诗篇 98章1节 到 98章9节   背景资料  上一笔  下一笔
Chit篇mā是属tī o-ló上帝ná亲像君王ê诗,tī他ê治理之下ê人民,lóng会向chit位伟大ê君王唱出歌颂ê诗歌。Chit篇诗歌ê踏话头kah第九十六篇仝款,而且结尾mā是仝款。Koh tī最后一段(第九十六篇11到13节,对照第九十八篇7到9节)lóng有仝款ê主题,teh呼吁所有受造ê大海、大地,以及其中ê生物lóng tio̍h歌颂上帝。

第1到3节,tùi chit段诗歌中,thang看出chit首诗比较khah接近tùi受掠ê巴比伦tńg来国之作品,因为tī第3节提起上帝「谨守向以色列人所做ê应允」,然续后落来tī第3节ê c句讲「全地ê人lóng看tio̍h咱上帝ê救恩」,chit种句话清楚说明是以色列人民tī患难中得tio̍h解脱后,对上帝慈爱ê回应。

上帝「行了奇伟ê事」,chit种句话通常lóng是teh指上帝伸出救援ê手,带领以色列人民行出埃及,而且kā红海ê水分开,hō͘以色列人民平安地行过去,却同时埋葬了埃及大军tī红海中。续落来讲上帝以「大能kah神圣ê气力得tio̍h胜利」,chit句话kah以色列人民去相战有关系。诗人beh表达一个基本观念:若是无上帝同在出战,就无办法得tio̍h胜利。因为是上帝为以色列人民相战。Á上帝会出手相战,是为tio̍h beh拯救被欺压者脱离欺压者ê手。上帝会án-ne做,是为tio̍h beh实践他ê诺言,因为他是「信实」ê上帝,有「无变ê疼」。

第4到6节,「竖琴」、「号筒」、「号角」等乐器,lóng是以色列人民常有,而且是随身带ê乐器。竖琴,这是顾羊人手上ê弹弓,是一支藤条搭配tio̍h皮制ê细绳,thang用来攻击野兽,mā用来攻击来欺压ê对手,ná亲像大卫phah巨人歌利亚仝款。M̄-koh chit种弓,mā thang用来当竖琴ê乐器弹奏吟唱诗歌。号筒kah号角lóng是用羊角á是牛角制作而成ê吹号乐器。这说明in m̄-nā kan-taⁿ是用口吟唱,mā用chiah-ê随身带ê乐器伴奏歌颂上帝。

第7到9节,第7节是对称句型。「江河拍掌」,是teh指水涌打击ê声音。Á「群山」同齐「欢唱」,这是teh指风吹tio̍h树叶所发出来ê声音。这真清楚表示山、海lóng tio̍h齐声歌颂上帝。原因是上帝是统治者,他用「公义统治世界」,mā用「信实对待万民」。所有ê人lóng欢喜统治者用这两项来治理国家。


重新查询 专卷研经 诗篇系列
错误回报,请联系comm[@]fhl.net