重新查询
经文:

列王纪上 1:1-1:10

注释:

列王记上、下分卷点是用北国以色列亚哈王朝ê结束(上卷廿二:37),kah南国犹大王约沙法王死后无久(上卷廿二:50)作分界。

Tùi第一章1节开始直到第十一章43节止,chit段lóng是用所罗门王ê记事为主轴。接落去tùi第十二章开始,就是描述以色列王国分裂做做南kah北两国ê情形,而所有分裂ê经过kah了后ê情景,是tùi上卷第十二章起,一直到下卷第十七章41节止,交替绍介南、北两国ê状况,然后tùi下卷第十八章开始,记载南国犹大ê情景,直到第廿五章犹大王国被巴比伦帝国消灭,人民hông掠去做奴隶ê经过。

第一到二章,是记载大卫王kā王位传承hō͘伊kah拔示芭所生落来ê kiáⁿ所罗王ê经过。Mā是tùi大卫王开始,王位tùi原本上帝拣选,变成做世袭ê制度。单是chit点已经teh暗示大卫脱离上帝原本ài先知拣选君王带领以色列人民ê本意。

    Chit段经文描述大卫晚年ê时,伊ê众kiáⁿ开始有密谋篡位ê动作,特别是siōng有可能继承王位ê亚多尼雅因为忍不住气,就想beh拥兵宣告家己为王。这mā teh表示大卫晚年无法度巡视国政大事,众kiáⁿ争取王ê宫廷斗争浮出台面上。

    第1到4节,作者一开始就讲「chit时chūn,大卫已经老迈」,所谓「老迈」,应该是「七十岁」。因为伊是tī三十岁ê时被膏立为以色列ê王,然后伊统治四十年,其中包括tī希伯仑统治犹大七年半,tī耶路撒冷统治以色列kah犹大共计三十三年(参考撒母耳记下五:3—5)。可能是因为年迈体衰,因为án-ne,伊ê臣仆替伊chhōe一位名叫「雅比莎」ê处女服侍伊,伊并m̄是被选来做bó͘ ê,却是类似今á日ê看护工作仝款,这mā是第4节所讲ê,大卫无kah伊亲近ê意思。Chit点mā kah后来亚多尼雅请求所罗门kā chit位cha-bó͘-gín-á hō͘伊做bó͘有关(参考二:17)。这是古代社会一种特异ê看法,认为hō͘处女困tī cha-po͘人身上thang取暖,hō͘身躯健康。M̄-koh作者mā特别强调,大卫「无kah伊发生关系」。

	第5到8节,大卫ê大kiáⁿ暗嫩被押沙龙杀害,第二kiáⁿ基利押(只出现tī撒母耳记下第三章3节),而押沙龙因为叛变死去,chit-má大卫kiáⁿ中以亚多尼雅为伊ê kiáⁿ群中是siōng年长ê。伊第一个想beh ê就是得tio̍h王位继承权。事实上当时伊ê条件siōng好,m̄-koh伊无经过大卫同意,就争取到元帅约押、祭司亚比亚他ê支持,m̄-koh却无得tio̍h「祭司撒督、耶何耶大ê kiáⁿ比拿雅,以及「先知拿单、示每、利以,kah大卫ê众侍卫」ê支持,这表示伊虽然有得tio̍h约押ê军方势力支持,m̄-koh siōng重要ê,是大卫ê禁卫军,特别是先知拿单等人ê支持,这真危险。

Tùi chit段经文看tio̍h亚多尼雅bē记得约押拥有兵权而且恃兵而骄,真oh驾驭,大卫是一直teh想办法beh除掉伊(参考二:5-6)。因为án-ne,伊chhōe约押本身就是一步危险ê棋子。Á约押kah亚比亚他之所以支持伊,真可能是因认为亚多尼雅是大kiáⁿ,继承王位乃是理所当然ê事。Mā tùi chia看出当时王宫里有两派人马,一派拥护亚多尼雅,另外一派则拥护所罗门。拥护所罗门ê是用先知拿单为首,加上祭司撒督,以及大卫ê侍卫军团,这mā形成非常坚强ê一股拥护所罗门继承王位ê势力。Á先知拿单是主导hō͘所罗门继承王位ê主要人物。

    第9到10节,有一工,亚多尼雅举办献祭礼仪,而且排设筵席宴请大卫其他ê kiáⁿ,mā就是伊ê众小弟kah王室大臣,m̄-koh却独漏先知拿单、比拿雅、同父异母ê小弟所罗门,以及王室ê侍卫军。

经文:

列王纪上 1:11-1:37

注释:

Chit段经文描述先知拿单án怎策划反制亚多尼雅chit种排设祭祀礼仪kah筵席ê举动,mā thang看出先知tī大卫宫廷中扮演重要ê角色。

第11到14节,chia事(tāi)先提起「所罗门ê母亲拔示芭」,kah「哈甲ê kiáⁿ亚多尼雅」,chit种用句,已经teh隐喻宫廷ê内斗,是两个大卫ê细姨,开始为家己kiáⁿ争取王位继承权ê开始。先知拿单对亚多尼雅举办献祭kah排设筵席ê解释,认为he是一种「立家己做王」ê举动,已经危害到拔示芭kah所罗门ê性命安全。因为án-ne,伊建议拔示芭去见大卫王,到底大卫beh立甚么人做王,并且答应当证人,证实亚多尼雅自立为王ê事。

第15到16节,拔示芭chiâⁿ实听从先知拿单ê建议去见大卫王。

第17到19节,拔示芭提醒大卫bat chiù-chōa beh hō͘伊所生ê kiáⁿ所罗门继承王位,而chit件「chiù-chōa」ê事,iáu是先知拿单提醒伊去向大卫提起ê。表示用上帝ê名chiù ê chōa言之重要性,是无法度更改。M̄-koh拔示芭向大卫提起,伊bat答应hō͘伊ê kiáⁿ所罗门继承王位chit件事,圣经并无记载,真可能是大卫私相授受ê事。续落来伊提起亚多尼雅擅自宣布家己是王,而且有祭司亚比亚他kah元帅约押参与,其实,拔示芭án-ne讲,已经teh表明iáu未经过大卫宣布王位继承者chìn前,亚多尼雅chit种举动,等于kah押沙龙家己宣布为王ê举止仝款,这mā teh警告大卫tī晚年行动不便ê时,是m̄是会koh一pái tú-tio̍h宫廷篡位ê惨痛经历。

第20到21节,拔示芭真聪明,伊深知大卫就是杀害伊丈夫乌利亚而夺取伊为细姨,若无保护伊,伊会因chit pái亚多尼雅篡位ê事,kah kiáⁿ所罗门惨遭杀害。

第22到27节,先知拿单照chìn前设计好ê方式,就tī拔示芭进入宫廷面奏大卫关系亚多尼雅篡位ê事ê时,伊tòe后就跟tòe去见大卫,tòe后讲亚多尼雅ê举止,等于是见证了拔示芭所讲属实。拿单聪明ê所在,并m̄是只有讲亚多尼雅确实有án-ne做,却是质问大卫若是允准chit件事,怎样会无公开宣布。伊ê意思是hō͘大卫知影,chit件事若赶紧阻止是iáu会赴。Á拿单就是清楚知影大卫犯奸淫罪ê先知,而且约押又koh是大卫心中ê痛。因为án-ne,拔示芭kah先知拿单lóng特别指出约押参与chit pái亚多尼雅ê篡位行动,用chit种方式增加大卫ê无安全感。

第28到31节,大卫随时用上帝ê名chiù-chōa,beh hō͘所罗门继承伊ê王位。换句话,chìn前指出大卫已经发过ê誓言并无算数。Á这mā看出晚年ê大卫,神智并m̄是真清楚。

第32到35节,这是大卫王采取积极行动,mā是一种反制亚多尼雅想beh篡位ê计谋,这可能kah押沙龙带hō͘伊ê伤害经历有关。大卫ài伊忠心ê部属,包括先知拿单、祭司撒督、耶何耶大,以及军事第二号将领比拿雅等人, ài所罗门骑上大卫ê驴á,这真有象徵性ê意义,表示所罗门有继承王位ê资格,然后ài先知拿单kah祭司撒督膏立所罗门为以色列kah犹大ê王。膏立ê地点为甚么选tī基训水泉边,并无清楚,有可能是为tio̍h beh先行洁净礼,然后chiah举行膏立ê仪式。M̄-koh重要ê,是当完成chiah-ê礼仪了后,tńg来到耶路撒冷王宫,hō͘所罗门坐tī王座上,án-ne chiah表示所罗门已经继任为王。第35节讲所罗门是beh当「以色列kah犹大ê统治者」,这是因为第一任ê国王扫罗出tī北部便雅悯支族,而大卫则出tī南部犹大ê支族,因为án-ne,南北两大族群一直lóng心存芥蒂。

Tio̍h注意在第34、39节,lóng讲大卫ài祭司撒督kah先知拿单去膏立所罗门为王,却m̄是上帝亲自对先知á是祭司ê启示,却是出tī大卫ê指令。这kah大卫、扫罗lóng是上帝向先知撒母耳启示拣选、膏立出来ê,完全无仝。Mā tùi chia开始,以色列人民以后ê国王lóng是世袭,而非上帝向先知启示而膏立ê。这tī信仰上ê意义非常无仝款。

第36到37节,比拿雅听tio̍h大卫án-ne宣告了后,就表示全力支持所罗门继承王位。这真清楚说明大卫身边ê禁卫军拥护所罗门为王。

经文:

列王纪上 1:38-1:53

注释:

Chit段经文描述亚多尼雅听tio̍h大卫已经立所罗门为王,chiah知影大势已去,续落来演变ê就是进行报复kah铲除异己ê行动。

第38到40节,这是一场全国性ê正式宣告所罗门被膏立为王之仪式,是tùi基训水泉一路行tńg来耶路撒冷,hō͘沿路民众lóng知影chit件事,特别是耶路撒冷民众lóng清楚知影所罗门chiah是大卫王位ê继承者,这mā表示亚多尼雅chìn前ê动作,只不过是虚晃一招而已,无被承认。

第41到42节,thang看出大卫chit pái无koh像顶pái押沙龙叛变ê时,家己离开王宫,却是家己快速地举行反制行动,tī亚多尼雅进行篡位举动ê时,伊就马上紧急安排膏立所罗门继任王位ê行动。Á就tī亚多尼雅hit-pêng筵席尚且iáu未结束,所罗门被膏立为王ê信号已经响彻了kui个耶路撒冷,chit种宣告声响,大tio̍h惊了所有参加亚多尼雅筵席ê要员。

第43到48节,亚比亚他ê kiáⁿ约拿单赶紧tùi耶路撒冷赶来隐・罗结水泉报告chit件所罗门已经被膏立为王ê消息,伊特别强调「连所有宫廷ê官长mā去朝见大卫王」,表示支持大卫王膏立所罗门为继任者,而且大卫mā祈祷祝福所罗门。

第49到51节,当大家听tio̍h约拿单传报chit-ê消息了后,所有参加亚多尼雅筵席ê宾客开始不安起来,这表示in lóng会hō͘列为密谋叛变ê人,一定会有性命ê危险。因为án-ne,大家赶紧各自散去。Á亚多尼雅mā发见大事不妙,伊赶紧走去圣幕ê至圣所约柜处,「掠tiâu祭坛ê角」,因为伊开始「惊惶所罗门」会对伊采取惩罚动作。伊希望用chit种方式换来所罗门不刣伊。照摩西律法规定,圣殿祭坛突出ê角,是涂有献祭之牲祭ê血,用来表示赎罪ê路用,hō͘ hiah-ê因为m̄是故意杀害别人ê人,thang得tio̍h不被报复ê保护(参考出埃及记廿一:12—14)。亚多尼雅用chit种方式来表示伊走chhōe上帝ê庇护。有人kā chit件事kā所罗门讲,伊听tio̍h了后,ài亚多尼雅宣告效忠伊。

第52到53节,所罗门派人去掠亚多尼雅,伊向所罗门跪拜,所罗门就tháu放伊tńg去厝里,这就hō͘伊本来想beh做王ê祭祀礼仪、筵席等lóng变成一场闹剧。

经文:

列王纪上 2:1-2:12

注释:

Chit章ē-sái讲是一幕一幕血淋淋ê宫廷斗争记录,记载所罗门继任王位后,照老父大卫所交带,开始铲除异己,甚至,kā兄哥亚多尼雅杀害。

第二章1到12节:Chit段经文ē-sái讲是大卫ê临别遗言kah往生,m̄-koh这遗言m̄是赦免hiah-ê得罪伊ê人,而是beh继任伊王位ê kiáⁿ所罗门去进行报复、铲除ê杀害动作。M̄-koh这并无表示伊ê双手比较洁净。

第1到4节,Tī chit段勉励所罗门ê话,真清楚申命记作者ê教导,一定tio̍h严格遵守摩西律法册上所有ê规定,án-ne chiah ē-tàng得tio̍h上帝ê赐福(参考申命记第八章)。

第5到6节,特别ài所罗门一定会注意约押,讲伊「刣死无辜ê人」,á这责任却hō͘大卫承担。伊ài所罗门mài hō͘约押「善终」。其实,约押ē-sái讲是大卫siōng忠心ê武官,一路上lóng是伊扶持大卫ê,m̄-koh taⁿ大卫却ài kiáⁿ所罗门bē-tàng hō͘约押善终,理由是伊杀害无辜ê,m̄-koh大卫家己为tio̍h谋害无辜ê乌利亚,却假借约押ê手杀害ê。

第7节,这是为tio̍h beh遵守伊答应好款待基列人巴西莱ê kiáⁿ ê诺言,chit节经文thang参考撒母耳记下第十七章27到29节。

第8到9节,是beh所罗门处理基拉ê kiáⁿ示每,chit件事ê背景thang参考撒母耳记下第十六章5到14节、18节b句到23节等等,显然地,大卫并无照所讲ê话,遵守不杀害示每,伊虽无杀害伊,却ài所罗门「一定会想法子」去kā示每处死。Tùi chit点mā thang看出大卫是一位真会「记恨」ê人。

第10到12节,叙述大卫往生,执政四十年,伊kā以色列国交hō͘ kiáⁿ所罗门ê时,hit时以色列「国势非常稳固」。

经文:

列王纪上 2:13-2:25

注释:

记载大卫siōng年长ê kiáⁿ,mā就是bat计谋夺取王位ê亚多尼雅被所罗门杀害ê经过。

第13到18节,记载亚多尼雅去chhōe拔示芭,希望伊ē-tàng替伊向所罗门王求,kā大卫年老陪伴在身边ê书念cha-bó͘-gín-á雅比莎hō͘伊作bó͘。为甚么亚多尼雅会要求娶雅比莎当伊ê bó͘?这可能有政治企图心,因为当时中东地带有一个风俗,就是宫中ê妇女,lóng是属tī国王拥有。换句话讲,甚么人拥有宫中妇女,等于是拥有国王ê权力仝款。这mā是为甚么当年押沙龙会听从参谋亚希多弗ê建议,公开kah大卫ê妃嫔同床,表示伊继承王位。亚多尼雅chit种要求,可能有含chit种用意。Á chìn前所罗门无杀害亚多尼雅ê时,有一个「但书」,就是beh「效忠」所罗门,而且bē-tàng「作恶」,这lóng teh表示对所罗门绝对忠实,bē-tàng有私念。Chia ê作恶,mā有含bē-tàng有任何背叛ê想法。

第19到22节,所罗门ê母亲拔示芭chiâⁿ实照亚多尼雅ê请求,去chhōe所罗门,转达chit项请求。M̄-koh伊ê请求听tī所罗门ê耳里,非常m̄是滋味。因为伊执政,政权并m̄是真稳固。因为án-ne,当拔示芭提出chit项建议ê时,所罗门非常无欢喜,认为亚多尼雅ê chit项请求,等于是有叛变ê企图,这mā是所罗门tī chia提出ê,亚多尼雅iáu有约押将军,以及祭司亚比雅伊拥护tio̍h,表示iáu威胁伊王权ê稳固。

第23到25节,伊认为亚多尼雅ê chit项请求,等于是「作恶」,无完全「效忠」tī伊。就án-ne下令耶何耶大ê kiáⁿ,mā就是禁卫军总司令比拿雅kā亚多尼雅刣死。

经文:

列王纪上 2:26-2:35

注释:

记载所罗门处理拥护亚多尼雅ê祭司亚比亚他,以及老父大卫siōng怀怨tī心ê手下大将约押。

第26到27节,是处分祭司亚比亚他ê事,其实,亚比亚他对大卫有真chē贡献(参考撒母耳记下十五:24、29)。伊ê父亲和家族亚希米勒惨遭扫罗刣死,只有伊逃出来投靠tī大卫身边(参考撒母耳记上第廿二章)。chit-má所罗门beh解除亚比亚他祭司ê职位,tú好应验ā「上主tī示罗所讲ê有关祭司以利kah伊后代ê话」,bē koh再有人当祭司,却是会由别人取代(参考撒母耳记上二:27—36)。

第28到30节,tùi第28节开始到第35节是处置军事大将约押ê事。约押kah亚多尼雅仝款,lóng是逃到khǹg约柜ê所在,掠tio̍h约柜前祭坛ê角,希望ē-tàng免除被处死ê厄运。作者特别说明虽然约押过去无拥护押沙龙,m̄-koh却因为tī chit pái宫廷政争中拥护亚多尼雅chiah惨遭chit pái ê清算。所罗门派去beh刣约押ê,是第二号大将,mā是宫廷侍卫司令比拿雅。M̄-koh因为约押是bih-tī khǹg约柜ê至圣所,比拿雅以所罗门ê命令ài伊出来,伊表示宁可死tī khǹg约柜ê至圣所。比拿雅m̄敢随便进入缉拿、杀害。就án-ne tńg去请问所罗门。

第31到33节,是所罗门下令kā约押刣死tī祭坛处ê理由。所罗门就án-ne下令就照约押所讲ê,kā伊刣死tī khǹg约柜ê至圣所。所罗门会下chit-ê格刣令,是合法ê,因为摩西律法中,规定若有人存心谋刣,就算逃到至圣所ê祭坛,mā是仝款无法度免除死刑(参考出埃及记廿一:14)。这hō͘人认为存心谋刣别人ê事件,必定kah伊追杀北国以色列军队来投靠大卫ê押尼珥(参考撒母耳记下三:17—30)有关,koh讲,就是另外一位被大卫任命取代约押ê将军亚玛撒(参考撒母耳记下二十:4—10)。其实,约押kah伊ê兄弟lóng是对大卫王权有极大贡献ê 将领。

第34到35节,比拿雅就照所罗门ê话,kā约押刣死tī安置约柜ê至圣所祭坛边,并且由比拿雅取代约押,担任以色列军队统帅,而且任命撒督取代亚比亚他ê大祭司职位。

经文:

列王纪上 2:36-2:46

注释:

是处置示每chit-ê扫罗家族ê后裔。伊ē-sái讲是扫罗家族中siōng中心ê人。Tī大卫逃离押沙龙叛变ê事件ê时,伊bat当tio̍h众人面前诅咒、侮辱大卫(参考撒母耳记下十六:5—9),后来大卫重新得tio̍h王权了后,示每bat向大卫表示悔意,并请求大卫赦免,得tio̍h大卫保证不杀害伊(参考撒母耳记下十九:18b—23)。

第36到38节,所罗门派人去kā示每召来,下令伊tòa tī耶路撒冷城内,「不准离城」,若无,就「非死不可」。示每表示会照所罗门ê命令做。所罗门chit种命令是有原因ê,因为这thang hō͘示每离开所罗门ê班底,就无法度koh一pái策划叛乱ê事宜。

第39到40节,经过三年,示每可能忽略家己ê一举一动lóng被监视tio̍h,为tio̍h beh chhōe tńg来两个逃亡ê奴隶,伊竟然离开耶路撒冷去到非利士人ê城市迦特去,chit件事被所罗门王知影,虽然示每追tńg来两个逃离ê奴隶,却hō͘家己赔上了性命。

第41到46节,所罗门王听tio̍h伊擅自离开耶路撒冷去非利士人城市迦特,因为án-ne,就派人去掠伊,并且质问伊。最后判处伊死刑,由手下大将比拿雅执行处死。

就án-ne,「所罗门完全巩固了伊ê王国」,这表示伊已经铲除了所有可能会威胁伊政权稳定ê对象。

经文:

列王纪上 3:1-3:15

注释:

Tùi第三章开始teh绍介所罗门王朝ê兴旺kah堕落ê原因。有关所罗门继位,并且铲除了所有可能威胁tio̍h伊ê气力了后,伊kah老父大卫siōng大ê无仝,就是大卫是率领以色列军队扩大疆土,hō͘外敌侵犯ê气力削弱。Á所罗门是采取异国联婚ê策略,m̄-koh这策略mā为伊带来晚年背离上帝、拜偶像ê严重错误行为,结果致使后代分裂留落来了一个远因。

Chit章是有关所罗门王真出名ê故事,teh讲述所罗门向上帝祈求智慧ê经过。Tī第三章1到15节是讲伊祈求ê经过,而tùi第16到28节是用一篇故事来形容所罗门充满智慧ê表现。

Chit段经文mā同时记载tī历代志下第一章3到12节。Tī chia,列王记作者先交带所罗门tī国家政策ê态度kah大卫大无相仝。至少,chit段经文ê起头就讲,所罗门娶埃及国王ê cha-bó͘-kiáⁿ做bó͘,chit点mā讲出伊用政治联婚ê方式,扩张政治势力,m̄-koh却mā为伊后来弃sak上帝埋落来了一个伏笔。续落来,chia讲伊对上帝真忠实不贪心,只祈求上帝赏赐hō͘伊智慧,好治理以色列国。Chit种态度hō͘上帝深受感动soah大大赐福hō͘伊。 

第1到3节,chia一开始就讲「所罗门kah埃及王结盟,娶埃及王ê cha-bó͘-kiáⁿ作bó͘」。这是一种大略上ê陈述,主要teh说明所罗门ê国家政策,采取政治联婚ê方式,建构kah邻国ê外交关系。作者tī chia用当时只有圣幕,无圣殿,因为án-ne,以色列人民lóng会tī「丘坛上献祭」。Chit-ê「丘坛」一词,表示比较高ê所在。却mā是迦南地神明siōng普遍出现ê所在。因为án-ne,用「丘坛」一词,mā隐含tio̍h以色列人民有ê时分bē清楚敬拜上帝kah拜迦南地神明ê区别。这mā是后来申命记作者一再强调tio̍h拆毁chiah-ê祭坛ê原因(参考申命记七:5、十二:3)。不过,chia而且讲所罗门「敬疼上主,遵照in父亲大卫ê训示」,可惜是伊kah-ná mā分bē清楚「丘坛献祭」kah tī圣幕献祭之间ê差别。

第4到5节,讲所罗门到「基遍献祭」,这是设tī耶路撒冷西北pêng大约十公里ê所在,chia有「siōng出名ê丘坛」,所罗门mā bat tī chia「献过成千ê烧化祭」。照历代志下作者ê观点,所罗门会去基遍献祭,原因是当时圣幕tī基遍,虽然约柜是排tī耶路撒冷,m̄-koh圣幕iáu未迁徙到耶路撒冷。真可能是为tio̍h beh建造圣殿ê缘故,并无积极迁徙圣幕。Teh献祭后ê hit暗,上帝透过「梦」向所罗门显现,问所罗门想beh上帝祈求甚么。

	第6到9节,chit段是所罗门siōng重要ê一段信仰告白。伊表示因为老父大卫对上帝「忠心、诚实,有纯真ê心」,tùi án-ne得tio̍h上帝「大施慈爱」hō͘伊。chit-má所罗门表示家己少年,上帝就赏赐hō͘伊有chit种机会继承老父大卫ê王位,伊恳求上帝赏赐hō͘伊「一粒真gâu识别ê心,ē-tàng判断是非,好治理」人民。Chia所谓「一粒真gâu识别ê心」chit句话,意思是teh指「一粒遵守上帝旨意ê心」,这mā是kui本圣经ê主要信息,希望ē-tàng确实听从上帝ê旨意。

	第10到14节,因为所罗门chit种祈求,感动上帝,认为伊无亲像一般人祈求「长寿」、「财富」,kah强大ê军事武力,只祈求「明辨ê智慧,好公正治理人民」,因为án-ne,上帝决定beh成全伊所祈求ê。而且beh赏赐hō͘伊ê智慧,是前无古人,后无来者。M̄-koh上帝mā同时提醒所罗门一定tio̍h像in父亲大卫仝款,对上帝忠实。

第15节,所罗门终其尾知影这是上帝透过梦向伊讲话,因为án-ne,赶紧koh献上「烧化祭和平安祭」表示感谢上帝ê恩典,并且排设筵席款待所有跟tòe伊去基遍献祭ê臣仆。

经文:

列王纪上 3:16-3:28

注释:

Chit段经文是一则故事,mā是teh回应á是解释前段经文所讲ê,上帝答应赏赐hō͘所罗门有聪明ê智慧,ē-tàng明确辨别是非,好公正治理人民,taⁿ果然应验ā。

第16到21节,「有两个妓女来见所罗门王,khiā tī伊面前」,这表示是一件司法案件,用来形容所罗门怎样公正地审理人民发生纠纷ê案件。当时ê社会,若人民有冤屈,thang上诉到siōng koân层次ê国王去伸冤,好ê国王会亲自审理人民案件,押沙龙就bat用诡计设法tī公开场合,表示伊ē-tàng成做一个好ê国王审理案件(参考撒母耳记下十五:1—6)。

Chit段经文讲两个妓女各生一个男婴,其中一个无小心「压死去家己ê gín-á」,却利用半暝趁另外一个iáu teh困ê时,偷换了别人ê gín-á,kā死ê khǹg tī另外一个妓女身上,kā活ê抱行。

第22节,结果chit-ê案子送到所罗门手上,两个妓女lóng吵讲,活ê gín-á是家己ê,死ê gín-á是对方ê。

第23到25节,这是所罗门所下ê判决:为tio̍h beh表示公平起见,伊认为kā这活ê mā the̍h「一把刀来」,kā它「劈成两半」,各分一半hō͘ chit两个冤家ê母亲。

第26节,这是所罗门teh试看,看甚么人真正是活ê gín-á ê母亲之方式。因为án-ne,当伊下命令beh kā活ê婴á刣死分做两半ê时,hit-ê gín-á ê母亲马上心疼表示宁可hō͘ gín-á活teh,m̄-thang刣死。因为伊原本就不是beh分gín-á,而是beh活teh ê gín-á。就án-ne伊对所罗门讲,m̄-thang刣hit-ê gín-á,「Kā伊交hō͘ hit-ê cha-bó͘人!」。M̄-koh m̄是gín-á ê母亲却kā心掠坦横,认为家己得bē-tio̍h,mā无想beh hō͘真正母亲得去。因为án-ne,表示就kā gín-á「劈成两半pah」,伊不是beh分一半,却是讲「m̄免hō͘我,mā m̄-thang hō͘伊」,chit句话清楚表示hō͘ gín-á死去无关系。

第27节,所罗门tùi两个做妓女ê母亲ê反应随时清楚知影,就án-ne下令「m̄-thang刣这chit-ê gín-á」,kā这活teh ê gín-á交hō͘ hit位主张m̄-thang刣ê母亲,因为hit-ê母亲chiah是真正母亲。

第28节,就是因为chit-ê判决,hō͘以色列人民lóng赞佩所罗门chiâⁿ实真有智慧。

经文:

列王纪上 4:1-4:19

注释:

Chit章mā是另外一种方式teh说明所罗门kā上帝赏赐hō͘伊ê智慧,运用tī伊治国ê行政事务上,作者用伊án怎任派工作内阁人员,以及分配辖区hō͘地方首长来说明伊确实是一个有智慧ê君王。

    Chit段经文thang分做两部分来看,一是第2到6节,chit部分是宫廷,mā就是所讲ê内阁大臣名单,二是第7到19节ê地区首长,mā就是chia所讲ê总督。

    第1节,「所罗门是全以色列ê王」,chit句话已经清楚说明经过宫廷斗争了后,所罗门确定已经稳tiâu政权,以色列人民mā确认伊就是in ê王,而且是一个有上帝赏赐ê智慧ê王,thang hō͘伊安心治理国家大政。

第2节,伊任命所有臣仆,就是tùi大祭司开始,表示伊tī宫廷中占有siōng重要ê角色。

「大祭司:撒督ê kiáⁿ亚撒利雅」,tùi chit句话就thang明白后来ê祭司,就是「撒督」后裔,新约福音书所记载ê「撒督该派」mā是伊ê后裔。

	第3到6节,chit段经文ê名单包括:「书记」,这kah今á日ê「幕僚长」á是「秘书长」真接近。「史官」,是teh指类似国家ê总书记,官职真koân,拥有实权。「统帅」,有ná现代ê国防部长,á是参谋总长。「祭司」,是teh指掌管宗教事务,kah大祭司位阶差真chē。「总督长」,就是掌管tùi第7节开始ê每一个区域有「总督」,chia ê总督长就是负责管理这十二个总督(第19节c句)。

    「王室顾问」,这是所罗门siōng重要ê幕僚长,类似现今ê行政院长。

    「宫仆监督」,有ná现今ê内政部长。

    「奴工监督」,这表示所罗门时代已经有「奴工」,指买来ê奴隶,á是俘虏ê奴隶。这mā表示伊bē记得祖先时代,in bat tī埃及当过奴隶。后来,sàn-chhiah ê人民卖身为奴工,这mā为伊死后,kiáⁿ罗波安teh处理北部支派贫困生活问题ê时,因为无办法体会奴工生活ê困境,结果hō͘劳工部长活活被phah死(参考十二:18)。

	第7到19节,chit段经文是十二个行政区kah总督ê名单。In主要职责是「一定tio̍h tùi所管辖ê地区供应食物hō͘王kah王ê家族;各区总督每年负责一个月」。Chit种工作就是等于今á日所讲ê负责税务稽徵ê工作。Ài beh特别注意ê是,这十二个地区并m̄是根据约书亚分配给十二支族ê方式,因为十二支族ê地区各有无仝,生产力mā就有差别。如果根据约书亚ê方式,根据大细、生产力缴纳税额,án-ne就bē有siuⁿ大问题。Taⁿ是无论大细地区,每一个行政区lóng tio̍h负责一个月ê王室费用,对比较sàn-chhiah ê地区来讲,就形成极大ê负担,chit点可能就是引起后来所罗门死后,北部族群推举耶罗波安,由伊代表去向所罗门ê kiáⁿ罗波安请求,减轻in ê税赋ê背景(参考十二:4)。结果是要求减轻税赋to̍h bē-sái得,最后变成王国分裂,实在可惜。

经文:

列王纪上 4:20-4:34

注释:

Chit段经文是teh描述所罗门因为有得自上帝特别赏赐ê智慧,因为án-ne国势非常强盛。伊m̄-nā是一位有外交能力、扩张疆域版图ê君王,而且mā是一位真有才华ê统治者,除了会做诗,会写箴言,mā ē-sái讲是以色列建立国家ê君王制度以来,siōng出色ê一位君王。

第20到21节,「犹大kah以色列ê人民像海边ê沙hiah-ni̍h chē」,chit句话已经teh表示chit段时间是上帝赐福以色列人民,hō͘ in「生湠chē-chē,遍满世界」(参考创世记一:28、十三:16、十五:5、廿二:17、廿八:14)。M̄-nā án-ne,伊ê国势强到附近所有ê族群、国家lóng来向伊进贡。

第22到23节,chit两节说明kui个宫廷ê开销确实是非常庞大,单单lim食ê需要就是真大ê负担。

第24到25节,chit两节koh一pái强调所罗门治理以色列国ê时代,人民是过丰衣足食,而且欢乐ê日子。M̄-nā án-ne,chia mā强调所罗门tī外交事务处理得非常顺利,因为án-ne,thang「kah邻国和平相处」。

	第26到28节,chit三节其实就是teh反应头前所罗门任命ê chiah-ê官员,in lóng真尽责地teh执行in被付托ê任务,hō͘伊无任何缺失。

	第29到34节,这几节经文差不多是kā所罗门hō͘神话化了,认为伊是当时全世界siōng有智慧ê君王。

经文:

列王纪上 5:1-5:18

注释:

Tùi chit章开始,直到第九章9节,chit段经文lóng是teh讲述所罗门建造耶路撒冷圣殿,以及王宫ê情景。单单tùi伊用七年时间建造圣殿,用十三年时间建造王宫,就ē-tàng想像会tio̍h花费非常庞大,mā因为án-ne埋落来后来国力衰退ê主要因素。

第五章主要是teh记载以后所罗门建造圣殿kah宫殿所需要ê建材,特别是非常贵ê木材是tùi黎巴嫩进口ê香柏树,因为有泰尔王希兰ê协助而完成建筑ê工程。

    第1节,「泰尔」,这是腓尼基ê主要港口,tī西顿ê南边约四十公里处。「希兰」王执政ê时期大约是tī主前979到945年代。伊kah大卫ê关系亲密,知影所罗门继承大卫作以色列ê王,就真礼貌地差派特使去见所罗门。

	第2到6节,chit段经文是所罗门请求泰尔王希兰协助伊建造圣殿ê工程。伊表示chit-má ê以色列国已经国势坚强,m̄惊有外国á是伊族人侵犯,kah老父大卫时代无仝款,需要不时出征。因为án-ne,伊决定建造一座圣殿敬拜上帝。伊请求希兰王协助去黎巴嫩锉香柏树,好做建造圣殿ê主要材料,而伊kā支付希兰王所订定ê工资。

    第7节,希兰王听tio̍h所罗门án-ne讲,表示「非常欢喜」,认为所罗门确实是一个真有智慧ê王。

    第8到9节,tùi chit两节thang看出泰尔王希兰是真有经验ê领袖,伊知影怎样做ē-tàng符合所罗门ê需要,mā知影该怎样kā所罗门需要ê黎巴嫩建材锉了后,用海路运送到耶路撒冷ê方式。M̄-koh伊mā清楚知影,家己ê国家所需要ê就是「食物」。

    第10到12节,这几节经文真清楚说明希兰王是一个聪明ê君王,伊知影chit款tāi-chì情一定tio̍h有正式ê协约chiah thang。希兰王因为án-ne tùi所罗门掌理下ê以色列国得tio̍h大量民生物资,包括有「两千公吨麦á kah四十万公升纯橄榄油做伊宫廷ê食物」。双方签订了「协约」,tùi án-ne「和平相处」。

	第10节chia讲「希兰照所罗门ê要求供给香柏木kah松木」,这是因为希兰王控制tio̍h黎巴嫩大部分ê土地。Á伊ê人民因为黎巴嫩多山,而且盛产这珍贵ê林木,因为án-ne真gâu伐木、制造木器以及建筑ê工程。

第13到18节,chit段经文讲出所罗门为tio̍h beh建造圣殿所用ê劳力,差不多就是全国总动员,单单是tùi以色列徵召ê工人就高达十八万gōa,若koh加上泰尔ê工人,ná实在是非常大ê人力费用。以色列付出庞大ê工资,为tio̍h beh建造súi ê圣殿,全国承担了重大ê税赋,mā为以后南北分裂埋落来了远因。

第17节chia ê「照所罗门王ê命令开凿贵重ê大石,做圣殿基石」,chit句话mā thang参考马可福音第十三章1节,门徒teh赞叹圣殿是「jōa大ê石头,多雄伟ê建筑」,虽然这已经m̄是所罗门当年所建造ê圣殿,却是主后538年,in tùi巴比伦tńg去故乡重建起来ê圣殿,m̄-koh基石kah圣殿是完全照第一pái所罗门建造ê样式重建起来ê。


经文:

列王纪上 6:1-6:14

注释:

Chit章是teh描写圣殿建造ê过程。Tī了解chìn前,先有一个概念是必要ê,就是tī大卫kah所罗门时代,in lóng想beh建造圣殿,主要原因是:圣殿kah一般神明ê殿宇仝款,主要lóng m̄是用来礼拜ê,而是beh hō͘所敬拜ê神有一个「家」thang tòa,这就是希伯来文ê「殿」字,就是「家」ê意思。Ná亲像国王有王宫,王所崇拜ê神,koh khah需要有「神宫」,观念上是án-ne ê。这mā是后来先知以赛亚传出上帝ê信息,做矫正以色列人民ê观念ê时所讲ê:「天是我ê 座位,地是我ê 脚踏椅。Lín beh kā 我起甚么款ê 厝?甚么款ê 所在是beh 做我安息ê 所在? Chiah-ê lóng 是我ê 手所创造ê,所以,chiah-ê 就lóng 有。总是,我所看顾ê,就是hiah-ê 谦卑、痛悔,kah 因为我ê 话来phi̍h-phi̍h-chhoah ê 人。(全民版)」(以赛亚书六十六:1—2)而先知以赛亚传ê chit-ê信息,已经是回乡重建圣殿完成了后,伊koh一pái警告以色列人民m̄-thang陷入迷信,认为重建圣殿完成,就ē-tàng安然无恙,若m̄是遵守上帝ê教导,照他ê旨意做tāi-chì,chit种圣殿iáu是仝款,有一工会koh再像主前586年仝款被巴比伦帝国hō͘摧毁。

Chit段经文说明整座圣殿ê基本结构,包括有三层楼高,以及整座圣殿ê寸尺大细。
第1节,chit节真重要,讲出所罗门建造圣殿ê开工日期,是tī伊登基ê第四年二月,mā是「以色列人离开埃及后ê四百八十年」。若kā chit-ê「四百八十年」ê数字,koh加上所罗门登基ê年代是tī主前966年,共计是1446年,这就kah一般学者考据以色列人出埃及大约是tī埃及第十九王朝兰塞二世ê时chūn,mā就是主前1290年左右(参考创世记四十七:11),相差真chē。因为án-ne,有kóa圣经学者认为chit-ê年代无一定是正确ê时间,只是讲出一个整数ê年代,á是「象徵」性ê数字,mā就是「 12」乘以「40」,chit两个数字lóng真有特殊意义,因为「12」表示以色列民族十二支派,「40」表示一段「tú好」ê时间,ná亲像摩西tī埃及「40」年,tī丈人叶特罗ê厝「40」年,然后受命带领以色列人民tī旷野漂流「40」年,摩西tī西奈山顶领受上帝ê诫命tio̍h「40天」等等,lóng teh表示以色列人民离开埃及kah「40」有关ê特殊意义。

因为án-ne,chia ê「四百八十年」并m̄是beh说明确实时间,这是一个「整数」,kā建造圣殿kah出埃及ê时间连结起来,主要用意teh说明建造圣殿,beh表明ê是kah上帝拯救有关。Mā用来表明:有上帝ê拯救,in chiah ē-tàng脱离奴隶ê锁枷,而成做有性命尊严kah自由ê人。因为án-ne,重要ê,不是beh去推算距离到chit-má tī toh一年。

第2到10节,chit段经文描述圣殿建筑体ê结构,大部分起来讲,圣殿是仿照会幕ê样式建造ê,是长方形,分做三个主要部分,一是至圣所、二是圣所、三是外院。包括有内部长「二十七公尺,宽九公尺,高十三公尺半」,共有三层楼高。第7节特别说明建造圣殿ê过程中,无大锤子ê声音,mā无斧头kah其他铁器ê响声,原因是所有ê「石料是tī石矿场里开凿ê」。Mā thang án-ne讲,建造圣殿ē-tàng听tio̍h ê,是只有锯木材ê声音,kah工人搬运建材ê声音。 

第11到13节,chit段经文koh一pái说明kui个以色列民族迈向自由ê一个基本信念:就是beh以色列人民一定会遵守上帝ê律法诫命。只有án-ne,chiah ē-tàng hō͘上帝kah以色列民族连结做伙。相对ê,若是弃sak上帝,无遵守上帝ê律法诫命,就算有koh再坚固ê圣殿,mā是枉然。因为ná亲像先知以赛亚所讲ê,上帝并不住tī人ê手所建造ê厝里。上帝是kah遵守他ê教导ê人同在。

第14节,「所罗门起殿已经完成。(全民版)」chit句话是一种概略ê讲法,表示头前讲述ê圣殿外型结构体,就是照ná方式建造起来ê。

经文:

列王纪上 6:15-6:38

注释:

Chit段经文是teh描述圣殿ê内部。

    第15到18节这几节是讲tio̍h「圣殿内墙」部分,tùi地板到天花板,全部lóng是用「香柏木」,地板全部lóng用「松木」。Án-ne,整座圣殿ê内部就看bē-tio̍h石头。

第19到22节,chia特别提起关系至圣所ê部分,因为是beh安放约柜ê所在,所有墙壁lóng用「纯金」贴起来。

第23到28节,chit段经文是关系约柜ê盖子部分,雕刻有两个「基路伯」,这基路伯就是天使。有两只翼股,mā lóng是用金子包裹起来。

第29到30节,chit两节讲圣殿内部kah至圣所ê地板,lóng贴上黄金。

第31到35节,圣殿ê入口所在ê门上、墙壁顶lóng有雕刻tio̍h基路伯,mā有雕刻tio̍h棕树、花朵,chiah-ê lóng是用金子包裹起来。

    第36到38节,tùi建造奠基日ê所罗门在位第四年二月,到chit-má完工是伊在位第十一年八月,án-ne共计用了七年六个月ê时间。所用ê建材súi,品质lóng是上上之选。

经文:

列王纪上 7:1-7:12

注释:

Chit章主要是teh描述所罗门建造圣殿了后,续落来就是建造王宫ê情形。特别tio̍h注意ê是,所罗门花七年六个月ê时间建造圣殿,却用加出接近一倍ê时间,mā就是十三年chiah完成王宫ê建造,thang想像知影所花ê费用kah人力koh-khah重。这mā暗示了,建造王宫比圣殿iáu重要。

	Chit段经文是描述有关所罗门建造王宫ê情形。
    第1节,chit段经文起头就讲所罗门「起家己ê 厝,用十三年厝chiah 起好(全民版)」,表示时间是比圣殿差不多加出一倍,因为án-ne,tùi圣殿到王宫完成,共计花费二十年时间。M̄-koh有一种讲法,是圣殿kah王宫同时进行,不过chit种可能性应该无koân。

	第2到5节,chia有特别提起「黎巴嫩林宫」,意思是teh指王宫里举办典礼用ê大厅,因为全部lóng是用香柏木建造,因为án-ne koh称做「黎巴嫩林宫」。

	第6到7节,chia有所罗门专用ê审判案件ê所在,称 为「审判厅」,头前有一个行廊大道thang通这审判厅。

	第8节,tī审判厅ê后面,就是王宫,同时伊mā为所娶ê埃及公主(参考三:1)建造特有ê宫室。

    第9到12节,chit段经文描述王宫ê基地所采用石头,lóng是经过精工细凿而成,kah圣殿所用ê石头是仝款材质。

经文:

列王纪上 7:13-7:51

注释:

Chit段经文描述为tio̍h建造完城ê王宫之内部装饰,所罗门iáu特别派人到泰尔去chhōe名匠来帮忙,mā thang看出所罗门对这王宫ê重视。

	第13到14节,chia绍介所罗门派人去泰尔chhōe-tio̍h一位有名ê工匠名叫「户兰」,伊是一个专门铸造铜器ê名匠。Tùi历代志下第二章11到14节知影伊ê母亲是以色列人,老父是泰尔人。户兰是一个「非常聪明koh有经验ê名匠」。所罗门特别聘请伊「监督所有ê铜器工程」。

    第15到22节,chit段经文是关系户兰铸造两条铜柱,并且kā它「立tī圣殿ê进口」处,其中一支称做「雅斤」,意思是上帝建立ê。另外一支称做「波阿斯」,一是teh指「tī上帝内面就是力量」。

    第23到26节,chit段经文是关系制造铜海ê情景。所谓「铜海」,意思是teh指用来装水ê容器。Tī历代志下第四章6节有说明,这是提供给祭司洗涤in ê手、脚,甚至是衫裤。Chit-ê容器真大,ē-tàng装「四万公升」ê水。有十二只铜牛环绕tio̍h chit-ê铜器。

	第27到39节,chit段经文是户兰做十个thang移动ê铜盆座,chia特别强调座脚、镶板、座身、轮轴等lóng是用kui块ê铜铸成ê。这表示铜座是非常坚固,无可能折断。会铸造chit种铜座,主要目的是thang移动。Chit-ê thang khǹg tī铜座上ê铜盆,thang容纳八百公升ê水。M̄-koh tùi khǹg ê位置来看,却是固定排,并m̄是为tio̍h beh移动之需。

	第40到47节,chit段经文记载户兰为圣殿所铸造ê一切物件,作者kā它列出一份清单,tú好说明户兰确实是一位真有学问而且手艺高超ê工匠。因为数量确实siuⁿ chē,所以无kā户兰铸造出来ê chiah-ê铜器hō͘ in秤重。

	第48到51节,所罗门koh另外请人为圣殿制造金器,包括有金坛、供饼ê桌á、十个灯台、碟á、盛火炭ê盆子、至圣所门上ê门钮,kah圣殿ê外门等,lóng是用金子制造ê。然后,所罗门kā大卫献hō͘上帝ê金银kah其他器物lóng khǹg tī圣殿ê库房里,chiah-ê物件绝大多数lóng是战利品(参考撒母耳记下八:7—12)。


经文:

列王纪上 8:1-8:13

注释:

Chit章主要是记载有关迎接约柜进入圣殿ê至圣所情形,mā就是完成建造圣殿ê主要目的,因为in认为上帝是kah约柜同在。当kā约柜安放妥当了后,所罗门带领所有ê以色列人民khiā tī祭坛前,向上帝祈祷,然后chiah举行奉献圣殿大典。

    Chit段经文是有关运约柜进入圣殿ê情景。

    第1到2节,所罗门召集「所有以色列ê众长老kah各支族个宗族ê族长到耶路撒冷」,然后选tī Tòa棚节ê时chūn举行奉献圣殿ê大典。

	第3到5节,chit项扛约柜ê重责是交由祭司负责,iáu包括圣幕,kah圣殿用ê一切器皿lóng搬进圣殿里khǹg妥当。因为这是一项重大ê典礼,所以各支族所奉献ê牛羊等牲祭,是「加得tio̍h无法度计算」。

	第6到8节,约柜khǹg tī有基路伯ê雕像下底,这两座基路伯ê翼股tú好ē-tàng遮kui个约柜。

	第9节,chit节讲约柜内面只khǹg tio̍h「两块石版,无其他物件」,这两石版是上帝颁布hō͘摩西转hō͘以色列人民知影ê诫命(参考出埃及记三十四:28)。这两石版mā teh表示上帝kah以色列人民立约ê记号。Koh讲,kā上帝ê约柜迎接入耶路撒冷圣殿,mā表示以后ê圣殿成做以色列人民新ê宗教中心。

不过,希伯来书ê作者讲约柜内面除了放tio̍h两块写tio̍h十诫ê石版外,iáu放tio̍h「贮满吗哪ê金罐,koh有亚伦ná根发过芽ê拐á」(参考希伯来书九:4)。

    第10到11节,chit两节thang参考出埃及记第十六章10节、第廿四章15到17节等等,lóng是teh表明上帝显现ê时ê光辉。这表示上帝确实kah跟tòe约柜,它khǹg tī tó位,上帝就tī hia。

	第12到13节,所罗门一看见这景象,随时唱诗歌颂。第12节是引用诗篇第十八章11节、第九十七篇2节等等诗人ê观念,表明上帝通常lóng bē直接显示他ê光芒,lóng是隐藏tio̍h,hō͘人看bē-tio̍h,m̄-koh他却ē-tàng看见人。M̄-koh chit-má,因为所罗门已经kā圣殿盖好,而且kā约柜搬进了至圣所ê所在,上帝就tī chit时显示他ê光辉,因为án-ne,tī所罗门看起来这表示上帝已经接纳所罗门所建造ê圣殿,而且「愿意」khiā起tī圣殿里。伊祈愿上帝「永远khiā起」tī chit圣殿里。这mā是后来以色列人民一直存在ê观念:有约柜tī teh ê所在,等于有上帝同在。M̄-koh siōng重要ê基本前提是:hiah-ê人真正忠实tī上帝所颁布ê律法诫命。因为约柜内面khǹg两块法版,就是beh表明chit-ê意义。

经文:

列王纪上 8:14-8:21

注释:

Chit段经文是所罗门对以色列全体会众所讲ê话,这mā是一种奉献圣殿ê宣告词。

    第14到16节,虽然chia讲是所罗门为以色列人民向上帝祈福,其实,是伊teh代表以色列人民向上帝告白建造圣殿ê目的,这mā等于是teh向以色列人民宣告建造圣殿ê用意。伊说明上帝确实是「信守」应允ê神,koh讲,伊藉chit-ê机会mā向以色列人民说明,上帝亲自拣选伊ê老父大卫来统治以色列人民。

	第17到19节,所罗门表示m̄是家己想beh建造圣殿,却是in父亲大卫原本就想beh建造圣殿,m̄-koh上帝无答应大卫建造,而是beh大卫ê「kiáⁿ」来建造。

	第20到21节,所罗门强调上帝信守应允,chiah hō͘ chit间圣殿thang顺利建造完成。Á伊mā kā代表立约记号ê约柜安置tī圣殿ê至圣所里,tī约柜内面有kah上帝立约ê石版。

经文:

列王纪上 8:22-8:53

注释:

这是所罗门ê一篇祈祷文,主要是teh祈求上帝祝福以色列人民。Tī chit段祈祷文中,伊主要提出七点:祈求上帝继续带领以色列人民(第25到30节);祈求上帝作in ê审判者,hō͘ pháiⁿ人无法度逍遥法外,好人得tio̍h他ê垂怜(第31到32节);恳求上帝赦免忏悔ê以色列人民,hō͘ in tùi敌人手中ē-tàng tńg来(第33到34节);祈求上帝眷顾以色列人民khiā起ê土地有甘霖(第35到36节);hō͘以色列人民tī chit块土地顶面会得thang安居,免除灾祸(第37到40节);mā为外族人祈求上帝ê赐福(第41到43节);祈求上帝帮助以色列人民tī战争中得胜(第44到45节);为得罪上帝,á是被俘虏ê以色列人民祈祷(第46到51节)等。

第22到24节,这是歌颂上帝确实信守kah以色列人民所立ê约。伊讲上帝所应允ê每一件事,lóng有实现。

第25到26节,所罗门祈求上帝,他bat应允老父大卫,讲伊后代kiáⁿ孙若lóng会顺从上帝ê命令,in就永远作以色列ê王,希望chit项应允lóng会实现。

第27到30节,虽然圣殿并m̄是ē-tàng hō͘上帝khiā起得下,m̄-koh祈求上帝ē-tàng垂听伊kah以色列人民tī-chia圣殿ê祈祷。祈求上帝日夜看顾这间圣殿,hō͘伊成做名符其实ê祈祷殿宇。

第31到32节,祈求上帝成做以色列人民ê审判者,hō͘作恶ê人会受tio̍h应该得tio̍h ê惩罚,hō͘被冤枉ê人会得thang得tio̍h伸冤。

第33到34节,如果以色列人民得罪上帝而被敌人phah败,被俘虏伊去。若是in悔改认罪,祈求上帝赦免、怜悯,并且chhōa in tńg来chit块上帝所赏赐ê土地。

第35到36节,若是以色列人民因为得罪上帝,致使发生干旱ê时,若是in知影悔改认罪,恳求上帝赦免in ê罪,并且教导in行正确ê道路,koh一pái落雨tī in所khiā起ê chit块土地顶面。

第37到40节,如果有发生大灾难,á是饥荒、瘟疫等等,甚至被敌人包围,chit时,若有人tùi心内发出真实哀求ê声音,恳求上帝会垂怜,照in各人应得ê赏赐hō͘ in,án-ne,以色列人民就会知影敬畏上帝。

第41到43节,如果有外族人听tio̍h上帝奇妙ê作为,而愿意向上帝祈求ê时,恳求上帝mā会垂听这外族人ê声音,án-ne,全世界ê人就lóng认bat真神上帝,知影敬畏上帝,并且知影这圣殿就是敬拜上帝ê所在。

第44到45节,若是因为上帝旨意而出征,恳求上帝会保守in,hō͘ in tī战场上ē-tàng得胜。

第46到到51节,若是以色列人民得罪上帝,而被phah败并俘虏到异乡去,若是in知影悔改认罪,恳求上帝ē-tàng因为in真心悔改而赦免in,垂听in ê祈祷,hō͘俘虏in ê人生出慈悲ê心好款待in。

以上chiah-ê祈祷,lóng有一个共同中心点:以色列人民无论tī tó位,只要in是向圣殿祈祷,期待上帝会垂听,并且伸出救助ê手。换句话讲,chit座圣殿就是上帝khiā起ê所在,而且上帝kah以色列人民立约ê记号,是一座实实在在用来祈祷ê殿宇。

后来,先知以赛亚tī以色列人民tùi巴比伦被tháu放回乡了后,伊就一再强调重建起来ê圣殿,应该是「称做万民祈祷ê殿」(参考以赛亚书五十六:7)。M̄-koh tī耶稣ê时代,圣殿反tńg因为hiah-ê虚假ê宗教领袖,变成耶稣所谴责ê「贼窝」、「市场」了(参考马太福音廿一:13,马可福音十一:17,路加福音十九:46,约翰福音二:16)。

    第52到53节,所罗门向上帝祈求永远看顾以色列人民,因为in是上帝tùi万民中拣选出来ê子民。

经文:

列王纪上 8:54-8:66

注释:

Chit段经文是所罗门继续向上帝祈求赏赐恩典hō͘以色列人民,mā同时劝勉所有以色列人民tio̍h对上帝忠实,遵守上帝ê律法诫命。然后,就tī守Tòa棚节ê节期活动,举行庆祝圣殿ê落成。

第54到55节,所罗门跪tio̍h向上帝祈祷后,转向所有以色列人民,koh一pái向以色列人民宣告,mā是一种信仰告白ê方式。

第56到57节,伊kā以色列人民讲,m̄-koh愿上帝永远kah以色列人民同在,m̄-thang弃sak in,ná亲像过去kah in祖先同在仝款。

第58到59节,伊祈愿以色列人民真正会遵守上帝颁布hō͘以色列人民祖先ê律法诫命,并恳求上帝会记得伊今á日ê祈祷,每工赐福hō͘以色列人民。

第60到61节,伊祈愿m̄-nā是以色列人民知影这世间只有一位上帝,无别ê神,mā期待所有ê以色列人民lóng会对上帝忠实。

第62到64节,这是以色列人民为圣殿举行「奉献礼」,所奉献ê牲祭数量之多,包括「两万两千头牛kah十二万只ê羊作平安祭」,这数目是非常chē。以色列人民用chit种方式来表示in对上帝无限ê感恩。

第65到66节,因为所罗门召集各宗族kah支派ê代表到耶路撒冷集会ê时间,就是tī Tòa棚节(参考第2节),chit节期前后共计八天,因为án-ne,就tī kui个节期结束ê时,大家lóng高欢喜兴地tńg去厝里。

经文:

列王纪上 9:1-9:9

注释:

Chit章thang分做三个部分来看,第一部分是第1到9节,上帝回应所罗门建造圣殿ê用心,第二部分是第10到14节,提起有关所罗门因为大兴土木工程兴建圣殿kah王宫,m̄-koh却mā因为án-ne负债真chē,结果因为付bē出工资,只好割hō͘二十座城。第三部分是第15到28节,chit段经文讲述所罗门怎样使用国内ê奴工进行chiah-ê大工程ê工作,并且成立一支海军。Á顶面所讲chiah-ê段落ê经文记事,mā lóng分别记载tī历代志经册中。

Chit段经文是上帝回应所罗门完成圣殿建筑ê祈祷kah奉献,mā记载tī历代志下第七章11到12节。Tī chit段经文中,thang清楚看tio̍h真正重要ê m̄是tī富丽堂皇圣殿ê建筑,koh khah m̄是奉献ê chē少,siōng重要ê是「诚心诚意地事奉上帝,并且遵行他ê旨意」,án-ne chiah是siōng基本ê。

第1到2节,这是上帝第二pái向所罗门显现,时间是tī伊建造圣殿kah王宫了后。因为tī圣殿完成ê时,所罗门有举行奉献典礼,并且祈求上帝赐福。因为án-ne,chit pái上帝ê显现,是kah伊tī奉献ê时ê祈祷有密切关系。

第3到5节,上帝真清楚kā所罗门讲,他已经听tio̍h所罗门ê祈祷,并且接纳圣殿做敬拜ê场所,因为án-ne,会庇护chit间圣殿。M̄-koh有条件:所罗门一定tio̍h像伊ê老父大卫仝款,「诚心诚意地事奉」上帝,并且「遵守」上帝ê律法诫命,上帝就会继续照顾伊kah伊ê后代。

第6到9节,chit段经文ê内容是相对tī上段经文所提起ê事。上帝先表示他一定会遵守对所罗门ê老父大卫下ê诺言,就是伊ê后裔会继续统治以色列。M̄-koh若是所罗门kah伊ê后代不顺从上帝,m̄遵守上帝ê律法诫命,去拜别ê神明,m̄-thang讲想beh保护圣殿kah王宫,连in所khiā起ê土地,lóng会被外族人hō͘占领,in会hō͘人驱逐出去,in会hō͘人讥笑、嘲讽。

其实,chit段经文有bē少圣经学者认为是tī亡国了后,in tī巴比伦做奴隶ê时所做ê信仰反省有ê结语。In就是因为弃sak上帝,结果是国家被灭亡,人民hông掠去做奴隶,hō͘人嘲讽讥笑讲,in ê上帝无koh疼in,mā不庇护inà。

经文:

列王纪上 9:10-9:14

注释:

Chit段经文讲述所罗门tī推动大工程ê工作,以及付出ê国库代价非常高。仝款ê chit段记事,mā记载tī历代志下第八章1到2节。

第10节,chia讲所罗门「用了二十年ê时间建造圣殿kah王宫」,这二十年中间,有七年是建造圣殿(参考列王记上六:38)。Án-ne,建造王宫等于用了十三年时间,接近建造圣殿ê一倍,thang想像会tio̍h王宫ê富丽、奢华khah赢过圣殿。

第11节,chia讲希兰王供给hō͘所罗门建造圣殿kah宫殿所需要ê黎巴嫩香柏木kah松树,而根据第五章11到12节ê记载,所罗门beh给付hō͘希兰王ê,是每年「两千公吨麦á kah四十万公升ê纯橄榄油,做伊宫廷ê食物」,而且这是一项有签订合约ê国际关系。chit-má却变成所罗门kā「加利利地区ê二十座城hō͘了希兰」,有chit种解释,认为并m̄是「hō͘」,却是做抵押,因为tī历代志下第八章1到2节án-ne记载讲:「到二十年ê 年尾,就是所罗门起上主ê 殿kah 王宫完工ê 时。所罗门koh 起希南所 hō͘ 所罗门 hiah-ê 城,hō͘ 以色列人tòa tī  hia 。(全民版)」án-ne读起来,kah-ná所罗门后来有钱了,iáu清债务,希兰王kā chit二十座城镇送还hō͘所罗门。

不过这已经真清楚说明一件事:建造圣殿kah宫殿,确实是耗费了所罗门治理之下国家ê财力。

第12到13节,希兰王巡视了加利利二十座城了后,对所罗门表示真不满意,原因是hiah-ê城是贫瘠ê。M̄-koh却mā thang看出因为这两项工程,致使所罗门国库枯竭,无法度付hō͘希兰王所需要ê食物,因为án-ne,改由kā chit二十座城当做酬劳。引起希兰王ê不满。不过,因为所罗门ê国势甚强,希兰即使不满意,mā m̄敢siuⁿ过表露,因为伊iáu是需要所罗门ê贸易合作(第26到28节)。

第14节,chia特别强调为tio̍h beh建造圣殿kah王宫,希兰王差不多付出约四千公斤ê金子,这mā是真大ê代价。

经文:

列王纪上 9:15-9:28

注释:

Chit段经文描述所罗门利用奴工整建真chē城邑,chiah-ê奴工lóng是tī战争中所俘虏ê,这mā是伊tī大臣内阁中设有「奴工监督」(参考四:6)ê原因。因为人数实在是siuⁿ chē,为tio̍h便tī管理之故而设置chit-ê部会首长,监督所有ê「监工」。

Koh讲,chit段经文路尾mā提供了一则真重要ê讯息,就是所罗门透过希兰王ê协助,建构了一航海舰队,chit对以色列国ê发展有真重大影响。

第15到16节,因为大卫开始,耶路撒冷就成做以色列国ê首都,因为án-ne,加强安全是非常重要ê防御工作。所罗门徵召劳工建造耶路撒冷城墙,mā同时整建几个重要ê城邑,包括有「夏琐、米吉多,kah基色」等城镇。夏琐chit-ê城,thang当做北部ê防卫城市,米吉多用来防卫西部,而且基色是thāng防卫南部ê城邑。

第17到19节,所罗门继续进行防卫工程,chiah-ê防卫m̄-nā用tī军事武力上,而且用tī民生物资ê储存工程上,这mā是伊真聪明ê所在。

第20到23节,chit段经文说明所罗门大兴土木工程ê另外一个背景,就是利用大批奴工来进行chit项工作,而chiah-ê奴工lóng是战俘,因为án-ne,thang节省真chē工资。Chiah-ê战俘包括有「迦南人」、「亚摩利人、赫人、比利洗人、希未人,kah耶布斯人」等,chiah-ê lóng是tī迦南地ê原住民族。为tio̍h管理chiah-ê奴工,伊iáu设置「五百五十名监工」teh管理in。

第24节,chit节有两种看法,一是埃及王ê cha-bó͘-kiáⁿ,mā是所罗门特别喜爱ê bó͘,所罗门为tio̍h表示对伊特别ê疼,为伊建造新ê王宫,是离开耶路撒冷城ê一座行宫。二是所罗门会án-ne做,mā teh表示耶路撒冷是上帝ê圣城,m̄准有外族人ê宫殿tī其中。M̄-koh这mā表示,当chit位埃及bó͘ beh献祭hō͘她ê神明ê时,tī耶路撒冷城外ê后宫中,就无人看见,而所罗门就tùi chia开始渐渐弃sak了上帝(参考十一:4)。

第25节,chia提起所罗门「一年三pái tī伊为上主建造ê祭坛顶献烧化祭和平安祭」,chit三pái应该是teh指Pôaⁿ过节、五旬节、Tòa棚节等等。

第26到28节,chit段经文真重要,说明所罗门为tio̍h扩张国家ê活动疆域,伊请希兰王替伊训练一支航海队伍,chit支队伍thang航行到阿拉伯半岛ê南部「俄斐」ê所在,这支航海队伍,mā为所罗门带tńg来了大约「一万四千公斤金子」,表示得tio̍h koh-khah chē ê利益。

经文:

列王纪上 10:1-10:13

注释:

Chit章thang分做两个段落来看;第一段是第1到13节,描写所罗门ê智慧远近驰名,大家lóng想beh来kah伊学习。Chia绍介一位女王示巴,因慕名而特别远tùi非洲来kah所罗门认bat、学习。第二段是绍介所罗门ê财富,mā讲出tī伊执政下,以色列国势到à siōng颠峰ê时代。

这是一段非常顶港有名声下港有出名ê故事,mā同时记载tī历代志下第九章1到12节。Chit段有关示巴女王访问所罗门ê事,连耶稣基督tī教示ê譬喻中,mā有提起(参考马太福音十二:42),就thang知影chit件事tī以色列人中非常广传。比较受争议ê是,真正有「示巴」女王chit-ê人mah?怎样可能千里迢迢去访问所罗门,只是为tio̍h beh测试伊ê智慧?tī创世记第十章28节,提起闪族ê后裔中,有「示巴人」。Tī约珥书第三章8节mā提起「远方ê示巴人」。有kóa圣经学者认为「示巴」,就是设tī阿拉伯西南部ê所在,今á日ê叶门国境内。当时是一个tī商业、文化上lóng真发达ê国家,tùi伊所带ê礼物kah随从之多,thang看会出伊ê国家tī经济发展上是非常bē-bái ê。因为án-ne,有kóa学者认为伊来访问所罗门,正是kah通商有关。

第1到5节,chia真清楚看tio̍h所罗门因为tī上帝赏赐ê智慧治理之下,国势日蒸有盛名,真chē慕名而来ê访问者,「示巴女王」就是其中之一。其实,示巴女王来访问,并无纯粹是想beh了解所罗门到底有甚么特别ê智慧,tùi伊ê随从所带来ê大批物件,就ē-tàng看出这是一chōa附带贸易谈判ê事务。当然示巴女王mā tùi所罗门建造ê圣殿、宫殿等,lóng看tio̍h一个全新ê以色列国之国势强大,而知影以色列国已经kah过去士师时代,不时被外族人侵犯ê时代,已经大无相仝。

第6到9节,chit段经文是示巴女王对所罗门ê o-ló。其实,这mā是一段真典型ê国际礼仪中赞誉外交国领袖ê官方话语。第9节记载示巴女王位所罗门祈福ê话,并无表示伊mā相信上帝,却是因为古代ê人相信每一位国王lóng是kah其所信ê神ê气力有关。伟大ê君王往往被譬喻为「神」。示巴女王tī o-ló赏赐恩典hō͘所罗门ê上帝ê时,其实就等于是o-ló所罗门。

第10节,tùi示巴女王送hō͘所罗门ê礼物,mā看会出伊ê国家mā不弱,chit点tùi伊送「四千公斤中ê黄金」hō͘所罗门就thang看出来。

第11到12节,chit段thang连连tī第九章28节后面。希兰王照约束kā贵重ê「檀香木」运送到以色列来,供应所罗门建造圣殿kah王宫ê路用,同时iáu有真chē「珠宝」。其实,作者kā chit两节编撰tī chia,mā有一个用意,beh表示就tī示巴女王造访所罗门ê时chūn,希兰王ê船队mā照约束来到以色列,hō͘示巴女王大开眼界,说明所罗门tī外面交上ê能力。因为伊所看tio̍h ê是hit种贵重ê檀香木,hiah-nih-chē珠宝,以及高等ê建材等等,chiah-ê lóng ē-tàng显示一个国家ê富强。

第13节,chit节讲所罗门mā tńg来赠礼物hō͘示巴女王,虽然chia并无列出礼物ê内容,m̄-koh贵重是想像会tio̍h ê。作者用一句「凡是示巴女王要求ê」,所罗门「lóng hō͘她」。

经文:

列王纪上 10:14-10:29

注释:

Chit段经文是描述所罗门ê财富之多,用一句简单ê话,就是富thang敌国。Chit段记事mā记载tī历代志下第九章13到28节。

第14到15节,chit两节讲出所罗门每年tùi各种无仝管道进帐ê财富就非常可观。Chia讲tio̍h每年tùi各地收tio̍h ê黄金就高达「两万三千公斤」,这数目teh表达并m̄是字面上ê数字,却是象徵性ê数目,表示非常ê富裕,收入真丰富ê意思(原文是用「六百六十六伊连得」),因为古代「伊连得」表示ê是重量,这重量tī无仝ê地区á是ê时空,有无仝ê等值。Iáu有商人「缴纳ê税金」、「贸易所得ê利润」,加上附近国家诸侯「进贡ê礼物」,kah以色列各区域「总督ê贡礼」等,chiah-ê lóng tī说明所罗门收入之多,差不多是无法度估计数算。

第16到22节,chit段经文thang看出所罗门因为太富裕,所以mā开始过奢华ê生活,而chit段经文mā为tio̍h伊后来败坏生活ê留落来一个伏笔。Koh讲,值得注意ê是tī第21节讲「tī所罗门时代,银á无算贵重」,这表明tī伊时代,黄金已经成做贵重ê金属物件,价值已经高过银á。M̄-koh银á iáu是当时普遍ê贵重货币基础。Tī新约时代,耶稣基督ê譬喻中,iáu是继续用银á ê价钱讲譬喻(参考马太福音二十:2、10,路加福音十五:8)。Á第22节回应了第九章26到28节,希兰王替所罗门建造ê一支远航船队,hō͘以色列ê商业贸易兴旺起来,mā thang看出当时ê船只制造技术已经非常进步。

第23到25节,富裕ê国家、王室,即使tī今á日mā是人人羡慕,想beh攀结ê对象。

第26到27节,所罗门m̄-nā tī经济、商业贸易上非常用心,tī国防上mā是m̄放松。伊知影ài有富裕ê商业经济动力,mā一定tio̍h有坚强ê国防做基础。古早时,国kah国之间ê关系,往往是看军事武力强弱;强国扩展贸易真紧,相对ê,弱国往往tú-tio̍h到剥削。想保护贸易线ê畅通,就一定tio̍h有坚强ê军事武力作后盾。

第28到29节,tùi chit两节thang看出所罗门时代,以色列m̄-nā是一个通商大国,mā是一个货物转运中心,这mā表示以色列就是kui个中东地带ê枢纽。

经文:

列王纪上 11:1-11:13

注释:

圣经一再提起,对人siōng大ê诱惑,就是财富。有财富,就一定tio̍h koh khah小心。若是无坚定ê信仰做基础,真紧to̍h会弃sak上帝,结果就是遗祸到下一代kiáⁿ孙。耶稣bat提醒讲,一定tio̍h tī上帝kah财富之间作一个明确选择(参考马太福音六:24),这m̄是无原因ê。因为伊看出人性ê软弱。以色列人民会弃sak上帝,主要原因mā是因为tī迦南过富裕ê物质生活所致。

Chit章真清楚讲出过去反对所罗门统治之下ê仇敌,开始利用所罗门荒废政事ê时,起来反抗伊,造成以色列人民ê不安,而北部ê族群mā因为án-ne开始思考独立伊去ê运动萌芽起来。

Beh解读所罗门弃sak上帝ê原因,á是解释所罗门死后王国分裂ê原因真chē,包括伊是大卫犯奸淫罪所生ê kiáⁿ;m̄是上帝亲自差遣先知膏立ê国王等等,chiah-ê lóng thang讲是所罗门虽然开创了以色列王国ê帝业,却mā为伊死后ê分裂带来暗伏ê远因。Chit章ê作者提供另外一个观点:所罗门无遵守上帝ê话,伊娶外邦ê cha-bó͘-gín-á做bó͘,致使对上帝忠实ê信仰丧失,是伊弃sak上帝ê主要因素。伊总共娶一千个cha-bó͘-gín-á做bó͘,大多数lóng是外邦ê cha-bó͘-gín-á,这lóng tī说明一个重要ê讯息:伊ê政治婚姻是为tio̍h图谋政治利益而结婚,m̄-koh却无kā上帝ê话khǹg tī心中。真正hō͘一个国家ē-tàng安定ê,m̄是单靠政治ê气力,而是beh有谦卑ê心灵忠实tī上帝ê话。因为若是无上帝ê话语做基础,就bē有上帝ê赐福,连带ê就无安定ê日子thang期待,chit点是圣经ê作者一再khah强调ê。

第1到3节,除了娶埃及国王ê cha-bó͘-kiáⁿ做bó͘,所罗门koh娶赫人、摩押、亚扪、以东,kah西顿ê cha-bó͘-gín-á等做bó͘,这明显违背摩西律法ê规定(参考申命记七:3—4)。而且伊m̄是只有娶几个而已,却是因为富裕到「娶七百个公主,此外iáu有三百个妃嫔」,这等于teh暗示伊开始过穷极奢华ê生活,甚至是荒淫无度à。当然chit种行为mā是违背摩西律法ê规定(参考申命记十七:17)。

第4到6节,结果chiah-ê妃嫔「引诱伊去拜别ê神明;伊无亲像in父亲大卫hit种一心忠于上主—伊ê上帝」。Á tī伊奉献圣殿hō͘上帝ê祈祷后,上帝回应伊ê祈祷中,真清楚告诫伊,讲如果伊弃sak上帝去拜偶像,上帝mā会弃sak伊kah伊ê人民,hō͘ in被邻国ê人民讥笑,人民受掠伊去(参考列王记上九:6—9)。M̄-koh所罗门显然已经bē记得上帝ê话,伊ê chit种行为mā为以色列人民后来败坏留落来pháiⁿ ê模样kah害。

第7到8节,chit两节说明所罗门去拜偶像神明ê证据,就是伊iáu为所有ê妃嫔建造in原本tī故乡所拜ê神明之祭坛,换句话讲,所罗门m̄-nā家己对上帝无够忠实,甚至iáu因为án-ne kā偶像神明ê祭拜行为引进以色列,hō͘以色列人民mā tòe学样去做,án-ne chiah是siōng大ê败笔。

第9到10节,chia真重要ê,是上帝为tio̍h beh阻止所罗门不要犯chit种siōng令上帝痛心ê事,上帝iáu特别向伊显现「两pái」,「命hō͘伊bē-tàng拜别ê神明,m̄-koh所罗门无听从上主,反tńg弃sak了」上帝,这是非常可惜ê事。

第11到13节,chit段经文是上帝对所罗门chit种m̄听苦劝所讲ê话。上帝决定采取惩罚ê行动,beh「夺回」所罗门治理ê以色列国,chia ê「夺回」一词,是teh指「撕成碎片」ê意思,意思就是分裂。M̄-koh chit件事bē tī伊有生之年出现,会tī伊死后发生。原因是上帝看tī他忠实奴仆大卫ê缘故。作者tī chia强化第11节所讲ê,所罗门是「故意」弃sak kah上帝ê约。圣经讲做一个人「故意」弃sak上帝ê时,已经有含「亵渎」ê意思。Mā就是明明知影he是bē-tàng ê事,却偏偏去做,就等于是侮辱上帝ê神圣仝款。

经文:

列王纪上 11:14-11:25

注释:

Chit段经文记载两个所罗门ê仇敌ê记事,一是以东王哈达,二是叙利亚王利逊。Chiah-ê lóng tī说明上帝ê惩罚并无会随时出现,m̄-koh却会tī不知不觉ê中间,tī背逆者ê身上发生。

Chit段经文有关以东王哈达ê记事,mā thang参考撒母耳记下第八章13到14节,有记载大卫战胜了以东,并且hō͘以东臣服tī伊ê统治下。chit-má则讲以东王哈达成做所罗门头壳痛ê人物,因为伊想beh「复仇」,后来一直到犹大王约兰ê时代,mā就是大约主前849到842年间,以东得tio̍h独立ê机会(参考列王记下八:20)。讽刺ê是,伊kah所罗门mā有姻亲关系(参考三:1),chit-má却成做死对头。包括后来逃到埃及去避难ê耶罗波安,以及对所罗门有敌意ê领袖lóng tī埃及ê庇护之下,这mā就说明一件重要ê事实:单靠政治手段――即使是婚姻ê方式,beh走chhōe永久ê和平、繁荣是无可能ê,除非有上帝ê赐福kah保护。Chit-ê认bat即使tī今á日ê世界mā是仝款。

第14到18节,chit段经文补充了撒母耳记下第八章13到14节ê记事,说明大卫统治了以东了后,派军进驻以东。Chia soah讲是hō͘派去驻军tī以东ê是约押,伊tī以东驻军六个月,m̄-koh用真残酷ê手段残杀以东ê cha-po͘人。哈达是王室ê后裔,伊会得thang逃脱到埃及去避难,并且得tio̍h埃及王hō͘ in ê政治庇护,供给伊生活上所有ê需要。

第19到20节,chit两节讲埃及王m̄-nā hō͘ in以东ê哈达王储庇护,koh kā家己ê小姨嫁hō͘哈达,án-ne,哈达kah所罗门仝款lóng是埃及王ê kiáⁿ婿,身分lóng仝款。M̄-koh两人却是有非常大ê冤仇。

第21到22节,大卫往生,约押mā往生,这两消息对哈达来讲是非常重要ê。因为至少tī伊看起来,所罗门kah伊lóng是埃及王ê kiáⁿ婿,必定m̄敢随便对伊出兵。Koh讲,伊tī埃及chit段时间,mā培养了真chē实力。因为án-ne,伊向埃及请求tńg去以东,准备ài对抗以色列。

第23到25节,chit三节记载另外一位反抗所罗门ê仇敌,就是叙利亚ê以利亚大ê kiáⁿ利逊。伊ê事件背景thang参考撒母耳记下第八章3-8节,就thang知影叙利亚臣服tī大卫ê时代背景。

Tī所罗门iáu活teh ê时代,并无lóng真太平,至少哈达带领以东、利逊带领大马士革对以色列进行搅扰,hō͘所罗门真oh安宁,原因是伊背逆了上帝ê命令。


经文:

列王纪上 11:26-11:43

注释:

Chit段经文是描写北pêng十个支派ê领袖耶罗波安,伊是属tī以法莲支派ê领袖,tī先知亚希雅传达上帝ê信息下,伊带领北pêng十支派想beh脱离所罗门ê统治,耶罗波安ê事件,thang讲是「叛变」ê行动。因为án-ne,引起所罗门决定beh杀害耶罗波安,伊只好逃走去埃及避难,一直到所罗门去逝chiah tńg去以色列。

第26到28节,chit三节绍介尼八ê kiáⁿ耶罗波安,伊是用法莲族ê洗利达人。有真好ê能力而得tio̍h所罗门ê赏识,派伊「监督所有tī玛拿西kah以法莲支族地区ê劳工」,真可能伊ê工作hō͘伊发见所罗门ê劳工政策kah第九章22节所记载ê有cheng差。

第29到32节,chia讲示罗人亚希雅先知带来上帝hō͘耶罗波安ê信息,伊用肢体语言做象徵,向耶罗波安表示上帝beh tùi所罗门手中kā伊ê国分裂做做两部分,而beh hō͘耶罗波安ê是「十个支族」,hō͘所罗门ê soah只有「保留一个支族」,chia讲一个支族,是因为西缅已经被犹大并入à。Á便雅悯支族已经非常软弱(参考士师记第二十到廿一章),mā是扫罗王ê后裔族人。因为án-ne,所罗门后代统治ê范围,mā kan-taⁿ tī象徵性ê「正统传承」而已,其他十族ê版图lóng脱离了南部犹大ê管辖独立去à。无论án怎,北部ê十支派应该是比南部ê犹大为领导中心ê大部分à。

第33到36节,chit段经文继续讲tio̍h上帝会án-ne处置所罗门,是因为伊违背上帝无遵守上帝,ê律法诫命。M̄-koh上帝iáu是留落来一个最后机会hō͘伊,chit-ê机会kah耶路撒冷有密切关系。因为tī chit城有圣殿,圣殿里有上帝kah以色列人民立约ê约柜,teh代表上帝ê荣耀。上帝希望留落来大卫ê后裔继续管理圣殿,敬拜他。希望犹大ê子民会因为án-ne而清楚明白上帝chiah是in性命ê主宰。其实,第36节mā是teh提醒耶罗波安,若是无敬拜上帝,就算上帝赏赐hō͘伊十个支派,mā会失去上帝ê带领而失去所有ê一切。

第37到39节,先知亚希雅提醒耶罗波安,上帝拣选伊,就是beh伊带领北部十支派ê人民会记得敬拜上帝,忠实tī上帝,ná亲像大卫仝款,只有án-ne,chiah ē-tàng hō͘伊kah伊ê后裔永远统治chiah-ê支派。先知亚希雅特别提醒耶罗波安tio̍h听从上帝ê命令,做上帝欢喜ê事。Á上帝惩罚所罗门并m̄是永远ê,意思是teh指若是耶罗波安不听从上帝ê话,而所罗门ê后裔悔改,上帝iáu是会改变chit项惩罚ê。

Tùi第32节开始ê chit段经文一再强调,上帝之所以iáu保留一部分hō͘所罗门ê后代,是因为上帝对大卫ê疼。因为án-ne,thang看出kui个重点就是用大卫为主体。大卫ê一生,chiah是以色列人民所beh学习ê,m̄是所罗门。

第40节,可能因为耶罗波安开始有beh对抗所罗门ê动作,引起所罗门ê不满,决定beh刣耶罗波安。

第41到43节,chia讲所罗门统治以色列共计四十年,kah大卫仝款,罗波安继承伊当以色列ê王。

经文:

列王纪上 12:1-12:24

注释:

Tùi chit章开始直到列王记下第十七章,chit段经文lóng是记载以色列分裂做南北二国ê经过,以及chit两个兄弟国家各自发展ê情形。

第十二章主要teh说明北部十支派会脱离分裂伊去ê原因,以及罗波安原本准备大军beh去攻打脱离ê北部十支派,m̄-koh因为上帝派先知示玛雅去kā犹大kah便雅悯讲,m̄-thang去攻打北部十支族,in听从了先知传达上帝ê话而撤兵,续落来就是耶罗波安当第一位北国以色列ê王。

Tī第十一章提供三个对所罗门政权有威胁ê人ê记事ê时,就已经teh暗示晚期ê所罗门时代,是一个不安定、纷乱ê时代。像利逊就是专门以phah游击ê方式teh制造社会纷乱,作者用「伊加增以色列ê祸患」来形容所罗门为tio̍h chit-ê tāi-chì而烦恼不安。

Chit段经文主要teh说明北部十支派会脱离ê主要原因,是因为所罗门过奢华ê生活,虽然收入真chē,mā是入不敷出,因为án-ne一定tio̍h óa靠重税来增加收入,致使北部ê民众生活koh khah困苦。因为án-ne请求罗波安减轻税赋,m̄-koh被拒绝后,决定脱离分裂伊去。

第1到4节,罗波安算是有意走chhōe北部十支派ê支持,á是好感。因为án-ne,伊继任为王后,就去北部ê宗教中心示剑kah十支派ê代表聚集会面。Á chit时,耶罗波安因为听tio̍h罗波安做王(所罗门王往生),mā tùi流亡ê埃及地赶tńg来。就án-ne北部支派ê人mā派人去请伊代表出席,同齐去见罗波安,并向伊提出一个重要ê议题:若是减轻税赋,in就顺服罗波安ê领导。

第5到8节,罗波安回应北部代表,hō͘伊「三工」时间考虑。伊先去请问几个元老,lóng bat是所罗门王ê顾问,in建议罗波安用服务人民ê精神,好款待人民,必定会得tio̍h人民ê支持。

第9到11节,罗波安显然听不进chiah-ê元老ê建言,伊koh去询问tio̍h kah伊同齐长大ê少年人ê意见,chiah-ê人lóng是伊聘请进入王宫当顾问ê官员,结果in hō͘罗波安ê建议,m̄-nā不减轻税赋,反tńg iáu koh khah加重税赋。其实,罗波安teh回答ê时,已经吐露了in父亲所罗门ê时,hō͘ in以色列人民ê税赋就真重了,chia用「鞭子」来形容所罗门ê税赋政策,ná亲像the̍h鞭子phah人民仝款ê沉重kah疼痛。

第12到15节,结果罗波安不采取元老ê意见,而采取少年顾问ê意见,讲beh加重税赋,「m̄-chhap人民ê要求」。

第16到17节,北国十支派ê以色列人民就án-ne决定脱离伊去,罗波安就只有统治犹大kah便雅悯。

第18到19节,罗波安为tio̍h beh挽回北部支派ê分离,特别派「劳工总管亚多兰到以色列人hia去」,有意想beh kah in洽商。Chit位亚多兰应该就是第四章6节所讲ê「亚多尼兰」,伊bat管理三万名劳工参与建造耶路撒冷圣殿ê工程。原本认为伊去,可能有安抚作用。M̄-koh无想tio̍h亚多兰去了后,就被北部愤怒ê以色列人民hō͘用石头phah死,罗波安因为án-ne慌乱了,伊赶紧逃tńg来耶路撒冷,就án-ne,北部正式脱离了耶路撒冷做中心ê大卫王朝之统治。

第20节,北部十支派ê代表共同聚集,in邀请耶罗波安出席大会,并且立伊做北部十支族成立ê以色列国为王。Á南部ê只chhun犹大kah便雅悯,m̄-koh因为便雅悯非常弱小。因为án-ne,就用犹大国来称呼南部两支派ê国家。

第21到24节,罗波安想用武力惩罚北部十支派,因为án-ne号召了犹大kah便雅悯支族派出siōng精锐ê兵丁共计十八万人,beh去攻打北国以色列。M̄-koh上帝差遣他ê奴仆先知示玛雅去阻止in,hō͘ in知影这有上帝ê旨意在其中,ài in tńg去。In听从了先知示玛雅ê苦劝,免除了一场兄弟残杀ê悲剧。

经文:

列王纪上 12:25-12:33

注释:

Chit段经文是为后来北部以色列国无法度长存久安下了个伏笔,因为in lóng弃sak了上帝ê命令,去敬拜偶像神明,而带头ê mā是国王耶罗波安,ná亲像所罗门带领人民弃sak上帝仝款。这mā说明in进入迦南地后,深受当地宗教信仰以及风俗ê影响,主要原因是kah外族人结婚有密切关系。这mā就是为甚么摩西律法一再强调bē-tàng kah外族人通婚ê背景。

第25到27节,分裂后成立国家,领导者第一件想tio̍h事ê,就是积极投入国防ê工程,耶罗波安先tī「示剑城筑堡垒设防」,然后koh tī「比努伊勒筑堡垒」。M̄-koh伊iáu是发见人民lóng真习惯tńg去耶路撒冷圣殿向上帝献祭,伊甚惊有人因为常tńg去耶路撒冷,而被罗波安买收成做杀手。

第28到31节,tùi顶面所讲经文thang看tio̍h虽然南北已经分裂,m̄-koh teh分裂之初,人民tī宗教信仰上iáu是照样tńg来到南部ê耶路撒冷去敬拜上帝。因为一再tńg来到耶路撒冷去敬拜,无形中lóng会有「权威中心tī耶路撒冷」ê心态,chit对新ê王国――北国「以色列」来讲,确实是无安全ê。因为án-ne,重建家己ê宗教中心tī某一kóa层面起来讲是必要ê。M̄-koh这mā产生另外一个问题――宗教信仰ê分裂。耶罗波安铸造两头金牛,并且chhōa人民敬拜,这ná亲像以前in ê祖先tī旷野拜金牛仝款(参考出埃及记第三十二章、士师记八:27),这就明显而且非常严重地违背上帝ê诫命。

耶罗波安特别铸造两只金牛,一只khǹg tī伯特利,另外一只khǹg tī「但」,并且iáu teh「一kóa山头壳顶建造祭拜ê神殿」。伊kā北部ê以色列人民讲chiah-ê金牛就是带领in出埃及ê神明,这明明是ná亲像亚伦tī旷野时代为以色列人民铸造金牛仝款,受tio̍h上帝严惩。In显然bē记得chit件事,而利未人当年就是kah摩西khiā tī仝一个战线,chit pái利未人真可能无支持耶罗波安chit种铸造偶像行为,而被耶罗波安废除当祭司,另外tùi「利未支族以外ê家族中选立祭司」,chit点mā是违背摩西律法kah诫命。

第32到33节,耶罗波安iáu选定一个重要节期,就是「八月十五日为宗教节期,像tī犹大ê节期仝款」,这就是Tòa棚节。原本以色列人民ê Tòa棚节是tī「七月十五日」,改变慢一个月举行,tú好符合北部气候比南部收割完成会慢ê需要。希望用chit种方式,渐渐脱离以南国做中心ê思想。耶罗波安m̄-nā家己带头tī chit Tòa棚节去献祭,而且koh kā利未人当祭司ê资格kā它废除。

经文:

列王纪上 13:1-13:10

注释:

这是一章非常奇特ê故事。值得注意ê是tī第32节提起撒马利亚城镇,其实,tī耶罗波安时代,撒马利亚城iáu未建立,因为án-ne,这ē-sái讲是先编排tī chia,做预言北国以色列会因领导人民ê君王弃sak上帝,而遇tio̍h灭亡,留落来一个伏笔,主要teh警告北国以色列ê领导者kah人民,一定会遵从上帝ê话,若无,国家就会灭亡。

这是一位奉差遣ê先知,去对耶罗波安警告,伊所设立ê祭坛,以及祭司lóng会遇tio̍h上帝ê惩罚。Koh讲,tī第十二章33节记载耶罗波安特别延后订定Tòa棚节ê节期,并且亲自去伯特利举行献祭礼仪,chit章就续接耶罗波安teh献祭ê时chūn,发生神ê人去对伊讲预言chit件事。

第1节,chit节讲chit位奉差遣ê先知,是tùi「犹大到伯特利」,kah-ná有意思beh表明:tī政治上ê分裂,并m̄是允准宗教信仰上ê分别。Chia并无记落来chit位神ê人ê名,m̄-koh伊真清楚讲tio̍h会发生ê事。这mā说明政治上ê事,是上帝teh主导,tī宗教信仰ê事顶面,上帝绝对bē容许kah他立约ê子民弃sak所立ê约。

第2到3节,chit位无记落来名ê先知提起「大卫ê家族会生一个gín-á,名叫约西亚」。Chit位无被记名落来ê先知,就tī耶罗波安beh献祭ê时chūn,讲出上帝beh伊讲ê预言,表示:tī chit祭坛献祭ê祭司会被杀害,而且in ê身躯会tī祭坛上火烧。然后koh对耶罗波安讲该祭坛会倒塌,坛上ê灰会掖落来。Chit件事发生tī主前621年,距离耶罗波安ê时代,相差约有三百年(主前930年左右),可见chit份资料是真晚期ê作品。

第4到6节,结果耶罗波安听了后,大怒,指神ê人命令侍卫kā伊掠,结果耶罗波安ê手股头马上半遂ā,无法度动。M̄-nā án-ne,tú亲像chit位神ê人所传达ê信息实现,祭坛忽然倒塌,坛上ê灰掖了落来。Chit时耶罗波安受tio̍h吓(heⁿh)惊,请求chit位神ê人为伊向上帝祈求,医伊ê手股头,神ê人án-ne做,医了伊ê手股头。

第7到10节,耶罗波安想邀请chit位神ê人tńg去厝里食饭,m̄-koh被chit位神ê人所拒绝。因为上帝有警告伊「甚么lóng m̄-thang食、m̄-thang lim」,mā无法度tùi原来ê路tńg去。伊听从上帝ê话,拒绝耶罗波安ê邀请,mā无照原来ê路tńg去厝里。

Kui个故事ê内容真亲像先知阿摩司ê经历仝款;先知阿摩司mā是tùi犹大到伯特利去传上帝ê信息,结果被伯特利ê大祭司亚玛谢阻止,而且认为伊是为tio̍h beh糊口而传上帝ê话语,并且状告到国王耶罗波安二世hia,m̄-koh被先知阿摩司责备。Chit位无记名ê先知mā是拒绝耶罗波安ê邀宴。

经文:

列王纪上 13:11-13:34

注释:

Chit段经文讲述chit位神ê人ê另外一面。Tī头前,伊面对国王耶罗波安ê邀请,勇敢地拒绝,而且当面指责mā m̄惊。M̄-koh tī chia,有假先知冒用上帝ê话邀请伊,伊却信认为真,无真实地遵守上帝ê话而接受邀请lim食,结果是死tī非命。Chit段故事真明显teh说明一件事:上帝ê命令,绝对服从。无论是甚么人,á是假藉上帝ê名(第18节),lóng无法度bē记得上帝亲身ê启示。特别是对tī上帝ê奴仆,tī一个弃sak上帝诫命ê世代中,koh khah应该tio̍h随时注意有人会利用宗教信仰ê名义,胡乱发出信息,chit点koh khah须明白谨记在心。上帝ê奴仆一定tio̍h忠实tī上帝,这是非常重要ê一点,无法度妥协。

第11到15节,chit位神ê人tī伯特利对耶罗波安所讲ê话kah医ê事,传开à。Hō͘一位老先知ê kiáⁿ知影,tńg去kā老先知讲。老先知知影神ê人tńg去ê路径,马上骑驴á赶去chhōe chit位神ê人,并且请伊跟tòe老先知tńg去厝里用餐。

第16到18节,原本神ê人拒绝,m̄-koh chit位老先知讲家己mā是先知,得tio̍h上帝ê天使启示,ài神ê人跟tòe伊tńg去厝里同齐lim食。作者真清楚说明chit位「老先知是teh讲白贼」。伊m̄-nā无听神ê人ê话,反tńg是用讲白贼teh试探chit位神ê人。Mā thang án-ne讲,即使是先知,若是无上帝传达hō͘伊信息,伊mā无法度假冒上帝ê名讲话,chit点tī先知耶利米时代就是一个真清楚ê例。有bē少人就是冒用上帝ê名传话,结果害犹大灭亡。

第19到22节,上帝ê声音传到chit位神ê人,kā伊谴责竟然违背上帝ê话语。因为án-ne,伊会「被刣」,而且尸体无法度葬tī厝族ê坟墓内。当chit位神ê人听tio̍h上帝chit种信息了后,伊无赶紧悔改认罪,祈求上帝ê怜悯赦免,ná亲像耶罗波安请求伊代祷,恳求上帝怜悯后,半遂ê手随时恢复。M̄-koh chit位神ê人并无án-ne做。这mā说明神ê人mā会有bē记得上帝ê命令ê时chūn。

第23到25节,chit只狮mā是奉差遣来咬死chit位无遵守上帝命令ê神ê人,狮并m̄是因为iau饿而攻击神ê人,却是执行上帝ê命令,惩罚神ê人。因为án-ne,当狮咬死神ê人ê后,并无食神ê人,m̄-nā án-ne,狮iáu khiā tī尸体边á,有护守tio̍h ê意思,hō͘神ê人ê尸体容易被看出来。

第26到28节,chit位试探神ê人老先知得tio̍h chit-ê消息,清楚知影神ê人并无完全遵守上帝ê命令chiah会有chit种结果。就án-ne伊就赶紧出门去看,果然发见驴á无被咬伤,神ê人ê尸体完好。

第29到32节,老先知就kā神ê人ê尸体带tńg来埋葬tī家己ê坟墓内,并且交带伊ê全家,以后mā kā伊埋葬kah chit位神ê人做伙。老先知mā告知伊ê全家,chit位神ê人所传达ê信息一定会发生tī北国以色列。

第33到34节,耶罗波安并无因为亲身体验到上帝ê惩罚,kah听tio̍h神ê人所警告ê话而悔改归向上帝,伊iáu-koh继续我行我素,家己设立祭司tī祭坛向偶像神明献祭。这mā说明北国以色列后来灭亡ê主要原因,就是拒绝顺从上帝。

经文:

列王纪上 14:1-14:20

注释:

Chit段经文是记载北国以色列王耶罗波安ê kiáⁿ往生ê tāi-chì。Mā提起耶罗波安一再带领以色列人民去拜偶像神明,却等到家己ê kiáⁿ害病严重ê时,chiah会想beh tùi先知ê嘴中探知kiáⁿ害病可能带来ê结果。这thang看出伊心中极大ê矛盾。Koh讲,chit段经文mā提起上帝知影人心ê险恶,透过先知传达他ê旨意,即使先知亚希雅已经chheⁿ-mê,上帝ê话却清楚hō͘伊知影耶罗波安想beh隐藏ê事,mā无法度躲过上帝对人心内ê鉴察,透过先知亚希雅明确指出伊ê错误,害死去伊ê kiáⁿ,hō͘伊失去tùi上帝得tio̍h王位kah传承hō͘后代kiáⁿ孙ê恩典。

第1到3节,chit段经文一开始就讲耶罗波安ê kiáⁿ亚比雅害病严重,耶罗波安想beh知影kiáⁿ会有án怎ê结果,这必定kah伊准备王位传承有密切关系。因为án-ne,ài伊ê bó͘打扮成一般ê妇女,去北国以色列ê敬拜中心示罗chhōe先知亚希雅;伊是示罗人,mā是预言耶罗波安会得tio̍h北国以色列十支派拥护为王ê一位先知。

第4到5节,先知亚希雅虽然已经年老,而且目睭已经盲了,看bē-tio̍h,m̄-koh上帝却叫耶罗波安ê bó͘化装成做一般平民来探望伊关系gín-á害病ê事。

第6节,即使是化装成做一般平民,上帝却清楚知影人tī暗中所做ê事。因为án-ne,启示年老而且chheⁿ-mê先知亚希雅知影来敲门ê人就是耶罗波安ê bó͘,并且一屑á 都无假思考地,开门见山就讲出伊ê kiáⁿ会死ê pháiⁿ消息hō͘伊。

第7到11节,chit段经文是先知亚希雅传达上帝beh伊讲ê话。Tī这话语中讲tio̍h几点重要ê信息:

1.耶罗波安ē-tàng当上北国十支派ê王,是因为上帝ê拣选。

2.hō͘ 上帝拣选ê人lóng应该遵行上帝ê旨意,行上帝beh伊做ê事。

3.耶罗波安竟然铸造偶像带领人民去拜chit种偶像神明,惹怒了上帝。

4.上帝决定beh除灭耶罗波安厝内所有cha-po͘人,因为cha-po͘人就是继承王位者。这清楚指出伊ê家族bē有人继承王位。

5.伊ê厝内人即使往生mā bē有人替in埋葬得tio̍h安息ê机会。

这真清楚说明就是耶罗波安chit-ê代统治而已,结束loh上帝kā结束对伊特别ê恩典。M̄-koh伊bē珍惜,认为lóng是家己ê能力chiah有ê结果,这是真可惜ê事。

第12到16节,这是先知亚希雅继续对耶罗波安ê bó͘所讲ê话,因为伊打扮成一般妇女,只为tio̍h不beh hō͘人认出伊就是王后ê身分,m̄-kohchheⁿ-mê先知亚希雅tī上帝启示下,当伊敲门ê时就已经认出来à。chit-má伊kā耶罗波安ê bó͘有几讲点重要ê事:

1.伊tńg到厝以前,gín-á就会死去,m̄-koh却是所有gín-á中间siōng好字运ê。因为iáu有人埋葬伊(chit句tú好回应第11节)。

2.耶罗波安ê王朝就án-ne结束,无gín-á thang继承。

3.上帝beh惩罚悖逆ê以色列人民,hō͘ in成做伊族ê俘虏。原因是in弃sak上帝,而且崇拜家己ê手所铸造ê偶像。

这惩罚已经清楚说明是因为国家领袖带领人民犯罪ê缘故。

    第17到18节,当耶罗波安ê bó͘一tńg到厝里,所看见ê lóng kah老先知亚希雅所对伊讲ê完全仝款。

    第19到20节,这是一种记载王朝结束ê公式化记载方式。在列王记á是历代志ê写法,lóng是用chit-ê模式记载。Chia讲耶罗波安往生后,伊ê kiáⁿ拿达继任为王,m̄-koh 拿达kan-taⁿ统治两年时间,就被以萨迦族人亚希雅ê kiáⁿ巴沙叛变杀害(参考列王记上十五:27),耶罗波安ê王朝就án-ne结束。

经文:

列王纪上 14:21-14:31

注释:

Chit段经文是记载南国犹大罗波安ê事迹。Chit段经文记事mā同时记载tī历代志下第十一章5到12节、15节等等。

第21节,chit节补充了第十二章有关罗波安继承所罗门王位了后,所欠缺ê资料。Mā是tùi chia开始,记载南国犹大ê事迹,lóng是用「犹大」chit-ê名称,而chit-ê名称所代表ê,只是犹大支族kah便雅悯支族而已,版图范围小,人口mā少了真chē。Chia真清楚讲罗波安担任犹大王统治耶路撒冷,hit年伊是四十一岁,统治时间有「十七年」。值得注意ê是,伊ê母亲是亚扪人叫「拿玛」,这表示所罗门娶外族人做bó͘。Á这简单ê一句讲罗波安ê「母亲是亚扪人」,mā讲出所罗门透过婚姻关系所建立ê王国霸业,并m̄是成功ê例,如果无上帝ê赐福,无上帝ê话语做基础,即使用koh khah巧妙ê外交、政治手段,lóng无法度久长存在,所有ê努力mā会是枉然ê。

第22到24节,短短三节ê经文,就thang看出南国犹大ê问题并无比北国以色列轻。In mā是仝款敬拜偶像,而且iáu tī各地敬拜地点设有男娼,这是非常严重ê事,已经说明以色列人tī迦南地差不多完全被当地同化了,特别是tī宗教信仰上koh-khah是án-ne。已经分bē清楚耶和华宗教信仰kah偶像神明之间ê差别。

第25到28节,这是真重要ê一段经文,讲tio̍h埃及王示撒带兵攻打耶路撒冷,并且是进入圣殿夺取所罗门时代所铸造ê金盾牌(参考列王记上十:16—17),而且mā进入所罗门建造起来ná奢华ê王宫搜刮所有ê宝物。有关埃及王示撒带兵攻打耶路撒冷城以及夺取圣殿、王宫中ê财宝ê tāi-chì,thang参考历代志下第十二章1到12节。作者讲因为罗波安知影悔改认罪,上帝特别赦免伊,无kā受气倾倒tī耶路撒冷城。换句话讲,如果m̄是因为国王认罪,恐惊所讲ê「圣城」、「圣殿」lóng会毁灭tī敌人ê手。当埃及kā chiah-ê金盾牌夺行了后,罗波安改用「铜盾牌」,每pái伊去耶路撒冷圣殿献祭ê时,守卫王宫ê卫兵就the̍h-tio̍h chiah-ê铜盾牌护卫tio̍h,这已经teh暗示南国犹大ê国势已经衰弱真chēà。无koh像所罗门王时代hit种à。

第29到31节,统治犹大十七年了后,罗波安mā往生à。然后由伊ê kiáⁿ亚比雅继承伊做王统治耶路撒冷。Chia第30节真重要,讲「罗波安kah耶罗波安之间不断发生战争」,chit句话已经真清楚讲出分裂后ê南北二国,彼此之间不时有战争ê事发生,而这mā是造成国力衰退ê主要因素之一。

经文:

列王纪上 15:1-15:8

注释:

列王记作者tùi第十四章开始,撰写王国历史ê特色,就是绍介南、北两国ê君王治国之情景交替编撰做伙,而且lóng有一定ê格式,亲像:「以色列王XXX在位第X年,XXX登基做犹大王。」这是绍介犹大王用ê句话。仝款ê,绍介北国以色列王ê时,就会án-ne写tio̍h:「犹大王XXX在位ê第X年,XXX登基作以色列王。」

列王记上第十五章分别记载犹大亚比雅(第1到8节)kah雅撒(第9到24节)chit两个王,然后绍介以色列拿答(第25到32节)kah巴沙(第33到34节)chit两个王。

Chit段经文是记载犹大王罗波安死后,伊ê kiáⁿ亚比雅继承伊ê王位。作者只有短短ê八节篇幅记载亚比雅当犹大王ê事迹。仝款ê记事mā记载tī历代志下第十三章1节到第十四章1节。Tùi历代志下第十三章ê资料就会知影,亚比雅执政期间bat kah北国以色列ê耶罗波安王有过一场大战。北国出兵八十万,南国出兵四十万,tú好是北国ê一半。M̄-koh,南国犹大走chhōe上帝ê帮助,tī祭司pûn号筒声中,上帝出力协助南国犹大,hō͘兵员只有一半ê南国犹大大胜北国以色列ê八十万大军,并且iáu消灭了北国以色列五十万精兵。Koh khah重要ê是,chit pái战役,犹大王亚比雅占领了北国ê城市:伯特利、耶沙拿、以弗伦,kah附近庄头。

第1到2节,chit两节记载亚比雅登基作犹大ê王,m̄-koh伊统治ê时间真短,只有短短「三年」而已。比起伊ê老父罗波安统治耶路撒冷长到十七年,确实是短了真chē。其实,认真讲起来,伊在位尚且不满三年,只有两年gōa而已。

Ē-sái讲是第2节chia有点á问题,因为chia讲亚比雅ê母亲叫「玛迦,是押沙龙ê cha-bó͘-kiáⁿ」。M̄-koh根据撒母耳记下第十四章27节ê记载,押沙龙有三个kiáⁿ,一个cha-bó͘-kiáⁿ,而这cha-bó͘-kiáⁿ ê名叫「她玛,非常súi」。Án-ne,玛迦kah她玛应该是仝一个人。M̄-koh若koh再对照历代志下第十三章2节ê记载,玛迦是「基比亚城乌列ê cha-bó͘-kiáⁿ」。Án-ne看起来,比较正确ê看法是:乌列娶押沙龙ê cha-bó͘-kiáⁿ她玛,然后生玛迦。所以,玛迦应该讲是押沙龙ê孙女。

第3节,列王记作者ài用「无亲像伊a祖大卫hit种一心一意忠于上主—伊ê上帝」chit种句型,来形容历代君王是m̄是顺从上帝ê旨意。Á大卫是成做列王记作者衡量一个君王ê标准。无达tio̍h chit-ê标准,就是弃sak上帝,去拜偶像神明。

第4到5节,chit两节特别提起大卫,表示大卫因为对上帝忠实,因为án-ne上帝应允大卫ê kiáⁿ孙ē-tàng继续统治耶路撒冷,虽然大卫ê kiáⁿ孙一再悖逆上帝ê旨意,m̄-koh上帝iáu是赏赐hō͘亚比雅有一个kiáⁿthang继承伊ê王位,这mā讲出上帝永远信守应允。Chia特别指出大卫有做错一件非常错误ê事,就是有关「赫人乌利亚」ê事件(参考撒母耳记下第十一章)。作者认为chit件事以外,大卫并无弃sak上帝ê旨意。

第6到8节,第6节只提起tī亚比雅活teh ê时chūn,伊ê老父「罗波安kah耶罗波安」之间常有战事(参考十四:30),tī历代志下第十三章则有提起罗波安用少tī耶罗波安一倍ê军力,phah败北国以色列,并且kā伊庞大军队之精兵「消灭了」chē kah「五十万」。Á chit种战事,并无因为时间ê消失去,以及北国以色列bat有过惨败而收敛,亚比雅iáu是tio̍h不时kah耶罗波安统治ê北国以色列发生战争,这可能mā是致使伊chiah统治三年就往生ê原因。伊ê kiáⁿ亚撒继承伊作犹大ê王。

经文:

列王纪上 15:9-15:24

注释:

续接亚比雅继任为犹大王ê亚撒,ē-sái讲是分裂后犹大王国中siōng被o-ló ê一位国王,mā因为án-ne,伊执政ê时间长到四十一年之久(主前910到869年)。这mā表示伊治理之下南国犹大,虽然iáu是亲像伊ê阿公罗波安仝款,不时kah北国以色列ê王巴沙之间常相战,m̄-koh因为伊像祖先大卫hit种做上帝看做对ê事,上帝赏赐hō͘伊有非常稳定ê政情,chit种稳定ê政情,就是透过外交手路,促成hō͘叙利亚kah以色列交恶,解除以色列侵犯in ê危机。Chit段经文thang参考历代志下第十五章16节到第十六章6节,mā tùi历代志作者ê资料中,看tio̍h亚撒án怎进行宗教改革,hō͘犹大人民全部lóng对上帝忠实。亚撒ê成功,siōng主要就是进行宗教改革,hō͘ hiah-ê混淆纯洁信仰ê偶像神明,kah污秽上帝祭坛ê异端信仰无立足之地。

第9到15节,tùi chit段经文thang看tio̍h当时拜巴力偶像ê宗教信仰行为中,已经出现「男娼」,而chit种行业一定会影响tio̍h以色列人民对上帝忠实ê圣洁态度。为tio̍h beh进行宗教改革,伊大力铲除了祖母玛迦时代所引进ê巴力偶像神明崇拜ê行为,拆毁神像、祭坛等。列王记作者认为亚撒ê老父亚比雅失败ê原因,就是因为伊ê祖母玛迦引chhōa in父亲弃sak上帝。因为án-ne,tī伊执政ê时chūn,就kā祖母ê「太后」地位hō͘废掉。

第11节thang用来对照第3节,作者非常清楚说明一个国王是m̄是得tio̍h上帝ê喜爱kah祝福,就看hit-ê国王是m̄是有像in ê祖先大卫hit种地敬奉上帝,独独以耶和华上帝做中心。

第16到19节,chit段经文说明以色列王巴沙已经入侵犹大,而且切断了犹大ê对外交通,chit对犹大来讲是真严重ê威胁。因为án-ne,亚撒用财物去建立kah叙利亚王便・哈达ê外交关系,虽然chia讲亚撒用chit种方式,确实得tio̍h了叙利亚王便・哈达ê善意回应,其实mā是teh说明亚撒虽然进行宗教改革,却同时mā有心理上ê矛盾――对上帝ê信心无够。

第20到21节,便・哈达知影犹大亚撒王ê意思,kah犹大结盟了后,随时派出伊ê bē落去攻打以色列ê城镇,逼kah原本tī拉玛筑垒设防ê巴沙不得不赶紧将军队退tńg来到得撒去。

第22到24节,亚撒王chit pái ê外交是成功ê,而且伊mā趁犹大撤tńg来军队而留落来无完成ê拉玛防线,kā所有建材全部运tńg来犹大,tī米斯巴kah迦巴做筑垒设防ê建材。

晚年ê亚撒kah-ná有离开上帝jú来jú远ê现象,根据历代志作者tī第十六章ê记载,讲伊晚年连先知哈拿尼kā上帝ê信息传达hō͘伊听,伊听了后m̄是谦卑悔改认罪,却是「非常气愤」,然后就kā先知关起来,而且开始「虐待一kóa人民」,家己已经病重跛脚mā boài向上帝祈求帮助,kan-taⁿ求问医生,结果两年后就死去à。

经文:

列王纪上 15:25-15:34

注释:

短短几节经文,讲述北国以色列ê君王是由耶罗波安kiáⁿ拿答继位,m̄-koh伊kah老父耶罗波安仝款,带领人民做上帝看做邪恶ê事。列王记作者ài用chit种句话表示,这君王就是带领人民弃sak上帝,去拜偶像神明,致使国妇人人民生活陷入困境之主因。

第25到26节,tùi大卫了后,无论北国以色列á是南国犹大,君王ê出现无koh是上帝拣选膏立,却是改为世袭,若无,就是有势力ê领袖篡位夺取,这mā teh暗示 in无上帝ê赐福。Ná亲像南国大卫传达hō͘家己ê kiáⁿ所罗门,所罗门传hō͘罗波安,罗波安传hō͘亚比雅,续落来是亚比雅ê kiáⁿ亚撒继位。chit-má北国以色列mā是仝款,耶罗波安往生后,hō͘ kiáⁿ拿答继位作以色列ê王,m̄-koh伊并无学tio̍h大卫敬畏上帝,却是带领人民弃sak上帝,「做上帝看做邪恶ê事,hō͘以色列人民陷tī罪中」,chit句话表示无上帝ê看顾、带领ê意思。

第27到30节,耶罗波安是用法莲支族ê人,chit-má是用萨迦支族ê人巴沙起来「阴谋背叛拿答」,利用出兵phah非利士人ê时,kā耶罗波安ê kiáⁿ拿答杀害,家己做王。因为án-ne,拿答统治北国以色列只有短短两年。M̄-nā án-ne,chit种会篡夺王位ê人,绝对bē有怜悯之心,为tio̍h beh斩草除根,伊mā kā耶罗波安家族ê人lóng杀害,chit件事tú好应验chìn前先知亚希雅所讲ê预言(参考十四:10—11)。这mā说明上帝ê奴仆先知所传达之信息,一定会注意听,因为上帝ê话一定会实现。

第31到32节,短短两节,清楚提起犹大亚撒王在位期间,不时kah北国以色列巴沙王ê军队相战。这mā说明南北两国兄弟不时不断来相战,消耗了以色列民族tī大卫王时代所培养起来ê国势、力量。

第33到34节,巴沙并无tùi chìn前ê君王统治期间怎样得罪上帝有警惕,仝款地,伊带领北国以色列人民去「做上主看做邪恶ê事」,意思是teh指伊带领以色列人民继续去拜偶像神明,无koh听从上帝ê话语。

经文:

列王纪上 16:1-16:7

注释:

Chit章真清楚讲tio̍h上帝是会报应ê神,会杀害无辜ê人ê君王,上帝mā会出手用仝款ê方式对待chit种君王kah伊ê家族。Chit章主要谈及北国以色列政局ê bē稳定,因为有强人续接篡夺王位ê事件发生,tùi心利到暗利,而且继任为王ê一代比一代koh khah恶质。

Chit段经文记载上帝差遣先知耶户去对巴沙讲话,预言伊ê家族会遇tio̍h kah伊所杀害ê耶罗波安家族ê时遇仝款。这mā说明上帝是会报应ê,人怎样对别人,上帝mā会用仝款ê方式对待伊。

    第1到4节,chit段经文讲上帝差派他ê奴仆先知耶户去传达信息hō͘巴沙,信息ê内容kah第十四章10到11节,上帝透过先知亚希雅传达hō͘耶罗波安ê仝款。巴沙原本是一个军人,利用以色列王拿答带领军队kah非利士人战争ê时chūn,杀害拿答,并kā耶罗波安ê家族全部lóng杀害。chit-má上帝ê先知耶户传hō͘巴沙ê信息mā是án-ne,讲伊ê家族mā会hō͘全部杀害,发生tī耶罗波安家族ê惨况,mā会仝款发生tī巴沙ê家族身上。

    第5到7节,因为历代志作者是用犹大王国为主轴,因为án-ne,北国以色列王国ê记事都无出现,就真oh对照知影巴沙对北国以色列ê贡献,á是伊「英勇ê行为」有toh一kóa。照第十五章33节ê记载,巴沙tī以色列执政长到廿四年ê时间,Tī chit段无算短ê时间内,伊所有ê行踏是koh khah「激怒」了上帝。

    巴沙往生后,伊ê kiáⁿ以拉继任为北国以色列ê王。

经文:

列王纪上 16:8-16:14

注释:

Chit段经文绍介以拉作以色列ê王chiah两年,就hō͘家己王室ê一个指挥官心利篡夺王位à。列王记作者hō͘了一个经文模式,就是会讲述发生chit种君王替换ê年代,是北国发生ê事件,tī南国君王执政ê年代;而发生tī南国犹大ê事件,是tī北国君王执政ê年代,án-ne查考历史ê时,会koh khah清楚。

第8到10节,「犹大王亚撒在位ê第二十七年」,这大约是tī主前885年左右。以拉继承老父巴沙ê王位,m̄-koh kan-taⁿ有两年之久,就发生朝廷王室指挥官心利「图谋背叛」,伊是利用以拉tī大臣亚杂厝里宴席中lim醉酒ê机会,kā以拉刣死,然后夺取王位。

第11到14节,心利一上任王位,第一件是就是铲除巴沙全家族ê人,甚至范围扩大到连伊ê亲戚、朋友lóng无法度幸免,一律处死。这tú好应验ā第1到4节,上帝差遣先知耶户对巴沙所讲ê预言。列王记作者认为一个弃sak上帝ê君王,就会做出杀害无辜ê性命。M̄-koh上帝一定会报应chit种可恶ê行为。

经文:

列王纪上 16:15-16:20

注释:

Chit段经文记载心利篡夺王位chiah kan-taⁿ有七工,并无得tio̍h军队ê支持,军队就支持暗利为王。 

第15节,chit节thang对照第十五章27节,事件发生tī以色列军队对抗非利士人ê基比顿城ê时。发生ê时间就是tī「犹大王亚撒在位ê第廿七年」,mā就是主前大约tī 885年ê时chūn。心利chiah做王「七工」而已。表示伊做王,情势并bē稳定。伊可能ná七工,lóng是teh对以拉ê家族进行杀戮行踏,却无想tio̍h军心不服。

第16到17节,目前线ê军队听tio̍h心利刣王篡夺王位,in不服,改为拥护前线将军暗利为王。暗利kā伊ê军队转向,离开原本围攻ê非利士人成是基比顿,tńg来朝去攻击北国首府得撒。

第18到20节,心利一听tio̍h chit-ê消息,知影家己无法度躲过被报复杀害,就tī王宫中放火「火烧宫殿,kā家己烧死」。Án-ne,mā thang讲心利想beh篡夺王位ê事无成功,因为以色列ê军队并无拥护伊做王,in是拥护暗利。

经文:

列王纪上 16:21-16:34

注释:

Tùi第21节开始,一直到第廿二章40节止,lóng是记载有关北国以色列一个新ê王朝—暗利王朝时代ê事迹。

第21到22节,虽然tī前线ê军队拥护暗利为王,m̄-koh并m̄是所有ê人lóng拥护伊,有另外一半ê人是拥护基纳ê kiáⁿ提比尼为王,这mā thang看出争夺王权ê烧热烈,mā讲出北国以色列政局ê动荡bē稳。不过,后来因为提比尼往生,暗利就真紧成做北国以色列ê王。列王记作者并无说明提比尼往生ê原因。

第23到24节,chit两节非常重要,说明北国以色列原本首府是tī得撒,tī暗利执政时代,伊tī主前大约880年ê时,用「六千块银á tùi一个名撒马ê人hia买来撒马利亚山」,伊tī chit座山建造一座城,就kā它称做「撒马利亚城」,chia就成做后来北国以色列ê首府。后来,tī主前721年,亚述帝国消灭北国以色列后,kā人民俘虏去做奴隶,并移入外族人到撒马利亚,强迫通婚,生落来ê后代,就被以「撒马利亚人」之轻视语气称呼。

第25到28节,列王记作者用「做上主看做邪恶ê事」chit句话来形容败坏ê君王,mā是带领人民弃sak上帝ê君王。暗利统治北国以色列共计十二年,死后,伊ê kiáⁿ亚哈继任为王。

第29节,tùi chit节开始,到列王记上卷第廿二章止,lóng是记载有关以色列王亚哈ê事迹。Chit节讲亚哈当北国以色列ê王共计长到「二十二年」。

第30到33节,chia详细讲述有关亚哈王犯罪ê事,用一句简单ê话来形容亚哈王,就是伊「做上主看做邪恶ê事,比伊chìn前任何一个王koh khah甚」,chit句话就ē-tàng清楚伊到底做kóa甚么事loh。伊m̄-nā娶外邦cha-bó͘-gín-á做bó͘,而且建造偶像神明,亲自chhōa人民去拜chiah-ê偶像神明,包括巴力、亚舍拉等。

第34节,chit节讲亚哈在位期间,命令伯特利人希伊勒重建重修耶利哥城,主要是在tī防御工事。M̄-koh约书亚当年攻打耶利哥城后,就bat下过诅咒,不准有任何以色列人重建hit-ê城,约书亚ê诅咒讲:「见若起来起造chit-ê 耶利哥城ê,tio̍h tī 上主ê 面前受咒诅。伊hē 地基ê 时,会死大kiáⁿ;hē 门ê 时,会死soah 尾kiáⁿ。」(全民版)」(约书亚记六:26)taⁿ这诅咒ê话语应验tī希伊勒ê身上,伊ê大kiáⁿ亚比兰,kah小kiáⁿ西割接踵来死,chit种咒语本身beh表明ê,就是无后代thang传承家族命脉,因为án-ne,用「大kiáⁿ」kah「细kiáⁿ」来表示。Á这mā清楚表示亚哈已经bē记得约书亚警告ê话语,同时表明伊ê心中根本to̍h无上帝。

经文:

列王纪上 17:1-17:7

注释:

亚哈王mā thang讲是以色列分裂做南北二国了后,北pêng以色列国诸王中被详细记载ê一位国王。Tī chit段tùi第十六章29节开始直到第廿二章记载有关亚哈王ê经文中,主要ê事迹lóng是关系上帝ê奴仆先知以利亚kah亚哈王ê御用先知,进行真假先知之「斗」ê事件;亚哈王怎样图谋侵占拿伯ê葡萄园,以及亚哈王拒绝听从上帝先知以利亚ê信息而战死战场ê事件等。Tī中间穿插tio̍h北国teh beh面临严重干旱,先知以利亚受tio̍h迫害,以及伊求死ê事件。

第十七章就是记载先知以利亚对亚哈王提出警告,会有严重ê干旱临到,上帝怎样用人所注意bē-tio̍h ê方式,包括有乌鸦送食物,kah一位tòa tī撒勒法ê寡妇帮助先知以利亚度过饥荒ê危机,以及先知以利亚救活了这撒勒法寡妇ê独生kiáⁿ。

先知以利亚是旧约圣经中占有真大份量ê一位先知,mā是旧约圣经中记载两位无「死亡」,hō͘ 上帝直接接tńg来天顶ê人物之一,另外一位是kah上帝有密切交往ê以诺(参考创世记五:24)。旧约圣经先知玛拉基书甚至预言先知以利亚是tī上帝进行终末审判来到chìn前,会先tńg来ê先知。Mā因为án-ne,传统上,犹太人tī正式ê聚会场合,lóng会留落来一个空位,为tio̍h是beh让hō͘先知以利亚来到ê时chūn有一个座位thang坐。以利亚,chit-ê名ê意思是「耶和华是我ê神」。Mā thang tùi先知以利亚ê言行看出伊chit-ê名ê特色。

第1节,先知以利亚是「基列ê提斯比人」,这是设tī约旦河东北部ê所在。其实,原本希伯来文是讲伊「寄居」tī「提斯比」。伊teh kí上帝ê名用chiù-chōa ê语气对亚哈讲,除非伊祈求,若无,tī「以后ê几年内」,天bē落雨,mā bē降落甘露。这真真明显表示北国以色列会有极大ê干旱来临。

第2到4节,这几节是上帝hō͘先知以利亚ê信息,上帝ài伊离开亚哈ê所在,到约旦河东边ê「基立溪附近藏起来」,原因是上帝知影亚哈王会对先知以利亚采取报复行动。上帝hō͘先知以利亚知影,他会差派「乌鸦送食物」来饲伊,而且会hō͘该溪水tī极大干旱ê时iáu thang得tio̍h水。这ē-sái讲是极大ê神迹,乌鸦会听从上帝ê命令送食物来hō͘先知以利亚,这tī人看起来是无可能ê事,m̄-koh tī上帝ê手中每件事lóng可能实现。

第5到7节,siōng重要ê,就是听从上帝ê话。先知以利亚听从上帝ê话。乌鸦mā仝款,听从上帝ê命令,「每工早起kah beh暗á lóng送饼kah肉」来hō͘先知以利亚。因为无落雨ê时间siuⁿ久了,这表示先知以利亚ê誓言成(chiâⁿ)实实现了,而且长到三年半ê时间(参考路加福音四:25,雅各书五:17)。基立溪ê水干涸,无水thang lim。

经文:

列王纪上 17:8-17:16

注释:

前一段讲上帝用乌鸦送食物hō͘先知以利亚,chit段则讲上帝ài先知以利亚去撒勒法一位寡妇ê厝里,chit-ê寡妇thang供养伊。

第8到9节,上帝ài先知以利亚到西顿附近ê撒勒法去,他「已经吩咐tòa tī hia ê一个寡妇供养」伊。撒勒法,这是设tī西顿南方大约十三公里ê所在,mā是用来bih起来亚哈追缉ê一个khiā家。Á beh收留伊ê,却是一个寡妇。

第10到12节,先知以利亚听从上帝ê话去撒勒法,tú好到à hit-ê城ê城门口,就遇tio̍h了chit-ê寡妇当teh拾木柴。Chit-ê地方显然iáu有kóa存水,因为án-ne,伊请chit-ê寡妇hō͘伊一kóa水,并hō͘伊一kóa饼,显然地,chit时饥荒已经严重到连先知以利亚lóng饿到一定tio̍h向寡妇ài饼来食。M̄-koh chit-ê寡妇却讲,伊厝里只chhun「一把面粉kah一点橄榄油」,伊对先知以利亚讲,这是伊用来准备kah伊ê gín-á「最后ê一顿饭了,以后只有等tio̍h饿死」。Chit句话koh khah显现出饥荒ê严重性,必定有真chē人因iau饿来死。

第13到14节,先知以利亚传出上帝ê应允hō͘ chit位寡妇,ài伊「免担心」,尽管先去做饼hō͘伊食,并且hō͘ chit位寡妇知影,伊厝里ê「面粉用不完,瓶里ê油mā用不尽」,这真清楚表示上帝会因为为先知以利亚ê缘故,赐福hō͘ in chit-ê寡妇永远bē缺乏,特别是tī chit极大干旱ê时刻。

第15到16节,chit两节讲出kui本圣经ê一个重要信息:只要上帝讲出ê应允,一定会实现。果然,chit位寡妇厝里ê面粉kah油,从来m̄-bat欠缺过,hō͘先知以利亚、chit-ê寡妇,kah伊ê kiáⁿ lóng ē-tàng有「够额ê食物食」。

Tùi乌鸦送食物到chit位撒勒法ê寡妇厝里ê面粉kah油从来m̄-bat欠缺ê神迹,这lóng tī说明一个重要ê信息:上帝忠实ê奴仆,即使tī he siōng困境ê时代内面,mā m̄免担心,上帝自然会眷顾、带领。Ná亲像以色列人民tī旷野一般,人看做无法度生存ê环境中,上帝用吗哪养饲,并tùi石磐中出泉水饲in四十年ê时间,hō͘ in ē-tàng安然地进入迦南地。

经文:

列王纪上 17:17-17:24

注释:

Chit段经文mā是圣经中记载第一件hō͘死人koh活ê神迹。作者mā用chit种方式teh表明:先知以利亚确实是一个伟大ê先知,tī伊身上充满tio̍h上帝圣神同在ê气力。

第17到18节,chia讲「过了一段时间」,并无说明是jōa久。寡妇ê kiáⁿ破病,结果chit位寡妇认为是先知以利亚带hō͘伊ê惩罚,上帝因为先知以利亚ê缘故「记起」伊ê罪。伊已经bē记得先知以利亚到伊家ê hit工,伊正准备ài kah kiáⁿ同齐食「最后ê一顿饭」,食过了后就「只有等tio̍h饿死」。Taⁿ因为先知以利亚,chiah hō͘ in母kiáⁿ lóng ē-tàng安然地活落去。chit-má却因为gín-á破病日渐严重,反tńg怪起先知以利亚到伊家,chiah hō͘上帝记起伊ê罪而惩罚伊ê kiáⁿ。其实,chit位寡妇ê反应,tú好说明以色列人民ê态度。当以色列人民tī埃及做奴隶快死去ê时chūn,in呼求上帝拯救脱离灾难。结果当上帝带领in离开埃及进入旷野了后,in每pái缺乏食物kah水ê时chūn,就怪上帝kā in带到旷野,beh hō͘ in死tī旷野。

第19到22节,chit段经文说明tī先知以利亚身上有极大ê能力。先知以利亚并无对chit位寡妇ê控诉表示任何意见,伊ài chit-ê寡妇kā gín-á交hō͘伊,然后kā之抱到楼顶去。伊努力祈祷上帝,赏赐性命hō͘ chit位寡妇ê gín-á ē-tàng koh活起来,连续三pái伏tī chit gín-á身上,每pái lóng向上帝祈求hō͘ chit-ê gín-á iáu魂tńg来。非常重要ê是tī第22节,上帝垂听先知以利亚ê祈祷,gín-á活了过来。Ná亲像头前提起伊对亚哈所讲ê,若是伊无向上帝祈祷,天bē落雨,而上帝mā确实听伊所讲ê誓言。这lóng teh表明:上帝一定会垂听他忠实奴仆祈求ê声音。

第23到24节,当先知以利亚kā活起来ê gín-á交iáu hō͘ chit-ê寡妇了后,chit位寡妇确信先知以利亚就是「神ê人」,意思是teh指tùi上帝来所差派ê人。

经文:

列王纪上 18:1-18:19

注释:

Chit章ē-sái讲是旧约圣经中siōng精彩ê一章记事,说明上帝ê先知,á是人以家己ê能力所雇用ê先知,这二者之间siōng大ê差别。其实,chit件有关先知以利亚kah亚哈御用ê先知、祭司之间ê事件,lóng tī说明一件事:人想beh脱离上帝,家己认为kah上帝仝款有能力。结果是有chit种想法ê人ê罪,kan-taⁿ会koh khah严重,hō͘上帝koh khah愤怒,对众人一点帮助mā无,kan-taⁿ会连带受拖累而已。

Chit段经文描述先知以利亚遇tio̍h亚哈ê事务官俄巴底ê经过。俄巴底是一个敬畏上帝ê人,因为án-ne,bat救助了一百个先知免遇tio̍h亚哈ê bó͘耶洗碧杀害。当俄巴底受亚哈差派去chhōe水源ê时,tú-tio̍h先知以利亚,伊ài俄巴底tńg去kā国王亚哈讲tú-tio̍h伊,而且hō͘伊知影地方。俄巴底会惊惶ê原因,是伊知影上帝teh庇护先知以利亚,万一伊tńg去通报国王亚哈,结果亚哈来chhōe而无tú-tio̍h,必定会刣死伊。M̄-koh先知以利亚hō͘ in保证绝对bē án-ne。这mā说明俄巴底确实知影先知以利亚身上有上帝ê灵同在。

第1到2节,chit节开始讲上帝决定beh落雨了,因为已经饥荒到à「第三年」,迦南地区必定死亡惨重。

第3到4节,亚哈ê嚣张,必定kah伊ê bó͘耶洗碧有密切关系,因为伊敢杀害上帝ê先知,表示根本就m̄惊上帝。Chit种人往往会扮演上帝ê角色。Á俄巴底却tī siōng危险ê时刻,敢tī暗中救助一百个先知免遭耶洗碧杀害,tú好表示伊确实是一个忠实tī上帝ê以色列子民。

    第5到6节,tùi chit两节thang看出干旱带来ê饥荒之严重性,已经到à一定tio̍h刣家畜动物chiah ē-tàng充饥。亚哈kah俄巴底分别到全国各地去chhōe青草,只为tio̍h beh hō͘家畜动物活落去。Chia特别提起「马kah骡子」,chit两种动物tī当时m̄-nā是主要交通工具,马koh-khah是军队主要ê战力之一部分。表示情况已经严重到连国防安全lóng受到à影响。

第7到8节,就tī路上,俄巴底tú-tio̍h先知以利亚,因为án-ne,先知以利亚ài俄巴底tńg去kā亚哈讲伊遇tio̍h了先知以利亚,并告亚哈地点,意思是beh hō͘国王亚哈来chhōe伊。

第9到14节,chit段经文ē-tàng看出亚哈bat tī各地chhōe先知以利亚。原因是伊bat当面kah亚哈讲除非伊祈祷,若无,上帝bē落雨。亚哈mā惊惶有他国ê人藏匿先知以利亚,hō͘伊无koh祈祷落雨,án-ne落去,会hō͘北国以色列不战而亡。M̄-koh俄巴底真清楚,并m̄是别国á是某一个人隐藏先知以利亚,chiah hō͘亚哈chhōe bē-tio̍h,却是上帝亲自出手。因为án-ne,如果伊tńg去报告国王亚哈,讲伊tú-tio̍h先知以利亚,并讲出地点。万一,上帝改变主意,kā先知以利亚带到其他地方,国王亚哈来à而chhōe bē-tio̍h,必定会hō͘国王掠做是伊欺骗,会kā伊杀害。因为án-ne,伊向先知以利亚表示,伊m̄敢回报。伊特别向先知以利亚提出家己bat保护先知,m̄-koh无希望保护先知ê结果,却被先知以利亚害死。

第15到17节,先知以利亚回应俄巴底,hō͘伊知影chit pái一定会见tio̍h国王亚哈。意思表示伊thang放心,chit pái bē藏匿起来。果然,chit pái亚哈看tio̍h先知以利亚,而且当面就责骂伊是「hō͘以色列受拖累ê人」。伊bē记得是因为伊听从bó͘耶洗碧ê话,iáu带领人民弃sak上帝,去拜巴力偶像,chiah会惹上帝愤怒。

第18到19节,先知以利亚真清楚指出,真正带来灾祸ê,就是国王亚哈家己。伊甚至ài亚哈kā伊供养ê「四百五十个巴力ê先知kah四百个亚舍拉女神ê先知同齐」带到迦密山顶去,先知以利亚beh tī hia kah in见面。

经文:

列王纪上 18:20-18:40

注释:

Chit段经文描述先知以利亚án怎利用献祭ê方式,hō͘ chiah-ê国王亚哈所供养ê巴力先知kah亚舍拉ê先知,lóng显露出chiah-ê神明,是假ê神,m̄是真神。

第20节,亚哈果然照先知以利亚ê约定,就kā伊供养ê巴力kah亚舍拉chit两个神明之先知lóng聚集tī迦密山顶。伊会同意án-ne做,就是beh hō͘先知以利亚知影,伊所供养ê巴力kah亚舍拉神明是真正。伊无认为耶和华上帝chiah是惟一ê真神。为tio̍h án-ne,伊mā召集以色列人民相接tio̍h迦密山顶去观赏chit件先知世纪大对决ê戏码。

第21节,chit节ná亲像摩西kah约书亚当年对以色列人民所讲ê话仝款(参考申命记三十:15、19,约书亚记廿四:14—15),lóng tī说明一件基本ê信仰态度:明确ê选择。无phú色ê信仰地带。M̄-koh作者tī chia讲以色列人民听先知以利亚讲ê话了后,「一句话mā不讲」,这表示in确实是kah亚哈王去拜巴力kah亚舍拉好一段时间了,chiah会对先知以利亚ê话无反应。

第22到24节,先知以利亚真明确地表明,chit-má上帝ê先知只chhun伊ê一个人,巴力kah亚舍拉ê先知加起来就有八百五十个。伊ài kā牛当做献祭ê方式,看到底耶和华上帝chiah是真正,á是巴力神明是真实ê。M̄-koh chit pái ê献祭bē-tàng点火,beh hō͘献祭ê牛pái tī祭坛上,hō͘真正神家己来点火,表示án-ne chiah是真实ê。

火,这teh表示除去杂质ê一种方法。耶稣tī天国譬喻中,时常用「火」来表示末日审判ê方式(参考马太福音十三:30、42、50,马可福音九:49,路加福音十六:24)。

第25到26节,先知以利亚先hō͘巴力ê先知kā in ê牛khǹg tī祭坛上,然后开始大声呼叫巴力,一直求到中昼,ē-sái讲是都无任何反应出现。

第27到29节,直到中昼,chiah-ê巴力ê先知既跳koh叫,甚至用刀、短剑phut伤家己流出鲜血,m̄-koh都无得tio̍h巴力任何回应,祭坛iáu-koh lóng无动静。先知以利亚以讽刺ê话对in讲,可能in ê巴力kah亚舍拉神明无听tio̍h,á是当teh无闲tio̍h,无闲暇。伊用chit种方式刺激chiah-ê假神明ê祭司、先知koh khah卖力tī祭祀礼仪上。M̄-koh直到下晡献晚祭ê时iáu是仝款无效果。

第30到35节,chit-má tio̍h换先知以利亚献祭。伊ài民众khiā到伊ê身边,然后kā已经荒废毁坏ê祭坛修筑好了后,用十二块石头,表示以色列十二支族。然后tī祭坛边放水,而且吩咐民众kākhǹg tī祭坛上ê祭物kah木柴lóng洒上水,hō͘祭坛顶ê水流满祭坛四周ê水沟。这表示tī hiah-ni̍h tâm湿ê祭坛,就算要点燃火种mā非常困难。

第36到37节,先知以利亚行到祭坛前祈祷上帝,请求上帝一定会答应,kā祭坛点to̍h起火,烧掉献tī祭坛上ê牛,用chit种方式来hō͘已经弃sak上帝远远ê以色列人民认出「上主是上帝,hō͘ in 回心转意」,归向上帝。

第38到39节,上帝果然垂听先知以利亚ê祈祷,他tùi天顶降落大火,m̄-nā烧了献tī祭坛上ê牛,mā kā祭坛lóng烧了,包括祭坛边沟渠内面ê水lóng烧干了,就tī chit时chūn,以色列民众chiah恍然大悟,讲:「上主是上帝;独独上主是上帝!」

第40节,先知以利亚就án-ne随时下令,kā所有巴力kah亚舍拉ê假先知lóng刣死,一个mā不许in逃脱。这mā是为hiah-ê被耶洗碧杀害ê先知报仇。

经文:

列王纪上 18:41-18:46

注释:

Chit段经文说明先知以利亚向上帝祈祷,果然上帝tùi天顶下起大雨,滋润大地。解除以色列ê严重饥荒。

第41到43节,tùi chit段经文ē-tàng看出亚哈王因为chit pái ê「斗」输,只有ē-tàng听从先知以利亚ê吩咐。想当然,伊一定吓呆à。先知以利亚甚至kā伊讲,上帝就teh要落雨à。然后伊命令奴仆向海ê hit-pêng望去,结果这奴仆来回七pái,都无看见甚么。第43节chia讲奴仆来回「七」次,这「七」表明ê是「神圣」、「完全」ê意思。Mā就是讲,chit-má beh落雨mā是上帝ê旨意,m̄是因为某人ê需要。

第44到46节,án-ne直到第七pái,这奴仆才回报讲有看见一朵小云彩ná亲像拳头hit种大细而已。续落来,先知以利亚ài奴仆去通知亚哈,ài伊赶紧落山,因为teh beh下大雨。果然事就án-ne成à。这表明先知以利亚chiah是真实ê先知。真实ê先知,伊所信奉ê神必定是真正。上帝ê灵kah先知以利亚同在,hō͘伊有能力走得比亚哈坐马车iáu koh khah紧。

Hō͘天干旱,hō͘天落雨等,chiah-ê lóng tī说明只有真正造物主chiah有chit种能力。仝款ê,只有真正造物主,chiah有能力tùi天顶降火落来kā祭坛顶ê牲祭hō͘烧掉。Á先知以利亚就是chit位真正上帝之奴仆,伊深知上帝ê旨意,mā遵从上帝ê旨意做tāi-chì。因为án-ne,伊ê祈祷,上帝必定会垂听。

经文:

列王纪上 19:1-19:18

注释:

Chit章讲出上帝奴仆ê孤独、无奈。因为以色列人民ê心已经刚硬,听bē落去上帝奴仆先知以利亚所传出上帝ê信息。伊bat表示宁可死去,因为非常痛苦。Mā同时向上帝控诉以色列人民ê悖逆行为。M̄-koh上帝iáu是照顾先知以利亚,并且为伊准备一位门徒以利沙。

这是一段难解ê经文,因为先知以利亚既然ē-tàng勇敢地「斗」倒耶洗碧总共八百五十名御用ê先知,怎样koh惊耶洗碧一个人?当伊恐吓讲beh刣伊ê时chūn,先知以利亚却惊惶了起来,真奇怪。为甚么会án-ne?mā可能kah耶洗碧是外邦cha-bó͘-gín-á有关,tī伊ê观念中,根本to̍h无上帝,mā m̄惊上帝ê审判kah惩罚,因为án-ne,伊chiah敢恐吓上帝ê奴仆先知。Á先知以利亚则暴露了人性siōng大ê弱点,当耶洗碧威胁beh杀害伊ê时chūn,伊认为性命已经有危险,因为án-ne,用死来向上帝控诉。Chit种用死表明当先知ê「孤独心境」,伊讲所有ê先知lóng已经被刣死,只chhun家己一个人,iáu被恐吓kā遇tio̍h杀害。若是比较第十八章4节,俄巴底bat救出一百个先知,因为án-ne,m̄是lóng死去,至少iáu有一百个先知活teh。不过chit种用死来向上帝控诉,表明家己心内孤独ê心境,先知耶利米(参考耶利米书二十:14-18)、约拿(约拿书四:3)lóng有共同ê经验。

第1到4节,以色列王亚哈因为迦密山顶ê失败,伊就kā先知以利亚tī迦密山顶所做ê每一件事lóng详细kā bó͘耶洗碧讲。一个真tú好ê王后,一定会帮助国王带领人民赶紧tńg来到真实ê上帝身边,悔改认罪。M̄-koh王后耶洗碧m̄是án-ne,却是差遣使者去恐吓先知以利亚,讲「明á载」beh杀害先知以利亚。Chia ê「明á载」,表示真紧、马上ê意思。因为án-ne先知以利亚惊惶,带奴仆逃到南国犹大去避难。M̄-koh chit种逃亡ê生活,hō͘伊感觉真oh受,chìn前已经有为tio̍h避开亚哈ê追缉杀害,伊四界bih起来。chit-má是王后耶洗碧下令tio̍h杀害伊。因为王后耶洗碧已经刣死真chē先知,hō͘先知以利亚胆战心惊。伊留落来奴仆,行到距离奴仆约有一工ê路程ê一个杜松树下求死。伊向上帝表示家己已经「受不了了」,伊宁可死去。

第5到8节,真可能因为太thiám ê关系,先知以利亚就tī chit棵杜松树下困去à。上帝差派天使来服侍伊,有食物kah水。伊lóng食过、lim过,m̄-koh却继续躺落去,kah-ná表明死ê意愿真强ê款。

天使第二pái出现,ài伊起来继续食物件,就án-ne,hō͘先知以利亚有体力,ē-tàng继续行长到「四十暝日」来到「何烈山」。Chia mā是摩西hō͘ 上帝呼召ê所在(参考出埃及记三:1)。
第9到10节,上帝亲自对先知以利亚讲话,问伊tī何烈山chia做甚么?第10节是先知以利亚向上帝控诉以色列人民弃sak kah上帝所立ê约,m̄-nā拆毁上帝ê祭坛,而且iáu杀害上帝ê先知,chit-má只chhun伊一人。其实,俄巴底就bat救出一百位先知。因为án-ne,先知以利亚讲只chhun伊一人,只是teh表示伊ê孤独。

第11到12节,chit两节描述上帝tùi以利亚面前经过ê情景,m̄-koh,无论是出现强烈ê大风、地动、火,都无看tio̍h上帝,只听tio̍h上帝对伊讲话ê声音。换句话讲,人无法度看见上帝ê面,ná亲像摩西虽然上了上帝ê山,ē-sái讲是就是无法度看见上帝ê面。人只有ē-tàng看tio̍h chiah-ê hō͘人性命感觉懔neh、惊惶ê景象。Á chiah-ê景象mā不过是因上帝ê命令出现。

第13到14节,这是先知以利亚第二pái听tio̍h上帝ê声音teh问伊。伊回答上帝ê话,lóng是teh控诉以色列人民悖逆上帝命令,无koh遵守kah上帝所立ê约。In刣死先知,只chhun伊一人。

第15到17节,chit段经文讲述上帝赋予先知以利亚ê三项使命:一、ài伊膏立哈薛当叙利亚ê王;二、ài伊膏立耶户当以色列ê王,这teh暗示亚哈王ê死期已经到à。三、膏立以利沙续接伊ê工作。这teh表明上帝准备ài接先知以利亚tńg去。

第18节,这是真重要ê一节经文,tī先知运动中一再出现chit种所谓「上帝余民」ê观念。这七千个人就是「上帝ê余民」。M̄-koh,「七千」却有含「神圣」、「够额」ê含意。意思是讲:上帝赐福hō͘忠心ê子民m̄免多,即使是「七千」人mā是真大ê气力。另外一方面,「七千」mā thang当做庞大ê数目的意思。

经文:

列王纪上 19:19-19:21

注释:

Chit段经文讲述先知以利亚tú-tio̍h先知以利沙ê经过。

第19到20节,tī上帝交带ê三件工作中,以利亚tāi先达成第三件,就是膏立先知以利沙。当伊离开何烈山后,就tú-tio̍h「沙法ê kiáⁿ以利沙」,hit时伊当teh放牛。先知以利亚kā家己ê衫裤moa tī以利沙身上,用chit种动作表示膏立以利沙,hō͘伊成做先知,续接以利亚ê工作,同时mā是用chit种方式teh表示kā家己ê能力,转移到以利沙ê身上。就án-ne以利沙马上就向全家辞行,跟tòe了先知以利亚。

第21节,以利沙tńg去向全家辞行ê时chūn,mā同时表示beh放弃所有过去ê工作,伊宰了一对牛,续落来是kā牛ê枷担当柴火烧了煮了,并且kā牛肉分hō͘大家食,了后就跟tòe先知以利亚去à。彼得kah安得列、雅各kah约翰mā是án-ne,in听tio̍h耶稣ê呼召,就放落渔网kah全家,跟tòe了耶稣(参考路加福音五:11)。

经文:

列王纪上 20:1-20:22

注释:

这是一章描述叙利亚kah北国以色列之间冲突ê历史经过。其中主要说明叙利亚想beh扩张边界版图,因为án-ne,tùi搜刮以色列ê资源财力之外,koh khah想beh kā它纳入附庸国。原因是以色列kah腓尼基有真好ê外交关系,而且拥有通往犹大kah以东地区ê矿区,hō͘叙利亚感受tio̍h前往阿拉伯地区经商ê压力,因为án-ne,beh控制以色列,进一步koh勒索犹大,án-ne mā ē-tàng逼腓尼基就范进一步koh分享采矿权。Á以色列则当teh升平ê时,经济财力发展得非常好,并无想beh相战,亚哈王想ê是:如果ē-tàng用钱解决问题就好。Ē-sái讲是叙利亚王并无以此为满足,伊ài ê是以色列完全臣服tī伊。因为án-ne,激起以色列全国人民ê不满,两国因为án-ne而开phah。Tùi第15节kah第27节thang看出以色列军队确实不及叙利亚ê强壮,编制上mā非常弱小,根本就m̄是叙利亚ê对手。弱小国家面对强大邻国ê威胁,惟一ē-tàng解套ê,就是智取,却m̄是冲pōng、硬碰。叙利亚前后两pái ê挑衅都无成功,原因是以色列tī chit两次ê战争中,lóng得tio̍h上帝特别ê眷顾。圣经ê作者tùi chia说明一件事:有上帝ê帮助,等于得tio̍h「天兵天kā ê帮助」,即使是兵员短缺、弱小,也ē-tàng克服强敌ê环伺。这就是诗人所讲ê:「君王bē-tàng 因为兵chē 就得tio̍h 救;勇士bē-tàng 因为气力大就得tio̍h 救。Óa 靠马,无一定会得tio̍h 救;靠大气力mā 无一定ē-tàng 救人。(全民版)」(诗篇三十三:16—17)

Chit段经文叙利亚王便・哈达准备侵犯以色列ê经过,同时说明以色列王亚哈án怎应变chit场战争ê情景。

第1到3节,chit章开始就讲tio̍h叙利亚王便・哈达率领伊属下ê三十二个王kah in ê战车、战马出征,这表示叙利亚ê军队阵容非常庞大,而且已经包围了北国首都撒马利亚。Chit时chūn,便・哈达派使者去对亚哈恐吓,一定tio̍h kā伊ê「金子、银á」,以及亚哈ê 妻妾、健壮ê kiáⁿ lóng交hō͘伊,这是真重ê勒索。

第4到6节,为tio̍h beh解救撒马利亚,mā thang讲亚哈真清楚知影家己ê军队无法度对抗叙利亚庞大军队。因为án-ne,亚哈只有答应chit-ê条件,别无选择。M̄-koh使者koh带来便・哈达ê讯息,表示án-ne iáu无够,伊beh进入王宫kah大臣ê厝去搜查,只要看见值得ê物件lóng总ài the̍h去。

第7到8节,亚哈tī无奈之下,只好召开临时国会,kā国内所有长老lóng召来,kā便・哈达ê意思转达hō͘大家知影。M̄-koh chiah-ê代表族群ê长老表示「不要理伊,m̄-thang答应」便・哈达ê要求。

第9到10节,亚哈听chiah-ê长老ê建议,表示只接受第一个条件,就是伊ê金子、银á,bó͘ kah细姨、kiáⁿ lóng ē-sái hō͘伊伊,就是无法度随便hō͘伊ê使者进入王宫kah大臣ê厝去搜查。便・哈达听chit种回应了后,非常愤怒,表示beh kā撒马利亚城摧毁殆尽。

第11到12节,亚哈态度坚定,无受chit种过度ê勒索,而便・哈达则下令部属「预备攻打撒马利亚」。

第13到15节,「chit时,有一个先知去见亚哈王」,chia并无讲出先知ê名。M̄-koh这先知必定是tùi上帝来ê差派,因为亚哈所询问ê问题,伊lóng真清楚讲出,包括带兵指挥司令官一定tio̍h是亚哈。而且beh由「各地区省长属下ê少壮军人」领先攻打叙利亚。就án-ne,共计召集了「少壮军人共两百三十二名,koh召集以色列军队七千人」。用chit种兵力beh对抗庞大军伍ê叙利亚军团,是真薄弱ê。M̄-koh这却是上帝ê旨意。

第16到18节,就án-ne ê,chiah-ê少壮军人听从先知所发出ê信息,tio̍h先攻击。Á叙利亚王便・哈达听tio̍h侦察兵警告有军队tùi撒马利亚城出来,就下令tio̍h活掠chiah-ê人,伊ē-tàng用活掠chiah-ê人来做koh-khah chē ê勒索。

第19到22节,果然,chiah-ê带上帝赐福ê以色列少壮军兵,非常勇猛,phah败叙利亚人,连便・哈达mā tòe骑马落荒逃逸。亚哈则趁胜追击,而且夺取叙利亚军队ê真chē战利品,包括战车kah马匹。叙利亚军队ē-sái讲是溃败。Chit位无记落来名ê先知tńg去kā亚哈王讲,ài伊利用chiah-ê战利品赶紧「扩建」以色列ê军队。并且提醒亚哈讲叙利亚ê便・哈达王明年ê春天会koh来攻打撒马利亚。
经文:

列王纪上 20:23-20:34

注释:

Chit段经文讲述叙利亚王kah伊ê臣仆商量讨论tio̍h采取甚么款ê新战略,thang phah败以色列军队。In认为前一pái会失败是因为对以色列人ê上帝认bat不足。因为án-ne,in准备tī调整了后,beh展开第二波ê攻势。

第23到25节,chit段经文说明叙利亚ê王便・哈达kah伊ê臣仆对上帝ê认bat是,认为以色列ê上帝是一个「山神」,因为án-ne,tī山区kah以色列军队相战,就会失败。若是ē-tàng引诱以色列军队落去到平原来,in就ē-tàng phah败以色列军队。In m̄-nā beh重新整军备战,而且决定战争ê地点是tī「平原」。

其实,kā以色列人民所敬拜ê上帝看做是山神,这是非常错误ê认bat,因为chit位上帝是创造宇宙万物ê神,m̄-nā掌管山,连平地、海洋、日月星辰等lóng是他所创造ê,而且lóng是tī他ê管理之下而运行。

第26到27节,chit两节说明叙利亚整军成功,人数相当chē,相对ê,以色列军队kah之互相比较,明明是就是小巫见大巫。

第29到30节,chia并无记明chit位「神ê人」是甚么人。M̄-koh伊传达了上帝hō͘以色列亚哈王ê信息,kā伊讲上帝beh hō͘叙利亚王便・哈达tī chit pái战役中惨败,因为伊藐视上帝,认为上帝kan-taⁿ是一个「山神,m̄是平原ê神」。Chit场战争phah了七工,以色列军队刣灭了叙利亚步兵chē kah「十万人」,而且活teh tńg来ê人躲进亚弗城ê时,城墙koh倒塌,压死去「两万七千人」,最后,战役结束,叙利亚军队死亡人数高达十二万七千人,ē-sái讲是惨败。连叙利亚王便・哈达mā藏入去亚弗城中ê一间屋子里。

第31到34节,chit段经文讲叙利亚ê臣仆因为chit pái战役惨败,知影继续bih起来可能iáu是会丧命,因为án-ne,建议叙利亚王向亚哈王求和。叙利亚王便・哈达以非常低ê姿态求和,伊同意归iáu过去夺取ê以色列城镇,并且hō͘以色列tī叙利亚首都大马士革「设立贸易中心」,而果然得tio̍h亚哈王ê赦免。订了chit项kah约了后,亚哈王就tháu放便・哈达,结束loh chit场战争。

经文:

列王纪上 20:35-20:43

注释:

Chit段经文thang看tio̍h早期先知通常lóng会以讲故事ê方式,á是用身躯语言来表达上帝ê旨意。亲像先知以西结就是用身躯语言传达上帝信息ê高手(参考以西结书第四到五章),而先知耶利米mā有过chit种方式(参考耶利米书第十三章)。chit-má chit段经文mā是,先知用身躯语言ê方式向以色列王亚哈讲出上帝ê信息,hō͘以色列王亚哈知影,伊kā叙利亚王便・哈达tháu放是一件严重ê错误。

第35到36节,chit两节讲出上帝ê奴仆先知,若是拒绝上帝ê命令,只有死路一条。因为in lóng是先知,而且同齐学习传达上帝ê信息,听tio̍h「奉上主ê命令」,这应该就tio̍h注意听,而且去实践,án-ne chiah是先知该有ê态度。

第37到40节,这是一段先知用身躯作语言,传达上帝ê信息之方式。故事题材真亲像先知拿单对大卫王犯罪了后,用讲故事ê方式,hō͘大卫家己做出判决。Chia是以色列王亚哈看tio̍h chit段身躯语言了后,mā随时做出判决,讲chit-ê故事主角「非受惩罚bē-tàng」。这表示亚哈王并无清楚这是一出先知ê「行动剧」。

第41到43节,当亚哈王讲完判决后,先知真清楚指出亚哈王kā叙利亚王便・哈达tháu放 tńg去,伊teh-beh付出代价,因为伊违背上帝ê旨意。亚哈王听了后,心内「闷闷不乐地tńg来撒马利亚ê王宫去」。

头前ê两pái叙利亚王挑衅以色列,结果lóng hō͘ 上帝phah了tńg去。M̄是以色列王á是人民本身有甚么能力,因为in ê国势kah国防力量lóng远不如叙利亚,若m̄是上帝亲自带领,根本就无法度赢过叙利亚。因为án-ne,对以色列国来讲,siōng重要ê就是国王kah全民lóng tio̍h忠实tī上帝,听从上帝ê话,却m̄是家己决定ài怎样做就怎样做。有关亚哈王违背上帝ê旨意ê tāi-chì,是tī tháu放叙利亚王便・哈达ê事件上,无先询问上帝ê旨意án怎。因为ē-tàng掠叙利亚王,是有上帝亲自出征。虽然后来亚哈王得tio̍h外交上ê利益,包括设立贸易中心,m̄-koh伊无遵行上帝ê旨意,所得tio̍h ê一切lóng会成做泡影。

经文:

列王纪上 21:1-21:16

注释:

Chit章是有关亚哈王想beh占有拿伯葡萄园ê事件。Chit章mā是旧约圣经中非常有名ê一篇故事,说明国王kah人民之间仝款lóng是上帝ê子民,国王无法度因为家己有权力,就想beh占有á是贪图人民ê土地、财产,反tńg koh khah beh知影保护人民ê财产chiah-tio̍h。何况,为tio̍h占有人民ê土地,iáu做出用假见证谋害人民性命ê恶质ê行为,上帝绝对bē允准chit种事发生。

Chit段经文描述亚哈王看见拿伯ê葡萄园靠近王宫,真想beh得tio̍h该园。伊想beh用换地ê方式,á是用购买ê方法得tio̍h拿伯ê葡萄园,m̄-koh lóng被拒绝,结果hō͘伊真oh过。伊ê bó͘耶洗碧认为既然身为国王,ài the̍h人民ê土地有甚么bē-tàng。就án-ne就设法用假见证陷害拿伯,讲伊亵渎上帝,而hō͘拿伯活活被phah死,然后kā伊ê葡萄园侵占起来。这ê事件说明王后耶洗碧用残酷ê手段夺取人民ê财产。这是上帝所无法度容忍ê事。

第1到3节,亚哈王希望拿伯kā伊靠近王宫附近ê葡萄园卖hō͘伊,á是用其它ê土地kah拿伯交换hit-ê葡萄园,m̄-koh拿伯拒绝亚哈王讲:「上主不准我kā祖产让hō͘你。」拿伯án-ne回答是根据摩西律法ê规定:「地m̄-thang 永远卖断,因为地是我ê;lín tī 我ê 面前是出外人,是寄脚ê (全民版)」(利未记廿五:23)这mā teh表示亚哈王已经bē记得上帝透过摩西设定律法ê命令à。

第4到6节,身为国王ê亚哈,因为无法度如心所愿ê得tio̍h人民土地,chit件事hō͘伊「闷闷不乐」,甚至不食饭。伊ê bó͘耶洗碧因为án-ne问伊tāi-chì ê缘由,伊kā chit件事讲hō͘ bó͘听。

第7到10节,chit段经文讲王后耶洗碧决定替丈夫亚哈王得tio̍h拿伯ê葡萄园。王后耶洗碧用假见证,m̄-nā买通了城里ê「显贵kah民间长老」,然后koh用「禁食」chit种有含认罪、哀伤意义ê宗教礼仪方式,koh进一步ài chiah-ê显贵kah长老去「叫两个流氓当面控告」拿伯,「讲伊辱骂了上帝kah王」。因为照摩西律法,辱骂上帝beh用石头phah死(参考利未记廿四:16)。这等于讲,耶斯列城里ê chiah-ê达官显若是听从王后耶洗碧ê话,却m̄是遵行上帝ê命令。Koh tī谋害人民ê性命ê tāi-chì上,竟然thang án-ne做。

Tī第9节、12节lóng有提起耶洗碧ài众长老宣告全国「禁食」,这是kan-taⁿ有tī国家tú-tio̍h危机,á是tú-tio̍h大灾难ê时chūn chiah会通告全国人民遵行ê事。而且「禁食」通常是kah「祈祷忏悔」连结做伙,恳求上帝ê怜悯。M̄-koh耶洗碧án-ne做,却是因为想beh图谋得tio̍h拿伯ê葡萄园。Chit种图谋私利ê事,却挂tio̍h神圣ê宗教名义,就是乱使用上帝ê名(第三诫)仝款。因为án-ne,上帝无法度容忍chit种事发生。

第11到14节,果然,chiah-ê达官显要并m̄是遵从上帝ê话,却是听从王后耶洗碧ê话。Kā用来忏悔、痛苦ê禁食the̍h来当做欺骗ê方式,包括用假见证诬告无辜ê人,án-ne chiah是真正亵渎上帝ê名。In陷害拒绝出hō͘葡萄园ê拿伯,活活kā伊「用石头phah死」,然后派人去kā chit件事报告hō͘亚哈王知影。

第15到16节,亚哈王m̄-nā无阻止王后耶洗碧做chit件绝对bē-tàng做ê事,反tńg是放手hō͘伊去做,koh tī伊做完后,iáu听从伊ê话去「霸占」拿伯ê葡萄园,身为国王ê亚哈竟然犯下án-ne谋财害命ê罪行!

经文:

列王纪上 21:17-21:29

注释:

Chit段经文说明人所做ê事,上帝lóng非常清楚chiah-ê tāi-chì背后ê阴谋。因为án-ne,就派出先知以利亚去指责亚哈王kah王后耶洗碧,并且传出上帝beh严厉惩罚in ê方式。

第17到19节,上帝ài先知以利亚去chhōe亚哈王,指责伊thâi人iáu霸占被害者ê财产,然后hō͘伊知影,上帝beh用亚哈王ê性命来抵偿。

第20到24节,先知以利亚因为bat tī迦密山顶刣死亚哈王家己御养ê先知kah祭司,hō͘王后耶洗碧愤怒ê表明只要见tio̍h先知以利亚,就beh刣伊。Taⁿ先知以利亚家己到王宫来,因为án-ne,亚哈王开嘴就讲先知以利亚是伊ê「冤家」,意思是teh指仇敌。先知是上帝ê奴仆,只听从上帝ê命令。就算有性命ê危险mā tio̍h全力以赴完成上帝所付托ê使命。因为án-ne,先知以利亚真清楚指出亚哈王ê遭遇会亲像「耶罗波安王ê厝仝款」,这表示伊ê全家族会「被杀害,无一个存活」(参考列王记十五:29),mā会亲像「巴沙王ê厝仝款」,mā是「全家ê人」lóng被心利王沙光,甚至是「连伊ê亲戚kah朋友,凡是男ê,lóng处死」(参考十六:11)。M̄-nā án-ne,王后耶洗碧因为是真正害死拿伯事件ê策划者,因为án-ne,上帝绝对bē宽待伊kah伊ê「亲属」,in lóng会死得真惨。

第25到26节,chit两节出kui个事件ê主要问题――存心做上主看做邪恶ê事。Ná亲像头前所叙述ê,明明知影是违反上帝ê诫命,却iáu故意去做。即使he是王后耶洗碧所为,m̄-koh,却是得tio̍h亚哈王ê允准,伊mā算是参与有份。Chia特别提起,亚哈「犯siōng 可恶ê罪」,上帝绝对无法度忍受伊kah bó͘耶洗碧ê恶质行踏。

第27到29节,亚哈一听tio̍h先知以利亚传出上帝beh严厉惩罚伊kah in家族ê信息,就知影tāi-chì严重,知影先知以利亚所传出ê信息必定会实现,因为顶pái tī迦密山顶kah上帝ê先知对抗ê经验,hō͘伊食尽了苦楚。因为án-ne,伊马上就谦卑落来,脱掉王袍,改穿麻衣,iáu以禁食表示忏悔ê意思。上帝因为án-ne改变本来想beh惩罚ê时刻,不tī伊活teh ê时刻随时惩罚,却是hō͘惩罚tī伊ê后代中出现。其实,这mā表示上帝hō͘亚哈王机会去教导伊ê gín-á改变行为态度。只可惜,伊无确实án-ne做。

经文:

列王纪上 22:1-22:9

注释:

Chit章主要是绍介先知米该雅ê事迹;另外,chit章mā teh描述北国以色列kah叙利亚之间ê战争。作者利用chiah-ni̍h长ê篇幅,teh说明北国以色列王亚哈,伊是jōa-ni̍h-á m̄遵守上帝ê旨意,甚至tī王宫内家己养了真chē听伊ê话ê先知,就是为tio̍h beh抵销上帝ê话,结果伊ê chiah-ê假先知m̄-nā无hō͘伊带来帮助,iáu因为án-ne hō͘伊遇tio̍h性命ê危险,最后终到死亡。

Chit章经文记事mā同时记载tī历代志下第十八章。

Chit段经文记载以色列亚哈王想beh出兵去攻打叙利亚,好kā祖先时代被叙利亚王占去ê城市—基列ê拉末—夺tńg来。Chit时tú好犹大王约沙法正到北国以色列访问,伊不得不表示mā愿意参与chit项出兵ê重大做tāi-chì。M̄-koh,伊建议chit种军事行动siōng好事先听听上帝ê旨意。亚哈想用家己所养ê先知来证明家己所做决定是正确,m̄-koh犹大约沙法王却无án-ne认为,却是主张应该听听上帝ê先知ê话chiah正确。亚哈王只好派人去带上帝ê先知米该雅来,请伊问问上帝ê旨意。 

第1到3节,若是照第二十章34节ê记载来看,显然地叙利亚王答应kā伊所侵占以色列ê土地,iáu有kóa无归iáu。虽然叙利亚已经kah以色列之间签订了两国和平条约,m̄-koh经过两年ê和平了后,以色列亚哈王利用tú好到北国访问ê犹大约沙法ê时,要求两国联盟出兵去攻打叙利亚,理由是希望ē-tàng夺tńg来基列ê拉末城。约沙法会去访问北国以色列,照历代志下第十八章1节ê记载,是因为两人结为亲家ê缘故。

基列ê拉末,这是设tī约旦河东岸,远tī摩西时代就属tī以色列人所有(列王记上四:13、申命记四:43),由迦得支族管辖。M̄-koh当时已经沦陷tī叙利亚人ê手中。

第4到6节,约沙法随时表示同意两国同盟出兵,m̄-koh要求一定tio̍h先问问上帝ê先知,thang知影上帝ê旨意。历代志作者讲,约沙法是一个敬畏上帝ê君王(参考历代志下十七:1—9)。亚哈王随时tùi王宫内召来「四百名先知」询问in ê意见,结果这四百名lóng顺tio̍h亚哈王ê意思,讲上帝一定会hō͘伊得tio̍h胜利凯旋tńg来。其实,这四百名先知lóng是亚哈ê御用先知,多会讲亚哈王欢喜听ê话而已,因为án-ne,mā thang称做假先知。因为真实ê先知,只有讲上帝beh伊讲ê话。

第7到9节,犹大王约沙法感觉无对tâng,伊要求应该听「上主ê先知」。Á亚哈讲chit位上主ê先知是「音拉ê kiáⁿ米该雅」,显然地,亚哈王清楚知影伊家己所养ê先知,kah上帝ê先知无相仝。因为米该雅bē听从伊,讲伊欢喜听ê话。亚哈王向约沙法表示,讲上帝ê先知米该雅常向伊讲「凶险ê话」,就是不吉利ê话,hō͘伊感觉讨厌。M̄-koh约沙法iáu是认为beh听上帝先知ê话,亚哈王不得已,只好同意,就派人去chhōe先知米该雅。

经文:

列王纪上 22:10-22:28

注释:

Chit段经文描述米该雅讲述伊想beh传达hō͘亚哈王上帝ê信息,就是伊若是带兵出征,一定会死tī战场,m̄-koh却因为án-ne,hō͘伊被亚哈王下令hō͘关tī监狱里。即使先知米该雅知影会有chit种结果,伊iáu是坚持先知ê基本责任,就是「上主对我讲甚么,我就讲甚么」。

第10到12节,chia讲所有王室ê先知lóng聚集,其中有一个代表是「基拿拿 ê kiáⁿ西底家」,伊造一kóa铁ê角teh代表力量,然后对亚哈王讲,chit pái战役一定会胜利。

第13到14节,亚哈王派去召上帝ê先知米该雅ê使者,要求米该雅也kah其他ê先知仝款,lóng tio̍h向国王讲「吉祥ê话」。伊án-ne讲,主要是teh向先知米该雅下马威,ài伊bē-tàng随便讲话,只有ē-tàng跟tòe四百个假先知讲仝款ê话。M̄-koh先知米该雅则回应讲:「我指永生ê上主chiù-chōa,上主对我讲甚么,我就讲甚么。」chit句话mā为先知ê使命作了准确定义,表示先知只有讲上帝beh伊讲ê话,却m̄是tio̍h讲取悦人ê话。使徒保罗mā有chit种表示(参考帖撒罗尼迦前书二:4—6)。

第15到16节,chit节表面上看起来,米该雅讲ê mā kah其他假先知仝款。M̄-koh亚哈王却真清楚知影,ná绝对m̄是先知米该雅想beh讲ê话。因为án-ne,亚哈王并m̄相信,伊ài先知米该雅既然「奉上主ê名」对伊讲话,就beh讲「诚实」ê话。换句话讲,亚哈王mā知影伊所养tī王宫中ê先知,讲ê并bē-tàng信。因为in并无奉上帝ê名传讲信息。

第17节,既然亚哈王beh听诚实ê话,就án-ne米该雅就照王ê意思讲出来。伊表示亚哈王带兵出去,以色列军队会亲像羊会失去顾羊人仝款,四散逃窜。伊用上帝ê话讲,thang叫chiah-ê人平安tńg去厝里。

第18节,亚哈王一听tio̍h chia,就真无欢喜地对约沙法王讲,米该雅lóng是对伊讲「凶险ê话」。

第19到22节,chit段经文是先知米该雅传达上帝hō͘伊ê信息,主要teh说明亚哈王欢喜听假话,chiah-ê假先知就是beh骗伊上战场去死。结成(chiâⁿ)实应验ā。

第23到24节,chit群四百名假先知中ê代表就是基拿拿 ê kiáⁿ西底家,伊听tio̍h先知米该雅讲in是假先知了后,大大受气,就上前赏了先知米该雅一巴掌。因为米该雅拆破了in ê假面具。伊一面phah先知米该雅,一面质疑地米该雅ê话m̄是真正。

第25节,米该雅并无想beh多作辩护,伊认为一个人是m̄是为真先知,就看伊所预言ê结果是m̄是实现。

第26到28节,亚哈王对先知米该雅非常受气,就án-ne下命令部下,kā先知米该雅关tī监狱里,而且beh恶待伊,kan-taⁿ hō͘伊「饼kah水维生」,亚哈王准备phah赢后,tńg来beh好好á惩罚先知米该雅。M̄-koh米该雅一点mā m̄惊,伊无妥协,因为伊是真实ê先知,只传讲上帝beh伊讲ê话。伊讲若是亚哈王ē-tàng平安tńg来,就表示伊讲ê m̄是上帝hō͘伊ê信息。伊ê chit句话mā是teh回应第25节对假先知西底家所讲ê。

经文:

列王纪上 22:29-22:40

注释:

Chit段经文主要teh描述亚哈王因为m̄听先知米该雅ê话,伊听家己养ê假先知所讲ê话。就án-ne真正带兵去phah叙利亚占领ê拉末城。结chiâⁿ实如先知米该雅所预言ê,死tī战场上。

第29到30节,虽然伊m̄听先知米该雅ê话,m̄-koh心内却担忧tio̍h会死tī战场。就án-ne化妆成一般兵,不穿王袍,m̄-koh伊建议约沙法穿插王袍,这表示伊ê坐骑是王ê专用马车。

第31到34节,虽讲亚哈王化妆成一般兵,而且坐骑mā是,m̄-koh却因为一个叙利亚兵ê无心之箭射中伊,而且tú好是射tī护甲ê接缝处,致使伊「受重伤」,而决定退tńg来阵地。

第35到36节,亚哈王因为受重伤而流血siuⁿ过chē,结果就死tī伊坐骑ê车上。因为án-ne,就有命令下传hō͘所有以色列士兵,ài in各自tńg去厝里,这tú好是第17节记载先知米该雅所预言ê。

第37到38节,chit两节mā应验ā第廿一章19节ê记载:先知以利亚因为亚哈王刣死拿伯并吞伊ê财产,拿伯被石头phah死了后,有狗来舐(chīⁿ)伊流出来ê血,chit-má是换做狗来舐(chīⁿ)亚哈王流出来ê血。

第39到40节,chit两节thang看出亚哈王ê奢华,竟然用象牙做伊建造王宫ê建材,m̄-koh chiah-ê并无hō͘伊安享晚年,却是战死战场。伊ê王位由kiáⁿ亚哈谢所继任。

经文:

列王纪上 22:41-22:53

注释:

Chit段经文主要是teh绍介犹大王约沙法。伊thang算是一位bē-bái ê王,因为至少伊kā耶路撒冷圣殿hō͘ in洁净à,这是非常难得ê事。历代志下第二十章31节到第廿一章1节有详细绍介伊án怎带领人民敬拜上帝,óa靠上帝ê带领。

第41到44节,chia真简略地绍介犹大王约沙法,伊三十五岁做王,统治耶路撒冷廿五年,án-ne共计活了六十年。Tī伊当犹大王期间,做上帝看做欢喜ê事,真可惜ê是,伊并无kā以色列人民拜偶像神明ê行为hō͘斩草除根。不过tī伊做王期间,保持kah北国以色列之间ê和谐,chit点可能kah伊kah以色列王亚哈结为姻亲有关。

第45到46节,chit两节经文thang参考列王记下第十七到十九章,有详细绍介伊治理之下ê犹大国。列王记作者tī chia特别强调约沙法努力铲除偶像神明庙中有男娼ê出现。

第47节,chit节说明以东当时是隶属tī犹大统治,这是tùi所罗门时代就已经是附属tī犹大治理之下(参考列王记上十一:14—25)。

第48到49节,照历代志ê记载,是因为约沙法kah北国以色列ê王亚哈谢联盟,这m̄是上帝所欢喜ê事,因为án-ne,in虽然造远洋商船,m̄-koh,上帝并无祝福(参考历代志下二十:35—37),结果chit项远洋贸易ê计画就无成功。

第50节,头前已经有提起过,约沙法是三十五岁ê时作犹大ê王,统治耶路撒冷廿五年,án-ne,伊死ê时是六十岁。伊ê kiáⁿ约兰继承伊ê王位。

第51到53节,chit段经文简略地绍介亚哈ê kiáⁿ亚哈谢继承王位后,mā是kah伊ê老父亚哈学习pháiⁿ样式,带领以色列人民拜巴力这迦南人ê偶像神明,hō͘人民弃sak上帝,这是上帝siōng-kài愤怒ê事。

重新查询