诗篇 80章1节 到 80章19节   背景资料  上一笔  下一笔
Chit首诗篇kah第七十九篇真类似,不过历史背景却无相仝,lóng是属tī集体吟唱ê哀歌,是一首祈求上帝「复兴」以色列人民ê诗歌。

第1到3节,「以色列ê牧者」,这是圣经作者一再表达ê方式,上帝就是他ê子民ê牧者,他ê子民就是上帝ê羊群(参考诗篇廿三:1、七十四:1、七十八:52,以赛亚书十四:30、四十:11,以西结书三十四:11—16,弥迦书四:8、五:4)。进一步koh认为君王、领袖等,lóng是上帝委托ê牧者(参考历代志上十一:2,诗篇七十七:20、七十八:71—72,以赛亚书五十六:11,耶利米书廿五:34,以西结书三十七:24,撒迦利亚书十一:4)。

Tùi第2节诗句thang看出这是属tī北国以色列ê诗。因为án-ne,真可能指ê是主前721年亚述帝国入侵撒马利亚ê时代。

第3节提起「复兴咱」,kah第7节、第19节等等节仝款,是chit首诗篇ê「副歌」。

第4到7节,chit句「万军ê统帅」tī诗篇中一再出现,tī chit篇就出现有四pái ê chē(参考第7、14、19节)。Tī先知ê文献中,chit种方式称呼上帝比较khah chē,特别是先知以赛亚、耶利米、撒迦利亚等特别chē。作者ài用chit种句话来表示,上帝是一个大有能力ê救主,óa靠他就ē-tàng得tio̍h得救ê气力。诗人tī chia祈求上帝拯救in,复兴in,m̄-thang koh再hō͘仇敌「任意愚弄」in。

第8到13节,Tī chit段诗歌中,诗人用「葡萄树」来表示以色列民族。讲上帝就是tùi埃及kā chit棵葡萄树带出来,栽种tī新开垦ê土地顶面,chit种譬喻ê方式mā出现tī以赛亚书第五章1到2节。M̄-koh问题是这棵特选ê葡萄树苗,长大后却变了种,因为án-ne,hō͘上帝伤心,任它hō͘人践踏。

第14到19节,诗人祈求上帝重新看顾这棵他亲自精选ê葡萄树,重新栽培,hō͘伊茁壮起来。只要有上帝看顾、保守,in就ē-tàng兴旺起来,祈求上帝显示他ê慈爱。

重新查询 专卷研经 诗篇系列
错误回报,请联系comm[@]fhl.net