哥林多前书 8:1-8:8

注释:

16.第八章到第十章1节：
    这三章lóng是讲tio̍h有关食祭拜过偶像ê食物ê问题。

17.第八章：
对今á日ê基督徒来讲，这已经m̄是甚么重大ê问题，m̄-koh，对早期教会ê信徒来讲，这ē-sái讲是分辨一个人是m̄是真正信靠主耶稣ê基本信仰记号。所谓祭拜过ê食物，指ê是包括公开tī偶像神明面前祭拜过ê，当然mā是厝里准备以作为宴请亲朋好友ê佳肴。Koh讲是祭拜过了后ê食物，kā它送往市场贩卖。如果是犹太人，in对甚么物件thang食、bē-sái食lóng真清楚，bē有chit-ê问题。因为in连向外邦人买物件来食lóng有忌讳，koh-khah无可能食祭拜过ê食物了。M̄-koh，对外邦人来讲，chit-ê问题就显得格外重要。

18.第八章1到8节：
「关于祭过偶像ê食物」ê问题，先了解哥林多城ê人是怎样处理ê；ná亲像以色列人民teh处理祭坛顶献祭过ê食物仝款，beh kā献祭chhun落来ê某一个部分归hō͘众祭司食用（参考利未记二：3、10）。哥林多城ê人mā是án-ne，beh kā献祭hō͘神明ê食物留落来一部分分hō͘庙宇ê祭司，然后献祭者kah伊ê亲朋好友同齐分享，而且tī庙宇内设筵席欢乐。因此，食祭拜过偶像ê食物，其实mā是一种当时社会ê社交活动。Tī当时ê哥林多城，如果有人拒绝参加chit种宴席，会hō͘亲朋好友感觉真无hō͘伊面子，以后就会hō͘人拒绝往来。另外一方面，有ê时因为准备ê食物siuⁿ chē，á是邀请ê人比预期beh来ê人iáu-beh少而chhun落来siuⁿ过chē ê时chūn，就án-ne in会the̍h去菜市á，以比较sio̍k ê价格出卖。有kóa基督徒认为买了chit种食物，等于kah参加in ê拜拜仝款，心里会感觉非常ê无平安，这就是第7节所提起ê，in ê良心会有不安。Mā有ê信徒则无掠做当然，认为无关系，何况价钱koh比较sio̍k，对某一kóa信徒来讲真有诱惑力。因chit种问题tī教会内部有争执，就án-ne in写phe问使徒保罗。

第1到3节，使徒保罗对这问题订出一个基本ê原则，就是知识m̄是hō͘人骄傲，而应该是hō͘人ê疼心加添。因此，有丰富ê知识，就先关心信心软弱ê人。Chia所谓ê「知识」，是teh指对hiah-ê所拜ê偶像神明，知影lóng是虚假，bē有任何影响。因此，会用自高ê眼光看待hiah-ê拜偶像ê人。使徒保罗认为不应该有chit种态度。一个真正认bat上帝ê人，就是hō͘上帝所认bat ê人，chit种人lóng是会认为家己对上帝ê认bat无chē。Ē-sái讲是上帝却清楚甚么人是真正属tī他ê人，因为chit种人会遵行他ê旨意。

第4到6节，使徒保罗Tī chit段经文中，先提起偶像并m̄是真正神，因此，食了祭拜m̄是真正之神ê食物，无甚么值得紧张á是惊惶。因为基督徒所信ê神，kah一般人所信ê有真大差别；信耶稣ê人lóng应该是清楚知影，只有一位上帝，而且创造宇宙万物ê上帝。Kah拜偶像神明ê人所拜ê完全无仝；in拜真chē神，性命中有真chē主人teh管制in。M̄-koh基督徒只有一位主，就是koh活ê耶稣。第6节「万物lóng藉tio̍h伊而造」，chit句话thang参考约翰福音第一章1到4节kah罗马书第十一章36节。

第7到8节，chia使徒保罗提起，m̄是每一个人lóng有正确ê知识，认为偶像真灵，食了祭拜过偶像ê食物，就会大有能力。其实，真正有知识ê人会清楚知影，he是lóng无作用。因为偶ná像虚假ê，就算食了祭拜过偶像ê食物，mā无任何作用，根本m̄免惊惶。使徒保罗khah强调，无论祭祀礼仪jōa-ni̍h-á隆重，á是花费多高，chiah-ê lóng对改善人kah上帝之间ê关系一点帮助mā无。食了，无甚么利益，m̄食，mā无任何损失。意思就是，偶像就是无存在ê对象。

哥林多前书 16:13-16:24

注释:

16.第十六章13到24节：
Chit段经文是使徒保罗对哥林多教会信徒最后ê劝勉。使徒保罗ê书信lóng有一个特色，就是会附上一kóa向同工请安ê话。

第13到14节，这是使徒保罗对哥林多教会最后ê劝勉。伊用「khiā稳、勇敢、tú强」chiah-ê词句，lóng是平常罗马军队指挥官对属下兵士ê训词。信仰ná亲像teh相刣仝款，这是使徒保罗ê时常使用ê譬喻方式（参考以弗所书六：10—13）。第14节伊ài哥林多教会ê信徒「凭疼心去做」每一件事，这是非常重要ê提醒。因为chit-ê世界上，真正ē-tàng赢tio̍h胜利ê，m̄是武器，mā m̄是勇气，却是爱。

第15到19节，chia提供一则宝贵ê资料，就是司提法那（Su-te5-hoa-nah） kah伊ê家人，是亚该亚siōng早成做基督徒ê一个家庭，而且tī福音ê事工上真热心。Tī第一章16节记载chit-ê个家庭乃是使徒保罗亲自hō͘ in行洗礼ê。第17到18节提起司提法那（Su-te5-hoa-nah） kah福徒拿都（Hok-tu-ná-toh）、亚该古（A-khai-kó͘）等人，in可能就是第七章1节所提起ê，将哥林多教会写hō͘使徒保罗ê信带去ê人。第19节提起亚居拉kah百基拉chit对夫妇，in是罗马皇帝克劳第驱逐khiā起tī罗马城ê犹太人ê时，离开罗马来到哥林多，而tī哥林多城tú-tio̍h使徒保罗。Kah使徒保罗仝款，in mā是以「靠制造帐棚维持生活」，是使徒保罗ê好同工（参考使徒行传十八：1—4）。后来kah使徒保罗到以弗所去（参考使徒行传十八：18—19），当使徒保罗写chit封信ê时，chit对夫妻mā托使徒保罗带笔向哥林多教会ê信徒请安。Chia讲以弗所教会ê聚会地点是tī chit对夫妻ê厝里。可见当时ê教会规模并无大，m̄-koh对福音ê事工却真热心。

第20到24节，chia提起「以圣洁ê chim嘴彼此请安」，这是早期教会ê一个习惯，大家来到聚会ê所在，相见面ê时就彼此chim嘴，这是非常chiâⁿ恳ê态度。使徒保罗讲伊是亲手写上请安。不过mā有可能是伊请别人代笔，m̄-koh，由伊口述，当然所写ê内容是伊ê意思。第22节并m̄是使徒保罗书信会出现句，m̄-koh却tī chia出现，真可能是伊teh写此书信ê时，心情有kóa激动pah。