重新查询  A+放大  A-缩小
经文:

约翰福音 6:22-6:71

注释:

17. 六:22—71节,ná亲像咱一再提起过ê,众人并无因为耶稣所行ê神迹á相信耶稣,大家「欢喜看」神迹,并m̄是tùi神迹ê出现学习认bat上帝ê慈爱kah救恩。耶 稣就真不细jī地指出众人chhōe伊ê真实问题,结果in就露出了马脚,要求耶稣koh再行神迹hō͘ in看(30节),m̄-koh,耶稣并无án-ne做。因为伊m̄是为tio̍h行神迹而来到世界。

A. 福音事工就是圣神teh做工,这是非常清楚ê,看,耶稣讲:「若m̄是ná差我来ê老父吸引人,无人ē-tàng到我chia来。」伊无因为群众聚集chhōe伊,就kā家己pôaⁿ过了应有ê角色。

B. 就ná亲像在井边kah撒马利亚ê女人谈话ê情形一般,当耶稣讲他就是活水ê时,hit-e5 cha-bou2人听m̄-bat,现在耶稣对众人讲他是性命ê食粮时,众人mā是不明其意,甚至连门徒mā lóng感觉耶稣ê「教导太难了,什么人听得入去?」

C. 第63节应该是Chit篇讲道ê重点:「Hō͘人性命ê是圣神,肉体是无啥路用ê。我kā lín讲ê话就是赐性命ê灵。」

D.咱看tio̍h有人因为感觉耶稣ê教导siuⁿ oh得理解á离开他。今á日mā有真chē人原本是基督ê信徒,后来mā离开了,原因kah当时ê人跟tòe耶稣ê情形差不多,多数ê人lóng是 欢喜看神迹,听简单ê道理,总感觉信仰无需要花siuⁿ-chē ê功夫,mā mài费siuⁿ-chē ê精神,希望进天国ê事,像买「麦当劳」仝款简单siōng好。M̄-koh,信仰不是án-ne,基督教ê信仰需要咱用心、用力、用精神去追求。

经文:

约翰福音 12:27-12:50

注释:

34. 十二:27—50节,chit段经文thang讲是耶稣tī预言家己ê死to̍h是teh beh来临。第35节mā是作者siōng欢喜用ê话句――光kah乌暗。光teh表明ê就是耶稣基督,乌暗则说明 撒旦掌权,为tio̍h是beh hō͘人拒绝上帝ê救恩。伊ài群众好好á把握机会,知影伊就是来自上帝ê光。Ná亲像本册ê起头作者所讲ê,虽然乌暗beh掌权,m̄-koh,当「光照射乌暗,乌暗从来无赢过光」(一:5)仝款。

A. 第38节是引用自旧约以赛亚书第五十三章1节,第40节则引用自以赛亚书第六章10节。

B. 注意第41节,这mā是福音书共同ê特点,说明旧约先知ê预言,就是teh为耶稣ê来临准备ê。Mā就是讲,旧约预言新约,新约就是实现旧约ê预言,á耶稣就是新约ê记号。

经文:

约翰福音 13:1-13:20

注释:

35.十三:1—20节,这是一段真出名ê故事――耶稣为门徒洗脚。福音书ê作者一再kā咱讲,耶稣知影人ê心思意念(马可福音二:6—8、十二:15,路加福音六:8),ná亲像现在他mā知影犹大beh出卖他仝款。

A. 洗脚,这是中东地区ê风俗,因为当时ê人通常lóng是穿一种类似凉鞋ê便鞋,路上灰尘真chē,á是雨天就真容易hō͘脚沾满了泥巴。因此,差不多每一个家庭ê门口lóng会放 置水缸,án-ne进入房屋chìn前就ē-tàng先kā脚洗清气。Á接待人客siōng热情ê方式,就是beh厝里ê仆人出来替人客洗脚(请参考路加福音七:44),á是替人客擦干脚上 ê水。耶稣tī chia扮演ê角色tú好是一个卑微ê仆人所ài做ê工作。这mā就是使徒保罗teh描述ê耶稣:「伊自愿放弃一切,取了奴仆ê本质。」(腓立比书二:7)

B. 为甚么耶稣beh án-ne做?原因真可能kah chit件事有关,就是tī往耶路撒冷ê途中,门徒一直lóng tī争tio̍h什么人比较大,chit件事路加福音比较特别,讲门徒kah耶稣同齐守Pôaⁿ过节晚 餐ê时chūn iáu teh争(廿二:24),因此,伊就利用ná机会the̍h水替众门徒洗脚,并用án-ne卑微ê角色教导in,ài in「mā应该彼此洗脚」。

C. 请注意,耶稣mā替犹大洗脚ah!因为tī第30节记载犹大是tī耶稣为伊洗过脚后chiah离开ê。这就hō͘咱thang思考真chē事,一是耶稣替犹大洗脚,mā是希望犹大ē-tàng tńg来心 转意。伊koh一pái提供了机会,可惜犹大并无pái脱撒旦ê诱惑。Koh讲,耶稣并无因为犹大án-ne对待伊,就马上拒绝伊,á是当众拆破伊ê真面目,伊希望用chit种方式 转变犹大ê念头,结果iáu是失败了。三是耶稣已经讲出了「Hit-ê kah我同齐食饭ê人竟然用脚踢我」(比较诗篇四十一:9)chiah-ni̍h重ê话,m̄-koh并无唤醒犹大ê心,可见一 个人如果被撒旦附身,想beh挽tńg来有时lóng真oh neh。

D. 第9到10节,当彼得要求耶稣连伊ê手、头lóng tio̍h洗ê时chūn,耶稣讲只要洗脚。洗脚是siōng基本ê,m̄-koh,身躯就一定tio̍h家己去洗。Ná亲像洗礼是siōng基本ê信仰告白,á是接受基督教信仰ê siōng早阶,其他就一定tio̍h家己来,总无法度家己lóng m̄做,lóng beh靠别人ah。
36. 十三:21—30节,当犹大iáu是不醒悟ê时chūn,耶稣koh一pái用公开宣告ê方式,主要目的iáu是希望犹大ē-tàng tńg来转心意。Tùi第26节ē-tàng看出犹大显然是坐tī耶稣ê身旁 无远,chiah ē-tàng真轻易地the̍h ùn过佐料ê饼hō͘犹大。Koh讲,比较第27到29节,耶稣对犹大讲「你ài做ê,快去做pah」,其他门徒显然并无清楚耶稣对犹大讲了些甚么, án-ne看起来,耶稣是非常贴近犹大ê耳边讲chit-ê话,mā thang证明犹大是坐tī耶稣身边。

第30节讲犹大出去ê时chūn,「to̍h是乌夜」,这是约翰福音书作者siōng欢喜用ê笔法,作者用「乌夜」表明「罪恶」,á是「恶势力」ê猖獗。相对ê,用「日时头」表明「光明」ê意思。

经文:

约翰福音 13:31-13:38

注释:

37. 十三:31—38节,kui本约翰福音书ê重点就是tī第34节,上帝疼咱,chiah会kā他ê独生kiáⁿ耶稣赐hō͘咱,主要目的就是ài咱mā会彼此相疼。基督教ê信仰 就是tùi chia开始ê。如果无爱,就无法度见证上帝拯救ê信息。约翰一书ê作者án-ne讲:「咱tio̍h彼此相疼,因为疼是tùi上帝来ê。Hit-ê有疼ê,是上帝ê kiáⁿ儿,mā认识上帝。Hit-ê无疼ê,m̄-bat上帝,因为上帝是爱。」(约翰一书四:7—8)

38.Tùi第十四 章开始到第十七章等四章,lóng是记载耶稣对门徒所讲ê话。我tī前面「读约翰福音书」乙文中mā讲过,约翰福音书ê特色就是欢喜记载耶稣ê言论,对耶稣所做ê事 工并无啥重视,这kah头前三本福音书差异真大。因为头前三本福音书是偏重耶稣所做过ê事工,对他ê言论记录并无啥chē。

A. chit段话mā是tī最后ê暗顿(Pôaⁿ过节ê暗顿)中讲ê,这mā是约翰福音书siōng大ê特色,因为tī前面三本福音书lóng无记载耶稣tī最后暗顿讲甚么话,除了讲tio̍h关于「圣 餐」ê事外,其他差不多lóng未记载。M̄-koh,约翰福音书ê作者却用长到四章ê篇幅记载耶稣对众门徒ê谆谆教导。比较特色ê所在是,chit段教导中,伊真清楚kā众门徒讲,性命是有ǹg望ê,并且是bē孤单ê,á chit种ǹg望kah充满性命之力,是上帝tùi天起来ê赏赐。

B. 耶稣会án-ne kā门徒讲们chiah-ê话,siōng主要ê原因是伊知影家己teh beh受掠受难,因此,当他对门徒讲「Lín中间有一个人beh出卖我」 ê时chūn,必定tī门徒中间造成真大ê大tio̍h惊kah骚动。然后他继续对门徒讲他beh去一个所在,是in无法度跟tòe他去ê,chit-ê话mā必然引起众门徒ê忧虑。因此,他开始讲出真chē安慰、鼓励门徒ê话。

经文:

约翰福音 14:1-14:14

注释:

39.Tī chit-ê四章中间,每一章lóng有它特别强调ê内容:
A. 第十四章,一、他一再强调疼他ê人,就beh遵守他ê命令(第15、21、23、24、31节)。二、他kā咱讲,奉伊ê名,无论求甚么,他lóng会成全(第 13、14 节)。三、他去了后,iáu会koh再tńg来,去是为咱预备地方ê(第3、18、28节)。四、他kah天父之间ê关系亲密结合做伙,认bat他,就是认bat天父。他tī天父性命里,天父mā tī他内面(第7、10、11、23节)。

B. 第十五章,一、以葡萄树做譬喻描述他kah咱之间ê关系。二、天父――耶稣――咱,这三者之间结联做伙。三、特别提起,奉他ê名,无论向天父求甚么,天父定会赐hō͘咱(16节)。

C. 第十六章,一、他koh一pái提起他teh beh离开tńg去天父ê所在,并且用真慎重ê语句讲:「我郑重地kā lín讲,lín奉我ê名,无论向老父求甚么,伊一定赐hō͘ lín。」( 23节)二、koh一pái强调他kah咱是结合做伙,藉tio̍h他,天父mā kah咱结合做伙。

D. 第十七章,是耶稣基督ê祈祷文,总共有26节。Mā是四本福音书中siōng长ê一篇祈祷文。Thang分做三部分,就是先为家己祈祷(1到4节),koh讲为门徒代祷(5到19节),最后是为所有信ê人祈祷( 20到26节)。

40. 十四:1—14节,耶稣对门徒siōng大ê应允就是他去了后,iáu会koh再tńg来。Chit点一直是基督教会坚持基督耶稣会koh再临ê主要ê因素,因为这是耶稣亲嘴讲ê。当他beh升天ê时chūn,mā「有两个穿白衫ê人khiā tī门徒身边」,对门徒讲:「加利利人nah,为甚么khiā tī chia teh仰望天空?Chit位离开lín、被接升天ê耶稣,lín看见他怎样升天,他mā会怎样tńg来。」(使徒行传一:11)问题是甚么时chūn chiah是耶稣会koh来临ê时刻?是koh活了后?iáu是tī人死去ê时chūn?á是世界末日ê时刻?这一直是真chē人想beh知影ê,m̄-koh,耶稣并无说明。

A. 多马,这是门徒中hō͘咱印象深刻ê一位,因为伊bat讲beh亲手摸到耶稣,chiah beh相信耶稣是真正koh活(约翰福音二十:24—25)。伊问耶稣,既然m̄知影耶稣beh去ê所在,「怎样会知影ná条路?」怀疑,并m̄是têng-tâⁿ,重要ê是会提出来,á m̄是隐藏tī心里不讲。另外一点,对怀疑siōng好ê解惑方式,就是chhōe,努力chhōe。耶 稣讲chhōe必定会chhōe-tio̍h。如果kan-taⁿ会怀疑,却m̄知chhōe,怀疑永远bē解开,答案bē家己出现。

B. 「我是道路、真理、性命;若m̄是藉tio̍h我,无人ē-tàng到老父hia去。」这thang讲是耶稣对门徒,mā是对咱siōng重要ê宣告。Mā就是头前我讲过,耶稣一再强调ê,认识伊,就是认bat上帝仝款。Chit句话mā表明耶稣kah上帝之间有bē-tàng分ê关系。其实在犹太人ê观念中,所谓真理、道路kah性命是联做伙ê,无法度分开。Mā就是讲,有 真理ê所在,chiah有性命thang讲,因为真理是人性命生存之道。诗人án-ne写讲:「上主ah,求你指示我该行ê道路,我beh顺服你ê真理;求你教导我怎样敬畏 你。」(诗篇八十六:11)咱thang tùi诗篇中看tio̍h真chē类似ê诗句,lóng是写tio̍h上帝就是真理,他ê话就是性命ê亮光(一一九:105),是性命ê道路(十六:11)。耶稣用chit句「若m̄是藉tio̍h我,无人ē-tàng到老父hia去」,已经明白讲出,伊就是上帝tī世上ê记号。就是ná条通往上帝之家ê道路。

C. 第13到14节,耶稣重复地讲以伊ê名向上帝祈求,必定会有所得。因为伊就是祈祷ê保证者。这就是咱今á日祈祷ê时chūn,奉靠主耶稣ê名求ê原因。

经文:

约翰福音 21:1-21:14

注释:

61.廿一:1—14节,chit段经文是koh一pái记述有关耶稣koh活hō͘他ê门徒看见ê经过。故事ê经过真像路加福音第五章1到11节,耶稣呼召彼得兄弟kah雅各兄弟ê情景。

A. 原先,耶稣被钉死tī十字架上后,包括彼得在内,「所有ê门徒lóng离弃耶稣,逃走了。」(马可福音十五:50)众门徒以彼得带头,koh tńg来到加利利去重操旧业―― 掠鱼。In kah-ná想用chit种方式忘掉耶稣被钉死tī十字架上ê悲伤,á是讲心中ê极大失望。因为in bat弃sak一切所有ê跟tòe耶稣去了(路加福音五:11)。结 果耶稣被钉死tī十字架上。这bē hō͘人失望chiah怪。M̄-koh,就tī chiah-ê时chūn,koh活ê耶稣显现在in面前。

B. tùi第二十章kah chit一章记载有关耶稣koh活hō͘门徒看见ê记事来看,咱发现:众门徒是tī生活、工作中,一再发现耶稣无死,他是活活地tī in ê生活、工作中。

Mā thang讲,in每一工ê生活、工作,到处lóng ē-tàng看tio̍h耶稣就tī in身边,kah in同在。虽然耶稣是被钉死tī十字架上了,而且mā埋葬了。M̄-koh,tī门徒ê经验中,耶稣却是活活kah in做伙。连食饭lóng是án-ne感受。
C. 第14节讲chit-pái是第三pái显现。第一pái是tī第二十章19节,第二pái是tī第26 节。

重新查询