚他,chit-má koh有要臣户筛,真容易造成押沙龙ê错觉。Án-ne,军事领袖约押,以及大卫身边ê侍卫兵团愿意跟tòe大卫,而宗教领袖撒督kah亚比亚他mā支持大卫,koh加上优秀ê参谋户筛mā是全力ê支持者,就ē-tàng看出押沙龙kah-ná已经成功地夺取政权,其实,真正有影响人民力量ê chiah-ê代表者,却lóng tī大卫身边,这是大卫成功ê所在。

经文:

撒母耳记下 16:1-16:14

注释:

Chit章是继续第十五章所记载ê,当大卫tī逃难ê时,过去伊身边ê人ê反应kah态度。Tī这章记载中,出现三个角色,其一是洗巴,chit位被大卫命令一定tio̍h继续服事伊本来主人约拿单ê kiáⁿ米非波设;第二位是扫罗家族ê人示每;第三位是背叛伊ê kiáⁿ押沙龙。前二位lóng kah扫罗ê家族有关,第三位是大卫家己ê kiáⁿ。M̄-koh后二位thang讲lóng是teh侮辱大卫,而第一位则造谣生非。圣经作者透过chit种方式说明:人teh落难ê时,各式各种ê人物lóng会出现。甚么人chiah是忠心ê朋友、亲人?这是需要智慧chiah ē-tàng辨别出来。

Chit段经文讲大卫tú-tio̍h前扫罗家ê奴仆洗巴,以及扫罗ê亲属示每。洗巴顶pái被大卫hō͘下令一定tio̍h继续照顾扫罗ê孙á-约拿单hit-ê瘸腿ê kiáⁿ米非波设。不过,伊显然对大卫chit种处理方式心内怀恨。M̄-koh伊有正确ê判断力,认为大卫会重掌政权。Á示每ê举动tú好kah洗巴完全颠倒ê性格;伊tú-tio̍h大卫后,一直沿路骂大卫,会án-ne ê态度,是伊认为大卫王朝teh beh消失,因为án-ne,出来咒骂大卫,当众诅咒、侮辱伊。

第1到2节,「洗巴」,是扫罗家ê奴仆。大卫命hō͘伊一定tio̍h照顾米非波设(参考九:9—10)。Á「米非波设」,这是大卫生死之交ê朋友约拿单ê kiáⁿ。chit-má洗巴带来一大堆补给品beh献hō͘大卫,chiah-ê补品包括有「两百个饼,一百串葡萄干,一百挂热天ê果子,kah一皮袋酒」,chiah-ê对大卫来讲,ē-sái讲是逃难ê时非常重要ê补给品。M̄-koh问题是为甚么是洗巴拿来,却m̄是米非波设chhōa过来?即使伊跛脚,mā ē-tàng骑驴á á是骡。洗巴真清楚政治实况,伊m̄是为米非波设带chiah-ê补给物件去,却是家己准备,可见心机真深。因为伊根本就看bē起米非波设。因为án-ne,当大卫听tio̍h洗巴讲有一头驴á是beh hō͘大卫骑ê时chūn,一定感觉非常温暖。加上其它食物lóng是为tio̍h伊kah跟随者准备ê,必定hō͘大卫koh khah感动。

第3到4节,大卫随时问起米非波设「tī tó位」?ná亲像头前所讲ê,如果伊mā tòe出宫,大卫一定会hō͘伊留落来,因为跛脚ê伊,可能会影响tio̍h大卫kah跟随者ê逃走速度。M̄-koh无表态,反tńg koh khah会引起大卫ê猜忌。Á洗巴tú好掠到à chit-ê机会,就乱讲米非波设无跟tòe来,是因为伊想以色列人会重新立伊为国王。其实这是洗巴造ê谣,并m̄是真正。因为当大卫得tio̍h北部支派长老膏立为王ê时,就已经清楚说明扫罗王朝结束,chit点是非常清楚ê。因为án-ne,米非波设应该bē有thang继承王位ê想法。M̄-koh大卫当teh逃难中,mā缺乏冷静思考ê空间,因为án-ne,当洗巴奏了米非波设ê「叛乱」想beh后,大卫随时决定没收了米非波设ê财产,并且kā它赏hō͘洗巴。其实,mā thang án-ne了解:chit-má大卫作chit种处置,等于无处置仝款。因为若是押沙龙决定没收米非波设ê财产,洗巴mā可能一分钱lóng得bē-tio̍h。Á洗巴对大卫hō͘伊chit种犒赏当然非常欢喜。M̄-koh这mā ē-sái讲是不义之财,chit种财富对人ê性命并无利益(参考箴言二十:21、廿一:6)。

Chit段经文记载大卫tī逃难中所tú-tio̍h ê第二个人,就是示每;伊是扫罗ê亲属,看见大卫就一直沿路骂伊。这确实是件bē爽快ê相tú,示每ê举动tú好kah洗巴完全颠倒。洗巴判断大卫iáu是有重取政权ê实力,而示每则认为大卫王朝teh beh消失,因为án-ne,出来咒骂大卫,当众诅咒、侮辱伊。

第5到8节,大卫到「巴户琳」ê时chūn,tú-tio̍h扫罗ê一个亲属,是基拉ê kiáⁿ示每,伊出来见大卫,m̄-koh并m̄是出来迎接,却是掠调tiâu chit pái ê机会出来侮辱大卫kah伊ê跟随者,因为án-ne,chiah会「一面行一面咒骂大卫」。而且伊m̄-nā是骂,iáu对大卫kah伊ê臣仆「扔石头」,这thang真正是恨大卫到极点,chiah会有chit种反应动作。其实,示每是看准了大卫落难,mā thang讲伊是phah落水狗。示每对大卫ê恨tùi chia thang看出来,伊m̄-nā讲大卫「抢去扫罗ê王国」,并且认为押沙龙起来窜夺王位,就是上帝ê旨意,beh惩罚大卫,chit种讲法ē-sái讲是刺痛了大卫ê心。

第9到10节,「亚比筛」一直是大卫身边ê重要武官干部(参考廿三:18—19),真有勇气,不惊惶强敌目前(参考撒母耳记上廿六:6)。伊要求大卫hō͘伊kā示每斩首,以示惩罚ê意思。M̄-koh大卫却隐忍落来,伊阻止了亚比筛ê举动。

第11到12节,chit两节看出大卫ê心胸,伊向亚比筛kah所有臣仆表示:示每ê反应mā有可能是出tī上帝旨意,只是伊m̄敢确定。M̄-koh伊深信上帝会赐福hō͘伊,而且代替示每ê咒骂。

第13到14节,示每并无因为大卫ê忍耐而罢休,却是继续跟tòe大卫「一面行一面咒骂」。伊会án-ne做,主要是想hō͘民众看tio̍h大卫被侮辱,用chit种方式来影响跟tòe大卫ê官兵、臣仆、民众会因为án-ne而弃sak大卫。M̄-nā án-ne,伊iáu对大卫「扔石头kah土」,chit时chūn ê大卫ē-sái讲是需要非常大ê决心来「忍」,chiah有办法bē发性地。莫怪后来大卫tī晚年ê时,lóng无法bē记得chit-ê tāi-chì,而要求所罗门处死示每。Tī第14节讲大卫「达tio̍h约旦河」,chia应该是大卫kah祭司撒督、亚比亚他,以及户筛等人约定好beh hō͘通情报之地—旷野ê渡口(参考十五:28)。

经文:

撒母耳记下 16:15-16:23

注释:

Tùi第十六章15节开始直到第十七章14节止,chit段经文就是teh描述一个tùi大卫身边叛变ê顾问亚希多弗,kah一直忠心tī大卫ê身边亲信户筛,in二人之间ê「斗智」经过。作者最后补上了一句押沙龙ê话,讲:「户筛ê建议比亚希多弗ê好。」就án-ne说明大卫会koh一pái tńg来到耶路撒冷重掌王权,而押沙龙最后则phah败仗来死。

Chit段经文主要teh说明亚希多弗án怎帮助押沙龙,hō͘以色列人民中知影,押沙龙确实是已经取代了大卫ê王权。Á伊ê建议是用当时中东地带普遍流行ê方式,就是kā前代王朝ê宫女接收成做家己ê妃嫔,而这tī以色列人民ê信仰中,看做是一种乱伦ê行为。

第15到17节,户筛看见押沙龙kah拥护伊ê随从进入耶路撒冷ê时,就赶紧出去迎接,并用真虚假ê话奉承押沙龙。Á押沙龙是一见面就用真讽刺ê话语问伊讲,为甚么无koh对大卫忠chiâⁿ了,意思是teh指户筛为甚么弃sak大卫。

第18到19节,这是户筛回答押沙龙ê话。户筛讲伊会án-ne留落来,是因为伊「忠于hit位被上主、人民,kah所有以色列人拣选ê人」,chit句话听tī押沙龙ê耳á一定真感动会信认为真。户筛是故意作态表示全力支持押沙龙,其实,伊真实ê目的是beh获取情报,是对老主人大卫效忠。

第20到21节,押沙龙想beh了解伊继承王位了后,应该做kóa甚么事?伊问亚希多弗ê意见。亚希多弗建议押沙龙去kah老父大卫ê妃嫔「困」,这是当时中东地带ê惯例,表示继承前朝所留落来所有权,bó͘ kah细姨表示全部权利(参考三:7,列王记上二:22)。亚希多弗会án-ne ê建议,其实就是beh hō͘押沙龙kah老父大卫完全断绝父子关系,这是非常残忍ê建议。M̄-koh chit种建议,已经破坏了原本摩西律法对以色列人民ê教导。Mā thang án-ne讲,押沙龙是拥有政权,却破坏了宗教信仰ê规律。Chit种伤害比夺tio̍h政权、拥有政权,对以色列人民造成ê伤害iáu koh khah严重。

第22到23节,果然,押沙龙听从亚希多弗ê建议,就tī大家金金teh看下tī王宫ê阳台顶kah大卫ê妃嫔同床,这m̄-nā是teh侮辱家己ê老父,mā等于是宣告伊kah大卫之间已经完全断绝à。作者有意说明一件重要ê信仰认知:当人自认为真聪明ê时,tī上帝看起来可能是愚笨ê;相对ê,当人忠实tī上帝ê话语,tī人看起来可能是愚戆ê,m̄-koh tī上帝眼中,he是聪明ê选择。过去大家lóng认为亚希多弗是真有能力、真聪明ê好幕僚,因为过去tī大卫王朝ê时代,亚希多弗bat是朝廷中lóng受尊崇,chit-má伊是受tio̍h押沙龙ê倚重。M̄-koh若m̄是出tī上帝ê旨意,人ê自认为聪明可能就是愚笨。

经文:

撒母耳记下 17:1-17:14

注释:

Chit章thang分做三个部分,第一:亚希多弗koh一pái向押沙龙提出意见,主要目的是beh「斩草除根」,务一定会大卫ê部队hō͘ in铲除,án-ne chiah ē-tàng hō͘押沙龙确保王位。不过因为押沙龙对chit种意见有所存疑,因为án-ne转问户筛ê看法,而这就hō͘户筛chhōe-tio̍h机会,hō͘亚希多弗ê计谋无成功。因为户筛提出无仝ê观点而且非常有说服力,因为án-ne押沙龙kah伊ê臣仆决定接纳户筛ê策略,亚希多弗因为án-ne感觉非常ê挫折,并且自认已经tī押沙龙ê宫廷内失宠,而且可能因为án-ne hō͘大卫得tio̍h重头tńg来耶路撒冷掌权ê机会,会造成家己性命ê危险,就án-ne自刣身亡。第二,就是描述户筛án怎得tio̍h押沙龙ê接纳后,赶要紧kā chit-ê情报传送hō͘大卫知影,tī chit传送过程中,得tio̍h一个家庭ê协助,信差chiah会得thang脱离被掠ê险境,并tùi án-ne hō͘大卫kah跟随者,有机会pôaⁿ过约旦河,逃过一劫。三是描述大卫iáu是得tio̍h民间人士冒tio̍h性命ê危险,大力支持。这kui个过程lóng tī说明上帝确实在这事件中伸出援手救助大卫。

Chit段经文描写押沙龙身边ê两名策士—亚希多弗kah户筛,in对tī出兵征伐大卫有无仝ê意见。结果户筛ê策略被押沙龙kah伊ê臣仆采纳,主要原因是上帝介入了chit项计谋中。上帝透过户筛ê献策,瓦解押沙龙叛变,hō͘大卫重头tńg来耶路撒冷掌权带领以色列人民。

第1到4节,亚希多弗主动提出伊ê看法,认为tio̍h beh趁大卫chit-má当teh逃走,若ē-tàng赶紧追缉效果siōng好,mā siōng容易得手。伊甚至表示只要kā大卫刣死,押沙龙就ē-tàng koh khah名正言顺地统治以色列。亚希多弗请求押沙龙hō͘伊「一万两千人」,趁大卫逃亡ê时ê倦tah-tah心态,伊beh亲自带队去追杀大卫。「押沙龙kah众长老」,chit句话已经说明押沙龙确实有取会得thang色列民间ê支持。Á伊kah众长老共同ê看法,认为亚希多弗ê意见thang行。

第5到6节,押沙龙想beh「听听」户筛ê意见。Á这kah第14节所讲ê「上主决议m̄ hō͘亚希多弗ê好主意被采纳」,tú好讲出押沙龙心内会有chit种想法,其实就是kah上帝介入chit-ê事件有关。

第7到10节,「亚希多弗chit pái主意无好」,这是户筛提出ê回应,续落来伊说明无好ê原因,伊提醒押沙龙注意,伊ê老父大卫kah伊ê部下lóng是骁勇善战ê战士,特别是大卫,伊是一个非常机警ê人,「晚间无kah部队同齐tòa」,chit句话是户筛khah强调大卫ê防卫kah警觉性非常高ê一种讲词。若是beh讨伐大卫,siōng好是小心为妙。户筛特别提醒押沙龙一件事,就是大卫tī军事顶面ê成就有目共睹,因为án-ne,tī以色列人民中被看做「英雄」,户筛ê chiah-ê讲词,确实是有根据,却m̄是夸张之词,mā因为án-ne,摇动了押沙龙kah其他臣仆ê心意。因为in lóng知影户筛所讲ê lóng是不争ê事实。

第11到14节,户筛提出伊另外一种mài-koh tī亚希多弗ê建议案:伊ài押沙龙亲自带兵。二是伊ài押沙龙集合全以色列ê部队出去讨伐。Hō͘所出动ê兵力是「加得tio̍h像海滩上ê沙仝款」,是chē到无法度计算。这有两个意思;一是teh指以色列部队chit-má可能lóng tī押沙龙控制之下à。二是差不多所有ê部队lóng倾巢而出。伊án-ne做ê主要目的,是beh hō͘押沙龙认为án-ne大卫就无处thang逃,顶pái扫罗为tio̍h缉捕大卫,是带出三千精锐部队(参考撒母耳记上廿六:2),chit-má户筛建议ê是全国部队lóng倾巢而出。

其实,户筛chit种建议,是非常诡诈ê计谋。因为即使押沙龙已经掌控全国部队ê权力,m̄-koh真正beh聚集起来,mā需要一kóa时间chiah有办法,而时间对大卫避难是siōng重要ê契机,若是由亚希多弗带领一万两千兵员,是随时就ē-tàng出发,这就是tī第1节亚希多弗对大卫所建言ê「今晚」ê意思。因为án-ne,户筛这建议,显然是beh帮助大卫有充裕ê时间会得thang逃逸。结果押沙龙kah伊ê臣仆听户筛ê建议了后,认为伊ê建议比较好,其实这是上帝介入tī chit项计谋中,为tio̍h是beh「降祸tī押沙龙身上」,意思是teh指上帝kā藉tio̍h chit pái ê军事行动,瓦解押沙龙叛乱ê事。

经文:

撒母耳记下 17:15-17:29

注释:

当户筛ê计谋取代了亚希多弗了后,伊tī宫廷中ê地位自然就水涨船高。伊知影大卫采用伊ê意见,随时差密hō͘去通报大卫知影,thang hō͘大卫先躲过押沙龙ê追杀,同时mā等于是kā此计而诱hō͘押沙龙离开耶路撒冷城,chit点chiah是kui个计谋ê重点。Koh讲,chit段经文mā说明一个重要ê信仰告白:战争并m̄是在tī兵员jōa-chē,武器chē少,重要ê是有无上帝ê帮助?大卫chit-ê边虽然人单力薄,m̄-koh却有上帝感动民众主动提供补给品,这说明以色列民众iáu-koh支持伊,tī siōng危急ê时刻,lóng愿意帮助伊。

第15到16节,就ná亲像大卫ài户筛tńg来到宫廷,继续伊本来tī宫廷ê谋士角色,m̄-koh主要目的是beh成做大卫ê「眼线」,kā押沙龙ê一举一动通报大卫知影(参考十五:34)。照顶pái大卫交带伊ê,kā所知影ê情报转告hō͘两位耶路撒冷祭司—撒督kah亚比亚他(参考十五:35)。户筛就照指示做。伊同时建议hō͘大卫,ài伊赶紧带兵kah所有随从、家眷lóng到约旦河东边去避难,án-ne,大卫kah所有跟随者「chiah bē致使被消灭」。因为押沙龙beh聚集全国大军,尚且需要一段时间,而这为大卫争取渡过约旦河避难ê时间。

第17到20节,照第十五章36节ê记载,撒督ê kiáⁿ亚希玛斯kah亚比亚他ê kiáⁿ约拿单,就是负责担任信差,走腿传达消息hō͘大卫。M̄-koh in两人可能因为形迹thang疑,终其尾hō͘人发见而通报hō͘押沙龙,押沙龙特别派去搜查,in赶紧bih起来tī「巴户琳」一口人ê井内。chit家人愿意收留,而且kā in两人隐藏起来,而且协助藏匿chit两位信差ê,m̄-nā是先生,却是连bó͘ mā参与有份,而且真聪明地用麦á掖tī井盖顶面,thang好掩遮藏匿ê所在。果然这方式奏效。押沙龙派去搜查ê人,最后只好无功而tńg去。

第21到22节,chit两位信差赶紧kā所得tio̍h ê消息传达hō͘大卫。In同时建议大卫「赶快渡河」,这是照户筛提出ê建议。Chia讲是「亚希多弗筹谋追击王」,这是teh指此追击大卫ê计谋是亚希多弗提出来ê。M̄-koh押沙龙采用ê却是户筛ê策略。大卫m̄敢怠慢,赶紧带领侍卫军队kah所有跟tòe ê家眷、臣仆lóng渡过约旦河,而且连夜行动,显示情况危急。

第23节,当亚希多弗因为chit件计谋无被采纳,就tńg来故乡「基罗城」(参考十五:12)去自刣。伊先kā死后ê事办理好chiah自刣,thang看出伊是一个思路非常细腻ê人。伊知影当沙龙无采用伊ê策略,而用户筛,伊就知影押沙龙一定会失败。因为án-ne,若是大卫班师tńg来朝,重掌政权,伊必死无疑,因为这等于是叛国罪。Koh讲当押沙龙听伊ê意见了后,koh去询问户筛,ná mā表示伊tī押沙龙ê阵营中已经「失势」。就算chit pái出征讨伐成功,kan-taⁿ会hō͘户筛tī押沙龙面前koh khah受重视而且重用,而伊koh khah可能teh斗争中被侮辱得koh khah chē。

第24到26节,「玛哈念」是约旦河东岸ê一个市集城市,mā是重要大城,chit-má大卫逃难来chia城,免得被押沙龙追杀。Á当押沙龙听tio̍h大卫已经渡过约旦河,伊一屑á 都无踌躇地就率领大军渡河。

第25节ē-sái讲是一份简略ê族谱。作者用chit份族谱tī chia,是有用意beh说明仝款tī大卫家族内部,因为同父异母兄弟姊妹之间ê关系,并m̄是真和谐,甚至有对立ê现象,ná亲像押沙龙刣死暗嫩ê事件。

chit-má是两军分别扎营;押沙龙kah伊ê部队tī「基列」扎营。Á大卫则tī玛哈念。

第27到29节,作者khah强调一个重点:无论大卫tī tó位,lóng会tú-tio̍h支持伊ê人。相对ê,押沙龙并无一定是án-ne,巴户琳ê cha-bó͘人隐藏大卫ê信差就是一个例。这真清楚表示出押沙龙ê叛变,并无被以色列人民所支持。

亚扪族ê「拉巴人朔比」是欢迎大卫ê三位代表之一。伊真可能就是第十章1节所记载拿辖王ê kiáⁿ哈嫩ê兄弟。亚扪人bat侮辱大卫ê特使,后来被大卫派兵攻打,而且投降tī大卫统治之下(参考十二:26—31),in并无利用大卫落魄逃难ê时,宣告独立伊去,颠倒,是提供各种丰富ê食物hō͘大卫kah伊ê跟随者。

「罗・底巴人亚米利ê kiáⁿ玛吉」,伊bat帮助过大卫好朋友约拿单ê kiáⁿ米非波设(参考九:4)。伊应该是一个富有ê财主,对受难者lóng会伸手救助。

「基列ê罗基琳人巴西莱」,第十九章31节讲伊是一个八十岁ê老人,真富有,后来大卫beh大大将伊犒赏,伊婉谢。

以上chit三个人提供食物kah补给品hō͘大卫kah跟随者,这是一件非常危险ê事,因为若是押沙龙讨伐大卫得胜,in一定会有性命危险,而且会tú-tio̍h抄家灭族ê威胁。M̄-koh in敢án-ne公然支持大卫,mā是teh表明in对大卫ê忠心。而且in提供ê,是非常重要ê军粮,对大卫来讲,若是无chiah-ê补给品,大卫kah伊ê跟随者m̄免押沙龙来追缉,就会自告投降。

经文:

撒母耳记下 18:1-18:18

注释:

Chit章是记载大卫kah押沙龙父子之间一场武力对决,描述押沙龙整军出发想beh消灭in老父大卫ê势力。M̄-koh结果m̄-nā无因为拥有庞大军伍而获胜,颠倒,连家己mā tī战役中死亡。另外一方面,tùi chit章mā thang看tio̍h大卫tī亲情上有软弱ê一面,事(tāi)先是大kiáⁿ暗嫩强暴小妹她玛,大卫无hō͘伊受tio̍h应有ê谴责kah惩罚;后来押沙龙刣死兄哥暗嫩,大卫hō͘伊逍遥法外。然后押沙龙叛变、窜夺王位,大卫却iáu beh所有部下将领,bē-tàng杀害chit-ê背逆伊ê kiáⁿ。大卫chit种态度,想beh维护军纪、司法ê公义是真困难ê。因为国王ê kiáⁿ不守法mā thang安然无事,人民就会kah着有样学样。

Chit段经文是描述约押率领大卫ê护卫军队去对抗押沙龙ê以色列军队,结果以色列军队是惨败,m̄-koh真chē看见押沙龙落难kha̍h tī树枝顶ê人,lóng m̄敢刣死押沙龙,后来是约押看bē落去,亲自带随从去收拾押沙龙,chiah结束chit场叛乱、窜夺王位ê事件。单tùi chit章ê记事来看,记载chit场战争ê经过是非常简略,因为重点并m̄是在tī战争ê过程,却是tī押沙龙ê死。因为án-ne,有关押沙龙死亡ê经过,描写得非常清楚。

第1到2节,大卫身边ê护卫军已经tùi原本六百人,增加到chit-má ê「一千人kah一百人」。大卫kā它分做「一千人kah一百人为单位ê队伍」,然后「每单位有军官指挥」带领。Koh khah重要ê,伊kā chiah-ê护卫军分别由三位忠心ê 将领带领,这三人就是「约押」kah「亚比筛」,in是兄弟,lóng是洗璐雅ê gín-á,是大卫ê外甥。另外一位「以太」,伊是大卫侍卫队领袖。

第3到5节,tī chit段经文中,真清楚看见大卫真想亲自带军上阵,m̄-koh chiah-ê 将领无仝意,原因是in认为万一此役失败,大卫iáu有后退之路,其实,真正ê问题在tī第5节,大卫一再交带chit三位将领,千万m̄-thang杀害押沙龙。Chiah-ê 将领知影,万一面对押沙龙,大卫可能出不了手,反tńg被押沙龙杀害。因为chiah-ê 将领ê阻止,大卫只好顺从chiah-ê 将领ê建议不亲自出征,m̄-koh交带in kah所有兵丁m̄-thang杀害押沙龙。

第6到8节,大卫军队ê总指挥官是约押,而以色列军队则由押沙龙亲自率领。结果以色列军队惨败,作者只简单描述以色列军队是「死伤惨重」,有「两万人阵亡」,这是非常严重ê惨败。逃走藏入去丛林ê死亡人数bē少。可见实际死亡人数koh khah chē。

第9到10节,tī溃败soah逃入去树林内去bih起来ê以色列官兵中,就包括押沙龙在内。撒母耳记下第十四章26节就bat描述押沙龙ê长相,带有chiok厚而且长ê头毛,chia就讲伊ê头毛tú好「hō͘树枝缠tiâu」,押沙龙ê坐骑—骡,却逃走去,押沙龙因长发缠tī树上无法度解落来,就án-ne被挂吊tī树á顶。约押ê一个部属发见了押沙龙,m̄-koh伊m̄敢刣死押沙龙,而赶紧走去kā约押讲。

第11到13节,约押听tio̍h了后,随时想用犒赏方式,ài通报ê兵丁去杀害押沙龙,m̄-koh因为有大卫ê命令,无任何兵丁敢违抗,in lóng惊大卫追究责任。Chit位兵丁对约押讲「王一定知影,甚么事lóng瞒不过伊」,chit句话已经说明大卫统治之下ê军纪非常严格。Koh讲,mā有可能因为大卫tī家己ê军营中mā藏有眼线。

第14到17节,约押带十个随从士兵跟tòe伊去kā吊挂tī树上ê押沙龙刣死。然后kā押沙龙hō͘埋了,续落来约押命令吹停止攻击号,然后率领全军tńg去阵营。

第18节,chit节讲押沙龙「无kiáⁿ」。M̄-koh tī撒母耳记下第十四章27节记载,讲押沙龙有「三个kiáⁿ,一个cha-bó͘-kiáⁿ」。为甚么有chit种差别?这有一个可能,就是押沙龙ê chiah-ê gín-á lóng早to̍h夭折,因为án-ne,虽然讲有「三个kiáⁿ」,却无记录名,唯一ê是cha-bó͘-kiáⁿ名叫「她玛」。Chia mā讲押沙龙生前就有为家己tī「王谷」立一个碑,可惜并无说明此碑写tio̍h是甚么。

经文:

撒母耳记下 18:19-18:33

注释:

Chit段经文描述押沙龙ê死讯传到大卫hia ê经过。Mā tùi chit段过程中thang看tio̍h大卫心内世界ê矛盾。Chit段经文同时hō͘咱知影,真正了解大卫ê人,就是约押,伊ē-sái讲是长期跟tòe tī大卫身边,对大卫kah伊ê家庭状况非常熟悉。可能mā是因为chit-ê缘故,大卫tī老迈chìn前,iáu特别交带继承王位ê所罗门,一定会kā约押除掉。

第19到23节,chit段经文记载大卫ê军队phah败以色列军队,特别是刣死押沙龙了后,这几位带队官lóng想赶紧tńg去报战胜ê好消息,独独约押坚持反对立场,伊ài一位古实奴隶tńg去通报,m̄-koh因为「撒督ê kiáⁿ亚希玛斯」,坚持beh kā chit-ê消息亲自回报hō͘大卫知影,约押只好同意伊tńg去通报。原因是约押真清楚大卫ê为人kah心境,押沙龙死ê chit种战报带tńg去,绝对bē得tio̍h大卫ê奖赏,甚至可能会有性命危险。伊认为应该延迟几天才tńg去通报to̍h ē-sái。

第24到28节,大卫因为无亲自出征,伊一直看守城墙,thèng候战报。chiah发见有人走tńg来,伊ê第一个反应是一定是报好消息,意思是teh指phah败以色列军队。果然是好消息,大卫ê军队phah败以色列军队。

第29到33节,m̄-koh伊所关心ê koh khah是伊kiáⁿ押沙龙ê生死,虽然in都无正面回答「死去」,m̄-koh大卫一听就知影押沙龙mā死去,就艰苦心痛哭起来。

经文:

撒母耳记下 19:1-19:14

注释:

Chit章thang分做三部分来看,一是第1到14节,chit段经文描述约押劝大卫tio̍h振作起来,并且tńg来耶路撒冷王宫去重掌政权、料理国政。二是第15到39节,记载tī大卫tńg来朝ê途中来迎接伊ê人,tī chiah-ê人中间,有过去看伊逃难ê时,侮辱伊ê示每,mā有冒tio̍h性命危险提供救助物资hō͘伊ê人,大卫lóng对in lóng有无仝ê回应。三是第40到43节,chit段经文讲犹大支派ê人kah北部以色列族群之间ê bē爽快。Chit段记事mā为以后所罗门死后,伊ê kiáⁿ罗波安接掌政权了后,北部决定分裂伊去ê原因留落来一记重要ê伏笔。

战事已经结束,大卫显然iáu teh为kiáⁿ押沙龙ê死哀伤,这看tī约押眼中真m̄是滋味。伊敦促大卫一定tio̍h赶紧tńg来宫去料理国政。过去拥护押沙龙ê城镇mā开始议论chit件事,希望ē-tàng赶紧看tio̍h大卫tńg来朝廷,若无,外患必定会tòe之而来。其实,大卫并m̄是无想beh tńg去,伊有真chē phah算,其中之一,就是beh想办法解除约押ê总司令位置,这是伊tńg去chìn前tio̍h深思熟虑ê事。

第1到4节,原本phah赢是件欢喜ê国家大事,m̄-koh大家却发见大卫teh为押沙龙ê死而哀伤到极点。Mā因为án-ne无人感欢喜快乐,大家lóng静静有ná phah败仗ê军队仝款,m̄敢吭声。

第5到8节,chit段经文是有人kā大卫ê情景kā约押讲,就án-ne约押去见大卫,并且kā伊讲出两个重点:一是大卫有明显错误,大家卖命救了伊,kah伊ê家庭、宫廷所有kah伊出来ê人,包括眷属。M̄-koh大卫连一点感恩ê心mā无,却是一再怀念hit-ê背叛伊koh想beh kā伊杀害ê kiáⁿ押沙龙。二是伊警告大卫,若无马上去安抚所有官兵,等到隔工,chiah-ê为伊卖命作战ê官兵lóng会离伊而去,hit时koh khah大ê灾难就会跟tòe来到。M̄-koh约押ê警告,显然对大卫造成心内ê伤害,加上大卫原本就对约押违抗命令感觉非常不满,这tùi第13节记载大卫任命亚玛撒取代约押,担任元帅之职,就thang看出看出。虽然无欢喜约押ê警告,大卫iáu是听落去,就án-ne停止悲伤,开始出来准备视事。

第9到10节,当押沙龙带领全以色列军队phah败仗了后,kui个以色列国境内确实是乱成一团,谣言真chē,á是民间传言ê话真chē,in koh一pái看tio̍h大卫ê「雄风」iáu-koh。Taⁿ押沙龙被刣,群龙无首,mā m̄知下一步该怎样回应大卫phah赢ê事,而tī民间mā有真chē无仝ê看法,chit对一个社会ê安定会造成某种程度ê影响。原本认为押沙龙应该会phah赢,chit-má看tio̍h实况并m̄是án-ne,因为án-ne,开始有转变,in用积极ê动作beh「赶紧去接大卫王tńg来」。因为in mā惊惶,万一无人来继承王位,可能会koh一pái引起外族人入侵。Á大卫是过去为以色列人民建立真chē功劳ê君王。In认为iáu是应该迎接大卫tńg来耶路撒冷继续做王,这就ē-tàng稳定以色列王国。

第11到14节,当大卫听tio̍h以色列人民有chiah-ni̍h积极ê态度,却看bē-tio̍h家己族人对伊ê热情欢迎,hō͘伊感觉真m̄是滋味。就án-ne chhōe来两位心腹大祭司撒督kah亚比亚他,ài in去向犹大ê长老提醒chit件事。为甚么犹大支派ê人并无随时回应大卫ê重新复位?真可能是因为押沙龙是tī希伯仑宣布政变、窜位ê时,希伯仑人并无随时反对chit项政变ê阴谋,这mā说明希伯仑人默许chit项政变ê发生。Á taⁿ,押沙龙ê政变失败了,in mā m̄知该对大卫重新复辟为王采取toh一种态度。M̄-koh大卫希望家己族人会有明确ê态度出来迎接伊,公开表态。M̄-koh siōng奇怪ê是大卫竟然决定任命押沙龙指派ê以色列军队元帅亚玛撒,取代约押元帅ê职位,真可能是伊想hō͘以色列人民感受tio̍h伊广大ê心胸,koh讲,thang藉chit-ê机会削弱约押tī军队中ê影响力。M̄-koh khah可能是藉这来惩罚约押杀害押沙龙。只是伊chit种想法后来却是事kah愿望相违背,因为约押后来iáu是chhōe-tio̍h机会kā亚玛撒刣死(参考二十:8—10),而大卫只好重新任命约押为元帅(参考二十:23)。

经文:

撒母耳记下 19:15-19:39

注释:

Chit段经文teh描述大卫决定tńg去耶路撒冷重掌政权途中,tú-tio̍h迎接伊ê人ê姿态。Tī chit段经文中,特别提起属tī便雅悯支派mā是扫罗ê亲人而且bat侮辱过伊ê示每,伊带「一千」便雅悯支派ê人同齐来,声势确实真浩大。Koh来就是洗巴,伊是米非波设ê奴仆,mā是扫罗ê家仆。伊带领家己ê十五个gín-á kah二十个奴仆lóng来见大卫。Koh来就是扫罗ê孙á、约拿单ê kiáⁿ米非波设。以上三位lóng是属tī扫罗ê家族,tùi chia可见扫罗ê家族对大卫确实有bē少敌意。另外一位是tī伊避难ê时,提供丰富物资hō͘伊kah部属ê巴西莱等人。

第15到17节,「犹大人到吉甲」来欢迎大卫tńg来耶路撒冷,这m̄是出tīin主动,却是大卫亲自派祭司撒督kah亚比亚他两人去向in提醒了后,in chiah决定表明全心支持ê态度。Á「示每」tī大卫逃离落难ê时bat极尽所ē-tàng地侮辱大卫,包括对大卫咒骂、丢石块kah土(参考十六:5—6、13)。chit-má,伊看tio̍h大卫ê军队已经敉平了押沙龙ê叛变,重掌政权,随时赶紧出来迎接大卫,这真正是墙头草ê典型人物。伊带便雅悯支派「一千人」来迎接大卫,真有可能是走chhōe庇护ê一种手段,beh hō͘大卫知影,伊有「千人」为后盾,mā teh显示伊有地方角头ê角色。「洗巴」,chit位原本是扫罗家族ê奴仆,bat被大卫命令一定tio̍h归还扫罗所有财产hō͘约拿单ê kiáⁿ米非波设。伊带「十五个kiáⁿ kah二十个奴仆同齐来迎接大卫。

第18到23节,当示每坦覆 (thán-phak)tī大卫面前,并且承认家己过去所犯侮辱大卫ê 错误 ê时,大卫身边将军亚比筛认为应该随时处死示每,m̄-koh大卫m̄-nā赦免示每,而且iáu当面责难亚比筛kah约押,认为无需要in ê意见。其实是意有所指,暗指tī押沙龙被杀害ê事件上,约押公然抗命之外,koh khah tī事件了后,iáu语带恐吓ài大卫随时班师回朝。大卫ê chit句「我chit-má是以色列ê王」,真清楚teh说明:若是无伊ê允准,任何人lóng bē-tàng有违背伊命令ê举动。大卫大概意识tio̍h,约押á是亚比筛真可能会chhōe机会杀害示每。因为án-ne,伊公开宣示无任何一个人会hō͘处死杀害。大卫án-ne讲是真有心机ê,伊清楚知影示每所带来ê便雅悯支族「一千人」,就是teh表明示每有能力带领便雅悯支派ê人。Á便雅悯支派虽tī以色列支族中是siōng弱小ê一个支派,m̄-koh却是siōng有战斗力ê一个支派,又koh是过去扫罗王朝ê kiáⁿ孙。如果大卫chit-má出手打击示每,真可能会hō͘便雅悯支派ê人感觉不安,chit对大卫来讲并m̄是一件好事。M̄-koh这并无表示大卫就真正赦免示每。当所罗门继承王位chìn前,伊就特别交带所罗门,讲示每bat侮辱过伊,因为án-ne,大卫ài所罗门mài hō͘示每「逍遥法外」,一定会「想法子」kā示每「处死」(参考列王记上二:8—9)。后来所罗门稳定政权了后,果然án-ne做(参考列王记上二:46)。

第24到25节,大卫好朋友约拿单ê kiáⁿ米非波设,tī大卫逃离耶路撒冷王宫了后,伊就m̄-bat「洗过脚、修过胡须、洗过衫裤」等,这tī以色列人民ê风俗,是一种表示一种极大哀伤ê状态,有时是厝里teh办理丧事ê时chiah有ê款。这teh表示大卫ê受难,伊mā tòe受难。伊会án-ne用chit种态度表明哀伤,是kah大卫好款待伊有关,mā用chit种方式来表明伊对大卫ê忠心(参考九:11b—13),而伊用chit种无修整ê仪容出现tī大卫面前,就是一种siōng好ê证明,tú好说明洗巴讲白贼、造谣诬陷米非波设参与政变ê事,完全是子虚乌有ê事。大卫一看见伊,就先问伊为甚么无跟tòe逃离耶路撒冷。其实,众人lóng知米非波设是跛脚ê人,若伊kah大卫离宫出走,对大卫来讲反tńg是thiám赘、负担。因为án-ne,chit句问话并m̄是大卫ê本意,大卫chit句话ê意思是teh指米非波设怎样会kah押沙龙同齐背叛伊。

第26到28节,米非波设听tio̍h大卫án-ne质问,心中必定有真chē无奈。Chit段经文mā讲米非波设已经知影洗巴tī大卫面前奏了伊一摺,因为án-ne,米非波设有必要说明家己已经tú-tio̍h到冤屈ê实况。伊hō͘大卫知影家己被奴仆洗巴出卖,伊mā相信大卫所做ê每件事,lóng有上帝ê指示,bē冤屈别人。因为án-ne,米非波设愿意随在大卫处置伊ê事,伊清楚知影家己ê处境。过去王朝替换,特别是tī完全无相仝ê朝代替换下,前代ê kiáⁿ孙真可能lóng会遇tio̍h灭族ê运命。M̄-koh大卫却因为kah米非波设ê老父约拿单之间有「生死之交」ê约定,m̄-nā无杀害米非波设kah伊ê全家,iáu hō͘伊有荣誉进入王宫,而且ē-tàng kah大卫同桌共席。因为án-ne,chit-má伊深知家己被家仆诬陷,伊并无想beh koh奢求大卫hō͘伊tńg来复到以前有hit种风光ê宫廷生活。这mā thang看出米非波设虽然是一个「残废」ê人,m̄-koh却是一个真识实务ê人。伊知影当大卫问伊为甚么无跟tòe出宫ê时,就已经知影大卫对伊有真深ê成见à。

第29到30节,大卫清楚了实况了后,却mā陷入困境中,因为tī大卫逃离王宫,陷入siōng困境ê时,bat有洗巴ê资助(参考十六:1)。因为án-ne,chit-má伊知影洗巴讲白贼,hō͘伊对米非波设有真大ê误解,这hō͘伊感觉非常困扰,因为án-ne,伊无想beh koh听有关洗巴欺骗ê事,因为hit种会hō͘伊感觉见笑,mā同时显露出伊并m̄是真正「亲像上帝ê天使仝款」。因为án-ne,伊mā接纳米非波设ê讲词,并且kā原本已经答应全数hō͘洗巴ê财产,重新分配一半iáu hō͘米非波设。大卫chit种决定,tú好讲出伊特有ê个性,就是感情用事ê成分比理智ê chē。Á米非波设真聪明,伊深知家己ê状况,因为án-ne,teh对大卫表明忠心之外,伊表示财产ê事,并m̄是伊ê心思所念。因为án-ne,伊认为thang kā所有财产hō͘洗巴,伊只要大卫平安tńg到王宫就hō͘伊安心了,chit种态度,tú好说明米非波设确实是对大卫忠心ê人,tú亲像伊ê老父约拿单仝款。

第31到33节,这是大卫tú-tio̍h第三位bat帮助过伊ê「基列人巴西莱」,伊来迎接大卫tńg来耶路撒冷。伊ē-sái讲是大卫ê恩人。chit-má大卫重掌政权,大卫邀请chit位年老ê财主去耶路撒冷,大卫beh照顾伊ê晚年。这mā说明大卫是一个真有感情ê君王。

第34到37节,chit段经文是巴西莱恳辞了大卫ê邀请。伊讲家己所chhun落来ê日子无chē,无想beh koh过hit种荣华富贵ê生活。而且年纪mā大了,lim食真有限,伊iáu有臭耳lâng ê问题。伊讲只希望陪大卫行一小段路就心满意足,这是非常chán ê一种态度。伊kan-taⁿ求大卫照「妥当ê」方式对待伊ê kiáⁿ金罕。

第38到39节,大卫hō͘巴西莱明确ê应允,一定会好好á好款待巴西莱ê kiáⁿ,后来mā交带伊kiáⁿ所罗门一定会án-ne做(参考列王记上二:7)。

经文:

撒母耳记下 19:40-19:43

注释:

撒母耳记下tùi第十九章40节开始,一直到第二十章止,lóng是讲tio̍h有关以色列民族内部南、北之间支派冲突问题。Chit种支派间ê不和谐,并m̄是始自大卫王朝,却是早tī雅各时代就已经发生。咱tùi雅各对gín-á ê偏爱ē-tàng看出来,尤其是伊对便雅悯支派ê宠爱,koh khah hō͘以色列族群彼此之间hō͘ m̄信任并存在tio̍h敌意。

第40到43节这短短几节经文,记载北部以色列支派ê人,认为大卫偏袒家己犹大支派ê人有所不满。Tio̍h注意chia ê「以色列人」是teh指北部十个支派,并无包括犹大支族ê人在内。Chit段经文mā是为第二十章便雅悯人叛变ê事件先作了预告。

第40到41节,当北方以色列族群主动表示欢迎大卫tńg来耶路撒冷重新执政,而犹大支派ê人却是得由大卫向祭司撒督kah亚比亚他提醒,koh再由两位祭司转告了后,chiah决定表态拥护大卫重新为王。「金罕kah王做伙」,这表示大卫确实履行了第38节所记载伊对巴西莱ê应允。Chit pái大卫beh过约旦河ê事,并无通知所有ê族群,只有大卫所属ê犹大支族参与chit项「护送」ê任务,这事件引起以色列支派ê人极大不满,因为án-ne,北部以色列支派ê人来向大卫抗议。

第42到43节,犹大支派ê人听tio̍h北部以色列支派代表不满,回答中表明大卫是in支派ê人。Koh讲,in mā强调án-ne做,并m̄是因为有任何「好康」,只是纯粹beh服事大卫王。M̄-koh chit种话听tī北方以色列支派代表ê耳中,说服力非常薄弱。因为án-ne以色列支派ê代表提出反驳ê理由,一则in人数远比犹大支派ê人chē。Chia ê「十倍」,意指北部有十个支派。Koh讲,chiah-ê以色列人强调是in tāi先支持大卫复辟王位ê族群,而且认为犹大支派ê chit种作法,是藐视in。M̄-koh「犹大人ê态度比以色列人koh khah强硬」,chit种态度就是所讲ê「硬拗」,kan-taⁿ会带来koh khah深ê误会kah冲突tī事无补。Á真正ē-tàng修复chit-ê积怨ê人就是大卫。M̄-koh伊显然放任chit-ê tāi-chì滋生。

经文:

撒母耳记下 20:1-20:13

注释:

Chit章经文主要teh描述有一个便雅悯支族ê人,名叫「示巴」,伊鼓吹便雅悯支派ê人起来反对大卫当以色列ê王。就án-ne,有bē少人因为án-ne离开大卫,m̄-koh tio̍h注意ê,是便雅悯支派kah犹大支派仝款lóng是tī南部地区,伊chit种动作,等于是叛变仝款。约押出来追缉示巴,后来示巴躲进「亚伯・伯・玛迦」城,hit-ê城有一个聪明ê妇人为tio̍h beh救hit-ê城免遭约押攻破而带来大屠杀,表示愿刣死示巴,chiah hō͘ hit-ê城免除一场大灾难。 

Chit段经文绍介有一位便雅悯支族ê示巴,伊出来煽动北部支派ê人跟tòe伊公开反对大卫做王。因为北部支族ê人原本就对大卫偏爱犹大支族ê人,心早就有不平。因为án-ne,当示巴出来煽动北部以色列人ê时,跟tòe ê人bē少。

第1到2节,chia特别强调示巴「是便雅悯支族」ê人,伊出来鼓吹大家mài跟tòe大卫,表示大卫kah in无任何关系,甚至讲「无益处」,意思是大卫做王,kan-taⁿ会偏爱犹大支族ê人。这问题就大à。因为扫罗是便雅悯支派ê人,这已经teh隐喻,扫罗ê kiáⁿ孙á是该支族ê人,对大卫出来领导以色列民族有淡薄á有意见。伊鼓吹ê结果深受北部以色列人赞同,因为án-ne「以色列人lóng离开大卫」,表明in不支持大卫做王统治kui个民族。M̄-koh犹大支派ê人则继续「对大卫忠心」。

第3节,thang参考撒母耳记下第十六章21到22节。Chiah-ê宫女是hō͘大卫命令留守耶路撒冷王宫(参考十五:16)。In kah押沙龙同床,mā是hō͘逼ê,chiah-ê宫女若是拒绝,所得tio̍h ê必定是死刑。chit-má大卫tńg来宫,无koh欢喜chiah-ê宫女,当然thang理解,m̄-koh大卫并无遣tńg去in tńg去故乡去过一般平民生活,反tńg kā chiah-ê宫女贬为「活寡妇」仝款,kā in phah入「冷宫」,是真残酷ê刑罚,hō͘ chiah-ê宫女teh过 ná亲像被软禁般ê生活。

第4到7节,大卫虽然以亚玛撒取代约押,想beh因为án-ne拉lóng北部以色列人对伊ê向心力。M̄-koh chia却说明亚玛撒并无真心顺服大卫ê领导。因为án-ne,当便雅悯支族ê比基利人示巴起来造反ê时,伊受命去集合所有犹大ê军队,m̄-koh却无法度达成任务。这有几个可能性:有可能伊mā想beh支持示巴ê政变。M̄-koh mā有可能犹大军队将领根本m̄-chhap亚玛撒ê元帅军权,in宁可接受约押ê领导。大卫ài伊tī三工之内kā示巴追tńg来,m̄-koh亚玛撒却无tī时间内完成,表示伊ê统帅能力有问题。大卫知影án-ne落去,可能会hō͘示巴ê叛乱扩大到无法度收拾。因为án-ne,伊ài亚比筛去追缉示巴。因为约押已经被解除了元帅职权,chit-má亚比筛差不多就是大卫身边siōng重要ê军事将领。

第8到10节,伊ê部队追缉到à「基遍ê大岩石」,这已经是属tī便雅悯支族ê领地à。亚玛撒看见亚比筛kah约押带军队来,就出来迎接in,约押故作镇静而且热情ê态度往前向亚玛撒请安。约押故意用「亲嘴」来请安亚玛谢,掩盖(khàm)伊teh beh出手杀害亚玛撒ê阴谋。其实,约押ê心中是充满tio̍h敌意,特别是亚玛撒被大卫用来取代伊ê元帅职位,chit点hō͘约押心内怀恨。Tī亚玛撒完全失去心防ê时,伊the̍h出暗藏tī另外一只手上ê剑「刺进」亚玛撒ê「腹肚」,hō͘亚玛撒当场死亡。然后继续in去tui-jiok示巴。

第11到13节,chia并无提起chit-ê约押ê随从是甚么人,m̄-koh伊确实bat帮助约押,hō͘ hiah-ê原本tī亚玛撒身边ê人知影,约押是kah大卫tī仝一个边ê,效忠大卫ê人,「lóng应该跟tòe约押去」。伊会án-ne讲,是帮助约押澄清了伊被大卫解职chit件事,beh hō͘ chiah-ê心神不安ê军人知影,约押kah亚比筛已经去追杀示巴了,支持大卫ê军人,lóng应该跟tòe去。只要有约押tī teh ê所在,就bē有其他ê将军出现。chit-máē-sái讲是约押掌握了军权,伊小弟亚比筛当然m̄敢kah伊争权。因为án-ne,tùi chia开始,亚比筛ê名无koh出现。

经文:

撒母耳记下 20:14-20:26

注释:

Chit段经文讲述有一个聪明ê cha-bó͘人,为家己所khiā起ê「亚伯・伯・玛迦」城镇解围ê经过,mā结束loh示巴叛乱ê事件。

第14到15节,chit句「示巴行遍以色列各支族ê地区」,表明示巴ê叛乱运动,确实真辛苦mā真孤独。真无简单chiah,伊chhōe-tio̍h一个歇脚ê所在,chit-ê城名叫「亚伯・伯・玛迦」,这是设tī以色列北部ê边界,tī但ê北边。「比基利」宗族ê人跟tòe示巴,这宗族除了chia出现之外,其它经文m̄-bat出现过。In被示巴游说成功,跟tòe伊进入亚伯・伯・玛迦城。约押ê部队赶到chia城,mā开始进行攻城ê工事,包括筑土垒,kah挖地洞等。

第16到19节,当约押kah亚比筛围攻chit座城ê时,hit-ê城有一个既聪明koh有智慧ê cha-bó͘人,为tio̍h beh拯救了整座城免tú-tio̍h被屠刣ê厄运,伊出面tī城墙顶表示beh kah约押讲话,因为居民lóng看tio̍h约押ê军队已经teh进行攻城ê筑防工事,而示巴所带来ê人力、兵员显然无够额来捍卫hit-ê城ê安全。伊用讲故事ê方式对约押讲,hit-ê城ê居民一向是siōng和平、siōng忠chiâⁿ ê城,mā因为hông称做「伟大ê城」。伊问约押为甚么beh毁灭hit-ê城?伊提醒约押摧毁hit-ê城,等于是「消灭上主ê产业」,mā等于teh摧毁上帝赏赐ê恩典,án-ne kan-taⁿ会引起koh khah chē ê不满。妇人已经teh暗示约押,摧毁hit-ê城,对约押kah大卫一点á利益mā无,是得不偿失ê愚戆策略。

第20到22节,约押听了后,随时表示绝对bē摧毁hit-ê城,只要kā bih起来tī城内比基利ê kiáⁿ示巴交出来,就会下令撤军。Á这妇人一听,随时表示会kā示巴ê头tùi墙上丢落去hō͘约押。这聪明ê cha-bó͘人tńg去向城内ê居民献策,城里ê居民chiâⁿ实kā示巴ê头砍落来丢hō͘约押。Á约押mā照约束率领军队tńg去。解救了hit-ê城被围困ê危机。

第23到26节,这是一份新ê内阁官员名单,kah顶pái ê内阁官员名单相差无大(参考八:15—18)。因为顶pái押沙龙叛变致使宫廷人事lóng变。chit-má大卫重掌政权,重新整顿领导中心mā是必要ê工作。M̄-koh khah重要ê是,撒母耳记ê作者就是用内阁名单来表明大卫ê政权已经稳固落来,无koh有内忧外患ê问题出现。

约押koh一pái当全以色列「军队ê元帅」。

「比拿雅」则取代了以太成做大卫身边ê「侍卫长」。

「亚多兰」,负责有关劳工ê事务。Chit种「强徵」人民来当劳工,ē-sái讲是大卫时代siōng无好ê国家政策。这mā是后来为甚么北部十支派ê人,会派出耶罗波安代表去向所罗门ê kiáⁿ罗波安,要求减轻税赋ê原因(参考历代志下十:3—4),chia所指ê「税」,其实就是包括了「劳力税」在内。M̄-koh chit种「税」是siōng无好ê税赋,因为这等于是kā真重ê负担加诸tī人民ê身上,chit种作法只有tī奴隶ê身上看会tio̍h,m̄-koh大卫、所罗门、罗波安等却lóng kā它khǹg tī家己ê同胞身上,结果是加速人民ê生活陷入困苦中。

「约沙法作史官」,伊mā是继续原本ê官位(参考八:16)。

「示法是王室书记」,原本tī撒母耳记下第八章17节记载ê是「西莱雅」,chit-má名改写做「示法」。其实是仝一个人。

撒督kah亚比亚他lóng是祭司,职位无变。「以拉」当祭司,chit-ê「祭司」一词,mā thang当做「领袖」解释。

经文:

撒母耳记下 21:1-21:14

注释:

撒母耳记下tùi第廿一章开始直到第廿四章,thang当做「附录」看,原因是chit段经文ê记事,真oh知影事件发生ê时间,因为án-ne,tī编排上,并m̄是照年代发生ê前后,却是根据主题来编排。而且chiah-ê事件之记录方式,是采用对照编排法。Thang kā chit段经文分做六个段落,就是(A)第廿一章1到14节;(B)第廿一章15到22节;(C)第廿二章;(D)第廿三章1到7节;(E)第廿三章8到39节;(F)第廿四章。

因为tī编排上是采用「对照法」,因为án-ne,thang kā这六段经文án-ne对照来看:

(1)「A kah F」,就是「A」段ê第廿一章1到14节,有关扫罗后代被处死,kah「F」段ê第廿四章,大卫进行调查人口所带来灾难ê事件。这两件事lóng是teh讲述以色列发生灾难,大卫怎样去面对、处理chiah-ê灾难。前者归原因tī扫罗,后者则大卫本身。

(2)「B kah E」,就是「B」段ê大卫kah非利士人之间ê战争,kah「E」段ê第廿三章8到39节,有关大卫ê勇士名单。Chit两段经文lóng teh描述大卫kah伊身边众勇士ê战功。

(3)「C kah D」,就是「C」段ê第廿二章kah第廿三章1到7节,大卫o-ló上帝ê诗歌。特别是第廿二章ê诗歌,mā被收录tī诗篇第十八篇中。因为án-ne,引起圣诗学者ê讨论:到底是先有撒母耳记ê诗歌,iáu是先有诗篇ê o-ló诗歌?而「D」段mā是一首大卫ê诗歌,he是伊用诗歌写出最后「遗言」。

Tùi chit段附录经文mā thang看tio̍h所记录ê,其实lóng是chìn前已经发生过ê事。为甚么beh koh一pái重复叙述tī chit段长到四章ê篇幅中?这mā是一个圣经学者尚待处理ê问题。不过,mā thang看出kui本撒母耳记ê中心主题,主要teh说明上帝怎样kā以色列人民,tùi一个松散无组织ê族群,透过先知撒母耳ê带领,hō͘ in藉tio̍h对上帝ê忠心,重建一个有活力ê民族。然后,mā tī先知撒母耳ê手中建立君王制度,膏立扫罗为王。续落来,kā kui个主轴khǹg tī大卫身上。

Mā thang án-ne讲,kui本撒母耳记上、下两卷,ē-sái讲是用大卫做中心,描述上帝怎样带领以色列民族,建立一个强盛ê国家。M̄-koh却因为大卫无遵守上帝ê诫命,致使伊ê家庭kah kiáⁿ孙弃sak上帝ê jú来jú远,这是一件非常可惜ê事。撒母耳记下卷就是用大卫统治全以色列国开始,到伊tī kiáⁿ押沙龙叛变夺取政权,到大卫重掌政权做结束。

第廿一章主要有两个主题,一是叙述有关扫罗后代被处死ê背景;二是koh一pái叙述tī大卫领导下,以色列军队彻底hō͘非利士人m̄敢koh一pái侵犯以色列ê领土。

Chit段有关扫罗后代被处死ê事件,真可能是发生tī大卫chhōe扫罗kiáⁿ孙ê时,mā就是撒母耳记下第九章,有关大卫询问约拿单家族ê事件了后,kah处理家己kiáⁿ押沙龙叛变chìn前。因为先有保护了约拿单kiáⁿ米非波设,chiah处理其他扫罗ê kiáⁿ孙,án-ne,既保护了约拿单ê厝内人,mā算是照约束应允照顾约拿单ê kiáⁿ孙。M̄-koh对扫罗其他ê厝内人,大卫用来当做伊kah基遍人之间ê纠葛。Chit件事mā反应出为甚么便雅悯支族中扫罗家族ê人示每,伊会指责大卫是一个「刣人ê凶手」(参考十六:7),应该是kah chit件事有密切关系。

问题是:撒母耳记并无记载扫罗有过消灭基遍人ê行动?á是大卫任内有发生过严重饥荒ê事。有可能有过,m̄-koh无留落来记录。

第1到3节,巴勒斯坦ê雨量本来就真少,因为án-ne,若是有长到「三年之久」无落雨,必定会闹饥荒。因为这会成做国家大事,就án-ne询问上帝造成大灾难ê原因,结果是kah扫罗kah伊ê家族犯谋刣无辜ê—基遍人ê罪行有关。Chit件事到底是tī甚么情况之下发生?无资料thang chhōe。虽然基遍人是迦南地ê原住民,m̄-koh约书亚记第九章15节记载:「kah基遍人订了友好条约,答应不刣in。以色列ê众首领mā郑重chiù-chōa,beh遵守chit条约。」Tī本章第26节koh一pái强调。扫罗显然有种族上ê偏见,无遵守约书亚所立ê约,因为án-ne犯下了谋害无辜ê基遍人ê行为,大卫因为án-ne对基遍人表示伊愿意「补偿」in以往所受ê「迫害」。

第4到6节,基遍人对大卫ê善意,m̄-koh in表明一个siōng基本ê性命观:性命「m̄是金银所ē-tàng解决ê」。Koh讲,in讲「咱mā无愿意杀害以色列人」,chit句话表示in无想beh采用摩西律法中所规定ê,用性命还性命(参考出埃及记廿一:12、14),其实,当时是以色列siōng强盛ê时代,就算基遍人想beh报复mā难。M̄-koh大卫并无因为án-ne而疏忽in ê意见。究竟三年严重饥荒已经是teh表明上帝替基遍人伸冤ê一种警讯,因为án-ne,大卫随时回应讲:「我该为lín做甚么?」chit句话充分表明大卫ê诚意,kah积极ê态度。就án-ne基遍人提出要求:只需由扫罗kiáⁿ孙中「交出七个男丁」。因为扫罗kah kiáⁿ lóng已经死去,无法度tùi扫罗kah伊kiáⁿ身上chhōe-tio̍h负责任ê人,只好以kiáⁿ孙中chhōe代替者「七个男丁」。会用「七」chit-ê数目,mā是teh代表象徵「全部」、「有够」ê意思,in boài「一比一」ê惩罚,只需要有代表性就有够。In beh kā chit「七个男丁」tī扫罗家乡基比亚公开吊死表示惩罚,mā是一种警讯ài in bē-tàng koh再犯。大卫随时同意in ê意见,因为若是灾难不赶紧停止,死亡ê人数á是引发ê相关灾难,比如瘟疫等,一定koh khah严重。

第7到9节,大卫保护约拿单ê kiáⁿ孙,m̄-koh却kā扫罗bó͘利斯巴所生ê两个kiáⁿ亚摩尼kah米非波设当做「赔偿」祭品。另外iáu有就是扫罗cha-bó͘-kiáⁿ「米拉」所生ê五个kiáⁿ mā当做赔偿。原本扫罗beh hō͘米拉嫁hō͘大卫ê,ē-sái讲是后来扫罗食言,kā它改嫁hō͘「米何拉人亚得列」(参考撒母耳记上十八:19)。无想tio̍h chit pái却反tńg被大卫当做「赔偿」基遍人ê祭品。因为这是大卫下ê命令,无任何人敢反抗。Chit项执行ê时间是tī「晚春」ê时chūn,mā就是tī大约四到五月,hit时tú好是「开始收割大麦ê季节」。特别提起chit项惩罚时间,有意表明这事件一直被记念tio̍h。Mā就是每pái收割大麦季节来到,就会有人想起chit件事。Án-ne,mā有另外一种作用:警惕。作恶,虽然无随时报应临到己身,m̄-koh却可能因为án-ne延祸到后代kiáⁿ孙。

第10到14节,kiáⁿ ê丧生siōng痛心ê就是老母利斯巴,伊用「麻布」搭起帐棚,表示哀悼kiáⁿ ê往生。「tùi收割大麦一直到降秋雨ê时chūn」,chit句话真清楚说明尸体一定tio̍h挂tī树上,直到落雨来ê时chiah ē-tàng停止。而且时间非常长,chia指出直到「降秋雨」ê时chūn,这tú好表示因为chit项惩罚发生效用,mā说明连续三年ê饥荒(旱灾),确实是kah chit件事有关。Koh讲,chit段经文mā说明chit项惩罚并m̄是大卫ê心所愿。因为án-ne,当大卫听tio̍h利斯巴chit种举止ê时,伊深受感动。决定采取具体行动,表示另外一种「补偿」方式。伊kā扫罗kah约拿单ê尸体tùi「雅比」城(参考撒母耳记上三十一:11—13)带tńg来重新埋葬。同时mā kā chit「七个被吊死ê人」之尸体,同齐收殓。这ē-sái讲是一种礼遇。

值得注意ê,是chia强调大卫只有kā扫罗kah约拿单ê尸体搬运tńg来,m̄-koh当时扫罗ê三个kiáⁿ lóng战死战场。有一种解释,认为约拿单是大kiáⁿ,因为án-ne,只写约拿单mā表示三个kiáⁿ ê尸体kah扫罗ê,lóng全部搬运了tńg来。大卫kā扫罗一厝内人lóng安葬tī便雅悯族人ê境内,「洗拉」chit-ê所在,kah扫罗老父基士ê坟墓同齐,表示大卫对扫罗ê厝内人一个安慰kah交带,mā表示大卫确实有照伊对扫罗家族ê应允(参考撒母耳记上廿四:21、22)。此后,以色列境内无koh发生饥荒ê事,mā无大灾难ê事件发生(参考廿四:25),因为「上帝垂听in为国家ê祈祷」。

经文:

撒母耳记下 21:15-21:22

注释:

有关大卫带领以色列人民kah非利士人之间ê战事,tī撒母耳记中ê记录非常chē,tùi伊年少时chūn phah倒歌利亚(参考撒母耳记上十七:41—54)开始,续落来tī第十八章30节大卫每pái带兵对抗非利士人,lóng有「辉煌ê战果」。Á当大卫继位为以色列ê王了后,非利士人随时来挑衅,m̄-koh mā是hō͘大卫phah败(参考五:17—25),后来撒母耳记下第八章1节,虽然是真简单ê一节,m̄-koh用了「大卫koh再攻击非利士人,phah败in,结束loh in tī chit块地上ê统治」chit句话,说明非利士人tī大卫统治期间,已经m̄是以色列人ê主要外患tio̍h。因为án-ne,chit段资料真可能就是第五章25节ê延续。

第15到17节,chit段经文是大卫攻打非利士人战役ê总论。作者用「大卫疲乏了」chit句话,说明大卫已经无koh少年力壮,尤其是面对高大强猛ê非利士人,需要少年ê一代来接棒。Chia讲有一个「巨人」名叫「以实・比诺」,伊真亲像歌利亚,伊「想刣死大卫」,佳哉有「洗璐雅ê kiáⁿ亚比筛过来协助」,真无简单chiah地chiah kā「以实・比诺」刣死。后来大卫身边ê辅佐大臣要求大卫以后mài koh再kah in出征,「免会得thang色列ê灯火被熄灭」。Chit句「免会得thang色列灯火熄灭」,意思是无希望大卫王朝因为án-ne瓦解、毁灭。「灯」,表明家庭、家族,á是种族ê意思。

第18到19节,这是第二场战役,地点是tī「歌伯」,chit-ê所在真靠近基色。这是另外一个非利士巨人名叫「撒弗」,这巨人名tī历代志上第二十章4节所记载ê名是叫「细派」。Á第三场战役ê地点mā是tī歌伯,chit pái ê主kā是「伯利恒人睚珥ê kiáⁿ伊勒哈难」,伊刣死了一个「迦特人歌利亚」。Tī历代志上第二十章5节soah讲,被刣ê是「迦特人歌利亚ê兄弟拉哈米」。

第20到21节,这是第四场战役。地点是tī「迦特」,chit-ê城是非利士人五个城市中ê一个。Chia并无讲出「巨人」ê名,历代志上第二十章6节只有讲伊是「古早时巨人ê后代」。Chit-ê巨人来「向以色列人挑战」,án-ne ná亲像当时歌利亚向以色列人挑衅ê行动仝款(参考撒母耳记上十七:4、16、23)。Á chit pái出来应战ê,是「大卫ê兄哥示米亚ê kiáⁿ约拿单」,伊kā chit-ê巨人刣死。

第22节,chit节为chiah-ê战役做一个总结,认为chiah-ê非利士人,lóng是属tī「迦特人」,in lóng是「巨人ê后代」。若是「巨人」所表示ê是强猛壮硕,án-ne,大卫身边有迦特人做侍卫军(参考十五:18),mā thang想像会tio̍h,in是大卫siōng好ê侍卫,战力并无输hō͘扫罗时代ê便雅悯人。

经文:

撒母耳记下 22:1-22:31

注释:

Chit首诗歌差不多kah诗篇第十八篇仝款,只是tī诗篇第十八篇只有50节,tī撒母耳记则有51节,加出来ê chit节是撒母耳记下廿二章第1节,tī诗篇是用「说明」á是「简介」方式编辑,并无算是经文本身。

Chit首诗篇有一个lóng受讨论ê问题:到底是先有诗篇第十八篇,iáu是先有撒母耳记下第廿二章?toh一个是比较原始ê版本?这问题到chit-má都无明确ê定论。有bē少诗篇ê学者认为,chit首诗歌thang来确定是出tī大卫ê手笔,因为这是大卫teh歌颂上帝ê救恩而写ê诗歌。Ná亲像第1节所讲,这是大卫teh颂赞上帝救伊脱离「仇敌kah扫罗之手」而写ê。如果chit首诗歌确定是大卫所写ê诗歌,án-ne,chit首诗特别是teh描述伊带兵出征真chē族群,建立以色列帝国ê时期,四界出世入死ê征伐,若无上帝ê带领kah庇护,伊ê性命无办法得tio̍h安全。Á ná亲像第1节所讲ê,大卫ê仇敌mā包括了一再想出所有ê办法beh追杀伊ê扫罗,因为扫罗认为只要有大卫tī teh,伊就无法度顺利kā王位传hō͘家己ê kiáⁿ约拿单。扫罗就bat因为约拿单替大卫讲话,而怒骂约拿单无了解情况(参考撒母耳记上二十:31)。撒母耳记上tùi第十九到廿六章,清楚记载扫罗想beh尽一切办法beh除掉大卫,都无成功。因为上帝tùi中庇护ê缘故,chiah致使大卫ē-tàng脱离扫罗ê迫害。

有一种讲法认为会kā Chit篇诗歌编辑tī-chia,是因为chit首诗歌siōng ē-tàng代表大卫ê心境:伊是一个心胸开朗,有勇气kah智慧ê君王。

这部分ē-sái讲是对上帝ê感恩。诗人感谢上帝tī伊tú-tio̍h仇敌围困ê时,伸手来拯救伊。

第1到4节,诗歌ê开始就讲chit首诗歌是大卫写ê,而且特别强调是tī大卫「脱离扫罗kah其他仇敌ê手ê时」写ê。Chia讲「其他仇敌」,是teh指所有kah大卫有过战事ê外族人,m̄-koh并无包括伊ê kiáⁿ押沙龙。因为chit首诗歌应该是写tī押沙龙叛乱chìn前,mā就是大卫统治kui个以色列民族了后ê时代。Tùi这几节诗歌中thang看出大卫用kúi-nā种方式,包括有「岩石kah堡垒」、「避难所」、「盾牌」、「力量」、「要塞」等来形容上帝是伊性命中siōng好ê óa靠,hō͘伊脱离仇敌ê攻击kah威胁。

第5到7节,tī chia大卫用「死亡ê水涌」、「毁灭ê急流」、「阴间ê绞索」、「坟墓ê网罗」等词句,来形容伊tī性命ê旅途中,有kúi-nā-pái tú-tio̍h几近「死亡」ê威胁,m̄-koh lóng因为上帝奇妙ê带领chiah得适ê时地化解危险而ē-tàng存活落来。Á tī hiah-ê几近死亡ê威胁中,大卫讲伊siōng好ê óa靠对象,就是上帝;chit位上帝会垂听苦难者祈求ê声音。伊用「拟人化」ê笔法,写出上帝有「耳á」,会垂听人ê祈祷声音。

第8到16节,是teh回应第7节所歌颂ê,大卫向上帝祈求,上帝便垂听伊祈求ê声音,随时就有具体ê回应。Tùi chit段诗歌thang看tio̍h上帝显现ê景象,是kui个天地lóng变了色,甚至连山kah地lóng摇动。Chiah-ê景象包括了出现乌云、冰雹、sìh-nà,ná亲像in出了埃及进入旷野后,行过红海ê时,上帝用大风吹开了海水,kui个红海ê海底就裸露出来,thang hō͘以色列人民顺利而平安地行过去(参考出埃及记十四:19—29)。Á当以色列人民行到西奈山脚ê时,in虽然无亲目看见上帝,m̄-koh tùi听见轰轰ê雷声响,看见山顶上有浓烟升起,以色列人民就清楚知影he是上帝「亲自降临」ê景象(参考出埃及记十九:16—19)。类似chit种描述ê诗歌,mā一再出现tī诗篇中,亲像诗篇第五十篇3节、第七十七篇16到19节、第九十七篇2到5节、第九十九篇1节。圣经作者mā不时用天地变色ê景象来描述上帝显现而且进行审判。其实大卫tī chia并m̄是beh讲述以色列人出埃及ê故事,而是beh见证每pái以色列人民tú-tio̍h敌人ê侵犯,面临亡国,甚至人民可能会hō͘敌人掠去ê时,上帝亲自出来为chit-ê民族、国家解围。因为án-ne,伊引用了祖先出埃及ê经历,来描述上帝施行奇妙ê拯救,hō͘以色列民族会得thang脱离险境。

第17到19节,是大卫teh见证上帝tī伊siōng危急ê时刻,伸手拯救伊脱离仇敌杀害ê危险。Tī以色列人民ê观念中,大水就是邪恶势力ê聚集处,表达出来ê意义就是混乱、危害性命。诗人形容chiah-ê仇敌lóng ná亲像大水一般ê强大,佳哉,有上帝庇护chiah幸免tī难。

第20到25节,tī chit段诗歌中,诗人m̄-nā用相对句型,亲像第22节ê「遵行」kah「背叛」、「遵守」kah「弃sak」。Mā用对应句,亲像第21节,伊讲tio̍h家己ê「正直」,上帝ê回应就是「赐福」,hō͘伊ê「无辜」得tio̍h补偿,koh亲像「正直」kah「清白」是对应句。诗人表示伊知影上帝会为「无辜」者伸冤,mā会照人ê「正直」,用仝款ê恩典报偿hō͘人。不过大卫讲伊一直遵守tio̍h上帝ê律法,「m̄-bat弃sak伊ê命令」,tùi chit句thang看出chit首诗歌是写tī大卫tī犯奸淫罪chìn前。当伊犯淫乱罪了后,chit句话就无法度成立。

第26到28节,第26节mā ē-sái讲是非常重要ê一节诗歌,大卫tī chia特别提起上帝会「以信实待信实ê人」。「信实」,tī圣经中所表达ê意思是teh指上帝一定会「守约」。上帝kah人之间有约,不管人怎样看待约,上帝一定会坚持守tiâu他kah人所立ê约,chit-ê认bat是非常重要ê。「信实」mā有另外一个意思,是teh指上帝ê「慈爱」。甚么人用慈爱来见证上帝ê慈爱,上帝mā会用仝款ê慈爱来赐福chit种人。大卫mā用chit-ê词teh见证:上帝绝对bē亏待遵行他ê旨意ê人。诗人mā讲纯洁ê人,上帝回应ê方式mā是「纯洁」,m̄-koh若是邪恶者,上帝就会敌视chit种人。值得注意ê是上帝会伸手拯救「卑微ê人」,m̄-koh却会「敌视并贬低高傲ê人」。

第29到31节,chia ê「明灯」kah「乌暗」是对应话句。「明灯」,表示性命ê希望(参考诗篇廿七:1),表明上帝拯救ê意思(参考以赛亚书九:2)。相对ê,「乌暗」就是teh表示性命陷入死亡ê威胁,性命ê希望幻灭。当大卫kā家己委身tī上帝手上ê时,每pái伊出征,上帝就会赏赐hō͘大卫够额ê气力抵抗强敌,甚至降服对敌者。

第31节,为第2到30节chit段诗歌做一个结语。主要teh表明:上帝ê话是可靠ê,ná亲像一面盾牌,óa靠上帝ê人,一定会得tio̍h庇护。因为他坚守任何民族、国家kah他之间所立ê约。

经文:

撒母耳记下 22:32-22:51

注释:

Tī chit段诗歌中,诗人teh描述家己tī战场上kah仇敌奋战ê情景。因为有上帝ê保护kah支持,所有反对伊ê人lóng被伊消灭、击败à。

第32到35节,chia讲「除了上主,无别ê上帝」,这是非常重要ê信仰告白,mā是kui本圣经siōng中心ê经文。就ná十诫中ê第一诫—除了他,无别ê上帝。类似chit种话句tī旧约圣经中出现真chē pái,主要lóng是teh表明:独独耶和华上帝,chiah是真正神(参考出埃及记二十:3,申命记五:7、三十二:39,以赛亚书四十三:11、四十四:6、8、四十五:5、6、21,何西阿书十三:4,约珥书二:27)。因为án-ne,走chhōe chit位真正上帝帮助,ná亲像chhōe-tio̍h siōng安全ê所在一般,因为上帝ná亲像「堡垒」(á是「保障」),thang hō͘人得tio̍h安全保障。Chit种保障ná亲像「巩固ê避难所」,hō͘伊ê「道路安全」。大卫讲上帝赐福hō͘伊ê脚步有ná「母鹿」仝款,即使khiā tī高山顶mā仝款,bē摇动,而ē-tàng安稳健在。伊mā讲上帝教导伊知影怎样相刣,mā知影怎样「拉siōng强硬ê弓」,chit-ê意思是teh指伊ê手股头有够额ê气力。这表示因为有上帝帮助,chiah ē-tàng hō͘ chit种看起来siōng简单ê武器,也ē-tàng成做siōng强大ê攻击武器。

第36到42节,lóng teh描述大卫怎样得tio̍h上帝ê帮助而phah败危害伊性命ê敌人,伊用「盾牌」、「眷佑」、「路径宽敞」、「无跋倒」等来描述上帝就tī伊身边带领伊。并且赏赐hō͘伊有能力击败敌人,制伏仇敌,hō͘ chiah-ê敌人lóng奔逃伊去,ná亲像「风吹散尘埃」。因为上帝并无khiā tī in he边,却是kah伊同在。

第43节,是顶面所讲诗歌ê结尾,说明诗人得tio̍h上帝ê帮助,kā敌人完全制伏,甚至是kā它消灭到ná亲像土粉一般,thang khǹg tī脚下贱踏。

第44到46节,thang看出平定所有ê仇敌kah叛乱者了后,仇敌除了归降顺服之外,别无他途。这thang tùi大卫tī统治以色列全国了后,第一个起来反对伊ê,就是非利士人,大卫phah败in,续落来koh大败了摩押人,然后是琐巴、哈马、以东等族群,ná亲像撒母耳记下第八章14节b句讲:「大卫无论去 tó 位,上主 lóng hō͘ 伊khah 赢。(全民版)」chit句话tú好说明chit三节ê内容。第46节ê「惊惶战栗」,意思是iáu未相刣,就已经hō͘对方屈服了,因为in lóng「丧尽了勇气」。

第47到49节,tùi第47节开始是大卫teh o-ló上帝ê诗歌。伊歌颂上帝是「永远活着」,这mā是kui本圣经teh见证ê「永恒ê上帝」ê意思。只有chit位上帝chiah是真正性命拯救者。换句话讲,只要m̄是永恒ê上帝,就m̄是人所beh óa靠ê对象,chit点认bat是非常重要ê。Tī第48节用了chit-ê「赢过」ê重要词字,这原本表示「伸冤」、「复仇」。这清楚讲出大卫bat受tio̍h无妄之灾,hō͘人冤枉,m̄-koh上帝为伊所受tio̍h ê委屈伸冤。Á kui本圣经lóng tī传达一个重要信息,讲上帝是为人伸冤ê神(参考申命记十:17—19,诗篇一三五:14,箴言二十:22,耶利米书十一:20),对tī被冤屈ê人,上帝绝对bē袖手旁观。Án-ne,任何óa靠上帝ê人,就会知影上帝一定会替受tio̍h冤屈ê人伸冤,并且会伸出救助ê手帮助伊。

第50到51节,是chit首诗歌ê总结,就是hiah-ê人beh tī所有ê国家、族群中,歌颂上帝ê救恩。Chia提起上帝「所立ê王」,是teh指大卫,并无包括扫罗。大卫特别指出,上帝ê救恩m̄-nā会显chit-má大卫身上,mā会延续到伊ê kiáⁿ孙(参考七:16),hō͘ in永远lóng得tio̍h上帝ê慈爱。

经文:

撒母耳记下 23:1-23:7

注释:

Chit章thang分做两个段落来看,第一段是第1到7节,这是一首诗歌,有bē少学者认为chit首诗mā是大卫所写ê,ná亲像伊最后写ê诗歌,因为án-ne,真chē圣经版本lóng kā它做一个标题:「大卫ê遗言」。第二段是tùi第8到39节。Tī chit段khah长ê篇幅中,绍介了大卫身边ê几个重要武kā ê tāi-chì迹(参考第8到23节),然后列出了一份「三十勇士」ê名单作结束(参考第24到39节)。Á chit份有关大卫身边chiah-ê武kā ê事迹kah名单,tī历代志mā有记载。

Chia讲chit首诗歌是大卫ê遗言,á是讲是大卫所写,m̄-koh tùi题材kah内容来看,却看出chit段是属tī比较晚期ê作品。因为án-ne,是m̄是大卫所写,thang持保留观点。不过,因为大卫是一个诗人,这差不多是大家lóng公认ê事,因为án-ne,mā有可能是伊写ê,m̄-koh却是比较晚期chiah被发见,chit点mā是thang理解ê。

Tī chit段诗歌中,呈现出两个重要主题:大卫是上帝所拣选ê领袖,因为án-ne,有上帝帮助伊。Koh讲,上帝赐福大卫,并且特别施恩hō͘伊,kah伊立永远ê约。Chit段诗歌mā回应了诗篇第一篇所描述ê,遵行上帝ê话ê人,性命会亲像栽种tī溪水边ê树仝款,永远欣欣向荣;相对ê,弃sak上帝ê话教导ê人,性命会亲像糠秕仝款,被风吹散,á是亲像缺乏溪水灌ak ê树木而lian去死去。

第1节,开始就讲大卫是「上帝重用ê人」,这已经说明一个基本认bat:是上帝看做重要。Á chit种「重要」m̄是照人ê条件,却是上帝ê标准。Koh讲,chia讲「雅各ê上帝膏立伊做王」,chit句话真重要,说明上帝拣选大卫,就亲像上帝拣选雅各仝款。Á雅各,是一个「pháiⁿ、奸巧」ê族长。M̄-koh上帝却拣选伊做族长。chit-má大卫mā自认并m̄是甚么「好、善良」ê人,m̄-koh上帝膏立伊当君王。Á「chit首诗是伊ê遗言」,chit-ê意思是teh指伊所歌颂ê上帝,就是伊beh留hō͘后代kiáⁿ孙ê话。

第2到4节,chia一开始,大卫就讲「上帝ê灵藉tio̍h我讲话」,chit句话已经teh暗示大卫是一个「先知」。这mā teh表示伊所写ê诗歌,是tī上帝ê灵ê感动之下所写,耶稣mā bat肯定大卫chit种看法(参考马太福音廿二:43)。上帝启示他ê信息hō͘他所拣选ê奴仆,主要目的就是beh伊去传讲,却m̄是beh hō͘上帝ê话隐藏起来。因为án-ne,chia讲上帝kā他ê信息khǹg tī大卫ê「嘴唇」。因为án-ne,伊写ê真chē诗歌,就是beh传达上帝ê信息(参考以赛亚书六:5—7,耶利米书一:9—10)。一个好ê君王必备ê要件,就是「以正义治理人民」,而且知影上帝ê重要khah赢过所有ê一切,因为chit种君王chiah会知影家己ê有限,需要上帝ê扶持带领,chit种君王,ná亲像「日出ê时ê曙光」,指清早ê光照tī树叶顶面ê露珠ê时,会发生闪亮ê反射光芒,soah是好看。这说明一个知影用上帝ê话统治人民ê君王,tùi清早开始,就hō͘人民看tio̍h性命ê希望,有ná青草展现出性命力仝款(参考诗篇七十二:6)。

第5到7节,tī撒母耳记下第七章12到16节记载先知拿单bat奉上帝ê命令,对大卫作了重要ê应允,就是beh hō͘伊ê kiáⁿ孙永远传承君王ê位置。相对tī大卫hō͘ 上帝拣选,hiah-ê「不虔ê人」就会亲像「刺phè」仝款,需要kā它剪除、弃sak,甚至需要用火烧毁(参考以赛亚书三十三:12,希伯来书六:8)。

经文:

撒母耳记下 23:8-23:17

注释:

Chit段经文中特别绍介大卫身边三个重要ê军事武kā,撒母耳记作者kā它称做「三巨头」。Chit段描述chit三位重要军事将领ê事迹,mā同时记载tī历代志上第十一章10到19节中。对照两处经文来看,就会发见差别非常大,m̄-nā是勇士ê名有别,就连记事ê内容mā差别真大。撒母耳记ê记事比较完整,作者详细写出「三巨头」ê名kah事迹。M̄-koh历代志作者只有写两个,第二个只写出名,无写出伊ê事迹,无标明第三个勇士ê名,m̄-koh却有第三个勇士ê事迹。真可能,历代志作者是kā第三个战役kah第二个混合编辑做伙了,mā就是kā第三个勇士沙玛ê事迹,lóng归并tī以利亚撒ê事迹中。不过,后半段记载有关大卫m̄ lim三勇士冒tio̍h性命危险去取水ê事迹,虽然文字上有kóa许差别,m̄-koh kui个过程来讲,是大同小异。

第8到12节,chit段经文记载三个勇士ê事迹。Tio̍h注意ê,是chia所提供ê名,往往m̄是代表一个单独ê个人,却是chit-ê人领导之下ê部队。因为án-ne,大卫身边应该有两种特别部队,一是编制khah小ê,另外一个是比较大ê。chit-má所提起ê三个勇士,应该是属tī比较小,类似「突击部队」ê组织型态。

第一位勇士是「伊革扪人约设・巴设」,是chit三个「巨头」ê首领,意思是先锋。Tī历代志提供ê名是「哈革摩尼宗族ê雅朔班」。伊是一个真有力量ê勇士,thang「用矛凿死八百人」。

第二个「亚合族人朵多ê kiáⁿ以利亚撒」,这kah历代志所提供ê名仝款。Chit-ê「亚合族」就是便雅悯支派ê「亚何亚」kiáⁿ孙(参考历代志上八:4)。有一pái「以色列人后退了」,tī历代志koh khah清楚写明chit句话ê意思是「以色列人逃走」,这是phah败仗ê现象。M̄-koh这支队伍并无后退,继续坚守tio̍h据点,直到phah败非利士人为止。M̄-koh in phah赢ê时,「只剥光敌人尸体上ê盔甲」,意思是以色列人民卸下非利士军人身上ê武装做战利品。

第三个是「亚基ê kiáⁿ沙玛」,ná亲像第二个仝款,当以色列战败,真chē人teh逃窜ê时chūn,沙玛一屑á 都无kiu-kiu,伊khiā tī非利士人ê面前,勇敢抵挡到最后,结果伊mā获胜à。Ná亲像作者所强调ê,若m̄是有上帝ê帮助,一定会输得真惨。M̄-koh因为有上帝ê帮助,tī siōng艰困ê战况下,以色列人iáu ē-tàng反败为胜。

Chia讲非利士人是聚集tī「扁豆田里」,这表示以色列人若输了chit pái ê战争,可能就会引发粮荒。就ná亲像今á日为tio̍h保护粮食ê稳定,一定tio̍h无顾一切奋战到底仝款。

第13到17节,这是另外一段记事,tī历代志上第十一章15到19节mā有记载。照撒母耳记ê写法,chit段mā可能是tī增加头前绍介过ê三位勇士ê事迹。对照chit两段经文ê记事来看,会发见大部分记载是仝款。

「收割ê时chūn」ê chit场战役,真可能是发生tī大卫teh逃避扫罗王追杀ê时chūn(参考撒母耳记上廿二:1—4),如果是发生teh逃避扫罗追杀ê时期,án-ne,chit时ê大卫,伊ê指挥中心,就是设立tī亚杜兰洞ê所在。M̄-koh mā有可能是发生tī大卫tú执政ê初期(参考五:17—18),若发生tī伊执政ê时,he就是大卫tú取落来耶路撒冷初期,非利士人无希望以色列所有支派联合起来成做一完整ê王国,就án-ne聚集军队tī利乏音谷ê所在,准备ài攻打大卫,hō͘伊来一个下马威。Á「收割ê时chūn」ê chit句话,thang续落去tī第11节提起ê非利士人攻打以色列,有一个重要ê用意,就是kah粮食ê需求kah控制有密切关系。Chit场两军对峙,是kah保护á是抢夺粮食有关。

Chit时chūn「一阵非利士人占了伯利恒」,已经侵入以色列人民siōng重要ê粮仓。就tī chit时chūn,有三个勇士真勇敢地无顾性命危险,闯过非利士人ê营区伯利恒城门边ê井里取水tńg来,beh hō͘大卫解除思乡之痛。这mā表示出两种意义:一是in bē了解大卫并m̄是真正想伯利恒ê水,却是想beh收复chit-ê城。二是in有能力闯入非利士人占领ê城,表示防守上有破痕。「大卫不lim」,因为ná水是三位勇士冒tio̍h性命危险chiah取到ê故乡之水,mā ē-sái讲是siōng珍贵ê水,伊beh kā chit-ê siōng珍贵ê水奉献hō͘上帝。表示siōng好ê、siōng珍贵ê奉献hō͘上帝。Koh khah重要ê,大卫kā它「当祭物献hō͘上主」,这表示大卫tī出兵chìn前举行祭典,向上帝祈求,伊向上帝chiù-chōa一定会攻落伯利恒。

经文:

撒母耳记下 23:18-23:23

注释:

Chit段经文绍介头前经文一再出现ê主kā约押小弟亚比筛,以及另外一位耶何耶大ê kiáⁿ「比拿雅」ê tāi-chì迹。Chia无出现约押ê名,却是出现亚比筛,真可能是因为约押已经是众人lóng知ê将军,而且以色列军团元帅。

Chit段经文mā出现tī历代志上第十一章20到25节中,两处经文ê记载差不多完全仝款。

第18到19节,chia一开始就讲亚比筛是这「三十勇士」中ê首领,并且讲伊是三十个勇士中「siōng杰出ê一个」,m̄-koh却tī最后koh加上评语,讲伊「iáu是khah输『三巨头』ê声望」。

第20到23节,chit段经文绍介另外一位勇士,是「耶何耶大ê kiáⁿ「比拿雅」,伊bat是大卫第一pái统治全以色列ê时ê侍卫长(参考八:18)。当大卫敉平了押沙龙ê叛乱后,koh一pái任命伊出任侍卫长(参考二十:23),可见伊对大卫ê忠心。因为伊是大卫ê贴心侍卫,因为án-ne,当大卫众kiáⁿ在内斗争权ê时,伊被大卫赋予重任,beh全力支持大卫属意ê kiáⁿ所罗门(参考列王记上一:32—37)。Chia特别提起「比拿雅」ê事迹,是因为伊有像大卫仝款ê特别能力,bat刣死一只狮(参考撒母耳记上十七:34),而且ē-tàng用棍子phah死the̍h先进武器ê埃及勇士,虽然án-ne,tī撒母耳记作者ê评价中,伊「iáu是khah输『三巨头』ê声望」,就kah亚比筛仝款。这表示三个勇士确实在以色列ê战史中,留落来bē-tàng疏忽ê记录。

经文:

撒母耳记下 23:24-23:39

注释:

这是「三十勇士」ê名单。Chit份名单mā出现tī历代志上第十一章26到47节。对照这两处经文ê记载,thang清楚看出有真大ê差别,有几点值得注意ê所在:

第一,tī历代志ê记录中,共计列有47名,有真chē名无出现tī chit份ê名单中,特别是tùi乌利亚了后,chiah-ê名单都无出现tī撒母耳记中。

第二,tùi「约拿单」了后,一直到「洗勒」chìn前,两份名单提供ê资料差不多完全无仝。

第三,tī撒母耳记只记载32个名,m̄-koh却tī第39节讲「总共是三十七名」。因为án-ne,咱thang了解,所谓「三十勇士」,可能只是一个统称,并m̄是精确ê数字。

第四,tùi chit份名单thang看出其中包含各族ê人,甚至外族人mā加入大卫ê勇士军团中,亲像「以甲」是「琐巴人」;「以利法列」是「玛迦人」;「洗勒」是「亚扪人」,而被大卫设计害死ê「乌利亚」是「赫人」等,chiah-ê lóng是外族人,m̄-koh in lóng是大卫军团中siōng勇猛ê战士。

成做好ê君王,需要有一阵好ê智囊团,kah非常忠chiâⁿ ê幕僚在身边,随时随地帮助chit位君王判断kā发生ê事务,以及应对紧急ê事件。大卫就是因为有chit群好ê智囊团kah英勇ê战士tī伊身边,chiah hō͘伊后来ē-tàng得tio̍h统治大权,mā tī家己ê kiáⁿ押沙龙叛变了后无久,就ē-tàng地敉平叛乱,并且真稳定重掌政权。

经文:

撒母耳记下 24:1-24:9

注释:

Tī大卫执政ê时代,m̄-nā发生第廿一章ê旱灾,mā发生第廿四章chia所提ê「瘟疫」,这lóng teh表示虽然大卫是上帝所赐福、拣选ê君王,m̄-koh并无表示一切lóng安然无事,mā是会tú-tio̍h极大ê困境kah灾难。Á tī chiah-ê大灾难来临ê时,怎样去走chhōe解决之道?án-ne chiah是一位领袖呈现出来ê信仰内涵。

Chit件发生tī大卫治国期间ê瘟疫灾难,mā同时记载tī历代志上第廿一章1到28节,表示确实有发生过chit件灾难,后来大卫恳求上帝怜悯kah赦免,而hō͘瘟疫会得thang解除。M̄-koh因为瘟疫ê缘故,已经造成高达七万以色列人民死亡。

Chit段经文记载大卫命令约押去进行人口调查,m̄-koh约押迟疑,而大卫却执意ài beh进行chit件人口调查ê事件。Chit件记事thang对照历代志上第廿一章1到7节所记载ê来看。

第1到2节,撒母耳记讲「上主koh向以色列人发大受气,所以激动大卫来对敌in」。M̄-koh作者并无说明到底发生甚么事,á是以色列人民有甚么无好ê行为,hō͘上帝会koh一pái发出大受气?koh讲,chia有一个真重要ê介系词「koh」,表示这是续接第廿一章1到14节所发生ê旱灾之灾难后无久所发生ê事件。

Chia讲大卫决定去调查人口,是因为上帝「激动大卫来对敌」以色列人民。M̄-koh历代志作者认为是「撒旦对敌以色列人,hō͘大卫定意进行户口普查」。值得注意ê是chia用「上帝激动」,表示上帝hō͘大卫kā心内中ê意念hō͘暴露出来,hō͘伊隐藏不住,并m̄是大卫本来无chit种企图,其实伊是有chit种用意,这thang tùi第10节ê描述看出来。因为án-ne,历代志作者ê用句就真清楚表示,这是大卫受tio̍h撒旦控制有ê结果。

原本统计人口,对一个国家来讲是非常重要ê事。因为这kah徵兵、抽税有密切关系。民数记第一到四章lóng有记载以色列人出埃及进入旷野了后,bat进行一pái全面性ê人口普查。耶稣降生ê hit年,罗马皇帝就bat下令进行户口普查(参考路加福音二:1)。后来大卫晚年透过chit项人口调查,徵召人民当义务劳工,并且为tio̍h án-ne iáu设立了「劳工部长」(参考二十:24)。Á所罗门则发挥了chit项「徵召劳工」ê政策非常「成功」(参考列王记上五:13、15)。大卫命令约押去执行chit项全国人口普查ê工作。

第3到4节,约押所讲ê chit句「为甚么ài做chit项事neh」,就thang看出伊对大卫chit项命令有淡薄á有意见。历代志上第廿一章3节甚至加上约押讲了chit句「做chit项事hō͘全民犯罪」,可见chit件事并m̄是出tī上帝旨意,却是大卫家己想beh做ê事。因为án-ne,约押认为大卫chit pái想beh清查人口,背后一定有无好ê动机。即使约押已经提出警告,大卫iáu是「坚持beh约押kah伊ê部属服从伊ê命令」去做chit件招惹民怨ê事。值得注意是,大卫并m̄是beh行政官去执行chit项命令,而是beh约押kah伊ê部下去执行,这已经teh暗示chit项人口调查确实是kah相刣ê计划有关系,因为需要动员thang用兵力。

第5到9节,真详细地描述约押kah伊ê部下去执行大卫chit项调查人口之政策,而伊mā确实彻底地完成chit项命令。Chit项人口普查所花费ê时间,共计长到「九个月koh二十工」。约押提出调查结果ê报告是:以色列thang带「武器ê壮丁总数八十万」,而tī犹大则有「五十万」。Chia所讲ê「带武器ê壮丁」,意思是teh指「二十岁以上ē-tàng作战ê cha-po͘人」(参考民数记一:3、18、20)。M̄-koh这数字kah历代志所登录ê人口无仝;tī历代志登记ê人数是「以色列ē-tàng相刣ê壮丁有一百一十万名;犹大ē-tàng相刣ê壮丁有四十七万名。」历代志作者特别说明约押「无调查利未支族kah便雅悯支族ê人数」,理由是「因为伊无赞成王ê命令」。约押án-ne做mā有另外一种理由,一是利未族人lóng是属tī祭司族,in本来就m̄免参与军事行动。Á无对便雅悯族ê人民进行调查,真可能是为tio̍h避免koh一pái发生分裂ê事件(参考二十:1)。

经文:

撒母耳记下 24:10-24:25

注释:

Chit段经文讲述大卫后来发见因为chit项人口调查行动,引起上帝极大ê愤怒,致使以色列全国发生严重ê瘟疫,死亡惨重,为tio̍h án-ne,伊走chhōe上帝ê赦免怜悯,透过献平安祭kah烧化祭,chiah挽回上帝ê愤怒,m̄-koh为ê时已晚。这mā说明一个重要ê教示:若m̄是出tī上帝ê旨意,á是符合上帝ê旨意,án-ne,执意坚持行家己ê路,其结果kan-taⁿ会带来koh khah大ê灾难而已。

Chit段记事thang对照历代志上第廿一章7到30节来看,就会发见历代志作者特别强调,瘟疫ê事件,m̄-nā是大卫主谋,连伊身边ê参谋lóng连带有份,因为án-ne,「大卫kah众长老lóng穿tio̍h麻衣,面伏tī土脚叩拜」,表示in lóng一定tio̍h为tio̍h án-ne事件所带来ê瘟疫灾难负责。

第10到13节,后来灾难发生,chiah唤醒大卫知影家己坚持ê chit项人口调查政策,确实是违背上帝ê旨意,hō͘上帝无欢喜,因为án-ne决定beh惩罚以色列。伊可能是因为看见瘟疫开始出现,赶紧透过祭司献祭询问上帝ê时(参考撒母耳记下廿一:1),chiah明白过来,知影家己做件愚戆ê事。上帝差遣先知「迦得」去见大卫,传达上帝ê话hō͘大卫。伊向大卫提出上帝beh tùi三项惩罚ê方式中hō͘大卫家己选择。

第一项是「国中有三年饥荒」。

第二项是大卫tī「敌人面前逃亡三个月」,意思是phah败仗逃难。

第三项是「国中有三工ê瘟疫」。

这三项lóng有「三」ê数字,tùi「三年」到「三个月」,再到「三工」。

第14到16节,大卫表示宁可接受上帝亲自对伊惩罚。大卫深知当上帝惩罚违背他旨意ê子民ê时,痛苦ê哭号声,上帝会垂听。因为「上主有丰盛ê怜悯」,chit点是kui本圣经ê主题(参考出埃及记三十三:19、三十四:6,诗篇八十六:5、一0三:8、但以理书九:9)。因为án-ne,大卫做chit种选择后,上帝就差派天使去执行chit项惩罚,方式是用降瘟疫tī以色列人民身上,直到上帝beh天使停止为止。虽然只有短短ê三工而已,死亡人数却chē kah「七万以色列人死亡」。

问题是:为何大卫犯罪,却由人民承担罪责?án-ne是m̄是公平?这是读者欢喜问ê问题。其实,mā thang án-ne了解:当君王á是领袖做出错误 ê政策ê时,确实就是整体人民teh承担苦难。古往今来lóng是án-ne。因为chiah-ê制订政策,而且kā政策执行出来ê时,直接影响tio̍h ê就是普罗大众。因为án-ne,人民若是对tī 错误 ê政策,无勇气出来阻止、对抗,其结果是等于「参与执行、配合错误」之政策。

第17节,历代志作者tī chia提供真重要ê资料,就是大卫看见天使「手中掠tiâu剑,teh beh毁灭耶路撒冷」,就tī chit时,「大卫kah众长老lóng穿tio̍h麻衣,面伏tī土脚叩拜。」这mā表示众长老知影,大卫进行户口调查ê事所引起之「瘟疫」灾难,in mā需要负起重大责任。因为án-ne,in同时kah大卫lóng用siōng真诚忏悔ê心意,祈求上帝ê怜悯kah赦免。Tī chia,大卫对执行chit项惩罚任务ê天使讲,是伊犯错应该惩罚伊kah伊ê全家,却m̄是惩罚无辜ê人民。

第18到23节,先知迦得koh一pái传达了上帝ê信息,hō͘大卫知影愿意接受伊认罪。因为án-ne,ài大卫tī耶布斯人亚劳拿 ê phah麦场,建造一座祭坛敬拜上帝。大卫照天使ê指示去chhōe亚劳拿,希望买伊ê phah麦场建造一座祭坛,thang hō͘上帝惩罚ê瘟疫停落来。亚劳拿一听大卫án-ne讲,认为大卫是故意án-ne讲,其实,若大卫真正ài伊ê土地,伊mā无可能抗拒。因为án-ne,伊表示ē-tàng全部lóng送hō͘大卫,包括tī phah麦场顶面ê牛mā thang刣之当做牲祭献hō͘上帝,koh有phah麦板thang当之祭坛ê柴火。因为伊知影,掠准kah大卫讨论价钱,赠送有可能iáu thang保全性命安全。

第24到25节,m̄-koh大卫坚持beh「按价钱」向亚劳拿购买伊ê phah麦场。原因是伊无想beh占亚劳拿 ê sio̍k。因为若是占别人sio̍k所得tio̍h来奉献,等于是teh藐视上帝ê神圣。Koh讲,大卫已经因为「瘟疫」ê事件惹起上帝愤怒,taⁿ,若tī奉献ê事顶面无用真诚忏悔之心意来表明,恐惊chit pái ê「瘟疫」之灾真oh消除。就án-ne伊用「五十块银á」向亚劳拿买phah麦场kah献祭ê牛只。这数目kah历代志作者所提供ê「六百块金币」,相差实在siuⁿ大。有一种解释,认为大卫m̄-nā买phah麦场,连附近kui片地lóng买了落来。因为伊准备以后用该片土地做建造圣殿ê路用。就án-ne,大卫买了土地,进行一场献「烧化祭和平安祭」(参考利未记七:11—17、廿二:21—23)ê祭祀礼仪,chit种「祭」表示kah上帝之间ê关系和谐(参考出埃及记廿四:5、11)。因为上帝「垂听」了大卫为以色列全国ê祈祷,这表示以色列人民kah上帝之间koh有和好关系,所以作者用「瘟疫就tī以色列停止了」做结束。Chit-ê结尾,ná亲像第廿一章14节所讲ê:「上帝垂听in为国家ê祈祷。」

重新查询