民数记 9:15-9:23

注释:

11.第九章15到23节：
Chit段经文thang参考出埃及记第四十章34到38节。

第15到16节，chia koh一pái提起圣幕完成ê hit一工，mā就是kā圣幕奉献hō͘上帝后，上帝就降临tī圣幕里。而且是用「云彩」来表明上帝来到圣幕中。

第17到22节，chit段经文清楚说明云彩有ê时停留真久，有ê时只有短暂时间。云彩是teh表示上帝同在ê记号。出埃及记第十九章讲，当人民聚集tī西奈山下ê时，云彩出现罩tiâu tī山顶，上帝讲ài tī云彩中出现来对人讲话（参考出埃及记十九：9、16、廿四：15—17）。云彩，成做以色列人民移动ê根据，云彩动，in就动；云彩停，in就停。这表示以色列人民tī旷野漂流ê年代，lóng有上帝同在。Mā因为án-ne，in chiah ē-tàng行过这四十年ê旷野生活。Tú亲像申命记第八章2到4节所讲ê，tī he段艰难ê四十年时间里，上帝带领in，hō͘ in无食、lim ê欠缺，mā无因缺乏衫裤soah冻僵，á是脚因为无鞋á soah脚肿。

第23节，无论是拔营、扎营，停止，á是移动，in lóng「遵照上主藉摩西所命令做」，chit句话ē-sái讲是以色列人民kui个漂流tī旷野时代ê中心信念。

民数记 14:11-14:25

注释:

32.第十四章11到25节：
Chit段经文是摩西kah上帝之间ê一段重要对话。上帝对以色列人民确实非常失望，á摩西不愧是一位伟大ê领袖，伊tùi经历过ê历史来讲述，坚信上帝是慈悲ê，绝对bē击杀chiah-ê悖逆ê以色列人民。若无，各地ê民族听讲上帝击败埃及，带领以色列人民离开，却kāin刣死tī旷野，chit种传言kābē是慈悲上帝所欢喜听见ê。其实，摩西是用chit种方式teh祈求上帝ê怜悯kah赦免。

第11到12节，上帝m̄-nā受气而且对以色列人民失望极了。In虽然看过神迹，却iáu是对上帝无信心，chit点hō͘上帝相当ê艰苦心。这kah耶稣时代ê犹太人领袖仝款，一再要求神迹hō͘ in看，in chiah beh信，m̄-koh耶稣tī in面向前行了真chē神迹，in iáu是仝款m̄信（参考约翰福音十二：37）。Chia，上帝决定beh消灭chit群埋怨甚至主张mài进入迦南地ê以色列人民。当以色列人民讲beh弃绝摩西，另外选出领袖出来带领in tńg来埃及ê时，上帝ê决定tú好kah in ê计画颠倒；上帝beh拣选摩西，hō͘伊ê家族成做新ê民族、国家，取代chit-ma2 e5以色列人民。

第13到14节，tùi第13节开始到第19节，chit段lóng是摩西向上帝祈求所讲ê话。摩西强调带领以色列人民出埃及，是上帝用奇妙ê神迹chiah得tio̍h ê成果。并且因为án-nehō͘迦南地ê人lóng听tio̍h埃及人teh传述chit件伟大ê事。而且koh khah重要ê，上帝一直kah以色列人民同在，chit种火柱kah云柱ê显现，lóng是有目共睹。看见ê人mā因为án-nem̄敢来侵犯。

第15到17节，摩西表示：若是上帝chit-má击杀了以色列人民，这会hō͘当地真chē民族lia̍h做是上帝无能力带领以色列人民进入迦南地，所以tī旷野kā in lóng杀了。第16节是真重要ê一节，讲出摩西对上帝siōng有力ê恳求，为tio̍h是beh hō͘ koh-khah chē人明白上帝ê救恩kah仁慈，即使像以色列人民hit种堕落，mā tio̍h拯救in、带领in。这ná亲像先知以赛亚ê诗歌中所描述上帝讲，他会án-ne做，是上帝为tio̍h家己，boài hō͘家己ê名失面子（参考以赛亚书四十八：11）。

第18到19节，chit两节mā讲出kui本圣经ê中心信息：上帝是慈悲，有丰富ê疼，不轻易发怒。伊祈求上帝用chit种丰盛ê疼，伟大无变ê疼赦免以色列人民。

第20到25节，chit段是上帝答应摩西ê恳求，m̄-koh并无表示上帝不kā以色列人民hit种悖逆ê心无当作一tńg来事，m̄是án-ne。上帝真坚定地向摩西表示，kābē hō͘ chiah-ê对上帝无信心ê人民进入应允之地。因为in是一pái koh一pái地试探上帝、怀疑上帝，不听从上帝ê话。M̄-koh因为犹大支族ê领袖迦勒对上帝有够额ê信心，因为án-ne，上帝决定赏赐hō͘迦勒ê后代拥有迦南地。

民数记 27:12-27:23

注释:

16.第廿七章12到23节：
Chit段经文是teh说明摩西年近老迈ê时chūn，mā是伊beh交带后事ê时刻。伊依照上帝ê旨意按立约书亚继承伊ê领导权。其实，早tī tú出埃及无久，以色列人民第一pái kah亚玛力人交战ê时，就已经teh凸显约书亚ê领导能力（参考出埃及记十七：9），然后摩西上山去领取上帝颁布ê诫命ê时，就是带tio̍h约书亚当助手（参考出埃及记廿四：13），民数记第十一章28节特别提醒，讲约书亚tùi少年时代就是摩西ê助手，而且伊kah迦勒两人排除众议，坚持beh进入迦南地（参考民数记十四：6）。Chiah-ê资料lóng tī为chit-ma2chit段经文作准备。

第12到14节，chia讲是「亚巴琳山」，tī申命记第三十四章1节，讲是「尼波山」。上帝真清楚kā摩西讲，伊kah亚伦仝款死去，原因是in两人lóng「teh chhōe旷野违背了」上帝ê旨意，因为无「承认」上帝「神圣ê能力」。Chit件事tī民数记第二十章1到13节有记载，m̄-koh并无真清楚说明摩西有toh一kóa举止动作违背了上帝。只是tī he事件后无jōa久，亚伦就往生了。

第15到17节，摩西听tio̍h上帝án-ne对伊讲了后，表现出来ê就是上帝忠实ê仆人态度，完全顺服。伊讲上帝是性命ê源头。并向上帝祈求ē-tàng差派一个人，thang hō͘ in有好ê牧人来带领以色列人民。

第18到23节，上帝真清楚讲出约书亚就是一个「有才能ê人」，beh按手tī伊头顶，设立伊为领导者。按立ê礼仪，就是tī大祭司以利亚撒kah众人面前，由摩西按手tī约书亚ê头壳顶，然后公开宣布约书亚ê使命。并且ài kā权力分hō͘约书亚。申命记第三十四章9节，作者讲因为摩西ê按手，hō͘约书亚「充满智慧」，而且以色列人民听从伊。

值得注意ê是tī第21节，chit节强调大祭司ê角色非常重要，就是tùi chia开始，讲约书亚mā tio̍h听从以利亚撒。M̄-koh大祭司以利亚撒bē-tàng专权，伊一定tio̍h凡事请求上帝ê旨意，帮助约书亚kah以色列人民听从上帝ê旨意。